@001a @#/ /legs ldan gza' lnga nyin zhag ma'i mgyogs ster bsgrub
tshul bzhugs/ /

@001b @##/ /dpal ldan dang po'i sangs rgyas dang/ /dbyer med bla
ma'i zhabs btud nas/ /legs ldan gza' lnga nyin zhag ma'i/
/mgyogs ster bsgrub tshul bshad par bya//

rab byung nyi ma'i thog ma yi/ /me yos la sogs 'das pa'i lo/
/nyi mas bsgyur la nag pa sogs/ /'das zla bsres la gnas gnyis
bzhag /'og ma mig bsgyur tshes kyis brgyan

mnga' ros thob pa steng du 'phang/ /zla dag yin no de nyid ni/
/mkha' mas bsgyur la gnas gsum bzhag/ bar du mig dbang 'og ma
la/ /nam mkha' mig dang lag pa byin//

'og ma ri mkha' ris bgos nor/ /bar byin de yang chu ngos bgos/
/rnyed pa'i nor gyis steng sbyangs pa/ /tshes grangs ma bsres
spyi zhag yin/ /rjes za'i spyi...zhag rim

@002a @#/ /sgrub na/ /gnas gsum kun la mkha' me byin/ /rang rang
'khor los steng bsgril bar/ /chu ros rnyed pas steng sbyangs
pas/ /spyi zhag gang 'dod nge yis

'grub/ /steng mar sbyang rgyu byung ba na/ /mi nor mtshan ma ma
'tshems 'debs/ /ches grangs ma bsres spyi zhag de/ /gnas lngar
bzhag la nam mkha' mtsho/ /dus mig thigaM dang cha

shas la/ /dus tshes me bug gis bsgyur par/ /steng nas thigaM dang
mtshams lag ngag/ /mnga' me 'byung ba cha shas la/ /dbang ro nam
mkha' dus klus sbyangs/ /mas rim bug

mkha' mig bug yid/ /mtshams dang mkha' ro thig ro ngag/ /mkhor
los dor lhag nyi d+hru'o/ /rjes zla'i nyi d+hru rim sgrub na/
/gnas gang nyin zhag rtag longs dang/ /mtshan can

@002b nyer dgu'i rtag longs byin/ /phyi ma'i nyin zhag nyi d+hru
'grub/ /de nas nyin zhag spyi nor gyi/ /bsgrub tshul rim pa bstun
pa ni/ /gang brtsi'i lo yin ga d+hru 'am/ /bshol yod dbo slu'i
nyi d+hru la//

nyin zhag rtag longs gang babs byin/ /nyin zhag gcig gi longs
spyod las/ /cung zad ma langs nyung ba na/ /de ni lo de'i spyi
nor yin/ /zhi gnyis don du spyi nor de'i/ /chu tshod mkha' ros
bsgyur

ba la; ;'og gi srang btsug 'byung ma zlas/ /thob pa srang yin
lhag dus bsgyur/ /dbugs bcug thob pa dbugs yin lhag /bug mkha'
mig bug yid kyis bsgyur/ /cha shas bcug nas

'byung ma zlas/ /thob pa cha yin lhag med dag /skar dbyung gnyis
la thon nar med/ /de nyid skyes bu drug gi ched/ /gnas gsum
steng 'og gnyis su bzhag /steng ma phyogs ri

ma dang ni/ /'og ma mnga' chu gzugs kyis bsgyur/ /rang rang
'khor los bsgril ba yis/ /rkang pa'i longs spyod rnam dag 'grub/
/de nas nyi ma'i spyi nor ni/ /gnas drug tshan pa gnyis su

bzhag /dang por phyogs brgyan gnyis par phri/ /gsum par ri byin
bzhi par phri/ /lnga par ma bsnan drug par phri/ /de bzhin drug
tshan 'og ma yi/ /dang por mda'

@003a @#/ /byin gnyis par phri/ /gsum par chu bsnan bzhi par
dman/ /lnga par gzugs byin drug par sbyangs/ /byin nor grogs pa
bu lon te/ /lhag sangs spyin nor rnam

dag 'grub/ /' sla ngag mkha' mes bsgyur ba la/ /tshes grangs
bsras la gnas gsum bzhag/ rtsis 'phro byin nas 'khor los bsgril/
/chu ros rnyed pas steng sbyong sogs/ /sngar

bzhin byas pas tshes bsres pa'i/ /spyi zhag ces bya 'grub pa yin/
/nya stong rim sgrub bco lnga re/ /gnas gsum kun la rim bzhin
byin/ /rang rang 'khor los steng bsgril par/ /chu

ros rnyed pas steng sbyangs pas/ /tshes bsres spyi zhag gang 'dod
'grub/ /steng sbyangs mtshan ma sngar bzhin 'debs/ /' so so'i
sgos zhag sgrub lugs ni/ /spyi zhag rtsis

