@001a @#/ /yid la smon pa'i don tshigs bcad du bsgrigs pa bzhugs/
na mo gu ru manydzu g+ho ShA ye/ rab 'byams phyogs bcu'i zhing
bzhugs bla ma dang/ /yi dam mchog gsum mkha' 'gro chos skyong
tshogs/ /drang srong bden tshig grub pa thams cad kyis

bdag gi smon pa'i dbang dang mthun grogs mdzod/ /rang gzhan skye
'phags dus gsum dge ba'i mthus/ /phan bde'i 'byung gnas rgyal
bstan dar zhing rgyas/ /bstan 'dzin skyes bu sku khams bzang ba
dang/ /mkha' mnyam 'gro kun bde skyid ldan par shog/ khyad par

byang phyogs kha ba can ljongs 'dir/ /nad yams dmag 'khrug mu ge
mi 'byung zhing/ /lo legs phyugs 'phel rtsi bcud rgyas pa dang/
/sdig spong dge ba sgrub la brtson par shog /bdag kyang tshe ring
chos mthun dpal 'byor rgyas/ /lus la nad dang sems la sdug
bsngal

med; ;sngon bsags las ngan sdig sgrib kun byang zhing/ /dge
tshogs yar ngo'i zla ltar 'phel bar shog/ sgra tshang bzo gso nad
don mdo sngags chos/ /snyan ngag mngon brjod sdeb sbyor zlos gar
rtsis/ /che chung gnas lnga rig pa'i gzhung lugs don/ /ji bzhin
rtogs nas mkhas

pa'i mthar son shog /mkhan slob yi dam spyan sngar khas blangs
pa'i/ /so thar byang sems gsang sngags sdom pa la/ /rmi lam du
yang bcas rang nyes lhung gis/ /ma gos btsun pa'i mchog tu 'gyur
bar shog /'khor ba'i gnas la zhen log skyo shas dang/ /

mar gyur 'gro la byams dang snying rje yis/ /rang don yal bar
dor nas gzhan gyi don/ /lhur len bzang po'i tshad du 'khyol bar
shog /bshes gnyen dam pa gtsug tu gus bsten cing/ /tshang la ma
nor mdo sngags lam bsgoms pas/ /sa bcu lam lnga'i

@001b bgrod pa mthar phyin te/ /rdo rje 'chang dbang rten 'dir
thob par shog /gal te ma thob 'chi ba'i dus srid na/ /gnad gcod
'khrul snang ngan pa mi 'byung zhing/ /mdo sngags nyams rtogs
shugs drag mngon gyur te/ /mkha' spyod rig 'dzin gnas su skye
bar

shog /der ni gnas lus longs spyod grogs kun gyis/ /rim gnyis
ting 'dzin 'phel ba'i rkyen byas te/ /kha sbyor yan lag bdun
ldan rdo rje 'chang/ /thob nas mkha' mnyam 'gro ba'i don byed
shog /snying nas dad gus phan 'dogs byed pa'am/ /

khro zhing sdang bas gnod 'tshe byed kyang rung/ /bzang ngan
'brel thogs kyis mtshon 'gro ba kun/ /skyon bral yon tan mchog la
'god par shog /mdor na dus gsum phyogs bcu'i sangs rgyas dang/
/blo chen rgyal sras sems dpa' thams cad

kyi; ;mdzad pa smon lam rlabs chen ji snyed pa/ /mtha' dag bdag
nyid gcig pus 'grub par shog /slu med mchog gsum srung ma'i bden
byin dang/ /chos dbyings rnam dag rgyu 'bras 'chol med mthus/
/yid smon re ba ji bzhin lhun grub

ste; ;bkra shis rgya mtshos phyogs kun khyab gyur cig/ ces yid la
smon pa'i don tshigs bcad kyi 'phreng bar bsgrigs pa 'di lta bu
zhig dgos zhes blo ldan drang po'i ngang tshul 'dzin pa tshong
dpon rdor legs kyis bskul ma mdzed ngar snyom las 'du gsum...pa
d+harma b+ha dras sbyar ba'o// //