@001a @#/ /zhu 'phrin gyi rim pa phyogs gcig tu bsdebs pa kha
ba'i dus kyi me tog ces bya ba bzhugs so//

@001b @##/ /na mo gu ru mnydzu g+ho ShA ya/ snying grogs dam pa
dpal 'byor phun tshogs lags la phul ba zlos gar gyi rol mo zhes
bya ba/ legs byas dpalO la las

grub pa'i 'dab brgya pa/ /rnam dpyod sbrang rtsi'i 'byor pa mi
dman kyang/ /phunO tshogsO gnas lnga rig pa'i rta ljang zer/
/ngoms med 'thung pa'i smon 'drin gang de'i drung/ /dbangO

shes log pa'i yul la sreng pa'i rgyus/ /nyes ltung mig skye'i
gan mdzod ltar phyug kyang/ /rnam gsum chos gos rdzu bag la
brten pa'i/ /gzig lpags mnabs

pa'i mgrin bzangO des zhu ba/ /deng dus rnam dkar rin chen rdul
phung las/ /grub pa'i mdzes ldan sku yi lhun po mchog  /mi mthun
rlung gis g.yo 'gul bral ngos nas//

@002a @##/ /'khor 'babs ri mtsho'i dbus su 'gying ngo zhes/ /grags
snyan mgrin rnga rdung ba'i 'phrin yig gi /ngang mo skyes bzang
lus 'degs ngoms pa zhig/

nyam chung lus kyi pad mtsho las skyes pa'i/ /'jam mnyen nying
lag lo ma'i phang du chags/ /de tshe bdag yid rab gsal ma ku ra/
/khyod sku'i snang brnyan ri mos spung

pa dang/ /lhan cig dga' bde rab dga' thog ma'i sas/ /ma mtshon
dpe zlar lhan skyes bde stong bcal/ /bdag kyang mchog gsum ga
pur 'byung gnas kyi/ /thugs

rje'i grib bsil bsten pa'i byed pa las/ /zag phung bro nang tsha
gdud mi ldan med/ /dal 'byor snying po e raNDa yi sbun/ /mtshams
zhus b+ho Ta'i yid can re skong mchog/

@002b mchog sprul bsam 'phel gang las 'byung ba'i gnas/ /gnas
...gsum TA ki rgyal yum 'o ma'i mtsho/ /mtsho byung lha mo'i
rjes 'gro gang de yi/ /mang 'phrin las utpal dkar po'i

tshal; ;dkar dkar lhag bsam dag pa'i zla zer gyis/ /ches cher
rgyas byed sri zhu zhabs 'degs la/ /yang yang 'bad pa'i brtson
pa lhod med 'tshal/ /byams byams brtse bas

skyong ba'i pha ma dang/ /dung dung yid la bcags pa'i mtha'
grogs dang/ /gus gus zhabs nas 'degs pa'i 'khor g.yog la/ /nye
nyi'i thugs kyis phan pa'i thabs tshul

'tshal/ /lhag par rang rgyud drang po'i rang tshal gyis/ /dge sdig
bcu zung blang dor 'dzol med ngos/ /lugs gnyis gsal pa'i legs
bshad A darsha/ /gzigs nas 'khrul

spyod du zhin la byi dor 'tshal/ /deng dus gnas lnga mthar phyin
dpyod ldan las/ /blun rmongs 'byor lngan mgo 'phang mtho na
yang/ /brda dang dag byed snyan ngag mngon brjod sogs//

dam pa'i phyag bzhes lags pas slob sbyong 'tshal/ /rnam dpyod dri
bsung 'bum phrag rtog 'phro ba'i/ /grang sku mdzes ldan dpal gyi
dum bu las/ /nye zho'i rgyab ring kun

@003a @#/ /nas 'byol ba'i phyir/ /zab bzhes ri dwags lta bas
bsrung bar 'tshal/ /slan chad mthon po'i lam gnas rta bdun zer/
/rab dma' gser ldan pad mar 'bab

pa bzhin/ /brtse bas gang spyi'i mol 'os rim pa yang/ /tshad med
skal ldan shing rta'i rgyun ltar 'tshal/ /zhes pa'i zhu mchid nam
mkha'i ta ma la/ /'degs byed stong khun mdzes ma'i sor 'phrul
lsa//

byung ba'i lha rdzas 'jug pa brgya pa can/ /bsngags pa'i sprin
gyi sgra dbyangs sgrog pa zhig /bya ma rta yi bsir bus nyer
bskyod de/ /gru 'dzin gnyis pa'i ngos nas snyom las pas/ /me yi
bgrang bya'i yid

srub zla ba yi/ /dmar phyogs stong pa dang po'i chos la phul// !
rgyal sras thogs med bzang po'i snang brnyan gyi rim gro pa chos
dpal tshe ring lags kyi bka' bzhin gru 'dzin

dbu mdzad blo bzang yongs grags lags la phul ba gnas lugs mes
po'i drang thig zhes bya ba/ blo nges 'byung bsam pas rgyud
bskul nas/ /bzang thag chod bla ma'i zhabs drung

nas; ;yongsO sdom gsum blangs pa'i dogs don mchog /gragsO can
gyi sangs rgyas sgrub der 'dud/ /deng sku khams 'dab brgya rab
brgyas shing/ /las rnam dkar ze'u

@003b 'brus brjid ngos nas/ /thugs brtse ba'i zhal gdams sbrang
rtsi'i bcud/ /bdag yid kyi rkang drug gsos su stsal/ /de'i gsung
lan snying por gril te gleng/ /spyir rgyal sras thogs med

bzang po sogs/ /rje sngon byon gsung dang bstun pa na/ /sbrang
gser gsugs khyim gnas lta zhog gi/ /khyed sdom gsum blangs rnams
g.yang te gnod/ /dgos 'di nang zas nor sgrub pa

las; ;tshe phyi ma sgrub pa legs khums mod/ /tshe phyi ma'i rgyags
phye mi la rjes/ /nor zang zing sbyin pa yin par gsungs/ /nor
sgrub lugs sna tshogs snang na yang/ /sdig g.yo sgyus

bsags pa'i nor rdzas gyis/ /dus yun ring mchod sbyin mang byas
kyang/ /khong nya bsad khyi ster dpe dang mtshungs/ /rgyu de
phyir dam chos la brten nas/ /rdzas chos mthun dngos po nyer

bsgrubs te/ /'phral dogs pa'i longs spyod byas pa'i lhag /zhing
dam par mchod dang sbyin pa yis/ /dus gtan bde'i yo byad chags
'jud pa/ /deng khyim gnas skye bo'i nyams len du/ /

drin 'khor med nyi ma'i gnyen gyis gsungs/ /tshig 'di skad smra
ba snyom las can/ /chosO mi nus 'di nang dpalO la chags/ /tsheO
ringO yang ngan 'gro'i rgyu gsog mkhan/ /ban sprang btsun

