[ls]

@#/ /pra ti li tya nab sya gya rthA raM mu kta hI rA nwa dra ShTa rNA
pa nA ma pi ha ra ti sma

@#/ /rten 'brel bstod pa'i tshig don nyung dur bkrol ba zab don lta ba'i
'dren byed ces bya ba bzhugs so/

@01b @##/ /na mo gu ru wA gI shwa ra swa ra swa sti/ rten 'byung stod
pa'i nga ros rtag chad kyi/ /skad ngan sgrog pa'i wa skyes skrag
mdzad nas/ /snang stod kha ba'i ril rang phyogs

kun; ;sdud mdzad shA kya seng ger mgos phyag 'tshal/ /cher snyigs
lnga bdo'i smag gis byang phyogs 'gro'i/ /zab don lta ba'i go skabs
bkag gyur tshe/ /thugs bskyed mgyogs

'gros drangs pa'i tsha zer can/ /blo bzang nyin byed gangs can dgung
du shar/ /mgon des mgon po mnyam med zas gtsang sras/ /lha yi lha
la rten 'byung gsungs tshul las/ /  bstod pa'i bstod tshig legs bshad
snying po yi/ /tshig don tshig nyung bkrol la rna ba blogs/ /'dir rje
thams cad mkhyen pa blo bzang grags pa'i dpal gyis sangs rgyas

@02a @#/ /bcom ldan 'das la zab mo rten 'brel gsungs pa'i sgo nas bstod
pa/ legs par bshad pa'i snying po'i tshig don nyung ngur dgrol ba la
gsum/ klad kyi don

gzhung gi don/ mjug gi don ni/ /dang po ni/ na mo gu ru manydzu
g+ho ShA ya/ zhes pas ston la/ don ni/ rje bla mas bstod tshig rtsom pa'i
'gor/ 'dod don bde blag tu 'grub pa'i phyir/ bla

ma 'jam pa'i dbyangs la phyag 'tshal lo/ /zhes sgo gsum dwang bas 'dud
pa'o/ /gnyis pa la gnyis/ bstod pa dngos dang/ rtsom pa'i rgyu mtshan
bsngo ba dang bcas pa'o/ /

dang po la gsum/ mdor bstan pa/ rgyas par bshad pa/ don bsdu ba'o/
/dang po ni/ gang zhig gzigs shing zhes sogs tshigs bcad gcig gis ston
la/ don ni/ rten 'brel

@02b gang zhig rang gis gzigs shing gzhan la gsung pa kho na yis
mkhyen pa dang ston pa bla na med pa yin la/ des na rgyal ba go'u
ta ma rten cing 'brel par 'byung ba gzigs shing 'doms pa de la bdag
'dud

do zhes pa'o/ /gnyis pa la gnyis/ rten 'grel gyi sgo nas bstod pa'i rgyu
mtshan dang/ rten 'brel gyi sgo nas bstod pa dngos so/ /dang po la
gsum/ rten 'brel 'khor ba'i rtsa ba gcod byed du bstan pa/ rten 'brel
bstan

pa'i snying por bstan pa/ des na rten 'brel gyi sgo nas bstod pa
mchog tu bsngags pa'o/ /dang po ni/ 'jig rten rgud pa zhes sogs tshigs
bcad gcig gis ston la/ don ni/ 'jig rten na chags sogs kyi

rgud pa ji snyed yod pa de yi rtsa ba gang zag dang chos la dmigs
nas bden grub tu 'dzin pa'i ma rig pa ste/ rten 'brel rtogs pa'i shes rab
kyis gnas lugs gang zhig mthong bas 'khor ba'i rtsa ba ma rig

pa de ldog pa yin te/ de ldog byed rten cing 'brel par 'byung bar
rgyal bas gsungs pa'i phyir ro zhes pa'o/ /gnyis pa ni/ de tshe blo dang
zhes sogs tshigs bcad gcig gis ston la/ don ni/ rten 'brel 'khor

ba'i rtsa ba gcod byed du gsungs par go ba de'i tshe blo gros dang
ldan pa'i mkhas pa yis rten cing 'brel par 'byung ba'i lam de nyid/
thub pa khyod kyi bstan pa'i gnad dam snying po mthar thugs nyid
du ji snyed khong

@03a @#/ /du chud par mi 'gyur te 'gyur ro zhes pa'o/ /gsum pa ni/ de lta
lags na zhes sogs tshigs bcad gcig gis ston la/ don ni/ rten 'brel 'khor
ba'i rtsa ba gcod byed dang bstan pa'i snying po de

lta bu lags na/ mgon po bcom ldan 'das khyod la bstod pa'i sgor ni
mkhas pa su 'dra zhig gis btsal zhing brtags kyang/ rten nas 'byung
ba gsung pa'i sgo nas bstod pa las ngo mtshar bar gyur pa ci zhig
rnyed de mi

snyed do zhes pa'o/ /gnyis pa rten 'brel gyi sgo nas bstod pa dngos
la gnyis/ rten 'brel gzigs tshul gyi sgo nas spyir bstod pa dang/
gsungs tshul gyi sgo nas bye brag tu bstod pa'o/ /dang po la gsum/
rten 'brel  

 gzigs shing gsungs pas ston pa smra ba gzhan las khyad zhugs par
bsngags pa/ rten 'brel ji ltar gzigs shing gsungs pa'i tshul/ don bsdu
ba'o/ /dang po la gnyis/ bstan pa bla na med par sgrub pa dang/ ston
pa

bla na med par sgrub pa'o/ /dang po la gnyis/ rten 'brel gsungs pa
legs 'doms kyi mchog tu bstan pa dang/ gsungs pa'i rten 'brel spros
pa'i dra ba gcod byed du bstan pa'o/ /dang po ni/ gang gang rkyen la
zhes sogs

tshig bcad gcig gis ston la/ don ni/ chos gang dang gang rkyen la
rag las pa de dang de rang bzhin gyis grub pas stong ngo zhes
gsung pa 'di las ya mtshan pa'i legs 'doms kyi tshul ni ci zhing yod de 

