@157a @#/ /dge slong gi bslab bya'i sdom tshig gi rnam bshad thub bstan gsal byed 'od dkar phreng ba zhes bya ba bzhugs so// @158a @#/ /rnam 'dren kun gyi gtso bo zas gtsang sras/ /gang gis bstan pa gtad pa ji bzhin du/ /mi nyams 'dzin pa'i rab bdun 'khor bcas la/ /byang chub bar du mchod do skyabs su mchi/ /phan bde'i gzhi gcig rgyal gsung gces pa'i mdzod/ /yongs bzung rgya bod 'dul 'dzin rim byon dang/ /kun gyi gtsug na blo gros rab yangs pas/ /kun bzang grags pa can der gus pas 'dud/ /tshul khrims srog shing rnam dpyod gos kyis spud/ /ting 'dzin tog gis rab mdzes brjid chags pa'i/ /blo bzang chos kyi rgyal mtshan 'dzin pa la/ /zla bral rje btsun bla mar phyag bgyi'o/ /blo bzang ma mas bskyangs pa'i ye shes kyi/ /rnam grol lus stobs rdzogs pas bstan pa la/ /rab rgyas bya ba mdzad pa'i bka' drin can/ / yab sras rje btsun bla mar gsol ba 'debs/ blang dor rags pa khong du ma tshud par/ /phra mo'i bcas mtshams 'tshol ba bzhad gad rgya/ /'on kyang mi shes rags pa bsal ba'i phyir/ /bla ma'i gsung bzhin cung zad bri bar bya/ /de la 'dir/ gangs can gyi khrod 'dir phan bde'i 'byung gnas rgyal ba'i bstan pa rin po che ma rtogs pa dang log par rtog pa dang the tshom gyi dri mas cha tsam yang ma gos par gsal bar mdzad pa la/ rgyal ba rang nyid slar yang byon pa dang sgo kun nas mtshungs pa'i skyes @159a @#/ /bu chen po ni khams gsum 'gro ba'i bla ma chos kyi rgyal po tsong kha pa chen po kho nar nges pa'i tshul ni/ rang phyogs 'dzin pa'i blo ngan gyis bkod pa'i sgrub byed tsam ma yin par/ rgyal ba rang nyid kyis sangs rgyas kyi bstan pa la mthun pa'i rlabs chen gyi bya ba mdzad pa'i klu sgrub thogs med la sogs pa'i skyes bu gzhan lung ston pa'i skabs dang yang mi 'dra bar chos kyi rgyal po chen po 'di nyid lung ston pa na/ 'jam dpal rtsa rgyud las/ 'jig rten nga ni mya ngan 'das/ /sa yi steng ni stongs gyur na/ /khyod nyid byis pa'i gzugs kyis ni/ /sangs rgyas mdzad pa byed par 'gyur/ /de tshe dgon chen rab dga' ba/ /kha ba can nang yod pa yin/ /zhes gsungs pa yin zhes/ yongs rdzogs bstan pa'i mnga' bdag don gyi slad du mtshan nas smos te bdag gi mkhan rin po che rje btsun blo bzang ye shes bstan pa rab rgyas dpal bzang po'i zhal las bdag gis dngos su thos shing/ chos kyi rgyal po chen po de nyid kyi bka' srol yongs su rdzogs pa rang bzo'i lhad med par sku tshe brgyud mar 'dzin pa'i smon lam gyi mthu grub pa mkhas grub thams cad mkhyen pa dge legs dpal bzang po de nyid slar yang byon pa kun gzigs paN chen blo bzang chos kyi rgyal mtshan dpal bzang po zhes yongs su @160b grags pa des dge slong gi bslab bya sdom tshig gi sgo nas mdor bsdus su mdzad pa de 'chad pa la/ bstan bcos kyi sngon 'gro bshad pa/ dngos gzhi bshad pa/ mjug sdud bshad pa dang gsum/ dang po la phyag 'tshal ba dang/ bshad par dam bca' ba gnyis/ dang po la rgya skad dang/ bod skad gnyis las/ dang po ni/ na ma ssarba dznya'an mu ni indra ya/ zhes pa ste/ don ni/ na ma phyag 'tshal ba/ ssarbba thams cad/ dznyAn mkhyen pa/ mu ni thub pa/ indra dbang po/ ya ni la'i tshab ste bsdu na/ thams cad mkhyen pa thub pa'i dbang po la phyag 'tshal zhes pa'o/ /gnyis pa ni 'gro ba'i bla ma thams cad mkhyen pa yi/ zhabs kyi pad mor gus pas phyag byas te zhes pa'o/ /tshig don ni 'gro ba'i bla mar byed pa'i mtshan nyid/ shes bya thams cad la chags thogs med pa'i mkhyen pa rang don phun tshogs mnga' ba'i yon tan dran bzhin du/ bdag cag gi ston pa sangs rgyas de yi sku'i cha dma' shos zhabs kyi pad mor/ paN chen bdag gi lus kyi mtho shos spyi bos gtugs pa'i spyod lam gus pas phyag byas te zhes pa'o/ /'phros don ni/ sangs rgyas kyi yon tan dang las 'bras phra zhing rdzogs pa ni sangs rgyas kho na la mngon gyur yin pas gzhan gyis ji bzhin brjod par mi nus so zhes go par bya ba'i phyir brjod byed kyi tshig kyang so thar gyi mdo'i skabs kyi 'gro ba'i gtso la zhes pa dang mthun par 'dir yang 'gro ba'i bla ma zhes gsungs shing/ 'gro ba'i bla ma zhes pa/ 'gro ba'i skyabs zhu sa'i bla ma yin pa tsam gyi don ma yin gyi/ spyir 'gro ba la skad cig snga ma nas phyi mar 'gro ba'i 'gro ba dang/ skye ba snga ma nas phyi mar 'gro ba'i 'gro ba dang/ las nyon gyis dam du bcings pas srid pa'i ra ba las gzhan du mi 'gro zhing de'i nang du skad cig kyang mi sdod par 'gro ba'i 'gro ba dang bcas gsum las/ dang po ni 'dus byas thams cad dang/ gnyis pa ni skye ba dang bcas pa'i@161a @#/ /sems can thams cad dang/ gsum pa ni rgyud lngas bsdus pa'i 'gro ba tha mal pa rnams te/ snga ma'i dbang du byas nas ston pa sangs rgyas ni/ 'dus byas 'gro ba'i nang nas/ rnam par dag pa'i gtso bo yin pas na 'gro ba'i bla ma dang phyi ma gnyis kyi dbang du byas nas 'gro ba sems can gyi mgon skyabs bla med yin pas 'gro ba'i bla ma zhes bstod do/ /te zhes pa 'og ma 'dren pa'i tshig go /gnyis pa bshad par dam bca' ba ni/ phan mdzad de yis brtse bas bcas pa yi/ /so thar tshul khrims mchog gi bsten tshul brjod/ /ces pa ste/ tshigs don ni/ 'gro la phan mdzad ston pa sangs rgyas de yi gzhan don gyi rgyu brtse ba phun sum tshogs pas/ gzhan don phan 'dogs dngos gsung gi mtshams rnam par bzhag pa'i bcas pa yi/ zhen pa'i brjod bya so thar ris brgyad kyi tshul khrims kyi nang nas mchog dge slong gi dngos po rang gi phyag bzhes kyi/ bsten tshul ltar gzhan la brjod ces pa'o/ /'phros don ni 'dir gong du sangs rgyas rang gi yon tan mthong nas dwang ba'i dad pa bskyed pa tsam dang mi 'dra bar sangs rgyas kyis 'gro ba la phan 'dogs pa'i mdzad pa rnams kyi gtso bo ni gsung gi chos spyi dang/ khyad par snod ldan la bya ba rig mi rig gi mtshams rnam par bzhag pa'i bcas pa rnams yin la/ de yang phan gnod kyi rgyu phra mo nas mkhyen pas gzigs pa ltar sbyor ba brtse bas 'doms par mdzad pa'i bsam sbyor 'khrul pa med pa'i sgo nas rang cag mi slu ba'i tshul la yid ches pa'i nges pa ci 'drongs byas nas/ ston pa rang las kyang gsung gi bcas mtshams la gces par bzung dgos kyi/ gsung la gang yang mi rtsi bar sku mthong ba dang/ mtshan thos