@001a @#/ /bde can smon lam bzhugs/ na mo gu ru manydzu shri ye/
rin chen sa gzhi ri bo ljon shing dang/ /chu mtsho me tog 'dab
chags khang bzang sogs/ /yid 'phrog 'byor ldan bde can zhing gi
dbus/ /shing dbang zung

du khri pad zla dkyil khar/ /rtsa ba'i bla ma 'od dpag med mgon
la/ /spyan ras gzigs dang mthu chen thob pa sogs/ /byang sems
dge slong tshogs kyis bskor ba la/ /sgo gsum gus pas phyag 'tshal
skyabs

su mchi/ /dngos bshams yid sprul mchod sprin rgya mtshos mchod/
/sdig ltung kun bshags dge la rjes yi rang/ /chos 'khor bskor
bzhin bskal pa rgya mtsho'i bar/ /mya ngan mi 'da' brtan par

bzhugs su gsol/ /'dis mtshon rang gzhan tshogs gnyis gcig bsdus
mthus/ /'chi tshe gnad gcod dang bral 'od dpag med/ /'khor bcas
bsu ba'i bkod pas mdun bdar te/ /zhing

mchog bde ba can du 'khrid par shog/ der ni rin chen padma'i
ze'u 'bru las/ /bardzus te gzungs spobs mngon shes rdzu 'phrul
dang/ /ldan pa'i theg mchog rigs can dbang rnon du/ /skyes nas

mgon po'i zhal 'jal gsung thos shog /gdams pa'i don rnams ji
bzhin khong chud de/ /skad cig re re la yang sangs rgyas kyi/
/rab 'byams zhing du thogs med rdzu 'phrul gyis/ /bgrod nas

@001b rlabs chen spyod pa rdzogs byed shog/ shugs drag brtse ba
chen pos kun bslangs te/ /ma dag zhing du phyin nas sems can la/
/rang dang skal ba ji bzhin chos bstan nas/ /rgyal bas bsngags
pa'i lam la

'god par shog /de tshe mi 'khrugs rgyal dang 'jam pa'i dbyangs/
/spyan ras gzigs dang gsang bdag shAkya'i tog/ sman pa'i rgyal
po tshe dpag med mgon ltar/ /gzhan don sgrub la rmad byung mthu

ldan shog/ thos bsam sgom pa sgrub pa'i rten mchog la/ /che gsal
myur zab blo yi dpal thob nas/ /'chad rtsod rtsom pas rgyal
bstan 'dzin pa la/ /blo bzang rgyal ba'i dbang po dang mtshungs
shog/

mtshan ldan dag pa'i bshes kyi gdams pa rnams/ /brtson pa chen
pos nyams su blangs pa'i mthus/ /rdzogs smin sbyangs gsum mdzad
pa mthar phyin te/ /rnam mkhyen rgyal ba'i go 'phang myur thob
shog/

shAkya'i dbang po 'dren pa 'od dpag med/ /mi pham 'jam dbyangs
gsang bdag spyan ras gzigs/ /bde gshegs 'khor bcas rten 'brel mi
bslu ba'i/ /bden pas smon lam 'di dag myur 'grub shog//

! ces bde ba can gyi zhing du skye ba 'di na nga'i smon tshig 'di
lta bu zhig dgos zhes mtshan ldan dam pa'i rang rtags 'chang ba
khra tshang sku skye rnam rgyal tshul khrims kyi gsung gis bskul
ma mdzad dor /ban gzugs d+harma b+ha dras sbyar ba'o/ /mang+galaM/