@03b med ngo zhes pa'o/ /gnyis pa ni/ gang du bzung bas zhes sogs
tshigs bcad gcig gis ston la/ don ni/ rten 'brel yin pa'i rgyu mtshan gyis
bden grub gang du bzung bas na byis pa dngos smra ba rnams rtag
chad kyi mthar 'dzin

pa'i 'ching ba mi zhig par brtan par byed pa de nyid mkhas pa dbu ma
pa rnams la mthar 'dzin gyi spros pa yi dra ba ma lus par gcod pa'i
sgo dam pa yin te/ /rten 'brel yin pa'i rgyu mtshan gyis bden med du
'dod pas

so zhes pa'o/ /gnyis pa ston pa bla na med par sgrub pa la gnyis/ rten
'brel ston pa smra ba gzhan las khyad zhugs tshul dang/ de lta bu'i
ston pa bla na med pa la phyag 'tshal ba'o/ /dang po ni/ bstan 'di
gzhan du zhes sogs tshigs

bcad gcig gis ston la/ don ni/ zab mo rten 'brel gyi bstan pa bla na
med pa 'di khyod kyi lugs las gzhan du yod pa ma mthong bas na
ston pa zhes bya ba ni go'u ta ma khyod gcig pu nyid de/ dper na/ wa
skyes la ni seng ge'o

zer ba bzhin du mu stegs can gser skya dang gzegs zan sogs la'ang
gcam bu'i ste bcos ma'i tshig gis ston pa drug sogs su 'bod mod kyi
mtshan nyid tshang ba'i ston pa ni min no zhes pa'o/ /gnyis pa ni/ e
ma'o ston

pa zhes sogs tshigs bcad gcig gis ston la/ don ni/ e ma'o ste ngo
mtshar bas khyod ni rten 'brel zab mo 'doms pa'i ston pa bla na med
pa dang/ e ma'o khyod ni 'jigs pa'i skyabs gnas bslu ba med pa dang/
e

@04a @#/ /ma'o khyod ni smra ba rnams kyi nang nas mchog tu gyur pa
dang/ e ma'o khyod ni phongs pa rnams kyi mgon po zla dang bral
ba yin la/ des na rten cing 'brel par 'byung ba legs par gsung ba'i
ston pa

bla na med pa de la bdag phyag 'tshal lo zhes pa'o/ /gnyis pa rten 'brel
ji ltar gzigs shing gsungs pa'i tshul la gsum/ rang bzhin stong pa rten
'brel gyi don du gsungs tshul/ de ltar ma rtogs na bstan pa'i

snying po mi rtogs par bstan pa/ rtogs na ston pa la tshad ma'i dad
pa skye bar bstan pa'o/ /dang po la gnyis/ rgyas par bstan pa dang/
bsdus te bstan pa'o/ /dang po la gnyis/ stong pa dang rten 'brel don
gcig tu mi 'dod

pas thub pa'i bzhed pa mi rtogs par bstan pa dang/ stong pa dang
rten 'brel don gcig pa thub pa'i bzhed pa mchog tu sgrub pa'o/ /dang
po ni/ phan mdzad khyod kyis zhes sogs tshigs bcad gnyis kyis ston la/

don ni/ phan par mdzad pa khyod kyis gdul bya'i 'gro ba la smon pa'i
slad du bka' stsal pa'i bstan pa'i snying po rang bzhin gyis stong pa
nyid nges par byed pa'i rgyu mtshan nam thabs 'gran zla med pa ni/
rten cing 'brel

par 'byung ba'i tshul te rtags yin pa la dngos smra bas khyab pa 'gal
ba dang ni/ mu stegs pas rtags ma grub par mthong zhing 'dod pa 'di
yis ston pa khyod kyi lugs bla na med pa 'di ji ltar khong du chud
par

