[@##the following text has incomplete sections/ which are on order]

@#/ /byA ka ra Na'i rtsa ba sum cu pa dang/ rtags kyi 'jug pa
gnyis bzhugs so//

@001 @##/ /rgya gar skad du/ bya ka ra Na mU la triM shad nA ma/
bod skad du/ lung ston pa rtsa ba sum cu pa zhes bya ba/ ngag gi
dbang phyug 'jam pa'i dbyangs la phyag 'tshal lo/ /gang la yon
tan

mchog mnga' ba'i/ /dkon mchog de la phyag 'tshal lo/ /gang gis
sgra dbyangs kun gsungs pa'i/ /'jam pa'i dbyangs la phyag 'tshal
lo/ /gang gis ming gzhi sngon gsungs pa/ /rtag zhi ba la phyag
'tshal lo/ /

sdeb sbyor legs mdzad mkhas rnams dang/ /bla ma la yang phyag
'tshal nas/ /bslab pa kun gyi gzhi 'dzin cing/ /rig byed smra ba
rnams kyi rgyu/ /ming tshig brjod pa kun gyi gzhi/ /yi ge'i sbyor
ba bshad par bya//

yi ge A li kA li gnyis/ /A li gsal byed i sogs bzhi/ /kA
li sum cu tham pa'o/ /de la rjes 'jug bcu yin te/ /de las lnga
ni sngon du'ang 'jug /mi 'jug pa ni nyi shu'o/ /kA li phyed
dang brgyad sde

ni/ /bzhi bzhi dag tu phye ba las/ /dang po gsum pa bzhi pa las/
/mas gnyis drug pa'i gsum pa dang/ /bdun pa las ni sha ma gtogs/
/rjes 'jug yi ge bcu ru 'dod/ /rjes 'jug yi ge bcu nyid las//

dang po gsum pa lnga pa drug /bdun pa rnams ni sngon du'ang 'jug
/ming gzhi gnyis sam gsum sprel lam/ /de la dbyangs kyi bzhi
ldan yang/ /gang du'ang 'jug min sbyar ba'ang min/ /rjes 'jug yi
ge

@002a @#/ /bcu po ni/ /ming gang gi ni mthar sbyar ba/ /de la A
li bzhi pa sbyar/ /slar bsdu bar ni shes par bya/ /rjes 'jug yi
ge bcu rnams las/ /gang ming mtha' na bcu pa gnas/ /de la

A li gnyis pa sbyar/ /gang ming mtha' na brgyad pa gnas/ /de
la gnyis pa u yang sbyar/ /gang ming mtha' na gsum pa gnas/ /de
la A li gnyis pa sbyar/ /bzhi pa dgu pa dngos kyang ste/ /las

dang ched dang rten gnas dang/ /de nyid tshe skabs la sgra yin/
/rjes 'jug yi ge bcu po la/ /i dang mthun lugs 'di zhes bya/
/dang po gnyis la dang po mthun/ /gsum lnga bcu la kya dang
sbyar/ /bdun pa nyid

la bdun pa ste/ /lhag ma rnams la gya sbyar ba/ /de dag i sbyar
'brel ba'i sa/ /de nyid la ni bcu pa sbyar/ /byed pa po ru shes
par bya/ /A li phyis nas gnyis pa sbyar/ /tshig rgyan gnyis
dang sdud par 'gyur/ /la

don su la u phyis nas/ /de la gsum pa'i dang po sbyar/ /de la
A li gsum pa sbyar/ /de ni lhagma dang bcas pa'o/ /rjes 'jug
yi ge bcu po la/ /drug pa sbyar na 'byed sdud yin/ /rjes 'jug yi
ge bcu po

yi; ;bzhi pa dgu pa la bcu pa/ /sbyar ba 'byung khungs sa yin
te/ /dgar dang sdud pa'ang de bzhin yin/ /gang ming brjod pa'i
dang po ru/ /kye sbyar na ni bod pa yin/ /gang ming mtha' dang
mthun pa yi/ /bzhi

@002b pa la ni i sbyar ba/ /dgar dang brnan pa'i tshig tu 'gyur/
/ming gang rung ba'i bar mtshams su/ /gsum pa la ni gnyis pa
sbyar/ /de ni sdud dang 'byed pa dang/ /rgyu mtshan tshe skabs
gdams ngag lnga'o/ /gang ming gi ni ma mtha' ru/ /gsum

pa la ni e sbyar ba/ /tha snyad dbang du gsum yin te/ /dngos
po'i dbang du bzhi ru 'gyur/ /dus kyi dbang du gnyis yin no/
/gang ming brjod pa'i dang po ru/ /dang po la ni gnyis pa sbyar/
/spyi la khyab pa nyid du 'gyur/ /gang ming gi ni ma mtha' na/

pu ling+ga yi sga med pa/ /de la pu ling+ga sbyar na/ /bdag po'i
sar ni shes par bya/ /gang ming brjod pa'i ya mtha' na/ /strI
ling+ga yi sgra med pa/ /de la strI ling+ga sbyar na/ /dgag
pa'i gnas su shes par bya/ /tshigs su bcad pa'i mtshams sbyor

rnams/ /cung zad bsdus ba yod na yang/ /de ni de bzhin sbyar bar
bya/ /sngon 'jug yod dam med kyang rung/ /ming gzhi'i yi ge gang
yin la/ /nyes 'brel yod dam gsum 'brel yod/ /A li bzhi las
gang ldan yang/ /rjes 'jug bcu

