@001a @#/ /sngags kyi yi ge'i klog tshul dngos bstan pa bzhugs//

@001b @##/ /na ma manydzu g+ho Sha ya/ /sngags kyi yi ge'i ngo bo
dbyangs gsal te/ /dang po a A i I u U dang/ /r-i r-I lE
lE e aEE o au dang/ /o a; rnams kyi klog tshul 'di lta ste/
/dang po drug la ring thung byed

pa yin/ /r-i r-I das phul ba la rab btags dang/ /l-i l-I ra la la
btags yi ge la/ /i sbyar ring cha yod med bzhi dang mtshungs/
/e o gnyis ni e'e o'o zhes pa dang/ /nyis brtsegs e'e i
zhes dang o'o ung 'bod/ tha ma

gnyis ni ang dang a ha ste/ /de dag ka la srog tu zhugs pa yi/
/klog tshul shes na gsal byed kun la 'gre/ kA kAM kA gsum ka'
ki'i ku'u dang mtshungs/ /kr-i kl-i gnyis ni ki dpri ki rling klog/
ke kai gnyis ni ke'e ke'e i zhes dang

ko kau gnyis kyang ko'o ko'o u zhes klog/ /kaM ka; gnyis ni
kang ka ha zhes pa ste/ /dmigs bsal sha Sha sa'i gong rnam bcad
sa/ /gsungs pa las gzhan kun la ha sgra dang/ /i r-i l-i la hi
dang u la hu/ /lhag mar he haM ho hu

phyogs mtshungs tsam/ /'don pa mkhas pa tA ra nA thas gsungs/
/' sde lnga'i gsum ba ga ja Da da ba/ /ming gzhi'i thog mar
byung cho 'as phul bzhin/ /klog dgos dbus mthar byung na bod
dang mtshungs/ /de yang Da ni ming

thog 'as phul dar/ /ra btags dang mtshungs dbus mthar byung na
dra/ /bzhi pa b+ha dz+ha Dha d+ha b+ha rnams ni/ /gsum par ra mgo
yod ltar ha sgra ldan/ /de yang Dha ni ra la da btags nas/ /ra
btags ha sgra cung zad yod dang mtshungs/

@002a @#/ /dza la nya dang Na btags 'gya' gnya'/ /sha log kha
dang mthar thad khya ru 'bang/ /lca rtsa can dang mchu can yi ge
gnyis/ /aga ka ab pa'i ka ba po bar 'bod// ' 'a dang 'greng bu
na ro med pa kun/ /

yi ge thung bas mig 'dzum gcig yun dang/ /'a dang 'greng bu na
re re yod pa/ /thams cad ring bas mig 'dzum gnyis yun klog/
/'greng bu na ro gnyis gnyis yod pa dang/ /na ro gcig dang pU
ta yod na/ /shin tu ring bas mag

'dzum gsum yun klog /de phyir 'greng bu na ro yod pa dang/ oM
la 'a 'dogs byed pa bon po dang/ /rnying ma'i lugs yin gsungs
phyir spang bar bya// ' brtsegs pa'i thog ma gong ma'i mtha'
rten la/ /yang sbyor de 'og rnams

ni dkyus su klog /nga ro rnam bcad yod kyang sha Sha sa/ /srog
med yi ge snga ma'i mthar sbyor yod/ /nya Na na dang sha Sha sa
ltar dang/ /ka ni ga dang pa na ba ru sbong/ /tsa tsha dza dang
Ta Da ta dang sbyor/ /mtha' rten de kun bde las shuD

cher brjod/ /dz+ha dang kSha yi yi ge steng ma la/ /yar sbyor
dkyus klog gnyis byed gsungs pa'i phyir/ /gzhan la gnyis 'bod
chad pa shes par bya/ /gsal byed rang 'dra brtsegs pa so so ru/
/me klog skad 'phang mthon po'i gdangs

kyis bklag /gsal byed mi 'dra mang nyung du brtsegs kyang/ /so
sor rang sgra thon tsam myur bar klog /ka kha ta tha pa pha ma
sogs la/ /sa mgo yod pa bla thabs snon pa ni/ /shar nub sde pa'i
lugs yin dbus dang ni/ /lho

