! //oM swa sti/ blo gros dkyil 'khor bzang po'i dpal ldan pa'i/ /bshad sgrub bstan
pa'i pad tshal bzhad pa'i nyi/ /ma lus nag phyogs mun las rnam rgyal

ba'i/ /rje btsun bla ma'i zhabs la gus phyag 'tshal/ /mgon de'i
'phrin las chos srid dal 'gro'i gter/ /'phel mdzad sa dbang rgyu
skar rgyal po yis/ /snang mtha'i mgon gang zhabs pad nyer brtan
cing/ /mu med bstan 'gro'i

@13a @#/ /dge mtshan spel ba'i phyir/ /pak+Shu'i klung chen bgrod
byed brtan po'i gzings/ /tshugs zhes bka' btags cod pan stsal ba
na/ /pad 'byung 'dzum zhal dmul ba'i yul gru che'i/ /lugs gnyis

rbtsan po'i khrims kyi kha lo ba/ /dkyel che'i blo dang bzang
po'i mdzad pa yis/ /dge bcu'i lam srol 'phel kha cher gtod cing/
/bsod nams dpung pas dbyig 'dzin bkra shis su/ /byed pa'i na
ra'i dbang phyug 'khor bcas dang/ /bi

shwa karma'i rjes mthun rong mtsho ba/ /tshe brtan rdo rje la sogs
mkhas bsdus kyi/ /bzo bo'i lhag bsam kun da'i chun po la/ /'gran
bzod bya ba las kyi 'khor lo yis/ /rnam 'byung zhes bya sa khams
'brug gi lo'i/ /dag byed zla ba'i gral

tshes ches dge bar/ /dbyibs legs brtan gling chu klung shing rta
'di/ /phyogs kyi bu mo'i 'dren byed bdud rtser bskrun/ /tshul 'di
sgo gsum 'bad mtshon legs byas mthus/ /thub bstan snying po dar
zhing de 'dzin mchog /skyabs mgon yab

sras zhabs zung rab brtan cing/ /gru chen 'dir zhugs kyis mtshon
yid can kun/ /srid zhi'i mtsho chen pha rol phyin gyur cig
/mangga laM//