pa tsam na dad gus byed pa 'dra ba'i da lta'i lugs srol 'dzin pa ni/ sangs rgyas kyis kyang phan thogs pa'i snod ma yin te/ chu tshags kyi gleng gzhi'i skabs kyi dge slong gnyis kyi byung bas kyang nges nus so/ /bshes @162b gnyen bsten tshul zer ba'ang bka' la rtsi ba 'di rang yin no/ /mdo rtsa ba lta bu'i dngos kyi brjod bya ni so thar gyi sdom pa'i don spyi yin te/ sdom pa rang mtshan pa de brjod pa pos dngos su brjod par 'dod kyang sgras dngos su brjod ma nus par nyan pa po'i rtog pa la 'char ba'i sdom pa'i rnam pa don spyi de dngos su brjod par song ba'o/ /brjod pa pos gang la brjod 'dod zhugs pa'i brjod bya'i gtso bo so thar gyi sdom pa ris brgyad ni dge slong pha ma'i sdom pa gnyis dang/ dge slob ma'i sdom pa dang/ dge tshul pha ma'i sdom pa gnyis te/ rab byung sde lnga'i sdom pa lnga dang/ dge bsnyen pha ma'i sdom pa gnyis dang/ bsnyen gnas kyi sdom pa bcas khyim pa'i phyogs kyi sdom pa gsum ste brgyad do/ /thar pa la bsnyen pa ste nye bar gnas par byed pas na/ bsnyen gnas dang/ don dam pa'i dge ba myang 'das la bsnyen pas na/ dge bsnyen dang/ dge ba de'i tshul te 'dra ba dngos la zhugs pas na/ dge tshul dang/ dge ba de slong ba ste 'tshol bas na dge slong dang/ yang dge ba de 'tshol zhing/ chos ldan gyi bsod snyoms slong bas na dge slong zhes bya ste/ rang rang gi ming tsam gyis kyang don shes par byas nas ming don mtshungs par byed dgos so/ /so thar gyi skad dong pra ti mok+Sha zhes pa las/ pra ti dang po dang/ so so dang/ thabs gsum la 'jug pas/ sdom min las dang por thar zin pa'i skabs yin pa dang/ thar pa dngos kyi 'go tshugs pa'i dang po yin pas na dang por thar pa zhes bya/ bslab gzhi gang gis bsrungs pa de thar gyi/ gzhan gyis bsrungs pas gzhan mi thar bas na so sor thar pa zhes bya ste/ rang rang gi las so so'i rjes su 'brangs nas 'khor bar skye ba la so so skye bo zer ba dang 'dra/ thar pa thob pa'i thabs yin pas na/ thar pa'i thabs zhes kyang bya/ mok+Sha ni thar pa'o/ /so thar ris brgyad kyi nang nas dge slong gi sdom pa ni lus ngag gi spangs bya yongs rdzogs spong bas mchog yin zhing/ de thob nas bsrung ba kho na gal che bas/ de dang ldan pa rnams la bshad pa skabs su babs pas na/ @163a @#/ /bsten tshul te bsrung tshul brjod ces bshad par dam bcas pa'o/ /gnyis pa bstan bcos dngos bshad pa la/ sdom pa thob tshul dang/ bsrung tshul gnyis las/ dang po ni/ dal 'byor rten thob rgyal ba'i bstan pa la/ /zhugs la yongs su rdzogs pa'i dpal thob nas/ /zhes pa ste/ tshig don ni/ sdom pa skye ba'i lus phun sum tshogs pa dal 'byor gyi rten thob nas/ thob pa don ldan du byed tshul/ da chog nyes med kyi skabs ltar/ tshig snga phyi'i go rim dang mthun par/ rgyal ba'i bstan pa la dang por rab tu byung ba'i sgo nas zhugs la/ mthar bslab gzhi yongs su rdzogs pa'i dpal dge slong gi dngos po thob par byed pa'o/ /nas zhes pa lhag ma 'dren pa'i tshig go /'phros don ni/ lus rten dal 'byor dang ldan pa des/ bsam pa nges pa lnga bral dang/ /sdom pa thob par shes pa dang/ lhag par nges 'byung bskyed par byed dgos/ nges pa lnga ni/ mi 'dod pa'i sems can 'di'i srog gcod la/ gzhan gyi ni mi gcod snyam pa la sogs pa sems can nges pa dang/ rdzas 'di ma byin par len la/ gzhan mi len snyam pa lta bu yul nges pa dang/ skyid po byed pa'i tshe chang 'thung la/ gzhan gyi tshe mi 'thung snyam pa tshe nges pa dang/ lo dang zla ba tsam du spong gi /de phan chad mi spong snyam pa lta bu dus nges pa dang/ dge tshul dang/ dge slong rang rang gi bslab bya las rtsa ba bzhi la sogs pa spong gi /gzhan mi spong snyam pa yan lag nges pa ste lnga las/ gang rung zhig dang ma bral na yang sdom pa mi skye zhing/ skyes zin pa rnams kyis kyang bsam pa 'di dag dang bral bar ma byas na/ sdom pa rnam par dag par mi 'gyur ro/ /mdor na rab byung gi sdom tshig snga phyi gang len pa na/ 'gal rkyen bar chad bzhi spang zhing/ mthun rkyen lnga tshang ba las skye dgos/ 'gal rkyen bzhi ni/ sdom pa gnas pa dang/ mdzes pa dang/ khyad par du 'gyur ba dang skye ba la bar du gcod pa'o/ /mthun rkyen lnga ni/ yul dang/ rgyud dang/ rtags dang/ bsam pa dang/ cho ga mthun pa'i rkyen no/ /gnyis pa bsrung tshul la/ bsrung thabs spyir bshad pa dang/ bye brag tu @164b bshad pa gnyis las/ dang po ni/ phan bde'i 'byung gnas bslab pa rin po che/ /grogs dang bsam sbyor phun tshogs 'gal rkyen shes/ /bslab pa yongs sbyong bde ba'i rkyen bsten nas/ /'tsho ba'i srog las kyang ni gces par bsrung/ /zhes pa ste/ tshig don ni bsrung bya'i gzhi gcig pu phugs su phan pa dang/ phral du bde ba'i 'byung gnas rtog pa'i bstan pa dge slong gi tshul khrims kyi bslab pa rin po che rang rgyud la yod pa de/ phyi'i grogs dang/ nang gi bsam sbyor phun sum tshogs pa dang/ sdom pa'i dngos kyi 'gal rkyen rnams ngo shes pa dang/ bslab pa yongs su sbyong ba dang/ mthun rkyen bde ba'i rkyen bsten pa dang/ bcas bsrung thabs lnga tshang ba'i sgo nas/ srog dang bslab gzhi bsrung ba nang 'doms na yang/ tshe 'dir 'tsho ba'i srog las kyang bslab gzhi de ni gces par bsrung zhig ces/ bslab pa bsrung ba la goms pa'i mtha' tshad dang bcas te gsungs so/ /'phros don ni/ bcas ldan dge slong gis bslab pa rin po che bsrung ba'i thabs lnga ni/ grogs gzhan la brten nas bsrung ba dang/ rang gi bsam sbyor phun sum tshogs pa'i sgo nas bsrung ba dang/ 'gal rkyen ngo shes pa'i sgo nas bsrung ba dang/ bslab pa yongs su sbyong ba'i sgo nas bsrung ba dang/ bde bar gnas pa'i rkyen bsten te bsrung ba dang lnga las/ dang po ni 'dir grogs dang zhes pas bstan no/ /de la gnas kyi bla ma la brten nas bsrung ba dang/ de las gzhan pa la brten nas bsrung ba gnyis/ dang po ni/ gnas der mkhan po yong na de nyid gnas kyi bla ma yin la/ med pa dang mthun rkyen ma 'dzom na/ gnas kyi bla ma mtshan nyid dang ldan pa la gnas 'cha' bar gsol ba btab cing/ cho ga byas nas de nyid la ston pa'i 'du shes nges par bskyed dgos te/ lung ma mo las/ lhan cig gnas pa dang/ nye gnas kyis mkhan po dang/ slob dpon la ston pa'i 'du shes bskyed par bya'o