@002b pa'i lugs ni so sor klog ces grag/ ' /ka kha ga gsum ya
btags bod dang mtshungs/ /ra la yang btags so sor phral te klog
/gzhan rnams ya btags 'gred bu byed ma la/ /ya sgra thon tsam
dang ni lba btabs rnams/ /na ro phyed la lba sgra thon tsam klog
/ra

btags phal cher so sor 'phral myur klog// ' ya ra lba gsum btags
na sgra 'dres yin/ /sgra 'dres dbyangs rnams gnyis kar dbang
myur klog/ /de min dbyangs dang nga ro 'og ma dbang/ /gsal byed
gang la nga ro yod pa yi/ /'og na shad yod rang rang

btsan pas na/ /sde lnga rang rang sde pa'i lnga par klog /ya
sogs brgyad la nga ru kleg pa yin// shad med ni 'og ma btsan
pa'i phyir/ /'og ma'i spyi bo'i lnga pa nyid du klog/ /dbyangs
rkyang la ni nga ru klog pa yin/ /nga ro rnam bcad 'dzom na her
sgra dgos/ /o dang hUM

gyi nga ro ma ru 'bod/ /rig byed las byung yi ge'i rnam grangs
dang/ /gzungs dang snying pos bon mnang gtso'o/ /de ltar sngas
kyi klog tshul dngos bstan 'di/ /blo damn 'ga' la phan phyir btus
pa yin/ /khams dang skye gnas dgra grogs btsi tshul dang

ngo bo dbye ba rnam grangs lci yang sogs/ /zhib rgyas mkhas pa'i
gzhung las mkhyen par mdzod/ /mdor bsdus 'di ni bande rdo rjes
bris/ /dge bas rang gzhan don gnyis lhun grub shog /ces pa 'di'i
ni mkhas pa ni chen po jo nang pa/ snang thang pa/ dpang lo
rnams kyi gsung dang

gser gyi yang zhun rnams kyi dgongs don las sngags kyi yi ge'i
klog tshul dngos bstan pa mdor bsdus tsam go bde bar bkod pa yin
no// ' //saM skr-i t-i wA dE rI pa paM har hi sma/ legs sbyar
smra ba'i sgron me bzhugs so// ' swa sti pra dzaM b+hyaH stobs
bcu pa dang 'dzam dbyangs dbyangs can ma/ /mha' lo tsA chos
skyong bzang/

@003a @#/ /po sogs/ /smra mchog yongs la btud nas saM skr-i ta/
/smra ba'i mun sel sgron chen 'dir sbyin bya/ /yi ge dbyangs
dang gsal byed gnyis/ /dbyangs yig a sogs bcu bzhi ste/ /gsal
byed ka sogs so bdun las/

ma yig yan chad sde par grags/ /'greng bu can dang na ro can/
/'a btags can rnams gnyis yun te/ /plu ta 'thob pa gsum yun
sogs/ /lhag ma rnams ni gcig yun bklag/ /dbyangs yig ke sha can
gnyis ni/ /e i e u thung ltar klog/ /ka sogs

sgrog tu r-i l-i zhugs/ /kir ri ki la li zhes myur bkag/ /dbyangs
yig gzhan rnams gsal byed la/ /zhugs pa phal cher bod dang
mtshungs/ /gsla byed srog bmed phyi ma'i mgor/ /btsegs pa'i chog
med yar sbyar bkag/ /sde pa'i dang po yar sbyar ba/ /rang

