! na mo gu ru manydzu g+ho ShA ya/ byin rlabs gru

char 'bebs pa'i bla ma dang/ /dngos grub 'dod 'jo'i bum bzang yi
dam lha/ /'phrin las rlabs 'phreng yol med mkha' 'gro dang/
/chos srung rgya mtsho'i thugs rjes rnam kun skyongs/ /zab yangs

@18b blo gros bzang po'i tog gis mdzes/ /lung rtogs bstan pa'i
gos kyi tshos mdangs bkra/ /'gyur med tshe yi yu ba rab brtan
pa'i/ /bshes gnyen rgyal mtshan srid rtser sgreng gyur cig /thos
pa'i bdud rtsis

blo yi bum bzang gtams/ /bstan pa'i gnad la bsam pas nges shes
rnyed/ /sgom byung rtogs pas nyon mongs g.yul las rgyal/ /mtshan
ldan dam pa'i gsang gsum 'gyur med shog /gang blo mdo sngags

lam bzang kun la mkhas/ /bstan pa'i snying po sdom gsum dri bral
btsun/ /rgyal kun gces nor byang chub sems kyis bzang/ /mtshan
nyid bcu tshang mgon khyod zhabs brtan shog /blo gsal gdul byar

lam bzang tshul bzhin 'chad/ /bstan pa'i gshed gyur rgol ngan
g.yul las rgyal/ /mtshan ldan gsar pa'i legs bshad spel nus
pa'i/ /dam pa'i skyes bu 'gyur med rab brtan shog /mgon khyod
gsang

gsum mdzad pa 'phrin las la/ /phyi nang gsang ba'i bar chad kun
zhi nas/ /mthun rkyen tshe bsod dpal dang 'byor pa dang/ /bslab
gsum rim gnyis dbyar mtsho ltar 'phel shog /mdor na gnas skabs

mthar thug bzhed pa kun/ /bla ma lha dang srung mas legs bsgrub
nas/ /mkha' mnyam lus can spyi dang bye brag kun/ /phan bde'i
dpal la 'god pa'i bkra shis shog /ces 'om sbug pa dpal 'byor

@19a @#/ /rgya mtsho'i sku 'phreng du paN chen snang mtha'i mgon
po'i lung gis zin pa 'brong pa chos mdzad blo bzang bstan pa'i
rgyal mtshan gyi zhabs brtan gsol 'debs 'di yang yongs 'dzin zhal
snga

nas blo bzang chos legs legs kyis bskul ma mdzad ngor ban rgan
d+harma b+ha dras spar ba dge legs 'phel bar gyur cig//