@#/ /'dul ba'i skor kha shas phyogs gcig tu bsgrigs pa bzhugs/ /

@1a @##/ /namH sarbba dznyA ya/ thub pa'i dbang po shes rab can
gyi mchog /sgra gcan 'dzin dang bram ze sgra gcan 'dzin/ /klu
sgrub snying po yon tan blo gros dang/ /rin chen bshes gnyen

chos skyong yon tan bdag /chos 'phreng zhi ba'i 'byung gnas sbas
pa dang/ /kha che paN chen byang chub dpal bzang po/ /bde ba
dpal dang mkhan chen grags pa'i zhabs/ /rnam dag dgra bcom bu
ston

yab sras zung/ /grags pa rgyal mtshan sher 'byung ye shes grags/
/blo gros dam chos rgyal mtshan 'dzin pa'i rje/ /dkon mchog rgyal
mtshan blo bzang ye shes dang/ /blo bzang bzod pa blo

bzang chos 'phel zhabs/ /dpal ldan ye shes ye shes dpal grub
mtshan/ /mkhan chen d+harma b+ha dra la sogs pa/ /bsnyen rdzogs
sdom pa'i brgyud pa la phyag 'tshal/ /bslab gsum

@02a @#/ /bstan pa rgyas par byin gyis rlobs/ /zhes pa 'di ni
har gdong dka' chen ye shes smon lam nas dgos tshul ltar bu
ston rin po che dang/ phaN chen chos rgyan gyi gsung la kha
bskangs te d+harma b+ha dras bris pa'o// ! dge dge tshul dang

dge slong sgrub pa'i las kyi cho ga'i bsdus don khog 'bubs
bzhugs// ! na maH sarbA dznya ya/ tshigs snga ma dge tshul du
bsgrub pa'i cho ga la karma sha taM las/ sngon dang dge bsnyen
bslab pa dang/ /zhu dang mkhan po dang po dang/ /rang

byung dge tshul grib tshod dang/ /bslab pa brjod pa tha ma yin/
/zhes gsungs pa ltar gsum/ sbyor ba/ dngos gzhi/ mjug go /dang
po la gsum/ rab tu dbyung bar rung mi rung brtag pa'i phyir
bar chad dri ba/

bstan pa la rim gyis slob tu gzhug pa'i phyir dge bsnyen du
bsgrub pa/ dge tshul gyi brtul zhugs blang ba'i phyir rab byung
du bsgrub pa'o/ /dang po ni/ sngon dang/ zhes pas bstan par
byas na 'grig pas sdom pa skye ba dang gnas pa dang khyad bar

du 'gyur ba dang mdzes pa'i bar chad bzhi yod med dris nas med
na skabs 'byed pa'o/ /gnyis pa ni/ dge bsnyen bslab pa dang/
zhes pas bstan te/ skyab 'gro rtsom byed du byas nas yongs
rdzogs dge bsnyen gyi sngom pa phog ste skyabs 'gro'i bslab
bya brjod pa'o/ /gsum pa

@02b la gnyis/ sbyor ba'i cho ga dang/ dngos gzhi'i cho ga'o/
/dang po la gsum/ skur pa spang zhing ngo tsha khrel yod bskyed
pa'i phyir dge 'dun la rab byung zhu ba/ rab byung gi med na
mi 'byung ba'i rgyu bsgrub pa'i phyir mkhan

por gsol ba gdab pa/ bar chad brtag cing chos 'dul ba'i cha
lugs du bsgyur ba'i phyir dang por bya ba'o/ /dang po ni/ zhu
dang/ zhes pas bstan te/ yo byad sta gon byas la bskos pa'i
dge slong chos bcu gcig dang ldan

rdzas bsgrub bya de dge slong so sor phyag 'tshal du bcug rjes
dge 'dun la zhus nas gnang ba ster ba'o/ /gnyis pa ni/ mkhan
po/ zhes pas bstan te/ dge slong chos bdun ldan lam khan por
gsol ba

lan gsum 'debs su bcug nas de'i bslab bya brjod pa'o/ /gsum pa
ni/ dang po dang/ zhes pas bstan te/ bskos pa'i dge slong gis
spro ba dris nas gtsug phung bregs te mkhan por phul la khrus

byas te zhabs la gtugs pa'i phyag byas nas 'dug pa la bla gos
mthang gos lhung bzed gding ba chu tshags rnams gtad rjes mgor
me tog bzhag ste smon lam btab la bskos pas gos legs par

bskon cing mtshan brtags nas brjod pa'o/ /gnyis pa dngos gzhi'i
cho ga ni/ rab byung/ zhes pas bstan te/ brjod gsum byas la
rab byung du bsgrubs te de'i bslab bya brjod pa'o/ /gnyis pa
dngos gzhi

