! dri ba bcu gcig pa/ rlung sgra can dang shugs can dang rgod bag
can zhes pa rnams kyi don gang yin zhe na/ yongs 'dzin paNDi ta'i blo
sbyong bla mchod phyag chen rnams kyi 'khrid yig tu/ de nas rlung

sgra can dang rtsol bas bskyed pa'i shugs can dang ring thung mi
snyoms pa'i rgod bag can du ma song bar rang babs su bzhag la
phar rgyu tshur rgyu dal bus brtag par bya'o/ /zhes gsungs pa ni myur
lam

@34a @#/ /gyi de'i 'grel ba lta bur snang la/ bdag rang gi go tshod ni/
rje'i lam rim che chung las/ dbugs ni phyi nang du rgyu ba sgra can
dang/ rngam pa dang rgod bag can du mi btang gi ci nas kyang

phar rgyu tshur rgyu mi tshor bar/ dal bu dal bus 'bad pa med par 'jug
pa de ltar bya'o/ /zhes gsungs pa 'di dbu ma sgom rim gyi dgongs pa
yin zhing/ de don yang rim pa ltar/ phar rgyu tshur rgyu mi

tshor ba sgra can du mi btang ba'i don dang/ dal bu dal bus btang ba
rngam par mi btang ba'i don dang/ 'bad rtsol med par 'jug pa rgod
bag can du mi btang ba'i don du bzung na rje thams cad mkhyen

pa'i dgongs par e 'gro snyam pas brtag par mdzod cig /smras pa/
bdag ni thos nyung sbyangs pa'i stobs dman pas/ /lam bzang dka'
gnad 'byed par ga la nus/ /'on kyang dang ldan slob ma'i

g.yar khral du/ /gang shar yi ger 'bad pas bkod de phul/ /nor 'khrul
skyon dang 'dres rnams snying nas 'chags/ /mkhas pa'i tshogs kyis dag
par mdzad du gsol/ /'di yi dge bas ma rgan

'gro kun gyi/ /som nyi'i dra ba gcod pa'i mthu ldan shog/ /sarba
mangga laM//