! jo lags phun tshogs dbang rgyal gyi dri lan/ bka' 'dri dang po'i lan
ni/ dbang

chen gser gyi sa gzhi'i steng gi mtha' skor du rgyu lcags las grub
pa'i ri bo zhes pas lcags ri'i don spyi rags pa bstan/ dpangs zheng du
dpag tshad sum brgya bcu gnyis dang rgyang grag bzhi re

yod pas zlum por bskor ba zhes pas chu mtshams yan gyi nang ngos
kyi dpangs dang zheng tshad bstan/ nang thams cad dpangs su dpag
tshad brgyad khri yod pas chus khengs par bsam/ zhes pas

@27b chu mtshams man gyi nang ngos kyi dpangs tshad dngos su bstan
nas/ nang ngos kyi dpangs tshad gnyis ka bsdoms pa phyi ngos kyi
dpangs tshad du shugs la bstan pa yin te/ mdzod las/ chu yi nang du
brgyad khri dag /

nub po de bzhin steng du yang/ /dpag tshad dag ni brgyad khri'o/
/brgyad po'i 'phang du phyed phyed dbri/ /de dag rngams su'ang
'phang dang mnyam/ /zhes ri rab chu nang du dpag tshad brgyad khri
nub par dngos su

bstan pa'i shugs la ri gling gzhan rnams kyang nub par bstan/ ri rab
kyi chu mtshams yan chad kyi dpangs dpag tshad brgyad khri dang/
gser ri bdun dang lcags ri ste brgyad kyi chu mtshams yan gyi dpangs
ni/ nang

ma'i phyed phyi ma'i tshad yin pas/ gser ri dang po la dpag tshad bzhi
khri/ gnyis pa la nyi khri/ gsum pa la chig khri/ bzhi pa la lnga stong/
lnga pa la nyis stong lnga brgya/ drug pa la chig stong nyis brgya
lnga bcu/ bdun

pa la drug brgya nyer lnga/ lcags ri la sum brgya bcu gnyis dang
rgyang grags bzhi yod pa dang/ ri dgu ga rang rang gi chu mtshams
yan gyi dpangs dang zheng mnyam par bstan pa'i dgongs pa rma med
pa yin par rlom pa

lags//