@04b 'gyur te mi 'gyur ro zhes pa'o/ /gnyis pa la gsum/ rang bzhin gyis
stong pa la bya byed 'thad cing ldog phyogs la mi 'thad par bzhed
pa/ chos thams cad rten 'brel yin pa'i rgyu mtshan gyis rang bzhin
gyis stong par

gsungs tshul/ tshul des ston pa smra ba bla na med par grub pa'o/
/dang po la gsum/ rang bzhin gyis stong pa la bya byed 'thad par
bzhed pa/ ldog phyogs la mi 'thad pas rtag chad du ltung bar bzhed
pa/ des na rten 'brel mthong

ba legs par bsngags pa'o/ /dang po ni/ khyod ni nam zhig ces sogs
tshigs bcad gcig gis ston la/ don ni/ ston pa khyod ni nam zhig gi tshe
rang bzhin gyis stong pa nyid rten cing 'brel par 'byung ba'i don du
mthong ba na/

chos thams cad rang bzhin gyis ni gdod ma nas stongs pa dang/
gnas skabs su tha snyad tsam du bya byed thams cad 'thad ldan slu
med du 'jog pa 'di mi 'gal zhing mthun par bzhed do zhes pa'o/ /gnyis
pa ni/ de las

ldog par zhes sogs tshigs bcad gcig gis ston la/ don ni/ sngar bshad
pa de las ldog par mthong ba na rang bzhin gyis stongs pa la bya
ba byed pa thams cad mi rung zhing/ gnas skabs su rgyu 'bras sogs
bya ba

byed pa dang bcas pa la rang bzhin gyis stong pa nyid med pas na/
mthar lta nyam nga ba'i g.yang du ltung bar bzhed do zhes pa'o/
/gsum pa ni/ de phyir khyod kyi zhes sogs tshigs bcad gcig gis ston la/
don ni/ gong

@05a @#/ /gi rgyu mtshan de'i phyir ston pa khyod kyi bstan pa la rten
cing 'brel par 'byung ba'i gnas lugs mthong ba legs par bsdags shing/
rten 'brel gyi gnas lugs de yang tha snyad du'ang kun tu med pa

dang rang bzhin gyis ni yod par lta bas mthong ba min no zhes pa'o/
/gnyis pa chos thams cad rten 'brel yin pa'i rgyu mtshan gyis rang
bzhin gyis stong par gsungs tshul la bzhi/ chos thams cad ltos nas
grub pas

rten 'brel du bstan pa/ rten 'brel du grub pas rang bzhin gyis stong
par bstan pa/ rang bzhin gyis grub na myang 'das sogs mi rung par
bstan pa/ gsung de rnams la rgol ba gzhan gyis glags mi rnyed par
bstan pa'o/ /dang po

ni/ bltos med nam mkha'i zhes sogs tshigs bcad gcig gis ston la/ don
ni/ bstos med kyi chos ni nam mkha'i me tog bzhin gzhi ma grub pa
yin la des na ma brten pa'am ma bltos par grub pa'i 'dus

byas dang 'dus ma byas kyi chos cung zad kyang yod pa ma yin te/
chos thams cad ngo bos grub na chos de 'grub pa 'dus byas rgyu
dang rkyen tshogs pa dang/ 'dus ma byas cha shas tshogs pa la bltos
nas grub dgos pa

'gal lo zhes pa'o/ /gnyis pa ni/ de phyir brten nas zhes sogs tshigs bcad
gcig gis ston la/ don ni/ gong gi rgyu mtshan de'i phyir brten nas
'byung ba las ma gtogs pa'i chos 'ga' yang yod pa min

@05b pas na/ ston pa khyod kyis rang bzhin gyis ni stong pa las ma
gtogs pa'i chos 'ga' yang med par gsungs so zhes pa'o/ /gsum pa ni/
rang bzhin ldog pa zhes sogs tshigs bcad gcig gis ston la/ don ni/ ngo

bos grub pa'i rang bzhin gzhan du ldog pa med pa'i phyir chos rnams
la ngo bos grub pa'i rang bzhin 'ga' yod na mya ngan las 'das pa
thob pa mi rung zhing mthar 'dzin gyi spros pa kun kyang ldog pa
med par gsungs

so zhes pa'o/ /bzhi pa ni/ de phyir rang bzhin zhes sogs tshigs bcad gcig
gis ston la/ don ni/ gong gi rgyu mtshan de'i phyir ston pa khyod kyis
chos thams cad la ngo bos grub pa'i rang bzhin rnam par bral lo
zhes

bag tsha ba med pa'i seng ge'i sgra yis yang dang yang du mkhas pa'i
tshogs su legs par gsungs pa 'di la phas rgol su yis 'god bar nus te
klan ka bya mi nus so zhes pa'o/ /gsum pa tshul nges ston pa smra ba
bla

na med par grub pa ni/ rang bzhin 'ga' yang zhes sogs tshigs bcad
gnyis kyis ston la/ don ni/ chos gang gi steng du 'ang rang bzhin
gyis grub pa 'ga' yang med pa dang/ tha snyad tsam du rgyu 'di la
brten nas 'bras bu

'di 'byung ngo zhes bya ba la sogs pa'i rnam gzhag thams cad 'thad
pa gnyis mi 'gal bar ma zad gcig grogs su gcig 'du bar gsungs pa 'di
khyod kyi smra ba bla na med pa'i rgyur 'gro ba smos ci dgos/ rkyen
'di

