! zha lu sprul pa'i sku blo gsal bstan skyong gi dri lan skor/ bstan
pa'i gsal byed dam pa sprul pa'i

sku rin po che'i zhabs drung du/ gus zhu/ de nas bka' 'dri phebs lan
gang shes rim par 'bul ba la/ bshes sbrings las/ bslab pa brgya rtsa
lnga bcu rtsa gcig kyang/ /zhes pa dang/ dbu ma rin chen

@092a @#/ /'phreng ba las/ lnga bcu rtsa bdun bsgrags pa yang/ /'bad de
nges par rtogs par bya/ /zhes pa gnyis dge slong gi ltung ba sde
lnga'i gang dang gang yin gsung ba la/

dang po la bkras lhun par ma sogs su/ bslab pa brgya rtsa lnga bcu
lhag gcig ni/ zhes pa snang/ 'on kyang bu ston rin po che'i las
brgya'i TIkkar/ rtsa zhes pa lhag pa'i don yin gsungs pa ltar/ brgya

rtsa ni lhag ma brgya dang bcas pa'i nyis brgya dang/ lnga bcu rtsa
ni lhag ma gsum dang bcas pa'i lnga bcu nga gsum ste/ nyis brgya
lnga bcu rtsa gsum la go bar bya ste/ 'di'i thad kyi rje red mda' ba'i
'grel

pa las/ so sor thar pa las gsungs pa'i pham pa bzhi/ lhag ma bcu gsum/
spang lhung sum cu/ 'ba' zhig pa dgu bcu/ sor bshags bzhi/ nyes byas
brgya rtsa bcu gnyis te/ bslab pa brgya rtsa

lnga bcu lhag gcig ste/ nyis brgya lnga bcu rtsa gsum po rnams ni/
lhag pa'i tshul khrims yin pa'i phyir/ zhes gsungs pa ltar ro/ /'o na;
bslab pa nyis brgya lnga bcu rtsa gsum ni/ mi gsung bar go dka'

ba de 'dra gsung bci yin snyam na/ bshes springs yongs rdzogs rgya
dper/ sdeb sbyor 'phags ma'i dbyangs 'ba' zhig tu yod par grags pas/
sdeb sbyor bsgrig sla ba'i dbang gis yin nam snyam

@92b mo; ;! gnyis pa rin chen 'phreng ba'i de'i don ni/ rgyas bshad kyi
skabs kyi rin 'phreng dang/ de'i thad kyi rgyal tshab rin po che'i 'grel
pa gung bsgrigs te ming tsam brjod par/ nyes

pa phran tshegs kyi gtso bo spang bya lnga bcu rtsa bdun ni/ khro ba;
'khon 'dzin/ 'chab pa/ tshig pa/ g.yo; sgyu; phrag dog/ ser sna/ ngo tsha
med pa/ khrel med pa/ khengs pa/ nyes rtsom/ rgyags pa/ bag med

nga rgyal/ tshul 'chos/ kha gsag /gzhogs slongs/ thob 'jal/ rnyed pas
rnyed pa 'dod pa/ skyon zlos/ sbungs med/ le lo can/ bdag gzhan tha
dad kyi 'dul shes/ sems la lta ba med pa/ le

los bkur sti nyams pa/ skye bo ngan pa/ zhen pa/ yongs zhen/ chags
pa/ mi rigs pa'i chags pa/ chos min pa'i 'dod chags/ tshul 'chos pa/ 'dod
chen/ thob 'dod/ mi bzod pa/ tshul med pa/

bka' blo mi bde ba/ nye du dang 'brel ba'i rnam rtog /yul la sred pa/
mi 'chi ba'i rtog pa/ rjes su rnam rig gi rtog pa/ gzhan la rjes chags
kyi rnam rtog /gnod sems rags pa/ brtan pa med pa'i yid/ 'dod

pas bsnyogs pa'i yid/ snyom pa/ 'gyur ba/ zas mi 'dod pa/ sems shin tu
dma' ba/ 'dod pa la 'dun pa/ gnod sems/ brnya ba/ gnyid/ rgod ba/
'gyod pa/ the tshom rnams so//