! bdun pa/ sum cu pa'i/ sbyar ba 'byung khungs sa yin te/ zhes pa'i 'grel
bar/ sa nas rtsa skyes/ zhes pa

ni; rnam dbye ngos 'dzin pa'i dper brjod dang/ rtags 'jug gi/ de dag
nang gses gang 'jug pa/ /mthar sbyar 'og ma'i ming don las/ /zhes pa'i
rgyas bshad du/ sa las rtsa skyes/ zhes pa na/

'og ma'i ming don la brtags nas ming gong ma'i mthar rnam dbye
gang 'thob kyi dper brjod yin pas zlos skyon med dam snyam ste/
dper na khyed rang gi dri ba 'dir dogs gcod zhu zhes pa mang du
snang

@126b yang zlos skyon med pa bzhin no/ /zhar byung da drag rtag
thob dang 'das thob kyi dper brjod gang rgyas dgos gsung par/ rjes
'jug ga nga ba ma bzhi'i mjug tu sa'i yang 'jug dang/ na ra la gsum gyi

mjug tu da'i yang 'jug gam da drag tu grags pa de/ bklags so/ /klogs
shig /bskyangs so/ /skyongs shig /bslabs so/ /slobs shig /bsgoms so/
/sgoms shig /bstan da to/ /ston da cig

bsgyurd to/ /sgyurd cig /bstsald to/ /stsold cig /ces pa lta bu'i 'das
tshig dang/ bskul tshig la nges can 'byung bar mthong ba de bdag
rang gi 'di skabs kyi go tshul drag shos yin pas thugs la

babs na rigs 'gre sbyor bar mdzod/ ming rkyang la sa da'i yang 'jug
yod pa'ang mtha' yas kyang rgyu mtshan 'di la brten nas yang 'jug
'thob par 'dug snyam pa'i nges shes bdag rang la'ang med pas/ sngon

gyi yig rnying dang rje si tu'i 'grel chen dang de'i mthar rnam dbye
dang tshig phrad gang bde sogs las mkhyen par mdzod cig /smras pa/
dar bab lang tsho'i me tog rgyas pa'i dbyar/ legs bshad gsar pa'i

chu char 'ga' 'bab kyang/ da ko bgrang bya'i 'bras khur lci ba'i ston/
/tshig 'ga' smra la'ang ngal ba'i dri bzhon ldang/ /de phyir tshig don
snying por bsgril ba'i lan/ /tshig rer ngal re bso bzhin phul ba 'di//

@127a @#/ /lha sras mchog gi thugs dogs mun pa'i dpung/ /sel ba'i snang
byed mchog tu 'gyur bar smon/ /zhes dbus gong dkar rgya mtsho'i lha
sras mchog gi dri lan du dge slong d+harma b+ha dras

shing 'brug rgyal zla'i dmar phyogs dga' ba gnyis par phul ba/
mangga la shri dzwa la dzi bu dwI bA langka ra b+ha wantu/