@03a @#/ /ni/ las chog 'khrul spong rnam rgyal gser mdog las/
khyad chos bcu gcig dang ldan pa'i/ /'dul 'dzin slob dpon
mkhas pa yis/ /dge tshul don gnyer bsru bya la/ /sdoM pa skye
dang gnas pa dang

gnas pa khyad par 'gyur ba dang/ /rten nyid mdzes par byed pa
yi/ /'gal rkyen bar chad bzhi bral dang/ /yul rgyud rtags dang
bsam pa dang/ /cho ga mthun pa'i rkyen lnga po/ /tshig don gsal
bar brda sprad de/ /dge tshul

nyid du nye bar bsgrub/ /de ltar bshad pa'i rgyu tshogs las/
/'gal rkyen bar chad bzhi bral dang/ /mthun rkyen dang po gsum
po yi/ /bshad pa btang snyoms gyur kyang zla'i/ /nges 'byung
sdom pa skye ba la/ /med du

mi rung gces pa'i chos/ /rgyu yi kun slong thob 'dod dang/
/dus kyi kun slong thob shes dang/ /'gal rkyen nges pa lnga
bsal dang/ /mthun rkyen phun tshogs gsum ldan dang/ /nges
'byung bsam pa'i gsol 'debs

te/ /khyad chos lnga dang ldan pa yi/ /bsam pa mthun pa'i
rkyen nyid dang/ sdom pa 'bogs byed cho ga'i chig /'khrul med
cho ga mthun pa'i rkyen/ /phun tshogs bstan pa 'phel rkyen
dang/ /bsgrub bya nyid

la phan sems kyi/ /snying rje drag pos kun bslangs te/ /bsgrub
bya'i blo yul 'chang bde ba/ btang snyoms ma shor gces spras
su/ /dran tan mdzad pa gnad kyi don/ /tshul 'dis thog mtha'
rnams

@03b kyi yang/ /sdom pa'i skye tshul mtshon par bya/ /dge tshul
nyid du sgrub pa yi/ /dngos gzhi'i cho ga'i khog phub sos/
/zhes gsungs pa ltar/ dge tshul zhes pas bstan te/ dge slong
chos bcu gcig dang ldan pa mkhan pos slob

dpon du bskos pas/ 'gal rkyen bar chad bzhi dang bral zhing/
yul rgyud rtags bsam cho ga ste mthun rkyen phun tshogs lnga
tshang bar brda sprad nas dge tshul gyi sdom pa dngos 'bogs
pa'o/ /gsum pa mjug la gnyis

thob dus go ba dang/ bslab bya brjod pa'o/ /dang po ni/ grib
tshod dang/ zhes pas bstan te/ thob dus sogs lnga brjod pa'o/
/gnyis pa ni/ bslab ba brjod pa tha ma yin/ zhes pas bstan te/
slob dpon

gyis bslab bya bcu khas len du bcug nas gdams te spro ba
bskyed nas mkhan por legs so brjod cing bsngo smon bya ba'o//
! tshigs phyi ma bsnyen par rdzogs pa'i cho ga la las chog
karma sha tam

las/ /dang por bya dang mkhan po dang/ /chos gos gnyis dang
lhung bzed gnyis/ /gsol ba'i las dang blo mthun dang/ /spro
bya gsol ba gsang ston dang/ /zhu dang gsol dang gsol ba dang/
/dri dang las dang

grib tshad dang/ /nyin mtshan dus tshod gnas rnams dang/ /ltung
dang dge sbyong mchog 'dod dang/ /tshul khrims mnyam dang tshul
'brel dang/ /dul dang dgos dang ma brjod dang/ /gus pa dang ni
bsgrub bya ba/ /mu stegs gnas pa

@04a @#/ /byin pa yi/ /sde tshan yang dag bsdu ba yin/ zhes
gsungs pa ltar gsum/ sbyor ba'i cho ga /(dngos gzhi'i cho ga
/mjug gi cho ga'o/ /dang po la drug /yo byad tshags su gzhug
cing dgon mchog gsum dang slob dpon mngon)

du 'gyur par bya ba'i phyir dang por phyag bya ba/ mkhan po
mngon du 'gyur bar bya ba'i phyir mkhan por gsol ba ga dbang/
yo byad mngon du 'gyur bar bya ba'i phyir chos gos dang lhung
bzed byin gyis brlabs nas sbyin pa/ yongs su

dag pa mngon du 'gyur min brtag pa'i phyir gsang ston bskos
nas lkog tu bar chad dris te dag pa go bar byas nas 'ong bar
zhu ba/ bsnyen par rdzogs par 'dod par bstan cing gsol ba
mngon du 'gyur bar bya ba'i phyir gsol

ba gdab pa/ yongs su dag pa mngon du gyur par dag 'dun thugs
ches pa'i phyir gsol ba byas te nang du bar chad dri ba'o/
/gnyis pa dngos gzhi'i cho ga la gnyis/ gdams ngag gi bshad
pas brda sprad pa dang/ gsol

ba dang bzhi'i las byed pa'o/ /gsum pa mjug gi cho ga la
gnyis/ bsnyen bkur byi gnas dang gnas ma yin pa shes pa'i don
du bsnyen par rdzogs pa'i dus go bar bya ba dang/ thob pa mi
nyams shing 'phel ba'i don du

gdams ngag bcu gcig brjod pa'o/ /dang po la lnga/ bsnyen bkur
gyi gnas/ gnas ma yin pa/ bsnyen bkur rang gi ngo bo/ gar la
brtan nas go bar bya ba/ phan yon no/ /gnyis pa thob pa mi
nyams shing 'phel