@06a @#/ /pa tsam gyi brten nas 'byung ba'i rgyu mtshan gyis dngos smra
ba sogs rtag chad kyi mthar 'dzin pa'i lta ba la mi brten no zhes
legs par gsungs pa 'di ni mgon po khyod kyi smra ba bla na med pa'i
rgyu dam pa

yin no zhes pa'o/ /gnyis pa bsdus te bstan pa ni/ 'di kun ngo bos zhes
sogs tshigs bcad gnyis kyis ston la/ don ni phyi nang gi dngos po 'di
dag kun tha snyad kyis btags pa tsam ma gtogs btags don ngo bos

grub pas stong pa dang/ ma brtags ma dpyad par tha snyad tsam du
rgyu 'di las 'bras bu 'di 'byung ba yi nges pa gnyis po phan tshun du
gegs med par ni ma zad gcig gis gcig shos la nges pa 'dren pa'i grogs

byed pa 'di las ngo mtshar bar gyur pa dang/ 'di las rmad du byung ba
gang zhig yod de med la/ des na zab mo rten 'brel gsung ba'i tshul
'dis thub pa khyod la bstod na ni bstod pa bla na med par 'gyur gyi
yon tan gzhan

gyi sgo nas bstod na de tsam du bstod par 'gyur ba min no zhes pa'o/
/gnyis pa de ltar ma rtogs na bstan pa'i snying po ma rtogs par bstan
pa la bzhi/ rten 'brel khas blangs nas stong pa mi 'dod pa bzhad
gang du

bstan pa/ dngos smra bas bstan pa'i snying po ma rtogs par bstan pa/
rang bzhin dang rten 'brel 'gal bar bstan pa/ des na chos thams cad
sgyu ma lta bur gsung tshul lo/ /dang po ni/ rmongs pas bran du zhes
sogs

@006b tshigs bcad gnyis kyis ston la/ don ni/ yid rmongs pas lhag par
bran du bzung ba yis rgol ba gang zhig ston pa khyod dang zhe
'gras pa'i mu stegs can de yis rang bzhin med pa'i sgra mi bzod par
gyur pa la

mtshar du ci zhig yod de med la/ de bas ston pa khyod kyi gsung gi
gces pa'i mdzod mthar thug pa brten nas 'byung bar khas blangs nas
chos thams cad rang bzhin gyis stong pa nyid do zhes pa'i seng ge'i
nga ro mi bzod

pa'i dngos smra ba'i skye bo 'di rnams la kho bo blo bzang grags pa
ches ngo mtshar zhing khrel bar gyur to zhes pa'o/ /gnyis pa ni/ rang
bzhin med la zhes sogs tshigs bcad gnyis kyis ston la/ don ni/ dngos
po'i gnas lugs

rang bzhin med pa la bkri ba'i ste 'khrid pa'i sgo'am thabs bla na med
pa rten cing 'brel 'byung gi ming nyid kyis ni dngos po rnams rang
bzhin gyis grub pa nyid du 'dzin par byed na da ko ste da ni dngos
smra ba'i skye bo 'di rnams

'phags mchog rnams kyis legs par bgrod pa'i 'jug ngogs zla thams
cad dang bral bar gyur pa ston pa khyod dgyes par gyur pa'i stong
nyid rtogs pa'i lam bzang po der/ thabs gang zhig gis ni tshul ji ltar
bkri

bar bya ste 'khrid par byar med do zhes pa'o/ /gsum pa ni/ rang bzhin
bcos min zhes sogs tshigs bcad gcig gis ston la/ don ni/ rang bzhin
gyis grub pa chu'i tsha ba ltar gsar du bcos pa min pa/ bran ltar

@07a @#/ /gzhan la bltos pa med pa dang/ rten 'brel bltos nas grub pa
dang gsar du bcos ma gnyis po ji lta bur na gzhi gcig la mi 'gal bar
gzhi mthun du 'du ba nyid du 'gyur te mi 'gyur ro zhes

pa'o/ /bzhi pa ni/ de phyir brten nas zhes sogs tshigs bcad gcig gis ston
la/ don ni/ rgyu mtshan gong gi de'i phyir brten nas 'byung ba'i chos
gang yin pa thams cad ngo bos grub pa'i rang bzhin gyis ni ye gdod
ma

nas rnam par dben nas med kyang rang bzhin der grub pa ltar
snang bas na/ rten 'byung gi chos 'di dag kun ston pa khyod kyis
sgyu ma ji lta ba bzhin du gsungs so zhes pa'o/ /gsum pa rtogs na
ston pa la tshad ma'i nges shes skye

bar bstan pa la gsum/ dngos po'i gnas lugs bstan pas nges shes skye
tshul/ legs nyes kyi yon tan dang skyon mthong bas nges shes skye
tshul/ gsung gi don rtogs bas bde ba ster tshul lo/ /dang po la gnyis/
dngos

po'i gnas lugs bstan pas gzhan gyis klan ka med pa dang/ rten
'byung la rjes su dpags nas gsung gzhan la'ang nges shes skye tshul
lo/ /dang po ni/ khyod kyis ji ltar zhes sogs tshigs bcad gnyis kyis ston

la/ don ni/ ston pa khyod kyis gsung rab ji ltar bstan pa la phas kyi
rgol ba 'ga' zhig gis kyang chos mthun du glags mi rnyed par
gsungs pa yang yid ches pa'i gnas su rten 'byung gi gsung 'di nyid kyi

