@181a @#/ /rnal 'byor spyod pa pa'i lugs kyi yid dang kun gzhi'i
rtsa 'grel gyi dka' gnas gsal byed nyi zla zung 'jug ces bya ba
bzhugs so/ /

@182a @##/ /na mo gu ru bud d+hA ya/ rje btsun bla ma mkhyen brtse
nus pa'i mnga' bdag rnams la mchod do phyag 'tshal zhing skyabs
su mchi'o/ /dus rnam kun du thub bstan snying po'i longs spyod
kyi skal bzang 'di dang mi 'bral bar rjes su gzung

du gsol/ shes bya'i gnas dang gnas lugs gzigs pa'i mkhyen brtse
rab 'bar zhugs kyis bgrangs yas bskal par bzhu blug las/ /rnam
'gyur tsam gyis 'gro ba'i mchod sdong chen por lhun grub bde
gshegs bcom ldan thub dbang lha yi

lha/ /gang gi zhabs zung spyi gtsug nor bu'i tog mdzes 'jig rten
mes pos kyang ni rnyed dka' lan cig tsam/ /bdag sogs snying dbus
'bral med rab bkod dge tshogs rnam bkras mchod do mi shes rim nad
mun pa sol/ /rgyal bstan yongs

rdzogs rten 'brel rigs lam ji bzhin gsal mdzad klu sgrub 'phags
pa lha/ /zung 'jug dga' ba yongs 'khyil sangs rgyas bskyangs
dang dpal ldan zla grags zhi ba lha/ /mi pham zhal bcud rab
myong thogs med sku mched blo brtan phyogs glang

chos grags sogs/ /theg chen rnal 'byor spyod pa'i bka' srol
'dzin pa'i lung bstan thob rnams rgyal gyur cig /'phags yul
mkhas grub kun gyi bzhed gzhung gcig tu yongs 'khyil 'o ma'i
mtsho/ phra mdzangs blo gros skyabs bsrubs mkhas

mtha' bral snying po'i bcud bzang blang/ /'khrul med gtan bde'i
dge srol phye mdzad rgyal ba gnyis par yongs grags pa/ /'jam
dbyangs bla ma gus pas bstod cing lung rigs dar ma'i dge legs
stsol/ /gang gi ring lugs ngag dbang snyan grags mkhan

don gyi 'bras bzang blta bas mi ngoms pa/ /thugs mchog dpal gyi
be'ur yongs bskyil te/ /chos sbyin byams pa rgya mtsho bcas la
'dud/ /shes bya ma lus rnam rig tsam gyi lugs/ /shin tu dka'
gnas yid kun gsal byed dang/ /bdag sogs

@183a @#/ /kyang ni dran pa gso ba'i phyir/ /bla ma'i gsung bzhin
cung zad 'dir bshad bya/ /de la gangs can gyi ljongs 'dir dus
gsum gyi rgyal ba ma lus pa 'das pa'i bdag nyid khams gsum chos
kyi rgyal po tsong kha pa chen po zhes yangs

su grags pa'i mtshan can gcig pu gang gis snyigs dus su yang thar
'dod ma lus pa la/ rgyal ba'i bka' srol mthar thug pa theg pa
chen po'i grub mtha' smra ba kun gyis rgyal ba'i gsung rab rnams
la drang nges 'byed tshul ji bzhin du 'grel ba'i

'grel byed gcig pu bstan bcos chen po legs par bshad pa'i snying
po ni smra ba'i dam pa ston pa kho na'i lugs su mdzad nas/ deng
sang yang bsdus tshan pa yan gyis kyang thar pa'i lam srol ni
'jig rten sgrub zhor du 'byung ba'i thar pa rang byung tsam du

mi smra bar khungs yod kyi lung bstan tho re ba re yang byed
shes pa 'di byung bas/ gzur gnas blo ldan kun gyi khrod du ngo
mtshar dang bka' drin shin tu che/ gzhan du na 'khor ba'i grod du
'khor ba ngo shes pa dang/ de las thar 'dod kyis don rnam par
'byed pa

lta ci/ de 'dra'i ming tsam yang rna ba'i nye 'khor du grags pa
'byung dka' ste/ mkhas pa dang grub chen gang gi ming 'dzin pa
tsam la thogs pa med par don la grub mtha' bzhi'i rkang grangs
tsam yang thugs kyi spyod yul du ma gyur pa'i snyigs dus kyi
rang

rtags bstan pa 'di dag gi spyod tshul la bltas na shes shing/
khyad par du yang yid dang kun gzhi'i dka' gnas rgya cher 'grel
ba legs par bshad pa'i rgya mtsho zhes bya ba rtsa ba rang 'grel
gyis brgyan pa mdzad de/ rang cag ma rig pa'i mun khrod du

tshud pa kun la'ang rnam rig tsam gyi bka' srol la blta ba'i blo
gros kyi mig dang thar pa'i gsos sman chen po sbyin par mdzad
na'ang/ phal mo ches 'di'i dgongs pa gang yin gyi dogs gcod tsam
yang mi byed par snang zhing/ re gnyis don gnyer blo gros kyis

@184b brgyan pa 'ga' la yang mtha' chod nges pa'i rigs pa'i
sgrub byed 'tshol ba la gtsor 'don med par gzhung chen mo'i tshig
'dzin skyor tsam snying por byed pa la phan 'dod kyi re ba'i
sems bskyed cing/ khyad par bdag sogs rnams kyi 'dren pa bla na
med pa rgyal ba rdo rje 'chang dngos

rje btsun blo bzang ye shes bstan pa rab rgyas dpal bzang po
dang/ don gyi slad du mtshan nas smos te skyabs mgon chos kyi rje
rje btsun blo bzang bstan pa'i dbang phyug 'jam dpal rgya mtsho
dpal bzang po dang/ mi 'phrog pa'i mkhyen rab dang thugs rje
dpag tu med pa mnga' bas

gdul bya bgrang ba las 'das pa la thar pa'i lam ma nor ba gsal
bar mdzad pa dga' ldan khri chen yongs 'dzin ngag dbang snyan
grags dang/ yongs 'dzin khri chen byang chub chos 'phel bcas kyi
bka'i gnang ba spyi bos nod te/ rtsa ba'i 'bru 'grel dang/ rang
'grel gyi 'grel

bshad ltar gzhung gi dka' gnas rnams rang blos gang spobs kyis
'bri ba la/ klad kyi don/ gzhung gi don/ mjug gi don no/ /dang
po la mchod par brjod pa dang/ /bshad par dam bca' ba'o/ /dang
po ni/ rgyal dang rgyal ba'i sras rnams gshegs pa'i shul/ /lags

gsungs legs lam ji bzhin thugs chud nas/ ma nor ma 'dres rdzogs
par ston mdzad pa'i/ /mkhas pa'i mkhas pa de la mgos phyag
'tshal/ /zhes pa'i tshigs bcad gcig byung/ don ni/ nyon mongs pa
dang shes bya'i sgrib pa'i dgra las rnam par rgyal ba sangs

rgyas bcom ldan 'das dang/ rgyal ba de yi sras byang chub sems
dpa' rnams gang nas gshegs pa'i bshul lam chen po/ rgyal bas
legs par gsungs pa ji snyed cig 'byung ba'i brjod bya'i don grub
mtha' smra ba rnams kyis gsung rab la drang nges rnam par 'byed
pa'i

tshul dang/ de las theg pa gsum gyi lam bgrod tshul mi 'dra ba so
sor yod pa rnams legs par ji bzhin du thugs su chud par mdzad
nas/ rang nyid nges bzhin gzhan dag la zhes pa ltar/ skal ba
dang ldan pa rnams la grub mtha' so so'i lugs rnams rang rang gi
rtsa

@185a @#/ /ba'i 'grel mdzad mkhan po rnams kyis bzhed pa ji bzhin
las ma nor zhing ma 'dres par yongs su rdzogs par ston par mdzad
pa'i mkhas pa rnams kyis kyang gus pa dang bcas pas lung nod par
byed pa'i mkhas pa'i mkhas pa bla ma 'jal

dpal dbyangs dang red mda' ba gzhon nu blo gros sogs la bdag blo
bzang grags pas yan lag gi mchog mgo bos btud de lus ngag yid
gsum gus pas phyag 'tshal lo zhes pa'o/ /de yang gzhan la lam
ston pa po rnams kyis kyang/ gang bstan rgyu de rang gis

thog mar mtha' chod bzhig nges par byas nas gzod bstan par bya
yi/ de las gzhan rang gi mi shes kyang shes lo'i skad kyis blun
po rnams mgo bskor te rnyed pa bsdud pa ni/ bstan pa'i mig rtsa
ba nas 'don par byed pa'i thur ma thogs pa'i gshed pa'o/ /de'i
phyir 'di

nyid las/ ji bzhin thugs chud nas/ ma nor ma 'dres rdzogs par
ston mdzad pa'i zhes pa'i shugs kyis shes so/ /rang nyid 'chad
po gzhan las khyad zhugs pa zhig 'dod phyin rgyal ba'i gsung rab
kyi drang nges grub mtha' so so'i 'byed tshul ma 'dres par mkhyen
pa ni

nges par dgos te/ rje nyid kyis/ bstan pa'i de nyid rtogs pa'i
rnam dpyod kyis/ /smra ba zla med 'dod rnams gus pas nyon zhes
pa dang/ 'di nyid las kyang/ legs gsungs legs lam ji bzhin thugs
chud nas zhes pa nas mkhas pa'i mkhas pa zhes pa'i bar gyis

grub bo/ /gnyis pa bshad par dam bca' ba la/ dgos pa brjod pa
dang/ bshad par dam bca' ba dngos dang gnyis las/ dang po ni/
rnam rig gzhung gi shin tu dka' ba'i gnas/ /yid dang kun gzhi
gsal bar bstan pa dang/ /bdag nyid dran pa gso bar bya ba'i

phyir/ /zhes gsungs/ don ni/ 'o na khyod kyis 'di brtsams na
dgos pa med pa ni rigs pa smra ba'i gtam ma yin pas yod dgos la
de yang brjod par rigs so zhen/ brjod pa/ rnam rig pa ste sems
tsam pa'i gzhung lugs las 'byung ba'i yid dang kun gzhi'i

@186b rigs lam la ma sbyangs pa rnams lta zhog /rtog ge la shin
tu 'dris pa dag gis kyang rtogs par dka' zhing/ de ma rtogs na
sems tsam pa'i lugs rnam par 'byed pa'i sgo 'gag pa dang/ der ma
zad sngon byon pa'i bod kyi mkhas pa rnams kyis kyang 'di gsal
bar phye

nas bshad pa mi snang bas de gsal bar bstan pa'i phyir dang/
bdag nyid kyi dran pa gso ba'i phyir du brtsam mo zhes pa'o/ /de
yang 'dis bstan bcos brtsams pa'i dgos sogs chos bzhi bstan te/
yid kun gyi rnam gzhag gsal bar bstan pas sems tsam pa'i lug

mtha' chod par nges pa ni dgos pa/ de las tshol ba bzhi dang/
yongs shes bzhi'i sgo nas rnam par rig pa tsam gyi de kho na
nyid gsal bar rtogs pa nyid dgos/ yid dang kun gzhi'i gnas
bsgrub par byed pa dang bcas pa ni brjod bya/ nying dgos dgos
pa/ dgos pa

bstan bcos 'di dang 'brel ba ni 'brel pa'o/ /de yang yid dang
kun gzhi zhes pas brjod bya dang/ shin tu dka' ba'i gnas gsal
bar bstan pa dang/ zhes sbrel bas dgos pa bstan cing/ nying dgos
dang/ 'brel pa ni shugs kyis bstan no/ /gnyis pa ni/ khyod kyis

bstan bcos brtsams na rang stobs kyis sam gzhan gyis stobs kyis
yin zhe na/ dam pa bar ma chad pa nas brgyud pa'i bla ma rnams
kyi gsung la brten nas yin gyi/ rang gi stobs kyis ni ma yin no
zhes bstan pa'i phyir/ bla ma'i gsung la brten nas 'dir bshad
bya/ zhes

gsung/ de yang/ rje nyid kyi lam rim chen mor bstan bcos brtsams
pa la phun sum tshogs pa'i rgyu gsum ste shes bya rigs pa'i gnas
lnga la mkhas pa dang/ yid dam lha'i zhal gzigs shing gsung gis
gnang ba thob pa dang/ sangs rgyas nas gzung dam pa bar ma

chad pa'i man ngag dang ldan pa'o/ /zhes pa'i don ltar/ sangs
rgyas nas gzung dam pa bar ma chad pa'i man ngag dang ldan pa ni
bla ma'i gsung la brten nas 'dir bshad bya zhes pas go bar nus
so/ /rtsom par dam bcas pa'i dgos pa ni/ brtsams pa mthar dbyung
ba'i

@187a @#/ /phyir du yin te/ bshes spring las/ sems ni chu dang sa
dang rngo ba la/ /ri mor bris pa de 'drar rig par gyis/ /de nang
nyon mongs can la dang po ni/ mchog ste chos 'dod rnams la tha
ma lags/ /zhes dang/ dam pa mang po khas mche mi byed la/ zhes
sogs

kyi don ltar bzhed nas yin no/ /gnyis pa gzhung gi don la/ rnam
par rig pa tsam gyi shing rta'i srol dus nam gyi tshe byung ba
dang/ gzhung dngos kyi don bshad pa'o/ /dang po ni/ rnam par rig
pa'i lugs kyi gzhi lam 'bras gsum gyi rnam par bzhag pa'i srol
chen po de dus

gang nas byung/ srol 'byed pa po de yang su zhig snyam na/ de'i
lan du/ smra ba'i dam pa theg pa mchog /'dzin par lung bstan
'phags pa klus/ /theg mchog rgyas par mdzad pa'i rjes/ /lung
bstan brnyes pa'i thogs med kyis/ /srol gtod ces pa 'di byung/
don ni rten cing

'brel pa 'byung ba mtha' gnyis bral bar ston pa'i seng ge'i nga
ros/ byis pa rlab rdol smra ba lta bu'i mu stegs gnyis 'thung
tshogs kyi don snying lkog mar 'byin par mdzad pa'i smra ba'i dam
pa thub pa sangs rgyas bcom ldan 'das kyis/ 'phags pa langkar
gshegs pa

las/ mgon po mya ngan 'das 'og tu/ 'dzin par su 'gyur bshad du
gsol/ /zhes zhus pa'i lan du/ bde gshegs mya ngan 'das 'og tu/
/tshul rnam 'dzin par 'gyur ba de/ /dus dag 'das nas 'byung ba
yin/ /blo gros chen po khyod shes byos/ /lho phyogs b+he ta'i yul
du ni/ /

dge slong dpal ldan zhes grags pa/ de ming klu zhes 'bod pa ste/
yod dang med pa'i phyogs 'jig byed/ /nga yi theg pa 'jig rten
du/ /bla med theg chen rab bshad nas/ /rab tu dga' ba'i sa
bsgrubs te/ /bde ba can du de 'gro'o/ /zhes theg chen gyi shing
rta'i srol 'byed par

lung bstan pa'i 'phags pa klu sgrub kyis theg pa mchog rgyas par
mdzad pa'i rjes su/ 'jam dpal rtsa rgyud las/ thogs med ces
bya'i dge slong ni/ bstan bcos de ni don la mkhas/ /mdo sde nges
don drang ba'i don/ /rnam pa mang por rab tu 'byed/ /'jig rten
rig pa

@188b ston bdag nyid/ /gzhung 'byed ngang tshul can du 'gyur/ /de
yi rig pa grub pa ni/ /sA la'i pho nya mo zhes brjod/ /de yi
sngags kyi mthu yis ni/ /blo ni bzang po skye bar 'gyur/ /bstan
pa yun ring gnas bya'i phyir/ /mdo yis da nyid don sdud byed/
/lo ni brgya dang lnga bcur 'tsho/ /de lus zhig

nas lha yul 'gro /'khor ba rnams su 'khor ba na/ /yun ring bde
bas rjes myong 'di ni dbyangs can ma dmar mo yin par dwags po
ngag grags kyis gsung nas/ /bdag nyid chen po mthar gyis te/
/byang chub thob par 'gyur ba yin/ /zhes lung bstan pa brnyes pa
'phags pa thogs med kyis/ /mdo sde

dgongs pa nges par 'grel pa la brten nas rnam par rig pa tsam
gyi shing rta'i srol legs par gtod nas/ rgyal ba'i bka' la drang
nges rnam par 'byed pa'i tshul gnyis pa byung ste 'phags pa'i yul
du theg pa chen po'i lta ba shin tu dar te nyan thos sde pa phal
che ba dag gis kyang

theg pa chen po bka' min no zhes pa'i skur pa mi 'debs so/ /'o
na thogs med kyis shing rta'i srol gtod pa'i sngon du theg pa
chen po'i lta ba ji ltar gnas she na/ de yi sngon du ni/ mtha'
gnyis dang bral ba'i dbu ma'i tshul kho nar gnas zhes bstan pa'i
phyir/ sngon du dbu ma nyid

ces gsungs/ de yang yin te/ theg pa chen po'i lta ba la/ sems
tsam gyi lta ba dang/ dbu ma'i lta ba gnyis su nges la/ de yi
sngon du dbu ma'i shing rta'i srol phye zin pa'i phyir dang/
sems tsam pa'i shing rta'i srol 'byed thogs med yin pa'i phyir
ro/ /gnyis pa gzhung dngos kyi

don bshad pa la gnyis/ ming tsam gyi sgo nas mdor bstan pa dang/
yan lag gi sgo nas rgyas par bshad pa'o/ /dang po ni/ mtshan nyid
sbrub par byed pa dang/ dgu dang gcig pur 'dod pa dgag /don
rnams bzhi yis kun gzhi dang/ /nyon mongs can yid shes par bya/
/zhes

pa 'di byung/ don ni shes par bya'o zhes drang/ gang na kun gzhi
dang nyon mongs pa can gyi yid do/ /gang gis na/ mtshan nyid
dang/ sgrub par byed pa dang/ grangs mang ba tshogs dgur 'dod pa
dgag pa dang/ nyung ba tshogs gcig pur 'dod pa dgag pa ste don
rnam pa bzhi yi

@189a @#/ /sgo nas so zhes pa'o/ /gnyis pa yan lag gi sgo nas
rgyas par bshad pa la/ mtshan nyid bshad pa/ de sgrub pa'i sgrub
pa'i sgrub byed bshad pa/ rnam shes tshogs dgur 'dod pa dgag pa
dang/ gcig pur 'dod pa dgag pa'o/ /dang po la'ang kun gzhi'i
mtshan

nyid bshad pa dang/ nyon yid kyi mtshan nyid bshad pa dang gnyis/
dang po la yang dbye ba'i sgo nas mdor bstan pa dang/ dmigs rnam
sogs kyi sgo nas rgyas par bshad pa'o/ /dang po ni/ mtshan nyid
gnyis las kun gzhi ni/ rten dang brten pa'i dbye ba yis/ /mtshan
nyid rnam pa

gnyis su 'dod/ /ces gsung/ don ni gong du kun gzhi'i mtshan nyid
bshad pa dang/ nyon yid kyi mtshan nyid bshad pa dang gnyis yod
ces pa de las/ dang po kun gzhi'i mtshan nyid de la'ang rnam pa
gnyis su 'dod par bya ste/ mtshon par bya ba kun gzhi de la yang
ni rten

du gyur pa rnam smin gyi kun gzhi dang/ brten pa sa bon gyi kun
gzhi dang gnyis su dbye ba yod pa de yi phyir zhes pa'o/ /gnyis
pa dmigs rnam sogs kyi sgo nas rgyas par bshad pa la/ spyir
bstan pa dang/ rnam par phye ste bshad pa gnyis/ dang po ni/ de
la rten gyur kun

gzhi ni/ /don dang sems can bag chags la/ /rnam par rig pa mi
rig pa/ /lung du ma bstan reg pa sogs/ /lnga nyid dang ldan/
zhes pa'i rkang pa phyed dang lnga byung/ don ni kun gzhi de la
rten dang brten pa'i dbye ba gnyis su yod pa de la/ rten du gyur
pa rnam smin gyi

kun gzhi'i ngo bo ni/ dmigs rnam ngo bo grogs te bzhis shes par
bya ste/ dmigs yul gzugs sogs don lnga dang/ /sems can zhes pa/
sangs rgyas dang sems can zhes pa'i sems can ni ma yin gyi/ nye
bar len bya mig sogs rten bcas kyi dbang po sems

ldan lnga dang/ nyer bar len pa po bdag dang de'i yul gyi chos
kun la 'di dang 'di' zhes sgro btags pa'i ngo bo la mngon par
zhen pa ste nye bar len byed mngon brjod kyi bag chags dang/
phyi snod kyi 'jig dang/ nang dbang rten khog pa dang bcas pa la
dmigs/ de

@190b yang sum cu pa las/ de na len pa dag dang gnas/ /rnam par
rig pa mi rig pa/ /rtag tu reg dang yid byed dang/ /rig dang 'du
shes sems par ldan/ /de la tshor ba btang snyoms te/ de ni ma
sgrib lung ma bstan/ /reg la sogs pa'ang de bzhin no/ /zhes pa
dang don 'dra bas phyogs

gcig tu bshad na/ len pa dag dang zhes pa'i dag gnyis tshig yin
pas nye bar blang bya mig sogs dbang po lnga dbang rten dang
bcas pa lus kyi rnam rig dang/ nye bar len byed mngon par brjod
pa'i bag chags ni bag chags kyi rnam rig ste len pa gnyis dang/
gzugs sogs

don lnga dang phyi snod kyi 'jig rten ni gnas dang don gyi rnam
rig yin pas de dag la dmigs pa dang/ rnam pa dmigs yul snod bcud
de dag rnam par rig pa ste/ mngon sum du snang yang rang gis
kyang mi rig pa ste mi shes la rjes su yang nges par 'dren mi
nus pa'o/ /'di'i

skabs su mtha' bcad pa la/ kha cig kun gzhi'i dmigs pa yin na
dbang don bag chags gsum po gang rung yin pas khyab zer na/ de'i
dmigs par gyur pa'i ming gzhi'i phung po chos can/ der thal/
de'i phyir/ ma grub na/ de yin par thal/ de ni len pa dag dang
gnas

shes pa'i don 'chad pa la/ slob dpon blo gros brtan pas/ de la
nang gi nye bar len pa ni kun btags pa'i ngo bo nyid la mngon
par zhen pa'i bag chags dang/ gnas dang bcas pa'i dbang po'i
gzugs dang ming ngo zhes gsungs pa'i phyir/ yang kha cig kun
gzhi'i dmigs

par gyur pa'i dbang po yin na dbang po sems ldan yin pas khyab
zer/ de la kha cig gis/ nyan thos mthong lam bar chad med lam
pa'i rgyud kyi mig dbang chos can/ der thal/ de'i phyir/ der
thal/ de de'i rgyud kyi kun gzhi'i rnam shes kyi dmigs pa yin
pa'i phyir/ der

thal/ de de'i snang ba'i dmigs pa yin pa'i phyir/ der thal/ de
gzugs su grub pa yin la/ de gzugs su grub pa'i cha de yang gang
zag rang gi shes pa la gzugs su snang ba tsam las ma gtogs pa'i
phyir rol nas grub pa'i gzugs med pa gang zhig /de'i rgyud