@04b ba'i don du gdams ngag brjod pa la gnyis/ dge slong gi
bslab bya mdor bsdus te brjod pa dang/ de la bslab tshul gyi
gdams ngag brjod pa'o/ /dang po la gnyis/ 2 bslab bya'i gtso
bo rnams dngos su brjod pa dang/ dngos sum brjod pa

blangs pa rnams shes pa'i thabs brjod pa'o/ /dang po la bzhi/
bsten bya 'tsho ba rnam dag la gdams pa/ bsrung bya tshul khrims
rnam dag la gdams 1 pa/ nyams len spyod pa rnam dag la gdams
pa/ rtogs pa lta ba rnams

dag la gdams pa'o/ /gsum pa la lnga/ dge sbyor la med du mi
rung ba dge sbyor du byed pa'i chos la gdams pa/ spang blang
la nan tan byed pa'i rgyu mchog tu 'dod pa'i don 'grub par
gdams pa/ gnas brtan rnams dang tshul

khrims mnyam par gyur pa la nges par sbyar ba/ yongs 'dzin la
gus pa 'jig rten pa'i tshul dang 'brel ba'i gzugs brnyan la
nges par sbyor ba/ grogs la gus pa dul bar gnas pa la nges par
sbyor ba'o/ /gnyis

pa de la bslub tshul gyi gdams ngag brjod pa la gnyis/ /khyad
du gsod pa'i gnyen po gus pa la sbyar ba dang/ bsgrub par bya
ba thabs brjod pa bag yod la sbyar ba'o/ /! mkhan slob zung
'brel gyi tshe/ gnyis pa

dngos gzhi'i cho ga ni/ las dang/ zhes gsungs pa ltar/ khyod
bsnyen par rdzogs par byed pa la/ rgyal mchog lnga pas/ sangs
rgyas chos dang dge 'dun dang/ /mkhan slob bsnyen par rdzogs
'dod dang/ /rdzogs pa'i

@05a @#/ /yo byad yongs dag dang/ /gsol ba las rnams mngon gyur
te/ /mgon gyur bcu yi sgo nas ni/ /bsnyen rdzogs nyid du nyer
bar bsgrub/ /de ltar bshad pa'i rgyu tshogs las/ /mgon gyur
lhag ma brgyad po

yi/ /bshad pa btang snyoms gyur kyang bla/ /mkhan slob dge
'dun bcas pa rnams/ /thugs dgongs gsum po gsal gdab cing/ /las
kyi slob dpon mkhas pa yis/ /bsnyen rdzogs sdom pa skyed pa
la/ /mang du

mi rung gces pa'i chos/ /bsnyen par rdzogs 'dod bsam pa'i
rten/ /khyad chos lnga dang ldan pa dang/ /gsal bzhi'i cho ga
go bde'i ngag/ 'khrul med blo las thon nus pa'i/ /mngon gyur
gnyis lan tan gyis/ bsnyen

rdzogs bsgrub pa gnad du che/ /bstan rtsa'i dge slong sgrub
byed kyi/ /dngos gzhi'i cho ga'i khog phu bas so/ /zhes gsungs
pa ltar mngon gyur bcu'i sgo nas sgrub dgos shing/ de la/ ston
pa'i sku gzugs 'di la ston pas sangs rgyas dngos

kyi 'du shes bzhes pas sangs rgyas mngon du gyur pa tshang/
'dir bzhugs pa'i dge slong rnams bslab pa la nan tan snying
por mdzad pa sha stag bzhugs pas sgrub pa'i chos dang/ las kyi
cho ga dngos su yod pas lung gi chos mngon X/

kha skong gi chos bcu gsum dang ldan zhing ma mthun pa gnyis
dang bral ba'i dge 'dun lnga tshogs kyi grangs tshang bar bzhugs
pas dge 'dun mngon X dge slong khyad chos bdun ldan la bsgrub
byas mkhan por gsol ba btab