zhes gsungs pas shin tu gus shing gdams ngag la the tshom mi za bar byas la phyag dang bsten bkur bstabs pa sogs bya/ bdag nyid bsnyen par rdzogs nas lo bcu lon @165a @#/ /zhing/ lnga phrugs dang ldan par ma gyur bar du/ bshang gci dang/ so shing dor ba dang/ mtshams khongs su gtogs pa'i mchod rten sogs la zhar byung gi phyag bya ba dang/ gtsug lag khang nas 'chag pa 'ba' zhig gi bsam pas 'dom bzhi bcu rtsa dgu tshun chad du 'gro ba dang/ chu btung ba dang/ gos kyi rdul sprug pa lta bu dang/ tshul khrims dang ldan pa la gtam 'dre ba sogs bya ba dmigs bsal ma gtogs pa gnas dang ye mi 'bral bar byas la/ rang gi blo la bltos nas gzhan gyi srog gcod pa lta bu mi rung bar thag chod par shes pa rnams bya mi bya bla ma la mi zhu zhing/ spyir mi rung bar shes kyang ltung ba nang 'dom pas byed theb byung na/ de gnyis gang dang gang la gnang bkag bya bar zhu zhing/ rung bar shes kyang yul dus kyis rang la mi 'tshams pas gnas kyis gnas skabs der ma byed ces bkag pa rnams yul dus de las ma yol bar byas chog pa zhes nan gyis mi zhu/ de las gzhan pa'i rung bar shes pa rnams dang/ the tshom za ba rnams nges par zhu dgos te/ rang gis rung bar nges kyang gnang ba thob dgos pa dang/ gnang ba thob nas bsgrubs pas bla ma la gus pa'i phan yon 'byung ba dang/ the tshom za ba rnams zhus pas bya bar rigs mi rigs nges par 'gyur ba'i phyir/ de yang gnas dang gnas pa gnyis ka rang bzhin gyi mtshams gcig na nyin re lan gsum zhu/ rgyang grags tsam du yod na nyin re lan re/ rgyang grags lnga 'am drug yod na/ zhag lnga'am drug thog du zhu/ dpag tshad phyed dang gsum yod na/ gso sbyong gi tshe 'phral gyi bya ba nar ma rnams ji ltar byed pa bzhin dus gcig tu zhu bar gsungs pas/ rang nyid gnas kyi bla ma las yul thag de las mi ring bar byed dgos pa don gyis go dgos/ bya ba glo bur ba byung zhing byung du dogs pa rnams 'phral du zhu dgos/ de ltar gnas kyi bla ma btsal nas bya ba rnams zhus pas/ gnas med kyi nyes pa dang/ ma zhus pa'i nyes pa khegs kyang/ gtso bo de'i bka' ji lta ba bzhin du/ ka blo mi bde ba la sogs @166b pa'i nyes pa lnga med par gus pa dang brtson pa shas chen pos bsgrub pa gal che/ gdams ngag 'di dag gnad du gtong ba'i thabs mchog ni rang nyid chos rnam dag ma nor ba la blo sbyong ba dang/ chos de'i 'byung khung bla ma ci byung byung la mi gtugs par/ btsun pa/ brtan pa/ mkhas pa/ phan 'dogs pa ste/ yan lag bzhi ldan gyi tshul khrims dang ldan pa'i mkhan po dang/ bla ma nges par 'tshol ba dang/ btsal nas rnyed pa na dang gus bka' sgrub kyi sgo nas de kho na mi gtong ba 'di yin no/ /gnyis pa ni/ lung gzhi las/ bla ma bdun gsungs te/ rab byung gi mkhan po dang/ bsnyen rdzogs kyi mkhan po ste mkhan po gnyis dang/ dge tshul gyi slob dpon dang/ gsang ste ston pa dang/ las byed pa dang/ gnas byin pa dang/ glog pa'i slob dpon bcas slob dpon lnga ste bdun no/ /bla ma 'di rnams la brten nas sdom pa'i tshul khrims dngos su skye zhing gnas par 'gyur la/ tshul khrims de la brten nas/ sems dang/ shes rab kyi bslab pa nges par 'byung rung yin pas na dngos sam brgyud pas brjod bya bslab pa gsum rdzogs par 'gyur ba dang/ brjod byed sde snod gsum dang mthun par 'gyur ba ni dgos pa'i gtso bo dang/ bla ma bdun po yang rnam grangs tsam ma yin par rang nyid la chos ldan gyi bka' drin mi 'dra ba bdun gyi sgo nas dge slong rang nyid kyi bla ma yin par go dgos/ de yang mkhan po gnyis ni gtso bo yin zhing/ yul rang la bltos nas dang por dge tshul gyi sdom pa phog /de nas gsang ston gyis bar chad dris/ de nas las slob kyis sdom pa byin pa'i las byas/ de'i mtshan mo'i mtha' la gnas med kyi nyes pa khegs/ de'i rjes su klog pa'i slob dpon gyis sde snod kyi chos slob pas slob dpon lnga'i go rim yang de ltar byung ba yin/ mkhan po dang slob dpon so sor gyur dus kyang mkhan po gnyis ni rang rang gi cho ga'i skabs kyi mkhan por gsol ba 'debs pa'i sngags tshig brjod pa gsum pa phal cher byas pa na so so'i mkhan por gyur cing/ de ltar mkhan por gyur dus ni sgrub bya la sdom pa skyes pa la mi @167a @#/ /ltos pa'i rgyu mtshan ni sgrub bya 'khor ba nas 'don pa'i las kyi khur thams cad mkhan por khris pas dog tu bcas pa yin/ des na mkhan po byas nas sgrub bya yal bar dor ba ni nyes dmigs che ste/ lung gzhi las/ dge slong dag bshan pa byed du bcug pa ni sla yi/ rab tu byung zhing bsnyen par rdzogs par byas nas yal bar bor ba ni mi rung ngo zhes gsungs shing/ phran tshegs las kyang de ltar gsungs/ mkhan po tshul bzhin byed na sgrub bya la drin chen zhing/ de'i tshad kyi sems can la phan btags pas phan yon che ste/ mdo sde mdzangs blun las/ dper na long ba brgya'i mig sman la mkhas pas phye ste mthong bar byas pa dang/ mi brgya'i mig dbyung ba la thug pa na/ de dag las thar bar byas na 'di nyid kyi bsod nams ni dpag tu med mod kyi/ 'o na te gzhan rab tu phyung ngam/ bdag nyid rab tu byung ba'i bsod nams la ni mi phod do/ /kha cig gis rin po che sna bdun las byas pa'i mchod rten mtho khyad du sum cu rtsa gsum gyi gnam la thug par byas pa'i bsod nams kyis kyang rab tu byung ba'i bsod nams cha tsam mi phod do zhes gsungs so/ /dge tshul gyi slob dpon dang/ las slob du gyur pa'i dus ni sgrub bya'i rgyud la rang rang gi sdom pa skyes pa dang dus mnyam yin/ gsang ston gyi slob dpon du gyur pa'i dus ni lkog tu bar chad dris zin pa na slob dpon du gyur/ gnas kyi slob dpon du gyur dus ni/ gnas par 'os pas gnas su 'os pa la gnas su bzung ba'i cho ga byas nas mtshams gcig gi khongs su gnas te mtshan mo mtha'i skad cig 'das pa na der gyur to/ /klog pa'i slob dpon du gyur dus ni/ sngar rang gis ma shes pa'i bka' 'am bstan bcos gang yin yang tshigs su bcad pa'am lhug pa tshigs bzhi yan chad du longs pa de phan tshan bslab pa'i bsams pas lan gsum bzlas na der gyur to/ /de ltar rang gi bla ma bdun las mkhan po dang gnas kyi bla ma las gzhan bla ma rnams dang gnas brtan sde snod 'dzin pa rnams dang/ grogs rgan ba rnams la'ang gnas la zhus med @168b pa'i dus su bya ba rnams zhu