! lam

rim sbyor ba'i chos drug gi mchod pa g.yo med par btsal la zhes
pa'i g.yo ni/ log 'tsho lnga char gtogs dang bcas pa'i sgo nas
bsgrubs pa'i yo byad kyis mchod pa 'bul ba rgyu'i g.yo dang/

tshe 'di dang phyi ma dang rang don gyis kun nas bslabs te 'bul
ba kun slong gi g.yo'o/ /log 'tsho lnga char gtogs dang bcas pa
ni/ tshul 'chos kyis rnyed bkur 'byung ba'i phyir du lus kyi kun

@017b spyod chos dang mthun mdog kha mo byed pa yin/ kha gsag
gis rnyed bkur 'byung ba'i phyir du gzhan gyi blor 'babs pa'i
dag 'jam po smras nas byang sems 'byongs mdog byed pa'o/ /gzhogs

slong gis gzhan gyi rdzas thob phyir du rdzas de'i sngags pa
brjod pa'o/ /thob 'jal gyis rnyed pa thob phyir du gzhan la ser
sna che ba sogs kyi skyon brjod byed pa'o/ /rnyed pas rnyed pa
sdud pas rnyed

pa 'byung ba'i phyir du gzhan gyi mdun du gang zag che ge mo
zhig gis bdag la dngos po 'di dang 'di lta bu zhig byin nas bsod
nams byas so zhes sngar thob pa la bsngags brjod byed pa'o/
/yang ma

sems can thams cad kyi don du zhes sogs smon sems tsam po ba
dang/ de'i phyir du dus 'di nas zhes sogs 'jug sdom len tshul
dang/ sems can thams cad kyi don du sangs rgyas zhes

sogs smon sems mtshan nyid pa yin no// ! yang tshogs zhing gi
skabs de dag gi phyi rol tu gang la gang 'dul zhes sogs mdzad pa
bcu gnyis lta bu gang la gang 'dul yin

pas tshad bzung med/ ! bshes gnyen la ma gus pa sogs nas/ byin
gyis brlab tu gsol gyi bar lan gcig dang gsum gang bdes chog
cing/ phyi nang gi bar chad thams
@18a @#/ /cad ces sogs kyi skabs mkha' 'gro chos skyong rnams las
rang 'dra'i sku gnyis pa me stag 'phro ba re chad nas rang la
thims pas gdon bgegs thams cad zhal du

dmar cir cir gsol zhing lhag ma rnams sku'i me 'od kyis bsregs
pa'i mos pa byas par chog lags/ ! sku gsung thugs kyi dngos grub
ni/ rang gi lus ngag yid gsum gyi

skyon je chung dang yon tan je cher song nas mthar bla ma'i sku
gsung thugs dang spangs rtogs mnyam pa la byed/ ! zab rgyas
gnyis kyi lam gyi rim pa dang snying po dang snying po'i yang
snying po

can zhes pa 'di la bzhed tshul mang yang mdor bsdu na/ mdo phyogs
kyi gzugs sku sgrub byed kyi lam rnams rgya che ba'i lam gyi rim
pa dang/ chos sku sgrub byed kyi lam rnams zab mo'i lam gyi

rim pa dang/ rgyud sde 'og ma gsum gyi gzugs sku sgrub byed kyi
lam rnams rgya che ba'i lam gyi rim pa'i snying po dang/ chos
sku sgrub byed kyi lam rnams zab mo'i lam gyi rim pa'i snying po
dang/

bla med kyi gzugs sku sgrub byed kyi lam rnams rgya che ba'i lam
gyi rim pa'i snying po'i yang snying po dang/ chos sku sgrub
byed kyi lam rnams zab mo'i lam gyi rim pa'i snying po'i yang
snying por bzhag

@18b chog cing/ de gnyis las logs su zab rgyas gnyis ka'i lam
gyi snying po sogs 'jog rgyu med de/ dper na gzims chung steng
dang/ gzims chung 'og gnyis las logs su

gzims chung steng 'og med pa bzhin no//