@05b nas khas blangs pa zhig dgos par ded la khyed rang gis
mkhan por gsol ba btab nas zhal gyis bzhes pas mkhan po mngon
X dge slong khyad chos bcu gcig dang ldan pa mkhan pos las
slob tu bskos pa dang/ dge

slong khyad chos lnga ldan mkhan pos gsang ston du bskos/ las
slob kyi spro ba dris/ dge 'dun gyis gsol ba'i las kyis bskos
pa zhig dgos par/ deng kyis mkhan slob zung sbrel byas pa
dang/ dge slong che ge mo

zhes bya ba 'di deng kyis gsang ston du bskos/ khong rang gis
spro bar khas blangs/ dge 'dun gyis gsol ba'i las kyis bskos
pas slob dpon mngon X de ltar mkhan slob dge 'dun dang bcas pa
rnams la/ gang la bya ba'i gzhi bsgrub bya

byed pa po mkhan slob dge 'dun ? / byed pa las kyi cho ga gsum
rnam dag la rnam dag tu shes pa'i 'du shes ma 'khrul ba dang/
bsgrub bya 'di la bsnyen rdzogs kyi sdom pa bskyed pa'i phyir
gsol bzhi'i las bsam pa thag pas bya'o/ /snyam

pa'i phan sems kyi kun slong rnam dag dang/ de thams cad myang
'das kyi bsam pa brtan pos zin pa ste thugs dgongs gsum dang
ldan pa zhig dgos pa'ang tshang ba yin/ khyod rang gi ched du
gnyer nas bsgrubs pas bsnyen par

rdzogs 'dod mngon X gos kyi rtags snam sbyar gyi rgyur rung ba
dang/ bla gos dang mthang gos rung ba tshad ldan mkhan pos byin
gyis brlabs te gnang ba/ gding ba chu tshangs rung ba tshad ldan
mkhan pos gnang ba/ snod spyad kyi

@06a @#/ /rtags lhung bzed rung ba tshad ldan dge 'dun la bstan/
dge 'dun gyis gnang/ mkhan pos byin gyis bslabs te gnang ba
zhig dgos pa brnyan po tshun chod kyis yod pas yo byad mngon X
sdom pa skye ba dang gnas

pa dang khyad par du 'gyur ba dang/ rten mdzes pa'i bar chad
bzhi dad mi ldan pa zhig dgos pa/ gsang ston pas lkog tu dris/
nged kyis dge 'dun gyi dbus su dris/ khyed rang gis lan btab
pas yongs su dag pa mngon X

bsnyen par rdzogs pa'i phyir rang gi ming dang/ mkhan po'i
ming dang/ dge 'dun gyi ming rnams ma chad par dge 'dun la
gsol ba lan gsum du btab pas gsol ba mngon X bsgrub bya'i ming
dang/ mkhan po'i ming

dang/ dge 'dun gyi ming dang/ gsol pa dang brjod pa rnams tshig
phyed kyang ma 'khrul bar las mkhan gyi blo las thon pa zhig
dgos te kho bos da lta nyid du bsgrub pas las mngon du gyur
pa'ang tshar rung du yod pa yin/ de yang

rgyal mchog snga pas/ de ltar bshad pa'i tshogs las/ X dngos
gxhi'i cho ga'i khog phubs so/ /zhes gsungs pa ltar/ mngon gyur
gzhan thams cad phun sum tshogs pa'i tshul gyis tshang na/ gdams
ngag gi

bshad pa med kyang bla/ de'i nang nas shin tu gnad che ba bsnyen
bar rjogs 'dod mngon du gyur pa dang/ las mngon du gyur pa gnyis
bshad pas gtan la dbab dgos pas dang po bsnyen par rdzogs par
'dod pa mngon du gyur

@06b pa bsam pa'i rten khyad chos snga dang ldan pa zhig dgos
bas de la rgyu'i kun slong thob 'dod ni/ bdag gi rgyud la bsnyen
rdzogs kyi sdom pa rnm bar dag pa zhig thob na ci ma rung snyam
du bsam pa sdom pa ma thob kyi bar du rgyun

ma log par dgos/ dus kyi kun slong thob shes ni/ gsol bzhi'i las
kyi brjod pa gsum pa'i byed pa brjod pa'i thog mar sngom pa thob
par shes pa zhig dgos/ 'gal rkyen nges pa snga bral na/ des

pa lnga ni sems can dang/ /yul dus gnas skabs yan lag go /zhes
gsungs pa ltar/ sems can 'di la spong 'di la mi spong zhes sems
can nges pa dang/ yul phyogs 'di ru spong 'di ru mi spong zhes yul

nges pa dang/ dus 'di tsam du spong de nas mi spong zhes dus
nges pa dang rgyun par spong dmigs bsal byung ba'i tshe mi spong
zhes gnas skabs nges pa dang/ khrims nyis brgya snga bcu rtsa
gsum gyi nang nas 'di rnams spong