@07b rjes su dpags nas ni legs par khums te/ rgyu mtshan ci'i slad du
khums par gyur ce na rten 'brel gyi rigs pa 'di nyid bshad pas
mthong ba mngon gyur dang/ ma mthong ba lkog gyur gyi dngos
po rnams la sgro 'dogs

pa dang skur 'debs kyi go skabs rgyangs ring du mdzad pa'i phyir ro
zhes pa'o/ /gnyis pa ni/ khyod kyi smra ba zhes sogs tshigs bcad gcig gis
ston la/ don ni/ ston pa khyod kyi smra ba 'gran zla med par
mthong ba'i rgyu mtshan

mthar thug pa rten 'byung gi lam 'di nyid kyis ni/ khyod kyi gsung
rab gzhan rnams la yang tshad mar gyur pa yin par nges pa skye'o
zhes pa'o/ /gnyis pa legs nyes kyi yon tan dang skyon mthong bas
nges shes skye tshul

la gsum/ ston pa'i bstan pa legs tshogs kyi rtsa bar bstan pa/ phyi rol
pa'i lugs nyes brgya'i 'byung gnas su bstan pa/ legs nyes de ltar
rtogs nas ston pa la nges shes kyis gus tshul lo/ /dang po ni/ don

bzhin gzigs nas zhes sogs tshigs bcad gcig gis ston la/ don ni/ gnas
lugs kyi don ji lta ba bzhin du gzigs nas legs par gsung pa'i ston pa
khyod kyi rjes su slob pa la chags sogs rgud pa

thams cad rgyangs ring du gyur pa yin te/ nyes tshogs kun gyi rtsa
ba bdag tu lta ba ldog pa'i phyir ro zhes pa'o/ /gnyis pa ni/ khyod kyi
bstan las zhes sogs tshigs bcad gcig gis ston la/ don ni/ ston pa

@08a @#/ /khyod kyi bstan pa las phyir phyogs pa'i mu stegs pas ni dka'
thub dang me lnga bsten pa sogs yun ring po'i bar du ngal ba bsten
par byas kyang/ phyi phyir te slar yang skyon chags sogs rnams

kho bo cag la shog cig ces bos pa bzhin du gyur nas rang rgyud la
lhan skyes dang kun btags kyi bdag tu lta ba brtan byed du song
ba'i phyir ro zhes pa'o/ /gsum pa ni/ e ma'o mkhas pas zhes sogs tshigs
bcad

gcig gis ston la/ don ni/ ngo mtshar bas e ma'o mkhas pas legs nyes
'di gnyis kyi khyad par khong du chud par gyur pa de'i tshe kha tsam
min par rkang gi khong nas ni/ ston pa khyod kho na la ci'i phyir
gus par mi

'gyur te 'gyur ro zhes pa'o/ /gsum pa gsung gi don rtogs pas bde ba
ster tshul la gsum/ bde ba ster tshul dngos bstan pa/ rang nyid dma'
dbab pa/ gzengs bstod pa'o/ /dang po ni/ khyod gsung du ma zhes

sogs tshigs bcad gcig gis ston la/ don ni/ ston pa khyod kyi gsung gi
don du ma legs par rtogs pas ci zhig smos te zer gang dgos/ gsung
gi cha shas phra mo re yi don tsam la'ang 'ol spyi tsam gyi nges pa

rnyed pa de la'ang mchog gi bde ba ster ro zhes pa'o/ /gnyis pa ni/ kye
hud bdag blo zhes sogs tshigs bcad gcig gis sngon la/ don ni/ yid ...? 

@08b pa 'di 'dra ba'i yon tan gyi phung po chen po'i ston pa khyod la
dus yun ring po nas skyabs su song bar gyur kyang/ khyod kyi yon
tan gyi cha shas tsam yang bdag la ma 'tshal bar gyur to zhes pa'o/
/gsum pa ni/ /'o na

kyang 'chi bdag ces sogs tshigs bcad gcig gis ston la/ don ni/ de ltar
yid byung mod 'o na kyang 'chi bdag gi khar phyogs pa'i srog gi
rgyun ni ma nub kyi bar du/ ston pa khyod la rigs pa yang dag la
brten nas cung zad

yid ches pa 'di yang skal ba bzang ngo snyam pa bgyid do zhes pa'o/
/gsum pa don bsdu ba ni/ ston pa'i nang na zhes sogs tshigs bcad gcig
gis ston la/ don ni/ ston pa'i nang na rten 'brel ston pa'i ston pa
dang/ she

rab kyi nang na rten 'brel shes pa'i shes pa gnyis po dper na 'jig rten
dag na rgyal ba'i dbang po nyid gzhan las khyad par du 'phags pa
bzhin du shin tu phul du byung ba lags par ston pa khyod kho nas
mkhyen gyi

ser skya sogs gzhan gyis de ltar rtogs pa min no zhes pa'o/ /gnyis pa
rten 'brel gsung tshul gyi sgo nas bye brag tu bstod pa la gsum/ rten
'brel gsung tshul dgos pa dang bcas pa/ thub pas nan tan gyis

bsgrubs pa'i chos tshul zab mo rtogs par bzhed pa 'khrungs tshul/ de
la brten nas thub pa'i dgongs pa ji ltar btsal ba'o/ /dang po la gsum/
thub pas gdul byas myang 'das thob phyir du rten 'brel bsten tshul/