la de'i bka' bzhin sgrub pa dang lung rtogs la the tshom za ba rnams sde snod 'dzin pa rnams la 'dri zhing sgro 'dogs bcad/ spyir tshangs pa mtshungs par spyod pa rgan gzhon bar gsum thams cad la gus pa dang zhe sa byed pa dang/ de dag gis smad kyis dogs pa'i 'jigs pa dang bcas pas bsten na/ de dag gis bslab pa'i gnas rgya cher ston cing nyes pa las ldog pa dge ba la sbyor bar 'gyur ro/ /lam rim gyi skabs nas bshes gnyen bsten tshul chos kyi dbu yin par gsungs pa ltar 'dir yang phyi rol gyi rkyen gang zag gzhan la brten nas bsrung ba 'di/ las dang po pa la shin tu mkho bas/ lung las/ bsrung thabs kyi nang nas dang por bstan zhing/ rang nyid lo bcu lon pa dang 'dul ba shes pa'i gang zag rang dbang can du ma gyur na bsnyen par rdzogs nas lo brgya lon kyang/ bsrung thabs 'di dag gtso bor byed dgos par gsungs pas 'di la gal chung du mi byed par/ bya ba zhu ba'i tshul gyi bsrung ba dang/ gnas la gnas pa'i tshul gyi bsrung ba dang/ chad pa bcad pa'i tshul gyi bsrung ba dang bcas cha tshang bar khong du chud par byas te phyag len du theb pa mdzad dgos so/ /gnyis pa nang gi rgyu bsam sbyor phun sum tshogs pa'i sgo nas bsrung ba ni 'dir bsam sbyor phun tshogs zhes pas bstan no/ /de la/ bsam pa phun sum tshogs pa/ sbyor ba phun sum tshogs pa/ bsam sbyor gnyis ka phun sum tshogs pa dang gsum las/ dang po la dad pa dang/ snying rje dang/ shes rab dang/ dran pa dang/ shes bzhin dang/ ngo tsha shes pa dang/ khrel yod pa dang/ bag yod pa dang brgyad las/ dang po la/ dkon mchog la dwang ba'i dad pa/ las 'bras la yid ches pa'i dad pa/ bden bzhi'i 'dor len la mngon 'dod kyi dad pa dang gsum las/ dang po ni/ lung sil bu las/ sangs rgyas bcom ldan 'das dag ni chos nyid kyi thugs rje chen po can 'jig rten la phan 'dogs pa la zhugs pa zhes sogs ltar dang/ skabs su babs pa so so thar pa las/ snyan pa'i ba dan 'jig rten gsum du grags/ dam pa'i @169a @#/ /chos sgra seng ge'i sgra bsgrags pa/ /thams cad mkhyen pa dkon mchog mdzod brnyes la/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med brgal ba/ /'gro ba'i gtso la zhes pa ltar gyi don bsams te dad par byed dgos pas/ de yang bdag cag gi ston pa'i gzhan don phun sum tshogs pa'i yon tan dang rang don phun sum tshogs pa'i yon tan gnyis/ dang po la lnga las/ gzhan don gyi rgyu phun sum tshogs pa ni sangs rgyas pa nyid yin te/ dang por sems bskyed pa na/ gzhan don yongs su rdzogs pa la/ rang don byang chub thob dgos par mthong nas sems bskyed pas shes so/ /de ni tshigs rkang dang pos bstan la/ de'i tshig don yang sangs rgyas pa'i snyan pa'i ba dan 'jig rten khams gsum du grags zhes pa'o/ /gnyis pa 'gro ba la phan 'dogs phun sum tshogs pa ni blang dor gyi chos 'khor bskor ba nyid yin te/ de las gzhan rang gi rtogs pa sbyin du med pas shes so/ /de ni tshig rkang gnyis pas bstan no/ /chos 'khor de yang seng ge'i sgra dang 'dra ba ni/ mu stegs byed glang po lta bu skrag par mdzad cing/ rigs kyi bu seng ge'i phru gu lta bu sdud par mdzad pas so/ /gsum pa shes rab phun sum tshogs pa ni/ chos thams cad cig car mngon sum du mkhyen pa yin te/ shes pa rnams kyi nang nas/ de las rab tu gyur pa med pa dang/ mi shes pa dngos su bsal ba yang shes rab kho nas byed pas so/ /de ni thams cad mkhyen pa zhes pa'i tshig rkang phyed kyis bstan no/ /bzhi pa thugs rje phun sum tshogs pa dang ldan pa ni/ lung dang rtogs pa'i chos dkon mchog gi mdzod 'phags pa'i dge 'dun rang gi 'khor du brnyes nas smin par mdzad pas shes te snying rje chen po des ma gtogs gzhan gyis de dag 'khor du mi 'du bas so/ /de ni dkon mchog mdzod brnyes pa zhes pa'i bstan no/ /lnga pa 'bras bu'i khyad par phun sum tshogs pa ni/ tshangs dbang la sogs pas dreg pa btang ste zhabs la gtsug gi nor bus gtugs pa'o/ /de ni tshig rkang bzhi pas bstan no/ / @170b gnyis pa rang don phun sum tshogs pa la gnyis las/ spangs pa phun sum tshogs pa ni srid pa'i gting dang pha rol gyi mtha' zhi rkyang dpag tu med pa las brgal bas so/ /de ni tshig rkang lnga pas bstan no/ /gnyis pa ye shes phun sum tshogs pa dang ldan pa ni/ thams cad mkhyen pa'i ye shes brnyes pas 'gro ba'i gtso bor gyur pas so/ /de ni 'gro ba'i gtso la zhes pas bstan no/ /'di dag ni mtshon pa tsam ste rgyas par rnam 'grel gyi ston pa tshad ma'i skyes bur sgrub byed kyi rig pa'i tshul la goms par bya ste de dag med na las 'bras la yid ches pa'i dad pa rnal ma skye thabs med do/ /chos kyi yon tan ni/ thog mar dge ba/ bar du dge ba/ tha mar dge ba/ zhes sogs ltar dang/ khyad par du'ang 'dul ba'i yon tan slob dpon chos kyi tshong dpon gyis bshad pa dang/ skabs su babs pa so so thar pa las/ thams cad mkhyen pa'i bslab gzhi dkon mchog snod ces pa'i don thams cad mkhyen pa kho nas gsungs pa'i bslab pa'i gzhi lung sde bzhi ni dkon mchog yin la/ de dag phyogs gcig tu bsdus nas 'jog pa'i snod ni so sor thar pa'i mdo 'di yin zhes pa dang/ gzhan yang so sor thar pa la bslab pas tshe 'di'i 'bras bu dang/ phyi ma'i 'bras bu dang/ so sor thar pa la ston pa rang dang 'dra bar bstod pa'i che ba'i yon tan rnams/ sangs rgyas 'dul ba gang chen mtsho zhes pa nas/ nga ni mya ngan 'das gyur na/ /'di ni khyed kyi ston pa zhes/ /rang byung nyid kyis gus bcas par/ /nan tan dge slong tshogs mdun bstod/ /ces pa'i bar gyi don shes shing dran par byas nas/ chos 'di la rgyun du dad cing gus par bya'o/ /dge 'dun gyi yon tan ni/ legs par zhugs pa/ rigs par zhugs pa zhes sogs ltar dang/ gleng gzhi las/ nyan thos kyi dge 'dun ni sbyin par rigs pa/ rab tu sbyin par rigs pa zhes bshad pa lta bu'o/ /de ltar yang yang bsam pa las/ dkon mchog gsum gyi mtshan thos pa tsam gyis/ yon tan dran te lus kyi ba spu ldang ba dang/ mig nas mchi ma 'byung ba'i mtshan ma can gyi dwang ba'i dad pa bsgom @171a @#/ /par bya/ 'dis ni ma gus pa ltung ba 'byung ba'i rgyu spong ngo/ /gnyis pa ni/ spyir 'khor ba rgyu 'bras thams cad skyon can dang/ thar ba'i rgyu 'bras thams cad phan yon can du shes nas yid ches pa dang/ khyad par