! spyir sgrib pa la nyon sgrib/ shes sgrib/ snyoms 'jug gi sgrib pa

@136b sogs dang de rnams la'ang grub mtha'i bzhed tshul sna tshogs
yod 'dra yang/ sdig pa dang sgrib pa thams cad ces pa'i skabs kyi sgrib
pa de/ mdzod las/ mtshams med pa yi las rnams dang/ /nyon

mongs shas chen ngan 'gro dang/ /'du shes med pa'i sems can dang/
/sgra mi snyan sgrib gsum du 'dod/ /ces pa'i las kyi sgrib pa de yin 'dra
bas/ de ltar na sdig pa ni rnam smin yid du mi 'od pa 'byin

pa'i rigs can gyi nyon mongs pa dang/ de'i rigs can gyi las thams cad
la 'jog la/ las kyi sgrib pa la ni/ las shig dgos pa dang de la sgrib par
brjod pa 'phags lam skye ba la sgrib pas yin

par gsungs pas/ de gnyis kyi khyad par la ni mu bzhi yod de/ 'dod pa'i
sas bsdus kyi zhe sdang lta bu sdig pa yin la las sgrib ma yin pa'i mu/
'du shes med par skye ba 'phen byed kyi las lta bu las

sgrib yin la sdig pa ma yin pa'i mu/ mtshams med lnga'i las lta bu sdig
pa dang las sgrib gnyis ka yin pa'i mu/ dal 'byor tshang ba'i mi lus
'phen byed kyi bsod nams kyi las lta bu sdig pa dang las

sgrib gnyis ka ma yin pa'i mu rnams so/ /lci yang ni/ sdig pa lci ba 'dra
ste nyon mongs sdig pa yin cing de las sgrib las gnod tshabs che bar
gsungs pa'i phyir ro/ /so so'i gnyen po gang gis

@137a @#/ /spong ba ni/ sdig sgrib kyi gnyen po stobs bzhis spyod pa yin
te/ sgo gsum sdig ltung dri mas spags pa 'di/ /lhag par las sgrib
sbyong ba gnad che bas/ /rgyun du stobs bzhi

tshang bar bsten pa gces/ /zhes rje rin po ches gsungs pa'i phyir/ 'on
kyang sa bon rtsa ba nas spong ba'i gnyen por ni stong nyid sogs
bsgom dgos te/ spyod 'jug las/ nyon mongs shes bya'i sgrib

pa yi; ;mun pa'i gnyen po stong pa nyid/ /ces gsungs pa'i phyir ro
snyam lags/