@191a @#/ /la rnam shes tshogs drug med cing/ de'i rgyud kyi bdun
yid la de snang mi nus pa'i phyir/ zhes gsungs/ 'o na de'i rgyud
kyi rnam shes yin na/ yid dang kun gzhi gnyis po gang rung yin
pas ma khyab par thal/ de'i rgyud la rnam shes tshogs drug gang
yang

med pa'i phyir/ 'dod na de'i rgyud kyi bar chad med lam du gyur
pa'i rnam shes chos can/ der thal/ de'i phyir/ rang lugs ni/
de'i rgyud la de yul du byed pa'i yid kyi rnam shes med bdun yid
la de snang mi nus pa'i phyir/ zhes 'phen/ gzhan yang sems med
lnga'i skabs dang

po lnga dang/ gzugs khams pa'i sna lce'i dbang po rnams chos can
du gzung nas 'phen tshul shes par bya'o/ /yang kha cig kun gzhi'i
rnam shes kyi snang ba'i dmigs pa yin na/ de'i dngos kyi dmigs
pa yin pas khyab zer/ de la yang skyon 'phen pa kha cig gis/
nyon

mongs mngon gyur ba ma spangs pa'i 'dod pa'i gang zag gi rgyud
la rnam shes tshogs drug gang yang mi rgyu ba'i skabs kyi dbang
don rnams chos can du gzung nas 'phen mod/ 'o na de 'dra'i gang
zag gi rgyud kyi dbang po lnga'i yul du gyur pa'i don lnga yod
par thal/ khyod

'phen tshul de 'thad pa gang zhig /de'i yul ma yin pa'i don lnga
zer na ches mi 'thad pa'i phyir/ 'dod mi nus te/ mig shes mi
rgyu ba'i skabs su dbang po la gzugs mi snang ba'i phyir te/
dper na shel la sogs pa'i nang du khang khyim gyi gzugs brnyan
snang ba yang de 'khrul

ba sogs kyi tshe na yin gyi/ blta ba med pa'i tshe yang bkra lam
mer yod snyam pa ni rang nyid thog med nas phyi rol la mngon par
zhen pa'i dbang gis de ltar 'dzin par zad kyi/ don la yod pa ma
yin pa bzhin yin pa'i phyir/ de ltar ma yin par gzugs sogs sngon
nas

grub grub pa zhig phyis rnam shes kyis gzung bar 'dod pa ni/
phyi don zhal gyi bzhes pa dag gi 'dod tshul yin gyi/ rnam par
rig pa tsam du smra ba'i lugs la ches mi 'thad do/ /rang lugs ni
kun gzhi'i dmigs pa la/ snang ba'i dmigs pa dang/ mi snang yang
de'i

@192b par bzhag pa dang gnyis/ /dang po la yang de'i dngos kyi
dmigs pa dang/ brgyud pa'i dmigs pa gnyis las/ dang po ni/ dbang
shes rgyu ba'i skabs kya dbang don rnams yin la/ phyi ma ni sems
med lnga dang/ de las gzhan dbang shes mi rgyu ba'i skabs kyi
dbang po rnams 'jog go /rnam pa

ni gong du smos pa ltar ram yang na lus dang lus can gyi rnam
par rig pa de dag snang yang rang gis kyang mi rig pa ste mi
nges la/ rjes su nges pa yang 'dren mi nus pa'o/ /zhes bstan pa
la rtsa ba 'di dang/ sum cu pa gnyis kar rnam par rig pa mi rig
pa zhes 'byung/ /de la kha cig /dbang

don bag chags gsum po snang yang rang gis kyang mi nges la/ rjes
su nges pa yang 'dren mi nus pa'o/ /zhes gsungs pa mi 'thad te/
bag chags kun gzhi la mi snang ba 'og tu gsal bar gsungs pa'i
phyir ro/ /theg bsdus las/ dbang don sogs la rnam rig gi ming
gis

gsungs pa ni/ de dag shes pa yin zhes pa ma yin gyi/ da lta rang
cag rnams la snang ba ltar dbang don rnams phar ngos na yod pa
dang/ de 'dzin gyi shes pa rnams tshung ngos nas par lta ba po
lta bu'i rnam par snang ba 'di ltar du med kyi/ rang 'dzin pa'i
shes pa nyid de dang der

snang bas chos rnams rang 'dzin shes pa'i bdag nyid tsam du zad
do zhes go ba'i phyir du de ltar gsungs phar shes par bya'o/
/ngo bo ni ma sgribs la dge mi dge gang du'ang lung du ma bstan
pa dang/ 'khor reg pa/ yid la byed pa/ rig pa ste tshor ba/ 'du
shes/ sems pa ste

sems byung lnga kho na dang mtshungs par ldan pa/ de yang 'di'i
'khor gyi tshor ba ni bde sdug gang yang ma yin pa'i btang snyoms
su shes par bya'o/ /zhes bstan pa'i phyir/ de nyid las/ lung du
ma bstan reg la sogs/ /lnga nyid dang ldan zhes pa dang/ sum cu
pa las/ rtag tu

reg dang yid byed dang/ /rig dang 'du shes sems par ldan/ /de la
tshor ba btang snyoms te/de ni ma sgribs lung ma bstan/ /reg la
sogs pa'ang de bzhin no/ /zhes gsungs/ 'di'i rkang pa phyi ma'i
don ni/ 'di'i 'khor gyi reg pa sogs lnga yang ma sgrings la lung

@193a @#/ /du ma bstan par kun gzhi ltar yin zhes pa'o/ /gnyis pa
rnam par phye ste bshad pa la/ bag chags dmigs par 'jogs pa'i
don bshad pa/ /dbang don sogs dmigs par 'jogs pa'i dogs pa bcad
pa/ dngos kyi dmigs pa las gzhan pa yang

dmigs par bshad pa/ ngo bo nges pa'i sgrub byed/ grogs nges pa'i
sgrub byed/ sgra bshad pa/ 'jug ldog gi dus bstan pa dang bdun
las/ sa bon gyi/ dbang gis gnas don lus su ni/ /snang phyir
dmigs pa dag tu 'dod/ /ces gsungs/ don ni/ rnam smin dang rdzas

yod kyi de nyid de gcig dang/ rdzas yod kyi gzhan te tha dad du
brjod du med pa'i bag chags de rnam smin gyi dmigs par ji ltar
'gyur snyam na/ sa bon gyi dbang gis rnam smin de gnas dbang
rten dang/ don yul lnga dang/ lus dbang po lnga'i sems can sogs
su snang bar 'gyur

ba'i phyir na dmigs pa dag tu 'dod pa yin te/ dper na yul ljon
shing la brten nas de 'gro snang gi rnam pa can du byung ba'i
ljon shing dmigs par 'jog pa lta bu yin gyi/ de snang ba'i rgyus
ni ma yin no/ /'di'i skabs su rang 'grel las/ sa bon de snang
nas yul du mi 'gyur

yang/ de'i dbang gis kun gzhi rnam smin de gnas dbang rten dang
zhes sogs gsungs pa la/ 'ga' zhig /de'i dbang gis kun gzhi rnam
smin de la gnas dbang rten dang zhes la sgra dgos pa yin zer ba
mi 'thad de/ kun gzhi la dbang don lus sogs su snang mod kyang/
skabs

'dir gnas gzhi sgra med par 'grel na go ba shin tu che ste phyi
nang gi snod bcud snang ba 'di dag rang rgyud kyi shes pa dang
khyad par du kun gzhi nyid de dang der snang bar go ba'i phyir
de ltar gsungs pa'i phyir/ gnyis pa ni/ 'o na bag chags kyi
dbang gis kun gzhi nyid gnas don

lus sogs su snang bas bag chags su ma zad dbang don rnams kyang
dmigs par bzhag dgos la de ltar 'jog pa de yang khams dang sa
thams cad du nges sam zhe na/ ma nges zhes bstan pa la/ kun
gzhi'i gzung cha dag la ni/ /rnam shes lnga yis 'dzin byed cing/
/drug

@194b pas tha snyad 'dogs pas na/ khams gnyis dag tu nges pa
ste/ /zhes gsungs/ don ni dbang don dmigs par 'jog pa de yang
khams gsum las khams 'og ma gnyis po dag tu nges pa yin gyi/
gzugs med kyi kun gzhi la dbang don de dag mi snang ste/ kun
gzhi'i gzung cha dbang

don de dag la ni mig gi rnam shes sogs rnam shes lnga yis 'dzin
par byed cing/ drug pa yid kyi rnam shes kyis 'di ni gzugs so/
/'di ni dbyabs legs la 'di ni mi legs zhes sogs tha snyad sna
tshogs 'dogs par byed pa'i phyir na'o/ /zhes rang phyogs sgrubs
nas/ ldog pa la

gnod pa bstan pa ni/ de lta min na gzugs med pa/ /gzugs kyi 'du
shes ma 'das dang/gzugs can pa ru thal 'gyur te/shes la gzugs su
snang ba las/ma gtogs phyi rol med phyir ro/ /zhes gsungs/ don
ni/ gzugs med kyi kun gzhi la dbang don mi snang ba de ltar 

ma yin par snang ba yin na 'o na gzugs med pa rnams chos can/
gzugs kyi 'du shes las ma 'das par thal/ khyod kyi rgyud kyi kun
gzhi la gzugs can gyi dngos po gsal bar snang ba'i phyir/ gzhan
yang gzugs med pa chos can/ gzugs can gyis pa yin par thal/ de'i

kun gzhi la gzugs can mtshan nyid pa dngos su snang ba'i phyir/
ma nges pa yang ma yin te/ khams 'og ma gnyis na yang/ gzugs kyi
'du shes las ma 'das pa dang/ gzugs can gyi sa par 'jog pa'i don
rang rgyud kyi shes pa la gzugs su snang ba tsam las ma gtogs

pa'i gzugs zhes pa phyi rol nas grub pa zhig med pa'i phyir/
'dir rang gi 'grel par/ 'o na gzung bya gcig nyid rnam shes
gnyis kyi gzung char 'gyur la/ 'dod na shes pa la gang snang ba
de'i bdag nyid yin pa'i phyir shes pa gnyis rdzas gcig tu 'gyur
bas na gzung cha

thun mong ba mi srid do zhe na/ skyon med de shes pa la gang
snang ba de'i bdag nyid dam/ de las gcig tha dang gang du yang
ma grub ces pa ni rnam par dpyad pa na yin gyi de'i tshe ni thun
mong ba khas mi len la ma brtags ma dpyad pa'i don gzung cha
thun mong ba 'dod kyang de shes pa'i

@195a @#/ /bdag nyid du mi 'dod de/ gzhan du na phung po lnga'i
rnam gzhag 'jig pa dang/ sgra shad dang/ dung gi ser po sogs
dang/ rmi lam gyi yul rnams rdzas su grub par 'gyur ba dang/
gzugs sgra sogs myong ba'i ngo bor thal ba'i phyir ro zhes pa'i
bar gyi don cung

zad bshad na khong na gnas pa'i dogs pa bsu ba dang/ de la lan
gdab pa gnyis/ dang po ni/ 'on gzung bya sngon po lta bu gcig
nyid la lhas byin dang/ mchod sbyin gnyis kyis dus mnyam du ltas
pa'i tshe de de gnyis kyi sngo 'dzin mig gi rnam shes kyi gzung
char 'gyur la

de ltar 'dod na shes pa la gang snang ba shes pa de'i bdag nyid
yin pa'i phyir/ gang zag gnyis kyi mig shes gnyis kyang rdzas
gcig tu thal lo/ /de 'dod na gang zag de gnyis rgyud gcig du
'gyur bas na/ gzung bya thun mong ba zhes bya ba bong bu'i rwa
ltar mi srid do zhan/ de la

lan gdab pa la/ dogs pa de'i skyon med de/ shes pa la gang snang
ba de'i bdag nyid du 'dod pa dang/ gzung bya de shes pa de las
gcig dang/ tha dad de rdzas gzhan du ma grub ces pa ni/ dper na
lhas byin dang/ mchod sbyin gnyis kyi lta bya thun mong ba sngon
po lta bu la dus mnyam

du ltas pa'i tshe lhas byin gyi mig shes la gang snang ba'i de
mchod sbyin la mi snang zhing/ mchod sbyin la gang snang ba'i
cha de yang lhas byin la mi snang la/ de gnyis las gzhan pa'i
gzung bya zhig kyang med pa'i phyir/ zhes pa lta bu'i dpyad pa
na yin gyi/ de ltar dpyad pa de'i

tshe ni gang zag de gnyis kyi gzung cha thun mong ba khas mi len
la/ de ltar ma brtags shing ma dpyad pa'i don/ sngon po lta bu
de lhas byin dang/ mchod sbyin gnyis kyi mig shes la snang bas
de de gnyis kyi gzung cha thun mong bar 'dod kyang/ de 'dra'i
gzung cha thun mong ba de gang

zag de gnyis kyi mig shes kyi bdag nyid du mi 'dod do/ de da gi
don mdor bsdu na/ don dam dpyod byed kyi tshad mas blta bya thun
mong ba mi rnyed kyang/ tha snyad pa'i tshad mas rnyed ces pa yin
'dra'o/ /de las gzhan shes pa la gang snang ba shes pa de'i ngo
bo bo'am de nyid du

@196b 'dod na/ 'o na gzugs sogs phung po lnga'i rnam gzhag 'jig
pa ste mi 'thad par thal/ /ming gzhi'i phung po las gzhan gzugs
phung med pa'i phyir/ gzhan yang skra shad 'dzag snang gi mig
shes la snang ba'i skra shad dang/ dung dkar ser po dang/ rmi
lam gyi glang po glang por grub pa sogs

kyang rdzas su grub par thal/ /de dag rang 'dzin shes pa la
snang ba gang zhig /shes pa la gang snang ba shes pa de'i bdag
nyid dam de nyid du 'dod pa'i phyir/ gzhan yang gzugs sgra sogs
myong ba'i ngo bor te sems kyi ngo bor ram sems su thal ba sogs
gnod byed mang ngo/ /'di

la mtha' dpyod padma dkar po'i 'phreng ba blo gsal mgul rgyan
las/ yang de gnyis kyis de ltar brtags shing dpyad nas 'jug pa'i
skabs na gzung cha thun mong ba mi 'char bar so so'i gzung cha
thun mong ma yin par 'char ba'i rang rang la gang 'char ba de
nyid shes pa so

so'i bdag nyid du grub pa dang/ de'i rgyud kyi kun gzhi'i rnam
shes dang ngo bo gcig dang/ ngo bo tha dad gang du yang ma grub
par dka' 'grel las gsungs pa'i phyir/ zhes gsungs pa la'ang legs
par brtag dgos shing/ gzhan yang/ 'di'i thad du 'grel byed rnams
kyang shin tu

go dka' bar byung ngo/ /des na kho bo'i 'grel tshul 'di yang
rje'i dgongs par song ma song mkhas pa rnams kyis dpyod la/ slob
dpon dag gi dbang phyug grags pas/ don dka' ba la bdag 'dra'i
blo/ /'khrul mi srid pa ma yin pas/ /ca ste min na gzhan du gyis
gsungs pa ltar/

dogs pa chod nges pa'i chos sbyin stsal bar mdzod cig ces gsol
ba 'debs so/ /gong du lhas byin gyi mi gshes la gang smad ba'i
cha mchod sbyin la snang na shes pa gnyis rdzas gcig tu 'gyur
la/ de lta na de nyid rgyud gcig tu 'gyur bas mi 'thad ces pa
la/ mkhas pa

'ga' zhig /gzhan sems shes pa'i mngon shes la/ gzhan gyi sems
gsal bar snang ngam mi snang/ mi snang ba ni mi 'thad de/ de
mngon sum yin pas rtog med las 'os med la/ de ni rang gi yul don
spyi dang ma 'dres par gsal snang can gyi shes pa zhig la 'dod

@197a @#/ /de gsal bar snang ba can blo gang/ /de ni de la rtog
med 'dod ces pas grub bo/ /snang na de 'dra'i mngon shes de la
snang ba'i gzhan gyi sems de mngon shes de dang/ rdzas gcig tu
'dod dgos te/ de gnyis rdzas su grub pa gang zhig /de gnyis
rdzas

tha dad kyis stong pa'i phyir/ de 'dod gang zag de gnyis rgyud
gcig tu thal/ de 'dra'i mngon shes dang de la snang ba'i gzhan
gyi sems gnyis/ rdzas gcig yin pa'i phyir/ des na gnag zag gnyis
rgyud gcig tu thal/ de gnyis kyi mi shes gnyis rdzas gcig yin
pa'i phyir zhes

pa'i dpyad pa 'di ni gyi na'o/'di la kha cig shes pa de gnyis
rdzas gcig yin kyang/ rgyud gcig mi dgos zer ba ni/ mdo sde pas
gzhan sems shes pa'i mngon shes la brten nas ji ltar rgol ba'i
tshul dang/ de la rig pa'i dbang phyug gis lan ji ltar mdzad pa'i
yi ge

tsam yang ma mthong ba'i bab col lo/ /'o na khyod kyis 'di la
lan ji ltar gdab pa brjod par rigs so zhe na/ brjod par bya ste/
'di la mdo sde pas ji ltar rgol tshul dang/ de la lan ji ltar
mdzad tshul shes na rtogs par sla bas/ de bshad na/ mdo sde pas
dogs pa skye lugs

ni/ gzhan sems shes pa'i mngon shes de mngon sum tshang ma yin
pas/ yul gzhan gyi sems kyi ngo bo mngon sum du ni 'dzin dgos
la/ de ltar 'dzin na gzung bya pha rol gyi sems de rang gi shes
pa dang/ rdzas gcig tu grub na rgyud gcig tu 'gyur la/ de ltar
mi 'thad pas

nges par gzung ba don gzhan du 'gyur ro/ /gal te yul gzhan gyi
sems kyi ngo bo mngon sum du mi 'dzin na de mngon sum tshad ma
yin pa nyams so snyam pa ste/ dpal chos kyi grags pas/ gal te
gzhan gyi sems kyi rang gi ngo bo mngon sum du shes par 'gyur na
ni de'i

gzung ba don gzhan yin par 'gyur ro/ /mi shes na ni de dag ji
ltar mngon sum du shes pa yin/ ji ltar mngon sum gyis don gyi
rang gi ngo bo mi 'dzin par yang 'gyur/ 'on te 'dzin na ni ji
ltar tshad ma yin zhe na zhes gsung/ de'i lan du gzung 'dzin gyi
rtog pa ma spangs

@198b ba'i rgyud kyi gzhan sems shi ba'i mngon shes kyis/ gzhan
gyi sems kyi ngo bo mngon sum du mi 'dzin yang/ gzhan gyi sems
kyi tha snyad de de'i khyad par dge ba'am mi dge ba dang yul ji
ltar 'dzin tshul sogs la mi bslu ba'i phyir de la tshad ma yin no/
/dper na rang nyid dang 'brel

ba'i gzugs sogs mthong ba'i mngon sum bzhin no zhes dpe dang
bcas par bstan pa la/ gnas ma gyur pa'i phyir rnal 'byor pa
gzung ba dang 'dzin pa'i rnam par rtog pa ma spangs pa rnams
kyis gzhan gyi sems shes pa yang/ tha snyad la mi bslu ba nyid
kyis gzugs la sogs pa

mthong ba bzhin du tshad ma nyid yin no/ /zhes gsungs/ gal te
gzhan gyi sems kyi ngo bo dngos su mi snang ba'i phyir mngon sum
yin par mi 'gyur ro snyam na/ de 'dra'i mngon shes des gzhan gyi
sems kyi ngo bo rjen char du gzung ba min yang/ rnal 'byor sgom
pa'i stobs kyis de'i

khyad par ji lta ba'i rnam pa ni gsal bar snang ba'i phyir mngon
sum ma yin par mi 'gyur ro/ /dper na/ rang gi las dang lha la
sogs pa'i mthus/ rang gzhan la 'byung rgyu'i legs nyes kyi don
rnams rmi lam du snang ba yang de'i khyad par gsal bar snang ba
yin gyi/ don de'i ngo bo mngon

sum du snang ba ma yin kyang/ de la mi 'khrul ba bzhin zhes
bstan pa la/ rnal 'byor gyi stobs kyis ni de dag la shes pa
gzhan gyi sems kyi rnam pa'i bye brag gi rjes su byed pa gsal
bar snang ba 'byung bar 'gyur te/ las dang lha la sogs pa'i byin
gyi rlabs kyi rmi lam bden pa

mthong ba bzhin no/ /zhes gsungs/ gal te mngon shes des gzhan
gyi sems dngos su mi 'dzin na de ji ltar de'i rnam pa gsal ba
can du 'gyur snyam na/ de ni sgom stobs kyis rang gi sems kyi
snang ba gzhan gyi sems kyi rnam pa dang ji lta ba bzhin mtshungs
pa'i ngo bo nyid du

skye bar 'gyur la/ de ni de la gsal bar snang ba'i phyir nyes pa
med ces bstan pa la/ de dag la yang gzhan gyi sems kyi yul can
shes pa 'byung ba ni ma yin te/ de dag kyang rang gi sems snang
ba de dang rnam pa mtshungs pa kho na shes pa las gzhan gyi sems
shes pa zhes bya bar

@199a @#/ /nges pa gzung nas tha snyad 'dogs so/ /mngon sum 'di
rnam pa'i rjes su byed pa gsal bar snang ba'i phyir dang mi bslu
ba'i phyir tshad ma zhes bya bar 'dod do zhes gsungs/ de'i gzhan
sems shes pa'i mngon shes kyis gzhan gyi sems rtogs tshul

ni gzhan gyi sems kyi ngo bo rjen cher du snang nas rtogs pa min
kyang/ rnal 'byor goms pa'i stobs kyis rang gi sems kyi snang ba
gzhan gyi sems kyi rnam pa dang ji bzhin mtshungs pa'i ngo bor
skyes shing/ de 'dra'i gzhan gyi sems kyi rnam pa de de dang
rdzas gcig yin kyang

gzhan gyi sems dngos min pas rgyud gcig tu 'gyur ba'i skyon med
do/ /'o na gzugs med kyi kun gzhi la dbang don mi snang na/ bag
chags dmigs par 'jog pa'i don sngar bshad pa de ltar yang 'jog
tshul med pas/ de la dmigs pa med par 'gyur la/ 'dod na

dmigs pa dang bral ba'i shes pa srid par 'gyur ro zhe na/ nyos
pa med de/ theg bsdus las/ 'das sogs de bzhin rmi lam dang/
/gzugs brnyan rnam pa gnyis po yang/dmigs pa yod pa ma yin
pas/de ni dmigs phar rung phyir ro/zhes shes pa thams cad dmigs

pa'i stobs kho na la ltos mi dgos shing/ bye brag tu kun gzhi ni
dmigs pa'i dbang gis 'jug pa ma yin gyi/ las kyi stobs kyis ji
srid nyid mtshams sbyor ba nas ma shi'i bar du rnam smin du gyur
nas rgyun mi 'chad par 'jug go /theg bsdus kyi lung gi don/ 'das

sogs 'dzin pa'i shes pa la dmigs pa med par bstan pa min gyi/
snang ba'i dmigs pa dngos por grub pa yod med la mi ltos zhes
pa'i don no/ /'on kyang gzugs med kyi kun gzhi la dmigs pa med
pa ma yin te/ mngon brjod/ bdag lta/ srid pa'i yan lag gi bag

chags sogs las dbang don lus sogs su snang rung yin pas/ bag
chags de rnams de'i dmigs par 'jog ste/ dper na/ nas sogs 'bru'i
sbyang ngam mdzod na gnas pa'i nas rdog skam hril ba de phyis
rkyen dang phrad na myu gu bskyed cing/ da lta skye rung yod
pas/ myu

