@#/ /lam gyi gtso bo rnam gsum gyi DIka ka tshig don rab tu gsal
bar byed pa'i sgron me zhes bya ba bzhugs so//

@001a @#/ /na mo gu ru manydzu g+ho Sha swa ra swa sti ye/ mi bde
srid pa'i 'ching ba mkhyen pas bcad/ /mi 'gyur zhi ba'i bde ba
brtse bas ngor/ /mi gnas myang 'das srid zhi'i mgon...

gyur pa/ /mi mjed zhing gi 'dren mchog sras bcas rgyal/ /mgon
de'i chos phung zla ba'i ma ma las/ /lam gtso me yi legs bshad
ma Ni ka/ blo bzang dang dpon chen

pos drangs pa'i tshe/ /gangs can skal bzang rna lung ci yang
mdzes/ /tshig don shes 'dod skom sred cher lngad yang/ /mkhas
gzhung chu gter rdub pa'i blo gros kyi/ /mgrin

lam cung zad dog pa'i 'gro rnams la/ /tshig nyung don gsal chab
rgyun 'di na kye/ /de la 'dir rje btsun chos kyi rgyal po tsod
kha pa chen po blo bzang grags pa'i dpal zhes snyan

@002a @#/ /pa'i dbyar rda srid zhi'i khongs las brgal bar ches
cher sgrog pa des/ tsha kho dbon po ngag dbang grags pa la thugs
brtse bas gdams pa'i lam gyi gtso

bo rnam gsum du grags pa'i bstan bcos 'di nyid 'chad pa la gsum/
klad kyi don/ gzhung gi don/ mjug gi don no/ /dang po la gsum/
mchod par brjod pa/ brtsam

par dam bca' ba/ mnyan par bskul ba'o/ /dang po ni/ rje btsun
bla ma rnams la phyag 'tshal lo/ /zhes pas ston la/ don ni/ rje
bla mas bstan bcos 'di nyid rtsom pa'i

thog mar rang nyid sngon gyi lo paN skyes bu dam pa rnams kyi
spyod pa dang mthun zhing phyi rabs kyi gdul bya rnams la yang
mig ltos bzang po bzhag pa dang/ bstan bcos

@002b rtsom pa'i bar chad zhi nas rtsom pa mthar phyin bar 'gyur
ba sogs mdor na gnas skabs dang mthar thug gi bzhed don thams
cad bde blag tu 'grub pa'i phyir/ rje btsun 'jam pa'i dbyangs la
sogs

pa'i bla ma rnams la phyag 'tshal lo zhes sgo gsum dang ba chen
pos 'dud par mdzad pa'o/ /de yang rje btsun gyi ska dod b+ha TTa
zhes 'byung ba ltar na dad sgro la la yang 'jug pas rang nyid la
dad

pa'i gdul bya rnams 'khor bkhor ba spyi brag dang dman lam las
sgrol pa'am yang na swa mi dang bande zhes pa rje dang btsun pa
la 'jug pa ltar 'gro ba lha dang bcas pa'i gtsug gi nor bur gyur

pas na rje/ sgo gsum nyes spyod mtha' dag las snom bas na btsun
zhes brjod pa yin zing/ bla ma'i skad dod gu ru la nges tshig gis
bshad na yon tan gyis gang zhing bka' drin lci ba dang/

yon tan gyi 'byung gnas yin pa dang/ gsang ba ston pa sogs mang
por 'jug kyang/ phan 'dogs shing gong na bzhugs pa zhig tu bshad
chog la/ rnams zhes mang tshig smos pa ni...

@003a @#/ /dbu ma pa/ red mnga' ba/ lho brag grub chen/ rje chos
skyabs bzang po sogs so/ /gnyis pa brtsam par dam bca' ba ni/
rgyal ba'i gsung rab kun gyi snying po'i don/ /rgyal sras

dam pa rnams kyis bsngags pa'i lam/ /skal ldan thar 'dod rnams
kyi 'jug dogs de/ /ji ltar nus bzhin bdag gis bshad par bya/
/zhes pas ston la/ don ni/ bdud bzhi'i dgra

las rnam par rgyal ba'i thub pa sangs rgyas bcom ldan 'das kyis
bka' stsal ba'i gsung rab yan lag bcu gnyi sogs mdo rgyud kun
gyi dgos don 'gro ba rnams gnas skabs

mngon mtho dang mthar thug nges legs thob pa'i thabs sha stag
yin cing/ de la thog mtha' bar gsum du dgos pa'i snying po'i don
nges 'byung gi bsam pa dang/ rgyal ba'i sras po

dam pa'i skyes bu byang chub sems dpa' rnams kyis/ byang chub
sems skyes gyur na skad cig gis/ zhes sogs lan du mar bsngags
shing bstod pa'i lam byang chub kyi sems dang

