! dri ba gnyis pa/ lam rim mtshan bzhi tshe gling par ma'i grangs nyis
brgya sum cu so dgu pa'i rgyab 'phreng dang por/ skyes

bu 'bring gi rnam grol sgrub pa'i rten la rab byung mchog tu gsungs
pa'i skabs kyi mchan du/ gcig gi phyed dang yan lag dang/ /lag mthil
khab rtse ri rab bzhin/ /bar chod mtshor lhung mnyam

pa'o; ;zhes gsungs pa/ zhes pa 'di'i don gang lags gsung ba/ 'di gzhan
du gsal kha ma mthong zhing/ bstan rim las/ de dag gis nye pa phra
ba'ang slong bar bsgrim pa ni/ chu thigs bsags

pas snod chen 'gengs pa ltar/ /nyes pa phra ba'ang khyad du bsad nas
ni/ /mang du bsags pas chen po ldang gyur cing/ /srin po rkyal pa
slong la bzlog ltar sgrims/ /zhes pa'i 'grel par/ 'das

chen las/ sdig pa chung byas bdag nyid kyi/ /phyir bzhin mi 'ongs ma
sems shig /chu yi thigs pa lhung ba yis/ /bum chen gang ba ji bzhin du/
/cung zad cung zad bsags pa yi/ /sdig

pas byis pa gang bar 'gyur/ /zhes bya ba dang/ yang nyes byas phra mo
gcig las nyams na yang sdug bsngal dpag tu med pa myong ste/ rus
sbal yan lag drug sbod pa ltar lus

@131b shin tu bsrung ngo/ /tshul khrims nyams kyang nyes pa med par
smra ba ni bdud kyi tshig ste de dang brten pa spang ngo/ /rgya mtshor
zhugs pa la srin po rkyal pa slong pa na/ 'di byin na nges par 'chi
snyam  

ste khyod kyis bsad kyang sla ste mi rung ngo zhes pa'o/ /yang khyed
nas rim gyis tha na lag mthil tsam dang/ de mi ster yang nga shin
tu ltogs pas rdul gyi cha tsam byin ce'o/ /khyod slong ba'ang

shin tu chung mod kyi bdag rgya mtsho brgal bar 'dod pas na de
tsam byin yang dbugs phyir byung ste bdag 'chi bas mi sbyin no/ /zhes
bzlog pa ltar/ byang chub sems dpa' la yang nyon mongs

pa'i srin po pham pa nas nyes byas re re'i bar la de ma bsrungs kyang
rgyu des rab tu zhi ba'i bde ba 'thob ces smras kyang/ /nga la nyes
byas tsam byung ste phyir ma bcos kyang srid pa'i rgya mtsho brgal
bar mi

nus shing mya ngan las 'das pa mi 'thob snyam pas chung ngu na
nyes byas kyang rdo rje lta bu'i sems kyis phaM pa ltar bsrung ba la
brten par gsungs so/ /zhes gcig nas khab rtse'am rdul gyi cha shas

tsam gyis bar byin kyang rim pa bzhin rgya mtshor lhung ste 'chi ba'i
bar chod byed pa mnyam pa ltar/ pham pa nas nyes byas kyi bar gyi
ltung ba phra mo tsam byung yang myang 'das 'thob pa la bar du

@132a @#/ /gcod pa mnyam pas bsgrims te bsrung ba la 'bad pa'i don to//