! bka' 'dri brgyad pa'i lan ni/ kun rdzob bden pa'i sgra don snga phyi
gnyis las/ dbu ma thal 'gyur pa'i lugs ni dang po dang mthun nam
snyam ste/ dwags

po ngag dbang grags pa'i lam rim las/ gang zag bden 'dzin can de'i
bden 'dzin ngor/ /bden pas dngos rnams kun rdzob bden zhes bsnyad/
/ces gsungs pas so/ /'o na 'phags pa'i ye shes kyi

gzigs ngor kun rdzob bden pa 'jog tshul ji ltar byed ce na/ lam rim
las/ bden 'dzin spangs pa'i gang zag rnams kyi dor/ /kun rdzob ya
gyal bden pa bzhag tu med/ /'on kyang de'i ngor kun rdzob

@100a @#/ /bden pa 'jog /ces dang/ yul rnams bden snang sangs rgyas
rang snang gi/ /dbang byas min kyang gzhan la snang ba snang/ /de
kun rnam mkhyen mnga' ba'i gnad kyis so/ /zhes

gsungs shing/ lam rim chung ngu las kyang/ sangs rgyas kyi ji snyed
pa mkhyen pa'i ye shes la/ ma rig pa ma spangs pa'i ngor gzugs sgra
sogs rang gi mtshan nyid kyis ma grub bzhin du der snang ba'i don

rnams snang ba ni/ ma rig pa'i bslad pa yod pa'i gang zag la de dag
snang ba kho na'i sgo nas sangs rgyas la snang ba yin gyi/ gzhan la
de ltar snang ba la ma ltos par sangs rgyas kyi rang ngos nas
snang ba

min no/ /de'i phyir gzugs sogs rang bzhin gyis ma grub bzhin du der
snang ba sangs rgyas kyi mkhyen pa yang ma rig pa dang ldan pa la
de ltar snang ba'i ngos nas yin gyi/ gang zag de la der snang ba la
ma ltos

par sangs rgyas rang gi ngos nas de ltar snang ba'i tshul gyis
mkhyen pa min pas/ der snang bas 'khrul bar 'gyur ba'i don med de/
de ni ye shes la bslad pa yod nas snang ba min yang ye shes des shes
bya thams

cad mkhyen dgos pa'i gnad kyis so/ /zhes dang/ stong mthun skal
bzang mig 'byed las/ blo des bden par ma gzigs kyang de'i don blo
gzhan gyis bden par mthong ba med mi dgos so/ /zhes gsungs

@100b pa'i phyir ro/ /kun rdzob dang bden pa'i sgra don phran rang
gis kyang mi go 'dug rung/ go tshod zhu ba la/ kun rdzob bden 'dzin
ma rig pa la byas nas/ de'i ngor bden pa la kun rdzob bden pa zhes

bshad pa dang/ 'on kyang bden 'dzin can gyi kun rdzob bden pa ma
grub ste/ de'i ngor bden pa grub kyang kun rdzob ma grub pa'i phyir/
bden 'dzin gyi ngor bden pa tsam gyis kyang kun rdzob bden pa 'jog
pa min

te; chos nyid lta bu bden 'dzin gyi ngor bden kyang de kun rdzob
bden pa ma yin zhing/ don dam bden pa yin pa'i phyir/ des na chos
nyid de kun rdzob bden pa zhes pa'i sgra bshad gzhi yin kyang kun
rdzob bden

pa zhes pa'i sgra 'jug gzhi ma yin no snyam pa lags/