@003b chos kyi bgo sgal la spyod pa'i las bzang po dang ldan
pa'i gang zag thar pa thob par 'dod pa rnams kyi 'jug dogs te
'jug go gnyis pa dang bral ba stong nyid rtogs pa'i shes rab
ste/ bla ma 'jam pa'i dbyangs

kyi gdams pa/ lam gyi gtso bo rnam pa gsum po de ni/ rang gi
blos ji ltar dpog par nus pa bzhin du snad ldan gyi slob ma ngag
dbang grags pa khyod la/ blo bzang grags pa bdag gis lan dang
rnam par smin pa

la mi re bar brtse ba'i sems kyis bshad par bya'o zhes pa'o/
/yang na rgyal ba thub pa'i dbang po'i theg pa che chung gi
gsung rab dgongs 'grel dang bcas pa kun gyi brjod bya'i snying
po'i gnad don mtha' dag

ma tshang ba med par bsdus pa/ rje btsun 'jam pa'i dbyangs dang
shing rta chen po klu sgrub dang thogs med la sogs pa rgyal sras
byang chub sems dpa' lam dang lam ma yin pa 'byed pa la phra
zhing mdzangs

pa'i blo gros dang ldan pa'i dam pa rnams kyis lan du mar
bsngags shing bstod pa'i lam srol/ skal ba dang ldan pa'i gang
zag thar pa dang thams cad mkhyen pa thob par 'dod pa rnams kyi
'jug...

dogs te 'jug sgo dam pa lam gyi gtso bo rnam pa gsum po de ni
zhes sbyar ro/ /gsum pa mnyan par bskul ba ni/ gang dag srid
pa'i bde la ma chags shing /dal 'byor don yod bya phyir brtson
pa yis/ /

@004a @#/ /rgyal ba dgyes pa'i lam la yid rton pa'i/ /skal ldan
de dag dwang ba'i yid kyis nyon/ /ces pas ston la/ don ni/ tsha
kho dbon po la sogs pa'i slob ma gang yin pa de dag lha mi la
sogs pa srid t pa 'khor ba'i bde ba thams cad 'gyur pa'i sdug
bsngal du mthong nas de la ma chags shing ma zhen par dal ba
brgyad dang 'byor pa bcu tshang pa'i chos sgrub pa'i lus rten
khyad par can lan cig tsam thob pa de don

med stong log tu mi btang bar don yod par bya ba'i phyir du
brtson 'grus drag po brtsams pa yis/ phyi rol mu stegs pa dang/
kla klo dang gshen rab sogs phyi nang gang du'ang ma gtogs pa
dang/ nang par rlom...

yang thabs shes phyogs re bas 'tshang rgya bar 'dod pa'i lam ltar
snang dag la blo mi gtong par/ dus gsum gyi rgyal ba sras bcas
thams cad dgyes pa skyed pa'i lam nges 'byung byang sems yang
dag

pa'i lta ba ste bstan pa'i gnad thams cad rdzogs pa'i bdams pa
'di nyid la yid shin tu rton par byed pa'i skal ba dang ldan
pa'i gzur gnas blo ldan gyi gdul bya de dag snod kyi skyon gsum
spangs shing

'du shes drug bsten la dwang ba chen po'i yid kyis nyon cig ces
pa'o/ /yang na tshig rkang dang po gsum nges 'byung sogs gsum
dang tha mas lam de don du gnyer ba'i gdul bya la yid gtong par
bskul

@004b zhes bshad kyang chog go/ gnyis pa gzhung gi don la gsum/
nges 'byung bshad pa/ byang chub kyi sems bshad pa/ yang dag
ba'i lta ba bshad pa'o/ /dang po la gsum/ nges 'byung 'tshol dgos
pa'i rgyu...

mtshan/ des 'byung ba skyed pa'i thabs/ nges 'byung skyes pa'i
tshad bshad pa'o/ /dang po ni/ rnam dag des 'byung med par srid
mtsho yi/ /bde 'bras don gnyer zhi ba'i thabs med la/ srid la
barkam pa

yis kyang lus can rnams/ /kun nas 'ching phyir thog mar nges
'byung btsal/ /zhes pas ston la/ don ni/ ngan song gsum las thar
'dod tsam ma yin par 'khor ba spyi las brgal 'dod rnam par dag
pa'i

nges 'byung gi bsam pa shugs drag po rang rgyud la skyes pa med
par te med na/ srid pa...'khor ba'i sdug bsngal gyi rgya mtsho
chen po yi nang du yang dag pa'i bde ba med mod zag bcas kyi bde
pa'i 'bras bu tsam la mi gtsang

ba'i dri la dga' ba'i sbrang bu ltar chags shing don du gnyer
ba'i phyin ci log gi blo ran 'di gang gis kyang zhi ba ste ldog
pa'i thabs med la/ de ma ldog par srid pa'i bde ba spu gri'i sor
chags pa'i sbrang rtsi lta bu la barkaM

pa ste sred pa'i zhags pa yis kyang rigs drug tu 'khyams pa'i
lus can rnams 'khor bar kun nas dam du 'ching ste/ rnam 'grel
las/ sred pa ni/ yod na slar yang 'byung phyir ro/ zhes gsungs/
de'i phyir na thar 'dod