@200b gu'i rgyur 'jog pa lta bu yin no/ /'o na khams 'og ma
gnyis su'ang kun gzhi gcig la snod bcud thams cad snang ngam zhe
na/ de ni ma yin zhes bstan pa la/ 'og na'ang sems can gcig gi
ni/ /kun gzhi la ni snod dang bcud/ /thams cad snang na gzugs
khams kyi/ /lha

la'ang dmyal snang 'byung ba dang/ /dmyal ba la yang lha rnams
kyi/ /snod bcud snang ba 'byung ba dang/ /tha mal rnams la bskal
ba yi/yul sna tshogs pa snang bar 'gyur/zhes gsungs / don ni/
gzugs med du ma zad khams 'og ma gnyis su'ang sems can gcig gi
kun

gzhi la ni snod dang bcud thams cad snang ba ma yin gyi/ gal te
snang na 'o na dmyal ba par ma zad gzugs khams kyi lha chos can/
khyod la'ang dmyal snang mtshan nyid pa 'byung ba thal/ khyod kyi
kun gzhi la snod bcud thams cad snang ba'i phyir/ 'dod na dmyal
ba pa

bzhin du khyod la sdug bsngal gyi gdung ba yod par thal/ khyod
kyi kun gzhi'i steng gi dmyal snang mtshan nyid pa snang ba'i sa
bon sad pa'i phyir ro/ /ma grub pa ma yin te kun gzhi de la
dmyal snang mtshan nyid pa yod la/ de 'byung ba bag chags sad pa
la ltos pa'i phyir/

'dir dka' 'grel gyi dpe gnyis kar/ ma grub pa yin te zhes 'byung
ba ni yi ge chad par mngon no/ /ma nges pa ma yin te kun gzhi'i
steng gi bag chags sad pa'i snang ba yin na snang ba tsam gyis
phan gnod du 'gyur te/ dper na rmi lam du yul yid du 'ong mi
'ong snang ba tsam

gyis bde sdug tu 'gyur ba bzhin no/ /de bzhin du lha mir ma zad
dmyal ba pa la yang lha dang mi'i snod bcud mtshan nyid pa snang
bar thal/ rtags de'i phyir/ 'dod na dmyal ba pas kyang lha mi'i
bde ba myong bar thal/ de'i kun gzhi'i steng gi bde 'gro'i snang
ba mtshan nyid pa

'byung ba'i sa bon sad pa'i phyir ro/ /rtags khyab sgrubs tshul
gong gis rigs 'gre /gzhan yang mngon shes sogs gong ma'i yon tan
thob pa rnams ma zad/ de 'dra'i yon tan ma thob pa'i tha mal pa
irnams la'ang gnas dang dus kyi bskal ba'i yul snang sna tshogs

@201a @#/ /snang bar thal/ 'dod pa'i phyir/ 'dod na ha cang thal
lo/ /kha cig lha la dmyal snang 'byung ba dang/ dmyal ba pa
la'ang bde 'gro'i snang ba 'byung yang/ de yis phan gnod du
'gyur mi dgos te/ lha rnams la dmyal ba'i snod bcud snang ba ni
de rnams

snang bar 'gyur ba'i las kyi bag chags sad pa'i snang ba yin
gyi/ snod bcud de rnams la longs spyod par 'gyur ba'i las kyi
bag chags sad pa'i snang ba ma yin pas/ de dag snang bas sdug
bsngal gyis gdung ba yod mi dgos la/ de bzhin du dmyal ba pa
sogs la yang shes par

bya'o zhes zer/ 'thad pa ma yin te/ 'o na lhas byin lta bu'i
gzugs dang brjod pa rnams chos can/ khyod lhas byin dang mi
mdza' ba'i mi rnams kyi yang yid du 'ong zhing rnar snyan par
thal/ de dag khyod dang mdza' ba'i mi rnams kyi yid du 'ong
zhing rnar snyan pa'i phyir ro/ /gzhan

yang grang ba'i reg bya chos can/ khyod grang bas nyen pa'i mi
la phan par thal/ khyod tsha bas nyen pa'i mi la phan pa'i phyir/
de bzhin du bzlog te brjod par bya'o/ /de'i phyir gzugs sogs yul
'ga' zhig rigs mthun pa'i 'gro ba 'ga' la phan par mthong la
'ga' la

gnod par mthong ba'i phyir dang/ rang gi shes pa la yul snang
btsam las ma gtogs pa'i snod bcud gang yang mi 'dod pa'i phyir/
yul yid du 'ong mi 'ong mtshan nyid pa snang tsam gyis phan gnod
du 'gyur gyi/ spyod 'gyur la mi ltos so/ /gzhan yang mi lta bu'i
kun gzhi

la dmyal ba'i snod bcud snang ba de dmyal ba pa la ji ltar snang
ba ltar snang ngam mi snang/ mi snang na de dag la dmyal snang
mtshan nyid pa 'dod pa nyams la/ snang na de 'dra'i snang ba de
dmyal ba pa'i las dbang gis snang ba ma yin par thal lo/ /'dod
na/ lcags bsregs sa

gzhi su yis byas/ /me tshogs de dag ci las byung/ /des na de dag
thams cad ni/ /sdig sems byung bar thub pas gsungs/ /zhes sogs
lung dang rigs pas gnod la/ yang mi'i kun gzhi la snod ji ltar
snang ba ltar/ dmyal ba pa la yang snang bar khas len dgos la de
'dod

@202b na theg bsdus las/ yi dwags dud 'gro mi rnams dang/ /lha
rnams ji ltar rigs rigs su/ /dngos gcig yid ni tha dad phyir/
/don ma grub par 'dod pa yin/ /zhes pa'i rigs pa rnams kyis gnod
do/ /kha cig /de ni sems can de rnams kyi dbang shes la snang ba
yin la/ de dang kun

gzhi'i snang ba gnyis mi gcig go zhe na/ dbang shes la don lngar
snang ba de nyid kun gzhi'i gzung cha nyid yin te/ don du snang
ba'i rnam par shes pa skye'o zhes dang/ rnam shes lnga yis 'dzin
byed cing zhes sogs gong du bstan zin to/ /'dir dka' 'grel gyi
dpe 'gar de nyid ka zhes

dang/ dpe la lar de gnyis ka zhes 'byung ba'i snga ma ni yul gyi
skad rigs de ga rang zer ba lta bu yul skad zhig yin 'dra zhing/
phyi ma ni dpe ma dag pa yin nam snyam/ gsum pa ni/ 'o na khams
'og ma na snod bcud ji ltar snang zhe na/ de'i lan du/ dngos su
rang gi dbang don no/ /brgyud

nas de yi tshogs drug gi /yul du snang bar gang nus pa/ /kun
gzhi'i yul du'ang 'jog pa yin/ /zhes gsungs/ don ni/ dngos su
rang gi dbang po lnga dang/ de'i yul gzugs sgra sogs don lnga
dang dbang po'i rnam par shes pa lnga'o/ /brgyud nas ni rten de
yi rnam par shes pa chogs

drug gam ci rigs pa'i yul du snang bar gang nus pa de/ rten de'i
kun gzhi'i yul du'ang 'jog pa yin no/ /zhes dbang shes rgyu ba'i
skabs kyi dbang don shes pa dang bcas pa rten de'i kun gzhi'i
dngos kyi dmigs pa dang/ dbang shes mi rgyu ba'i skabs kyi dbang
po rnams dang/ yid

shes kyi yul du snang ba gang nus pa kun gzhi'i yul du'ang 'jog
pa yin zhes spyir btang nas/ dmigs kyis bsal ba la/ dbang don
las gzhan drug pa'i yul/ kun gzhi'i yul du mi 'gyur te/ /drug pa
btags pa'i yul can dang/ /kun gzhi bkrar 'dzin gyis dben phyir/

zhes gsungs/ don ni/ tshogs drug gi yul thams cad kun gzhi'i yul
du 'jog na/ 'o na yid shes kyi yul gsung rab yan lag bcu gnyis
kyi brjod bya'i don sa dang lam gyi rim pa sogs kun gzhi'i yul
du 'jog gam zhen/ kun gzhi rgyud ldan gyi mig sogs dbang

@203a @#/ /po lnga dang gzugs sogs don lnga dang bdag lta'i bag
chags sogs las gzhan drug pa yid kyi rnam shes kyi yul sa bcu
dang lam lnga'i rnam par bzhag pa dang/ 'das ma 'ongs sogs sgro
btags pa rnams ni chos can/ kun gzhi'i yul du mi

'gyur te/ /de dag ni/ drug pa yid kyi rnam shes kyis 'di ni
'di'o zhes sogs sgro btags nas yul du byas pa tsam dang/ kun
gzhi ni 'di ni 'di'o/ /'di ni gzhan no zhes sogs tha snyad sna
tshogs 'dogs pa'i 'du shes bkrar 'dzin gyis dben pa'i phyir ro/
/zhes pa'o/ /'dir

dka' 'grel du/ yid shes kyi yul gsung rab yan lag bcu gnyis lta
bu dang/ 'das sogs sgro btags rnams ni kun gzhi'i yul du mi
'gyur te zhes gsungs shing/ 'grel mdzad rnams kyang de ltar
gsungs mod/ gsung rab yan lag bcu gnyis brjod byed kyi sgra rang

mtshan par 'dod phyin/ kun gzhi rgyud ldan gyi gang zag gis gsung
rab yan lag bcu gnyis bton pa'i tshe de'i dag tu gyur ba'i gsung
rab yan lag bcu gnyis kyang nges par 'dod dgos la/ de'i tshe de
'dra ba de kho rang gi kun gzhi'i dngos kyi dmigs par 'jog dgos

te/ dngos su rang gi dbang don no zhes pas grub cing/ gal te
sangs rgyas kyi ngag tu gyur pa'i gsung rab yan lag bcu gnyis la
dgongs zhes kyang brjod mi nus te/ yid shes kyi yul gsung rab
yan lag bcu gnyis lta bu dang/ zhes gsungs pas dbang shes kyi
yul du byed

mi nus par yid shes kyi yul du bya dgos pa'i don zhag yin par
'dug pas da mi 'thad la/ des na de'i brjod bya'i don dgag sgrub
gnang gsum gyi bcas pa dang/ ting nge 'dzin gyi sgo mi 'dra ba
rnams dang/ bdag med par rtogs pa'i shes rab yul dang bcas pa
rnams ni

kun gzhi'i yul min zhes pa'i don yin nam yang na 'di pas gsung
rab gyi ngo ba ldan min 'du byed du 'dod pa 'dra snyam ste dpyad
do/ /bzhi pa ngo bo nges pa'i bsgrubs byed 'god pa la/ gal te
kun gzhi de la dge mi dge gang yang mi 'jog par mtha' gcig tu ma
sgrib lung

@204b ma bstan du cis nges zhe na/ bag chags bsgo gzhi yin phyir
dang/ dge dang mi dge mngon gyur dang/ /rgyud gcig la ni 'jug
pa'i phyir/ /ma sgrib lung ma bstan du grub/ /ces gsungs/ don
ni/ rten rnams smin gyi kun gzhi chos can/ thar pa thob pa la
gegs mi byed cing nyon mongs pa sogs

kyis ma sgribs pas ma bsgribs pa dang/ dge mi dge gang yang min
pa'i lung ma bstan du grub ste/ dge ba dang mi dge ba'i bag
chags thams cad bsgo ba'i gzhi yin pa'i phyir dang/ dge sems
dang mi dge ba'i sems mngon gyur dang/ rgyud gcig la dus mnyam
du ni 'jug pa'i

phyir ro/ /de yang sgrib pa dang mi dge ba yin na sgrib pa spong
byed zag pa med pa'i lam dang dge ba zag bcas rnams kyi bag
chags bsgo ba'i gzhir mi rung zhing/ dge sems mngon gyur du skye
ba'i skabs mi rnyed pas thar pa thob pa mi srid la/ dge ba yin
na mi dge ba'i sa bon bsgo

ba'i gzhir mi rung zhing/ mi dge ba'i sems mngon gyur du skye
ba'i skabs mi rnyed pas ngan song du skye ba dang dge rtsa chad
pa sogs mi srid pas na/ ma sgribs lung ma bstan du grub pa yin
no/ /lnga pa grogs nges pa'i bsgrubs byed dgod pa la/ gong du
khyod kyis lnga nyid dang ldan zhes

'khor sems byung lngar nges pa'i rgyu mtshan ci las yin/ yul nges
lnga sogs kyang yod pa ma yin nam zhe na/ lngar nges pa'i rgyu
mtshan bstan pa'i phyir/ lung ma bstan dang mi gsal phyir/ /reg
sogs lngar nges/ zhes gsungs/ don ni/ kun gzhi'i rnam shes chos
can/ khyod

kyi 'khor reg sogs sems byung lnga po kho nar nges te/ khyod
sems gang zhig ma sgribs la lung ma bstan yin pa'i phyir na dge
ba bcu gcig dang rtsa nyon drug nye nyon nyi shu rnams mi 'byung
zhing/ rang yul gsal bar snang yang rang gis kyang mi nges la/
rjes su nges pa 'dren pa

sogs rang yul gsal bar gcod mi nus pa'i phyir na yul nges lnga
dang/ gdags gzhi gti mug dang shes rab sogs med pa'i phyir btags
chos gnyid la sogs pa'i gzhan 'gyur bzhi yang mi 'byung ngo/
/kun gzhi chos can/ khyod kyi 'khor du kun 'gro lnga ni yod de/

@205a @#/ /reg pa ni sems byung kun gyi rgyu yin pa'i phyir dang/
sems kun la myong ba bde sogs gsum po gang rung yod pa'i phyir
dang/ yul gyi spu ris gcod pa dang/ sems yul la g.yo ba dang/
rang gi dmigs pa la sems gtod pa ni sems kun la mthong

ba'i phyir/ de yang yul gyi rnam pa ma 'dres par snang ba tsam
la 'du shes zhes btags pa tsam las/ 'di ni 'di'o zhes pa la sogs
pa yul gyi spu ris 'byed pa ni med de/ gong du kun gzhi bkrar
'dzin gyis dben phyir/ zhes pas grub po/ /'o na kun gzhi'i 'khor
gyi tshor ba

de/ myong ba gsum las gang yin zhe na/ tshor ba ni/ bar ma'o/
/zhes gsungs/ de yang kun gzhi'i rnam shes chos can/ khyod kyi
'khor gyi tshor ba de bde sdug gang yang min pa'i bar ma myong ba
kho na yin te/ khyod kyi 'khor du tshor ba ni dmigs la/ bde sdug
gnyis po gang yang

med pa'i phyir/ de yod na ci 'gal zhe na/ 'di ltar 'di'i 'khor
du tshor ba bde ba yod na bsam gtan bzhi pa yan chad tshor ba bde
ba'i sar 'gyur la/ dmyal ba na yang rnam smin gyi bde ba yod par
'gyur ro/ /gal te gdung ba yod na bsod nams dang mi g.yo ba'i
las

kyi rnam smin sdug bsngal 'phen pa dang/ gzugs med lta bu sdug
bsngal gyi sa par 'gyur ro/ /kho na re/ de ci dgos te/ dper na
yid kyi rnam shes kyi 'khor du res 'ga' bde ba 'byung/ res 'ga'
sdug bsngal 'byung ba bzhin bsod nams kyi las kyi rnam smin du
gyur tshe/

'di'i 'khor du tshor ba bde ba 'ong la/ bsod nams ma yin pa'i las
kyi rnam smin du gyur tshe 'di'i 'khor du sdug bsngal dang/ mi
g.yo ba'i las kyi rnam smin du gyur tshe 'di'i 'khor du tshor ba
btang snyoms 'ong ba ci 'gal snyam na/ de mi 'thad de/ yid kyi
rnam shes kyi 'khor

du tshor ba bde ba skyes nas/ yang de'i mjug thogs su tshor ba
sdug bsngal 'byung ba ni/ rnam shes snga ma phyi mar 'gyur ba
dang/ /snga ma'i tshor ba bde ba phyi ma'i sdug bsngal du 'gyur
'gro ba ma yin zhing/ rnam shes rigs mi 'dra ba gnyis gcig gi
mjug thogs su gcig

@206b 'byung ba dang/ tshor ba yang rigs mi 'dra ba gnyis snga
phyir 'byung ba yin pa'i phyir dang/ kun gzhi'i rnam shes ni ji
srid gnas ma gyur gyi bar rigs 'dra rgyun mi 'chad par 'jug
cing/ de'i 'khor gyi tshor ba yang de dang 'dra ba'i phyir de'i
'gal ba spang mi nus so/ /kho na re dmyal ba

pa'i rgyud kyi kun gzhi'i rnam shes de dmyal ba pa yin pas des
dmyal ba'i sdug bsngal myong dgos la/ de ltar na/ 'di'i 'khor du
tshor ba sdug bsngal yod par 'gyur ro snyam na/ 'on dmyal ba pa'i
rgyud kyi kun gzhi'i rnam shes de dmigs rnam shin tu mi gsal ba
ma yin

par thal/ 'dod pa'i phyir/ 'dod na/ sum cu pa las rnam par rig
pa mi rigs pa/ /zhes dang/ nyid kyi 'grel par yul bye brag tu
gsal bar gcod mi nus pa'i phyir yul nges lnga mi 'byung ngo/
/zhes gsungs pa dang 'gal lo/ /'o na dmyal ba'i kun gzhi'i rnam
shes la

de'i sdug bsngal mi snang bar thal/ de'i dmyal ba'i sdug bsngal
mi myong ba'i phyir zhe na ma khyab ste/ de la bde sdug snang ba
dang/ des bde sdug myong ba gnyis shin tu mi 'dra ste/ des bde
sdug myong na de sim gdung gang rung gi ngo bor skyes dgos la/
de la snang ba tsam la de ltar dgos pa

ma yin no/ /gzhan yang dge slong gi rgyud kyi kun gzhi'i rnam
shes de dge slong du thal/ dmyal ba ba la de'i phyir/ 'dod na/
dge slong rgan po'i rgyud kyi kun gzhi'i rnam shes de yang de
yin par thal/ 'dod na/ kun gzhi'i rnam shes la rgan gzhon dang
sma ra ag tshom 'dod pa khyod

ni sden med pa'i rnam rig pa'i shing rta'i srol 'byed mkhan po
gnyis pa zhig go /de bzhin du theg chen mthong lam bar chad med
lam pa'i rgyud kyi kun gzhi'i rnam shes chos can/ de yin par
thal/ 'dod pa'i phyir/ 'dod na/ des stong nyid mngon sum du
rtogs par thal/ 'dod pa'i

phyir/ 'dod na/ rtsa ba zur du bkol ba dang/ nyid kyi 'grel ba
dang sum cu pa sogs rnam rig pa'i gzhung lugs thams cad dang ro
khur ba ltar rgyab sprod du shes par byos la phyin chad gzhung
de dag la lta rtog legs par gyis shig ces gdams so/ /des na kun
gzhi'i rnam shes gang

@207a @#/ /zag tu 'dod cing/ de la skye 'phags dang/ dmyal ba pa
sogs 'dod par mi bya ste/ skye 'phags gnyis ni de kho na nyid
kyi don mngon sum du rtogs ma rtogs la 'jog la/ bde 'gro ba dang
ngan song ba sogs ni/ de'i bde sdug myong ba sogs las 'jog pa
yin no/ /

drug pa ni/ 'o na kun gzhi'i rnam shes la kun gzhi zhes bsnyad
pa'i don gang zhe na/ 'di la bdag tu ni/ /sbyor ba'i phyir na
kun gzhi'o/ /zhes gsungs/ don ni nyon yid kyis kun gzhi 'di la
dmigs nas 'gro ba lnga'i sems can kun 'dir bdag tu lta ba la
sbyor ba'i phyir na kun gzhi

zhes bya ste/ bdag tu lta ba'i gzhi ni/ kun gzhi'i rnam shes 'di
yin pa'i phyir ro/ /bdun pa 'jug ldog gi khyad par ni/ de lta
bu'i rnam par smin pa'i rnam shes de dus ji srid du 'jug cing/
ldog ce na/ lhag ma med dang rdo rje lta'i/ /bar du rgyun mi
'chad du 'jug /ces gsungs/ don ni/

'du byed kyi 'jug pa rgyun chad pa'i theg dman gyi lhag med
myang 'das dang theg chen gyi sgom lam rdo rje lta bu'i ting nge
'dzin gyis shes bya'i sgribs pa ma spangs kyi bar kun gzhi'i
rnam shes kyi rdzas rgyun rgyun mi 'chad par 'jug ces/ 'jug tshul
dngos su bstan nas/ ldog tshul

shugs la 'phen pa'o/ /rang re'i yig cha'i tshig zur 'ga' zhig na
dgra bcom pa'i rgyud la kun gzhi yod pa lta bur gsungs la/ paN
chen bsod grags sogs kyi gsung zin las de ltar thon pa'ang 'di
la dgongs sam dpyod la/ 'ga' zhig dgra bcom pa'i rgyud la kun
gzhi

yod kyang/ 'jog byed gnyis ldan gyi kun gzhi med pa ni/ de'i
phyir dbang thob dgra bcom la/ /kun gzhi yod pa ma yin te/ 'jog
byed gnyis po med phyir ro/ /zhes pa'i don du 'chad mod/ dgongs
par ma song ste/ 'di ltar dgra bcom pa'i rgyud la 'jog byed
gnyis ldan gyi kun

gzhi med de/ 'jog byed gnyis med pa'i phyir zhes par song zhing/
de ltar na rtags nam nges pa na bsgrubs bya'ang nges par 'gyur
ba'i phyir ro/ /yang 'ga' zhig dgra bcom pa'i rgyud la kun
gzhi'i rnam shes yod kyang/ 'jog byed gnyis ldan gyi kun gzhi'i
rnam shes med ces

@208b zer mod/ kun gzhi'i rnam shes la 'jog byed gnyis 'phags
bod kyi mkhas pa sus kyang ma bshad cing/ rje yab sras kyi gsung
rab gang las kyang mi 'byung bas mche bzang gi stang ka wa skyes
kyis byed par song zhing/ rang gi nang cha rang nyid kyis phyir
'don pa'i blun po khyed la dgag

sgrub kyis ci zhig bya/ des na 'dir bshad pa ni/ rnam smin gyi
rnam shes sam kun gzhi'i rnam shes kyi rdzas rgyun dus gang gi
bar du 'jug cing ldog pa'i tshul bstan la/ de'i phyir dbang thob
dgra bcom la/ /zhes sogs kyis ni/ kun gzhi gnyis kyi 'jug ldog
gi tshul bstan pa'i khyad par

'byed dgos so/ /de yang dgra bcom pa dang dag sa la gnas pa'i
byang sems kyi rgyud la kun gzhi'i rnam shes med kyang/ rnam
smin gyi rnam shes dang len pa'i rnam shes yod cing/ de gnyis
sngar gyi kun gzhi'i rdzas rgyun yin kyang kun gzhi min no/ /des
na kun gzhi'i rnam shes 'jug pa'i

tshul la gnyis las/ dang po ni/ skye srid du nying mtshams sbyor
ba nas ji srid ma shi'i bar du rigs 'dra rgyun mi 'chad par chu
bo'i rgyun bzhin du 'jug cing/ 'jug shes rnams ni/ chu las chu
rlabs 'byung ba bzhin rang rang gi yul dang phrad pa las glo bur
du 'byung ba'i phyir te/ sum cu pa

las/ de ni rgyun 'dab chu bo bzhin zhes dang/ lang gshegs las/
kun gzhi'i chu bo de bzhin du/ /sna tshogs yul gyi rlung gis
bskyod/ /rnam shes sna tshogs rba rlabs rnams/ /gar bzhin rab tu
'byung bar 'gyur zhes gsungs/ skye ba rgyud nas 'jug tshul ni/
/las snga mas 'phangs

pa'i nus pa zad nas shi ba dang/ yang srid par nyid mtshams sbyar
nas snga ma'i dge mi dge'i las kyi rnam smin du gyur nas ji srid
ma shi'i bar du 'jug cing shi ba dang yang srid par nying mtshams
sbyar nas ji srad gnas ma gyur pa de srid du 'khor lo bskor ba
bzhin du 'jug la

gtan nas rigs chad kyi kun gzhi'i rnam shes ni gnas gyur pa mi
srid pa'i phyir/ de ltar yang sum cu pa las/ las kyi bag chags
'dzin gnyis kyis/ /bag chags bcas pa snga ma yi/ /rnam par smin
pa zang nas gzhan/ /rnam smin bskyed pa de yin no/ /zhes gsungs/

