! khams khri 'du gong spras ri khrod

@118b nas bla ma 'jam dpal grags pas bka' 'dri gnang ba'i lan ni/ myur
lam dmar khrid dbur/ tshig tsam la 'chel ba zhes pa'i 'chel ba ni zhen
pa'i brda rnyir ste tshig gtso bor bzungs nas don

la brtag dpyad mi byed pa'o/ /mthong re skan zhes pa'i skan ni
mthong bar mi 'gyur zhes mna' skyel ba'i tshig go /sgom rin mi chog
ces pa ni dngos po rin thang chung ba la gnang chung byed pa ltar

nges 'byung dang byang sems la myong ba gtso bor 'don dgos pa la/
de gnyis la gnang chung chung byas nas mi sgom pa lam gyi gnad
ma shes pa yin gsung pa'o/ /mchod pa g.yo med ces pa mchod

pa'i rgyu g.yo sgyu'i sgo nas btsal ba ma yin pa'o/ /g.yam la rgyug
pa ni zhar la rgyug pa ste chu'i zhar la 'khyag pa rgyug pa ltar
rang la nges shes med par gzhan gyi lad mo byed pa lta bu'o/ /rlung
sgra can ni phar

rgyu tshur rgyu'i sgra thos pa/ rngams pa ni brel pa/ rgod pag can ni
'bad rtsol gyis bskyed pa la lam rim chen mor gsungs so/ /bkan gzar
la mi ma thal zhes pa'i bkan gzar ba ni gyen 'thur gyi g.yang

gzar ba'o/ /ngan sems kyis khrag phyangs pa ni/ sangs rgyas kyi sku
la bkrong 'dod kyi bsam pas mtshon sogs bsnun par rdo rje'i sku
bkrong mi nus kyang sku mtshal don pa'o/ /mi 'chab bo zhes pa'i

@119a @#/ /'chab pa ni gsang ba'i don no/ /dgra bcom rgyan med ni rnam
grol gyi rgyan med pa zhes bya ba rdzu 'phrul ston rgyu med pa la
zer ro/ /lus srog theng la ber ram thed la gang yin

zhes pa thed la yin te bya thed spyang thed lta bu lhag ma cung
zad lus pa la byed do/ /dam pa ma yin pa'i phyogs ni mi dge bcu spyod
pa dang dam pa'i phyogs ni dge ba bcu spyod pa'o/ /drang srong chen

po lnga mngon shes zhes pa mngon shes lnga dang ldan pa'i drang
srong la zer ro/ /yan lag dang nying lag ces pa'i nying ni yang gi
don te yan lag gi yang yan lag ces sor mo la zer ro/ /'dab

chag ban 'gyur byed gang zhes pa ni dri tshig ma dag ste de dang 'dab
chags pa na 'gyur byed kyi zer ba yin/ de'i don 'dab chags pa ni 'brel
chags pa ste shal ma li'i sdong po dang chu bo rab med gnyis

bar mtshams med par 'brel chags pa'i don to/ /rna ba bye ba ri dang
dge 'dun srungs kyi rtogs brjod 'dul ba lung dang greng 'bum sogs
na yod/ sku gzugs la dpyas mi gdags zhes pa/ 'di ni 'di

'dra'o lta bu 'phya smod mi rung ba'i don no/ /myur lam du 'dul ba
lung gi tshig drangs par/ bud med khyo gsum 'grims pa dang/ /bya ni
rnyi las shor ba dang/ /ban btsun chos las dred pa gsum/ /

@119b g.yo yi nang na de gsuM ngan/ /zhes 'byung ba ni/ snga phyir
khyo gsum byung ba'i bud med dang/ rnyir zin pa las shor ba'i bya
dang/ chos dred kyis khyer ba'i ban btsun gsum g.yo'i nang nas
ngan shos yin pa'i don

te g.ye zhes pa ma dag go /brnya skyi zhes pa'i brnya ba ni g.yar po
g.yas pa dang skyi ba ni skyi 'phrul byas pa'i don to/ /so mel tshe zhes
pa longs spyod sogs la dgra rkun yong min rtog pa'o/ /bzang po'i
'phen pa

zhes pa khams gong ma gnyis su skye ba 'phen byed kyi las yin no/ /de
yang 'jig tshogs lta ba yin/ zhes pa'i 'jig lta ni/ rang gi phung po lnga
la dmigs nas nga dang nga yir 'dzin pa'i blo nyon mongs can zhig

go; e la'i 'dab klu zhes pa'i e la rgya skad sor bzhag 'dra zhing
myur lam du ta la dang don gcig par bshad pas brtag go /rab brgal
gcig la rdze cang gnyis min/ zhes pa chu'i rab gcig la brgal

ba la chu rjes lan gnyis mi byed ces pa'i don yin no/ /lam rim blo
bzlog bzhi pa kha reg sgom chung gis mdzad par mngon te tshigs
bcad 'di ang yig bdun cu pa'i nang nas 'byung ba'i phyir/ 'on

kyang ang yig gi gleng gzhi ltar na blo bzlog lnga pa gsung dgos
sam snyam mo/ /sha thang thang ni sha zad zad ces pa'i don yin par
'ga' zhig gsung ngo/ /rdzi'u chos sum brgya'i kha zas zhes pa 'bras

@120a @#/ /bre bcu yan chad bshong ba'i 'bras thug gi khru ba sum
brgya la zer ro/ /tshol kro ni don gzhan du bshad pa yod mod kyang
kho bo ni yo byad 'tshol ba'i phyir du 'gro 'dug byed pa yin

nam snyam pa yod do/ /khyab pa 'du byed ni da lta sdug bsngal
dngos su med kyang sdug bsngal gyi sa bon sems rgyud la yod pa la
byed do/ /ngam ngam shugs kyi zhes pa 'bad rtsol ma byas kyang
rang shugs kyis

yang yang skye ba la byed do/ /sku'i don spyi zhes pa sngar sku mig
gis mthong ba'i mdog dbyibs yid yul du shar ba la byed do/ /dran
shes na re bsten pa'i tshul zhes pa ni dran shes kyi rgyun ma chad par
byed

pa'o; ;blo'i ngo bo bred chags zhes pa ni blo'i ngo bo rgyun chags su
bskyed pa'i don no/ /de ltar dri ba mang la nyog cing dri tshig mi gsal
ba bcas lan 'debs dka' yang gzhung la brtags nas mdor

bsdus re phul ba'o//