! dge slong byams pa dar rgyas kyi dri lan skor/ srid 'byor dug
gi me tog ltar dgongs nas/ /sdom gsum tshul khrims dag pa gzhir
bzung ste/ /cha tshang lam bzang sgrub la nyer gzhol ba'i/ /

bshes gnyen gang gi 'phrin rten son pas spro/ /ba lang rmig rjes
chu yis 'geng sla bzhin/ /blo chung cung zad thos pas tshim mod
kyi/ /rgya mtsho chen po chu yis mi ngoms ltar/ /thos pas ngoms
pa med pa

@20a @#/ /shin tu legs/ /'on kyang ngos cag skyes sbyangs stobs
phra bas/ /dri lan ji bzhin thebs pa rab dka' yang/ /rang blor
shar tshod mdor bsdus yi ge ru/ /spel 'di rnam dpyod spyan gyis

btsa' bar rigs/ /de yang dri ba dang po/ skyabs 'gro'i ngo bo
rgyu gnyis ji ltar zhe na/ bskyab bya'i sdug bsngal gyis 'jigs
pa dang/ skyabs yul la 'jigs pa de las skyob pa'i nus pa yod par
yid ches pa gnyis ni/

skyabs 'gro'i rgyu yin la/ rgyu de gnyis kyis kun nas bslangs
te/ skyabs yul la re ltos 'cha' ba ni skyabs 'gro'i ngo bo yin
te/ dri lan blo bzang bzhad pa'i sgra dbyangs las/ skyabs 'gro'i
ngo bo i thi ba/ /rang

nyid lhag par 'jigs pa dang/ /dkon mchog skyob pa'i nus ldan du/
/shes las byung ba'i skyabs 'gro la/ /thams cad mkhyen pa khyod
nyid bzhed/ /ces gsungs pa'i phyir ro//