! gnyen bshes la chags

zhen gyi gnyen po bsten thabs ni/ dpung bzang gis zhus pa las/ re
zhig gcig ni dgra yang mdza' bor 'gyur/ /mdza' bo yang ni de bzhin
dgra yang 'gyur/ /de bzhin kha cig kyang ni phar mar 'gyur/ /bar

ma de nyid kyang ni dgra bor 'gyur/ /de bzhin mdza' shes 'gyur bar
rig nas ni/ /blo gros ldan pas nam yang chags mi bya/ /gnyen la dga'
ba'i sems kyi rnam rtog dag /bzlog nas dge la ci bder bzhag

@88a @#/ /par bya/ /zhes dang/ rgyal sras rin po ches/ 'byor ba'i tshe na
bros kyang rjes su snyeg /rgud pa'i tshe na rjes su bsnyegs kyang 'bros/
/bu yis rang gi pha yang gsod byed na/ /nye du

rnams la su zhig yid brtan byed/ /ces dang/ gzhon nu zur phud me
tog gi rtogs brjod las/ 'byor ba'i tshe na thams cad gnyen/ /'dud pa'i
thog ma dgra yis byed/ /rgud pa'i tshe na kun kyang dgra/ /

'dzugs pa'i thog ma gnyen gyis byed/ /ces gsungs pa ltar/ spyir dgra
gnyen gang la yang yid brtan med tshul dang/ khyad par spyod 'jug
las/ thams cad bor te cha dgos par/ /bdag gis de ltar ma

shes nas/ /mdza' dang mi mdza'i don gyi phyir/ /sdig pa rnam pa sna
tshogs byas/ /zhes pa ltar/ dgra gnyen gyi so tshis bya ba'i phyir du sdig
pa bsags na rang gzhin thams cad la gnod tshul dang/ chags

sdang bkag nas chos tshul bzhin byas na rang gzhan thams cad la
phan tshul dang/ gnyen la phan pa sgrub na yang chos kyis phan
btags pa nyid mchog tu 'gyur tshul rnams lung rigs du ma'i sgo nas
bsams

la nges pa 'dren pa ste/ mkhas grub rin po ches kyang/ phan gdags
zhing gi mchog gyur drin can ma/ /sdig spong dge la sbyor ba'i
blang dor gyis/ /gtan du phan pa'i lam la legs bkod na/ /phan 'dogs

@88b kun gyi mchog tu de nyid 'gyur/ /dngos su tshul de bsgrub par
ma nus na/ /drin can pha ma'i thog ma'i sdig pa'i tshogs/ /yongs su
sbyong ba'i sngags dang ting 'dzin sogs/ /thabs mkhas tshul la 'bad pa
rgyal bas

bsngags/ /rang gi dge sbyor tshul dang klog pa dang/ /bsam gtan rim
pa nyams par mi 'gyur na/ /kha zas sman dang rim gros phan 'dogs
shing/ /mchod pa bsod nams tshogs kyi yan lag yin/ /thos

bsam sgom pa'i bya ba yal bor nas/ /pha ma'i bsnyen bkur tsam la
chags pa ni/ /rgyal ba'i lam bzang de nyid ma rig pa'i/ /'jig rten rgan
po'i spyod tshul legs par khums/ /zhes gang gsungs

pa ltar ro//