rang gsum pa sbyar bzhin te/ /rtsa Ta'i gsum pa da dang mthun/
/gnyis bzhi sbyar ba'i rnam gzhag med/ /nya Na yar sbyar na ltar
bklag /sha Sha yar sbyar sa dang mthun/ /sa sbyar bod ltar 'don
pa'ang yod/ /gzhan sbyar phal cher bod dang 'dra/ /ming thog

sde pa'i gsum pa rnams/ /'a yis phul ba lta bur bklag /dbus
mthar yod pa bod dang mtshungs/ /bzhi pa rnams ni gsum pa la/ ra
mgo ha sgra ldan pa bzhin/ /snga pa gsum pa'i dang po bzhi/ /ta
sder btags cha mthun te/ /rtse rtse cung zad steng bzhug

bklag /Sha yang de dang 'dra ba ste/ /gsal byed lhag ma bod dang
mtshungs/ /k+Sha ni khya dang cha mthun pa'ang/ /dza la nya btags
'gya gnyar bklag /ya btags 'greng bu ring cha med/ /lba btags na
ro gcig yun can/ /ka kha ya btags bod bzhin te/ /ya

@003b lba btags pa'i ra yar sbyar/ /ra btags phal cher bod dang
mtshungs/ /brjod du mi rung mang dang nyung/ /brtsegs pa rang
snga dran tsam du/ /phral bklag dbyangs ni 'og ma dbang/ /tsheg
drug bcad de dag por klog/ sha Sha sa gsum pha rol tu/ /byung
tshe rnam bcad sa

ru bklag /lce rtse can dang mchu can ni/ /a ka ab ces pa lta
bur bklag /rjes su nga rol sde pa la/ /rang dang sde pa'i lnga
par bklag /ya sogs brgyad la nga ru'o/ /oM gyi ma dang hUM gi
nga/ /tshig grogs dag la ltos pa med/ /sbyir du dbyangs lta dag
las bslab/ /

'di bkod pa las thob pa'i dge/ /ston ka'i zla 'dra de yis kyang/
/'gro blor mun dang lhan cig tu/ /bzlas brjod log pa'i skyon sal
shog/ (ces pa 'di ni chos spre ba dpal ldan dbang po'i sde zhes
bya bas sbyar ba'o// 'legs sbyar smra ba'i sgron med 'chang pa
la

gsum/ klad kyi don/ /gzhung gi don /mjug gi don no/ /dang po la
gsu/ /shes pa brjod pa/ phyag bya ba/ /dngos po ngas bstan no/
/gnyis pa gzhung gi don la gsum/ yi ge'i ngo bo/ /yi ge'i dbye
ba /yi ge klog tshal lo/ /gsum pa la gsum sbyir

bstan pa/ so sor bshad pa/ don bsdu ba'o/ /gnyis pa la gnyis/
/dbyangs kyi klog tshul dang/ gsal byed kyi klog tshul lo/ /gnyis
pa la gnyis/ /spyi'i klog tshul dang/ bye brag gi klog tshul lo/
/dang po la gnyis/ /srog med kyi klog tshul dang/ srog ldan gyi

klog tshul lo/ /dang po la gnyis/ spyir bstan pa dang/ so sor
bshad pa'o/ /gnyis pa srog ldan gyi klog tshul la gnyis/ /re re
ba'i klog tshul dang/ brtsegs pa'i klog tshul lo/ /gnyis pa la
gnyis/ bsdoms nas brjod rung gi klog tshul dang/ bsdoms nas brjod
mi rung gi klog tshu lo

@004a @#/ /gnyis pa bye brag gi klog tshul la gsum/ rnam bcad kyi
klog tshul/ lca rtsa can dang mchu can gyi klog tshul/ rjes su nga
ro'i klog tshul lo/ /'di d+harmma b+ha

dras bris// ' swa sti pra dzA b+hyaH skye rgu rnams la bde legs
shog /ka sha can mgor nyal/ plu ta; mchongs/ bi sardza/ rnam
bcang/ a nu swa ra/ rjes su nga ro/ /e ai

o au; aM aH sarba mang+ga laM// //