@09a @#/ /de ltar bstan pa'i bstan pa 'dzin par gus pa'i rgyu mtshan/
gzung bya bstan pa rin po che'i che ba bshad pa'o/ /dang po ni/ khyod
kyis ji snyed ces sogs tshigs bcad gcig gis ston la/ don ni/ ston

pa khyod kyis gsung rab ji snyed cig bka' stsal pa thams cad brjod
bya rten 'brel nyid las brtsams te 'jug la/ de yang gdul byas mya
ngan las 'das pa'i go 'phang thob pa'i phyir yin te/ gdul bya'i nyon
mongs

pa zhi thabs su 'gyur ba mi mdzad pa'i gsung rab ston pa khyod la
med do zhes pa'o/ /gnyis pa ni/ kye ma'o khyod kyi zhes sogs tshigs
bcad gcig gis ston la/ don ni/ kye ma'o ston pa khyod kyi bstan pa
rin po

che ni/ gdul bya gang gi rna ba'i lam du song ba'i gdul bya de dag
thams cad tshegs chung dus zhi ba myang 'das thob par 'gyur ba'i
phyir/ ston pa khyod kyi bstan pa 'dzin par mkhas pa su zhig mi gus
te gus so zhes

pa'o/ /gsum pa ni/ phas rgol mtha' dag ces sogs tshigs bcad gcig gis
ston la/ don ni/ mu stegs byed sogs phas kyi rgol ba mtha' dag 'joms
pa dang/ ltag dang 'og mi mthun pa'i 'gel

'dus stongs pa dang/ khams gsum skye dgu'i gnas skabs dang mthar
thug gi 'dod don gnyis bde blag tu ster bar byed pa'i khyad chos
gsum dang ldan pa'i ston pa khyod kyi lugs bzang po 'dir/ kho bo
blo bzang

@09b grags pa spro ba ches cher 'phel lo zhes pa'o/ /gnyis pa thub pas
nan tan gyis bsgrubs pa'i chos tshul zab mo rtogs par bzhed la
'khrungs tshul la gnyis/ thub pas nan tan gyis bsgrubs tshul dang/ de
rtogs par

bzhed pa 'khrungs tshul lo/ /dang po ni/ 'di yi phyir du zhes sogs tshigs
bcad gcig gis ston la/ don ni/ chos tshul zab mo 'di nyid rtogs pa yi
phyir du ston pa khyod kyis ni gnas skabs la lar sku lus dang la/
zhan

dag tu srog dang/ bu dang chung ma sogs snying du sdug pa'i gnyen
dang/ zas gos bzhon pa sogs longs spyod kyi tshogs rnams grangs
med pa'i bskal pa mang por yang nas yang du btang nas bsgrubs so
zhes pa'o/ /gnyis

pa la gsum/ rten 'byung gi chos ston pa las ma thos pas skal ba zhan
tshul/ des thugs la mya ngan 'khrungs tshul/ slar ston pa nyid kyi
gsung la bsams pas zhi tshul lo/ /dang po ni/ gang gi yon tan zhes
sogs

tshigs bcad gcig gis ston la/ don ni/ stong nyid kyi chos gang gi yon
tan rtogs pa tsam gyis srid pa'i rtsa ba gcod par mthong ba yis dper
na/ lcags kyus nya la ji lta ba de bzhin du ston pa nyid kyi thugs
lhag

par drangs pa'i rten 'brel gyi chos tshul zab mo de ni/ ston pa khyod
rang las dngos su ma thos pas na bdag cag skal ba zhan no zhes
pa'o/ /gnyis pa ni/ de yi mya ngan zhes sogs tshigs bcad gcig gis ston
la/

@010a @#/ /don ni/ gong gi skal ba zhan no snyam pa de yi mya ngan gyi
shugs kyis ni/ dper na/ sdug cing yid du 'ong ba'i bu shi ba la ma yi yid
rjes su song ba ji lta ba bzhin du bstod pa po bdag gi yid ni

gtong bar mi byed do zhes pa'o/ /gsum pa ni/ 'di la'ang khyod gsung
zhes sogs tshigs bcad gcig gis ston la/ don ni/ gong gi tshul 'di la'ang
ston pa khyod kyi gsung rab kyi don la bsam pa na/ sku

mtshan dpe'i dpal gyis gzi brjid rab tu 'bar zhing 'od kyi dra ba 'dom
gang gis yongs su bskor ba'i mnyam med ston pa de yis/ gsung yan
lag lnga dang ldan pa'i tshangs pa'i dbyangs kyis gsung rab 'di

ni tshul 'di ltar du gsungs so snyam du yid kyi me long la thub pa'i
dbang po khyod kyi gzugs brnyan gyi ni/ rnam pa shar ba tsam yang
dper na/ tsha ba yi reg byas gdungs pa la zla ba'i 'od zer shin tu bsil

ba bzhin du sman te phan no zhes pa'o/ /gsum pa de la brten nas thub
pa'i dgongs pa ji ltar btsal ba la gsum/ 'tshol ba'i rgyu mtshan/ btsal
ba'i tshul/ rnyed pa'i tshul lo/ /dang po ni/ de ltar rmad du zhes

sogs tshigs bcad gcig gis ston la/ don ni/ thub pa'i dgongs pa 'tshol ba'i
rgyu mtshan sngar bshad pa de ltar chos rmad du byung ba yi rten
'brel gyi lugs bzang po de yang rgya bod kyi mi mkhas pa'i skye bo