@209a @#/ /gzhan yang kun gzhi'i rnam par shes pa 'jug pa'i tshul
bzhi dang/ ldog pa'i tshul gcig la sogs pa yod kyang/ zhib par
bsdu ba sogs las shes par bya'o/ /kun gzhi'i rnam shes kho na la
rgyu mtshan ci'i phyir rnam par smin pa zhes bya/ mig

sogs kyang rnam smin ma yin nam zhe na/ 'di ltar rnam par smin
pa ni ma sgribs la lung du ma bstan pa dang/ tshe ji srid bar
rgyun mi 'chad par 'jug pa dang/ dge mi dges 'phangs pa'i 'bras
bu yin pa te/ khyad par gsum ngang ldan pa zhig dgos pa las/ de
ni kun gzhi'i rnam shes

'khor bcas las gzhan du ma mthong ba'i phyir/ de yang yin te
rnam smin mi dge ba yin na/ dge ba'i rnam smin du 'gal te/ dge
ba ni mi dge ba'i gnyen po yin la/ mi dge ba ni de'i mi mthun
phyogs yin pa'i phyir dang/ rgyu 'bras 'tsho ba bar 'gyur ba'i
phyir/ de bzhin du rnam

smin dge ba yin yang skyon de yod do/ /gal te de'i skyon med de/
dge ba'i las kyi rnam smin du gyur pa na dge ba yin la/ de bzhin
du mi dge ba'i las kyi rnam smin du gyur pa na mi dge ba yin
zhes rnam par phye nas 'jog pas/ mi mthun pa'i rgyu las mi mthun
pa'i 'bras

bu 'byung ba sogs kyis skyon med ces pas kyang lan mi theb ste/
'o na bde 'gro'i rten la mi dge ba 'gag pa mi srid par thal/
de'i rten la de skye ba mi srid pa'i phyir te/ de'i rgyud la dge
sems skad cig kyang rgyun mi 'chad par 'jug pas mi dge ba skye
ba'i skabs mi rnyed

pa'i phyir/ de bzhin du ngan song gi rten la dge sems skye ba mi
srid par thal/ 'dod pa'i phyir/ 'dod na/ de'i rgyud la bde
'gro'i skye ba 'grub byed kyi las mngon du 'gyur ba dang/ bde
'gror skye ba mi srid par thal lo/ /gzhan yang dge rtsa chad
pa'i gang zag la dge

sems rgyun mi 'chad du 'jug pa sogs gnod byed mtha' yas pa
mthong bas rnam smin ma sgrib lung ma bstan du grub bo/ /tshe ji
srid bar 'jug pa dgos te/ bar skabs su 'phen byed las kyis
'phangs pa'i rnam smin ldog na nges par ma shi bar skye ba blang
ba'am yang

@210b na de'i tshe shi bar 'gyur la/ theg bsdus su yang rnam par
smin pa'i rnam par shes pa rgyun chad pa ni nying mtshams sbyor
ba ma gtogs pa gzhan du mngon par 'grub pa med pa'i phyir zhes
gsungs/ des na mig sogs ni ma shi'i gong du yang ldog par mthong
ba'i rnam smin mtshan nyid

pa ma yin no/ /'dir kha cig rnam smin khyad par gsum ldan la kun
gzhi 'khor bcas las mig sogs mi 'jog kyang/ spyir mig sogs kyang
rnam smin phal pa yin gsung mod/ rje nyid kyi rang 'grel du/
rnam par smin pa ni/ ma sgrib la lung ma bstan pa dang/ tshe ji
srid kyi bar

rgyun ma 'chad par 'jug pa dang/ sngon gyi dge ba'am mi dge bas
'phangs pa'i 'bras bu yin pa ste khyad par gsum dang ldan pa
zhig dgos pa las/ de kun gzhi 'khor bcas las gzhan pa la mi rung
ba'i phyir/ zhes gsungs shing/ 'og tu yang mig la sogs pa ni ma
shi'i gong du

yang ldog par mthong ba'i phyir/ de dag rnam smin mtshan nyid pa
ma yin no/ /zhes gsungs pas 'phen byed las kyis 'phangs pa'i
rnam smin la gtso phal gnyis phye na ni 'thad par mi sems so/
/'dir 'grel byed rnams kyis kun gzhi'i rnam shes kyi mtshan nyid
du/ nyon yid kyis

bdag tu lta ba'i gzhir ma spangs pa'i tshul du yod cing ma
bsgribs lung ma bstan gyi ngo bor gyur ba'i rnam smin gang zhig
/rang gi grogs kun 'gro lnga kho na dang mtshungs ldan gyi shes
pa cha phra ba'i dmigs rnam shin tu mi gsal zhing thog ma med pa
nas 'khor ba ji srid gnas

kyi bar rgyun chags su 'jug pa'i rigs su gnas pa'i gtso bo'i
rnam rig gi shes pa de zhes gsungs/ rje nyid kyi gsung la brtags
na/ gong du bshad pa'i dmigs rnam sogs kyi rang bzhin nges pa
na/ de la brten nas kun gzhi'i rnam shes kyi ngo bo ji lta ba
bzhin blo yis mtshon

par 'gyur bas/ de dag la kun gzhi'i rnam shes kyi mtshan nyid kyi
ming gis btags pa yin na ma snyam zhing/ 'on kyang khyod kyis
bshad pa ltar byas kyang nyes pa med do/ /byang sems 'phags pa'i
yid lus rnam smin gyi 'bras bur mi bzhed pa dang/ sangs rgyas
kyi mtshan dpe
@211a @#/ /sogs kyang rnam smin ma yin zhing/ de dag la rnam smin
gyi ming gis btags nas gsungs pa mang du yod do/ /gnyis pa brten
pa sa bon gyi kun gzhi bshad pa la ngo bo nges gzung ba dang/
khyed par rgyas par bshad pa'o/ /dang po ni/ 'o na rten du gyur
pa rnam

smin gyi kun gzhi de ltar yin na/ brten pa sa bon gyi kun gzhi
de ji lta bu zhe na/ brten pa sa bon kun gzhi ni/ /sgo bar byed
pas sgo gzhi la/ /'gag la sngon du phyogs pa'i tshe/ /bzhag pa'i
nus pa'o/ /zhes gsungs/ don ni/ sgo bar byed pa rnam shes tshogs
bdun gyis bsgo ba'i

gzhi kun gzhi'i rnam shes la/ sgo byed rang nyid 'gag pa la
mngon du phyogs pa'i tshe/ dge mi dge lung ma bstan gsum gyis sa
bon bzhag pa'i nus pa zhig la/ brten pa sa bon gyi kun gzhi zhes
bya la/ de yang tshogs drug gis ni dge mi dge lung ma bstan gsum
ga'i

bag chags 'jog la/ nyon yid kyis ni lung ma bstan kho na'i bag
chags 'jog go /sgo bar byed pa la/ tshogs bdun du ji ltar nges
zhe na/ sgo byed tshogs bdun dang/ bsgo bar bya ba sa bon gyi kun
gzhi dang/ bsgo gzhi kun gzhi'i rnam shes gnyis phan tshun rgyu
dang 'bras

bu'i dngos por rtag tu sbyor ba ste/ 'jug shes rnams kyis kun
gzhi'i rnam shes kyi steng gi sa bon rnying pa gso bar byed pas
de 'dra'i kun gzhi sa bon gyi cha'i bdag rkyen byed la/ rang gi
sa bon gsar pa 'jog pas de'i rgyu'i rkyen byed do/ /kun gzhi
gnyis kyis kyang/ 'jug

shes rnams kyi rgyun 'jig par byed pas de dag gi rgyu byed do/
/'o na rgyu 'bras dus mnyam pa sems tsam pa bzhed dam snyam na
bzhed par gsal te/ theg bsdus las/ kun gzhi'i rnam par shes pa
dang kun nas nyon mongs pa'i chos de dag dus mnyam du gcig gi
rgyu nyid du

gcig 'gyur ba ji ltar blta zhe na/ dper na mar me'i me lce
'byung ba dang/ snying po tshig pa phan tshun dus mnyam pa dang/
mdung khyim yang dus mnyam du gcig la gcig brten nas mi 'gyel ba
bzhin du 'dir yang gcig gi rgyu nyid du gcig 'gyur ba blta'o
zhes gsungs

@212b shing/ yang de nyid las ji ltar kun gzhi'i rnam par shes
pa kun nas nyon mongs pa'i chos rnams kyi rgyu yin pa de ltar
kun nas nyon mongs pa'i chos rnams kyang kun gzhi'i rnam par
shes pa'i rgyu'i rkyen nyid du rnam par bzhag ste/ rgyu'i rkyen
gzhan mi dmigs so zhes

gsungs pa'i phyir dang/ rje nyid kyi rang 'grel las kyang/ dus
mnyam pa'i rgyu 'bras kyi dbang du byas nas de skad bshad kyis/
zhes gsungs pa'i phyir/ gong gi mdung khyim zhes pa/ mdung shing
gsum rtse mo btud de gyen du slang ba la zer la/ de rnams gcig
la gcig

brten nas gnas kyi/ gcig med na 'gyel ba ltar yin zhes pa'o/
/dus mi mnyam pa'i rgyu 'bras kyi dbang du byas na tshe phyi ma'i
kun gzhi rnam smin gyi cha 'grub pa'i sa bon yang 'jog go /de
yang rten de dang sgo byed gnyis skye 'gag lhan cig tu byas pas
sgo bar byed de/

dper na/ sna ma'i me tog ste je ti'i me tog dang til gnyis lhan
cig tshogs te skye 'gag byas pas phyis me tog de med kyang dri
rjes su 'jug pa bzhin yin no/ /'dir bkra shis lhun po'i par du
snum zhes 'byung la/ 'bras spung gi par du sna ma zhes 'byung
bas snga ma ni

par ma dag pa'o/ /gnyis pa khyad par rgyas par bshad pa la/ bsgo
gzhi'i khyad par bshad pa/ de la bsgos pa'i bag chags kyi dbye
ba bshad pa/ de rten dang rdzas gcig tha dad gang yin dpyad pa/
bag chags dge sogs gang yin dang/ bag chags 'jog tshul bshad pa/

brten pa sa bon gyi kun gzhi'i sgra bshad pa/ 'jug ldog gi dus
bstan pa bcas yod pa las/ dang po ni/ 'o na bag chags bsgo ba'i
gzhi de la ji lta bu dgos zhe na/ sgo gzhi ni/ brtan lung ma
bstan sgo bya ba/ sgo bar byed dang 'brel pa dang/ /mtha' gcig
rten du

gyur pa ste/ /khyad par lnga dang ldan pa'o/ /zhes gsungs/ don
ni/ bag chags sgo ba'i gzhi de la khyad par lnga dang ldan pa
zhig dgos pa las/ brtan pa ste rigs 'dra'i rgyun chad pa med pas
rgyun chags pa til lta bu zhig dgos kyi/ sgra dang glog lta bu'i
mi brtan pa sgo

@213a @#/ /gzhir mi rung ste/ mi brtan pa la bag chags 'chags su
mi 'dod cing/ gal te chags su chug kyang chud zos par 'gyur ba'i
phyir ro/ /'dis ni tshogs bdun dang gzugs sgo gzhir 'dod pa bsal
te/ dbang shes lnga ni res 'ga' byung ba yin

gyi/ rtag par mi 'byung la drug pa yid kyi rnam shes kyang/ ji
skad du/ yid kyi rnam shes 'byung ba ni/ rtag tu'o 'du shes med
pa pa/ /snyoms par 'jug pa rnam gnyis dang/ /sems med gnyid dang
brgyal ma gtogs zhes sems med lnga'i gnas skabs su ma 'jug pa

dang/ nyon yid kyang 'jig rten 'das pa'i lam na med/ /'gag pa'i
snyoms par 'jug na'ang med/ ces 'phags pa'i mnyam gzhag dang/
'gog pa'i snyoms 'jug gi skabs su med par gsungs pa'i phyir
dang/ gzugs kyang gzugs med du med pa'i phyir ro/ /'o na kun

gzhi yang sgo gzhir ji ltar 'gyur te/ dgra bcom nyid nas de ldog
go zhes gsungs pa'i phyir zhe na/ ji srid sgo byed yod kyi bar
rgyun 'jug pas chog pa'i phyir dang/ dgra bcom pa'i rgyud la'ang
kun gzhi'i rgyun rnam smin gyi rnam shes yod pa'i phyir ro/
/yang kha cig /'dod pa'i

gang zag gi rgyud kyi kun gzhi rnam shes chos can/ bag chags sgo
gzhir mi rung bar thal/ gzugs med na med pa'i phyir zhes pa ni/
'ben ma mthong bar mda' rdeg pa ste rigs 'dra'i rgyun 'jug pa
dgos zhes ma smras sam/ khyod ltar na/ 'o na de ring gi kun gzhi
chos

can/ bag chags bsgo gzhir mi rung bar thal/ sang nyin na med
pa'i phyir/ 'khor gsum/ 'dir dpe rnams las/ bstan lung ma bstan
sgo bya ba zhes 'byung ba ni ra mgo dang sa mgo nor bar mngon
no/ /dge mi dger lung du ma bstan pa zhig dgos te/ dper na dri
ha cang zhim pa

dang mi zhim pa la dri gzhan bsgo mi nus kyi/ dri mnyam pa til
lta bu la dri gang yang sgo nus pa ltar/ dge ba dang mi dge ba
ni mi dge ba dang dge ba'i sa bon sgo ba'i gzhir mi rung la/ dri
mnyam pa til lta bu'i lung ma bstan ni dge mi dge'i sa bon sgo
ba'i gzhir

@214b rung pa'i phyir te/ de ni dge mi dge'i sems ha cang gsal
ba dang mi mthun pa med pa'i phyir ro/ /'dis ni dge ba dang/ mi
dge ba'am nyon mongs can sgo gzhir mi rung bar bstan no/ /'ga'
zhig gis/ gong du bag chags bsgo gzhi yin phyir dang zhes sogs
kyis kun gzhi'i

rnam shes lung ma bstan du bsgrubs pa ma yin nam/ 'dir zlos te
brjod ci dgos zhe na/ gong du bag chags sgo gzhi yin phyir dang
zhes sogs kyis ni kun gzhi'i rnam shes ma bsgribs lung ma bstan
gyi ngo bor bsgrubs pa yin la/ 'dir brtan lung ma bstan zhes
sogs kyis ni

bag chags sgo gzhi'i rnam shes lung ma bstan du bsgrubs pa ma
yin kyi/ bag chags sgo gzhi la rgyud rgyun chags su 'jug pa'i
brtan pa dang/ lung du ma bstan pa sogs khyad par lnga dang ldan
pa zhig dgos par bstan nas/ de ltar na khyad par lnga dang ldan
pa ni rnam smin gyi

kun gzhi las gzhan la ma mthong bas/ de kho na bag chags sgo
ba'i gzhir nges par byed pas zlos pa'i skyon yod pa ma yin no/
/bsgo bar bya ba nus pa ste mi rtag pa la sgo nus kyi/ 'dus ma
byas la sgo mi nus so/ /'dis ni 'dus ma byas sgo gzhir mi rung
bar bstan no/ /gong du brtan

pa dang dge mi dge gang du'ang grub pa'i lung ma bstan zhig sgo
gzhir bstan pas/ de ltar na 'dus ma byas pa'i chos shig dgos sam
snyam pa'i dogs pa bzlog pa'i phyir/ sgo bya ba zhes gsungs/ sgo
bar byed pa rnam shes tshogs bdun gang rung dang/ sgo gzhi rang
nyid dus

mnyam du skye 'gag byed pa'i 'brel pa dang ldan pa dgos kyi/ dus
mi mnyam pa'i rnam shes snga ma'i bag chags/ rnam shes phyi ma
la sgo mi nus shing/ dus mnyam yang rgyud gzhan gyi rnam shes
kyi bag chags rgyud gzhan gyi kun gzhi'am rnam shes la sgo mi
nus pa'i phyir/

'dis na mi rtag pa gang yin bag chags sgo gzhir mi rung bar
bstan no/ /de yang sgo byed tshogs bdun gyis rang nyid 'gag pa la
mngon du phyogs pa'i tshe bag chags dngos su sgo byed kyi rnam
shes de dang sko gzhi'i kun gzhi gnyis dus mnyam du skyes nas de
'dra'i sgo byed nam

@215a @#/ /'gag pa dang mnyam du de 'dra'i sgo gzhi yang 'gag
pa'i 'brel pa dang ldan pa zhig dgos/ zhes pa'o/ /rnam grangs
sam gzhan stobs kyis ma yin par mtha' gcig tu rten du gyur pa
zhig dgos te/ rnam smin gyi 'khor du gyur pa'i reg pa sogs ni
kun

gzhi'i rnam shes la brten pas na mtha' gcig tu rten du gyur pa
ma yin no/ /'dis kun gzhi'i 'khor rnams sgo gzhi yin pa bsal/
gal te kun gzhi'i 'khor gyi reg pa sogs kyis rang 'grub pa'i sa
bon sgo'am mi sgo snyam na/ kha cig rgyu med du 'gyur bas sgo
dgos zhes dang/

'ga' zhig dmigs rnam shin tu mi gsal ba'i phyir mi sgo zhes pa'i
lugs gnyis las phyi ma ltar bzhed de/ de dag ni dge mi dges
'phangs pa'i 'bras bu yin pas des 'phen pa'i stobs kyis 'jug gi
/sa bon gyi stobs kyis ma yin pa'i phyir dang de

ltar na kun gzhi'i rnam shes kyis kyang sgo dgos na rang nyid la
rang gis byed pa mi 'jug cing/ de las gzhan yang med pas sgo
gzhi mi rnyed do/ /gnyis pa de la bsgos pa'i bag chags kyi dbye
ba bshad pa la/ drug du dbye ba/ gsum du dbye ba/ bzhi tshan
gnyis su dbye ba bcas

yod pa las/ dang po ni/ bag chags sgo ba'i gzhi de de lta bu yin
na/ de la bsgos pa'i bag chags la du yod ce na/ phyi dang nang
dang mi gsal ba/ /gnyis dang kun rdzob nyid dang ni/ /dam pa'i
don de de dag kun/ /sa bon rnam pa drug tu 'dod/ /ces gsungs/
don ni/ sa bon de la

dbye na/ nas dang utpa la'i rtsa ba lta bu phyi'i sa bon dang/
sa bon gyi kun gzhi lta bu nang gi dang/ kun nas nyon mongs pa
dang rnam byang dam dge mi dge gang du yang mi gsal ba'i phyi
nang gi sa bon gnyis dang/ phyi kun rdzob pa'i sa bon dang/ nang
don dam pa'i sa bon te sa bon gyi

rigs de dag kun bsdun/ /rnam pa drug tu 'dod bar bya'o/ /skabs
'dir kun gzhi rtsa ba'i 'bru 'grel 'ga' zhig las 'bru dang rtsa
ba dang sdong po'i sa bon sogs rgyud kyis ma bsdus pa'i sa bon
rnams phyi'i sa bon dang/ rgyud kyis bsdus pa/ sa bon thams cad
pa'i rnam shes

@216b kyi steng gi sa bon rnams nang gi sa bon dang/ phyi nang
gi sa bon de gnyis kyang ngo bo'i sgo nas 'jog na/ dge bar mi
gsal ba'i lung ma bstan gyi sa bon dang/ mi dge bar mi gsal ba'i
lung ma bstan gyi sa bon te sa bon mi gsal ba gnyis su nges pa
dang zhes mi gsal ba

gnyis la phyi nang gi sa bon gnyis ka dge bar mi gsal ba'i cha
nas gcig /mi dge bar mi gsal ba'i cha nas gcig ste gnyis 'jog
par mdzad mod/ mi gsal gnyis zhes pa'i mi gsal ba ni kun byang
dam dge mi dger mi gsal ba la byed la/ gnyis zhes

pa ni phyi dang nang gi sa bon gnyis la 'jog dgos te/ rje nyid
kyi dka' 'grel du/ mi gsal ba ni lung ma bstan pa yin te/ de la
ni kun nas nyon mongs pa dang rnam byang gi mi gsal ba'am/ dge
ba dang mi dge ba gnyis su mi gsal ba'i phyir ro/ /zhes mi gsal
ba'i don bshad

nas/ gnyis zhes pa'i don 'chad pa na/ gnyis ni phyi'i sa bon
dang/ nang gi sa bon zhes gsungs shing/ bshad sbyar las kyang/
mi gsal ba ni lung du ma bstan pa'o/ /gnyis ni phyi dang nang
gi'o zhes 'byung gi /gnyis ni dge ba dang mi dge ba'i mi gsal
ba'o/ /zhes mi

'byung ba'i phyir/ yang na gnyis zhes pa kun gzhi'i rnam shes la
kun nyon gyi sa bon thams cad gnas pas kun nyon dang rgyu 'bras
su gyur pa gcig dang/ rnam byang gi sa bon thams cad gnas pas
rnam byang gi rgyu 'bras su gyur pa gcig dang gnyis la 'jog ste/
bshad

sbyar las/ yang na 'bras bu dang rgyu ste de gnyis kyi rgyu
mtshan kun gzhi rnam pa yang gnyis so/ /de la rgyu dang 'bras
bu'i dngos pos kun nas nyon mongs pa dang/ rnam par byang ba'i
chos 'byung ba'i phyir zhes gsungs/ des na mi gsal ba gnyis
dang/ kun rdzob dang don

dam pa'i sa bon ni phyi nang gi sa bon las zur du med kyang/ ngo
bo'i sgo nas mi gsal ba gnyis dang/ ma brtags ma dpyad pa'i blo
la ltos nas phyi kun rdzob pa'i sa bon dang/ brtags shing dpyad
pa'i blo la ltos nas nad don dam pa'i sa bon 'jog pas na phyi ma
gnyis

@217a @#/ /blo la ltos nas 'jog pa yin no/ /ma brtags ma dpyad
sar snang tshad grags tshad grags tshad tsam kyi dbang du byas na
nas dang rtsa ba sogs la sa bon zhes grags kyang/ don du na kun
gzhi'i steng gi bag chags rnams smin pa'i dbang gis nas kyi myu
gu dang/ utapa

la sogs pa'i phyi nang gi chos mngon par 'grub pa yin gyi/ /de
lam ltos par phyi rol nas grub pa'i nas dang rtsa ba sogs las
myu gu utapa la sogs 'byung bar mi srid pas legs par dpyad na
'bras bu rnams kyi sa bon mthar gtugs na kun gzhi'i sa bon gyi
cha la thun

pa'i phyir ro/ /sems tsam pa'i lugs 'dir sngon po rang 'dzin
tshad ma dang rdzas gzhan gyis stong pa rtogs pa'i blos sngon po
sems kyi bdag nyid tsam du grub par khas len dgos shing/ de ltar
na stong nyid la ma yin dgag zhig 'dod dgos tshul sogs dpyad par
bya rgyu

mang yang/ zhib par lcang skya rin po che'i grub mtha' sogs las
shas par byos dang/ ding sang gi mtshan nyid pa dag gi blor mi
chud pa'i gtam gsar pa mang ngo/ /'on kyang lhan cig dmigs nges
la rdzas gzhan gyis stong pas khyab kyang rdzas gcig gis ma
khyab ste/

bum 'dzin rtog pa dang bum pa'i don spyi gnyis lhan cig dmigs
nges su tshad ma rigs rgyan sogs las bshad do/ /gnyis pa gsum du
dbye ba bshad pa la/ gzhan yang mngon brjod bdag lta dang/ srid
pa'i yan lag bag chags gsum/ /zhes gsungs/ don

mngon par brjod pa ste mig mig ces dang/ gzugs gzugs zhes sogs
kyi brjod pa'i rnam pa can gyi yid shes kyi sa bon dang/ bdag tu
lta ba'i bag chags dang/ sring pa'i yan lag gi bag chags gsum du
dbyer yod ces pa'o/ /de la bag chags dang po ni