@005a @#/ /rnams kyis thog mar srid pa'i dpal 'byor kun kyang
sdug bsngal gyi 'byung gnas su rig nas de las yid nges par
'byung bar 'dod pa'i bsam pa rnam par dag pa btsal dgos so zhes
pa'o/ /gnyis

pa nges 'byung bskyed pa'i thabs la gnyis/ tshe 'di'i snang shas
ldog thabs dang/ phyi ma'i snang shas ldog thabs so/ /dang po
ni/ dal 'byor rnyed dka' tshe la long med pa/ /yid la goms pas
tshe 'di'i snang shas ldog/

ces pas ston la/ don ni/ 'gal rkyen phyi nang gi mi khom pa
brgyad dang bral nas chos bya ba'i long yod pa'i dal ba brgyad
dang/ mthun rkyen rang dang gzhan gyi 'byor pa bcu dang ldan
pa'i rten 'di gnas skabs dang mthar

thug gi bde ba phun sum tshogs pa ma lus pa bsgrub nas pas na don
che tshul dang/ rgyu dang grangs dang dpe rnams kyi sgo nas rnyed
par dka' tshul dang/ lan gcig tsam rnyed pa'i rten de yang tshe la
snon pa med cing 'bring

byed bar ma chad du yod pas 'jig rten 'dir yun ring bsdang long
med pa nges par myur du 'chi zhing/ nam 'chi la yang nges pa med
pa dang/ 'chi ba'i tshe chos rnam dag byas pa ma gtogs rnyed bkur
snyan grags

sogs 'jig rten chos brgyad bsgrub pa'i phyir du dka' spyad drag
pos 'bad kyang phan pa med par ma zad tshe 'dir ngal zhing du ba
la phyi mar sdug bsngal ba'i rgyu byed pa'i tshul rnams yid la
yang yang bsams shing

@005b goms pas tshe 'dir yun ring sdod pa'i grabs byas pa la dgos
pa med par shes nas sngar tshe 'di'i bde skyid 'dod pa'i 'jig
rten chos brgyad kyi snang ba shas cher yod pa de gos ldog nas
phyi ma don gnyer gyi blo...

shugs drag skye'o zhes pa'o/ /gnyis pa phyi ma'i snang shas ldog
thabs ni/ las 'bras mi slu 'khor ba'i sdug bsngal rnams/ /yang
yang bsam...na phyi ma'i snang shas ldog/ ces pas ston la/ don
ni/ dper na...

nas 'bras gro sran sogs sa bon tha dad pa btab pa'i myu gu'ang
so sor ma 'chol bar skye ba ltar/ las dkar nag gi 'bras bu'ang
bde sdug so sor ma 'chol bar rkyen dang phrad tshe 'byin pas na
mi slu ba sogs mdor

na las nges pa 'phel che ba ma byas pa dang mi 'phrad pa byas pa
chud mi za ba'i tshul dang/ sdug bsngal brgyad dang drug dang
gsum la sogs pa 'khor ba spyi dang bye brag gi sdug bsngal rnams
dang/ khyad par dri lan blo...

bzang bzhed pa'i sgra dbyangs las/ 'khor ba'i nyes brgya sems
pa'i tshul/ /mang yang sdug bsngal sdug bsngal gyis/ /'dzigs nas
thar 'dod phyugs la'ang yod/ /zag bcas tshor ba bde ba las/ /yid
'byung...

phyi rol pa la'ang mchis/ /des na 'du byed rang bzhin gyi/ /zag
bcas nyer len phung po 'di/ /sdug bsngal 'grub dang grub pa'i
snod/ /nad dang 'bras dang zug rngu ltar/ /dmigs nas bsgoms na
byings g.yo lags

@006a @#/ /zhes gsungs pa ltar blo kha nang du phyogs nas yang
nas yang du zhib par bsam...pa na sngar phyi ma phan chad du lha
mi'i dpal 'byor don du gnyer ba'i snang ba shas cher yod pa de
go sa ldog nas thar bdon gnyer

gyi blo shugs drag skye'o zhes pa'o/ /gsum pa nges 'byung skyes
pa'i tshad bshad pa ni/ de ltar goms pas 'khor ba'i phun tshogs
la/ /yid smon skad cig tsam yang mi skye zhing/ /nyin mtshan kun
tu thar pa don gnyer blo/

byung na de tshe nges 'byung skyes pa lags/ zhes pas ston la/ don
ni/ de ltar 'khor ba spyi bye brag gi sdug bsngal rang rgyud la
bskor nas yang yang goms par byas pa la brten nas lha mi'i gtso
bo rnams kyi bde bas

mtshon srid pa 'khor ba'i phun sum tshogs pa gang la'ang skyugs
nad can gyis gzhan mthong ba ltar 'di lta bu thob na snyam pa'i
yid la smon pa skad cig tsam yang rgyud la mi skye zhing/ nyin
mtshan gyi dus kun tu...