'di rnams mi spong zhes yan lag res pa ste de lnga dang bral nas
dge slong gi spang bya'i yan lag thadM sems can thadM la yul dus
gnas skbas thams cad du spong snyam pa zhig dgos/ mthun rkyen
phun tshogs gsum ldan ni/ gang la bya ba'i gzhi/

bsgrub bya rang nyid kyis spang bya rnams spong nus so snyam pa
dang/ byed pa po mkhan slob dge 'dun rnams rnam par dag pa yin
nges so snyam pa dang/ byed pa las kyi chog la lhag chad nor
gsum gyi skyon med pas nga'i rgyud la bsnyen

@07a @#/ /rdzogs kyi sdom pa bskyed pa'i nus pa yod do snyam pa
zhig dgos so/ /de thams cad nges 'byung gi bsam pas zin pa gal
che bas/ des na bsam pa 'di bzhin du gyis/ ji skad du mdo dran

pa nyer gzhag las/ sems can dmyal ba dmyal mos nyams X bde ba
nam yang yod ma yin/ zhes gsungs pa ltar dmyal ba pa rnams la
tsha grang gi sdug bsngal/ yi dwags rnams la bkres skom gyi sdug
bsngal

dud 'gro rnams la glen lkugs dang gcig la gcig za'i sdug bsngal/
mi rnams la skye rgan 'chil sogs pa'i sdug bsngal/ lha ma yin
rnams la 'thab rtsod kyi sdug bsngal/ lha rnams la 'chi 'pho
dang ltung

byed kyi sdug bsngal sogs khams gsum 'khor ba gang du gnas kyang
sdug bsngal gyi gnas/ su dang 'grogs kyang sdug bsngal gyi
grogs/ ci la longs spyod kyang sdug bsngal gyi longs spyod las
mi 'dug

pas/ 'khor ba'i sdug bsngal mtha' dag las thar ba'i skyabs dam
pa/ rdzogs pa'i sangs rgyas kyi go 'phang sems can thams cad kyi
don du thob par bya dgos te/ sems can thams cad rang gi drin can
gyi pha ma sha rtag

yin pas/ de rnams kyi bde bsgrub pa dang sdug bsngal sel ba'i
khur rang la bab la sems can thams cad kyi bde sdug sgrub sel
nus pa sangs rgyas nyag gcig yin pas de thob par byed dgos/ de
yang bsod nams rgya chen

@07b pos brgyan pa'i zag med kyi shes rab kyis sgrib gnyis
spangs nas thob pa yin la/ shes rab de ting nge 'dzin dang/ ting
nge 'dzin de tshul khrims rnam par dag pa las 'byung bas de'i
phyir du bstan pa'i gzhi ma tshul khrims

kyi bslab pa'i gtso bo so sor thar pa'i sdom pa mchog bsnyen
rdzogs kyi sdom pa rnam par dag pa blangs la dus da ? nas bzung
ste ma shi tshun gyi yul dus gnas skabs thams cad du yan lag
rnams ma tshang ba med par legs

par bsrung snyam pa gyis la yid gzhan du ma yengs par sdod cig
/ces brda sprad do/ / ! /lo bcu lon dang 'dzin dang mkhas/ /rig
dang gsal dang 'dzin 'jug dang/ /bslab dang bslab 'jug rnam pa
gnyis/ /phun sum

tshogs gnyis rnam pa gsum/ /slob dang mi slob 'byung shes dang/
/gnas 'cha' 'char 'jug ltung ba shes/ /lho yi ril rgyu ba yi/
/sde tshan yang dag bsdus ma yin/ /zhes 'dul ba lung las gsungs
so/ /kha skong

gi chos bcu gsum ni/ 'greng 1 yul 2 bdun sogs phul ba min/ /ma
rdzogs nyams dang 5 mtshams med min/ /sdig pa tha dad 'khrul 1
bcas min/ /mtshams mtsham dkon mchog gzhan min pa'o/ /mi mthun pa
gnyis ni

ma 'dus pa'i mi mthun pa dang/ 'dus pa phyir log gi mi mthun
pa'o/ /zhes pa 'di rnams kyang rje btsun d+ha rma b+ha dra'i gsung
ngo// ! bud med dag tu byung nas dge tshul mar sgrub pa'i cho
ga'i dmigs bsal bzhugs/ /

@08a @#/ /na maH sarba dznyA ya/ ston pa thugs rje can la/ /sgo
gsum gus pas btud nas/ /bud med dge tshul ma ru/ /sgrub pa'i
khyad par bshad bya/ /de yang bud med rab tu byung nas dge tshul
mar sgrub pa'i cho ga phal cher

skyes pa dang 'dra yang dmigs bsal mi 'dra ba'i khyad par 'di
ltar yod do/ /dge bsnyen zhes pa'i tshab tu dge bsnyen ma zhes
dang/ tshe dang ldan pa zhes pa'i tshab tu tshe dang ldan ma/ zhes
dang/ dge tshul zhes pa'i tshab tu dge