@004a @#/ /zhig gis dngul chu nas/ /gsung snyan cing zab pa'i lan
tsam du/ /lo srin po'i 'dod 'phel zla ba yi/ /tshes dmar phyogs
rgyal ba gnyis pa'i nyin/ /gnas gru 'dzin ri

bo'i ngos su phul// ! yang gong mtshungs khong pa'i nu bo bsod
nams rdo rje lags la phul ba legs bshad dpyid kyi dpal mo'i
gshog sgra zhes bya ba/ ka ba lta bur mkhyen pa'i

spyan dkyus ring/ /kha sha'i gzhung bzhin shes rgyud 'jam zhing
lhod/ /ga pur ltar dkar lhag bsam dge ba can/ /nga yi snying
thig nu bo gang de'i drung/ /ca co 'jig rten bya bas rtag brel

yang; ;cha lugs chos pa'i brtul zhugs la gnas nas/ /ja sogs 'dod
yon la rol nges mtshon pa'i/ /nya gang zla 'dra'i nad mis zhu ba
la/ /tA ming rgyal por nye ba'i sa phyogs der/ /

tha chad nyer 'tshe'i rim pa bral ngos nas/ /da sdod rang yul
'byon pa'i grabs gshoms bcas/ /na gzhon mang po'i dbus su bzhugs
las che/ /ba ru'i nang du dngos po bcug pa ltar/ /pha

rol g.yul 'khrug nad sogs mi mthun rigs/ /ba spu'i nyag ma tsam
gyis ma gos par/ /ma lus tshang ma bde bar gnas mus lags/ /tsa ri
bskor ba'i lag rtags smyug ldom ltar/ /tsha

@004b grang khyad du bsad nas thag ring yul/ /dza re bgrod pa'i
dgos don rim pa yang/ /wa la yid la bzhag nas sgrub thabs 'tshal/
/zhwa ltar dogs dpon gtsug tu khru ngos nas/ /zu thab gcig

la bskor ba'i grogs rnams la/ /'a mar bu dang bu la ma yis
bzhin/ /ya rabs sri zhu dman la skyong thar 'tshal/ /ra ba dkar
pos bskor ba'i bod yul du/ /la lung brgal te bde bar

slebs kyi yang/ /sha rus rdos bcas sgyu ma'i phung po la/ /si le
sbram ltar gces pa'i zab bzhes 'tshal/ /ha cang snyan pa'i sdebs
legs med na yang/ /ha ri tsandan dri ltar mngar ba'i don/ /

a jos rten dang bcas te phul pa 'di/ /a 'thas snying gi dkyil
du bcang par 'tshal/ /zhes so// ! brtse ldan chos dpal tshe ring
lags nyid la phul pa chog shes blo yi nor bu

zhes bya ba/ /chosO rje rgyal sras bla ma rin po che/ /dpalO
ldan thogs med bzang po'i snang brnyan la/ /tsheO gang sri zhu
bgyis pa'i rnam dkar gyis/ /ringO por mi thogs rdzogs byang
sgrub de la/ /dpung chen

dug gsum goms 'dris shugs drag pas/ /phyug po'i nor bzhin sdig
ltung sna mang yang/ /chos kyi lag rjes til gyi 'brur mtshungs
ba'i/ /bzangO rju mkhan pos zhu chung phul don la/ /deng

@005a @#/ /dus sngon bsags bsod nams shar ri las/ /byung ba'i dal
'byor rten gyi zla shel mchog /mi mthun sprin gyi sgrib g.yogs
med ngos nas/ /'phrin yig 'od zer spros

pas bdag yid tshim/ /phran chung god bya rgad po'i ngang tshul
yang/ /brag phug bya gdangs yangs par legs bcas nas/ /nyams
rtogs gshog pa'i rtsal dang mi ldan mod/ /bzlas

brjod snga dbyangs ma chag... tsam du mchis/ /mtshams zhus snyan
zab gsung 'phrin gnang don kla/ /snga 'gros myos byed yol go
'di'i gang dang/ /mi gsos mgyogs 'gro'i bshad

skam phrawn tsam las/ /dgongs nges dmigs bsal med pas dbyings
gcags dang/ /slad chad snyan sgron zhu 'os rigs shar tshe/ /cu
yus rdul bzhin phra yang zhu ba'i ham/ /ri bzhin bskyed

nas bu yis ma la bzhin/ /'dzams bag med par zhu 'dun yod pa
lags/ /zhes pa'i kzhu mched chang lan chu 'jal 'di/ /mi sbrul
dab zla'i bcu gsum dus chen nyin/ /shing shun ngos su bstar

nas dam chos kyi/ /mthun rkyen sbyong ba'i sbyin bdag chen por
phul// ' /dge slong dge legs lags su phul ba chu 'dzin 'khyog
po'i sgra dbyangs zhes bya ba/ /blo gros lus kyi rtsa la gsung

@005b rab rdzogs shing/ /bzOang po'i thugs kyi g.yu ral lhag
par rgyas/ /dgyes tshogs sngar khyim phyogs bzhir rab bgrang nas/
/lOegs bshad smra ba'i seng+ge gang de'i drung/ /dpung

po'i mig ltar nyes spyod grangs mang la/ /phyug po'i mdzod bzhin
sdig ltung sna 'dzoms kyang/ /tshes dang sems kyang ra shing kha
gyes pa'i/ /bzang min sbyong ldan bdag gis mchid

'di 'bul/ /deng dus gang sku zla ba'i ma ma mchog /bro 'tshal
rnyog pa'i dri ma dang bral te/ /nyes ltung ro dang skad cig mi
'grogs zhing/ /lung rtogs bsam 'phel nor bus phyug pos

nus; ;snyan snyan dri za'i gling bu'i khengs pa 'phrog /mdzes
mdzes na chung sgeg mo'i rjes su 'gro/ zab zab dal 'gro'i gter
la co 'dri ba'i/ /thus thus zhal gyi gdams pa stsel ba'i

tshe; ;phang phung dbyar skyes sprin phreng 'khrigs pa'i klong/
/dar dir 'brug gi sgra dbyangs sgrog pa la/ /tshang tshing nags
kyi khrod du mdangs mtha' can/ /lang lang dga' ba'i gar gyis
brel ba bzhi

dga' spros myos pa'i bdag yid rdzing bu ru/ /khyed sku'i zla
dkyil gsal bar shar ba na/ /lus la ba spu'i kunDa rab rgyas
shing/ /mig tu mchi ma'i rgya mtsho lhag par 'phel/ /bdag kyang
'byung lus