tshul khrims bsrungs ba'i phan yon/ dang/ ma bsrungs pa'i nyes dmigs phra mo nas so sor bstan pa/ las kyi rnam smin bstan pa'i mdo dang/ ltung ba lci yang bstan pa'i mdo las gsungs pa rnams dang/ skabs su babs pa lung gleng gzhi las/ tshul khrims pham pas nyams pa la nyes dmigs bcu ste/ tshul khrims kyis bdag smad pa dang/ gzhan lha dang ston pas smad pa dang/ tshangs par mtshungs par spyod pa la mkhas pa rnams kyis smad par 'os pa dang/ chos nyid kyis smad par 'os pa dang/ phyogs dang phyogs mtshams su sdig pa mi snyan pa'i sgra grags par 'gyur ba dang/ ma rtogs pa'i chos rnams rtogs par mi 'gyur ba dang/ rtogs pa'i chos rnams nyams par 'gyur ba dang/ sngon thos pa'i chos rnams brjed par 'gyur ba dang/ rnam par 'gyod bzhin du tshe'i dus byed pa dang/ shi ba'i 'og tu ngan song du log par ltung nas sems can dmyal bar skye bo zhes gsungs pas/ dang po ni tshul khrims de blangs nas nyams pas 'di phyir sdug bsngal bskyed pas bdag smad pa'o/ /la la'i tshul khrims sdug bsngal yin zhes pa dang mthun/ yang na tshul khrims spyi dang ma mthun pas tshul khrims kun gyis bdag smad pa yang yin no/ /gnyis pa ni/ lha rnams kyis chom rkun pa'i tha snyad kyis smod cing/ ston pa sangs rgyas kun gyis kyang smad zin pa yin/ gsum pa'i skabs gzhan gyis smad 'os yin min mi shes pa dang/ smad pa'i tshul yang mi shes pas tshangs spyod mkhas pa rnams kyis zhes smos so/ /bzhi pa ni chos kyi tshul gyis smad par 'os pa'o/ /bcu po de dag las/ dang po dgu tshe 'dir myong bas rang gi mthong chos dang/ bcu pa ni ma mthong ba'i nyes dmigs yin no/ /bsrungs ba'i phan yon bcu bam po lnga bcu pa dang nyan sa nas gsungs pa @172b ni/ 'gyod pa med pa sngon du 'gro ba'i rim gyis mya ngan las 'das pa thob par 'gyur ba dang/ 'chi ba'i dus la babs pa'i tshe na 'gyod pa med par 'gyur ba dang/ phyogs dang phyogs mtshams rnams su snyan par grags par 'gyur ba dang/ bde bar gnyid log cing bde bar sad par 'gyur ba dang/ gnyid log pa na yang lha rnams bsrung bar 'gyur ba dang/ gzhan las sdig pa'i bag tsha ba med cing 'jigs pa dang yid dang ngas pa med pa dang/ dgra bo rnams kyis kyang gnod pa mi byed cing tha mal par 'dug par 'gyur ba dang/ mi ma yin gdug pa can rnams kyis kyang gnod pa mi byed cing phan 'dogs par 'gyur ba dang/ 'tsho ba'i yo byad tshegs chung dus thob par 'gyur zhing bkur sti byed par 'gyur ba dang/ smon lam thams cad yang dag par 'grub par 'gyur ba'o/ /zhes gsungs pas/ dang po ni tshul khrims dag na 'gyod pa med par 'gyur/ 'gyod pa med na mchog tu dga' bar 'gyur/ de la brten nas sems mnyam par bzhag ste yang dag pa mthong ba'i go rim gyis myur du myang 'das 'thob par 'gyur ba yin/ gnyis pa'i skabs/ nyan sa las 'chi ba dngos bzang/ 'chi ba'i ltas bzang/ tshe phyi ma la bzang zhes gsungs pa ni go rim bzhin dge sems kyis 'chi zhing/ de dang mthun pa'i phyi nang gi ltas byung nas tshe phyi ma la dngos su lha mi gang rigs dang/ rgyud nas thar pa thob pas bzang ba'o/ /phan yon 'di gnyis rgyu tshul khrims dag pa dang/ 'bras bu skye ba dag pa mthong ba'i sgo nas 'gyod pa med pa snga ma dang phyi ma gnyis zhes gsungs/ bzhi pa ni/ sems kyis sdig pa bsrung zhing/ lus kyis khams bsrungs pas na lus sems la gdung ba med par bde bar gnyid log cing sad par 'gyur ba yin/ drug pa ni/ gzhan la gnod par ma byas pas gzhan gyi tshur gnod pa byas dogs pa'i bag tsha ba med pa'am/ yang na tshul khrims dang mi ldan pa'o zhes sgrogs kyi dog pa'i bag tsha ba med pa'o/ /dgu pa'i skabs/ med mi rung yin pas 'tsho ba'i yo byad @173a @#/ /zhes gsungs kyi/ lhag po'i yo byad mang po glo bur du byung na bdud kyis byin pa srid pas/ de ni tshul khrims dang mi mthun pas phan yon ma yin no/ /bcu po 'di dag gi tshig gi mthar 'gyur ba dang zhes 'byung bas/ tshul khrims bsrung ma thag nas phan yon bcu po dngos mi thob kyang de ltar 'gyur bar nges pa'i phan yon bcu thob par bstan pa yin/ de yang dang por tshul khrims gcig ma bsrungs pa'i nyes dmigs la yang ngan song sbyi dang bye brag gi rnam smin dang/ bde 'gror skyes kyang tshe thung nad mang dbang po ma tshang ba sogs myong ba rgyu mthun dang/ nyes spyod la dga' zhing 'jug sla ba'i gnas ngan len byed pa rgyu mthun dang/ gnas mi 'phrod pa dang longs spyod mthu zhan pa sogs bdag 'bras bcas mtha' dag par bsams nas ltung ba'i kun slong gzhi dang bcas pa las ldog cing/ de nas kyang lung ma bstan du sdod pa'i bar ma mi byed par tshul khrims bsrungs pa'i rgyu 'bras zhib tu bsams nas brtson 'grus drag cing rgyun ring bar bya/ dper na zhing pa rnams kyis ston thog dran bzhin du dpyid son 'debs pa dang/ mes 'tshig pa dran bzhin du me las byol ba ltar dge sdig gang la 'jug pa na yang rang rang gi 'bras bu bde sdug dran bzhin du blang dor bya dgos zhes bdag gi bla mas gsungs/ de ltar las 'bras la yid ches kyi dad pa bsgom pas ltung ba 'byung ba'i sgo bag med pa dngos su spong/ tshul khrims dang thos bsam sgom gsum la brtson pa na/ 'khor dang snyan grags dang go sa thob 'dod kyis slob pa 'dun pas 'gro ba dang/ mi dang mi min gyi gnod pa dang/ bskrad kyis dogs nas bslab pa 'jigs pas 'gro ba dang/ 'gran sems dang phrag dog gis bslab pa zhe sdang gis 'gro ba dang/ lta ba phyin ci log gis bslab pa gti mug gis 'gro ba ste/ 'gro ba bzhi dang bral nas thar pa nges legs kyi snod mchog tu 'gyur ro/ /gsum pa ni/ de nas sdug bden gyi mtshan nyid mtha' dag shes par byas bas kun 'byung ma lus pa spong 'dod skyes nas sdug kun zad pa'i thar pa thob @174b 'dod dang/ de gang la rag las pa'i lam bden sgrub 'dod bcas tsam po bam yin pa bsgom par bya ste/ des ni 'tsho ba med pa dang/ bstod pa'i tshigs su bcad pa med pa dang/ chad pa dang ngan 'gros 'jigs nas blangs shing bsrung ba'i 'jigs skyabs kyi tshul khrims dang/ 'khor ba'i lus longs spyod dang bkur sti la chags nas blangs shing bsrung ba'i legs smon gyi tshul khrims sogs nges 'byung gi tshul khrims nyams pa'i rgyu dang po nas blangs nyes pa dang/ log par smon pa gnyis spong zhing/ nges 'byung des zin na