! dka' chen bkra shis dge 'phel lags kyi dri lan yin/ ! lags/ bka' 'dri
phebs skor la/ chen mo'i mtshan nang skor zhes sogs

phran rang nas ji ltar 'dri rang yang mi go ba 'dug lags/ bla med
skabs dbang shes dang rang bzhin rtog pa'i gzhi mthun khas len min
phran nas mtshan nyid la ma sbyangs stabs zhu mi shes

par snang/ bla med skabs sgom sde nam rgyal gyi 'jigs byed bskyed
rdzogs su rnal 'byor rol pa'i dga' ston drangs nas shes sgrib skor
dgu'i rnam gzhag bshad yod snyam snyam 'dug

@139a @#/ /kyang nges nges med/ /'khor lo lag pa zhes sogs kyi don lta
zhog /gzhung ji 'dra'i tshig ris yin kyang ma nges/ khyim 'khor spangs
pa zhes sogs rtsib bcu

gnyis med pa nges par yin/ yang na rgyal po gnas so zhes pa'i don/
zla ba'i dbyu gu la brtsegs tshul yang na rtsibs bcu drug pa la rgyal
po ste brgyad brtsegs/ rtsibs brgyad pa la

gnas te nyer bzhi brtsegs/ rtsibs gsum pa la so ste so gnyis brtsegs
byas la/ re re'ang bcu drug bzhir dbye bas/ zhes pa ltar brtseg tshul
snga ma ltar na re re'ang bcu drug

bcu drug dang/ brtseg tshul 'di ltar na re re'ang bzhi bzhir dbye bas
zla ba'i dbyu gu lhag chad med par tshang zhes pa yin cing/ gzhung
kha cig tu/ re re'ang drug cu bzhir dbye bas/

zhes pa yi ge ma dag pa lags/ so bdun nyer gsum zhes sogs kyis phur
gdab gtor ma'i grangs bstan pa yin 'dug cing/ rgyas par gshin rje
pho brgyad/ mo brgyad/ phyogs

skyong bcu/ las bzhi'i gshin rje yab bzhi/ yum bzhi/ nang sgrub yab
yum gsum ste so bdun dang/ 'bring por/ pho brgyad/ mo brgyad/ las
bzhi'i gshin rje bzhi/ chos

@139b rgyal yab yum gsum ste nyer gsum dang/ bsdus par pho brgyad/
mo brgyad/ chos rgyal yab yum gsum ste bcu gcig dang/ shin tu
bsdus par chos rgyal rkyang pa gcig ste/ lcags

mkhar gyi rtsig grangs dang lha'i bzhugs gnas bstun nas 'jog lugs
byed kyi yod dam snyam pa las phyag len mthong thos med lags/
bsgrub bya rlung dkyil rkang brgyad steng bzhag

nas; zhes pa gzhung gang gi tshig yin pa ma nges kyang/ dbang dgug
gi 'khrul 'khor lta bu'i skabs yin tshe/ rlung dkyil gyi snying gi seng
ge rkang pa brgyad pa la bsgrub bya bskyon pa yin

nam snyam/ swa d+ha na/ zhes pa sgrub thabs la 'jug pa yod cing/
mchod pa'i nga rgyal 'dzin pa'i sngags kyi/ swa da na/ zhes pa 'dri ba
yin tshe/ mnyes par byed pa la 'jug /'jigs

byed phyag zhabs la zhi khro sbrags sgrub tshang tshul bshad pa ma
mthong/ rdo rje tshig sbram zhes pa'i don/ tshig sbam me ba zhig las ma
gsungs pas don gyi rnam dbye rdo rje ltar phyed

dka' ba yin nam snyam/ gdan gsum gyi do na sa lugs kyi gzhung
rnams su gshegs pa gshegs ma phung khams dag pa'i gdan/ sems dpa'
sems ma skye mched dag

@140a @#/ /pa'i gdan/ khro bo khro mo yan lag dag pa'i gdan zhes
'byung ba de yin 'dra/ ma sha zhes pa sran ma ste/ rgya sran pa dmar
mo'i 'o mar spangs te dar le brgan

la gril ba lce 'og tu bcug ste nyi zla gza' 'dzin gyi skabs bsgrub tshul
'jam dkar gyi las tshogs dang 'jam dbyangs chos skor sogs su 'byung
ba de yin snang/ nang mchod gzhi

'bras la sbyor tshul rje chos rgyan gyi gsang 'dus bskyed rim sogs su
'byung bar gda'/ rnam 'joms kyi dam tshig pa bdag la thim zhes pa/
rang dam tshig par gsal ba 'od

du zhu nas tha mal par gnas pa'i don dang/ de ltar byas pa'i dgos pa
dmar skyur sogs la spyad kyang nyes pa mi 'byung ba'i ched yin zhes
bdag gi bla ma bzhed/ me tog U thi ka ji ltar

yin bshad pa ma mthong zhing/ ma li ka ni/ sa skya legs bshad las/
rlung gi babs pa'i malli ka /dri zhim phyag dar khrod na rdzi/ /zhes
dang/ snyan ngag me long las/ malli ka yi 'phreng

tshogs can/ zhes pa'i thad kyi 'grel par me tog shin tu dkar ba zhes
'byung ba gung bsgrigs na me tog kha dog dkar zhing dri zhim pa
zhig yin par mngon lags/ snga mo ngos mjal

@140b skabs phran gyi dri lan gyi snying rje gsum khyad par dmigs
yul gyis 'byed tshul la tshig skyon zhugs tshul sgrub byed yang dag
dang bcas pa nges shes 'drongs pa stsal byung yang/ de

'phral zin bris byed rgyu ma byung bas brjed 'dug stabs khyad par
'byed tshul ji ltar yin zhal gang gsal zhig gnang grogs kyang
mkhyain lags/