tshul ma zhes bsgyur dgos shing/ bar chad 'dri ba'i tshe/ khyod mu
stegs can ma ma yin nam/ lo bco lnga ma lon pa ma yin nam/ lo
bco lnga lon pa bya rog skrod ma nus pa ma yin nam/ bya rog
skrod nus pa lo bdun ma lon

pa ma yin naM/ bran mo la sogs pa ma yin nam/ bu lon chags pa ma
yin nam/ pha mas ma gnang ba ma yin nam/ pha mas ma gnang ba yul
thag mi ring ba ma yin nam/ khyim thab kyis ma gnang ba ma yin
nam/ khyim thab

kyis ma gnang ba yul thag mi ring ba ma yin nam/ nad pa ma yin
nam/ dge slong sun phyung ba ma yin nam/ rku thabs su gnas pa ma
yin nam/ za ma ma yin nam/ ma ning ma yin nam/ sprul pa ma yin
nam/ dud 'gro ma

yin nam/ mu stegs can zhugs pa ma yin nam/ pha bsad pa ma yin
nam/ ma bsad pa ma yin nam/ dgra bcom pa bsad pa ma yin nam/ dge
'dun gyi dbyen byas pa ma yin nam/ de bzhin gshegs pa la ngan

@08b sems kyis khrag phyungs pa ma yin nam/ 'thab grol can mam
yin nam/ mya ngan gyis gzir ba ma yin nam/ sbru ma ma ma yin
nam/ mtshan gnyis pa ma yin nam/ spe 'dams pa ma yin nam/ rtag tu
zla mtshan 'dzag pa ma yin nam/

zla mtshan mi 'dzag pa ma yin nam/ mtshan ma tsam yod pa ma yin
nam/ mtshan dug ma ma yin nam/ sngon rab tu byung ba ma yin nam/
lag rdum la sogs pa ma yin nam/ skra ser la sogs pa ma yin nam/
sen mo gcig pa la sogs

pa ma yin nam/ rgyal pos ma gnang ba ma yin nam/ rgyal pos ma
gnang ba yul thag mi ring ba ma yin nam/ chom rkun mar grags pa
ma yin nam/ phung khrol ma ma yin nam/ /lha ma mkhan ma ma yin
nam/ gdol pa mo

ma yin nam/ /g.yung mo ma yin nam/ mi ma yin pa'i 'gro ba pa ma
yin nam/ byang gi sgra mi snyan pa ma yin nam/ mtshan lan gsum du
'gyur ba ma yin nam/ bud med 'dra ba'i skyes pa ma yin nam/
sngag ? sdig

lta bu'i mtshan nyid can ma ma yin nam/ gling gzhan nas skyes pa
tshul byang mi 'dra ba ma yin nam/ zhes bud med kyi mthun mong ma
yin pa'i bar chad mang du gsungs pa rnams dri bar bya/ ! rab
byung zhu ba'i tshe/ bud med la

kha spu med pa'i phyir/ skra dang kha spu ma breD pa las/ zhes
pa skra ma breD pa las/ zhes dang/ skra dang kha spu breD shing
zhes pa/ skra breD shing zhes par bsgyur dgos// ! dum go'i tshe/
bsnyen bkur gyi gnas dge slong ma dang/ dge slong ma dang/ dge
tshul pha

@09a @#/ /rgan gzhon thams cad dang/ rang las bslab pa rgan pa'i
dge tshul ma rnams gral gong du zhog/ ces sogs dang/ rang las
bslab pa gzhon pa'i dge tshul ma dang/ dge bsnyen pha ma sogs

kyi phyag dang bsnyen bkur dang du longs/ zhes sogs brjod dgos
so/ /smras pa/ bud med dang byung dge tshul mar bsgrub pa'i/ /cho
ga'i khyad par bshad pa nyung mthong nas/ /lung dang karma sha
taM rtsa 'grel las/ /ji

ltar bshad bzhin d+harma b+ha dras sbyar/ /shu b+ha mastu// ! dus
go bsdus pa bzhugs so// ! khyed gnyis dge slong du sgrub pa'i
mjug chog dus go brjod pa la/ dus kyi phyi mo lo skor bcu gnyis
yod

pa las lo 'di lcags mo glang lo yin/ da lnga dus tshigs lnga las
dpyid kyi dus yin/ de la zla ba bzhi las chu stod zla ba yin/ de
la ngo gnyis las yar ngo yin/ de la tshes grangs bco lnga las
tshes bzhi yin/ de la

nyin mtshan gnyis las nyin mo yin/ de'i phyi dro grib tshod skyes
bu dang rkang pa 'di'i dus su khyed gnyis kyis dge slong gi sdom
pa thob pa yin pas/ rang las bslab pa rgan pa'i dge slong rnams
gral gong du zhog /phyag

sogs gus pa'i las kyis/ bslab pa gzhon pa'i dge slong dang dge
tshul sogs kyi phyag dang bsnyen bkur dang du longs/ dus mnyam na
phyag ni bya zhing mgyogs gral byed/ de ltar byas pas sangs
rgyas thob pa'i