zag bcas nyer len gyi phung pos bsdus pa'i yid brten med pa'i
'khor ba las grol ba'i thar pa myang 'das kyi bde ba zhig da lta
nyid du thob na snyam du don du gnyer ba'i blo gzhan rkyen gyis
ldog mi nus...

pa'i shugs drag la rgyun ring brtsol med du skye ba byung ba na/
dus de'i tshe thar pa cha mthun gyi dge ba bcos ma ma yin pa'i
nges 'byung gi bsam pa rnam par dag pa rang rgyud la skyes pa
lags so zhes pa'o//

@006b gnyis pa byang chub kyi sems bshad pa la gnyis/ byang chub
kyi sems bskyed dgos pa'i rgyu mtshan dang/ byang chub kyi sems
bskyed pa'i thabs so/ /dang po ni/ nges 'byung de yang rnam dag
sems bskyed kyis/ /zin pa med

na bla med byang chub kyi/ /phun tshogs bde ba'i rgyu ru mi 'gyur
bas/ /blo ldan rnams kyis byang chub sems mchog bskyed/ /ces pas
ston la/ don ni/ sngar gong du bshad pa'i skyes bu chung 'bring
dang thun mong ba'i lam

srid pa'i phun tshogs las yid nges par 'byung ba tsam gyi bsam pa
de yang/ mkha' mnyam gyi sems can rnams kyi tshad du rnam par dag
pa'i sems bskyed kyi rtsis zin pa med na bden pa bzhi dang/ rten
'brel bcu

gnyis dang/ phar phyin drug la sogs pa yun ring por nyams su
blangs ba rnams kyang/ bla na med pa yang dag par rdzogs pa'i
byang chub kyis rang gzhan gnyis ka'i don phun sum tshogs pa
'grub pa'i gtan gyi bde

ba mi gnas pa'i mya ngan las 'das pa'i rgyu ru mi 'gyur te/ rang
don yid byed dman pa'i lam du gol ba'i skyon yod pa'i phyir/ de
bas na rang don gtso bor don du mi gnyer bar gzhan don rgya
chen
po bsgrub par bya'o...

snyam pa'i theg chen gyi rigs sad pa'i blo gros kyi rtsal dang
ldan pa'i dbang rnon skyes bu mchog gi rigs can rnams kyis/ rgyu
'bras man ngag bdun dang bdag gzhan mnyam brje'i sgo nas theg
chen gyi lam gyi...

@007a @#/ /gzhung shing lta bu smon pa dang 'jug pa'i bdag nyid
can gyi byang chub kyi sems mchog tu bskyed par bya'o zhes pa'o/
/gnyis pa byang chub kyi sems bskyed pa'i thabs ni/ shugs drag
chu bo bzhi yi rgyun...

gyis khyer/ bzlog dka' las kyi 'ching ba dam pos bsngams/ /bdag
'dzin lcags kyi dra ba'i sbubs su chud/ /ma rig mun pa'i smag
chen kun nas 'thibs/ /mu med srid par skye zhing skye ba ru/
/sdug bsngal gsuM

gyis rgyun chad med par mnar/ /gnas skabs 'di 'drar gyur pa'i ma
rnams kyi/ /ngang tshul bsams nas sems mchog bskyed par mdzod/
/ces pas ston la/ don ni/ rig zar gyi 'bab chu ltar shugs shin

tu drag pa'i skye rga na 'chi'am/ 'dod pa srid pa ma rig pa lta
ba ste chu bo chen po bzhi yi rgyun gyi cha bsags pas ngal bso
med par sdug bsngal gyi rgya mtshor ni khyer/ sangs rgyas kyi
mthu dang rdzu 'phrul gyis kyang bzlog

cing dgrol bar dka' ba'i zag bcas kyi bsod nams bsod nams ma yin
pa mi g.yo ba'i las kyi 'ching ba'am zhags pa dam pos 'khor
ba'i gnas su ni bsdams/ gang zag dang chos kyi bdag tu 'dzin pa
bcad

par dka' ba lcags kyi dra ba ltu bu'i sbubs su na chud/ nyes pa
thams cad kyi rtsa ba las 'bras dang de kho na nyid sogs bya ba
dang bya min gyi gnas tshul mi shes pa'i ma rig pa'i mun pa stug
po'i smag rum chen po phyoT

