! oM swa sti/ phan bde 'byung ba'i gnas gcig pu/ /bstan pa yun ring gnas pa dang/
/bstan 'dzin skyes bu dam pa rnams/ /sku tshe'i rgyal mtshan

brtan gyur cig /ces bkra shis pa'i tshig gis sdun bsus te/ bdag
cag dad 'dus kyi slob 'khor rnams nas mgrin gcig tu gsol ba'i
snying po ni/ rje bla ma mchog nyid ring mo zhig nas spang

rtogs yon tan rgya mtsho'i pha rol du son kyang/ bdag cag gdul
bya rnams dang rigs su mthun par gsum ldan ngur smig 'chang pa'i
tshul du bstan te/ ji skad du/ blo ldan rnams la zab rgya che/
/blo chung

go bde bzung sla ba/ /zhes gsungs pa ltar/ mdo sngags zab rgyas
kyi chos rnams lung rigs man ngag gi lam nas drangs te lhug
brjen du stsal ba'i bkrin gyi phung po'i cha shas tsam zhig
gzhal ba'i

@16b ched dang/ gzhan yang ji skad du/ da dung khyod kyi zhabs
pad spangs nas ni/ /nam yang skyabs gzhan med do mkhyen pa'i
gter/ /zhes pa ltar/ slad mar yang bdag cag dad ldan gyi gdul
bya rnams la

blang dor gsal bar ston pa'i nyin byed dang/ bsod nams lo tog
bskrun pa'i zhing sa dam par zhabs pad bskal pa rgya mtsho'i bar
du brtan par bzhugs nas chos 'khor rgyun chad med par bskor

bar gsol ba 'debs pa'i rten du dmigs/ phyi bkra shis rtags kyi
mchod pa dang/ /nang bdud rtsi lnga yi mchod pa dang/ /ches
gsang ba phyag rgya'i mchod pa sogs/ /blo bde stong ngang nas
dbul

bar bgyi/ /zhes pa ltar/ bkra shis pa'i ri mos mtshan pa'i lha
dar dkar po'i sne 'dogs can gyi zhing khams rgya mtsho'i bkod pa
sogs dad 'byor rnam dpyod kyi rang rtsal dang mthun par bstar
ba'i dngos

bshams yid sprul gyi mchod sprin 'di dag gdul bya tshogs rdzogs
pa'i thabs mkhas su brtse ba chen pos bzhes te/ ji ltar gsol ba
btab pa ltar 'grub pa'i thugs dam skyabs kyi 'jug pa dus

gnas kun tu mi bskyud pa mkhyen mkhyen zhes gsol ba rtse gcig tu
'debs pa lags/ zhes pa 'di yang mtshan ldan dam pa'i rang rtags
'dzin pa khra tshang sku skye rnam rgyal tshul khrims lags

@17a @#/ /kyi gsung ngo ma bzlog pa'i g.yar khral tsam du ban
gzugs ri bong rdo brdzus d+harma b+ha dras bris//