'jog byed tshogs dang/ las yid shes kho nas 'jog la/ tha snyad
sna tshogs 'dogs pa'i yid shes kyi rgyu'i rkyen no/ /'di la spros
pa'i bag chags zhes kyang zer te/ yid shes yul sna tshogs la
'phro ba'i sa bon yin pa'i phyir/ de ltar yang theg bsdus las/

@218b de la lus dang lus can dang za ba po'i rnam par rig pa
gang yin pa dang/ des nye bar spyod par bya ba'i rnam par rig pa
gang yin pa dang/ de la nye bar spyod pa'i rnam par rig pa gang
yin pa dang/ dus dang grangs dang yul dang tha snyad kyi rnam
par rig pa gang yin pa de ni

mngon par brjod pa'i bag chags kyi sa bon las 'byung ba'i phyir
ro/ /zhes rnam rig bco lnga'i dang po dgu mngon brjod kyi bag
chags las 'byung bar gsungs shing/ de dgu'i nang du dbang shes
kyang yod pa ma yin nam/ yid shes kyi sa bon zhes ji ltar brjod
par rigs

zhe na/ nyes pa med de/ yid shes kyi sa bon zhes pa ni gtso bo'i
dbang du byas la/ 'dir bstan pa ni yang dag ma yin pa'i kun rtog
gis bsdus pa'i rnam rig yin la/ de la yang/ 'di ni lus so/ /'di
ni lus can no zhes sogs tha snyad 'dogs pa'i kun rtog gi rnam
rig ni

mngon brjod kyi bag chags las 'byung gi /gzhan gnyis las mi
'byung la/ lus dang lus can la sogs 'di dag kyang/ kun rtog de'i
yul yin pa la bsams nas mngon brjod kyi bag chags las 'byung bar
gsungs so/ /bdag lta'i bag chags ni nyon yid

mtshungs ldan dang bcas pas bzhag pa ste/ 'di ni bdag go /'di ni
gzhan no/ /'di ni bdag gi'o/ /'di ni gzhan gyi yin gyi/ bdag gi
ni ma yin no zhes sogs bdag dang gzhan du snang ba'i rnam rig
'byung ba'i sa bon te/ 'di la 'jig tshogs la lta ba'i bag chags

zhes kyang brjod de 'jig lta 'di las 'byung ba'i phyir ro/ /srid
pa'i yan lag gi bag chags ni 'phen byed dge ba'am mi dge ba'i
las kyis bzhag pa'i bag chags te bde 'gro sogs dang/ skye ba
dang 'chi bar snang ba'i rnam rig 'byung zhing/ 'di la rnam smin
gyi

bag chags zhes kyang bya ste/ 'di yongs su smin pa las rnam smin
'byung ba yin pa'i phyir ro/ /gsum pa bzhi tshan gnyis su dbye
ba'i dang po ni/ thun mong thun mong ma yin dang/ /tshor dang
bcas dang tshor med pa'i/ /sa bon rnam bzhi/ zhes rkang pa phyed
dang gsuM

@219a @#/ /gsungs/ don ni/ thun mong ba ste las mthun par bsags
pa las byung ba phyi snod kyi 'jig rten 'grub pa'i sa bon dang/
thun mong ma yin pa ste las mi mthun pa bsag pa las byung ba
nang bcud kyi sems can 'grub pa'i sa bon dang/ tshor ba dang bcas

pa ste/ sems kyis zin pa nang gi bcud 'grub pa'i sa bon dang/
tshor ba med pa phyi'i snod 'grub pa'i sa bon te phyi ma gnyis go
rim zlog pa ni snga ma gnyis kyi rnam grangs tsam yin gyi dang
po gnyis las logs su med do/ /bzhi tshan gnyis pa ni/ gnas ngan
len/ shin tu

sbyangs dang spyad zin dang/ /ma zin pa dang bzhi ru'ang gsungs/
/zhes gsungs/ don ni/ sa bon la drug tshan sogs su dbye ba yod
par ma zad/ rtsa nyon dang nye nyon sogs gnas ngan len gyi sa
bon dang/ 'jig rten pa'i chos dge ba dad sogs kyi sa bon shin tu
sbyangs pa

dang/ spyad zin pa ste rnam par smin zin pa dang/ spyang ma zin
pa ste rnam par smin dgos kyi sa bon te bzhi ru yod par gsungs
so/ /spyang zin ma zin gyi don la kha cig /smin zin pa ni bag
chags gsar pas gso ba byar mi nus pas na spyang zin pa'ang/ smin
ma zin pa

ni bag chags gsar pas gso bar byar yod pas na spyad ma zin par
'jog gsung mod/ theg bsdus kyi dgongs pa min par rje nyid kyis
bzhed do/ /gsum pa de rten dang rdzas gcig /tha dang gang yin
bshad pa la/ kho na re/ de lta bu'i bag chags sam sa bon de rang

gi rten rnam smin gyi rnam shes dang rdzas gcig tha dad gang yin
zhe na/ bag chags de yang rten las ni/ /rdzas gcig tha dad gang
yang min/ /zhes gsungs/ don ni/ brten pa sa bon gyi kun gzhi 'am
kun gzhi'i steng gi bag chags de yang/ rten kun bzhi rnam shes
las ni rdzas gcig dang/ rdzas tha dad pa gang yang ma yin no
zhes dam bca' ba mdzad nas/ de las ldog pa la gnod byed bstan pa
ni/ /sa bon dmigs rnam yod pa dang/ /'gro ba lnga yis sa bon
rnams/ /'chol ba nyid du 'gyur ba dang/ /khams kyang 'chol phyir

@220b gcig nyid min/ /zhes gsungs/ don ni/ kun gzhi'i steng gi
bag chags dang/ kun gzhi gnyis rdzas yod kyi gcig tu khas blangs
pa la skyon ci yod ce na/ skyon gsum ste 'di ltar/ brtan pa sa
bon gyi kun gzhi chos can/ khyod la dmigs pa dang rnam pa yod
par thal/ rang gi

rten kun gzhi'i rnam shes dang rdzas gcig yin pa'i phyir/ lha la
sogs pa'i 'gro ba lnga 'grub par byed pa'i sa bon rnams chos
can/ phan tshun 'chol ba ste/ lha'i 'gro ba 'grub pa'i sa bon de
dmyal ba'i 'gro ba 'grub pa'i sa bon sogs su 'gyur bar thal/ de
rnams rang gi

rten kun gzhi'i rnam shes skad cig ma rdzas cha shas 'byed du
med pa gcig gi rang bzhin yin pa'i phyir/ 'o na lhas byin gyi
yid kyi rnam shes dang/ mchod sbyin gyi yid kyi rnam shes gnyis/
yid kyi rnam shes dang rdzas gcig gam tha dang/ dang po ltar na
de gnyis kyang

rdzas gcig tu 'gyur te/ de gnyis yid kyi rnam shes dang rdzas
gcig yin pa'i phyir/ gnyis pa ltar na mi 'thad de/ de gnyis yid
kyi rnam shes kyi bye brag yin pas de dang bdag nyid gcig yin
la/ bdag nyid gcig la rdzas tha dad yin pa ni mo sham gyi bu
dang mtshungs

so snyam na/ dogs pa de'i skyon med de lha'i skye ba 'grub pa'i
sa bon dang rdzas gcig tu song ba'i kun gzhi'i rnam shes kyi cha
gang yin pa de dang mi'i skye ba 'grub pa'i sa bon gnyis rdzas
gcig yin na lha mi'i skye bar 'grub pa'i sa bon gnyis 'chol bar
'gyur la/

yid kyi rnam shes la rdzas cha shas 'byed du yod pas lhas byin
gyi rnam shes dang rdzas gcig tu song ba'i cha gang yin pa/
mchod sbyin gyi rnam shes dang rdzas gcig min la/ de bzhin du
mchod sbyin gyi rnam shes dang rdzas gcig du song ba'i cha gang
yin pa de/ lhas byin

gyi rnam shes dang rdzas gcig ma yin pas de gnyis rdzas gcig tu
'gyur ba'i skyon med la/ kun gzhi dang ni mi 'dra ste/ /lha'i sa
bon dang rdzas gcig du song ba'i kun gzhi yod na kun gzhi de'i
steng du mi'i sa bon ni yod dgos te/ de 'gro ba lnga'i sa bon
'dzin pa'i@221a @#/ /rnam smin gyi rnam shes yin pa'i phyir ro/ /de 'dod na
de 'dra'i kun gzhi dang/ de'i steng gi mi'i sa bon gnyis kyang
rdzas gcig du 'gyur la/ de 'dod na de 'dra'i lha mi'i sa bon
gnyis kyang rdzas gcig tu 'gyur ba'i skyen yod pa yin no/ /des
na lhas byin

gyi yid kyi rnam shes de yid kyi rnam shes kyi ngo bo yin pas de
yid kyi rnam shes dang rdzas gcig yin kyang/ yid kyi rnam shes
de lhas byin gyi yid kyi rnam shes kyi ngo bor ma grub pas de de
dang rdzas gcig min no/ /'dir rje nyid kyi 'grel ba'i dpe rnams
las/ ji ltar zhe na/

rten gcig la 'gro ba lnga'i sa bon yong pa da dus mnyam du ni
yod dgos la de dag kyang rten de'i kun gzhi'i rnam shes skad cig
ma gcig dang rdzas gcig par khas len dgos shing skad cig de la
cha shas med pas na sa bon lnga po de rdzas cha shas med pa gcig
tu 'gyur

te shes pa cha med gcig gi rang bzhin yin pa'i phyir ro/ /zhes
dang/ yang de ma thag tu ji ltar zhe na/ rten gcig la 'gro ba
lnga'i sa bon yod pa de dus mnyam du ni yod dgos la de dag kyang
rten de'i kun gzhi'i rnam shes skad cig ma gcig dang rdzas gcig
par khas

len dgos shing skad cig de la cha shas med pas na sa bon lnga po
de rdzas cha shas med pa gcig tu 'gyur te/ shes pa cha gnyis
gcig gi rang bzhin yin pa'i phyir ro/ /zhes shes pa cha med ces
pa dang shes pa cha gnyis zhes pa gnyis mi 'dra ba ma gtogs

thams cad 'dra bar lan gnyis bzlas pa ni dpe lhag par sems so/
/kha cig khyed kyis bshad pa de mi 'thad de/ rje nyid kyis des
na ji srid gsal ba rnams las ma gtogs pa'i spyi rdzas su grub pa
zhig 'dod pa de srid du rdzas gcig dang tha dad brtags pa'i
skyon

gnyis po spang bar mi nus so zhes dang/ rdzas gcig tu khas
blangs nas cha gnyis 'dod pa la 'gal ba med na yan lag dang/ yan
lag can gnyis rdzas gcig pa sangs rgyas kyis kyang dgag par mi
nus so/ /zhes pa dang 'gal lo zhe na lung snga ma'i don ni/ dper

@222b na khang chung ka bzhi ma zhig gi nang du ka ba bzhi yod
pa'i de'i nang gi shar ngos kyi ka ba sogs re re nas nas de'i
nang gi ka ba'i bye brag yin la/ de'i nang gi ka ba de de'i nang
gi shar gyi ka ba sogs la khyab pa'i spyi yin mod/ mu stegs pa'i
'dod pa ltar de'i nang gi shar gyi ka ba sogs la

rjes su 'gro ba'i spyi de rdzas yod dang/ shar gyi ka ba sogs la
rjes su 'gro ba'i cha gang yin nub kyi ka ba la rjes su 'gro ba
sogs dang/ de'i nang gi ka ba bzhi las gud du yod par 'dod pa de
srid du/ de'i nang gi ka ba rnams de'i nang gi ka ba dang rdzas 

gcig na ka ba kun rdzas gcig tu 'gyur la/ rdzas tha dad na/ de'i
nang gi ka ba rnams de'i nang gi ka ba ma yin par 'gyur ba'i
skyon sdang mi nus pa dang/ lung phyi ma'i don ni/ dper na/
gzugs lta bu bum pa dang rdzas gcig tu gyur pa'i dngos por 'dod
nas/ yang de la ka ba la rjes su 'gro ba'i cha dang mi

'gro ba'i cha gnyis 'dod pa la 'gal ba med na yan lag can lhas
byin lta bu rang gi yan lag lag pa dang rdzas gcig pa'i dngos
por khas blangs nas yang de la cha gnyis yod ces pa sangs rgyas
kyis kyang dgag mi nus zhes pa yin nam snyam/ khams kyang 'chol

ba ste gzugs khams lta bu'i lha'i rnam smin 'grub pa'i sa bon
'dod pa'i kun gzhi la bzhag pa de chos can/ 'dod khams kyi sar
gtogs par thal/ rang gi rten 'dod khams kyi kun gzhi dang rdzas
gcig yin pa'i phyir/ zhes pa la sogs pa'i rigs pa du mas gnod
pa'i

phyir/ rdzas yod kyi gcig nyid min zhes pa'o/ /yang rdzas tha
dad na'ang gnod pa 'di ltar yod ces bstan pa la/ rten gcig la ni
kun gzhi gnyis/ /yod par 'gyur bas so so min/ /zhes gsungs/ don
ni/ de lta bu'i sa bon de gzugs dang ldan min 'du byed ma yin
te/

gzugs med na yod pa'i phyir dang/ rdzas yod yin pa'i phyir/ yang
de tshogs bdun po gang yang ma yin te/ de med pa'i gnas skabs
'gog pa'i snyoms 'jug lta bu'i skabs su yang 'jug pa'i phyir/
des na kun gzhi rnam shes gnyis pa zhig tu 'gyur la/ de ltar na
rten

@223a @#/ /gcig la ni kun gzhi rnam shes gnyis dus mnyam du so
sor yod pa de'i phyir rten gcig kyang rgyud du ma nyid du 'gyur
ro/ /des na rdzas yod kyi tha dad ste so sor min zhes pa'o/ /kho
nar ma nges te sems gcig la 'khor sems byung du ma 'byung ba
dang/ kun

gzhi dang tshogs bdun mnyam du yod kyang rgyud du mar mi 'gyur
ba'i phyir snyam yang/ sems byung rnams ni gtso sems gcig la
brten nas 'jug pa dang/ tshogs bdun kyang kun gzhi gcig la bltos
nas 'jug la/ kun gzhi ni brtan pa rang dbang can gyi shes pa yin
pa'i

phyir ro/ /'o na khyod kyis phyogs gnyis ka la gnod pa bstan pas
kun gzhi'i rnam shes dang/ de'i steng gi bag chags gnyis ji ltar
gnas zhe na/ des na rten las de nyid dang/ /gzhan du brjod du
med pa ste/ /btags yod tsam du gnas phyir ro/ /zhes phyogs gnyis
gang du khas

blangs kyang rigs pas gnod pa de'i phyir bag chags de rang gi
rten kun gzhi'i rnam shes dang/ rdzas yod kyi de nyid dang/
rdzas yod kyi gzhan gang du yang brjod du med par gnas pa shes
par bya ste/ btags yod tsam du gnas pa'i phyir ro/ /mdor na bag
chags dang de'i rten gnyis

rdzas yod kyi gcig ma yin/ rdzas yod kyi tha dang ma yin zhes
pa'i don yin te/ de rang gi rten dang rdzas yod kyi gcig yin na
nges par don gcig du 'gyur ba la dgongs nas/ sa bon dmigs rnam
yod pa dang zhes dang/ khams 'chol ba'i thad du dka' 'grel las/

gsar du bzhag pa'i sa bon de 'dod khams kyi kun gzhi'i rnam shes
yin pa'i phyir ro/ /zhes gsungs pa'i phyir/ mkhas pa rnams kyis/
slob dpon chos kyi grags pas dngos po yan na rdzas su grub pas
khyab pa bzhed cing/ thogs med sku mched dngos po la rdzas su
grub ma grub

gnyis 'dod pa yin te/ rje nyid kyis slob dpon 'di sku mched
dngos po la rdzas btags gnyis su 'byed de/ ldan min 'du byed
'dus byas su bzhed la rdzas su mi bzhed pa'i phyir ro/ /zhes
dang/ gong du de nyid rdzas gcig ldog pa tha dad du 'dod pa ni
gzhung lugs gzhan gyi

@224b chos skad 'chugs pas na rang skad ma thon pa yin no/ /zhes
gsungs pas shes so zhes gsungs kyang/ tshig zin la brtags na de
'dra zhig 'dug mod/ rje'i dgongs pa ni shin tu rtogs par dka'
zhing 'grel pa'i tshig kyang brling bas thag bcad ma snga bar da
dung zhib du sems dgos pa

yod do/ /rdzas yod la sgras brjod kyis dbye na/ don byed nus
pa'i rdzas yod/ rang rkya thub pa'i rdzas yod/ brtan pa mi 'gyur
ba'i rdzas yod dang gsum yod/ dang po dang 'dus byas don gcig
/gnyis pa dang rdzas yod kyi chos rnams don gcig /gsum pa ni
'dus ma byas kyi nam mkha'

dang 'gog bden sogs la 'jog cing/ btags yod la yang rtogs pas
btags tsam gyi btags yod/ gdags gzhi gzhan la brten pa'i btags
yod/ rang nyid gzung ba chos gzhan gzung ba la bltos dgos pa'i
btags yod dang gsum yod/ phyi ma dang btags yod

don gcig go /de ltar yang bsdu ba las/ gang ci yang rung ste de
las gzhan pa dag la mi bltos shing/ de las gzhan pa dag la mi
brten par rang gi mtshan nyid 'dogs par byed pa de ni mdor na
rdzas su yod pa yin pa rigs par bya'o/ /gang ci yang rung ste de
las gzhan

pa dag la bltos shing/ de las gzhan pa dag la brten nas rang gi
mtshan nyid 'dogs par byed pa gang yin pa de ni btags pa'i yod pa
yin par rig par bya'o/ /zhes rang nyid gzung ba chos gzhan gzung
ba la bltos dgos mi dgos kyi sgo nas 'jog la/ de yang gang

zag lta bu btags yod dang/ dbang po'i spyod yul du gyur pa'i
gzugs dang/ sgra dang dri ro reg bya rnams rdzas yod dang/ shes
pa thams cad rdzas yod yin zhes mthun par gsungs kyang/ mig shes
kyi gzung byar gyur pa'i gzugs la rdzas btags gnyis yod de sngon

po lta bu rdzas yod dang ring thung lta bu btags yod yin te/
ring po la bltos nas thung ngu dang/ thung ngu la bltos nas ring
po 'jog pas btags yod yin/ reg bya la yang grang dro lta bu
rdzas yod dang/ bum pa lta bu btags yod yin/ shes pa la yang
lcang skya rin po

@225a @#/ /ches/ tshugs thub kyi shes pa rnams rdzas yod yin
gsungs pas/ tshugs mi thub pa khro ba 'khon 'dzin 'chig pa phrag
dog rnam 'che rnams khong khro la btags pa dang/ ser sna rgyags
pa rgod pa rnams 'dod chags la btags pa dang/ 'chab pa

g.yo rgyu gnyid rmugs rnams gti mug la btags pa yin pas/ shes
pa la btags yod mang du yod do/ /btags yod la yang gang zag
thams cad dang ldan min 'du byed thams cad rtag pa thams cad
'jog gsungs kyang/ gang zag gi rang ldog btags yod yin kyang/

gzhi ldog la rdzas yod 'ong ste kun gzhi'i rnam shes rdzas yod
yin pa'i phyir/ 'di ltar bshad pa la kha cig 'di snyam du dogs
te/ tshugs thub kyi shes pa rnams rdzas yod yin na/ de rnams rang
rkya thub pa'i rdzas yod du 'gyur te rdzas yod dang rang rgya
thab pa'i rdzas yod gnyis

don gcig phar sngar smras shing/ de rnams rdzas yod du 'dir
smras pa'i phyir/ 'dod na/ de rnams rang rkya thub pa'i rdzas
yod kyis stong pa de rnams gang zag gi bdag gis stong pa'i don
ma yin par 'gyur zhing/ de rnams bdag gis stong pa'i don gzhan
pa yang mi rnyed pa'i phyir

ro/ /zhe na mi rnyed pa ma grub ste/ de rnams shes par byed pa
po dang/ de rgyud la ldan pa po'i gang zag rang rkya thub pa'i
rdzas yod kyis stong pa de rnams gang zag gi bdag gis stong pa'i
don yin pa'i phyir/ zhib par lcang skya rol pa'i rdo rjes mdzad
pa'i grub mtha' las shes par

phyos dang ngo mtshar ba mang du 'byung ngo/ /bzhi pa bag chags
kyi ngo bo gang yin dpyad pa la/ 'jog byed dge sogs gang yin
kyang/ /bzhag pa'i bag chags lung ma bstan/ /zhes gsungs/ don
ni/ bag chags 'jog byed dge mi dge lung ma bstan gsum po gang
yin kyang/

de dag gis bzhag pa'i bag chags rnams ni 'dra bar lung ma bstan
du shes par bya zhing/ ma bsgrobs la zhes bya ba ni tshig gi lhag
ma'o/ /kho na re/ de mi 'thad par thal/ de ltar 'dod pa lung
dang rigs pa dang 'gal ba'i phyir/ lung dang 'gal ba ni kun las
btus las

@226b rjes su 'brel ba'i dag pa gang zhe na/ de dag nyid kyi bag
chags so/ /zhes 'jog byed dge bas bzhag pa'i bag chags rjes
'bral gyi dge ba dang/ yang rjes su 'brel ba'i mi dge ba gang
zhe na/ de dag nyid kyi bag chags so/ /zhes mi dge ba'i bag
chags rjes 'brel gyi mi dge bar gsungs

pa'i phyir/ rigs pa dang yang 'gal te/ dge mi dge'i bag chags
rnams chos can/ rnam smin gyi rgyu mi byed par thal/ lung ma
bstan yin pa'i phyir/ ma nges pa ma yin te/ rnam smin rgyu ni mi
dge dang/ /dge ba zag bcas rnams kho na/ /zhes 'byung ba'i
phyir/ dge mi dge'i sa

bon rnams chos can/ rgyu mthun gyi 'bras bu mi bskyed par thal/
rgyu lung ma bstan yin la 'bras bu dge mi dger lung du bstan pa
yin pa'i phyir/ sdom pa thob nas ma btang gi bar du dge ba rgyun
chags su mi 'byung bar thal/ tshogs drug 'gag pa'i tshe/ de'i
rgyud la sdom

pa'i bag chags yod kyang/ de dge ba ma yin pa'i phyir/ zhe na/
de'i lan du/ dge dang mi dge mtshan nyid par/ 'dod la sgrub par
byed pa med/ /ces gsungs/ don ni/ khyed kyis lung dang rigs pa
dang 'gal ba bstan pa des ni kho bo cag la cung zad kyang gnod
par mi 'gyur te/

'di ltar kun las btus las/ bag chags rjes 'brel gyi dge mi dger
gsungs kyi/ dge mi dge mtshan nyid par ma gsungs la/ rjes 'brel
gyi dge sogs dge sogs mtshan nyid pa yin na rjes 'brel gyi gzugs
kyang/ gzugs mtshan nyid par 'gyur la/ de

ltar na gzugs med na gzugs yod par 'gyur te/ de na rjes 'brel
gyi gzugs yod pa'i phyir te/ de na gzugs kyi bag chags yod pa'i
phyir/ rnam smin gyi rgyu mi byed par thal/ zhes pa la yang
brtags te/ rnam smin 'phen byed ma yin par thal/ zhes pa yin na/

