! na ma Arya lo ki shwa rA ya/ rgyal kun thugs rje'i rang gzugs
spyan ras gzigs/ /bcu gcig zhal dang phyag stong spyan stong can//

steng du rtsa brgyud bla ma'i tshogs rnams dang/ /'jam pa'i
dbyangs dang lag na rdo rje'i 'khor/ /'og tu rta mgrin dpal mgon
phyag drug pa/ /star ko lha bcan dang bcan bzhengs pa'i dgos/
/rgyal

bstan dar zhing bstan 'dzin zhabs pad brtan/ /bdag dang pha ma
'brel thogs yid can gyi/ /sngon bsags sdig ltung nyes tshogs kun
byang zhing/ /nges 'byung byang chub sems dang yang

@21a @#/ /dag lta/ /mtshan bcas mtshan med rnal 'byor mthar son te/
/gru 'dzin bdag po'i go 'phang myur thob shog /mangga laM/ 7 na
maH sarba dznyA ya/ rtsod dus 'gro ba'i skyabs

mgon shAkya'i tog /yan lag 'byung sogs gnas brtan drug lhag
bcu/ /dge bsnyen chos 'phel rgyal chen sde bzhi dang/ /bcas pa'i
snang brnyan 'dren phyed dga' ston la ni/ ? /dang dang gus pa'i
blo yis

rgyu sbyar te/ /bzhengs pa'i dge tshogs kha ba'i ri bo la/ /bcu
gnyis bdag po'i snang bas 'khyud 'dra des/ /skye 'phreng kun tu
'khor lo bzhi ldan rten/ /thob cing tshul khrims ting 'dzin shes
rab kyi//

bslab gsum rtogs pa'i bstan pa rab bzung ste/ /'gro kun srid
zhi'i rgya mtsho rnam gnyis las/ /sgrol ba'i ded dpon chen por
'gyur bar shog /shu b+haM// na mo gu ra we/ rigs brgya'i khyab

bdag dpal ldan rdo rje 'chang/ /rigs gsum kun 'dus 'jam mgon blo
bzang grags/ /paN chen blo bzang bstan pa'i nyi ma che/ /rgyal
ba'i dbang po mkhas grub rgya mtsho'i sde/ /d+ha rma b+ha dra blo

bzang tshe ring mtshan/ /rdo rje sems dpa' bde mchog 'jigs mdzad
lha/ /nA ro mkha' spyod drag po gsum sgril dang/ /mgon dkar yid
bzhin nor bu dang bcas pa'i/ /bla ma yi dam lha dang chos

@21b srung gi /snang brnyan bris thang 'di bzhengs legs byas
mthus/ /tshe ring nad med lus sems bde dang ldan/ /sa lam myur
bgrod byang chen thob gyur cig /shu b+haM// na mo gu ru b+hyaH

ston mchog zas gtsang sras dang byams 'jam dbyangs/ /ltung
bshags sangs rgyas lnga lhag bcu phrag gsum/ /sman bla bde
gshegs mched brgyad dang bcas pa'i/ /snang brnyan lta byed bdud

rtsi spungs 'dra 'di/ /bzhengs pa'i legs byas ston zla'i rjes
'gro des/ /shes nyon sgrib zung mun pa drug phyungs te/ /bsod
nams ye shes tshogs gnyis ku mu da'i/ /dge 'tshal kun gsal

pha mthar rgyas gyur cig /mang ga la shrI dzwa la dzaM bu dwi
pA langka ra b+ha bantu/ /oM swa sti/ sngags zur rjo rje
'chang dang yongs 'dzin mchog /tshe lha skor gsum 'jam dbyangs
dkar po

dang; ;dmar ser a ra pa tsa bstong sgrub dang/ /smra ba'i seng
ge 'jam nag dbyangs can dkar/ /sgrol ljang nor rgyun lha mo 'od
zer can/ /rnams kyi slar gzugs ras gzhi'i me long ngos/ /'dren

byed dga' ston mchog tu shar ba gang/ /bskrun pa'i rnam dkar
'chi med lam gang bas/ /dam pa'i byin rlabs sems la rab zhugs
te/ /las bzhi grub chen brgyad dang phyag rgya che'i/ /dngos

@22a @#/ /grub dman 'bring mchog gsum myur thob nas/ /mkha' mnyam
'gro ba'i skyabs dang mgon gyur cig /sarba dza ga taM/ 'di rnams
dbang 'dus tshe ring nas bskul ngor mdzad

pa'o;