@09b phan yon pas phyag len pa thebs par mdzod cig / ! yongs
rdzogs dge bsnyen gyi bslab bya dge/ ! thams cad mkhyen pa la
phyag 'tshal lo/ /'dir yongs rdzogs dge bsnyen gyi bslab bya mdor
bsdus bshad

pa la bzhi/ rtsa ba'i nyes pa bshad pa/ bshags bya'i nyes pa
bshad pa/ bsdam bya'i nyes pa bshad pa/ skyabs 'gro'i bslab bya
bshad pa'o/ /dang po rtsa ba'i nyes pa bshad pa ni/ thabs gang
yang rung ba'i sgo nas mi gsod pa

dang/ rang dang nor mi gcig pa'i mi'i nor TaM gcig yan chad
thabs gang rung gi sgo nas ma byin par len pa dang/ mi spyi la
med pa'i yon tan khyad par can zhig rang la med bzhin du yod par
smra ba mis go ba dang/ rang dbang

ba'i bud med las gzhan pa'i bgrod bya min pa dang/ mchod rten
dang bla ma'i mdun sogs gnas min pa dang/ sbrum ma dang bsnyen
gnas la gnas pa sogs dus min pa dang/ kha dang bshad lam sogs
lam min pa ste

bzhi po gang rung la log par g.yem pa rnams byas na sdom pa
gtong bas bskyar nas len dgos so/ /gnyis pa bshags bya'i nyes pa
bshad pa ni/ mi las gzhan pa'i sems can gsod pa dang/ rin thang
mi tshang

ba'i nor rku ba dang/ mi chos bla ma'i rdzun las gzhan pa'i
rdzun smra ba dang/ bgrod bya min pa la chags sems kyis lta ba
dang reg pa sogs byed pa dang/ chang gi rigs su gtogs pa 'thung
ba rnams byas na sdom ldan

@10a @#/ /gcig gi drung du bshags pa bya'o/ /gsum pa bsdam pa'i
nyes pa bshad pa ni/ phra ma dang/ tshig rtsub dang/ ngag bkyal
dang/ brnab sems dang/ gnod sems dang/ log lta rnams byas na
sngar byas

la 'gyod sems dang phyin chad sdom sems snying thag pa nas
bya'o/ /bzhi pa skyabs 'gro'i bslab bya bshad pa ni/ sangs rgyas
la skyabs su song bas 'jig rten pa'i lha la skyabs mi 'chol/
chos la skyabs su song bas sems can la

gnod 'tshe spong/ dge 'dun la skyabs su song bas chos dang mi
mthun pa'i grogs ngan dang mi 'grogs pa sogs so/ /gzhan yang
skyabs 'gro'i bslab bya mang du yod cing/ dge bsnyen gyi mi bya
ba'i las drug spang ba dang/ ltung

bshags dang sgo drug pa'i gzungs 'don pa sogs kyang grub na shin
tu legs so// zhes pa 'di yang rang sogs nor gyis phyag de dpon
tshang phun tshogs lags nas dgos tshul ltar dge slong d+harma b+ha
dras bris// // ! yongs 'dzin

paNDi ta'i dge slong gi bslab bya'i bsdus don bzhugs so// ! na
mas ? sarba rbba dznyA ya/ 'dir dge slong gi bslab bya'i sdom
tshig 'chad pa la gsum/ klad kyi don/ gzhung gi don/ mjug gi don
no/ /dang po la gnyis/ mchod par brjod pa

dang/ rtsom par dam 'cha' ba'o/ /dang po la gnyis/ 1 rgya skad
kyis mdor bstan pa dang/ bod skad kyis rgyas par bshad pa'o/
/gnyis pa gzhung gi don la gnyis/ bsrung thabs yan lag lnga
rgyas par bshad pa dang/ don bsngas te

@10b bslab khrims la gces spras bya bar gdams pa'o/ /dang po la
lnga/ grogs dge ba'i bshes gnyen la bsten nas bsrung ba/ rang gi
bsam sbyor phun tshogs kyi sgo nas bsrung pa/ mi mthun phyogs ngo
shes pa'i sgo nas bsrung

ba/ bslab pa yongs su sbyong ba'i sgo nas bsrung ba/ bde bar
gnas pa'i rkyen bsten pa'i sgo nas bsrung ba'o/ /gsum pa la
bzhi/ phan yon dang nyes dmigs mdor bsdus bshad pa/ nyis brgya
lnga bcu rtsa gsum gyi

ngos 'dzin bshad pa/ nyams na phyir bcos tshul bshad pa/ phan yon
dang nyes dmigs rgyas par bshad pa'o/ /gnyis pa la gsum/ mdor
bstan pa/ rgyas par bshad pa/ don bsdu ba'o/ /gnyis pa la lnga/
pham pa'i