@006a @#/ /ston gyi ku su pa/ /na 'chi mo'i reg pa bral ngos nas/
/'di snang srid bde bye ma'i khang bu la/ /rjes su chags pa'i
rol rtser dang bcas gnas/ /mtshams zhus byams brtse

chu 'dzin lding khang nas/ /rab sman dka' mchid gru char zim
bu'i tshogs/ /phran chung zhing sa'i dbal du nyer phab kyang/
/bka' bzhin bsgrub 'dod myu gus ches cher dben/ /rgyu mtshan zho
'thung byis

pa'i gnas skabs su/ /snga 'dris bag chags mdza' bas ma btang
yang/ /da cha sha khrag lus kyi lang tsho dang/ /phan tshun 'gron
bzhin nyon mongs dug lnga 'phel/ /de mthus sid 'byor

rgan po'i thig ris la/ /bdag sems gzhon nu kun nas sred pa ni/
/'dab brgya'i ze'u 'brur chags pa'i sbrang rtsi la/ /dbyangs
snyan sgrog pa'i ltag chung bud pa bzhin/ /byams brtses

drangs pa'i phyin drug spyod pa la/ /nyam chung bdag gi blo
stobs zhum pa yang/ /dmar nag kha zhang che ba'i rgya mtsho'i
stong/ /bgrod par chas pa'i tshong phrug gzhon nu bzhin/ /chos
rnams

kun gyi gnas lugs stong pa'i gshis/ /ma brjed dran pas 'dzin la
ngal ba'i blo/ /ri dwags lte ba'i dri bsrung tshang ba'i sprul/
/'khyog po mun can khung bung 'bros pa bzhin/ /bskyed

@006b rdzogs zab mo'i lam bzang bsgom pa la/ /shin tu 'tsher ba'i
yid kyi khyeb yang/ /rab mang skyon gyis sngags pa'i phyag sbal
du/ /'khrid phar gzhol ba'i nag chen chom rkun bzhin/ /mdor na

dam pa'i chos la thos bsam dang/ /sgom srung 'khor gsum bya ba
gang la yang/ /sngags pa'i nad kyis nyen pa'i skyes bu yi/
/'drin byed yul gzan gong mngon pa bzhan/ yul dbang rnam

shes 'phrad pa'i rgyu rkyen las/ /nga rgyal rmongs sogs zag pa
skye ba ni/ /drod gsher dus su 'dzoms pa'i ldum ra ru/ /sngo
ljang dbang skyes rkang 'thung 'dab 'bras bzhin/ /de phyir khyed
gsung yid

bzhin nor gyi bu/ /phran chung dbul po'i sug par gnas dka' yang/
/ji skad gsungs pa de bzhin rang rgyud la/ khel ba'i yid smon
tsam zhig bgyid pa lags/ /slar char legs tshogs rin chen

'byung ba'i gzhi/ /dal rten rgya...mtshor 'phrod bzhes mi dman
ngos/ /bstan 'gro spyi dang bye...brag nyam chung bdag/ /skyabs
gyi 'og nas gzhar yang 'dor med mkhyen/ /zhes pa'i zhu mching

'khor lo'i lag ldan zhing/ /lha rdzas lus 'dogs la nga tsho ngoms
bzhin par/ /gru 'dzin gnyis par grags pa'i dngul chu nas/ /dmar
ser dpag zla'i gral tshe dag par phul/ 'dge slong

@007a @#/ /ngag dbang rnam rgyal lags la phul ba ka shi ka'i rdo
ba zhes bya ba/ de snang dpal 'byor glog gi 'du 'gong dang/
/srid pa'i bde 'bras ngag gi me tog bzhin/ /khums nas sdom

gsum gces sbus gtsor bton te/ /cha tshang lam bzang sgrub pa'i
grogs mchog der/ /rang yul dgon gnas nye grogs kun dar nas/
/sngon gsum nod de dben par rtag gnas kyang/ /chos brgyad dkar

nag khra gsum snying khongs su/ /shog pur snum bzhin zhugs nges
'di skad zhu/ /grogs khyod chos min bya bas dben ngos nas/ /ting
'dzin bde bas 'tsho ba'i snyan gtam can/ /don tshig bzang po'i
'phrin

thig smin legs mas/ /rin 'khor gzhon nu'i mgul ba nas 'khrud de/
/skabs gsum gos kyis klu bas nas snyom las pa'i/ /'dren byed
gzhal byar stsal 'byor thugs la btags/ /bdag kyang dug

gsum rkyal ba ma 'thor zhing/ /'chi chos sad bya gnangs bya'i
ngang du gnas/ /ched zhus da lam gsung bris dgongs don tsam/ /ma
zad snga lo'i bka' mchid snying dbus su/ /btser mod lang long
bya ngan sna

tshogs kyi/ /gzhan dbang sor la dbyings khral ma gyur te/ /ki'u'i
chun po bstums pa'i ras dkar bzhin/ /rmongs bdag 'grogs pas
khyod nyid nyams 'gyur mod/ /mtshan ldan bla ma du ma'i zhal sgo
las/ /

@007b nyer babs dam chos bdud rtsi myong pa'i grogs/ /dag snang
phyogs med 'byongs pa khyod kyi bka'/ /gyin ldog ma spobs phyogs
der bcar 'dus las/ /dus tshod ris can zhu ba'i tshod ma things/
/khrims

ldan dge brtson grogs 'di'i thos 'dzin du/ /khyod 'phrin dbyar
skyes rda sgra ba sgrags mod kyi/ /'byon min phebs gsal mkha'
dbyings u tpal chun/ /gang 'di khyab kyi sgra 'dzin rgyan du
spud/ /ces pa'i

'phrin yig rab dwangs chu gter dbus/ /spyan ras rkang drug gzhon
nu 'bab pa'i stegs/ /rtse bcud sbrang rtsi'i rgyal mtshan rang
bcas te/ /gang dang skye gnas gcig pa'i pho nyar bskur/ ' mkhar

khang dpon tshang tshe dbang rdo rje lags su phul ba gnas lugs
dbang po'i gzhungs zhes bya ba/ pho rtsal dgu dang sgyu rtsal
drug cu bzhi/ /mi chos gtsan ma drug lhag bcu phrag gcig/ /brtag
pa

brgyad dang rig pa bco brgyad kyis/ /nyer mdzes smon rgyal gnyis
pa'i zhabs drung du/ /mkhas btsun bzang dang 'chad rtsod rtsom
pa dang/ /thos bsam sgom dang lta sgom spyod pa ste/ /yon tan
mes

bskyur chu yis yongs stongs pa'i/ /snyom ldan dge slong mching
nas 'di skad zhu/ /deng skabs nyid sku'i tsan dan rkang 'thung
mchog/ /nyer 'tsho'i rdul gyi kha los ma bskyed kyang/ /tshig
sbyor