'dod pa yin te de dag 'jog byed dge mi dges 'phangs zin pa yin
pa'i phyir/ rnam smin mi bskyed par thal/ zhes pa yin na ma nges
te/ kun gzhi'i rnam shes skad cig ma snga ma yang lung du ma
bstan par mi 'gyur te/ de skad cig gnyis pa'i rgyu yin pa'i
phyir ro/ /

@227a @#/ /rnam smin rgyu ni mi dge dang zhes pas kyang mi gnod
de/ rnam smin 'phen byed kyi rgyu la dgongs pa'i phyir/ rgyu
mthun mi bskyed par thal bas kyang mi gnod de/ bag chags de'i
rgyu mthun 'bras rnams bag chags de nyid 'jog byed dang mthun pa
yin la/ de tsam

gyi rgyu mthun pa'i don tshang ba'i phyir sdom pa rgyun chags su
ma 'byung bar thal bas kyang mi gnod de/ 'chal khrims kyi rgyun
sdom pa'i nus pa yod na de tsam gyis sngar blangs pa'i sdom pa
yod par bzhag nus la/ de ni sems med kyi gnas skabs su yang 'jug
pa'i phyir

des ni bag chags dge mi dge mtshan nyid par 'dod par la/ lung
rigs kyi sgrub par byed par med do/ /'di dka' 'grel gyi dpe
rnams las/ gzhan du kun gzhi rnam shes kyi skad cig ma snga ma
yang lung du ma bstan par 'gyur ro zhes 'byung ba ni dgag tshig
chad par gsal

te/ de lung ma bstan du 'dod pas de mi 'dod pa'i thal bar
'phangs pas ci zhig bya/ pha rol pos kyang 'dod pa'i lan 'debs
pa'i phyir ro/ /lnga pa bag chags 'jog tshul bshad pa la/ 'o na
bag chags de dag kun gzhi la gdod nas gnas pa zhig gam/ 'jog
byed kyis gsar

du bzhag pa zhig gam/ de la de gnyis ka yod ce na/ bag chags
'jog pa'i tshul la gsum/ chos nyid kyis gnas sngon med bskyed/
/de dag gnyis kar 'dod pa'o/ /zhes gsungs/ don ni/ rnal 'byor
spyod pa'i slob dpon rnams la lugs gsum byung/ 'di ltar slob
dpon

chos skyong dang/ don gsang mkhan po rnams kyis bag chags rnams
ni sgo byed la mi bltos par chos nyid kyis gnas pa yin cing/
'jug shes rnams kyis rnying po gso ba 'ba' zhig yin zhes dang/
slob dpon zla 'od sogs kyis ni/ sgo byed kyis gsar du bzhag pa
kho na

yin gyi/ chos nyid kyi gnas pa med par 'dod pa dang/ slob dpon
gzhan gyis ni bag chags la chos nyid kyis gnas pa dang/ gsar du
bzhag pa gnyis ka yod par 'dod pa'i lugs gsum las/ 'dir phyi ma
gzung bar bya'o/ /de la zag med kyi sa bon ni/ 'jog byed

@228b kyis gsar du bzhag pa ma yin par gdod ma nas kun gzhi la
gnas pa zhig ste/ 'di la rang bzhin gnas rigs zhes bya'o/ /zag
med kyi sa bon thos sogs kyis bsos btab pa na de rgyas 'gyur
dang/ rang bzhin gnas rigs gnyis kar 'dod do/ /ci'i phyir 'di la
thos pa'i bag chags

zhes bya zhe na/ sangs rgyas dang byang chub sems dpa' rnams
dang phrad nas gsung rab yan lag bcu gnyis lta bu rnams thos
pa'i gnas su gyur pa'i phyir ro/ /ci'i phyir rang bzhin du gnas
pa'i rigs zhes bya zhe na/ 'jog byed kyis bzhag pa ma yin par
dang po nas chos nyid

kyis gnas pa'i phyir ro/ /ci'i phyir skyed mched drug gi khyad
par zhes bya zhe na/ rang gang gi rgyud la ldan pa de'i skye
mched drug gzhan gyi skye mched drug las khyad par du byed pa'i
phyir ro/ /rgyu mthun nam rigs mthun gyi sa bon dang/ rnam smin
gyi sa bon gnyis ni 'jog byed dge mi dge

lung ma bstan gsum gyis gsar du bzhag pa yin pas chos nyid kyis
thob pa ma yin no/ /'di ni 'jog byed kyis gsar du bzhag ma bzhag
la chos nyid kyis thob pa dang/ gsar du bzhag pa'i dbang du byas
pa yin la/ thog ma yod med la byed na/ /rigs ni thog ma med pa
yin la/

rnam smin gyi sa bon dang/ rigs mthun gyi sa bon gnyis ni rim pa
bzhin du rgyu mthun bsgo mkhan de yang/ rgyu mthun gyi sa bon
las byung shes/ de 'dra'i rgyu mthun gyi sa bon snga ma de bsgo
mkhan yang de'i sngon gyi rgyu mthun gyi sa bon las byung ba'i
phyir/ thog ma mi rnyed pa'i rigs

mthun gyi sa bon gyi thogs ma med kyang/ 'jog byed dge mi dge
lung ma bstan gyis gsar du bzhag pa'i rigs mthun gyi sa bon gyi
thog ma yod pa yin no/ /de bzhin du rnam smin gyi sa bon la thog
ma yod na 'khor ba la thog ma yod par 'gyur la/ bye brag la thog
ma med

na 'phen byed kyi las kyis rnam smin kyi sa bon ma bzhag par
'gyur ro/ /nges na rigs mthun dang rnam smin gyi sa bon gnyis
kyi spyi la thog ma med la/ bye brag la yod pa yin te/ dper na/
spyir 'khor ba la thog ma med kyang/ bye brag lhas byin gyi nyer
len gyi phung po lta bu

@229a @#/ /'khor ba yin kyang de la thog ma yod pa bzhin no/ drug
pa sgra bshad pa la/ brten pa sa bon gyi kun gzhi la ci'i phyir
kun gzhi zhes bya zhe na/ kun nas nyon mongs chos thams cad/
/rgyu'am 'bras bu'i dngos po ru/ /sbyor ba'i phyir na kun
gzhi'o/ /zhes

gsungs/ don ni/ spyir kun gzhi zhes 'byung ba ni/ 'dir chos kun
sbyor ba'i phyir yin la/ bye brag tu kun gzhi sa bon gyi cha la
kun gzhi zhes brjod pa'i rgyu mtshan yod de/ kun gzhi sa bon gyi
cha de/ nyon mongs pa'i kun nas nyon mongs pa dang/ las kyi kun
nas nyon mongs pa

dang/ skye ba'i kun nas nyon mongs pa ste/ kun nas nyon mongs
pa'i chos thams cad kyi rgyu'i dngos por 'dir sbyor ba'am/ yang
na de dag 'di'i 'bras bu'i dngos por 'dir sbyor ba'i phyir na
kun gzhi zhes brjod do/ /de yang brten pas sa bon kyi kun gzhi
de kun nyon gyi chos

kun gyi rgyu'i rkyen yin te/ de la chos de dag gi sa bon yod pas
de las 'bras bu de dag 'byung ba'i phyir ro/ /bdun pa ldog dus
ni/ rten rnam smin gyi kun gzhi dang brten pa sa bon gyi kun
gzhi gnyis ji tsam 'jug cing/ ji tsam nas ldog ce na/ de phyir
dbang thob dgra bcom

la/ kun gzhi yod pa ma yin te/ /'jog byed gnyis po med phyir ro/
zhes gsungs/ don ni/ sa bon gyi kun gzhi la kun gzhir 'jog pa'i
don kun nyon gyi chos kun rang gi 'bras bu'i dngos por ram/ rang
nyid de dag gi rgyu'i dngos por sbyor ba'i rgyu mtshan gyis yin

pa bshad ma thag pa dang/ rnam smin gyi kun gzhi kun gzhir 'jog
pa'i don/ 'gro ba kun 'dir nyon yid kyis bdag du sbyor ba'i rgyu
mtshan gyis yin par sngar 'di la bdag tu ni/ sbyor ba'i phyir na
kun gzhi'o/ /zhes pa'i skabs su bshad pa de yi phyir/ /rnam par
mi rtog pa'i

ye shes la dbang sgyur thob pa'i sa brgyad pa ba yan gyi theg
chen 'phags pa dang/ nyan rang dgra bcom pa rnams la rten rnam
smin dang/ brten pa sa bon gyi kun gzhi gnyis po gang yang yod
pa ma yin te/ de dag la de gnyis kun gzhir 'jog pa'i 'jog byed
sngar bshad

@230b ba de gnyis gang yang med pa'i phyir/ zhes pa'o/ /des na
sa brgyad pa thob nas nyon mongs pa'i sgrib pa ma lus pa spangs
par shes par bya ste/ rje nyid kyis/ dbang thob pa'i byang chub
sems dpa' sa brgyad pa yan chad dang/ nyan thos dang/ rang sangs
rgyas dgra bcom pa rnams

la bye brag tu kun gzhi sa bon gyi cha med la/ spyir kun gzhi
rnam shes med de/ nyon mongs pa ma lus pa spangs pas kun gzhir
'jog byed gnyis po gang yang med pa'i phyir ro/ /zhes gsungs/
mngon pa kun btus kyi lugs la yang/ sa brgyad pa thob nas nyon
mongs spang

bar 'dod par thal/ bsdu ba dang/ theg bsdus kyi lugs la de ltar
'dod pa'i phyir/ 'dod mi nus te/ kun btus las/ de'i byang chub
thob pa na/ nyon mongs pa dang shes bya'i sgrib pa cig car spong
ngo/ /cig car dgra bcom pa dang/ de bzhin gshegs par 'gyur ro/
/zhes

gsungs pa'i phyir ro/ /des na kun btus kyi lugs la kun gzhi dang
nyon yid ldog tshul/ theg bsdus sogs dang mi mthun pas de las
gzhan du byed dgos/ bag chags gsum gyi ldog tshul ni/ srid pa'i
yan lag gi bag chags rnam smin gyi 'bras bu ma byung bar du

'jug cing/ de byung ba dang ldog pa yin la bdag lta'i bag chags
dang/ nyon mongs can gyi spros pa'i bag chags ni/ dngos kyi
gnyen po ma byung gi bar du 'jug cing de nas ldog go /dge ba
dang lung ma bstan gyi spros ba'i bag chags ni theg dman gyi
dbang du byas na lhag

med myang 'das kyi bar 'jug cing de nas ldog /theg chen gyi ni
sangs ma rgyas kyi bar du 'jug cing/ de nas ldog pa yin no/ /'o
na dbang thob pa'i byang sems dang/ dman pa'i dgra bcom pa rnams
kyi rgyud la kun gzhi dang nyon yid med na/ de dag gi rgyud la
rnam shes tshogs

brgya med par 'gyur ro zhe na/ nyes pa med de/ de dag gi rgyud
la bdun yid dang/ rnam smin gyi rnam shes yod pas so/ /des na
rnam smin gyi rnam shes nyid nyon mongs ma spang gi bar kun
gzhi'i rnam shes dang nyon mongs nam spangs pa na rnam smin gyi
rnam shes su 'jog@231a @#/ /pa yin par shes par bya'o/ /des na kun gzhi yod la
'jug shes med pa'i mu ni sems med kyi gnas skabs lnga'o/ /'jug
shes yod la kun gzhi med pa'i mu ni dbang thob pa'i byang sems
dang dgra bcom pa'i gnas skabs so/ /gnyis ka yod

pa ni de las gzhan sems yod kyi dus so/ /gnyis ka med pa ni/
nyon mongs spangs pa'i gang zag 'gog pa la zhugs pa'i dus so/
/de ltar rten gyi khyad par la sogs pa'i sgo nas brten pa sa bon
gyi kun gzhi'i ngo bo nges par 'gyur bas/ de dag la sa bon gyi
kun gzhi'i

mtshan nyid kyi ming gis btags par shes pa bya'o/ /gnyis pa nyon
yid kyi mtshan nyid bshad pa la/ dmigs rnam bshad pa/ ngo bo nges
pa/ grogs nges pa/ 'jug ldog gi dus bstan pa bzhi yod pa las/
dang po ni 'o na nyon yid kyi mtshan nyid de ji lta bu zhe na/
nyon mongs

can yid mtshan nyid ni/ /kun gzhi rnam smin cha nyid la/ /bdag
lta/ zhes gsungs/ don ni nyon yid kyi mtshan nyid bshad pa de la
ni dmigs rnam ngo bo grogs dang bzhi yod pa las/ dmigs pa ni kun
gzhi rnam smin gyi cha kho na la dmigs nas/ rnam pa dal bdag tu

lta ba ste bdag tu rloms pa'o/ /de yang rnam smin gyi rnam shes
de snang nas yul du mi byed kyang/ de la brten nas nyo na yid la
bdag tu 'khrul pa skye bas de yul du bzhag pa yin no/ /gnyis pa
ngo bo bshad pa la/ 'o na nyon yid de dge sogs lung ma bstan
gang yin zhe na/

bsgribs la lung ma bstan/ /zhes gsungs/ don ni/ nyon yid de rang
gi 'khor rtsa ba'i nyon mongs pa bzhis rnyog rnyog por byas pas
na bsgribs pa dang/ dge mi dger 'dod pa la gnod par byed pa
mthong bas lung ma bstan du shes par bya'o/ /bsgribs ma bsgribs
kyi don la

kha cig kun gzhi'i rnam shes la ma bsgribs pa dang/ nyon yid la
bsgribs pa zhes pa'i don yod de/ dang pos 'phags pa'i mnyam
gzhag la mi bsgrib cing/ phyi mas bsgribs pa'i phyir zhes pa
dang/ nyon yid ma spangs par thar pa mi thob pa la bsams nas
thar pa la

@232b bsgribs pas na bsgribs pa zhes bya zhes gsungs/ 'o na
'phags pa'i yid dge ba dang/ lung ma bstan g.yeng ba'i char
gyur pa rnams chos can/ bsgrib pa yin par thal/ 'phags pa'i
mnyam gzhag la bsgribs pa'i phyir/ khyab pa mkhas/ bsod nams
dang mi g.yo ba'i las chos

can/ bsgribs pa yin par thal/ thar pa la bsgribs pa'i phyir te/
de dag ma spangs par thar pa mi thob pa'i phyir/ des na skabs
'di'i bsgribs ma bsgribs kyi don chos rang nyid gzhan gyis tshur
bsgribs ma bsgribs yin gyis/ des gzhan la bsgribs ma bsgribs kyi
don ma

yin no/ /'o na de dge mi dger 'dod pa la gnod pa ci zhig yod ce
na/ 'di ltar ci 'di dge ba dang mi dge ba yin na mi dge ba dang
dge ba'i sems so skye la mngon gyur du 'byung mi srid par thal/
'di 'phags lam ma skyes kyi bar tu rtag tu 'jug pa'i phyir/ gsum
pa gogs

nges pa la/ 'o na nyon yid kyi 'khor la du yod ce na/ reg dang
chags sogs dgu kho na/ zhes gsungs/ don ni/ nyon yid kyi 'khor
la dgu kho nar nges te/ reg pa sogs kun 'gro lnga dang/ chags
sogs te 'dod chags/ ma rag pa/ nga rgyal/ bdag lta bzhi ste dgu
kho na dang mtshungs

ldan du 'jug pa'i phyir/ 'di'i 'khor gyi tshor ba de tshor ba
btang snyoms yin te/ de lta min na so skye la yid bde'am yid mi
bde gtan du 'byung ba dang/ bsam gtan bzhi pa yan tshor ba bde
ba'i sa par 'gyur ba dang/ mnar med du'ang yid bde rgyun chags
su 'jug par

'gyur ba'i phyir/ bde ba'am sdug bsngal du rigs pa ma yin no/
/'di dga' ba'i rnam pa can du gsungs pa ni/ 'dod chags kyi dga'
rnam yin gyi tshor ba'i dga' rnam min no/ /kha cig 'di'i 'khor la
dgur ma nges te/ 'di'i 'khor du rnam g.yeng/ bag med pa/ rgod
pa/ ma

dad pa/ le lo/ rmugs pa ste drug snan pas bco lnga 'byung ba ma
yin nam zhe na/ de ltar 'byung mod/ rnam g.yeng ni 'di'i 'khor
gyi nga rgyal la btags pa dang/ bag med pa ni 'dod chags dang/
gti mug la btags pa dang/ rgod pa ni 'dod chags la btags pa
dang/ ma dang

@233a @#/ /pa/ le lo/ rmugs pa gsum ni gti mug la btags pas de
dag rang rang gi gdags gzhi las rdzas zur du med pa'i phyir nyes
pa med do/ kha zhan yang 'di'i 'khor la/ nyon mongs can ma yin
pa'i 'dod chags sogs bzhir gsungs pa ma yin nam

zhe na/ de ni theg dman slob pa mnyam gzhag pa'i rgyud kyi bdun
yid de nyon yid min kyang de'i 'khor du chags sogs dang ming
phyogs mtshungs pa bzhi 'byung zhing/ de dag sems byung nga gcig
gi nang dum 'dus pa'i phyir ma bgrangs ba yin no/ /ci nyon yid
'di rten gang

du skyes pa de'i sar gtogs pa yin nam ma yin zhe na/ sum cu par
gang du skyes pa de yi'o zhes gsungs pa'i don ltar yin no/ /'o
na 'dod pa'i rten la zhi rags kyi rnam pa can gyi lam gyis 'dod
pa la chags pa dang bral ba mi srid pa dang/ 'dod pa'i rten can
gyi phyir mi 'ong

gis 'dod pa'i 'dod chags ma spangs par 'gyur ro zhen nyes pa med
de/ 'dod pa'i so skye 'dod pa la chags pa dang bral ba yod ces
pa ni/ gtso bor 'khrig pa'i chags pa dang/ 'dod yon lnga la
chags pa sogs spang ba la byed la/ phyir mi 'ong gis 'dod pa'i
nyon mongs

spangs zhes pa ni/ 'dod nyon dgu pa la byed cing/ de ni drug
pa'i 'khor du 'byung gi bdun yid kyi 'khor la de 'dra'i tha
snyad mi 'thad pa'i phyir ro/ /bzhi pa 'jug ldog gi dus bstan pa
la/ /de lta bu'i nyon yid 'jug ldog gi dus gang zhe na/ 'gog pa
mnyam gzhag gnas

skabs dus/ /dpang thob dgra bcom mthar thug go /zhes gsungs/ don
ni/ 'di ldog pa'i dus la gnas skabs res 'ga' ba'i ldog dus dang/
mthar thug gtan du ldog pa'i dus gnyis/ dang po ni/ slob pa
'phags pa 'gog pa la mnyam par bzhag pa'i dus dang/

'phags pa rnams kyi mnyam gzhag gi dus so/ /gnyis pa ni dbang
thob pa'i byang sems sa brgyad pa yan dang/ nyan rang dgra bcom
pa'i dus so/ /de ltar yang sum cu pa las/ dgra bcom med/ 'gog
pa'i snyoms par 'jug na med/ /'jig rten 'das pa'i lam na

@234b med/ /'di ni gyur pa gnyis pa'o/ /zhes dang/ kun btus las/
de yang lam mngon du gyur pa dang/ 'gog pa la snyoms par zhugs
pa dang/ mi slob pa'i sa ma gtogs par dge ba dang mi dge ba dang
lung du ma bstan pa thams cad du 'gro ba dang/ gang yang rnam
par shes pa drug pa

rnams 'gags ma thag pa'i rnam par shes pa'o zhes gsung/ de ltar
byas na sems yid rnam shes gsum gyi yed de la ngar sems pa'i yid
dang/ de ma thag pa'i yid gnyis yod cing/ dang po la don dam
pa'i yid dang/ phyi ma la kun rdzob pa'i yid ces bya ste/ rim pa
ltar

rnam shes gzhan la ma ltos par rang rkya thub pa'i rdzas su yod
pa dang/ tshogs drug las gud na med pa'i phyir ro/ /de la dang
pos ni tshogs drug mtshan ma la 'ching ba'i gnas byas nas nyon
mongs pa'i zag pa dang bcas par byed la/ gnyis pas ni tshogs drug
gi de ma

thag rkyen byas nas rang 'gags stobs kyis rnam shes phyi ma skye
ba'i go 'byed pa ste/ de gnyis las phyi mas bskyed la/ snga mas
nyon mongs can du byed do/ /gal te dbang thob pa'i sems dpa'
dang/ dgra bcom pa dang/ 'phags pa'i mnyam gzhag gi dus na yid
shes kyang

med par thal/ de'i dus na yid shes kyi bdag rkyen nyon yid med
pa'i phyir/ gzhan yang de dag gis/ mnyam nyid ye shes thob par
thal/ nyon yid ldog pa'i phyir po zhe na/ de'i lan la/ nyon
mongs can du 'jog byed pa'i/ /gang zag 'dzin pa log gyur kyang/
/de yi rigs tsam

yod phyir dang/ /chos 'dzin skyed nus ma log phyir/ /yid shes
med dang mnyam pa nyid/ /thob pa'i skyon gnyis ring du spang/
/zhes gsungs/ don ni/ gang zag de dag gi rgyud la yid nyon mongs
can du 'jog par byed pa'i gang zag gi bdag du 'dzin pa log par
gyur

kyang/ de'i rdzas rgyun du gyur ba'i gsal rig tsam gyi yid yod
pas yid shes med pa'i skyon med la/ chos kyi bdag 'dzin bskyed
pa'i nus pa ma log pa'i phyir mnyam nyid ye shes thob pa'i skyon
gnyis ring du spang ngo/ /'o na de dag gi rgyud kyi bdun yid de
zag bcas

@235a @#/ /zag med gang zhe na/ rnal 'byor spyod pa'i slob dpon
kha cig gis/ de'i tshe nyon yid 'khor gyi 'jig lta sogs bzhi
'gags nas sa bon gyi ngo bor gnas pa'i bdun yid nyon mongs can
du byed pa'i chos med pa'i phyir zag med yin zhes 'dod kyang/

rang lugs slob dpon gzhan gyis bzhed pa ltar bdun yid 'di la
gang kun gzhi la bdag tu bltas nas nyon mongs bskyed pa'i nus pa
gcig dang/ tha snyad sna tshogs 'dogs pa'i yid shes skye ba'i
rkyen byas nas chos kyi bdag tu 'dzin pa shes sgrib bskyed pa'i
nus pa

gcig dang gnyis yod pa las/ dang po ni/ bdun yid nyon mongs can
'jog byed yin pas/ sa brgyad pa yan dang dgra bcom thob nas ldog
kyang/ chos su 'dzin pa skyed pa'i nus pa ma log pas de'i tshe
mnyam nyid ye shes thob pa'i skyon med de ye shes de ni dri ma
mtha' dag dang

bral ba las thob pa'i phyir ro/ /de'i phyir de dag gi rgyud kyi
bdun yid de chos 'dzin skyed pa'i nus pa la zag par byas nas
de'i dbang du byas pa'i zag bcas yin no/ /yang na 'di ltar bdag
med par mngon sum du ma mthong ba'i skabs su ni bdun yid de nyon
mongs pa

bzhis rtag tu nyon mongs par byed pa dang/ gang zag dang chos la
bdag tu 'dzin pa gnyis ka skyed pa'i nus pa dang ma bral ba'i
phyir zag pa dang bcas pa dang 'khor nyon mongs can gyi lta ba
sogs bzhi dang/ nyon mongs can ma yin pa'i lta ba sogs bzhi dang
mtshungs

ldan du 'jug la/ bdag med pa mngon sum du mthong ba de'i tshe ni
theg dman 'phags pa zhig yin na mnyam gzhag tu bdag med par
mngon sum du mthong bas 'khor nyon mongs can gyi lta ba sogs
dang mtshungs ldan du mi 'jug cing gang zag gi bdag tu 'dzin pa
dang

ma bcas pas de la zag par byas pa'i zag pa dang bcas pa ma yin
kyang/ de'i tshe chos kyi bdag tu 'dzin pa 'jug pas 'khor nyon
mongs can ma yin pa'i lta ba sogs dang mtshungs ldan du 'jug pas/
de'i dbang du byas pa'i zag bcas yin no/ /byang sems 'phags

