! stong gsum re re'i tshad ni/ mdzod las/ gling bzhi sa dang nyi zla
dang/ /ri rab dang ni 'dod lha dang/ /

tshangs pa'i 'jig rten stong la ni/ /stong ni spyi phud yin par 'dod/ /de
stong la ni stong gnyis pa/ /bar ma'i 'jig rten khams yin no/ /de stong
la ni stong gsum mo/ /mnyam du 'jig cing 'byung ba yin/ /

zhes gsungs pa ltar/ gling bzhi nas tshangs pa'i 'jig rten par stong la
stong spyi phud dang/ stong spyi phud stong la stong bar ma'i 'jig
rten dang/ stong bar ma'i 'jig rten stong la stong gsum gyi stong

chen po zhes bya la/ bar ma'i 'jig rten la gling bzhi sogs sa ya gcig
dang/ stong gsum gyi stong chen po la gling bzhi sogs ther 'bum
gcig yod cing/ ther 'bum gcig dang/ dung phyur phrag bcu dang

@137b bye ba phrag brgya zhes pa brtsi lugs kyi khyad par tsam las
don gcig yin pas/ stong gsum gyi stong chen po la gling bzhi nas
tshangs pa'i 'jig rten par bye ba phrag pa brgya tshang bar yod lags/