@008a @#/ /bsung zhim ldang ba'i 'phrin yig ni/ /skyes bcas po
nya'i bser bus bskyod de lhags/ /de tshe yig gzugs legs pas mig
dbang dang/ /rjod byed tshig sgra snyan pas

thos 'dzin te/ /brjod don zab pas stong gzugs tsi tta ka /sngon
med bsam gtan dga' bde'i dpal la sbyar/ /bdag kyang gtan mdun
dam pa'i lha chos la/ /'gyod med nyams len

bral bas yid skyo yang/ /'di snang bgyi 'os dal 'gro'i gnyer ma
ltar/ /gcig zan gcig rjes gnon la spyod pa'i brel/ /ched zhus
brtse ldan khyod kyis nyam chung bdag /bka' slob gnang skyin

bzang pos 'phral yun kun/ /bskyangs drin gzugs su grub na
mtshungs pa'i dper/ /mchog rab ri bo byas kyang chung gis dgos/
/de lta'i bka' drin gzhal 'dod lhag bsam mdangs/ /ston

mtshan utpal mdzes sdug la 'gongs yang/ /snyom las g.yeng pa'i
gzhan dbang btsan po'i rjes/ /'brang bdag sems rtsa kun gsal
glog la 'gran/ /lhag par gang gi bka'

mdags thod bcings kyis/ /brda dag lcags khams tshig sbyor dbyibs
legs su/ /bsgrubs kyang dbyang gsum yongs dag gser mdangs su/
/ma thub bzhin ras bag gsar bas

@008b kyang gnod/ /'on kyang g.yar zhus rig gnas le...tshan
dang/ /chabs cig gsang bsgrigs brda yi bstan bcos kyang/ /ha
cang 'gyang gzhir gyur min dus kyi char/ /'bul bdun zla gzugs

yid kyi pad mtshor mchis/ /'byung 'gyur char yang mdzad bzang
bsal dad kyis/ /zug rdu'i cha gdung sel pa sdang bzhin nas/
/'phral yun gnyis su dag pa'i phebs 'os kyang/ /lam gsum

'gro ba'i rgyun la co 'drir mdzod/ /ces pa'i zhu 'phrin 'dab
chags lus dkar zhig /dri bral lha gos gshog yang kyis btab ste/
/dngul chu'i khengs 'phrog shel dkar rtse mo nas/ /mkha' ru

dang rgyas gling gi pad mtshor 'phur// ' brtse ldan dam pa tshod
dpon dpal 'byor phun tshogs lags nas gcung por gnang rgyu'i
'phrin yig gi ma phyi snyan ngag gi lam las 'ongs ba zhig dang

tshe sgrub gyis zhes gsung pa'i lan rnam par dpyod pa'i rang
mdangs zhes bya ba/ /shes bya'i kun gsal tha gru 'jal pa'i rnam
dpyod dri bsung 'bum 'phro yang/ /mang du thos pa'i rlan byed
yongs bsdus

thugs kyi bcud du legs bzung nas/ /rtsom 'chad rtsod pa'i yal
'dab me tog phang phung rgod pa'i klong dkyil na/ /ngo zhim don
gyi 'bras bzang g.yur za brtse ldan 'chi med ljon pa'i drung/
/mkhas med rkang

@009a @#/ /'thung 'khrigs pa'i nags klung du/ /tha snyad tshul la
sbyangs stobs phra ba'i rgyus/ /mkhas las rnam gsum dri gral
phal pa'i ljon/ /snyom ldan ni tsu le yis

zhu snying la/ /deng skabs/ gang sku rin chen ri ra/ /snyun
'tshe'i dri bzhin ches ldang yang/ /mdzad bzang bang rim mngon
mtho bar/ /rtsa lag gling dbus brjid ngos nas/ /tshig nyung don
rdor sgril

pa'i a k+Sha ra/ /rmad byung skyes bcas thags pa'i g.yon mig
ma/ /don phigs gtam gyi sbyor ba mi dman par/ /bya ma ltar
mngags son ba zhin mngon dga' btas/ /'on kyang mdzes sku srid

pa'i mig /zug rngu'i ser sprin dang 'grogs pa'i/ /rgyu mtshan rno
rgyun dar ba'i mtshon/ /tsirra'i gshed por chas pas bzhungs/
/bdag kyang sgyu lus zla sbyin me tog gsar/ /bro nad pa mo'i rig
pa

dang bcas kyang/ /dad gus 'dab rgyas sems kyi b+hra ma ra/ /gdung
dbyangs mgrin 'gyur ma 'gags tsam du lags/ /mtshams zhus gsung
'phrin stsal ba'i bzhed don ltar/ /gang gi sku tshe snang

byed zung ji bzhin/ /brtan phyir tshe mtha' yas dang rje btsun
ma/ /yid bzhin 'khor lo'i sgom bzlas lugs srol 'di'i/ /snyan
brgyud man ngag dag las 'byung ba bzhin/ /brtson stobs bskyed de
bgyid

@009b dang bgyid mus lags/ /rjes skyes mchog la bsring bya'i
legs bshad 'phreng/ /sdeb legs tshig gi srad bu la brgyas pa/
/rab dkar 'dri gzhi'i ngos su 'phos 'di yang/ /blo ldan mgul par
sgra tshe sud

kyang 'tshal/ /phyis kang kA ya'i 'phrod bzhes la/ /gzhar yang
g.yeng bas dben pa nas/ /rjes su brtse ba'i gsungs mchod kyang/
/chad med si ta'i 'gros bzhin mkhyen/ /zhes pa'i 'phrin yig
gzhan gsos

bu de 'degs rten bkra ba'i gshog rlabs dang/ /snyan 'gyur ku
hu'i rang sgra 'phrol bzhin gra 'dzin gnyis pa'i zhing mchog
nas/ /gnam lo'i dbang phyig Attha sidd+hi'i sa ga'i yar tshes
ches dge bar/ /chos gzugs

'dzin pa'i dge sbyor de yis sor rtses mngon par bskrun te phul//
' gong gsal bcung por gnang rgyu'i 'phrin yig gi ma phyi ni/
/tsheO sngon las smon ri yi dbang po ltar/ /brtan por bsgrubs

las dal 'byor mi lus dang/ /bkra ba'i blo gros myur mgyogs
brtson 'grus sogs/ /shesO kun tshang ba'i nu bo gang de la/ /chos
srid dpalO 'byor rgyas pa'i mdun sa cher/ /phunO tshogs sbyangs

yon rnam dpyod 'ga' med kyang/ /lo khur lci yang babs kyis gang
shes gtam/ /shog bu'i do rar bstar nas 'bul snying la/ /deng dus
sgyu lus lha yi me tog nyer 'tshe bral bas mdangs gsal zhing/ /

