! /na mo gu ru ratna tra yA ya/ thub dbang rdo rje 'chang
dang blo bzang grags/ /'jigs mdzad mkha' spyod dbang

mo tshe dpag med/ /la sogs ring nas bsnyen pa'i bla ma lhas/
/yid smon bden tshig 'grub pa'i dngos grub stsol/ /blo gros
shes bya kun la sbyangs pas mkhas/ /sdom gsum nyes ltung dri
mas dag pas btsun/ /mkha' mnyam 'gro kun bu

bzhin skyong bas bzang/ /gang gi sku tshe yun ring brtan par
shog /'chad pas skal ldan gdul bya rjes su 'dzin/ /rtsod pas
phyir rgol log sma tshar gcod mdzad/ /rtsom pas mkhas pa mgu ba
skyed pa'i mgon/ /rje btsun bla ma bskal brgyar

zhabs brtan shog /rab 'byams gzhung la thos pas sgro 'dogs
bcad/ /de don lung rigs bsam pas nges shes rnyed/ /rtse gcig
sgom byung rtogs pa'i mdzod brnyes pa'i/ /dpal ldan bla ma bskal
brgyar zhabs brtan shog /rnams dag 

nges 'byung chu shel khams las grub/ /byang chub sems mchog cha
shas yongs su rdzogs/ /yang dag lta ba'i 'od dkar 'bum spro
ba'i/ /bshes gnyen dam pa yun ring zhabs brtan shog /rgyal bstan
spyi dang zhwa ser ring lugs che/ /

@01bb yid can spyi dang bdag sogs gdul bya'i phyir/ /khyod kyi
gsang gsum rnam dkar 'phrin las la/ /bar gcod gegs 'tshub lhag
med zhi bar shog /bla ma yi dam mchog gsum byin rlabs dang/
/bka' srung dam can rgya mtsho'i mthu

dpal gyis/ /ji ltar yid la smon pa'i re 'bras kun/ /'bad med
lhun gyis grub pa'i bkra shis shog /ces pa 'di yang dge tshul
ngag dbang rgyal mtshan nas bskul ba ltar d+ha rma b+ha dras
sbyar ba'o// //

@01a @#/ /na mo gu ru manydzu g+ho ShA ya/ rtsa brgyud bla ma
yi dam mchog gsum dang/ /mkha' 'gro srung ma'i byin rlabs bden
pa'i mthus/ /ji ltar smon pa'i yid kyi re ba gang/ /thogs med
lhun gyis 'grub par mdzad

du gsol/ /rnam dpyod dbang phyogs sa 'dzin do ker nas/ /lung
rigs 'ong brgyas phyug pa'i chos kyi nyi/ /skal bzang 'dab
brgya'i mgon du deng shar ba/ /nam yang mi nub g.yung drung
ltar brtan shog /gang thugs

dbang phyug ral pa'i mdzes rgyan las/ /'ongs pa'i chos rgyun
bzang po'i gsil zer gyis/ /'jam dpal snying po'i ring lugs sa
mu dra/ /dbyar mtsho'i rjes 'gror spel phyir zhabs brtan shog
/dbang lung man ngag 'bras bus 

nyer phyug pa'i/ /zab rgyas chos tshul bzang po'i ro bcud can/
/thar 'dod 'chi med yongs kyi nyer 'tsho'i gzhir/ /bgrang bas
bskal bar mi 'gyur rtag brtan shog /khyod zhal bdud rtsis yongs
ba rlan gdul bya'i son/ /thos

bsam sgom pa'i drod kyis nyer smin nas/ /sku gsum 'bras bzang
phan bde'i ro mchog gis/ /mkha' mnyam yid can ma lus chom gyur
cig /ces dang brtson rnam dpyod yangs pa rje drung blo bzang
tshe ring gi thugs bzhed ltar/ wa skyes

seng ge ra rdzu ba'i dge slong d+ha rma b+ha dras bris/