! rmad byung mkhyen brtse'i rang gzugs gang de'i zhabs drung du/
ched 'bul/ da lam 'di mdun gsung bris gnang rten gyis

@145a @#/ /klubs te stsal 'byor bka' drin mchog tu che zhing/ phran
nas bla ma mang po'i zhal lung nod cing/ gzhung lugs che phrar
lta rtog gang zhib thog bsam don yig lam du mdor dril nas bkod
khul de thad

thugs la bbas po byung bas 'dir yang spro ba 'phel lags/ /skabs don
'jam dbyangs phyag mtshan glegs ral can dang/ gzungs sngags oM
a ra pa tsa na d+hIH tshad ma dang/ 'khor lo sa bon sngags 'phreng
can du byed pa yin cing/

rgyal kun mkhyen gzugs ma'i mgon khyod sku gsung thugs gsang
las 'ongs pa'i/ /byin mthus rdo rje gsum du bdag sgrub cing/ zhes pa'i
tshe rje yab sras kyi gnas gsum nas bdud rtsi dkar dmar mthing

gsum byung ba rang gi gnas gsum du zhugs pas sgo gsum gyi sdig
sgrib sbyangs nas rdo rje gsum gyi go 'phang thob par mos pa dang/
de phyin la byin gyis rlobs/ zhes pa'i tshe rje yab sras kyi sku las bdud
rtsi dkar po'i

rgyun bbas te rang la zhugs pas skabs gang yin gyi lam gyi rtogs pa
skye ba'i gegs sdig sgrib nad gdon thams cad bkrus nas lus shel
gong ltar gyur pa de nyid slar bdud rtsi ser po'i rgyun gyis gang
ste

skabs gang yin gyi nyams rtogs skyes pa'i mos pa byed pa lags/ rang
gi rlung sems kyi ngo bo hUM yig sngon por gsal ba la rje bla ma
bstim pa yab rje ngag dbang rdo rje'i bzhed pa yin pas de bzhin
mdzad

@145b par 'gal ba ga la mchis/ 'on kyang zhib cha rang byed na grub
mchog 'jam dpal rgya mtsho'i 'khrid yig ltar byas na rdzogs rim zab
mo'i smin byed du 'gyur ba'i zab gnad khyad par can yod kyang
gzhung /

de yi ge ma dag stabs go dka' ba zhig yod pas/ phran nas rje btsun
blo bzang bstan 'dzin dpal bzang po'i zhal rgyun ji lta ba bzhin zhu
na/ gzhi la dbu ma'i nang du snying dang/ snying gi nang du khams
dkar dmar

med cing snying yang rtse mo thur du bstan pa yin mod kyi skabs
'dir dgos pa'i dbang gis rtsa dbu ma'i nang du snying rtse mo gyen
bstan gyi nang du ma las byung ba'i khams dmar po dang pha las
byung ba'i khams

dkar po ste thig le dkar dmar sran ma tsam gyi dbus su rang gi
rlung sems shin tu phra ba kha dog dkar po 'od zer lnga 'phro ba
zhig gsal btab ste rang gi snying tshal pa brgyad du gyes pa dang
thig le dmar po gnyis dang/ rje'i seng

khri dang pad ma gnyis 'dres nas padma dmar po 'dab brgyad du mos/
thig le dkar po dang snying ga'i zla gdan 'dres nas zla ba'i dkyil
'khor du mos/ rang gi rlung sems kyi nang tshan rlung dkar po 'od
zer lnga 'phro ba dang rje'i sku

'dres/ rang gi rlung sems kyi nang tshan sems dang rje'i thugs 'dres/
snying ga'i rang gi rlung sems kyi steng du ngag gi sa bon phra mo
zhig yod pa dang rje'i gsung 'dres ba'i mos pa byed pa yin gsung ste
zab gnad 'di 'dra gzhan du ma 'khyar ba zhig

@146a @#/ /(zhu; rten bcas phul)/ rnam kun mkhyen brtses 'dor med
drung yig lags rin po che'i zhabs drung du/ gus zhu/ de kha mchog
nas gsung bris zhib lhug gnang rten ja mar dkrum bzhi gling bcas

gnang ba ji bzhin 'byor pas bka' drin mchog tu che che lags pa ltar/
bzhed pa 'grub phyir mchog gsum la gsol 'debs gang drag zhu ba
lags shing/ bsnyun gzhi'i thad la/ rgyal sras rin

po ches/ lto 'grangs nyi ma dro tshe chos pa'i gzugs/ /rkyen ngan
sdug bsngal byung tshe tha mal pa/ zhes gsungs pa lta bur ma song
bar/ skyes rabs so bzhi pa'i yang snying mkhas mchog dpa'

bo'i mgul rgyan las/ rgyal sras sha ra b+ha yi gar mdzad pas/ /bdag
nyid gsod pa'i rgyal po mgyogs 'gro yis/ /'jigs rung g.yang sar
'phang pa thugs brtse bas/ /slar drangs phan

dang bde ba'i bka' drin mdzad/ /ces bsngags pa dang cha mtshungs pa'i
ngo mtshar rjes su yi rang gi gnas su mthong ste/ spyod 'jug las/ gang
la gnod pa byas na bder 'brel ba/ /bde ba'i 'byung

gnas de la skyabs su mchi/ /zhes gsungs pa'i phyir ro//