@010b mkhas par rlom pa rnams kyis/ dper na/ g.ya' spang du skye ba'i
rtswa bal pa dza bzhin du rnam pa kun tu 'khrugs shing 'dzings par
byas pas so zhes pa'o/ /gnyis pa ni/ tshul 'di mthong nas zhes sogs tshigs
bcad

gcig gis ston la/ don ni/ gong gi snang tshul 'di mthong nas bstod pa
po bdag gis ni 'bad pa du mas thub pa'i dgongs pa 'grel ba la tshad
mar gyur pa'i rgya gar gyi mkhas pa yi rjes su 'brangs nas/ ston pa

khyod kyi ni dgongs pa yang dang yang du btsal lo zhes pa'o/ /gsum
pa la gnyis/ re zhig ma rnyed pa'i tshul dang/ mthar rnyed tshul lo/
/dang po ni/ de tshe rang gzhan zhes sogs tshigs bcad gcig gis ston la/
don

ni/ thub pa'i dgongs pa btsal ba de'i tshe rang rang gzhan gyi sde pa
yi gzhung lugs ches mang po dag la sbyangs pa na/ phyi phyir te slar
yang de dag gi bshad srol ma mthun pa la brtan nas the tshom gyi
dra ba yis tsho la ba

po bdag gi yid ni kun tu gdungs shing rmongs so zhes pa'o/ /gnyis pa
ni/ khyod kyi bla med ces sogs tshigs bcad gsum gyis ston la/ don ni/
ston pa khyod kyis bla na med pa'i theg pa'i tshul yod pa dang med
pa'i

sgro skur gyi mtha' spangs te rgyal ba'i yum ji lta ba bzhin dgongs
pa 'gral bar lang gshegs su lung bstan pa'i 'phags mchog klu sgrub
kyi gzhung lugs rtsa shes la sogs pa'i kun da'i tshal lta bu de/ dri

@11a @#/ /ma med pa'i mkhyen pa'i dkyil 'khor ni rgyas/ gsung rab kyi
nam mkha' la thogs pa med par ni rgyu/ gdul bya'i rtag chad kyi
mthar 'dzin pa'i snying gi mun pa ni sel/ zab don

log par smra ba'i rgyu skar ma lus pa zil gyis gnon pa'i dpal ldan
zla ba grags pa'i tshig gsal la sogs pa'i legs bshad kyi 'od zer dkar po'i
'phreng bas gsal bar byas pa'i rtsa bshad kyi

don/ bla ma 'jam pa'i dbyangs kyi bka' drin gyis blo gros kyi mig gis
mthong ba'i tshe blo bzang grags pa bdag gi yid kyi gdung ba zhi ba'i
ngal gso thob par gyur to zhes pa'o/ /gsum pa don bsdu ba ni/

mdzad pa kun las zhes sogs tshigs bcad gcig gis ston la/ don ni/ thub
pa'i mdzad pa kun las gsung gi mdzad pa ni mdzad pa rnams kyi
mchog yin cing/ gsung gi mdzad pa de yang ni rten 'brel

gsung pa 'di kho na nyid yin pa'i phyir bstan pa'i gnad rig pa'i mkhas
pa yis/ bstod pa 'di las sangs rgyas rjes su dran par byos shig ces pa'o/
/gnyis pa rtsom pa'i rgyu mtshan bsngo ba dang bcas

pa la gnyis/ rtsom pa'i rgyu mtshan dang/ bsngo ba'o/ /dang po ni/
ston de'i rjes su zhes sogs tshigs bcad gcig gis ston la/ don ni/ rten
'brel gyi sgo nas bstod pa'i rgyu mtshan ston pa bla na med pa de'i rjes

@011b su rab tu byung bar gyur te/ rgyal ba'i gsung rab mtha' dag la
sbyangs pa mi dman par che zhing/ thos don nyams len gyi rnal
'byor spyod pa la brtson pa'i blo bzang grags pa zhes bya ba'i dge
slong mdo rgyud 'dzin pa

zhig /drang srong chen po sangs rgyas bcom ldan 'das de la tshul de
ltar gus pas so zhes pa'o/ /gnyis pa la lnga/ tshe rabs thams cad du
dge ba'i bshes gnyen gyis rjes su 'dzin par smon pa/ bstan pa'i ngang
tshul

shes nas ston pa la yid ches par smon pa/ lus srog la mi lta bar thub
bstan 'dzin par smon pa/ rten 'brel zab mo'i lugs 'phel thabs lhur len
par smon pa/ de ltar brtson pa la bstan srung rnams kyis

grogs mdzad par smon pa'o/ /dang po ni/ ston pa bla na zhes sogs
tshigs bcad gcig gis ston la/ don ni/ ston pa bla na med pa'i bstan pa
rin po che dang mjal ba'i skal bzang 'di 'dra ni bla ma'i bka' drin yin

pas/ bstod pa bgyis pa'i dge ba 'di yang 'gro ba ma lus pa thams cad rje
btsun 'jam dbyangs lta bu'i dge ba'i bshes gnyen dam pa mtshan nyid
dang ldan pas mnyes bzhin du rjes su 'dzin pa'i rgyu ru bsngo'o

zhes pa'o/ /gnyis pa ni/ phan mdzad de yi zhes sogs tshigs bcad gcig gis
ston la/ don ni/ 'gro la phan par mdzad pa'i ston pa de yi bstan pa
rin po che'ang srid pa'i mthar thug gi bar du/ bdud rigs