so shing dor ba sogs bslab gzhi phra mo yan chod gang la bslab kyang thar pa'i rgyur dbang med du 'gro bas/ bsam pa 'di ma skyes pa rnams kyis bskyed pa dang/ skyes pa rnams kyis kyang bya ba thams cad kyi sngon du dran par bya ste/ rje btsun 'jam dbyangs kyis rgyal ba tsong kha pa chen por stsal ba'i zhal gdams las kyang/ des na sngags la sogs pa'i gdams ngag gang zab zer ba rnams bzhag nas thog mar nges 'byung dang byang sems la myong ba thon pa re nges par bya dgos/ de skyes pa dang de nas dge ba thams cad thar pa dang thams cad mkhyen pa'i rgyur dbang med du 'gro bas/ des na 'di la sgom rin mi chog par byed pa ni lam gyi gnad gtan nas ma shes pa yin gsungs 'dug pas/ nges 'byung byang sems gnyis kyang theg pa che chung gi byang chub la dmigs pa'i mngon 'dod kyi dad pa'i khongs na yod pa yin/ thar pa de sgrub byed kyi lam bslab pa gsum yod kyang gzhi ma tshul khrims kyi bslab pa kho nar nges pa ni/ tshul khrims yang dag par ldan pa'i mdo las/ ji ltar mig med gzugs mthong mi rung ltar/ /de bzhin tshul khrims med na chos mi mthong/ /ji ltar rkang med lam 'jug ga la nus/ /de bzhin tshul khrims med na thar mi 'gyur/ / ji ltar bum pa bzang po rin chen snod/ /de bzhin tshul khrims chos rnams bskyed pa'i gzhi/ /ji ltar bum chag rin chen snod mi rung/ /de bzhin tshul khrims ral bas chos kun gtugs/ /dang po tshul khrims med par gyur pa de/ /phyi nas mya ngan 'das pa 'thob snyam mam/ /sna med sna @175a @#/ /rngum la sogs gang yin pa/ /de la me long dag ni dgos mi 'gyur/ /rna bas ma thos mig sngar ma mthong yang/ /bstan bsrung mi de mtho ris 'gro bar 'gyur/ /zhes sogs mdo bstan bcos nas lan cig ma yin par gsungs pa rnams nges don yin par ma go na/ ji ltar byas snyam yang da lta'i 'brel med kyi log rtog rnams kyis dus 'da' bar 'gyur ro/ /deng dus tshul bzhin brtson na ni dag zhing rnams dang/ sngon bstan pa la skyon ma zhugs pa'i dus kyi phan yon las kyang ches lhag pa thob tshul ni/ mdo sde ting nge 'dzin rgyal po las/ bskal pa bye ba gangga'i bye snyed du/ /dang ba'i sems kyis zas dang skom rnams dang/ /gdugs dang ba dan mar me'i phreng ba yis/ /sangs rgyas bye ba khrag khrig rim gro byas/ /gang gis dam chos rab tu 'jigs pa dang/ /bde gshegs bstan pa 'gag par 'gyur ba'i tshe/ /nyin mtshan du ni bslab pa gcig spyod pa/ /bsod nams 'di ni de bas bye brag 'phags/ /zhes gsungs shing/ bslab gzhi de yang gong 'og gi rim pas phan yon che chung gi khyad par shin tu che ste/ dper na brgya byin gyis/ zla ba yar gyi tshes brgyad dang/ /cho 'phrul gyi ni zla ba la/ /bsnyen gnas yan lag brgyad bsrung na/ /de ni nga dang 'dra bar 'gyur/ /zhes smras pas/ bcom ldan 'das kyis bka' stsal pa/ ko'u shi ka khyod de skad ma zer cig /de ni nga dang 'dra bar 'gyur/ zhes gsungs shing/ de 'dra'i phan yon chen po des dge bsnyen gyi sdom pa'i phan yon gyi brgya'i cha la sogs par mi 'gro la/ de bzhin du dge bsnyen la sogs pa'i 'og ma'i phan yon gyis/ gong ma'i phan yon la bsgrun du med pa'i tshul rin po che'i phung po'i mdo las/ bsam sbyor yul dang bcas pa gzhan thams cad khyad par med pa la rab byung gi sdom pa dang ldan mi ldan tsam gyis byas pa'i bsod nams kyi khyad par bsam gyis mi khyab pa gsungs pa rnams la nges par lta rtog bya zhing/ gtso bor bcom ldan 'das kyi bka' khrims 'di rgyal khrims btsan po dang mi 'dra bar shin tu nges pa'i tshul dang @176b de yang bslab pa la gus ma gus kyi khyad par rtog pa gal che ste/ 'dul ba lung las/ gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhin dbang thob/ /smig tshal breg pas a smra'i tshal nyams bzhin/ /'di na la la rgyal po'i tshig chen yang/ /'das na lan 'ga' chad pa thob mi 'gyur/ /thub pa'i dka' lung tshul min 'da' byas na/ /dud 'gror 'gro 'gyur e la'i 'dab klu bzhin/ /zhes gsungs pa ltar dang/ bslab pa la gus na sdom med rab byung gi rtags can gyis kyang/ rang gzhan gyi 'di phyi'i bde legs 'grub tshul/ bshes spring las/ dga' bo sor 'phreng mthong ldan bde byed bzhin/ zhes pa'i bde byed sogs kyi gtam rgyud kyis shes par nus so/ /mdor na dang por dkon mchog la dwang ba'i dad pas bsod nams kyi bsags rgyab bskyed de/ bar du las 'bras la yid ches sgo sna tshogs dang/ gnad gang che nas bsgom pas mthar myang 'das 'dod pa'i nges 'byung gi chos gcig po'i steng du sgril na/ rang dang mi mthun pas chos ldan gzhan la ma gus pa byed pa dang/ chos la mi brtson pa'i bag med skyid bde byed pa dang/ brtson pa na yang mi shes par rmongs tshod byed pa dang/ ltung ba rgyu 'bras mtha' yas pa thos pa na/ de dag myong ba la mi 'jigs par shes par byed pa la zhum pa dang/ shes pa rnams kyang shes bzhin du 'gal tshab can du byed pa sogs/ sngon chad kyi ngan pa rgyun chags mtha' dag rang ldog tu song ste/ phyin chad bag yod pa'i rnal 'byor gyis ci byas gang byung thams cad tshul khrims 'di len pa dang/ bsrung ba'i thabs su 'gro bas bsrungs thabs thams cad kyi gnad bsdus ba lta bu ni dad pa gsum po 'di yin no/ /gnyis pa snying rje ni/ sangs rgyas kyi bstan pa snying rjes rab tu phye ba yin pas sems can thams cad mar ma gyur pa med cing/ pha ma byas res kyis phan tshad med btags pa'i drin can yin pa la/ da lta sdig sdug chen pos gzir ba 'di rnams shin tu snying rje bas 'di dag bde ba dang ldan par gyur cig snyam pa'i byams pa dang/ 'di dag la gnod @177a @#/ /pa gzhi bcas las bzlog par bya'o snyam pa dgos te/ so thar gyi sdom pa sems can thams cad la gnod pa las bzlog pa yin pa'i phyir/ mdzod du/ sdom pa sems can thams cad las zhes so/ /gsum pa shes rab ni/ rtag chad kyi mtha' gnyis spangs pa dbu ma'i lam dang/ 'dus byas thams cad mi rtag /zag bcas thams cad sdug bsngal/ chos thams cad bdag med/ mya ngan las 'das pa thams cad zhi bar rtogs pa'i lta ba rnam dag cig dgos te/ de lta ma yin na lta ba nyams par 'gyur te/ lung ma mo las/ lta ba nyams par 'gyur ba gang zhe na/ lta ba drug cu rtsa gnyis su gtogs pa'i lta ba las gang yang rung ba'i lta bar gyur pa de lta bu ni lta ba nyams pa zhes bya'o/ /zhes dang/ 'dul