! dge slong blo bzang rdo rje lags kyi dri lan/ oM swasti/@ rnam
dpyod mi dman rgyan 'chad skyes bu des/ /rnam bzhi'i skyes bzang
dang 'grogs dri tshig mchid/@ /rnam g.yeng mkhan

po'i lag rtser son las slar/ /rnam rtog ri mor spel 'di spro
bar bya/ /de yang byang sems kyi sdom pa nyi shu bar/ nyon
mongs drag las zhes sogs tshig rkang bcu drug gi don ji ltar
yin zhe na/ de yang tshig rkang dang po bzhis nyes pa

@13b bzhi po de nyon mongs drag pos byas na byang sems kyi
sdom pa gzhig nas pham pa 'byung zhes bstan/ de nas nyes pa
bzhi po ji ltar yin 'chad pa la/ rnyed dang zhes sogs gnyis
kyis rnyed bkur la chags pa'i pham pa

dang/ sdug bsngal zhes sogs gnyis kyis longs spyod la ser sna
byed pa'i pham pa dang/ gzhan gyis zhes sogs gnyis kyis sems
can la gnod sems kyi pham pa dang/ theg pa zhes sogs gnyis
kyis chos la rmongs pa'i

pham pa rnams kyi ngos 'dzin bstan/ de nas nyams na phyir bcos
byed tshul 'chad pa la/ sdom pa slar yang blang bar bya/ zhes
pas nyes pa bzhi po nyon mongs drag pos byas na byang sdom
gtong bas/ sdom pa bskyar

nas len dgos pa dang/ zag pa 'bring ni gsum la bshags/ zhes
pas nyes pa bzhi po nyon mongs 'bring gis byas na byang sdom
mi gtong yang nyes pa 'byung bas bshags yul gsum yan chad la
bshags dgos pa dang/ gcig

gi mdun du lhag ma rnams/ zhes pas nyes pa bzhi po nyon mongs
zhan pas byas na sngar las yang bas bshags yul gcig gi mdun du
bshags kyang 'dag pa dang/ nyon mongs mi mongs bdag sems
bzhin/ zhes pas zag

pa chung 'bring gnyis ka la bshags yul mtshan nyid dang ldan pa
gtan nas ma 'byor na/ nyes byas nyon mongs can ma yin pa'i
bshags tshul bzhin du rang sems la sngar byas la 'gyod sems
dang phyin chad la sdom

@014a @#/ /sems byas kyang 'dag par bstan pa yin la/ des na pham
pa bzhi so so'i ngos 'dzin dang/ zag pa che 'bring chung gsum
gyi ngos 'dzin dang/ nyes byas zhe drug po rnams la kun slong gi
bsam pa'i dbang

gi nyon mongs can dang nyon mongs can ma yin par 'gyur tshul sogs
zhib tu bris na yi ge mang por 'gyur bas 'jigs te 'dir brda
bstan pa tsam re byas pa'o/ /de yang/ dkon mchog gsum gyi dkor
'phrog pa

gong 'og gnyis nas gnyis par thub pas gsungs pa yin/ zhes pa
tshig drug ji yin 'dri ba la/ dkon mchog ces sogs gnyis kyi don
ni/ dkon mchog gsum gang rung la phul ba'i rdzas tha na dar skud

ras skud dam zhal zas gcig gam me tog 'dab ma gcig tsam yan chad
rang don du ma byin par blangs nas kun dkris tshang na byang sdom
gtong rgyu'i pham pa dang po 'byung zhes pa dang/ dam pa'i zhes
sogs gnyis

kyi don ni/ nyan thos dang/ rang rgyal dang theg chen gsum po
gang rung gi lam cha tshang bar ston pa'i chos la 'di sangs rgyas
kyi gsung ma yin zhes spangs te kun dkris tshang na pham pa gnyis
pa 'byung zhes pa'o/ /dkon

mchog gsum gyi dkor 'phrog pa 'og ma ston byed la/ dge sbyong
chad pas zhes sogs tshig rkang gsum yod pas/ don de 'dri ba yin
min som nyir gyur kyang yin dbang du byas na de'i don ni/ dge
sbyong la nor gyi

@014b chad pas bcad pa na/ dge sbyong des dkon mchog gsum gyi
dkor brkus sam brkur bcug pa'i nor chad pa la phul ba kun dkris
tshang ba'i sgo nas blangs na len pa po la pha ma pa bcu gsum pa
'byung zhes pa'o/

yang bdag ni zab mo zhes sogs gnyis kyi don ni/ rang gis ma
rtogs bzhin du rdzun gyis bdag ni stong nyid zab mo mngon sum du
rtogs pa'i bzod pa dang ldan pa yin zhes phyin ci log tu kun
dkris tshang pa'i sgo nas

smra ba gzhan gyis don go ba na pham pa bcu gnyis pa 'byung zhes
pa'o//