! dri ba bzhi pa dang lnga pa'i lan phyogs gcig tu 'debs pa la/ /dga'
ldan lha brgya ma'i rnal 'byor skyong skabs gzhung du

@134a @#/ /maNDal tshom bu nyer gsum ma dmigs bsal 'khod kyang/
tshom bu so bdun ma dang dgu ma sogs kyang 'bul mi rung ba min
zhing/ bzlas pa grangs gsog lta bu'i

skabs dmigs brtse ma lnga bskor kho na las mkhas pa lung gi zhes
sogs tshig 'thung gzhan rnams la grangs gsog mi dgos so/ /gsal ba'i
shes rab sgrubs skabs kyi kun byang zhes pa'i

kun ni kun nas nyon mongs pa'i phyogs 'khor ba dang/ byang ba ni
skyon gyi rigs rnam par byang ba rnam byang myang 'das te 'khor
ba'i gnas kyi skyon spong ba dang/ myang 'das kyi yon tan sgrub pa'i
blang

dor gyi cha shas phra mo rnams kyang so sor 'byed nus pa'i gsal pa'i
shes rab thob pa'i mos pa byed pa'o/ /'chad pa'i shes rab bsgrub skabs
kyi glegs bam ni skabs 'dir rang nyid

'chad nyan gang la byed pa'i chos de pu ti'i rnam pa can du byed pa
dang/ rtsod pa'i shes rab bsgrub tshul skabs gzhan ma spyi ltar la
mthun mong ma yin pa rgyal ba sras bcas kyi byin rlabs tshur

zhu'i skabs ral gri'i 'khor lo rtsibs stong pa de dag re re'i steng du
nyi ma'i dkyil 'khor 'od zer 'bar ba brgya phrag re 'phreng ba'i rnam
par 'khor nas yod pa 'khor lo'i lte ba'am

@134b dbus su 'od zer mthing ga'i gdan la rje btsun 'jam dbyangs
dmar ser bzhugs pa'i rnam pa de bzhin rdul phra rab kyi rnam par
spyan 'dren pa zab gnad yin te/ mkhas grub thams cad mkhyen

pa rje tsong kha pa'i sku drung du thog mar dbus phyogs phebs dus
su mar lam mtshan mo'i mnal lam du 'khor lo gong 'khod lhar shar
phyogs nas byung ste mkhas grub rin po che'i thugs kar

thim pa'i rnam pa byung ba des rjes su rtsod pa la 'gran zla med pa
byung ba'o/ /yang rtsom pa'i shes rab bsgrub skabs kyi 'khor lo yang
gong bzhin byas kyang thus pa lags/ yang mgon khyod sku

gsung thugs gsang zhes pa'i skabs ting nge 'dzin gyi dbang bzhi
mthun mong ba dang mthun mong ma yin pa nyams su len tshul yod
de de zur du 'god pa las mkhyen par mdzod/ yang bla ma snying

dbus su bstim skabs tshig rigs dang bstun/ rang gi snying kha phub tu
gnas pa blos kha gyen du bslangs pa de tshal pa brgyad du gyur pa'i
dbus su ma las thob pa'i khams dmar po zhig dang pha

las thob pa'i khams dkar po zhig bcas lam gyis bskyed nas khams
dmar po de snying tshal pa brgyad dang 'brel pas padma dmar ba'i
gdan du gyur/ /de'i dbus su khams dkar po de

@135a @#/ /zla dkyil du gyur pa'i steng gi dbus su rang gi shin tu phra
ba'i lus ngag yid gsum mam rlung sems kyi ngo bo nA da dmar po
gyen langs shig gsal btab/ rje

rin po che dbu ma'i lam brgyud snying gar byon nas rje'i seng khri
padma 'dab brgyad la thim/ rje rin po che nA dar thims pas rje'i sku
dang rang gi shin tu phra ba'i lus dbyer med du 'dres/ de bzhin

du gsung dang rang gi shin tu phra ba'i ngag /thugs dang rang gi
shin tu phra ba'i yid de/ rje rin po che'i sku gsung thugs dang rang
gi lus ngag yid gsum dbyer med gcig tu 'dres dgyes 'dzum

gzi mdangs dang ldan pa'i sgo nas byang chub ma thob kyi bar mi
'bral bar brtan par bzhugs nas byin gyis rlobs pa'i mos pa dang/
snying 'dab brgyad kha zum pa'i nang 'od zer lnga'i zhal zhal dang/

steng du sngags 'phreng gi mgor rdo rje byed pa'am rdzogs pa gang
rung dang yi ge oM bcas gang byed gdam ngar gsungs/ sngags kyi
'od zer 'phreng thag dang sngags yig gser gyi mdog can

'phreng rdog gi rnam pas dkrigs pa'am bskor bar bsams la thun rjes
ma'i skabs pad 'dab sngar bzhin kha phye nas snying ga'i rje rin po
che dam tshig sems dpa'i tshul la spyi bo'i rje rin po

@135b che ye shes sems dpa'i tshul gyis bstims nas yang pad 'dab kha
zum pa sogs sngar bzhin bya ba'o/ /de lta bu'i rang gi shin tu phra
ba'i rlung sems dang bla ma dbyer med du bsgoms nas yang yang

bstims pas rang rgyud la bla ma'i byin rlabs 'jug tshab che ba dang/
mthar rdzogs rim gyi smin byed khyad par can du 'gyur ba'i dgos
pa'ang yod cing/ snying ga'i rje rin po che'i thugs

kar zla steng d+hIH yig gi mthar rje'i mtshan sngags kyis g.yas skor du
bskor bar dmigs nas rang gi rtsa ba'i bla ma dang rje rin po che
dbyer med du bsgoms nas bzla ba las rtsa ba'i bla ma'i

mtshan sngags dmigs bsal ma byung kyang gong gis thus pa lags/
gzigs rten lha rdzas dang dam rdzas kyang phul yod/