! sdug bsngal chen

po sems thog tu yod pa bde bar bsgyur thabs ni/ sdug bsngal dang
lan gyi bzod pa bsgom pa ste/ de yang kha rag pa'i ang yig las/ sdug
bsngal sdig pa'i phyags shing yin/ /sems mi dga' byur du

@87a @#/ /ma lta ang/ /zhes dang/ rje mar ba'i zhal gdams mi las mgur
du zhes pa las kyang/ bu 'khor bar bde ba ma re gsungs/ /sdug bsngal
skyon du ma lta gsungs/ zhes 'byung ba ltar/

rang gis brtag shes na sdug bsngal la brten nas sdug bsngal can gyi
'khor ba las thar 'dod kyi nges 'byung skye ba dang/ rang la mchog
'dzin gyi nga rgyal dang gzhan la khyad gsod kyi blo bzlog pa
dang/ sdug

bsngal las skyob phyir skyabs 'gro shugs drag 'byung ba dang/ sdug
bsngal gyi rgyu sdig pa sngar byas la 'gyod cing phyin chad sdom
pa dang/ bde ba'i rgyu tshogs gsog cing bsngo bas rgyas 'debs pa dang/
rang

nyams la dpags nas gzhan sdug bsngal gyis mnar ba la snying rje
skye ba dang/ sdug bsngal gyi rtsa ba bdag 'dzin du mthong nas de'i
gnyen por bdag med rtogs pa'i lta ba 'tshol zhing/ bsgom pa sogs

yon tan thams cad 'byung ba'i sgo lta bu yin zhing/ lam rim du'ang
'khor ba spyi bye brag gi sdug bsngal ched du gnyer te 'bad pa du
mas bsgom dgos par gsungs pa yin pas/ da dung rang steng du

'khor ba spyi dang bye brag gi sdug bsngal 'bab tshul yang dang yang
du bsam ste gsos 'debs pa dang/ der ma zad kha che paN chen gyis/
sdug na kun gyi sdug bsngal khur/ /sdug bsngal rgya mtsho

@87b skam par shog /ces pa ltar/ gzhan rgyud kyi sdug bsngal rnams
kyang rang steng du len pa'i mos 'dun yang yang byed pa gnad kyi
don to//