@007b kun nas chu'i khur gyis non pa'i dbyar gyi char sprin lta
bur ni 'thibs/ thog ma dang tha ma'i mu mtha' 'di zhes ngos
bzung du med pa'i srid pa 'khor ba'i gnas ngan 'dir lan gcig
gnyis tsam ma yin par skye zhing

skye ba ru sdug bsngal gyi sdug bsngal/ 'gyur ba'i sdug bsngal/
khyab pa 'du byed kyi sdug bsngal te/ sdug bsngal gsum gyis skad
cig kyang rgyun chad pa med par ni mnar ba sogs gnas skabs te
ngang tshul ches

bzod par dka' ba 'di 'dra bar gyur pa'i 'gro ba 'di thams cad
rang gi tshe rabs snga ma'i mar ma gyur pa gcig kyang med cing/
de yang lan mang por byas shing nam byas res kyis gnod pa las
bskyabs nas bde

ba dpag med sbyin pa'i drin can sha stag yin pas ma rgan sems
can rnams kyi sdug bsngal ba'i ngang tshul rang nyams la dpags te
legs par bsams pa la brten nas/ drin lan du bde ba dang ldan na
snyam pa'i...

byams pa dang/ sdug bsngal dang bral na snyam pa'i snying rjes
drangs te/ de rnams sdug bsngal las grol ba bdag gis bya'o snyam
pa'i lhag bsam gyi khur khyer bnad lta ni bdag la de lta bu'i
nus pa med/ nus pa...

su la yod na rdzogs pa'i sangs rgyas nyag gcig la yod par shes
nas sems can kyi don du rdzogs pa'i sangs rgyas kyi go 'phang ci
nas kyang thob par bya'o snyam du smon pa'i sems dang/ de ltar
smon pa tsam gyis

@008a @#/ /kyang sangs rgyas mi thob pas sangs rgyas 'thob pa'i
phyir de'i rgyu phar phyin drug dang bsdu ba bzhi sogs rgyal
sras kyi spyod pa la bslab par bya'o snyam pa'i 'jug pa byang
chub kyi sems mchog tu bskyed

par mdzod cig ces pa'o/ /gsum pa yang dag pa'i lta ba bshad pa
la gnyis/ yang dag pa'i lta ba 'tshol dgos pa'i rgyu mtshan/ btsal
ba'i lta ba dngos bstan pa'o/ /dang po ni/ gnas lugs rtogs pa'i
shes

rab mi ldan na/ /nges 'byung byang chub sems la goms byas kyang/
/srid pa'i rtsa ba bcad par mi nus pas/ /de phyir rten 'brel
rtogs pa'i thabs la 'bad/ /ces pas ston la/ don ni/ chos rnams
kyi gnas lugs

kyi don phyin ci ma log par rtogs par byed pa'i zab mo'i shes
rab dang mi ldan na/ sngar bshad pa'i nges 'byung dang byang
chub kyi sems gnyis la yun ring po ji tsam goms par byas pa
dang/ bsam gtan gzugs

mer gyi ting nge 'dzin la bskal ba'i bar du gnas nus shing/
mngon shes dang rdzu 'phrul mtha' yas pa dang ldan par gyur
kyang/ srid pa 'khor ba'i sdug bsngal gyi rtsa ba mthar thug pa
bdag 'dzin lhan skyes kyi

zhen yul sun du byung zhing bcad par ste slar skye mi rung gi
chos can du byas te spong bar mi nus pas te mi nus te/ rnam
'grel las/ 'di yul sun phyung med par ni/ /de spong bar ni nus
ma yin/ zhes dang/ byams

@008b sogs rmongs dang 'gal med phyir/ /shin tu nyes pa tshar
gcod min/ /zhes gsungs/ rgyu mtshan de'i phyir thar 'dod rnams
kyis stong pa nyid kyi don zab mo rten cing 'brel par 'byung bas
'grub pa'i tshul rtogs

pa'i thabs drang nges ji bzhin 'byed pa la mkhas pa sogs mtshan
nyid dang ldan pa'i bla ma dam pa tshul bzhin du bsten nas nges
don gyi gsung rab zab mo rnams nyan pa dang/ bsag sbyang la 'bad
pa dang/

bla ma dang yi dam gyi lha dbyer med du byas pa la gsol 'debs
shugs drag byed pa dang/ dbu ma'i gzhung rnams la thos bsam sgom
gsum phu thag chod bar byed pa sogs la dka' ba brgya phrag du
ma'i

sgo nas 'bad par bya'o zhes pa'o/ /gnyis pa btsal ba'i lta ba
dngos bstan pa la gsum/ lta ba bstan pa dngos/ lta brgyud la
skyes pa'i tshad/ lta ba'i khyad chos so/ /dang po la gnyis/
snang stong dbyer med du rtog

na rgyal ba dgyes pa'i lam la zhugs par bstan pa dang/ snang
stong so sor 'dzin na rgyal ba'i dgongs pa ma rtogs par bstan
pa'o/ dang po ni/ gang zhig 'khor 'das chos rnams thams cad kyi/
/rgyu 'bras nam

yang slu ba med mthong zhing/ /dmigs pa'i gtang so gang yin kun
zhig na/ /de ni sangs rgyas dgyes pa'i lam la zhugs/ zhes pas
ston la/ don ni/ rnam grol gyi lam don du gnyor ba'i gdul bya
gang zhig