@236b pa zhig yin na mnyam gzhag gi tshe bdag du 'dzin pa gnyis
char mi 'jug pas/ 'khor kun 'gro lnga las nyon mongs can dang
nyon mongs can ma yin pa'i lta ba sogs dang mtshungs ldan du mi
'jug pas bdag 'dzin gnyis la zag par byas pa'i zag pa dang ma
bcas pa'i phyir zag

med yin no/ /kho na re/ sangs rgyas kyis la yid shes kyi bdag
rkyen ji lta bu me long lta bu'i ye shes la bag chags sgod dam
mi sgong/ sgong na sangs rgyas snga ma rnams bag chags sgod yun
ring pas mthu che la sangs rgyas phyi ma rnams de las mthu chung
ngur 'gyur ba dang/ bag

chags sgo gzhi la lung ma bstan dgos zhes sngar dam bcas pa la
gzhan gyis 'gal ba bsgrig mi dgos par rang nyid kyis sun phyung
ba yin la/ mi sgod na stobs sogs kyi sangs rgyas kyi yon tan de
dag rgyu med du 'gyur ro/ /zhe na/ ji skad bshad pa'i skyon du
'gyur ba'i phyir

phyogs dang po ni mi 'dod la/ gnyis pa khas blang par bya'o/
/'on kyang stobs sogs rgyu med du 'gyur ba'i skyon ni med de/ sa
bcu'i rgyun gyi tha ma'i bar chad med lam gyi tshe zag med kyi sa
bon thams cad kyi nus pa cig car du rgyas nas skad cig gnyis par
stobs sogs sangs

rgyas kyi yon tan thams cad kyi rigs 'dra rgyun chad med par
'jug bas na rgyu med du ga la 'gyur/ yang na stobs sogs kyis yon
tan rnams phan tshun rkyen dang/ rkyen can du 'gyur ba'i phyir
nyes pa med do/ /zhes brjod par bya'o/ /'dir bka' 'grel du rtsa
ba drangs pa las/ ye

shes me dang mnyam pa nyid/ thob pa'i skyon gnyis ring du
spangs/ /zhes 'byung ba ni ma dag pa'o/ /nyon yid kyi 'khor du
gyur pa'i nyon mongs can ma yin pa'i lta ba sogs bzhi po dang/
nyon yid gnyis rten mtshungs pa dang/ dmigs pa mtshungs pa yin pas
mtshungs ldan du

'jog pa ma gtogs/ rnam pa lnga mtshungs ma yin te/ yin na nyon
yid kyang chos bdag gi rnam pa can du 'gyur ro/ /des na nyon yid
la mtshan ma'i spros pa ma lus pa 'byung ba'i yid shes bskyed
pa'i nus pa yod pas/ nyon mongs can ma yin pa'i lta ba sogs
kyang nus pa de

@237a @#/ /la 'jug pas de gnyis mtshungs ldan du bzhag sam snyam
ste dpyad dgos ba zhig go /de ltar nyon mongs pa can gyi yid kyi
ngo bo blo'i yul du mtshon par byed pa'i mtshon byed dmigs pa sogs
bshad nas/ gnyis pa yid dang kun gzhi'i gnas

sgrub par byed pa bstan pa ni/ 'di ltar kun gzhi dang nyon yid
ces bya ba 'di ni khyod kyis rang dgar 'dod rgyal du btags pa
las yid ches pa'i lung las mi 'byung zhing/ rigs pas kyang sgrub
byed med pa'i phyir mi 'dod do snyam na/ de yod ces bstan pa la/
yid ches lung dar

rigs pa yis/ /rnam shes drug las tha dad pa'i/ /yid dang kun
gzhi rnam par shes/ /yod par khong du chud par bya/ /zhes
gsungs/ don ni/ yid ches lung dang rigs pa'i sgrub byed dang
ldan pas/ rnam shes tshogs drug las tha dad pa'i nyon yid dang
kun gzhi'i rnam par

shes pa yod par khong du chung par bya'o/ /de yang kun gzhi dang
nyon yid sgrub byed la lung dang rigs pa gnyis so/ /dang po la
yang kun gzhi dang nyon yid kyi dbye bas gnyis yod pa'i dang po
ni/ chos mngon pa'i mdo las/ thog ma med pa'i dus kyi dbyings/
/chos rnam

kun gyi gnas yin te/ /de yod pas na 'gro kun dang/ /mya ngan
'das pa'ang thob par 'gyur zhes dang/ chos kun sa bon thams cad
pa/ /rnam par smin pa kun gzhi ste/ /de bas kun gzhi rnam shes
ni/ /dam pa dag la ngas bshad do/ /zhes dang/ dgongs 'grel las/

len pa'i rnam par shes pa zab cing phra/ /sa bon thams cad chu
ma 'byung ba mi srid p dag tu rtog par 'gyur na mi rung zhes/
/'di ni byis pa rnams la ngas ma bstan/ /zhes dang/ lang gshegs
las/ sems ni kun gzhi'i rnam shes te/ /ngar sems pa ni

yid yin no/ /yul la rnam par rig pa gang/ /de na 'jug pa'i rnam
shes 'dod/ /ces sogs mtha' yas pa 'byung ngo/ /gnyis pa nyon yid
kyi lung ni sngar lang gshegs las/ ngar sems pa ni yid yin no/
/zhes pa de dang/ gzhan yang dgongs 'grel las/ res

@238b 'ga' ni kun gzhi rnam par shes pa 'di rnam par shes pa
gcig dang lhan cig tu 'jug ste yid dang ngo/ /res 'ga' ni gnyis
dang ste yid dang yid kyi rnam par shes pa dang ngo/ /res 'ga'
ni 'jug pa'i rnam par shes pa bdun ka dang lhan cig 'jug ste
zhes dang/ gser 'od dam

pa'i mdo las/ kun gzhi la gnas pa'i yid sbyangs pas ni longs
spyod rdzogs pa'i sku thob bo/ /zhes gsungs shing/ gzhan yang
rgyan stug po bkod pa sogs las rnam shes tshogs brgyad du gsungs
pa rnams 'di'i sgrub byed do/ /gnyis pa rigs pa'i sgrub byed la
kun gzhi'i sgrub

byed dang/ nyon yid kyi sgrub byed gnyis las/ dang po ni/ rnal
'byor spyod pa'i gzhung lugs nas/ /sgrub byed rigs pa mtha' yas
pa/ /gsungs kyang len dang dang po gsal/ /sa bon las dad lus
tshor dang/ /snyoms 'jug 'chi 'pho mi rung ba/ /brgyad du 'dus
phyir 'dir bshad

bya/ /zhes gsungs/ don ni/ rnal 'byor spyod pa'i gzhung theg
bsdus las rigs pa lnga dang/ phung po lnga'i rab tu byed par
rigs pa bzhi dang/ sa'i bstod 'grel du lung gi sgrub byed bcu ng
dang reg bya gang 'phrod pa'

ng/ rten 'brel mdo 'grel du/ theg bsdus kyi rigs pa 'ga' zhag
drangs pa dang/ sa sde sogs las sgrub byed kyi rigs pa mtha' yas
pa gsungs kyang/ kun btus su bkod nas bsgrub pa ni/ rnam par
nges pa bsdu bar/ len dang dang po gsal ba dang/ sa bon las dang
lus tshor dang/ /sems med snyoms par 'jug pa dang/ /de

bzhin 'chi 'pho mi rung 'gyur/ /zhes gsungs pa kun btus 'grel
par rnam pa brgyad kyis kun gzhi rnam par shes pa yod pa nyid du
rtog par bya ste/ 'di ltar kun gzhi rnam par shes pa med na/ lus
nyer bar len pa mi srid pa dang/ /gzod ma 'byung ba mi srid pa
dang/ /

gsal bar 'byung ba mi srid pa dang/ sa bon nyid mi srid pa dang/
las mi srid pa dang/ lus kyi myong ba mi srid pa dang/ sems med
pa'i snyoms par 'jug pa mi srid pa dang/ rnam par shes pa 'chi
'pho ba mi srid pa'i phyir ro/ /zhes bkod pa'i rigs pa brgyad du
'dus

@239a @#/ /pa'i phyir rigs pa brgyad po bshad par bya'o/ /de la
rig pa dang po ni/ 'di ltar lus nye bar len par mi rung bar
thal/ tshogs drug gis lus len pa mi 'thad cing/ kun gzhi'i rnam
shes med pa'i phyir dang/ de med pas nyon yid kyang med pa'i

phyir/ tshogs drug gis lus len pa mi rigs te/ lus len byed ni ji
srid nyid mtshams sbyar ba nas ma shi'i bar rgyun mi 'chad par
'jug pa gcig dgos la/ tshogs drug ni nang gi dbang po dang phyi'i
yul dang/ lta 'dod sogs yid byed kyi dbang gis skye bar gsungs

pa'i phyir/ lus grub zin pa'i 'og tu da lta ba'i rkyen nye bar
gnas pa las 'byung gi nying mtshams sbyor ba na med pa'i phyir
gnyi la gsal ma gsal gyis khyad par med par thal/ de yod na dban
sbyar ba rnam smin yin pas mtha' gcig tu lung du ma bstan pa
dgos

pa las/ de dag la dge mi dger mthong ba'i phyir ro/ /gal te de
dag la ma bsgribs lung ma bstan yod pas de lus len byed do snyam
na yang mi 'thad de/ lung ma bstan rnam smin gyi char gyur pa ni
ji srid ma shi'i bar 'jug dgos pa las/ 'jug shes ma

bsgribs lung ma bstan ni bar skabs su ldog par mthong ba'i u ba
gnyis lus len byed kyi rnam shes yin na lus thams cad la khyab
pa zhig dgos pa las/ tshogs drug ni gnas so sor nges pa'i phyir/
lus thams cad la khyab pa mi la/ gal te lus

shes kyi gsan lus dbang gis lus thams cad la khyab pas dbang pos
zin no zhe na yang/ lus dbang dang reg bya gang 'phrod pa'i gnas
der lus shes skye ba yin gyi/ gang ma phrad pa'i gnas de shes
pas ma zin pa'i phyir lus lhag ma ro ltar du 'gyur ba

dang/ tshogs drug ni res 'byung/ res mi 'byung bas tshe gcig la
lus mang por len par 'gyur ba'i phyir/ tshogs drug lus len byed
du mi 'thad cing/ lus lan par dmigs pa'i kun gzhi nyid lus len
byed du khas blang bar bya'o/ /rigs pa gnyis pa rnam

@240b shes dang po'am/ gzod ma 'byung ba mi srid pa ni/ kho na
re kun gzhi 'dod pa la nyes pa yod de/ gang zag gcig gi rgyud la
rnam shes gnyis cig car du 'byung bar thal/ de'i rgyud la kun
gzhi rgyun du 'jug la/ 'jug shes kyang res 'ga' 'byung ba'i
phyir zhe na/ 'di ni 'dod

pa yin te/ de mi 'dod na/ 'di ltar gang zag gcig gi rgyud la yul
drug la mthong 'dod nyan 'dod sogs kyi yid byed nye ring med pa
na/ thog mar rnam shes gcig kyang mi 'byung bar thal/ rnam shes
gnyis cig car du 'byung ba med pa'i phyir/ de yang dper na gar
gyi

gzugs la lta bar 'dod pa dang/ de'i glu nyan par 'dod pa'i yid
byed nye ring med par yod pa na gar byung ba dang gar gyi gzugs
mthong ba'i mig shes dang/ de'i dbyangs thos pa'i nyan shes
gnyis lta bu dus gcig du 'byung dgos pa las de mi 'byung bar
thal/ rnam shes

gnyis cig car du 'byung ba med pa'i phyir zhes pa lta bu yin no/
/gal te rnam shes gnyis cig car 'byung na/ rnam par shes pa
gnyis cig car 'byung ba ni gnas ma yin cing/ skabs med do zhes
pa dang 'gal te/ de ni rnam shes rigs mthun la dgongs pa'i phyir
ro/ /rigs

pa gsum pa gsal bar 'byung ba mi rung ba ni/ 'di ltar dbang shes
kyi gzung ba'i yul 'dzin pa'i yid shes rtog pa dang/ dbang shes
kyi sngar myong zin dran pa'i yid shes rtog pa'i rgyu ba gnyis
la gsal ma gsal gyis khyad par med par thal/ de yod na dbang
shes kyi gzung

pa'i yul 'dzin pa'i yid shes rtog pa'i rgyu ba gsal ba yin dgos
la/ de yang de dang dus mnyam du de 'dras yul 'dzin pa'i dbang
shes yod pa'i rgyu mtshan gyis de'i rgyun gsal ba yin zhes 'dod
dgos pa las khyod la de mi rung ba'i phyir/ de yang dper na mig
shes kyis

gzugs la lta bzhin pa'i dus su 'di ni yid du 'ong ba'o/ /'di ni
mi 'ong ba'o snyam pa'i yid shes rtag pa byung ba ni/ sngar
gzugs mthong bar dran pa'i dran shes kyi rgyu ba las gsal bar
myong bas 'grub cing/ de yang yul gsal bar 'dzin pa'i dbang shes
yod pa'i
@241a @#/ /rgyu mtshan gyis de dang dus mnyam pa'i yid kyi rgyu ba
ni gsal la/ 'das pa'i yul dran pa'i shes pa ni rang dang dus
mnyam du yul gyi rang gi mtshan nyid gsal ba 'dzin ba'i shes pa
med pas de'i rgyu ba mi gsal ba yin no/ /rigs pa bzhi pa sa bon

nyid mi srid pa ni/ dge mi dge'i sa bon med par thal/ kun gzhi
med pa'i phyir/ gal te tshogs drug sa bon bsgo ba'i gzhi yin pas
skyon med do zhe na de yang mi rigs te/ sa bon bsgod pa la bsgod
byed dge mi dge sogs kyis rang 'gags pa la phyogs pa na sa bon
bsgod

nas skye 'gag lhan cig tu byas pa'i 'brel pa dang ldan pa zhig
dgos pa las/ tshogs drug la dge mi dge lung ma bstan gsum ka
dmigs pa'i dge ba'i 'og tu mi dge ba dang/ bzlog pa dang/ 'jig
rten pa'i 'og tu 'jig rten las 'das pa 'byung ba'i phyir dang/

tshogs drug 'gags pa'i tshe bag chags kyi rten med pas bag chags
kyang rgyun chad par 'gyur ba'i phyir ro/ /rigs pa lnga pa las
mi srid pa ni/ las rnam pa bzhi po snod lam 'phrad lta bu'am
brtan pa phyi'i 'jig rten du snang ba'i rnam rig dang/ gnas
rkang pa

'degs 'jog lta bu'am/ skye mched drug rten dad bcas par snang
ba'i rnam rig dang/ rtag tu nga'o snyam pa lta bu nga'o snyam
pa'i rnam rig dang/ yul lam drung gi rdo lta bu'am/ gzugs sgra
sogs su snang ba'i rnam rig rnams dus gcig tu mi 'byung bar
thal/ she

pa gcig la ngo bo tha dad pa'i las 'di dag mi 'byung zhing/ rnam
shes du ma cig car du mi 'byung ba'i phyir/ bzhi po la las zhes
pa ni sems byung sems pa la las zhes pa de ma yin gyi/ byed pa
dang las zhes pa'i las de yin no/ /de ltar bzhi po de kun gzhi

'dod pa la mi rigs kyi/ kun gzhi 'dod pa la ni rigs te/ snod
dang gnas kyi rnam rig don dang sems can du snang ba ni kun gzhi
dang/ bdag tu snang ba ni nyon yid dang/ yul du snang ba ni 'jug
shes drug ste/ de rnams dus gcig tu 'byung ba yod pa'i phyir ro/
rigs pa drug pa lus kyi

@242b myong ba mi srid pa ni/ tshul bzhin nam tshul bzhin ma yin
pa'am mnyam par bzhag ma bzhag la sogs pa'i skabs thams cad du
lus la khyab par skye ba'i myong ba'am tshor ba de mi srid par
thal/ de 'dra'i tshor ba'i rten kun gzhi med pa'i phyir ro/ /rigs
pa bdun pa snyoms

'jug gnyis mi rung ba ni/ 'di ltar 'du shes med pa'i snyoms 'jug
dang/ 'gog pa'i snyoms 'jug gnyis la zhugs pa'i gang zag de rnam
shes kyis lus bor bar thal/ tshogs drug 'gag cing kun gzhi med
pa'i phyir/ 'dod na de dang shi ba gnyis kyi khyad par bstan pa
na/ de'i

rnam par shes pa ni lus las ma 'das zhes gsungs pa dang 'gal lo/
/gal te yid kyi rnam shes mi gsal ba dang bcas pas rnam shes
dang bral bar mi 'gyur ro zhe na/ yang mi 'thad de/ rten yid kyi
rnam shes yod na dbang yid rnam shes gsum 'dus pa'i reg pa de
las

tshor ba dang 'du shes 'byung bas 'di la 'du shes tshor 'gog gi
snyoms 'jug ces pa mi 'thad par 'gyur ba'i phyir ro/ /gal te de
ltar na khyod la yang mtshungs te/ /kun gzhi yod na tshor ba dang
'du shes 'byung bas 'du shes tshor 'gog mi 'thad par 'gyur ro zhe
na/ 'jug

shes 'khor gyi tshor 'du ni rgyu ba rags la kun gzhi'i 'khor gyi
tshor 'du ni dmigs rnam mi gsal bas snyoms 'jug gnyis dang 'gal
ba med pa'i phyir ro/ /rigs pa brgyad pa 'chi 'pho ba mi rung ba
ni/ kun gzhi med na 'chi 'pho bar mi rung ste/ rnam par shes pas
lus 'dor

ba la 'chi ba zhas 'dod la/ de yang kun gzhi med pas yid shes
kyis 'dor dgos na de yang mi 'thad de/ 'chi ba na drod rim gyis
sdud dgos shing/ de yang lus 'dor byed kyi rnam par shes pa lus
kyi cha gang nas sdud pa de nas drod sdud par 'dod dgos na de
'dra kun gzhi

las yid shes la mi rung ba'i phyir te/ de 'dra ni lus thams cad
la khyab par gnas pa'i rnam shes la rung gi yid shes la mi rung
ba'i phyir/ 'dir dka' 'grel du/ yid kyi shes pa ni lus thams cad
la khyab par gnas shing/ lus kyi phyogs phyogs nas sdud pa med
pa'i

@243a @#/ /phyir/ zhes pa yang drug pa yid shes lus thams cad la
khyab pa'i don du mi gzung bar mjug tu med pa'i phyir zhes pa
dang sbrel dgos so/ /de ltar na rigs pa dang po dang/ bzhi pa/
drug pa/ bdun pa/ brgyad pa ste ldan kun gzhi med pa la

skyon brjod nas yod par sgrub pa dngos yin la/ gnyis pa gsum pa
lnga ba gsum ni/ kun gzhi yod na rnam shes gnyis cig car du
'byung bar 'gyur ro/ /zhes pa'i rtsod spong yin no/ /de lta bu'i
kun gzhi'i rnam shes de thag pa chen po'i sde snod las

'byung ba sngar brjod zin mod/ de las gzhan theg dman gyi sde
snod las mi 'byung ngam zhe na/ de ltar kun gzhi rnam shes ni/
/theg dman gtsug lag rnams su yang/ /kun gzhi rtsa ba'i rnam
shes dang/ /'khor ba ji srid phung po dang/ /srid pa'i yan lag
dag gis

bstan/ /zhes gsungs don ni/ de ltar kun gzhi rnam shes de theg
chen gyi sde snod las shes bya'i gnas dang/ len pa'i rnam shes
sogs kyi tha snyad kyis bstan pad ma zad/ theg dman gyi gtsug
lag rnams su yang rnam grangs gzhan gyis bstan te/ 'di ltar

theg bsdus su drangs pa'i gcig las 'phros pa'i lud las/ skye dgu
kun gzhi la kun du dga' ba/ kun gzhi la dga' ba/ kun gzhi las
yang dag par 'byung ba zhes sogs rang ming gis bstan cing/ dge
'dun phal chen sde po'i lung las rtsa ba'i rnam par shes pa 

zhes 'byung ste/ des kyang de nyid bstan no/ /sa ston sde pa'i
lung las kyang/ 'khor ba ji srid pa'i phung po zhes 'byung ste/
rnam grangs des kyang de bstan pa yin la/ gnas brtan pa'i lung
las/ srid pa'i yan lag lta ba dang/ /shes pa dang ni stod pa
dang/ /gso ba dang ni

rtogs pa dang/ /bdun pa 'jug par byed pa yin/ /zhes pas kyang de
nyid bstan pa yin no/ /gal te theg dman gyi sde snod las kun
gzhi bstan na/ /theg pa chen po bsdus par/ /bstan 'di 'di ltar
gzhan na ma mthong la/ /'di dag byang chub mchog gi rgyur mthong
bas/

@244b gnas bcu bstan par khyad zhugs gang yin pa/ /theg pa chen
po sangs rgyas bkar 'dod do/ /zhes shes bya'i gnas sogs gnas bcu
bstan pa'i sgo nas khyad zhugs pa gang yin pa de/ theg pa chen
po sangs rgyas kyi bkar 'dod pa ma yin nam/ theg dman gyi sde
snod las kyang

bstan ce na/ nyes pa med de/ theg dman gyi sde snod las ni/ srid
pa'i yan lag ces sogs rnam grangs gzhan gyis bstan la/ theg pa
chen po'i sde snod las ni/ shes bya'i gnas zhes sogs sgra drang
por rdzogs par bstan cing/ nyan thos kyi theg par de ltar ma
bstan

pa'i phyir/ theg pa chen por bstan pa ltar nyan thos theg par
bstan mi dgos la bstan na nyes par yang 'gyur ro/ /bstan mi dgos
te shes bya'i gnas zhes sogs sgra drang por bstan pa ni shes bya
phra zhing phra ba brjod byar bsdu ba'i phyir yin la/ theg chen
pa rnams rang gi

byang chub 'grub pa la shes bya'i gnas phra zhing phra ba shes
dgos kyi/ nyan thos kyis byang chub 'grub pa la tshag bzhi pa'i
tshigs su bcang pa'i don spyangs pas kyang chog pa'i phyir/ bstan
na nyes par yang 'gyur te/ chos kun gyi sa bon can yan pas snod
bcud kun gyi rgyu

dang/ 'khor ba ji srid bar 'jug pa bcings grol kun gyi gzhir
gyur pa'i rnam shes de kun gzhi'o zhes bstan na nyan thos kyi
rigs can mi mkhas pa kha cig dbang phyug rtag pa 'jig rten kun
gyi byed por smra ba dang 'dra bar bdag tu rtog par gyur na mi
rung ba'i phyir ro/ theg

chen la ni bstan dgos par bshad zin cing bstan na nyes par mi
'gyur te/ de ltar bstan kyang mi rtag gzhan dbang can gyi chos
su go ba'i phyir ro/ /de ltar yang dgongs 'grel las/ len pa'i
rnam par shes pa zab cing phra/ /sa bon thams cad chu bo'i rgyun
bzhin 'babs/ /

bdag tu rtog par 'gyur na mi rung zhes/ /ngas ni byis pa rnams
la de ma bstan zhes skye gnas bzhi po rnams su nyid mtshams sbyar
nas skye ba len pa dang/ ma shi'i bar sngar grub pa'i lus len
pa'i tshul gyis bzung bas na len pa'i rnam shes dang/ 'jig rten
pa'i blos

