! gru 'dzin bla ma dka' chen lags kyi dri lan skor/ rnam kun brtse
bas 'dor med rje drung lags rin po che'i zhabs drung du/ 'bul 'bras/
bad mi ched gnang mdun phyag bris

gnang rten gyis klubs pa dang der gsal tshang ma nyams med 'byor
bas dga' spro thob cing bka' drin mchog tu che/ sngon zhus bzhin
phran re zhig gzugs gzhi bde min byung na ma gtogs mi dang 'phrad
'phrad dang

chos 'chad 'chad mi byed pa'i 'dun pa shugs drag btang zin shes bka'
gnang ji bzhin sgrub ma thub par khrel 'khrungs med pa dang/ lam
rim gyi tshig don las brtsams te bka' 'dri gnang ba'i lan gang gis

rim pa ltar 'bul ba la/ dri ba dang po bde lam gyi tshogs zhing bsdu
ba'i tshe/ bla ma thub pa'i dbang po yang rang gi spyi bo'i rtsa ba'i bla
ma la thim/ zhes pa'i spyi bo'i bla ma de ni ji gsung ltar gsol 'debs
rgyas

@28b pa byed tshe/ dpal ldan rtsa ba'i zhes sogs kyi skabs su bsgom pa
yin la/ bsgom tshul ni/ don chen po gsum gyi sgo nas gsol 'debs
rdzogs rjes/ rang gi spyi bor sna tshogs pad zla'i gdan zhig lam

gyis bskyed nas/ bla ma thub pa'i dbang po'i mdun du yod pa'i drin
can rtsa ba'i bla ma la dmigs nas/ dpal ldan rtsa ba'i bla ma rin po
che/ /bdag gi spyi bor pad zla'i steng bzhugs pa/ /zhes pa'i tshe/ rtsa ba'i

bla ma las rang 'dra gnyis pa zhig byung spyi bo'i gdan steng du
bzhugs shing/ sku gsungs thugs kyi dngos grub stsal du gsol/ dang
po'i tshe spyi bo'i bla ma'i sku'i cha las bdud rtsi babs nas mi mthun
phyogs kyi

nyes skyon sbyangs pa dang/ gnyis pa'i tshe sku las rang 'dra gnyis pa
chad de rang la thims nas mthun phyogs kyi yon tan rgyas pa'i mos
pa dang/ 'dren pa mnyam med man chad la spyi bo'i bla mas mgron
gnyer

gyi tshul mdzad de/ rang gis spyi bo'i bla ma la zhus/ spyi bo'i bla mas
mdun gyi gsol ba 'debs yul gang yin la zhu ba sogs yin zhing/ don
chen po gsum gyi gsol 'debs tsam las mi byed

na tshogs zhing bsdu ba'i tshe/ bla ma thub pa'i dbang po yang rang gi
spyi bor seng khri pad zla nyi ma'i dkyil 'khor gyi steng du zhugs par
gyur/ phun tshogs dge legs zhes brjod pas chog lags/ /