! lnga pa; btung ba dang/ bdug pa gnyis ming rkyang tsam ma yin te/
rje si tus/ yang skabs

@125b 'di dag tu bya tshig gis gsal mi dgos par yul gyi sgra mtshon nus
pa/ gos sogs la bgo ba dang/ rta la bcib pa/ chang sogs la btung ba/
spos la bdug pa/ bya ba la brtsam pa/ zas la bza' ba/

bslab bya la bslab pa sogs dang/ 'chad 'gyur ma ning gi 'jug pa'i skabs
su/ gdam bya la gdam pa/ rtsa la gzan pa/ yul la bzung ba sogs dang/
mo dang shin tu mo'i 'jug pa'i skabs su'ang de

'dra mang du 'byung ba go dgos so/ /zhes gsungs pa'i dgongs pa'i
snying po gsal bar byed pa'o/ /gzhan gyi dngos po'i dper bsgyur ro/
/zhes pa dang/ bdag gi dngos po'i dper gcod do zhes pa la gcig

pa'i skyon 'dug gsung ba shin tu ma brtags pa ste/ bsgyur ro zhes pa
bsgyur bar bya'o/ /zhes pa'i don dang/ gcod do zhes pa gcod par byed
do/ /zhes pa'i don yin pas/ bya ba gzhan dang byed pa bdag

la gcig skyon yod dogs med/ /dgag go/ zhes pa bya byed gnyis ka'i
dper brjod du byung bas bdag gzhan mi phyed pa'i dogs pa 'dug
gsung ba thugs mad kyang/ spyir tshig gcig la don du ma dang/ don

gcig la ming du ma 'byung ba mi 'gal bar ma zad ma ning bdag gzhan
gnyis ka la 'jug pas/ dgag go/ zhes pa yang/ snga phyi'i tshig grogs
dang bstun nas/ dgag par byed do zhes pa dang mthun

@126a @#/ /na bdag dngos dang/ dgag par bya'o/ /zhes pa dang mthun
na gzhan dngos su go dgos pa lags/ gcad ngo zhes pa 'di dus gsum
gang du 'jog dgos she na/ ma 'ongs par

'jog dgos te/ bcad do/ /zhes pa bcad zind to ste 'das pa dang/ gcad do
zhes pa gcad par bya'o ste ma 'ongs pa dang/ gcod do zhes pa gcod
par byed do ste da ltar ba yin mod kyang 'di la 'khrul

mkhan mang po snang ngo//