bo ma zhugs na/ /ming gzhan sbyor ba yod mi srid/ /rjes 'jug bcu
yi don shes na/ /'dri dang klog dang bshad rnams kyi/ /mtshams
sbyor sgra la thogs med cing/ /'brel pa smra ba'i mchog tu
'gyur/ /gzhan yang rjes 'jug shes pa

yis/ /don gyi sbyor ba ma mthong yang/ /don dang mthun pa'i
sbyor ba shes/ /rjes 'jug sbyor ba mkhas pa na/ /lung gi don
dang sbyor ba dang/ /bla ma'i man ngag gsum sbyar nas/ /don gyi
thog tu dbang bar bya/ /bslab la brtson pa'i gang

@003a @#/ /zag gis/ /dang por nga ro rnams la spyad/ /sngon 'jug
ming gzhi rjes 'jug gsum/ /klog gi ched du bslab pa yin/ /rjes
'jug bzhi yi sbyor ba ni/ /mnyan bsam bstan pa'i don du sbyar/
/yan lag de dag mthu

yis ni/ /'bras bu'i ched du don la dbab/ /bslab pa'i rim pa 'di
yis ni/ /gang zhig 'bad pa chung dus kyang/ /shes rab myur du
grol bar 'gyur/ /de phyir dang por 'di nyid bslab/ /de nas rgyas
pa'ang mnyan byas te/ /bslab pa gang

la dad pa yi/ /gzhung nyid bla ma dag las mnyan/ /slob dpon de
nyid du 'dzin cing/ /le lo g.yeng ba rnam par spang/ /zo bzang
dad pa la brten pa/ /skyes bu des ni myur rtogs te/ /de la dus
su 'doms par bya/ /cig shos de las

ldog pa'o/ /lung ston pa rtsa ba sum cu pa rdzogs so// ' //pho
yi yi ge 'bang zhig la/ /sde pa phyed dang brgyad gnas pa'ang/
/sde tshan lnga ru dril byas nas/ /pho dang ma ning mo dang ni/
/shin tu mo dang bzhi bzhi ru/ /sde pa bzhi pa

yan chad dbye/ /lhag ma bcu bzhi gnas pa la/ /tsa sogs gsum ni
ca sogs sbyar/ /wa ni ba dang sbyar bar bya/ /lhag ma drug ni mo
ru sbyar/ /ra la ha ni mo gsham ste/ /a ni mtshan med ces kyang
bya/ /mo yi yi ge'i nang nas ni//

'jug pa'i yi ge bcung byung bya/ /'jug pa bcu yi nang nas ni/
/sngon 'jug yi ge lnga dbyung bya/ /sngon 'jug yi ge lnga po la/
/pho dang ma ning mo dang ni/ /shin tu mo dang bzhi ru dbye/ /de
dag re re'ang bzhi byed de/ //gang la 'jug byed gang gis byed/
/ji ltar 'jug byed ci phyir byed/ /gang la 'jug

@003b bar byed ce na/ /pho ni pho dang mo la 'jug /mo ni mo dang
ma ning la/ /ma ning yang ni pho mo la'o/ /shin tu mo ni ma ning
dang/ /mo dang shin tu mo nyid la'o/ /pho ni ma ning la mi 'jug
/mo ni pho la 'jug pa min/ /ma ning rang la rang mi 'jug /rang
gi

sde dang 'phrad pa na/ /pho yang mo la 'jug mi 'gyur/ /ma ning
mo yang de bzhin no/ /ji ltar 'jug par byed ce na/ /pho ni drag
pa'i tshul gyis te/ /ma ning ran par 'jug pa yin/ /mo ni zhan
pa'i tshul gyis te/ /shin tu mo ni mi mnyam pas so/ /

ci phyir 'jug par byed ce na/ /pho ni 'das dang gzhan bsgrub
phyir/ /ma ning gnyis ka da ltar ched/ /mo ni bdag da ma 'ongs
phyir/ /shin tu mo ni mnyam phyir ro/ /rjes 'jug yi ge bcu po
la/ /pho mo ma ning gsum du dbye/ /pho la skyes bu rab 'bring

gsum/ /mo la mo dang shin tu mo/ /ma ning 'gyur dang mtshan gnyis
dang/ /mtshan med dag dang gsum du 'dod/ /de yang byed pa bzhi
byed de/ /gang la 'jug byed gang gis byed/ /ji ltar 'jug byed ci
phyir byed/ /gang la yi ge thams cad la//

gang gis bcu po de dag gis/ /ji ltar rnam pa gnyis yin te/ /sgra
yi 'jug tshul don gyi tshul/ /pho gsum mo gnyis ma ning gsum/
/drag zhan bar ma gsum du 'jug /drag pa gsum nyid na 'phrad dam/
/gal te zhan pa nang phrad na/ /de la'ang

nang gi cha shas kyis/ /de yang drag zhan gnyis su dbye/ /ma
ning gsum du gang gtogs pa/ /drag dang phrad na drag par 'gyur/
/zhan dang phrad na zhan par 'gyur/ /gnyis ka dag dang phrad
gyur na/ /de ni gnyis ka can du 'gyur/ /gnyis ka dag...

[@##data incomplete here]