@01a @#/ /na mo gu ru manydzu g+ho ShA ya/ rab 'byams phyogs
bcu'i zhing bzhugs rgyal kun gyi/ /mkhyen brtse'i ye shes
rdzogs ldan sprin rum nas/ /chos spyin 'dzad pa med pa 'dod
rgu'i char/ /'bebs mkhas rje btsun bla mas dge legs stsol/ /

rab dkar bde mchog 'khor lo tshe dpag med/ /rnas par rgyal ma
yid bzhin 'khor lo sogs/ /'chi med tshe yi dpal ster yi dam
lhas/ /'khor 'das brtan g.yo'i tshe bcud char du pho/ /blo
gros bzang po'i cha shas yongs rdzogs shing/ /rnam dag

tshul khrims ri dwags mtshan mas mdzes/ /skal ldan thar 'dod kun
da'i gnyen gcig pu/ /mchog sprul gnyis skyes rgyal por gsol ba
'debs/ /rab yangs blo gros bzang po'i thugs bskyed mthus/ /mdo
sngags lam gyi gnas tshul kun rtogs

nas; ;de don khrims ldan gdul bya'i tshogs rnams la/ /'doms
mkhas mchog gi sprul sku zhabs brtan shog /blo bzang rgyal
bstan chu skyes ze 'bru'i rtser/ /nges 'byung tshul khrims
sbrang rtsi'i bcud chags pa/ /thar 'dod ra yig gnyis

pa'i gsos sman du/ /ster mdzad nyin mo'i snang ba 'gog med
shog /blo gsal gdul bya'i nor 'dzin dpal mo'i gzhir/ /bzang
po'i thugs mkha' las babs chos char gyis/ /sdom gsum tshul
khrims myu gu spel ba'i phyir/ /gzugs

sku'i sprin bzhon 'gyur med rab brtan shog /mgon khyod kha
sbyor bdun ldan rdo rje'i skur/ /dpag med bskal pa'i sngon nas
bzhengs zin kyang/ /kun gsal mtha' dang mnyam song ris med
'gro'i/ /mos blo de der ston pa dngos po'i gshis

@01b de phyir deng dus 'gro ba'i snang ngo dang/ /rab mtshams
ngur smrig 'dzin pa'i rnam rol sku/ /'gyur med rdo rje'i khams
su rtag bzhugs nas/ /mkhas btsun bzang po'i rnam thar gtsang
bar shog /'chad pas dad ldan gdul bya'i re skyong cing/ /rtsod

pas log rtog sa bon drung nas 'byin/ /rtsom pas rgyal bstan
yar ngo'i zla ba bzhin/ /spel ba'i mdzad 'phrin gegs med mthar
phyin shog /rtsing spyod dri bral sgo gsum A dar shar/ /lha
chos bdun gyi skye mched mdzes pa'i gzugs /mngon shar thabs

shes mtshan ldan 'dus pa'i sde/ /sprin dus dag byed rgyun bzang
ltar 'phel shog /bla ma yi dam srung ma'i byin rlabs dang/
/chos dbyings bden stobs rgyu 'bras slu med mthus/ /drang
srong bden pa'i tshig gis smon pa'i don/ /thogs pa med par

lhun gyis 'grub gyur cig /ces bka' drin mtshungs med dam pa rje
btsun bde chen pa chen po ye shes sbyin pa'i zhal snga nas kyi
mchog gi sprul pa'i sku blo bzang tshul khrims dpal bzang po'i
zhabs brtan gsol bdebs 'di yang/ lung dang mngon

par rtogs pa'i yon tan gyi nor bus thugs kyi bang mdzod yongs
su gtams pa bla ma gnas brtan lags ren po che'i bkas bskul ba
spyi bos nos te dge slong 7d+harma b+ha dras dbang phyug gi
kho'i tha skar zla ba'i dkar phyogs kyi rdzogs pa gnyis pa'i

nyin dben gnas bde chen du sbyar ba'i yi ge pa ni dge slong
blo bzang rdo rje'o// shu b+haM// /