'phro dbyi ba de/ /steng pa rgyal bas phri ba la/ /ri klu ro yis
bgos pa'i lhag /mig dmar sgos kyi zhag po yin/ /spyi zhag mtsho
ri 'dod pas phri/ /so yon rag byed kyis dor lhag/

phur bu'i sgos kyi zhag po yin/ /spyi zhag klu bug rtsa 'byung
dbri/ /ro dus thub phyogs kyis bgos lhag /spen pa'i sgos kyi
zhag po yin/ /spyi zhag brgyas bsgyur dus chu dang/ /bug

@003b mtshams kyis sbyangs thub bug dang/ /ri nor dor lhag lhag
pa'i zhag /spyi zhag bcus bsgyur dus ri dang/ /mkha' mig gis
sbyangs drang srong dang/ /rgyal ba mi gdor pa sangs zhag /nya
stong rim par sgrub byed

na; ;sgos zhag so sor bco lnga re/ /kun la ster kyang spyi zhag
de/ /mtshan can skabs su bcu bzhi re/ /ster zhing de yang lhag pa
brgya/ /pa sangs bcus bsgyur byin pa der/ /dkyil 'khor thob na
dor

ba yis/ /sgos kyi zhag rnams tshegs med 'grub// ' de nas gang
brtsi'i nyi d+hu la/ /gang brtsi'i tshes kyi rtag longs byin/
/rang 'khor longs na bsgril ba de/ /drag gza' gsum gyi rkang
'dzin 'dzin

lhag pa'i sgos zhag brgya yis dang/ /pa sangs sgros zhag bcu yis
bgos/ /nor gyis rkang 'dzin re'u mig dang/ /lhag mas spyi nor
re'u mig bzung/ /de gnyis bsres la rang gi /'khor los

bsgril ba myur bar ram/ /zhi gza' gnyis kyi rkang 'dzin yin/ '
rgyas pa rang rang sogs zhag giS/ grangs mtshungs re'u mi bzung
ba dang/ /'bring po sogs kyi zhag grangs kyis/ /re'u mig grangs
mtshungs

gyur na bzung/ /mtshungs nyung ba gad nyes zung/ /de la ka kha'i
tha bzhin du/ /zhag rtsis re'u mig mang khyad rnams/ /grangs
mtshungs byin nas rang rang gi /'khor los bsgril bas drag gsum
gyi/ /dal

@004a @#/ /ba rnam par dag pa 'grub// ' gong gi drag gsum rkang
'dzin la/ /spyi nor gyis ni sbyangs lhag gis/ /re'u mig steng ma
gang mthun bzung/ /de mthun par 'og re'u mig la/ /spyi

nor bu lon rkang grangs nor/ /ma nor so sor byin pa yis/ /lhag
sangs gnyis kyi ngal dag 'grub/ / ' cha shas dor ba'i rang rang
gi /dal ba dag pas rkang 'dzin sbyang/ /ma ldangs 'khor lo bsnan

la sbyang/ /sbyangs shul 'khor phyed lhag na'ang ngor/ /ma dor
rim pa zhes pa dang/ /dor na rim min kha byang 'debs/ /lhag ma'i
skar mas myur rkang bzung/ /rkang pa snga phyi'i kha byang bkod/
/skar

gnas mkha' rol bsgyur ba la/ /chu srang mkha' mes bgos pa'i nor/
/chu tshod la byin bcug pa de'i/ /grangs kyis myur dag re'u mig
ni/ /rim pa rim min gang yin 'dzin/ /de nyid rang rang

dal dag la/ /rim snon rim min dbri ba yis/ /rang rang myur ba
dag pa 'grub/ /rim pa'i snga rkang mar 'gros shar/ /phyi rkang
dal 'gros lho ru byed/ /rim min snga rkang 'khyog 'gros nub

phyi rkang 'byung ba'i 'gres te byang/ /zhes pa 'di yang spel
khang sde pa mkhas mchog tshe ring don grub kyi drung du legs
ldan gza' lnga nyin zhag la spyod pa'i rtsa sgrub dang/ mgyogs
ster sogs sbyangs

@004b nyi dmar lhag phur sangs spen skabs ma gzhi 'das lo mang
yang yig sdeb ngang tshig sbyor gyi dbang gis legs bshad baiTUr
dkar po nyid rang blor

671405 689 8777 4332 2247 10766 'char bde na'ang mgyogs rtsis
byed tshul kha 'thor ba lta bur snang bas na nag 'gros kyi tshul
du rtsis rig smra ba'i shAkya'i

dge slong d+harma b+ha dras rab byung bcu gsum pa'i nang tshan mig
dmar gyi lo chu stod zla ba'i tshes la sug bris su bgyis

@#/ /steng ma so so'i dkyil 'khor dang 'og ma so so'i cha shas
kyi grangs yin lags/ pa dza yantu// mang+ga laM// //sde dge'i
par rkos rgyal kham pa rdo rje rgya mtshos par du bsgrub pa
dge'o// //

147907 997 8777 361 747 5383