@010a @#/ /na mnyam blo gsal mang po'i dus su rang tshugs zin pas
brjid chags la/ /yig rtsis snying gi ze'u 'grur ster ba'i bshes
la gus pa'i sri zhu mkhas/ /nyin mtshan phyed par yon

tan sbyong la brtul phod bskyed bzhin 'khod mus nas/ /snyan
'gyur dbyangs la ngan 'bras rdzogs pa'i gtam/ /yi ge'i sdeb
'khrul skyon dang ma 'dres shing/ /legs snyoms gzugs kyis gzhan

yid 'phrog bzhin par/ /phu bo'i lag rtser smin pas spro dga'
'phel/ /'dir yang chang mar rgud pas ma smad cing/ /sna mar bgyi
bar thung song phra ngos nas/ /byang stong gser khang yum rje'i
bzhed

don tshogs/ /bsgrub phyir bskyod pa'i 'dun pa yid ngor brnags/
/mtshams zhus 'dris bshes snang ldan sgrol byed la/ /'gran pa'i
phyogs dar dka'i sbyong dang blangs te/ /gang zhig yid la gcags

nas bcar ba'i don/ /'bras bur bcas la bsam gzhags legs btang
nas/ /lhag bsam rang mdangs gsal ba'i shing shun ngos/ /'phrul
ldan sor mos bsnan pa'i smra gu'i rjes/ /dbyibs

legs a 'dus ka yi 'phreng tshogs pu/ /'char tshul sngon byon thon
mi'i rjes su slobs/ /snyan snyan gre 'gyur dngoms pa'i rtsis
skad dang/ /khrog khrog rde'u'i 'dogs 'jog rnam 'gyur gyis/ /zab

@010b zab gting dpag dka' ba'i grangs kyi gnas/ /nges nges rtogs
la srid sgrub dar tshul zungs/ /gzhan yang brda dag ming gi mngon
brjod dang/ /sdeb sbyor snyan ngag lugs kyi bstan bcos sogs/ /

mkhas pa'i tshogs la grags pa'i rig gnas kyi/ /nor bus thugs kyi
bang mdzod yangs mi 'tshal/ /rang rang mnyam dang mtho dman skye
bo'i tshogs/ /kun la go rim ma 'khrugs sri zhu dang/ /kha gsal

gtid dpag dka' ba'i blo gros kyis/ /'jig rten mes po'i khangs pa
thung ngur mdzod/ /slad nas dge 'byung gang sku kun da'i gnyen/
/'tsho skyong ri bong mtshan mas spras ngos nas/ /gnas tshul

ma bsgribs gsal ba dang po'i mchid/ /snyon tshig mdangs kyis
ganga'i rjes 'gror srings/ /zhes pa'i 'phrin yig skye ba lnga
pa'i ngu/ /kun rmongs rims nad 'phrog la mngon dga' zhig/ /stong

khun sgeg mo'i dar dang chabs cig par/ /don grub sa ga'i khar
chos bzang por phul// ' gshen tshangs sku zhabs khri chen mi
'gyur gtsug phung dbang gi rgyal por phul ba dag snang nor bu'i

'od zer zhes bya ba/ gang gi zhabs sen zla 'od kyis phog pa'i/
/dbyig ldan pha rab rdul gyi cha shas kyang/ /lhar bcas skye
chu'i gtsug na bsten 'os pa'i/ /rnam mang 'gro 'dren dam pa'i
zhabs drung

@011a @#/ /du; ;mi phyed dad gsum lho phyogs dri bzhon gyis/
/rnam dpyod dpal gyi dum bu bskyod las slar/ /thon pa'i nyams
'gyur dri bsung rdzogs pa'i mching/ /snyan gyi dbang por gsol

la yud tsam dgongs/ /rgya chen tshogs gnyis shing rtas nyer
drangs pa'i/ /mtshan dpe'i 'od zer 'bum ldan sku'i snang byed/
/mthun min mi g+ha'i phung pos ma bsgribs par/ /gshen bstan 'dab

brgya'i nyer 'tshor bzhugs dbyings nas/ /ra gnas yi zla bar mngon
dgongs shing/ /mnyes gshin byams pa'i thugs kyis nyer drangs te/
/stong khun lus phra'i dar dang lhan cig tu/ /rin gnyis

tsakra 'dod ba'i yon tan grangs/ /lnga rig mgrin 'gyur sgrog
pa'i kingka ras/ /stsal tshe snying la khyod sku'i snang brnyan
gsar/ /kun rtog par gyis lan brgyar 'dri bzhin du/ /gus pa'i
snyim pad

chos kyi 'khor lor zum/ /'di na thos bsam bgrod byed 'degs 'jog
bzhin/ /res 'jog byed pa'i gus ldan snyoms las pa'ang/ /ris med
grub pa'i mtha' dang dam pa'i tshogs/ /kun la

dad pa'i chu gter 'phel mur gnas/ /mtshams zhus nyi ma'i gnyen
gyi ljags yang sa las/ /'ongs pa'i sher phyin mdo dang ak+Sha
ra/ /mkha' thig zla ba'i grogs kyis nyer 'khyud pa/ /lan mang

@011b 'don pa'i dam bca' tsittra 'chang/ /'byung 'gyur rnam par
dge ba'i dus na yang/ /zhabs zung 'khor lo'i ri mo rdo rje'i
khrir/ /rtag chos rnam bdun ngo bor rab brtan cing/ /ting 'dzin
'gyur med ra ba btsan po'i

nang/ /gus pa'i yid ldan bdag kyang chung pa dang/ /thog mtha'
bar dge don tshig bzang po'i klung/ /nyams 'gyur rin chen bye ma
'dren pa gang/ /rmongs dri'i gshed por stsol ba'i bka' drin zhu/
/zhes pa'i

zhu chung bgrod byed drug ldan glu/ /dkar 'jam lha rdzas stegs
bu la bkod de/ /me stag chu stong zla ba'i tshes bzang por/ /gus
ldan dge sbyong d+harma'i ming gis phul// ' lcags rta lo yongs
'dzin

chen po blo bzang bstan 'jam dpal bzang por phul ba'i zhu yig
tsi tta'i ri mo zhes bya ba/ gang gi thugs rjes blo ldan gdul
bya la/ /kun bzang ba de chen skad cig gis stsol zhing/ /bstan
'dzin rgyal mtshan tog gyur bsam 'phel dbang/ /rdo rje 'chang

dbang zhabs skyes pad drung du/ /gzhan dang mi mnyam gsang gsum
yon tan dang/ /gzhal med bka' drin dran pa'i dang gus kyis/
/snyam pa'i 'dab 'phreng spyi bo'i gzhir bkod nas/ /tsita ta'i
ri mo rdzogs pa'i

mchid 'di gsol/ /ngo mtshar rang bzhin stong ldan dus kyi char/
/zhabs bad rdo rje'i khri la nyer bkod nas/ /bar med chos kyi
'khor lo rtag bskor ba/ /bstan dang bdag sogs 'gro ba'i dpal du
che//

