!//na mo gu ru/ thub dbang byams mgon thogs med dbyig

gi gnyen/ /grol sde rnam gnyis gu na mi tra dang/ /seng bzang
gang spel ku sA li che chung/ /gser gling chos grags rnams la
gsol ba 'debs/ /mar me mdzad dpal 'brom ston po to ba/ /sha ra
'chad kha spyi'i bu lha ston

pa; ;lha sdings byang 'bum kun rgyam yon tan dpal/ /mkhan chen
bde dpal rnams laX /dga' bzhi grags gzhon bsod grags bzang po
dpal/ /yon tan 'od dang blo 'phel tshul khrims dang/ /bsod nams
lha dbang

bsod nams legs mtshog dang/ /gnyug la paN chen rnams laX /ngag
chos brag mgon dpal 'byor lhun grub zhabs/ /chos dbyings rang
sgrol blo bzang rgya mtsho'i sde/ /blo bzang dar rgyas 'jam
dbyangs grags pa'i

@07a @#/ /dpal/ /dge legs rgya mtsho rnams la X/byams pa'i mtshan
dang yongs 'dzin paNDi ta/ /rtsa ba'i bla ma dge 'dun bzang po
ste/ /dngos dang brgyud pa'i bla ma mchog rnams la/ /gsol ba
'debs so

bdag rgyud byin gyi bslobs/ /sngon 'gro skyes bu chung 'bring
lam bsgoms bas/ /srid pa'i bde la sred pa yongs spangs te/ /gtan
mdun thar pa don du gnyer ba'i blo/ /bcos min bsam pa thag pas
'byongs par shog /chos

kun sems yin skye 'geg gnas gsum bral/ /cir yang ma grub gang
snang sgyu ma'i 'phrul/ /bdag bde gzhan gtong gzhan gyi sdug
bsngal rnams/ /tshur len byang chub sems gnyis 'byongs par shog
/kun rdzob don

dam sems bskyed rnam gnyis kyis/ /bsam dang sbyor bas rkyen ngan
ma lus pa/ /byang chub bsgrub pa'i lam du legs bsgyur nas/ /bdag
nyid gces 'dzin drung nas 'byin par shog /'phen goms sa bon sun
'byin

smon lam ste/ /stobs lnga tshe gcig nyams len la bsgril zhing/
/chags med smon lam mtshams sbyar bdag 'dzin blo/ /sun phyung
'phen goms stobs kyis 'pho bar shog /gang byas chos rnams bdag
'dzin

gnyen por 'gro/ /rang zhe rang la ma khrel dpang po'i mchog
/rkyen ngan lam yongs gang shar blo sbyong gi /grogs su 'bad med
'gro bar byin gyis rlobs/ /spyi don gsum bslab mngon chung sems
rgyud 'dul/ /rang rgyal

@07b gzhan pham g.yo sgyu'i bsam sbyor spong/ /dag snang nyer
spyod chos kyi nga rgyal dang/ /rlom sems bskyed pa'i bdud las
spong bar shog /nyes 'phel dka' bkol go log snyan grags yus/
/gang che'i nyon mongs gnyen po

gtso bor bsten/ /bzang brten phyogs med rtag tu blo sbyong
zhing/ /rang rgyud chos rang zhus dag pher bar shog /don tshan
bdun gyi lcags kyu rnon po yis/ /bdag sems glang po nye bar dul
byas te/ /thabs shes zung du 'brel ba'i goms

stabs kyis/ /rnam mkhyen thar pa'i grong du bgrod par shog /ces
rgyal ba'i sras po thogs med bzang po dpal gyis mdzad pa'i blo
sbyong don bdun ma'i steng nas nyams 'khrid legs par mnos pa'i
brgyud 'debs smon lam dang bcas pa 'di ni bde nyid dang blo

sbyong snyan rgyud chen mo/ legs bshad kun 'dus gsum par du ?
brko ba'i tshe za hor gyi bandes sbyar ba'i yi ge ba ni/ 'jam
dbyangs bstan 'dzin no/ /brgyud 'debs gsang 'jug rnams dge slong
dbang phyug chos bzang gis bris pa yin no//