sde bshad pa/ lhag ma'i sde bshad pa/ ltung byed kyi sde bshad
pa/ sor bshags kyi sde bshad pa/ nyes byas kyi sde bshad pa'o/
/gsum pa la gnyis/ mdor bstan pa dang/ rgyas par bshad pa'o/
/gnyis pa la gnyis/ spang

ltung bshad pa dang/ 'ba' zhig pa bshad pa'o/ /dang po spang
ltung bshad pa la 'chad pa srin bal lhung bzed do/ /zhes pa ltar
bcu tshan gsum mo/ /gnyis pa 'ba' zhig pa bshad pa la/ brdzun
dang sa bon me bskos

dang/ /yang yang srog chags 'di dang ni/ /dud 'gro rku dang zas
bcas te/ /ltung byed 'ba' zhig bcu tshan dgu'o/ /zhes pa ltar ro/
/lnga pa nyes byas kyi sde bshad pa la/ gos bgo khyim 'gro khyim
'dug dang/

@11a @#/ /zas blang zas zas lhung bzed spyad/ /chos bshad sgrub
pa rgyu ba ste/ /nyes byas la yang sde tshan dgu'o/ /zhes pa ltar
ro/ /gsum pa nyams na phyir bcos tshul bshad pa la gsum/ mdor
bstan

pa/ rgyas par bshad pa/ don bsdu ba'o/ /gnyis pa la drug /pham
pas sdom pa gtong tshul/ sbom po bshags tshul/ lhag ma bshags
tshul/ spang ltung bshags tshul/ sor bshags bshags tshul/ 'ba' zhig
pa sogs bshags

tshul lo/ /bzhi pa phan yon dang nyes ? dmigs rgyas par bshad pa
la gnyis/ ma bsrungs pa'i nyes dmigs bshad pa dang/ bsrungs pa'i
phan yon bshad pa'o/ /gnyis pa don bsdus te bslab khrims la gces

spras bya bar gdams pa gsum/ khungs kyis nges pa 'dren pa/ rjod
byed kyi tshig mkhas par mdams pa/ brjod bya'i don la btsun par
gdams pa'o/ /gsum pa mjug gi don la gnyis/ brtsams pa'i dge ba
bsngo ba

dang/ mdzad byang zhal 'phangs dang bcas pa'o/ (/zhes dge slong
gi bslab bya'i sdom tshig yongs 'dzin paNDi ta chen pos mdzad
pa'i bsdus don 'di yang lcags byi zla 4 chos 10 la d+harma b+ha
dras sbyar ba'o// //! 'dul

ba'i ltung med ngos 'dzin bzhugs/ ! na massarbba ? dznyA ya/
'dul ba'i skabs kyi ltung med la bzhi/ dngos gzhi'i ltung ba med
pa/ ltung ba rnam gzhag gi ltung ba med pa/ skabs der gtogs kyi
ltung ba med pa

@11b ltung ba gtan nas med pa dang/ /bzhi pa la gnyis/ bcas rang
gnyis ka'i ltung ba med pa dang/ bcas rkyang gi ltung ba med
pa'o/ /dang po la bzhi/ las dang po pa/ shes pa rang bzhin du mi
gnas/

pa/ rgyu kun slong med pa/ khyim pas sa rko ba'o/ /gnyis pa bcas
rkyang gi ltung ba med pa la gsum/ dgag bya nyes dmigs med pa/
rnam dag bag yangs dang 'brel ba/ bar chad kyi rkyen dang ldan

pa'o/ /gsum pa la gnyis/ /rang gi bar chad dang ldan pa dang/
gzhan gyi bar chad dang ldan pa'o/ /dang po la gnyis/ gtso bo'i
bar chad dang/ gtso bo min pa'i bar chad do/ /dang po la gsum/
srog

gi bar chad/ tshul khrims kyi bar chad/ dge sbyong tshul gyi bar
chad de/ /gnyis pa gtso bo min pa'i bar chad la gsum/ lus kyi
bar chad/ dge ba'i bar chad/ longs spyod kyi bar chad do/ /gnyis

pa gzhan gyi bar chad dang ldan pa la gnyis/ gtso bo'i bar chad
gsum dang/ gtso bo min pa'i bar chad gsum mo/ /smras pa/ rang
bzhin gtso bo'i bar chad bsrung ba'i phyir/ /chang las gzhan
pa'i

bcas rkyang mtha' dag gnad/ /gtso min gnyis dang bcas rkyang
nang 'doms na/ /bsrungs pa'i dgos pa gang che gtso bor bya/
/rang gzhan gtso bo'i bar chad nang 'doms ni/ /rang don gtsor
'dzin dang

@012a @#/ /po'i las par bsngags/ /tshul 'di ban rgan d+harma'i
ming can gyis/ /shing 'brug sa ga'i zla tshes bzang por bris/
/dza ga taM// shu b+haM// //