@012a @#/ /'di na gsung las skyes pa'i tha shal yang/ /sngon byon
dam pas bsten pa'i ri sul du/ /bar med ngan spyod mtshan gyi mun
rum nas/ /dad gus glog 'ong 'tsher ba'i khul du gnas

mtshams su gus pas zhu ba'i snying po ni/ rje btsun bla ma mkhyen
brtse'i gter chen khyed/ /'dzam gling che dgu'i mchod stong nyag
gcig tu/ /'phags pas nam mkha'i mdzod la mnga' brnyes shing/
/zag

bcas 'khor ba'i phun tshogs mtha' dag gi /ngan mtshang mkhyen pa'i
spyan gyis gzigs pa dang/ /rin chen sa le sbram dang sa yi rdul/
/mtshungs pa'i zab mo'i lta ba thugs chud pas/ /stong gsum gser

gyis bskang ste rtag phul yang/ /nyid kyi don du sred pa'i go
skabs ci/ /'on te ye shes ldan pa nyis stong dang/ /ma nor lam
ston bla ma mnyam pa dang/ /dam ldan slob mas bla ma mchod pa'i
tshe/ /rgyal kun bla

ma'i sku la bzhugs pa dang/ /phyogs dang dus kyis bsdus pa'i
sangs rgyas las/ /bla ma'i ba spu gcig kyang lhag pa sogs/ /rdo
rje 'chang gis rgyud sde rgya mtsho cher/ /bla ma mchog mthun
dngos grub kun gyi

gzhir/ /lan cig min par yang yang bsngags pa la/ /mthun mong min
pa'i nges pa cher drangs te/ /tshong dang zhing las phyugs kyi
'tsho skyong dang/ /tshul 'chos kha gsag la sogs log 'tsho las/
/byung

@012b min kha ba'i mdangs 'dzin lha yi gos/ /rin gnyis srang
'khor tshes kyi grangs longs bcas/ /bdag dang bdag la ltos pa'i
'gro ba kun/ /deng nas snying po byang chub ma thob bar/ /skying
sdug legs

nyes gnas skabs cir gyur kyang/ /snying nas re ltos zhu ba'i
rten du 'bul/ /mgon po khyed la mkhyen pa'i spyan mnga' bas/
/bdag gi yid la ji ltar brnags pa ltar/ /'di phyi'i skye 'phreng
kun tu rjes

gzung la/ /zab rgyas dam chos 'o mas rtag tu skyong/ /khyad par
gsar lo'i 'bras ldan ston gyi dus/ /dben pa'i rol chags pa'i dge
sbyong rnams/ /snang mtha'i mgon gyi zhal dkyil 'dren byed

kyi; ;bdud rtsir bsten pa de tshe mgon khyod kyi/ /zhabs rdul sa
gsum skye dgu'i mchod rten gang/ /bde chen 'khor lo'i rgyan du
nyer bkod nas/ /gsung gi gsang ba zab mo'i zil mngar gyis/ /

snying gi bum bzang 'greng ba'i bka'i drin zhu/ /gzhan yang
rgyal sras bdag nyid che rnams kyi/ /brtse yul ma dag snyigs
ma'i 'gro bar nges/ /'gro 'di'i phan bde'i sbrang rtsi 'byung
ba'i khungs/ /zhwa ser

bstan pa'i pad tshal ma lags sam/ /de phyir kun mkhyen rta bdun
bdag po khyod/ /bsil ljongs lha yi lam du rtag bzhugs la/ /'chad
rtsod rtsom pa'i 'od zer rnon po stong/ /'gyed pa'i thugs

@013a @#/ /dam rdo rje'i mched zlar ba zhes/ /de skad byams ldan
ma ma'i spyan snga ru/ /zho 'thud byis pa'i bla rtol smra ba
bzhin/ /gus ldan dge slong chos bzang ming ldan gyiS/ /rab myos
bgrang bya'i gral

tshes bzang por phul// ' bkra shis dge 'phel dpon slob rin po
cher phul ba drang gtaM dpyid kyi pho nya'i mgrin skyes zhes bya
ba/ chOos kun 'jal ba'i rnam dpyod yar zla ltar/ /'phOel ba'i
'chad rtsod

rtsom pa'i zer 'phreng gis/ /rgyalO bstan kunda 'dzum pa'i gnyen
na gcig pu/ /mtshan ldan dge ba'i bshes kyi zhabs drung du/
/dbOang shes log pa'i yul la nyer 'phyan pas/ /phyugO po'i mdzod
bzhin

nyes ltung 'dab rgyas kyang/ /chosO dang rjes mthun bsam sbyong
tsadna na/ /bzOang po'i dri bral phal shing des zhu ba/ /bgrang
yas legs byas chu gter las thon pa'i/ /dal dang 'byor pa'i cha
rdzogs gzugs

sku'i nyi/ /mi mthun mkha' rlang sgrib dang 'grogs min par/
/rmad byung mdzad pa'i 'od rnon spro mus nas/ /bkra shis dge
mtshan blar 'phel chos kyi grwa'i/ /rnam gnon sder mos bteg pa'i
'phang mtho'i

khri; ;zhabs sen nor bu'i 'od kyis mdzes so zhes/ /grags snyan
thos pa 'dzin pa'i rgyan du sbud/ /'di na gtsug rgyan dam pa
mang bsten pas/ /sgra 'dzin bu gar thos pa'i lam byang yang/
/dag byed

@013b dkyil du gnas pa'i gor ma ltar/ /sems rgyud nyams rtogs
rlan dang bral ba tsam/ /ma zing dal rten ljon pa'i sdong po
yang/ /'chi bdag sta re rnon po'i kham zas su/ /byed pa'i nyer
bsngogs nying 'khrul 'grang

rmis pas/ /bye tshan steng gi gser mig can ltar gnas/ /mtshams
zhus snga lo'i snon zla'i tshes bzang por/ /rab snyan dbyangs can
rgyud las drangs pa'i mchid/ /'jam dpal snying po'i slar gzugs
lha la

gos; ;rin gnyis tsakra dang bcas spyir smin tshe/ /rnyog bral kun
gzhi'i ma ku ra nang du/ /khyod sku'i snang brnyan 'gog med shar
las slar/ /dad cing gus pa'i na tshong char dus kyi/ /gya gyu'i
'gros ldan

ma la co 'dir gyur/ /de lta ma yang sems kyi cang shes de/ /rnam
gsum le lo'i sgrog gis mngon bcings nas/ /shes bya'i dbye thang
yangs por sdeb legs kyi/ /rtsom pa'i dkyus thog chod pa'i re ba
lhod/ /khyad

par rab gsal 'dren byed dkyil 'khor de/ /bsod nams min pa'i
'grib kyis non nye bas/ /dkar ba'i mdangs bkrag shing shun do ra
ru/ /yun ring rtsen pa'i skal ba shin tu phra/ /de phyir snyan
tshig mngon brjod

zla bzhin ma'i/ /reg 'jam 'o ma 'dzin pa'i dkyil 'khor la/ /rnam
dpyod gzhon nu'i sen rjes 'jog pa'i rdo/ /thogs pa min gang
khyod kyis bzod par brjod/ /bdag blo'i lang tsho dar la bab pa'i
dus/ /snyan

