@#/ na mo gu

ruShtsa tri ratne b+hyaH bla ma yi dam mchog gsum thugs rje
dang/ /mkha' 'gro dam ldan srung ma'i mthu stobs dang/ /bdag
sogs dad ldan gdul bya'i mos gus kyis/ /yid smon re 'bras gegs
med lhun 'grub shog /rigs

@01b gsum kun 'dus blo bzang grags pa yi/ /thugs bcud mdo dang
sngags kyi lung rtogs chos/ /bshad dang sgrub pas dbyar gyi
mtsho chen ltar/ /'phel mdzad rje btsun bla mar gsol ba 'debs/
/mgon khyod sngon goms

thugs bskyed lhag bsam mthus/ /dus 'dir rigs med bstan dang
mar gyur 'gro'i/ /phan dang bde ba'i legs tshogs yar zla ltar/
/spel ba'i 'phrin las rgya che rgyun ring shog /khyad par lha
chos bdun ldan bka'

gdams kyi/ /rnam thar padma'i sbubs ltar rab gtsang zhing/
/mkhas btsun bzang grub mdzad pa ji snyed pa/ /'jam dpal
snying po'i 'gran slar 'os pra shog /blo bzang chos kyi rgyal
mtshan 'dzin pa bzhin/ /sku mched

gsum gyi rnam thar legs bskyangs te/ /snyigs dus 'gro ba'i don
du bgrang bya'i 'phreng/ /mang por zhabs pad 'gyur med rab
brtan shog /'jig rten spyi dang khyad par gangs can gyi/ /mu
khyud mdzes par bstar

ba'i zhing khams 'dir/ /nad yams mu ge 'khrug rtsod mi 'byung
zhing/ /bde skyid rdzogs ldan dpal la spyod par shog /don dam
chos dbyings spros pa'i mtha' dang bral/ /kun rdzob rgyu 'bras
bslu ba med pa

yi/ /skyabs gsum byin rlabs bden pa'i mthu stobs kyis/ /gang
bsam 'bad med lhun grub bkra shis shog /ces rang dbon dbyangs
can grub pa'i rdo rje'i yun brtan tshigs bcad 'di bzhin dgos
zhes/ se ra bla 

@02a @#/ /ma sngags ram pa nam mkha' bstan skyong/ chos mdzad
skal bzang byang chub/ dge slong bstan 'dzin bkra shis bcas nas
nan bskul mdzad dor/ d+harma b+ha dras g.yar khral du sbyar ba'o/