! na mo gu ra we/ stobs bzhi

@36b bshags pa bya tshul ni/ bla ma dkon mchog gsum la skyabs su
mchi/ /'gro la phan phyir sangs rgyas 'grub par shog /ces skyabs
sems bya/ bla ma yi dam mchog gsum bka' sdod bcas/ spyan drang

mdun gyi nam mkhar bzhugs par gyur/ ces spyan drangs/ mkha'
khyab zhing gi phyag 'os thams cad la /yon tan zhing du lhag par
mos pa'i blos/ /'gro kun zhing rdul grangs snyed lus sprul te//

sangs rgyas zhing mthar rtag tu gus phyag 'tshal/ /mchod pa kun
'bul sdig pa mtha' dag bshags/ /dge la yi rang chos 'khor bskor
bar bskul/ mya ngan mi 'da' bzhugs par gsol ba 'debs//

dge rtsa rdzogs byang nyid du bsngo bar bgyi/ /zhes bdun rnam
dag 'bul/ gtso bo rgyal ba 'gro ba'i mgon/ /'gro ba skyob pa'i
don brtson pa/ /stobs chen 'jigs pa kun sel la/ /de ring nyid
nas skyabs

su mchi/ /de yi thugs su chud pa'i chos/ /'khor ba'i 'jigs pa
sel ba dang/ /byang chub sems dpa'i tshogs la yang/ /de bzhin
yang dag skyabs su mchi/ /sngon chad khyed kyi bka' las 'das/
/da ni

'jigs pa che mthong nas/ /khyed la skyabs su mchi lags kyi/
/'jigs pa myur du bsal du gsol/ /zhes rten gyi stobs dang/
/'dren pa mnyam med shAkya'i rgyal po dang/ /rdo rje snying pos
rab

@37a @#/ /tu 'joms pa sogs/ /sangs rgyas so lnga bde gshegs dpa'
bo bdun/ /snyigs ma'i mgon po de bzhin gshegs pa brgyad/ /bskal
bzang 'dren pa thub pa'i nyi ma stong/ /

mar me mdzad dang thub dbang byams mgon sogs/ /dus gsum rgyal
ba
sras bcas thams cad la/ /phyag 'tshal mchod cing snying nas
skyabs su mchi/ /bdag cag ngan song srid pa'i 'jigs

las skyobs/ /zhes gnyen po kun tu spyod pa'i stobs dang/ phyogs
dus kun tu bzhugs pa'i rgyal rnams dang/ /thugs rje che ldan
rgyal sras dpa' bo rnams/ /brtse ba'i thugs kyis bdag la

dgongs su gsol/ /bdag gis thog med dus nas da lta'i bar/ /dug
gsum dbang gis mtshams med nye ba lnga/ /me dge bcu dang mchog
gsum dkor phrogs sogs/ /'jigs rung ngan song

gsum dang mi khom pa'i/ /gnas su skye 'gyur me dge sdig pa'i
las/ /bcas dang rang bzhin kha na ma tho ba/ /bgyis dang bgyid
stsal rjes su yi rang ba/ /gnod zhing 'gyod pas 'chab cing mi
spong par//

'jigs shing skrag pas mgon po rnams kyi drung/ /sgo gsum gus pas
thal mo sbyar byas te/ /bsam pa thag pas yang dang yang du
bshags/ /brtse ba'i thugs kyis nongs par gzung du gsol/ /zhes
rnam

@37b par sun 'byin pa'i stobs dang/ phongs pa'i gnyen mchog slu
med skyabs kyi phul/ /dus gsum bde gshegs sras dang bcas rnams
la/ /mchog tu gus pas thal sbyar gsol ba ni/ /ngan song ngan

'gro mi khom brgyad rnams su/ /mi 'dod sdug bsngal sna tshogs
'byung ba'i sgo/ /lus ngag yid kyi sdig ltung mi dge'i las/
/deng nas phyin chad shin tu phra ba yang/ /mi bgyid srog dang
bsdos te

yang dag sdom/ /zhes nyes pa las slar ldog pa'i stobs te stobs
bzhi tshang ba'i bshags bsdoms bya/ dge ba 'di yis tshe rabs thams
cad du/ /ma nor lam ston theg mchog bshes gnyen gyis//

'bral ba med par rjes su 'dzin pa dang/ /gsung gi bdud rtsi
ngoms med 'thung bar shog /de yi mthu las nges 'byung byang chub
sems/ /yang dag lta dang phyin drug rim pa gnyis/ /'khor dang
bcas

pa'i nyams len mthar phyin te/ /stobs bcu mnga' ba'i go 'phang
myur thob shog /blo bzang rdo rje 'chang chen tsong kha pa'i/
/snyan rgyud man ngag snying po mthar thug pa/ /zab lam bla ma
lha yi rnal 'byor gyis//

don gnyis lhun gyis grub pa'i bkra shis shog /smras pa/ sdig
ltung gnyen po stobs bzhi'i bshags bsdams 'di/ /paN chen chos
kyi rgyal po'i dgongs pa bzhin/ /sbyor dngos rjes gsum nyams su

@38a @#/ /blang bde bar/ /ban rgan d+harma b+ha dras ye ger bris/
/shu b+haM/