@014a @#/ /gzhung rgya mtsho'i dgongs pa rab dkrugs nas/ /snying
po'i zil mngar cha tsam blangs du re/ /rnam dpyod ljags yangs
mchod pa'i yon du 'bul/ /dpal ldan dus kyi 'khor lo'i smin byed

tsam; ;thob pa min yang rgyud don smra ba'i mgrin/ /tshangs ris
yul sa'i bar du 'degs pa las/ /rang mtshang ston pa'i me long
gzhan na gang/ /'on te nyid kyi bzhed dgongs 'chi med ljon/
/brgya phrag ro ldan 'bras bus

mdzes pa'i phyir/ /mdor bsdus tshig 'phreng dang mo'i 'phul lding
gis/ /shog bu'i lha lam bgengs pa'i ngal ba bsten/ /de phyir
gsar gzhung dpal gyi

dum bu 'dir/ /log rtog gnyis pa'i lce ldan 'khril gyur na/
/mdzangs zhib rnam dpyod spyan gyi nyer btsas te/ /sgrub bsun ri
dwags lte ba'i dri yis sol/ /slad mar rmad byung mtshan dpes
spras pa'i sku/ /

mi shigs rdo rje'i khri la rtag bzhugs nas/ /thog mtha' bar dge
zab rgyas chos kyi char/ /kun gsal pha mtha' rnyed min de srid
phobS/ /dad gus mdongs sgros sgeg pa'i ma yU ra/ /ting 'dzin
btsan

po'i ra ba la chud cing/ /rjes brtse'i chu 'dzin lto ba las
'phos pa'i/ /bka' 'phrin sgra brgya'i ldir ba rgyun ma gcod/ /de
skad zhu mtshon lhag bsam mdangs 'dzin gos/ /rin chen khang dzu
ram gyi 'khor

@014b lor bcas/ /gru 'dzin gnyis par grags pa'i ri sul nas/ /sgo
gsum dwang bas phul ba dza yantu// ' oM swasti/ ka ra'i ro ltar
myangs na bde ster zhing/ /kha ba'i mdangs ltar dkar ba'i

thugs kyi bcud/ /ga nas gsungs kyang snyan pa'i rang bzhin can/
/nga yi lag rtser stsal phebs bka' drin che/ /ca 'gros dge ba'i
bar chad gnang dogs kyis/ /cha shas tsam yang snyan du ma gsol
bar/ /

ja yun tsam la chos sgor zhugs pa 'dir/ /nya nyung bsres pa'i
dgongS phyogs med pa dang/ /ta la'i lo ma bcad pa ji bzhin du/
/tha tshig snying la bkod pa'i yi dam 'ga'/ /da lta srog gi dbang
po la babs

kyang; ;na rgas 'chi kha'i bar yang 'dor snyam med/ /pa tra spas
las mdzes mchon tsam min par/ /pha ma spun zla mdza' grogs mtha'
dag la/ /ba mo'i mdangs la 'gran pa'i lhag bsam gyis/ /ma yengs

dam chos hur thog bgying 'dun lags/ /cor bda' ded mdzad
pa'i...long med par/ /tsha drag byas nas chos kyi sgor zhugs
kyang/ dza re 'jig rten chos brgyad rjes 'brangs na.../ /wa
skyes sngo chos can

dang mtshungs ma zad/ /zhwa ser bstan dang mjal ba'i lag rjes su/
/za dga' 'thung skyid tsam las ma byung na/ /'a cag ma rabs kun
la rgyal khams mis/ /ya ga sgrog pa'i rgyu ru'ang cis mi 'gyur/
/ra mda'

@015a @#/ /mchog gsum bzang zhes gsung pa'i bka'/ /la lung brgal
te btsal yang rnyed dka' ba'i/ /sha tsha thugs nyes drangs pa'i
gsung bgros te/ /sa gnam 'dzol yang sgrub pa'i 'dun

pa lags/ /ha cang skyes sbyangs blo yin phra bas/ /a jo'i gsung
lan thebs pa'i re zad kyang/ /ha log gya nyes med pa'i khul byas
te/ /a la lan med gyur dogs gus pas phul// zhes pa 'di yang je
drung blo bzang

tshe ring nas jo jo'i 'phrin lan du dgos tshul ltar d+harma b+ha
dras bris// ' /mi rje gsol dpon chen po mkhas grub blo bzang dar
rgyas pa'i zhal snga nas la phul ba bung ba'i rang sgra zhes bya
ba/ srid na cher rlom phal gyi do ke brtser/ /bde 'byung

gtsug na mtshan mo'i mgon bo bzhin/ /gus pas mchod pa'i zhabs
stegs su wa rNa'i/ /'dab brgya mngon par bzhad pa de'i drung du/
/lag pa'i padmo sems kyi khang pa'i gzhir/ /dad gus zla dkyil
'od kyis

zum gyur kyang/ /nyi khri chig stong ba spu zing pa'i lus/ /btud
de gsol la brtse bas lung tsam dgongs/ /rdzogs ldan gsar du tshes
pa'i dus kyi char/ /gsal rdzogs mtshan dpe'i dkyil 'khor mngon
dwangs

shing; ;ris med bstan dang 'gro ba'i srog zungs su/ /nyer 'ba'
mdzad pa'i 'od stong spro dbyings nas/ /dri za'i gling bu stong
gis mtshon dka' ba'i/ /snyan 'gyur zab cing rgya che'i bka' tham
ni/ /lha rdzas

@015b ljan 'dab sbag tu nyer longs pa'i/ /gnang rten dang bcas
spyi bor stsal ba na/ /sgra 'dzin 'jug dogs la bab legs bshad
kyi/ /bdud rtsis gtams pa'i yid kyi ka la shar/ /dga' bde'i
rlabs 'phreng

g.yo ba'i dad gus mtsho/ /kun gsal pha mtha' 'tshol phyir khol
bar gyur/ /'di na skyabs gsum thugs rje'i sbrang char gyis/
/bskyangs pas srog gi lo 'dab ma bskams kyang/ /gtan mdun
'bras

bus stobs pas e raNDa'i/ /ljon pa gnyis pa lta bur gnas mus
lags/ /mtshams zhus nags grong stag rta'i khro dul bzhin/ /mang
thos rgya mtsho brgal nas bsam sgom gyi/ /nor bu'i gling du gson

pa'i dam pa khyed/ /rnam g.yeng dbul ba'i skyon dang ga la
'grogs/ /srid 'byor srin mo'i 'dzum dkar slu brid dang/ /rang
don dug can sbrul gyi gdengs ka ltar/ /gzigs nas gzhan ched kho
nar rgyal

po'i srid/ /skyong las gud na dal 'byor don ldan gang/ /lus kyis
dben pa tsam zhig lhur blangs kyang/ /sems rgyud rang don
g.yeng bar 'byams klas shing/ /gcig pur bsdad pa'i sdug yus
khongs