@009a @#/ /kun nas nyon mongs phyogs kyi bden pas bsdus pa'i
'khor ba dang/ rnam byang phyogs kyi bden pas bsdus pa'i myang
'das kyi chos rnams ma lus pa thams cad kyi rgyu rkyen nyon
mongs pa dang las

te kun 'byung bden pa dang/ bslab pa gsum sogs lam bden pa gnyis
la brten nas/ 'bras bu sdug bden dang 'gog bden gnyis
chos...nyid du 'byung ba sogs rnam par gzhag 'jog dang bskyed
bya skyed

byed thams cad dus nam gyi tshe yang slu ba med par chad mas grub
par mthong zhing/ de lta bu'i rgyu 'bras de dag la don dam dpyod
byed kyi rigs pas legs par dpyad pa na bden grub kyi mtshan mar
'dzin pa'i dmigs

ba'i gtang so'i yul gang yin pa kun rang sar zhig nas don dam
par rang bzhin gyis grub pa cung zad tsam yang med par rtogs pa
na/ de ni dus gsum gyi sangs rgyas sras dang bcas pa thams cad
dgyes

pa bla na med pa skyed pa'i lam dbu ma thal 'gyur ba'i lte ba
rtag chad kyi mthal thams cad dang bral ba de la zhugs pa yin no
zhes pa'o/ /rgyal ba sras bcas dgyes pa'i lam da thal 'gyur ba'i
lta ba kho na...

yin te/ rgyal bas chos phung brgyad khri dang bzhi stong bka'
stsal ba'i dgos pa 'gro ba rnams gnas skabs mngon mtho dang/
mthar thug nges legs thob thabs su gsungs pa gang zhig/ rtag
gcig rang...

@009b dbang can gyi bdag gis stongs pa'i lta ba/ gang zag rang
skya thub pa'i rdzas yod kyis grub pas stongs pa'i ltag gzung ba
phyi rol don gyis stongs pa'i lta gchos thams cad bden par ma
grub cing rang bzhin gyis grub par lta

ba'i lta ba/ rang bzhin gyis grub pa cung zad kyang med par lta
ba'i lta ba sogs du ma yod kyang/ phyi ma ma gtogs gzhan rnams
la dgos pa'i gtso bo nges legs thob thabs med pa'i phyir/ dang
po grub ste/ dri lan blo

bzang bzhed pa'i sgra dbyangs las/ rgyal bas chos phung brgyad
khri dang/ /bzhi stong gsungs pa'i dgongs gtad ni/ /sangs rgyas
gnyis pa klu sgrub kyis/ /dang por mngon par mtho ba'i chos/
/phyis ni nges par legs

'byung ba/ /gang phyir mngon par mtho thob pas/ /rim gyis nges
par legs pa 'ong/ /zhes pa'i don du bdag gis khums/ /zhes gsungs
pa'i phyir/ /gnyis pa grub ste/ slob dpon zla grags kyis/ slob
dpon klu sgrub zhabs kyi

lam las ni/ /phyi rol gyur la zhi ba'i thabs med do/ /de dag kun
rdzob de nyid bden las nyams/ /de las nyams pas thar pa thob yod
min/ /ces gsungs pa'i phyir ro/ /gnyis pa snang stong so sor
'dzin na rgyal

ba'i dgongs pa ma rtogs par bstan pa ni/ snang ba rten 'brel slu
ba med pa dang/ /stong pa khas len bral ba'i go ba gnyis/ /ji
srid so sor snang ba de srid du/ /da dung thub pa'i dgongs pa
rtogs pa med/ /ces pas

@010a @#/ /ston la/ don ni/ drang don gyi snang ba thams cad rgyu
med dang/ mi mthun pa'i rgyu las mi 'byung bar rang rang gi rgyu
rkyen dang 'dogs byed kyi rtog pa la brten nas 'byung ba'i rten
cing 'brel bar 'byung ba slu

ba gtan nas med pa'i mi 'chol ba'i don la gting tshugs pa'i go ba
dang/ nges don la dpyod pa'i rigs pas btags don btsal ba na
rnyed rgyu'i rang bzhin rdul tsam yang med pa'i stong pa nyid la
bden grub kyi

kun rdzob gang yang khas len rgyu dang bral ba'i don la gting
tshugs pa'i go ba gnyis po de ji srid du so sor snang zhing tsha
grang ltar 'gal bar mthong ba de srid du da dung thub pa'i mthar
thug gi dgongs pa klu sgrub

