! dkar po ba'i gces tshe ring don grub kyi dri

lan; ! rnam kun mkhyen brtse mtshungs bral rgan chen lags rin po
che'i zhabs drung du/ stabs 'jos kyis zhu 'bras/ bang mi ched gnang
mdun gsung 'phrin gnang rten gyis spud pa

@105b stsal 'byor bzhin/ dmigs pa brtan thabs ni/ spyod 'jug las/ bzlas
brjod dang ni dka' thub sogs/ /yun ring dus su spyad byas kyang/
/sems gzhan g.yeng bas byas pa ni/ /de nyid rig pas don med

gsungs/ /zhes sems gzhan du yengs ba'i dge sbyor la phan yon chen
po mi 'byung bar gsungs mod/ 'on kyang rang re las dang po la
rnams kyi nyi ma re re bzhin thun ring po'i bar du dge sbyor gcig la
sems

gtan nas ma yengs par bya rtsis bgyis na 'phral du sna sun 'phog
cing/ chos dred kyi rgyud 'gro ba la dgongs nas/ lam rim chen
mong/ de yang dang por yun ring na bying rgod kyi dbang du 'gro
sla zhing/ de

la goms na blo 'chos dka' bas thun chung la grangs mang bar bya/
zhes dang/ jo bo'i spyod pa bsdus pa'i sgron ma las kyang/ bde ba'i
stan la 'dug nas ni/ /chos rnams chos nyid dran par bya/ /mtshan

mas g.yeng bas ma nus na/ /langs la dngos por snang ba kun/ /sgyu
ma lta bur nye bar brtag  /ces gsungs pa yin pas/ bsgom bzlas thun
nyung du zhig gi ring sems gtan nas ma yengs shing/ lcags

skud shing bal gyis dkris pa ltar khong grims la 'phral lhod chags
pa'i dngos gtsang ba zhig dang/ de nas thun mtshams gyi dge sbyor
klog dang kha ton/ phyag dang skor ba/ mchod dang sbyin

@86a @#/ /gtong sogs la spros kyi na 'bad nas yang bsgom bzlas kyi
thun la 'jug pa lta bu'i dge sbyor gyi gnad cig shes na/ byis pa rtsed
mo la yengs pa ltar nyin mtshan gar song

ngo mi shes pa'i dge sbyor shin tu 'phel ba zhig 'byung zhes bka'
gdams gong ma rnams gsung ba ltar lags/ byang sems sbyong thabs
ni/ spyir rje rin po ches/ thog mar zhing gi mthu la brten

nas ni/ /nang gi bsam pa'i stobs ni skye 'gyur bas/ /dge ba'i bshes dang
dkon mchog mchod pa la/ /rgyun mi 'chad pa'i sbyor ba bsten 'tshal
lo/ /zhes dang/ paN chen blo bzang chos kyi

rgyal mtshan gyis/ lam gong ma'i rtogs pa skye ba la/ /gegs sdig sgrib
yin pas sbyong ba'i thabs/ /bdun rnam dag yan lag bdun pa yis/ /dus
rgyun du tshogs gsog sgrib sbyong gces/

zhes dang/ kun mkhyen lnga pas/ lha chos lta zhog mi chos bya
bzhag kyang/ /lam du rgyug pa bsod nams la rag pas/ /dkon mchog
mchod dang ngan slong sbyin gtong sogs/ /legs byas spel

ba'i tshogs chen gsog pa gnad/ /ces gang gsungs pa ltar lags shing/
khyad par rje rin po ches/ rang nyid srid mtshor lhung ba ji bzhin du/
/mar gyur 'gro ba kun kyang de 'dra bar/ /mthong nas

@86b 'gro ba sgrol ba'i khur 'khyer pa'i/ /byang chub sems mchog
'byongs par byin gyis rlobs/ /zhes gsungs pa ltar/ skyes bu chung
'bring gi lam rnams legs par bsgoms pa la brtan nas 'khor ba

'di sdug bsngal drag cing bzod par dga' ba'i rang bzhin can du
mthong ba zhig dang/ skyes bu chen po'i rgyu 'bras man ngag bdun
ma dang bdag gzhan mnyam brje ring du bsgoms pa la brten nas
sems

can mtha' dag ma drin can gces shing phangs la sdug cing yid du
'ong ba'i rnam par mthong ba zhig ste de gnyis byung na/ rang 'khor
ba'i sdug bsngal gyis mnar ba la thar 'dod kyi nges 'byung skye ba
bzhin du/ sems

can thams cad 'khor ba'i sdug bsngal gyis mnar ba la yang sgrol
'dod kyi snying rje chen po skye ba yin la/ de'i tshe sems can mtha' dag
sgrol ba'i nus pa sangs rgyas kho na la yod par mthong nas sems
can gyi

don du sangs rgyas thob 'dod kyi byang chub kyi sems skye ba yin
pas/ byang chub kyi sems skye ba'i thabs mthar thug pa ni lam rim
bsgom pa nyid yin pa mkhyen par mdzod cig /