'tshangs can/ /theg mchog sems dpa'i 'jug ngogs yin nam ci/ /'on
te deng dus mgo rig phal mo che'i/ /bsgrub bya tshe 'di'i bde
thabs tsam yin kyang/ /srid 'byor yang rtser dor nas dben pa'i
ro/ /myong

@016a @#/ /bzhed dus gsum rgyal ba'i gzhung lam ste/ /zhi ba'i
nags su rang rgyud sgrib pa'i dri/ /mkha' mnyam 'gro ba sgrol
phyir sbyong byed pa/ /bstan dang 'gro don yongs kyi phul lo
zhes//

bsngags pa'i dril chen bsgrags pa'ang lan 'ga' thos/ /de phyir
bdag nyid chen po'i legs mdzad cha/ /ji ltar bstan kyang don
dang ldan mthong nas/ /zab yangs thugs kyi bzhed pa 'bras ldan
du/ /'gyur

ba'i smon 'dun zhu la gcig tu spro/ /slad mar mtshan dpe'i lang
tsho rab rgyas sku/ /gzhom bral rdo rje'i khams su 'tsho gzhes
nas/ /'khor gsum sprin gyi myu gu chad med du/ /bstan 'gro'i bde
legsa

sman pa'i yon du phobsa/ /legs bshad sbrang rtsis 'tsho ba'i
rkang drug bdag /thugs rje'i nyin byed snang bas byang chen bar/
/bskyangs las rtogs pa'i gshog rtsal yongs rdzogs te/ /zung 'jug

lha yi lam du ldong nus scol/ /de skad zhu mtshon rab dkar lha yi
dang/ /rin gnyis 'khor lo rtse mo'i grangs ldan bcas/ /skye bdag
khrums zla'i yar tshes bzang po'i nyin/ /gus phran slob bu'i tha

shal gang des phul// 'mgron gnyer sman ri ba'i zhu yig bka' lan
bzhugs/ 'rgyal kun mkhyen brtse nus pa'i chu klung 'bum/ /rigs
gsum rgya mtshor 'khyil pa las thon pa'i/ /blo bzang grags pa'i

@016b dpal zhes srid gsum na/ /yongs grags sa 'dzin mchog des
rnam kun skyongs/ /chos dang srid kyi gtsug lag gser ldan ma/
/zab yangs mkhyen pa'i lto bar bskyil las slar/ /legs bshad

Fgsar pa'i dag byed gtsang ma'i rgyun/ /skyug mkhas mi rje dam
pa'i zhabs drung du/ /sdom gsum blangs kyang ltung ba'i khur
gyis non/ /dben par gnas kyang rnam g.yeng bran du gyur/ /na
tshod rgan kyang byis pa'i

blo gros can/ /'gal 'du'i phung pos gus pas nyer gsol ba/ /dge
mtshan bye bas gtams pa ngang gi dus/ /rnam smin yon tan brgyad
chang sku'i nyin byed/ /nyer 'tshe phra mo'i sprin dang mi 'grogs
shing/ /rlabs

chen mdzad bzang 'od snang 'thul dbyings nas/ /dben par lkog
nyal byed pa'i ban rgan la/ /bong ba gser du gzigs pa'i spyan
rgyang gis/ /brjod bya legs par bshad pa'i bka' yi 'phrin/ /rjod
byed

rgyan mang mdangs kyis mngon bkra ba/ /gnang skyes rab dkar 'chi
med lha yi gos/ /bsregs bcad brdar bas 'gyur ched su warNa/
/'bru mchog sA lu'i 'bras dkar phyis bur bcas/ /stsal phebs
snyim

pa'i 'dab rtser chags pa'i mod/ /rab dga'i sa la gnas 'dra'i
dga' ba dang/ /bka' drin rjes su dran pa'i gus pa dang/ /sku yi
rim gror brtson 'dod 'dun pa ste/ /de gsum phan tshun 'gran pa
lta bur

@017a @#/ /'phel/ /'di na gus pa'i yid ldan dge sbyong bdag /dal
'byor gru chen na rgas rnying...gogs su/ /byas par ma zad 'chi
bdag nub ri'i rtsir/ /son pa'i nyi mo bzhin du mngon gyur kyang/
/don chung

'di snang khe nyan phra mo dang/ /lang long 'du 'ji'i g.yeng
bas sems bslus nas/ /gtan 'dun yid la smon pa'i yul tsam du/
/byad cing sos dal ngang du gnas mus lags/ /mtshams gsol rgyal
dbang padma ka ra yis

'dzum zhal lan gsum bzhad pa'i yul gru 'di'i/ /dkar nag las kyi
byed pos mi yi bdag /char ldan dus kyi nyi ma lta bu'i mthar/
/'bangs la sim pa ster ba'i mi yi lha/ /rgyal bstan gces par
skyong ba'i chos

kyi rje; ;legs nyes sbu ris 'byed pa'i drang srong che/ /khyod
ko snang mtha'i lung gis bskos pa 'di/ /yid bzhin nor bu gtsug
gi rgyan mchog tu/ /thob pa ji bzhin rab dags bskyod yid kyis/
/zhabs zung 'gyur med rdo

rje ltar brtan cing/ /bstan 'gror sman pa'i thugs kyi bzhed pa
kun/ /gegs med lhun gyis grub par gyur cig ces/ /slu med bla ma
lha srung dbang gsol nas/ /drang srong bden pa'i tshig bzhin yang
dang yang/ /sgrog pa'i

'dun pa yid ngor brnags te mchis/ /de skad zhu ba'i ri mo spyan
lam du/ /'degs mtshon rab dkar lha yi gos bzang dang/ /stong
'khun mdzes ma'i sor 'phrul gyis bskrun pa'i/ /dbang gi mdangs
ris 'dzin pa'i bzang

gos kha/ /dam rdzas ril bur bcas pa dge byed lo'i/ /mgo zla'i
dmar phyogs bzang po gsum pa'i nyin/ /dben gnas dngul chu'i sa
'dzin phug yangs nas/ /gus pa'i yid ldan d+harma b+ha dras phul/ /