! //bla ma zhabs drung gi dri lan/ rnam kun mkhyen brtses rjes 'dzin
zhabs drung lags rin po che'i zhabs pad drung du/ ched gsol/ da lam
gsung

bris gnang rten gyis klubs pa stsal 'byor bka' drin che don
bzhin snying po don gsum gyi bla brgyud du 'byung ba'i paN chen
bsod nams grags pa'i yang srid du sprul sku bsod nams dge legs
dpal

@016a @#/ /bzang dang/ de'i yang srid du gzi khang sprul sku
grags pa rgyal mtshan dang/ de nyid glo bur gyi rkyen lam du
gshegs pa'i yang srid du dol rgyal po'am gshugs ldan rdo rje

'bar bar grags pa yin par snang lags/ dga' ldan lha brgya ma'i
skabs su mchod pa byin rlabs dang gtor 'bul sogs 'jam dbyangs
'bar bar grags pa yin par snang lags/ dga' ldan lha brgya ma'i
skabs su mchod pa byin rlabs dang gtor 'bul sogs 'jam dbyangs
bde ba'i rdo rje dang/ rgyal mchog bskal bzang rgya

mtsho sogs tshad ldan mkhas pa'i gzhung du ma mthong zhing bla
ma'i zhal las kyang ma thos pas mi byed pa'i phyogs nyid rtog
bzo'i bsre bslad chung bas legs par go lags/ 'on kyang gang

zag gi blo ris kyis cis kyang 'bul bar bzhed na/ rje btsun blo
bzang dpal ldan ye shes kyis dga' ldan lha brgya ma'i bsnyen yig
tu/ de'i mdun du mchod gtor phun sum tshogs pa bshams

nas; ;zhes gsungs pas phul kyang 'gal ba med 'dra yang ji ltar
'bul tshul mi gsal bas rje de nyid kyi mdzad pa'i rje tsong kha
par brten pa'i sa bcud bum sgrub nas rung mthun sbyar na rung
bar mngon

pas de'i tshul ni/ bca' gzhi 'cha' pa'i tshe dkar gtor zlum po
rgyan gyis brgyan pa dang chu gnyis nyer spyod kyi mchod pa
bsham/ skyabs yul 'od dmar ser du bsdus pa'i rjes su rang nyid
rje bla mar

@016b bskyed/ dmigs brtse ma'i bzlas brjod zin pa'i rjes su
mchod pa rnams a mr-i tas bsangs/ swa b+hA was sbyangs/ stong
pa'i ngang las oM las rin po che las grub pa'i snod yangs shing

rgya che ba rnams kyi nang du oM 'od du zhu ba las byung ba'i
mchod yon/ zhabs bsil/ me tog /bdug spos/ mar me/ dri chab/ zhal
zas/ rol mo rnams rang bzhin bde stong/ rnam pa

mchod rdzas/ byed las dbang po drug gi spyod yul du zag pa med
pa'i bde ba khyad par can bskyed par gyur/ oM arg+haM AH
hUM/ de bzhin du/ pAdyaM/ puShpe/ d+hA pe/ A lo ke/

gand+he/ nai wi dye/ shapta AH hUM/ zhes pa dang/ gtor ma/ a
mr-i tas bsangs/ swa b+hA was sbyangs/ stong pa'i ngang las b+hUM
las rin po che las grub pa'i snod yangs shing rgya che ba'i nang

du; gtor ma lha'i zhal zas 'dod pa'i yon tan lnga dang ldan pa'i
steng du oM AH hUM gis mtshan pa las 'od 'phros/ 'khor 'das
kyis bsdus pa'i chos thams cad 'bru gsum la thim zhing

de yang 'od du zhu ba las byung ba'i bdud rtsi'i rgya mtsho chen
por gyur/ oM AH hUM/ lan gsum gyis byin gyis brlabs te/ rje
btsun bla ma yab sras rnams kyi ljags 'od zer gyi spu gus

@017a @#/ /gtor ma'i bcud thams cad drangs te gsol bar gyur/ oM
gu ru su ma ti kI rti sa pa ri wA ra i daM ba li ta kha kha
khA hi khA hi/ lan gsum gyis gtor ma dang/ oM

gu ru su ma ti kI rti sa pa ri wA ra arg+haM pra tI tstsha ye
swA hA/ zhes pa nas/ shpta pra tI tstsha ye swA hA/ zhes
pa'i bar gyis mchod pa phul la/ gangs can shing rta'i srol 'byed
tsong kha pa/ /dngos

stobs rigs pa'i dbang phyug rgyal tshab rje/ /mdo sngags bstan
pa'i bdag po mkhas grub rje/ /rgyal ba yab sras gsum la gus
phyag 'tshal/ /zhes bstod nas/ rgyal kun mkhyen pa'i

rang gzugs 'jam dpal dbyangs/ zhes sogs dkyus ltar mdzad pas
thus pas dgongs 'jags mkhyen mkhyen lags/ gzigs rten bcas tshes
bzang por phul//