@245a @#/ /rtogs par mi nus pas zab pa/ nyan rang gis kyang ji
bzhin rtogs mi nus pas phra ba/ kun byang gi chos kun gyi sa bon
thams cad 'dzin pas sa bon thams cad pa/ 'khor ba ji srid bar
chu bo chen po'i rgyun bzhin du chad pa med par 'babs pa ste 

'byung ba yin la/ de lta bu'i khyad par dang bcas pa bshad na
nyan thos sogs kyi gang zag dbang brtul rnams bdag tu rtog par
'gyur na mi rung bas/ ngas ni byis pa lta bu'i nyan rang sogs la
ma bstan to/ /zhes nyan thos kyi sde snod las ma bstan par
gsungs so/

'o na nyan thos kyi sde snod las de ltar rnam grangs gzhan gyis
bstan na nyan thos kyi grub pa'i mtha' smra ba rnams mdo don ji
ltar 'grel zhe na/ de ltar gsungs pa'i kun gzhi la/ /dbyig shes
mi'u thung dbyangs sgrogs gsum/ /rim bzhin phung po tshor ba
dang/ /'jig lta

gsum la dgongs zhes 'dod/ ces gsungs/ don ni/ nyan thos kyi sde
snod du kun gzhi de gzhan gyis de ltar bstan pa de la/ btsun pa
dbyig shes dang/ mi'u thung dang/ dbyangs sgrogs gsum gyis rim
pa bzhin du/ dang pos nyer len gyi phung po la dgongs te/ de ni
skye dgu kun

dga' bar 'gyur ba'i gzhi yin pa'i phyir zhes 'dod/ gnyis pas zag
bcas kyi tshor ba bde ba la dgongs zhes dang/ gsum pas 'jig lta
la dgongs/ zhes 'dod do/ 'o na de dag gis bkral ba ltar theg pa
chen por yang rung ngam zhe na/ theg pa 'og ma'i lugs la ni/

tshul de mi rung med mod kyi/ /theg chen pa rnams lung de'i don/
kun gzhir 'dod pa ches bzang ste/ /gang phyir dbyig shes sogs
kyis ni/ /bkral ba skyon dang ldan phyir ro/ /zhes gsungs/ don
ni/ theg dman pa rnams kun gzhi bstan pa'i snod ma yin pas theg
pa

'og ma'i grub mtha' smra ba de dag gi lugs la bkral tshul de mi
rung ba med mod/ theg chen pa rnams lung de dag gi don kun
gzhi'i rnam shes su 'dod pa ches bzang ste/ rgyu mtshan gang gi
phyir na/ dbyig shes mi'u thung sogs kyis bkral ba ni skyon dang
ldan

@246b zhing/ kun gzhir 'dod pa ni rma med pa'i phyir ro/ /skyon
dang ji ltar ldan zhe na/ kun gzhi zhes pa'i don sbyor ba yin
cing/ nyer len gyi phung po ni shin tu sdug bsngal ba'i ngan
'gro ba dang mi mthun pa yin pas de dag de la dga' ba ma yin gyi
de dag bral bar 'dod do/

tshor ba bde ba zag pa dang bcas pa ni bsam gtan bzhi pa yan chad
dang/ gong ma la med cing mi mthun pas de dag sbyor bar mi rigs
la/ 'jig lta yang chos 'di pa dang mi mthun pa yin pas de dag
sbyor bar mi rigs so/ /kun gzhi rnam shes la ni de lta bu'i nyes

pa med do/ /gnyis pa nyon yid gyi rigs la ni/ nyon mongs can gyi
yid med na/ /ma 'dres pa yi ma rig dang/ /lnga po dag dang 'dra
ba dang/ /snyoms par 'jug pa'i bye brag dang/ /nges tshig med
pa'i skyon du 'gyur/ /'du shes med par skyes pa'i rgyun/ /ngar
'dzin med

pa'i skyon du 'gyur/ /ngar 'dzin pa dang ldan pa na/ /rnam pa
kun du mi 'thad phyir/ /nyon yid yod par shes par bya/ /zhes
gsungs/ don ni/ nyon mongs pa can gyi yid med na 'di ltar ma
'dres pa yi ma rig pa zhes pa bdag med mngon sum du mthong ba la
bsgribs pa/

dge mi dge lung ma bstan gyi sems rnams 'byung ba'i skabs thams
cad du 'byung ba zhig yin la/ de yang sems byung yin pas de dang
mtshungs ldan gyi rnam shes zhig ni yod la/ nyon mongs yin pas
kun gzhi dang ni mtshungs ldan mi rung zhing/ 'phags lam ma

skyes kyi bar du rgyun mi 'chad pa'i tshogs drug dang yang
mtshungs ldan mi rung ngo/ /des na nyon yid dang mtshungs ldan yin
dgos pa las nyon yid med pa'i phyir/ ma 'dres pa'i ma rig pa med
par 'gyur ro/ /ma 'dres pa'i don ni rten nyon yid kho na la yod
pas

na ma 'dres pa zhes bshad do/ /rig pa gnyis pa lnga po dag dang
mi 'dra ba'i skyon ji ltar yod ce na/ 'di ltar rnam pa shes pa
lnga po dag la 'das pa'i rten 'das ma thag pa'i yid re dang lhan
cig 'byung ba'i rten mig la sogs pa'i dbang po re yod pa ltar/
yid shes kyi lhan

@247a @#/ /cig skyes pa'i rten dbang po med pa'i phyir te/ nyon
yid med pa'i phyir ro/ /rigs pa gsum pa ni/ 'du shes med pa'i
snyoms 'jug dang/ 'gog pa'i snyoms 'jug gnyis la bye brag gam
khyad par med par 'gyur te/ de gnyis la tshogs drug 'gags

pa 'dra la nyon yid kyang med pa'i phyir/ kho bo cag ltar na 'du
shes med pa'i snyoms 'jug la nga'o snyam pa'i nga rgyal dang/
bdag la chags pa rnams yang pas ma zhi ba dang/ 'gog snyoms de
dag dang bral bas zhi bar 'jog pa yin la khyod la nyon yid med
pas de

'dra'i zhi ma zhi'i khyad par mi 'thad pa'i phyir/ gal te sa
dang yid byed tha dad pa'i khyad par yod do zhe na yang mi 'thad
de/ de tsam yod du chug kyang des zhi ma zhi'i khyad par mi
'thad pa'i phyir ro/ /gal te skye 'phags kyi rgyud la so sor yod
pas de gnyis kyi khyad par 'thad

ngo zhe na/ yang 'du shes med pa'i snyoms 'jug la nga'o snyam
pa'i nga rgyal sogs kyis ma zhi ba yin pas 'phags pa rnams kyis
g.yang sa ltar mthong nas spangs pa yin la/ tshogs drug 'gags
tsam gyis spangs pa yin na 'gog snyoms kyang spangs dgos par
'gyur

ro/ /des na nyon yid mi 'dod pa la de la sogs pa'i gnod pa mtha'
yas so/ /rigs pa bzhi pa ni nyon yid med na 'du shes med par
skyes pa rnams la ngar 'dzin med pa'i skyon du 'gyur te/ der
skye ba'i skad cig gnyis pa nas/ ji srid 'chi sems mngon du ma
gyur gyi

bar tu tshogs drug 'gag cing nyon yid kyang med pa'i phyir/ gal
te ngar 'dzin gyi bag chags yod pa'i ngar 'dzin dang bcas pa'o
zhes kyang mi rig te/ nyon yid mi 'dod na kun gzhi yang mi rigs
pas bag chags sgo gzhir yid shes khas len dgos pa la de ni

med cing/ gzugs phung bag chags sgo gzhir mi rung ba'i phyir/
gal te 'du shes med par skyes pa rnams la ngar 'dzin med do zhe
na/ 'o na 'phags pa rnams kyis de dag mi khoms par gzigs nas
spang bar mi 'gyur te/ 'gog snyoms bzhin no/ /rigs

@248b pa lnga pa ni/ gal te nyon yid med na rtag tu ngar sems
pa'i phyir yid do zhes pa'i nges tshig 'di rnam shes gang la yang
mi gnas par 'gyur te/ dbang shes la ngar sems pa med la/ yid
shes la ngar sems pa yod kyang rtag tu ngar sems pa med pa'i
phyir ro/ /rigs pa drug

pa ngar 'dzin pa rnam pa kun tu 'byung ba mi 'thad ce na/ nga
sbyin pa byed ces pa lta bu dge ba dang/ nga srog gcod byed ces
pa lta bu mi dge ba dang/ nga khrus byed ces pa lta bu lung ma
bstan gyi sems thams cad la ngar 'dzin yod la/ de yang nyon yid
yod na rung gi/ med na mi rung

ste ngar 'dzin mi dge ba dang mtshungs par ldan na dge sems dang
lung ma bstan gyi sems dang dus mnyam du mi 'jug cing/ de las
ldog pa la yang gnod byed mthong ba'i phyir ro/ /de ltar nyon
yid mi 'dod pa la gnod pa mtha' yas pa 'bab pas na nyon yid yod
par

shes par bya'o/ /gsum pa rnam shes tshogs dgur 'dod pa dgag pa la
phyogs snga ma brjod pa dang/ de dgag pa gnyis/ dang po ni/ bdun
pa len pa'i rnam shes dang/ /kun gzhi gsum du 'chad pa dang/
/dgu pa dri med rnam shes su/ /'dod pa yang dag bden pa'i

lugs/ zhes gsungs/ don ni/ theg pa chen po'i slob dpon rnams
kyis rnam shes grangs mang nyung du 'dod pa rnams rgya'i slob
dpon wen tsheg gam rdzogs gsal du grags pas rgya nag gi 'grel
chen du bkod pa ltar/ slob dpon klu sgrub la sogs pa rnams

kyis rnam shes tshogs drug kho na 'dod la/ gser 'od dam pa'i mdo
sde sogs la brten nas 'phags yul gyi slob dpon gsum las/ slob
dpon po de ca ni de bzhin nyid kyi ngo bor gyur pa'i chos nyid
kyi sems te/ 'di la sems zhes bya yang dmigs pa can ni ma yin
la/

mtshungs par ldan pa'i sems ni dad sogs dge ba dang chags sogs mi
dge ba dang mtshungs par ldan pa'i sems te dmigs pa can yin la/
rnam par rig pa cam gyi yid kyi ngo bo nyid yin pa'i phyir/ yid
dang rnam par shas pa zhes bshad kyang yir ro/ /bzhi pa rnam
shes tshogs gc

@249a @#/ /'gal ba med ces bshad/ gnyis pa slob dpon yang dag
bden pa'i lugs ni/ rnam par nges pa'i mdzod ces bya ba'i bstan
bcos la brten nas rnam shes tshegs dgu'i don mdzad de/ mig gi
rnam shes sogs drug gi steng du bdun pa len

pa'i rnam par shes pa zhes bya ba/ kun gzhi la dmigs nas bdag
dang bdag gir 'dzin pa'i nyon mongs pa kho nas sgrib pa dang
ldan gyi chos 'dzin dang mi ldan pas nges par sangs rgyas su mi
'grub pa dang/ brgyad pa kun gzhi'i rnam shes la yang dang po
ngo bo nyid

kyi kun gzhi ni sangs rgyas 'grub par nges pa dang/ gnyis pa
rnam par smin pa'i kun gzhi ni bstan bcos dbus mtha' rnam 'byed
rgya nag tu 'gyur ba las/ dbang po don dang bdag rnam rig /snang
ba'i rnam par shes pa las/ /de dang 'dra bar rab tu skye zhes
'byung

ba la brten nas/ khams bco brgyad la dmigs par 'dod pa dang/
gsum pa kun nas nyon mongs pa'i kun gzhi 'di ni de bzhin nyid la
dmigs nas nga rgyal rnam pa bzhi 'byung ste/ chos kyi bdag tu
'dzin pa yin gyi/ gang zag gi bdag tu 'dzin pa min

zhes blo brtan gyi gzhung la brten nas gsum du 'chad pa dang/
dgu pa dri med rnam shes zhes pa de bzhin nyid kyi bdag nyid yin
pa la don gnyis dang ldan pas dang po dmigs bya yul te de bzhin
nyid dang yang dag mtha' la sogs pa'o/ /gnyis pa dmigs

byed yul can te/ gzod ma nas rig pa dang dri ma med pa'i rnam
par shes pa zhes bya'o zhes rnam shes tshogs dgur 'dod pa dang/
gsum pa slob dpon hyan tsang gi rjes su 'brang nas wen tsheg gis
rnam shes tshogs brgyad du 'dod la/ bcom ldan rig

ral gyis/ tshogs dgur 'dod mkhan wen tsheg yin zhes pa mi 'thad
de/ wen tsheg rgya nag pa yin la/ de ltar 'dod mkhan yang dag
bden pa yin gyi/ de rgya gar ba yin pas so/ /gnyis pa de dag las
tshogs dgur 'dod pa dgag pa ni/ tshogs brgyad

@250b ngag las log pa yi/ gtso bo rnam shes yod gyur na/ /rtag
pa'i dngos por 'gyur ba'i phyir/ /tshogs dgur 'dod la sgrub byed
med/ /ces gsungs/ don ni/ rnam shes tshogs brgyad las mang ba
tshogs dgur 'dod pa la sgrub byed med cing gnod par byed pa yod
do/ /ji ltar

yod ce na/ rnam par shes pa tshogs brgyad po dag las logs su gyur
pa'i dgu pa dri med rnam shes zhes bya ba'i gtso bo'i rnam shes
yod par gyur na de 'dus ma byas yin pas na rtag pa yin la/ dmigs
byed kyi rnam shes yin pas dngos po yang yin dgos la/

de ltar na rtag pa'i dngos por 'gyur ba'i phyir ro/ /'dus byas
yin no zhe na mi 'thad de/ gzugs dang ldan min yin na dmigs byed
du 'gal zhing/ sems byung yang min la/ sems byung yang mi rung
ste/ tshogs brgyad du mi 'du ba'i rnam shes 'dod pa la lung rigs

kyis sgrub byed med pa'i phyir ro/ /bzhi pa rnam shes tshogs gcig
tu 'dod pa dgag pa la/ phyogs snga ma brjod pa dang/ de dgag pa
gnyis/ dang po ni/ yid shes gcig nyid dbang drug gi /rten la so
sor rgyu ba'i tshe/ /so so'i ming du btags pa tsam/ /bram ze'i
tshoms dang

skye mched ni/ /bcu gnyis sten pa'i mdo las kyang/ /gcig pur
gsungs dang rnam shes drug /yid kyi skye mched yin gsung phyir/
shes kun yid shes gcig pu lo/ /zhes gsungs/ don ni/ byang sems
gcig pur smra ba na re/ shes pa kun yid shes gcig pu

yin te dper na khang pa bu ga mang po yod par mar ma bteg pa
bzhin/ /yid shes gcig nyid dbang po drug gi rten la so sor rgyu
ba'i tshe so so'i ming du btags pa tsam yin la/ lung gis kyang
grub ste/ bram ze'i tshoms las/ ring du 'gro ba gcig pur rgyu/ /

gdul bar dka' ba'i sems 'dul byed/ /de ni bram ze ngas bshad do
zhes dang/ skye mched bcu gnyis bstan pa'i mdo las kyang/ rnam
par shes pa'i tshogs drug ni yid kyi skye mched do zhes sogs kyis
tshogs drug yid kyi skye mched du gsungs pa'i phyir/ lo zhes

@251a @#/ /pa ni ma rangs pa'o/ /dka' 'grel gyi dpe rnams su bzhi
pa rnam shes tshogs bzhi ru 'dod pa dgag pa la zhes dang/ zhes
gcig pu rgyu skyes zhes pa rnams ma dag pa yin la/ phyi ma ni
zhes gcig pu rgyu zhes sems de gcig pur gsungs

pa dang/ zhes pa yin/ gnyis pa de dgag pa la/ lung don gzhan du
nus phyir dang/ /dbang shes kyis kyang lkog gyur dang/ /'das
dang ma 'ongs 'dzin 'gyur phyir/ /tshogs gcig 'dod pa mun sbrul
lo/ /zhes gsungs/ don ni/ khyod kyis bram ze'i tshoms sogs kyis
lung

gis shes pa kun yid shes gcig pur bstan zhes pa de yang mi 'thad
da/ lung gi don yang gzhan du bshad par nus pa'i phyir dang/
shes kun yid shes gcig pu yin na dbang shes kyis kyang gzhal bya
lkog gyur gyi don rtogs pa dang/ 'das ma 'ongs sogs

sgro btags kyi yul rnams kyang 'dzin par 'gyur pas/ rnam shes
tshogs gcig pu 'dod pa ni srod kyi mun par gnas pa'i thag khra la
sbrul du btags pa bzhin sgro btags kho na yin no/ /gal te yid
shes la rtog pa dang rtog med gnyis kyi cha 'byed pas skyon med
ces

kyang brjod mi nus te/ dbang shes dang rdzas yod kyi gcig yin
pa'i rtog pa dang/ rtog pa dang rdzas yod kyi gcig tu gyur pa'i
rtog med mi srid pa'i phyir/ lung las gcig pu rgyu zhes pa yid
shes la dgongs shing yid dbang po lnga'i spyod yul la rgyu ba
dang/ yid

dbang shes kyis ston par gsungs pa ni/ yid shes kyis chos thams
cad 'dzin pa dang/ dbang shes yul la 'phro ba dang nang du
bsdung pa yid shes kyi mthus byed pa'i don dang/ tshogs drag yid
kyi skye mched du gsungs pa/ skye mched bcu gnyis su byed pa la
skye mched

gzhan du gzhag tu med pas yid kyi skye mched du bzhag dgos pa'i
don no/ /zhar byung de dag gi grub don ni/ de phyir yid ches
lung rigs kyis/ /grub pa rnam shes brgyad yin phyir/ /gsang ba'i
gnas la mi zhum pa'i/ /mkhas pas brgyad nyid 'dod par bya/ /zhes

@252b gsungs/ don ni/ de ltar rnam shes grangs mang nyung du
'dod pa la lung rigs kyis gnod pa yod pa de'i phyir/ de bzhin
gshegs pa'i gsang ba'i gnas zab mo kun gzhi dang/ rnam par rig
pa'i lta ba la mi zhum pa ste mi skrag pa'i mkhas pas tshogs
brgyad kho nar 'dod par bya

ste rnams shes tshogs brgyad du yid ches ba'i lung dang rigs pas
grub pa'i phyir zhes pa'o/ /'dir kha cig na re/ bzhi pa rnam
shes grangs nyung bar thal ba tshogs gcig tu 'dod pa dgag pa la/
dngos dang/ grub don bshad pa gnyis zhes tshogs gcig du 'dod pa
dgag pa'i grub

don du bshad ba ni mi rigs te/ de ni grangs mang ba tshogs dgur
'dod pa dgag pa dang/ grangs nyung ba tshogs gcig tu 'dod pa dgag
pa gnyis ka'i grub don yin gyi/ de gcig pu'i ma yin pa'i phyir
ro/ /gsum pa mjug gi don ni/ yid dang kun gzhi'i dka' ba'i gnas/
/gsal

bar ston 'di mkhas mchog rnams/ /ji ltar bzhed bzhin bla ma yi/
/gsung la brten nas rgyal khams pa/ /blo bzang grags pas sbyar
ba yi/ /dge des thub bstan rgyas gyur cig /ces gsungs/ don ni/
de ltar yid dang kun gzhi'i dka' ba'i gnas gsal bar ston pa'i
bstan

bcos 'di ni/ 'phags yul gyi rnam par rig pa'i tshul smra ba la
mkhas pa'i mchog rnams gyis bzhed pa ji lta ba bzhin du/ rje
btsun dam pa rang mda' ba sogs bla ma du ma'i gsung la brten
nas/ rgyal khams pa ste tshe 'di blos btang nas rgyal khams kun
tu nyul zhing

'phags pa'i rigs bzhi la gnas pa'i dge slong blo bzang grags pa
zhes bgyi bas sbyar ba yin la/ de ltar sbyar ba'i dge ba des
thub pa'i lung rtogs kyi bstan pa 'di nyid dar zhing rgyas la
yun ring du gnas par gyur cig ces bstan pa rgyas pa'i phyir du
bsngo ba'o/ /smras pa/

rnam rig gzhung gi chu gter bsrubs pa las/ /legs thon gnas bcu'i
rnam gzhag yid bzhin no/ /yab rje bla mas lung rigs rgyal mtshan
rtser/ /bkod tshe dpyod ldan dga' ba'i ca co 'chor/ /mi shes nad
sel legs bshad sman gyi mchog /ha la'i dug du mthong pa'i blun
po'i

@253a @#/ /tshogs/ /mgu ba'i gtam du 'os pa ma yin yang/ /mkhas
dbang yongs kyi khongs nas 'dzum pa'i dpyid/ /'di lta'i legs
bshad nor bu'i me long gis/ /gsal bar mtshon tshe sems kyi gsang
ba'i gnas/ /nag nog dra mas sbags pa gsal

ba'i phyir/ /thos bsam rgya mtshor ci dgar 'jug par rigs/ /de
phyir rnam rig gzhung gi chu gter che'i/ /gting zab ji bzhin
bdag 'dras dpog min kyang/ /lha lam mdzub mo brda yis ston pa
bzhin/ /re khA'i sbyor bas phyogs tsam mtshon pa'i dges/ /thog
med nas 'ongs zag

med 'byung rung gi /kun gzhi'i khyad chos rang bzhin gnas pa'i
rigs/ /de nyid thos bsam sgom pas rgyas 'gyur te/ /rigs can gsum
gyi bzhed don lhun grub shog /khyad par don gnyis phun tshogs
'byung ba'i sgo/ theg mchog rigs kyi nus pa brtas bzhin du/
/brtan

g.yo'i dngos po phyi rol snang ba kun/ /rten dang brten pa'i
kun gzhi'i rnam 'phrul las/ /gzhan du cha med rdul brtsegs gong
bu sogs/ /don gyis stong ba'i rnam rig tsam gyi tshul/ /tshul
bzhin rtogs shing thabs shes lam gyi 'gros/ /sa bcu'i mnyam rjes
bgrod

pa mthar phyin shog /ces rnal 'byor spyod pa pa'i lugs kyi yid
dang kun gzhi'i rtsa 'grel gyi dka' gnas gsal byed nyi zla zung
'jug ces bya ba 'di ni 'jam mgon rgyal ba gnyis pa'i ring lugs
'dzin pa tre bo se rung bla ma byams pa rgya mtsho'i zhal snga
nas kyi rtsa 'grel sbrag pa 'di lta bu zhig gyis shig pa'i bka'
gnang bstsal

ba dang/ skyabs gcig bka' drin mtshungs zla ma mchis pa rje bla
ma srid zhi'i gtsug rgyan yongs rdzogs bstan pa'i mnga' bdag don
gyi slad du mtshan nas smos te bdag gi mkhan rin po che rigs kun
khyab bdag rdo rje 'chang chen po rje btsun blo bzang ye shes
bstan pa rab rgyas dpal bzang po sogs bla ma dam pa mang pos
bkas bskul ba la brten/ bka'

bzhin sgrub pa mchod pa'i mchog tu bsam nas bka' lung spyi bos
ma nos te/ zung 'jug bla ma rin po che rnam gnyis kyis skyabs
'og tu chud nas yun ring lan zhing thugs rje dang bka' drin kho
nas 'tsho ba bla ma' nye gnas pa ke'u tshang sprul ming 'dzin pa
blo bzang 'jam dbyangs smen lam gyis bla ma dam pa rnams kyi
zhal las thos pa'i

@254b man ngag la gzhi byas rje yang sras kyi gsung rnams la
zhib tu brtags te dang ba chen pos snang ba'i yi ge ba ni dben
sa pa dge slong rnam rgyal bkra shis kyis bgyis pa'o// bkra
shis//