@29a @#/ /! dri ba gnyis pa 'jam dpal zhal lung gi sgro 'dogs gcod pa'i
bshad bka' dang/ zhes pa'i bshad bka' de gang yin zhe na/ bshad bka'
ni bshad pa'i bka' srol te/

de yang rje bdag nyid chen po nas/ rgyal tshab dar ma rin chen/ nyan
po shAkya rgyal mtshan/ se ra mkhas btsun don yod dpal ldan/ se ra
rje btsun chos kyi rgyal mtshan/ khri chen dge 'dun rgyal

mtshan/ stag lung brag pa blo gros rgya mtsho/ 'jam dbyangs dkon
mchog chos 'phel gyi bar bla ma gong ma gong mas 'og ma 'og ma
rnams la/ lam gyi rim pa'i tshig re re nas don 'di

dang/ 'di yin no zhes ra sprad nas thos pa'i sgro 'dogs gcod pa'i bka'
srol bzang po de 'bad pa chen pos zhus nas stsal ba'i thos pa'i bla ma
brgyud rim gcig dang/ yang rje rin po che nas/

rje btsun shes rab seng ge/ paN chen dge 'dun grub/ mkhas grub nor
bzang rgya mtsho/ rgyal ba dge 'dun rgya mtsho/ khri chen bde ba can
pa dge legs dpal bzang/ lha btsun bsod nams

dpal bzang/ rgyal ba bsod nams rgya mtsho/ spyan snga gzhon nu
chos dpal bzang po/ 'khon ston dpal 'byor lhun grub bam snang
mdzad rdo rje/ zung 'jam dbyangs dpal 'byor 'phrin

@29b las rab rgyas sam shrI b+hu ti'i bar bla ma gong ma gong mas
'og ma 'og ma rnams la lam gyi rim pa'i don gyi snying po rnams
dmar 'khrid du bstan nas nyams myong ma mtha' re rgyud la skyes
skyes kyi bar du

gegs sel phogs 'don dang bcas te nyams su len du 'jug pa'i 'khrid bka'
'am/ 'khrid pa'i bka' srol bzang po de 'bad pa chen pos zhus nas stsal
ba'i bsam sgom gyi bla ma brgyud rim

gcig ste/ bshad bka' dang 'khrid bka'i brgyud tshul so sor bgrang
rgyu yod pas/ dgon pa'i bla rabs 'dren pa tsam dang/ bar skabs kyi
brgyud pa'i khungs med pa gzhan la ston mkhan tsho dang mi

'dra gsung rgyu ste/ mjug tu yang/ smra mkhas ngag gi dbang phyug
rje btsun bla ma dkon mchog chos 'phel ba'i drung du lam gyi rim
pa chen mo tshig gcig kyang ma lus pa'i gzabs bshad lan

gnyis kyi bar du mnos/ zhes dang/ rgyal ba'i gsung rab mtha' dag la
gzhan dring mi 'jog pa'i rtsong dus kyi kun mkhyen chen po 'khon
ston chos kyi rgyal po'i zhal lung dri ma med pa 'jam dbyangs

bla ma'i drin las legs par thos/ zhes gsungs pa'i phyir ro//