! na mo gu ru manydzu g+ho ShA ya/ brgyud pa gsum ldan bla ma'i byin rlabs
dang/ /yi dam rgyal ba zhi

khro'i dngos grub dang/ /mthu ldan mkha' 'gro srung ma'i 'phrin
las kyis/ /bden tshig legs smon 'grub pa'i dge legs stsol/ /ngag
dbang bskal bzang rnam 'dren bzhi pa yi/ /bstan pa'i sgron me
mkhas grub rgya mtsho'i gtso//

gangs ljongs yid can kun gyi mgon gcig pu/ /rje btsun bla ma'i
zhabs la gsol ba 'debs/ /mgon khyod gsang gsum rdo rje'i rang
bzhin la/ /mi mthun rgud pas nam yang mi brdzi bar/ /zhabs

pad 'gyur med gser gyi khri 'phang cher/ /bgrang yas bskal pa
rgya mtshor rab brtan shog /tshe dang 'od dang snang ba mtha' yas
lha/ /rgyal ba'i gtsug tor las 'khrungs rnam par rgyal/ /'phrin
las kun sgrub

yid bzhin 'khor lo mas/ /rje btsun bla ma'i sku tshe bskal brgyar
spel/ /phyi nang rig pa'i gnas la sbyangs pas mkhas/ /sdom gsum
nyes ltung dri mas dag pas btsun/ /mkha' mnyam 'gro la rjes

su brtse bas bzang/ /mkhas btsun bzang po'i rnam thar ngoms par
shog /'chad rtsod rtsom pas zhwa ser bstan pa dang/ /thabs mkhas
mdzad pas skye 'gro'i bde skyid kun/ /dbyar gyi mtsho dang yar
ngo'i

@17b zla ba ltar/ /spel ba'i rmad byung 'phrin las lhun grub
shog /dga' ba brgya stong dang ldan pho brang che'i/ /lugs gnyis
khrims kyi gser 'khor btsan shugs kyis/ /mtha' bzhi'i dregs ldan
mtha' dag

dpa' gongs te/ /gus pas 'dur ba'i rnam 'gyur lhur lan shog
/'dzam gling spyi dang khyad par bod ljongs 'dir/ /mi phyugs nad
yams sar ser mu ge dang/ /mtha' dmag 'khrug rtsod rgud pa rmeg

med du/ /zhi nas rdzogs ldan dga' ston myong bar shog /bdag
kyang deng nas byang chub snying po'i bar/ /skyabs mgon rgyal
ba'i dbang por zhabs 'degs dang/ /ma rgan 'gro ba'i phan bde
sgrub pa la/ /

g.yel med snying stobs go cha brtan par shog /de mthus skye
'phreng kun tu mgon khyod kyis/ /'bral med dgyes pa chen pos
rjes bzung nas/ /sa lam bgrod pa myur du mthar phyin te/ /zung
'jug sku

bzhi'i dpal la spyod par shog /don dam gnas lugs spros pa'i
mtha' las 'das/ /kun rdzob rgyu 'bras nam yang bslu ba med/
/mthu ldan dkar phyogs srung ma'i bden byin gyis/ /ji ltar smon

pa'i don kun 'grub gyur cig /ces 'dzam gling skye 'gro'i mgon
skyabs gcig pu kun mkhyen rgyal dbang mchog gi zhabs brtan gsol
'debs 'di phyi'i 'dod don 'grub pa'i smon tshig nyung thus

@18a @#/ /dang bcas pa zhig dgos zhes tsha rong mi rje sku zhabs
bsher dbang skal bzang dgra 'dul mchog nas bka'i bskul ma mdzad
ngor ban rgan d+harma b+ha dras sbyar ba shu b+haM//