kyis bkral ba ji lta ba bzhin rtogs pa'i skabs med do zhes pa'o/
/gnyis pa lta ba rgyud la skyes pa'i tshad ni/ nam zhig res 'jog
med par cig car du/ /rten 'brel mi slur mthong ba tsam nyid nas/
nges shes

yul gyi 'dzin stangs kun 'jig na/ /de tshe lta ba'i dpyad pa
rdzogs pa lags/ /zhes pas stan la/ don ni/ /sdur bshad pa'i lta
ba de nyams su blangs pa na dus nam zhig gi tshe rgyu la brten
nas 'bras bu 'byung ba

sogs kun rdzob snang phyogs kyi bya byed thams cad 'thad ldan
bslu med du 'char ba'i go ba dang/ rgyu 'bras sogs 'khor 'das
kyi chos thams cad rang bzhin gyis grub pa rdul tsam yang med
par skyu ma'i rta glang

@010b dang rmi lam gyi bya byed bzhin snang yang ngo bos stongs
pa'i gob gnyis rang rgyud la gcig gi go ba rnyed tshe gcig shos
kyi don phyin ci log tu 'gro ba de/ re mos su 'jog pa med par
blo'i yul du snang stong cig car bu rten 'brel

mi bslu bar gtan tshigs rnam dag gi rigs pas mthong ba tsam nyid
kyi byed pa la brten nas lta ba la nges shes lhang gis skye
zhing/ des yul rang bzhin gyis grub par 'dzin pa'i 'dzin stangs
kun lhag ma med par

'jig par byed thub pa na/ dus de'i tshe lta ba la thos bsam gyi
dpyad pa rdzogs pa ste lta ba rnam dag rgyud la skyes pa lags so
zhes pa'o/ /gsum pa lta ba'i khyad chos ni/ gzhan yang snang bas
yod mtha' sel ba dang/ /

stong pas med mtha' sel zhing stong pa nyid/ /rgyu dang 'bras
bur 'char ba'i tshul shes na/ /mthar 'dzin lta bas 'phrog par mi
'gyur ro/ /zhes pas ston la/ don ni/ chos thams cad rang bzhin
gyis grub pas stong pa

la rgyu 'bras rten 'brel gyi rnam gzhag 'jog pa mi 'gal bar ma
zad/ thal 'gyur ba'i thun mong ma yin pa'i khyad chos gzhan yang
yod de dper na/ myu gu chos can/ rang bzhin gyis ma grub ste/
rten 'brel yin pa'i phyir/ /

zhes rtags gsal bkod na/ thal 'gyur bas 'dod lan gdab dgos la/
de'i phyir rtags la rten 'brel yin pa'i phyir zhes pa'i rten pa
ni gzhan la brten pa yin cing grogs gzhan la brten nas grub dgos
na de'i

@011a @#/ /nus pas myu gu rtsod gzhi de rang nges bsam rang bzhin
gyis ma grub par go nus pas na snang brten 'brel gyis myu gu
rang bzhin gyis yod pa'i rtag mtha' sel ba dang/ gsal ba la rang
bzhin

gyis ma grub ste/ zhes dmigs kyis bkar bas na/ myu gu rang bzhin
gyis ma grub pa yin gyi spyir ma grub pa ma yin pa go nus las na
rang bzhin gyis grub pas stong pa nyid kyis myu gu spyir med
pa'i chad mtha' sel

zhing; chos thams cad rang bzhin gyis grub pas stong pa nyid
rgyu dang 'bras bur nam yang bslu ba med par 'char ba'i tshul
tshad ma'i stobs kyis legs par shes pa na sgro 'dogs pa rtag pa
dang skur ba 'debs

pa chud pa'i mthar 'dzin ba'i lta ba ngan pas/ sngar bshad pa'i
dbu ma'i lta ba rnam par dag pa de'i don 'phrog nus phar mi
'gyur ba'i phyir ro/ /zhes pa'o/ /gzhan yang myu gu rang bzhin
gyis ma grub pa'i rgyu...

mtshan gyis sa bon dang chu lud drod bsher sogs rgyu rkyen gyi
rten 'brel tshogs na skye yi/ rdo ba dang mgal du ma sogs las mi
skye ba ni/ stong la rten 'brel gyi don du shar ba dang/ myu gu
rgyu rkyen tshogs pa

las skye ba'i rgyu mtshan gyis rang ngos nas skye ba ma grub pa
ni/ rten 'brel stong ba'i don du shar ba'i gnang yin no/ /gsum
pa mjug gi don la gnyis/ nyams su blang bar bskul ba dang/ rtsom
pa mthar

