@01a @##/ /rje btsun bla ma dam pa thub dbang rdo rje 'chang dang
dbyer ma mchis pa'i zhabs la dus thams cad du phyag 'tshal lo/
/brtse ba chen pos rjes su

bzung du gsol/ /'dir skal ldan gyi skyes bu sangs rgyas kyi sar
bgrod par byed pa'i thabs zab mo byang chub lam gyi rim pa'i
'khrid la gnyis/ thun gyi ngo bo la ji ltar bya

ba dang/ thun mtshams su ji ltar bya ba'i tshul lo/ /dang po la
gsum/ sbyor ba/ dngos gzhi/ mjug tu ji ltar bya ba'i tshul lo/
/dang po la drug /gnas khad byi dor byas la

sku gsung thugs kyi rten dgram pa/ mchod pa g.yo med cing bkod
pas mdzes par bsham pa/ bde pa'i stan la 'khod nas skyabs 'gro
sems bskyed sogs byed pa/

@02a @##/ /tshogs zhing gsal gdab pa/ yan lag bdun pa maNDal dang
bcas pa 'bul ba/ gsol ba 'debs pa man ngag bzhin rgyud dang
'dres nges par bya ba'o/ /gnyis

pa dngos gzhi la gnyis/ lam gyi rtsa ba bshes gnyen bsten pa'i
tshul dang/ bsten nas blo ji ltar sbyang ba'i rim pa'o/ /dang po
la gnyis/ bsam pas bsten tshul dang/ sbyor

bas bsten tshul lo/ /dang po la gnyis/ rtsa ba dad ba sbyang ba
dang/ bka' drin rjes su dran te gus par bya ba'o/ /gnyis pa
bsten nas blo ji ltar sbyang pa'i rim pa la gnyis/

dal 'byor la snying po blang ba'i phyir bskul ba dang/ snying bo
ji ltar len pa'i tshul lo/ /dang po la gnyis/ dal 'byor don che
bar bsam pa dang/ rnyed par dka' ba bsam

@02b pa'o; ;gnyis pa snying po ji ltar len pa'i tshul la gsum/
skyes bu chung du dang thun mong ba'i lam gyi rim pa la blo
sbyang ba/ skyes bu 'bring dang thun mong ba'i lam gyi rim pa la
blo sbyang

ba; skyes bu chen po'i lam gyi rim pa la blo sbyang pa'o/ /dang
po la bzhi/ 'chi ba mi rtag pa bsam pa/ ngan 'gro'i sdug bsngal
bsam pa/ dkon mchog gsum la skyabs 'gro sbyang ba/

las 'bras la yid ches kyi dad pa bskyed pa'o/ /gnyis pa skyes bu
'bring dang/ thun mong pa'i lam gyi rim pa la blo sbyang ba la
gnyis/ thar pa don gnyer gyi blo bskyed pa dang/ thar par 'gro

ba'i lam gyi rang bzhin gtan la dbab pa'o/ /dang po la gnyis/
'khor ba spyi'i sdug bsngal bsam pa dang/ so so'i sdug bsngal
bsam pa'o/ /gsum pa skyes bu chen po'i lam

gyi rim pa la blo sbyang ba la gnyis/ byang chub tu sems bskyed
pa dang/ sems bskyed nas spyod pa la slob tshul lo/ /dang po la
gnyis/ byang chub tu sems bskyed pa dngos dang/ sems

bskyed cho gas gzung ba'i tshul lo/ /dang po la gnyis/ rgyu 'bras
man ngag bdun gyi sgo nas byang chub tu sems bskyed tshul dang/
bdag gzhan mnyam pa rje'i sgo nas byang chub tu sems

@03a @#/ /bskyed tshul lo/ /gnyis pa sems bskyed cho gas gzung
ba'i tshul la gnyis/ sdom pa ma thob ba thob par bya ba dang/
thob ba mi nyams bar bsrung tshul lo/

gnyis pa sems bskyed nas spyod pa la slob tshul la gnyis/ rgyal
ba'i sras kyi spyod pa spyi la slob tshul dang/ khyad par phar
phyin tha ma gnyis la slob tshul lo/ /dang po la gnyis/ rang

rgyud smin par byed pa phar phyin drug gi nyams len dang/ gzhan
rgyud smin par byed pa bsdu bzhi'i nyams len no/ /gnyis pa khyad
par phar phyin tha ma gnyis la bslab tshul la gnyis/ bsam

gtan gyi ngo bo zhi gnas la bslab tshul dang/ shes rab kyi ngo bo
lhag mthong la bslab tshul lo/ /gnyis pa la gnyis/ gang zag gi
bdag med gtan la phab nas bsgom pa'i tshul dang/ chos

kyi bdag med gtan la phab nas bsgom pa'i tshul lo/ /gnyis pa la
gnyis/ 'dus byas rang bzhin med par gtan la phab nas bsgom tshul
dang/ 'dus ma byas rang bzhin med par

@03b gtan la phab nas bsgom tshul lo/ /dang po la gsum/ bem po
rang bzhin med bar gtan la phab nas bsgom tshul/ shes pa rang
bzhin med bar gtan la phab nas bsgom tshul/ ldan min 'du

byed rang bzhin med par gtan la phab nas bsgom tshul lo/ /zhes
byang chub lam gyi rim pa'i dmar 'khrid thams cad mkhyen par
bgrod pa'i bde lam gyi sa bcad mdor bsdus par bkod pa po ni

bla ma dam pa rnams kyi bka' 'bangs kyi tha shal dge slong dbang
phyug chos bzang ngo/ /dge legs 'phel//