! dbus gong dkar rgya mtsho'i sras kyi dri lan/ mkhyen brtse nus pa'i
rang gzugs gtan gyi skyabs/ /'jam mgon bla ma'i zhabs

@122b la gus btud nas/ /dpyod ldan som nyi'i dra ba dum bu ru/ /gcod
pa'i dri lan mtshon rnon gdeng bar bya/ /dpyod ldan lha sras mchog
nas ji ltar bka' 'dri stsal ba'i lan blo mig mi gsal bas

gang shar mdor bsdus 'bul ba la/ dang po la don gyi las la su sogs
bdun 'jug pa'i dper brjod ni/ shar phyogs su 'gro/ rdo bar gzugs
brnyan byed/ mtha' ru 'khyol/ rgya gar du 'gro/

rgyab tu phyogs/ mdun na rgyu/ gzugs la lta/ zhes pa lta bu/ ched la
su sogs bdun 'jug pa'i dper brjod ni/ chos phyogs su 'bad/ dman par
brtse/ bdud rtsi ru bsgrub/ shing gcod

du sta re btsal/ grub tu re/ tshogs na nor 'gyed/ shing la chu 'dren/
zhes pa lta bu/ rten gnas la su sogs bdun 'jug pa'i dper brjod ni/ shar
phyogs su 'od snang/ mar me lha gnas/

lte ba ru rdzing bcas/ lha khang du mchod rten yod/ sa 'og tu stobs
ldan gnas/ gzugs khams na tshangs pa yod/ lcags la gser 'dug /lta bu;
de nyid la su sogs lnga 'jug pa'i dper brjod

ni; skyabs su shes/ sra bar byed/ tshe lha ru bsten/ 'od du 'tsher/ gcig tu
gyur/ lta bu; tshe skabs la su sogs bdun 'jug pa'i dper brjod ni/ tshes
gnyis su nyi ma ldog /snga bar ldang/

@123a @#/ /nyi ma 'char kha ru 'gro/ rgyun du chos klog /rtag tu smra/
gung na mnyam par bzhag /srod la bdud btul/ ces pa lta bu'o/ /rin
spungs pas/ phun tshogs longs la

spyod gyur cig /ces pa'i la ni/ de nyid la 'jug pa min te/ phun tshogs
longs su spyod gyur cig /ces pa'i su de de nyid la 'jug kyang/ phun
tshogs longs la spyod gyur cig /ces pa'i la de de nyid la mi 'jug

ste; rje dkon mchog 'jigs med dbang po'i gsung na/ maNDal skabs/
sangs rgyas zhing du dmigs te dbul bar bgyi/ zhes brjod na/ sangs
rgyas kyi zhing de 'bul rgyu'i rdzas dang/ sangs rgyas zhing la

dmigs te dbul bar bgyi/ zhes brjod na/ sangs rgyas kyi zhing de 'bul
sa'i yul du 'gro bar gsungs pa dang tshul 'dra'o/ /de bzhin du/ snang
la rang bzhin med/ ces pa'i la yang/ zhing sogs dang

'jug pa mthun pa'i tshig phrad tsam las de nyid kyi don ma tshang
ngam snyam pa lags/