@011b phyin pa'i bya ba'o/ /dang po ni/ de ltar lam gyi gtso bo
rnam gsum gyi/ /gnang rnams rang gis ji bzhin rtags pa'i tshe/
/dben pa bsten te brtson 'grus stobs bskyed nas/ /gtan gyi mdun
ma myur du sgrubs shig bu/ /

zhes pas ston la/ don ni/ gong du bshad pa de ltar nges 'byung
byang sems yang dag pa'i lta ba ste lam gyi gtso bo rnam pa gsum
nyams su len tshul gyi zab mo'i gnad 'gag rnams thos bsam gyis
gtan

la phab nas rang gis ji lta ba bzhin du 'khrul pa med par rtogs
pa da'i tshe na chos brgyad dang 'du 'dzis dben zhing/ /grang las
rgyang grags kyis 'phags pa'i spang ljongs sam nags tshal gyi
dgon pa yid dang...

mthun pa bsten par byas te gnas skabs kyi bde ba'i ro la ma
sred par drag la yun ring ba'i mi rtag pa'i lcag gis bskul ba'i
brtson 'grus kyi stobs ches cher bskyed nas rtse gcig tu nyams
su long la rang

gzhan gyi don thams cad bde blag tu 'grub pa'i skye ba gtan gyis
mdun ma rnam mkhyen sangs rgyas kyi go 'phang myur du sgrubs
shig bu skal ldan ngag dbang grags pa zhes rje rin po ches gdams
pa yin no/ /gnyis

pa rtsom pa mthar phyin pa'i bya ba ni/ zhes pa 'di ni mang du
thos pa'i dge slong blo bzang grags pa'i dpal gyis cha kho dbon
po ngag dbang grags pa la gdams pa'o/ /zhes pas ston la/ don ni
go sla ba'i phyir...

@012a @#/ /ma bris so/ /smras pa/ sngon bsags rnam dkar lag
'gro'i dbang po las/ /mngon mtho yid bzhin nor bu blangs mod
kyi/ /da dung gtan du bde ba'i dgos 'dod char/ /dbab phyir yid

'byung gsol ba 'debs par gces/ /'di phyi'i snang shas ldog pa'i
rlung shugs kyis/ /srid sred tsha zer zhi mkhar drangs mod kyi/
/da dung ma rgan ra yig gnyis pa'i tshogs/ /bskyad phyir phan
bde'i

'dab brgya dgod par gces/ /thar 'dod mtho ris me nA ka'i phyag
tu/ /rin chen sems mchog phang 'gro phul mod kyi/ /da dung mtha'
bral snyan 'gyur 'joms pa'i glu/ /len phyir mgrin pa'i rnam

'gyur ston par gces/ /skal ldan ku su ma yi 'dab bzad gis/ /lam
gco gsum gyi dbyangs snyan bsgrags mod kyi/ /da dung zung 'jug
yangs pa'i mtha' gos su/ /'phur phyir rim

gnyis sbrang rtsi gzhi ba par gces/ /tshig don dbye dka'i lam
gtso'i mdzod kyi sgo/ mkhas mar legs bshad du mas phya mod kyi/
/da dung rang mnyam blor gnas 'thibs po'i dpung/ /

sel phyir tshig don rab gsal sgron me gces/ /mkhas mang legs
bshad dbang du legs btsugs nas/ /blo gros chung dus yang yang
brtags mod kyi/ /da dung ma rtogs log pa'i...

@012b skyon gyi dri/ /bral phyir mkhas pa'i tshogs kyis dpyod par
gces/ /'dir 'bad ngal ba chos phyir yin pa'i phyir/ /ma smad
'bras bu nam zhig smin mod kyi/ /byang chub ma...

thob bar du mi zad par/ /'phel phyir rdzogs byang rgyu ru ba
sngo bar gces/ /zhes lam gyi gtso bo rnam gsum gyi TIk ka tshig
don rab tu gsal bar byed pa'i sgron me zhes bya ba 'di ni/
shAnti

pa blo gros rgyal mtshan gyis mdzad pa'i lam gtso'i 'grel pa nyi
mo'i dbang phyug dang/ dag gi dbang phyug blo bzang rgya mtshos
mdzad pa'i lam gtso'i TIk ka lung rigs gter mdzod dang/ rje

btsun blo bzang ye shes kyis mdzad pa'i lam gtso'i rnam bshad
legs bshad snying po dang/ bdag gi dpung gnyen dam pa yab rje
ngag dbang rdo rjes mdzad pa'i lam gtso don...

bsdus ma rnams la legs par dpyad cing/ gzhan yang rje rin po
che'i lam rim che chung dang dbu ma 'jug pa rtsa 'grel la sogs
pa rnams la'ang bltas nges rang dang rang 'dra...

ba'i skye bo blo gros dman pa dag la phan 'dod kyi blos rang lo
nyer gnyis pa bag yod ces pa chu glang gi lor za 'dod kyis ri la
gnas pa'i ri khyi gnyis pa shAkya'i dge slong sud+harme...

@013a @#/ /shwa ras sug bris su bgyis pa dge legs 'phel/ /