@012a @#/ /ngan par rtogs pa'i rlung gis dus nam yang mi g.yo zhing/
bstan pa'i legs pa'i ngang tshul shes nas de gsung pa'i ston pa la yid
lhag par ches pa'i dad pa rnyed pa'i 'gro bas dus rtag du

sa steng thams cad gang bar shog cig ces pa'o/ /gsum pa ni/ brten nas
'byung bas zhes sogs tshigs bcad gcig gis ston la/ don ni/ brten nas
'byung bas de kho na nyid kyi don gsal bar mdzad pa'i

thub pa'i lugs bzang po 'di nyid skye ba nas tshe rabs thams cad du lus
dang srog kyang yal bar btang nas 'chad rtsod rtsom gsum gyi sgo
nas 'dzin pa la dus skad cig tsam yang lhod cing g.yel bar ma gyur
cig

ces pa'o/ /bzhi pa ni/ 'dren pa mchog des zhes sogs tshigs bcad gcig gis
ston la/ don ni/ 'dren pa mchog shAkya'i rgyal po des dka' ba brgya
phrag dpag med kyi sgo nas nan tan snying por mdzad nas

bsgrubs pa'i bstan pa rin po che 'di/ thabs mkhas gang 'dra zhig gi
sgo nas 'phel bar 'gyur rab snyam pa'i rnam par dpyod cing rtog pas
nyin mtshan gyi dus 'da' bar shog cig ces pa'o/ /lnga pa

ni/ lhag bsam dag pas zhes sogs tshigs bcad gcig gis ston la/ don ni/
lhag pa'i bsam pa rnam par dag pas bstan pa rgyas byed kyi tshul der
brtson pa'i tshe na tshangs pa dang/ dbang po dang/

@012b 'jig rten skyong ba bzhi dang/ legs ldan nag po phyag drug pa
la sogs pa'i chos skyong ba'i srung ma mthu rtsal can rnams kyis
kyang dus skad cig kyang g.yel ba med par rtag tu grogs byed par
shog cig ces

pa'o/ /gsum pa mjug gi don ni/ ces sangs rgyas bcom ldan 'das 'jig rten
thams cad kyi ma 'dres pa'i mdza' bshes chen po ston pa bla na med
pa la/ zab mo rten cing 'brel par 'byung ba gsung pa'i

sgo nas bstod pa legs par bshad pa'i snying po zhes bya ba 'di ni/
mang du thos pa'i dge slong blo bzang grags pa'i dpal gyis/ gangs
khrod kyi gangs ri'i dbang po'i de gung rgyal gyi lha zhol dben
gnas lha'i

sdings ming gzhan rnam par rgyal ba'i gling zhes bya bar sbyar ba'i
yi ge pa ni nam mkha' dpal lo/ /zhes pas ston la/ don ni/ go sla ba'i
phyir ma bris so/ /smras pa/ rab 'byams chos phung chu phran ji snyed

pa/ /chos nyid stong pa'i rgya mtshor 'bab gsung na/ /rab tu brjod dka'
thub mchog yon tan gyi/ /chos kun rten 'byung bstod par cis mi 'dus/
/de phyir blo bzang lha chen gtsug skyes mkhar/ /grags pa'i zla

gzhon dkar ba'i gzugs 'dzin mes/ /gdul bya'i blo mun bsal dang lhan
cig par/ /phyir rgol rtse dga'i bla ma'i rags lus bsregs/ /mgon de'i
gsung pad 'dab rgya dgrol dka' ba/ /dge la 'dun

@013a @#/ /pa rgya mtsho'i phu po yi/ /rnam dpyod zer gyis bkrol te tshig
don bcud/ /myong bzhed b+hra ma ra la skal bzang byin/ /de phyir yan
lag klu yi grangs ldan pa'i/ /chu bsrel drung du nyes mang tshwa sgo

can/ /'thung ltar mkhas pa'i legs bshad yod bzhin du/ /blun rmongs
bdag 'dras tshig rtsom ga la 'os/ /'on tang gsor rtses phug pa'i bu ga
ru/ /lug bal sred bu'ang thogs med 'gro ba ltar/ /mkhas

pa'i gsung rjes 'brangs nas bdag gis 'dir/ /brjod la blo gros ldan pa
su zhig bshad/ /mkhas gzhung chu gter gang blo'i srub shing gis/
/bsrubs las byung ba'i legs bshad ga bur dbang/ /blo ldan

bde 'byung gtsug tu phul ba na/ /gser mngal bu mo'i rjes su rkang pa
'jog /'dir 'bad dge legs kha ba'i sa 'dzin la/ /nyi 'od 'khyud pa'i mdzes
pa 'phrog byed des/ /skye 'phreng kun tu ma rig stug po'i

mun/ /bsal nas byang chen bshul bzang dkar phyir bsngo'o/ (/zhes
rten 'brel bstod pa'i cho ga don nyung ngur bkrol ba zab don lta
ba'i 'dren byed ces bya ba 'di ni/ mang du thos pa'i dge slong mchog
lha 'od zer dang/ dbyangs can bzhad

pa dge 'dun rgya mtsho'i gsung la brten nas snyom las mkhan gyi dge
slong su d+harme shwa ras rang lo nyer gsum pa kun dga'i lo'i tha
skar zla ba'i dkar tshes rdzogs pa gsum pa'i nyin/ dben gnas dngul
chu ri khrod du sug bris su rdzogs par bris pa dza ya ltu/