ba bsdu bar yang lta ngan de rnams spong dgos par gsungs so/ /don gyi shes rab 'di yod na tshul khrims nyams pa'i rgyu nges par 'byung ba ma yin pa dngos su spong zhing thal ches pa yang spong ngo/ /bzhi pa dran pa ni/ sngar blang dor la blang dor du ma 'dres par shes pa de ma brjed par 'dzin pa'o/ /de la snga 'dren gyi dran pa bya ra ba lta bu/ thag chod kyi dran pa bsgo ba lta bu/ phyis bsnyegs kyi dran pa rjes gcod lta bu ste gsum las/ dang po ni/ bya ba gang dang gang rtsom 'dod pa na blang dor dran pas blang dor du ngo shes par byed pa'o/ /gnyis pa ni bya ba de byed pa na blang dor dran pas blang dor la 'jug pa'o/ /gsum pa ni bya ba de byas pa'i rjes la nyes par dran na phyir 'chos/ legs par dran na dga' ba bsgoms pa'o/ /yang na bya ba gang dang gang rtsom 'dod pa na/ sngar gyi blang dor dran pas nges pa'i don bzhin du ngo shes par byas te de las mi 'da' bar byed pa ste/ de ni sngar blang dor gyi don shes pa de dgos dus 'dir 'dren pa ste dran par byas nas/ de las gzhan du mi gtor bas ra ba dang 'dra bas na sngar 'dren gyi dran par ba lta bu zhes bya/ de ltar shes par byas pa na bya ba de rigs mi rigs gang du thag chod pa der blang dor la 'jug pa ste/ de ni rang gis thag chod nas gzhan la 'di ltar gyis shig ces bsgo ba @178b dang 'dra bas thag chod kyi dran pa bsgo ba lta bu zhes bya/ de ltar blang dor byas pa'i rjes la slar yang brtag ste nyes par dran na phyir bcos/ legs par dran na dga' ba bsgom pa ste/ de ni phyi bzhin bsnyegs te rkun ma rjes gcod pa dang 'dra bas na phyi bsnyegs kyi dran pa rjes gcod lta bu zhes bya/ 'di lta bu'i bshad srol yang 'dug cing/ gang ltar bya ba re re la yang dran pa gsum gyi skyong tshul 'di tshang bar byas na thog mar ltung ba mi 'byung zhing/ brgyal byung na yang de ma thag mi dran pa dang/ dran yang phyir mi 'chos pa sogs kyi skabs med pas/ 'di ni byas tshad lam du gtong ba'i thabs mchog tu gyur pa yin pas gces par bzung zhig /lnga pa shes bzhin la nyan sa nas bshad pa bcu dang ang/ khyad par 'du shes lnga bsten pa gnyis las/ dang po ni/ nyan sa las/ 'gro ba dang ldog pa la shes bzhin du spyo par byed pa dang/ cung zad bltas pa dang/ rnam par bltas pa dang/ bskum pa dang/ brkyang ba dang/ snam sbyar dang/ chos gos dang/ lhung bzed bcang ba dang/ zos pa dang/ 'thungs pa dang/ 'chos pa dang/ myang ba dang/ song ba dang/ sdod pa dang/ 'dul ba dang/ nyal ba dang/ mi nyal ba dang/ smra ba dang/ mi smra ba dang/ gnyid kyis snyom pa bsad pa la yang shes bzhin du spyod pa yin no/ /zhes pas phar 'gro na 'gro'o zhes shes/ 'di ni 'gro bar bya ba yin/ 'di ni 'gro bar bya ba min/ 'di ni 'gro bar bya ba'i dus yin/ 'di ni dus ma yin/ rnam pa 'di ltar 'gro bar bya/ 'di ltar 'gro bar mi bya/ zhes shes pa dang/ 'gro bar bya ba'i gnas dang/ dus dang/ ji ltar 'gro bar bya bar shes nas 'gro yis ldog nas mi 'gro ba ni/ 'gro ldog la shes bzhin du spyod pa'o/ /de bzhin du myangs pa zhes pa'i bar ni rgyu ba dang ldan pa'i las lnga'o/ /song ba dang zhes pa nas gnyid kyis snyom pa sel ba zhes pa'i bar spyod pa dang ldan pa'i las rnam pa lnga'o/ /rgyu ba'am spyod pa'i las de dang po rtsom pa nas las de nyid la dran pa nye bar bzhag cing spyod pa las/ de dran pas zin cing bag yod kyis kyang zin pas gzhi gang la phyogs gang du dus gang gi tshe ji snyed cig rnam pa gang @179a @#/ /gis ji ltar brtag par bya ba'i gzhi de las phyogs der dus de'i tshe/ de snyed cig rnam pa des/ de ltar rtog cing shes pa rgyu spyod gnyis ka dang ldan pa'i shes bzhin bzhi'o/ /rgyu ba dang ldan pa'i las lnga ni de'i lus kyi las dang/ mig gi las dang/ yan lag dang/ nying lag thams cad kyi las dang/ chos gos dang/ lhung bzed kyi las dang/ bsod snyoms kyi las dang lnga las dang po ni/ 'gro ba dang ldog pa la zhes sogs kyis bstan/ gnyis pa ni cung zad bltas pa dang/ rnam par bltas pa dang/ zhes pas bstan/ de gnyis kyi khyad par ni zhor la mthong ba dang/ ched du bltas pa'o/ /gsum pa ni/ bskum pa dang/ brkyang ba dang zhes pas bstan/ bzhi pa ni/ snam sbyar dang chos gos dang lhung bzed bcang ba dang zhes pas bstan/ lnga pa ni/ zos pa dang/ 'thungs pa dang/ 'chos pa dang/ myang ba dang/ zhes pas bstan no/ /spyod pa dang ldan pa'i las lnga ni/ de'i lus kyi las dang/ ngag gi las dang/ yid kyi las dang/ nyin mo'i las dang/ mtshan mo'i las dang lnga las/ dang po ni/ song ba dang/ sdod pa dang/ 'dug pa dang zhes pas bstan/ de gsum ni chos kyi phyir lam du song ba dang/ 'chag 'chag byed pa dang/ bla ma sogs chos mthun rnams kyi mdun na sdod pa dang/ khri la sogs pa'i steng du skyil krung bcas nas 'dug pa'o/ /gnyis pa ni smra ba dang zhes pas bstan/ de ni chos nyan bshad byed pa'o/ /gsum pa ni/ mi smra ba dang gnyid kyi snyom pa bsang ba la yang zhes pas bstan/ de ni mi smra bar zhi lhag sgom pa dang/ dus ma yin par gnyid nyal 'dod pa bsang bar byed pa'o/ /bzhi pa ni mi nyal ba dang zhes pas bstan/ lnga pa ni nyal ba dang zhes pas bstan no/ /de ltar gang la spyod pa'i gzhi bcu bo de la spyod pa'i shes bzhin bcu dang/ tshul ji ltar spyod pa'i shes bzhin bzhi ni/ gzhi gang la spyod pa'i shes bzhin/ phyogs sam gnas gang du spyod pa'i shes bzhin/ dus gang gi tshe spyod pa'i shes bzhin bcas bzhi ste shes bzhin bcu bzhi'o/ /de ltar bcu bzhir phye ba ni/ dang po bcu gzhi'i sgo nas phye la/ @180b bcu po des spyong tshul gyi sgo nas phyi ma bzhir phye ba'o/ /bsdu na bcu po bzhir 'dus la bzhi po'ang bcur 'dus so/ /'di dag dang ma 'brel pa'i bsam spyod gang yang mi 'byung bas/ chos rnam dag 'dod pa yod na med thabs med pa'i gnas 'di rnams lag len dang sbyar shes pa zhig mtshan ldan bla ma'i zhal las shes par bya'o/ /gnyis pa ni/ 'dul ba bsdu bar/ dge slong 'dul ba'i bslab pa la/ /brtson pa de ni 'du shes kyis/ /gnas pa rnam pa lnga yin te/ /grong du 'jug par byed pa na/ /brtson rar 'jug pa'i 'du shes dang/ /gtsug lag khang na mdo sde bzhin/ /rtag tu dge sbyong 'du shes dang/ /zas la rtag par nad kyi ni/ /gnyen po nyid du 'du shes dang/ /rab dben shes bya rnam gnyis la/ /long ba 'on lkugs 'du shes dang/ /nyal na dgon pa'i ri dwags ltar/ /thum phras kyi ni 'du shes dang/ /de ltar gnas pa'i dge sbyong ni/ /rgyal la 'os pa'i longs spyod la/ /gnas kyang 'dod pa bsod nyams kyi/ /rjes su sbyor bar mi 'gyur ro/ /zhes gsungs pa ltar/ dge slong 'dul ba'i bslab pa la brtson pa rnams kyis 'du shes lnga la gnas par bya ste/ 'du shes lnga ni/ grong du 'jug pa na brtson rar 'jug pa'i 'du shes dang/ gtsug lag khang du 'dug pa na/ mdo sde las/ dge sbyong gi 'du shes nyi shu rtsa gnyis gsungs ba bzhin/ rtag tu dge sbyong gi 'du shes dang/ zas la longs spyod pa na bkres pa'i nad kyi gnyen po'i 'du shes dang/ rab tu dben pa bsten pa na gzugs sgra gnyis la long ba 'on lkug gi 'du shes dang/ de ni long ba ltar gzugs la mi lta ba dang/ 'on lkug ltar sgra nyan bshad mi byed pa'o/ /gnyid nyal ba na dgon pa ste sa phyogs stong pa'i ri dwags ltar thum phras kyi 'du shes te lnga'o/ /de ltar byas na rgyal po chen po la 'os pa'i zas gos stong phrag brgya pa longs spyad kyang 'dod pa bsod nyams kyi mthar mi 'gyur ro/ /gong gi dge sbyong gi 'du shes nyi shu rtsa gnyis ni/ mdo las/ tshe dang ldan pa dag gnas nyi shu rtsa gnyis po 'di dag ni rab tu byung bas yang dang yang du so sor brtag par bya ste/ bdag ni khyim pa'i rtags spangs ba ste mi sdug pa'o/ /zhes pa nas/ gnas nyi shu@181a @#/ /rtsa gnyis po 'di la yang dang yang du so sor rtog pa'i dge sbyong gi 'du shes yongs su rdzogs par 'gyur zhes pa'i bar ro/ /de ltar dran pa dang shes bzhin 'di gnyis yod na ltung ba 'byung ba'i rgyu bag med pa spong zhing/ tshul khrims nyams pa'i rgyu bzhi pa bag med pa dang/ le los yongs su zin pa'i skabs kyi bag med pa spyi spong ngo/ /drug pa ngo tsha shes pa ni/ tshul khrims nyams pa'i nyes dmigs rnams kyis bdag la mi 'dod pa 'byung bas 'jigs nas kha na ma thob la 'dzem pa'o/ /bdun pa khrel yod pa ni/ bdag gi 'jig rten dang/ 'dul ba dang 'gal ba'i kha na ma tho ba spyad na ston pa dang/ lha dang/ mkhan slob dang/ grogs rnams kyi khrel bar 'gyur snyam nas kha na ma tho ba la 'dzem pa ste 'di gnyis yod na tshul khrims nyams pa'i rgyu bcu pa yang dag par blangs pa yongs su nyams par 'gyur ba dngos su spong zhing/ rgyu gnyis pa ha cang zhum pa yang spong ngo/ /brgyad pa bag yod pa ni/ sngar ltung ba byung ba deng dran te 'gyod pas chos bzhin du phyir bcos pa sngon gyi mtha' dang ldan pa'i bag yod dang/ de bzhin du ma 'ongs par ltung ba byung na yang phyir bcos snyam pa ma 'ongs pa'i ltung ba phyir bcos pa phyi ma'i mtha' dang ldan pa'i bag yod dang/ da ltar ltung ba byung ma thag phyir bcos pa dbus kyi mtha' dang ldan pa'i bag yod dang/ ltung ba ma byung ba'i snga rol nas phyis ltung ba mi 'byung ba de ltar spyod snyam pa sngon gyi dus su bya ba'i bag yod dang/ ci nas kyang ltung ba mi 'byung bar spyod snyam pa rjes su 'jug pa'i bag yod pa ste/ bag yod lnga'o/ /rjes su 'jug pa'i don ni/ bag yod med gnyis ka'i skabs/ rang rang gi snga ma'i bag yod med so so'i rjes su 'jug pa'o/ /'di rnams kyis tshul khrims nyams pa'i rgyu bzhi pa bag med pa dang/ le los yongs su zin pa'i skabs kyi bag med pa lnga so sor spong ngo/ /gnyis pa sbyor ba phun sum tshogs pa la/ thog mar med du mi rung ba'i 'dul ba la bslab pa/ ltung ba mi 'byung ba'i rgyu lnga la bslab pa/ bslab pa dang mi mthun pa'i chos lnga spong ba la @182b bslab pa/ mthun pa'i chos lnga bsten pa la bslab pa/ yongs su shes pa'i chos lnga shes pa la bslab pa/ bslab pa la brtson pa'i chos lnga la bslab pa/ stobs lnga dang ldan pa'i sbyor ba phun tshogs la bslab pa dang bdun las/ dang po ni/ dpal mgon klu sgrub kyis rin chen phreng ba las/ des na rab tu byung ba yis/ /dang por bslab la rab gus bya/ /so sor thar pa 'dul bcas pa/ /mang thos don gtan dbab la bsgrims/ /zhes gsungs pas/ thog ma nyid du 'dul ba mnyan par byas nas mtha' dag par shes par bya'o/ /gnyis pa ltung ba mi 'byung ba'i rgyu lnga la bslab pa ni/ 'dul ba bsdu bar/ bsdams sogs blta sogs bya nyung dang/ /'dres par gnas pa med sogs dang/ /las dang po la sogs pa yis/ /ltung ba 'byung ba med pa yin/ /zhes pa ltar bsdams sogs dang/ blta sogs dang/ bya nyung dang/ 'dres med sogs dang/ las dang po pa sogs dang bcas sde tshan lnga las/ dang po ni/ dbang po'i sgo sdom pa dang/ zas kyi tshod rig pa dang/ nam gyi cha stod smad la mi nyal bar rnal 'byor la brtson pa dang/ shes bzhin du spyod pa bcas yin no/ /gnyis pa ni/ dge sbyong gi tshul la shas cher blta ba dang/ ston pa dang grogs la gus pa dang ngo tsha khrel yod kyis ltung ba la 'dzem pa bcas yin no/ /gsum pa ni/ phyi'i bya ba dang/ nang gi bsam don dang/ las kyi mtha' dang/ 'du 'dzi nyung ba bcas yin no/ /bzhi pa ni/ khyim pa dang rab tu byung ba rnams dang mi 'dre bar gnas pa dang/ 'dul ba la mkhas pas ltung ba yod med mi 'dres pa dang de'i sgo nas dge phyogs la gcig tu nges pa byed pa bcas yin no/ /lnga pa ni/ bcas pa'i las dang po pa dang/ smyos pa dang/ sems 'khrugs pa dang/ tshor bas nyen pa bcas yin no/ /gsum pa bslab pa dang mi mthun pa'i chos lnga spang ba la bslab pa ni/ 'dul ba bsdu bar/ 'dul ba'i bslab dang mi mthun pa'i/ /chos ni rnam lngar rig par bya/ /bar du gcod dang dam chos ltar/ /bcos dang sdig pa'i grogs po dang/ /glen zhing nyon mongs mang ba dang/ /sngon gyi tshogs stobs chung ba yin/ /zhes pa ltar/ bar du gcod pa lnga dang/ @183a @#/ /chos ltar bcos pa nyi shu rtsa lnga dang/ sdig grogs dang/ glen zhing nyon mongs mang ba dang/ sngon gyi tshogs stobs chung ba dang bcas lnga spang ba la bslab par bya'o/ /bar gcod lnga ni/ lhag pa'i bslab gsum gyi bar gcod gsum dang/ bde 'gro'i bar gcod dang/ rnyed pa dang srog dang 'phral gyi bya ba'i bar gcod bcas lnga'o/ chos ma yin pa la rang gzhan gyis chos su 'du shes nas byas pa'i bshad sgrub gnyis ni chos ltar bcos pa'i bshad sgrub tu gsungs 'dug pas/ chos la brtson pa yod na chos min dang ma 'dres pa'i chos ngo shes pa rang gal che'o/ /sdig grogs ni rgyas par nyan sa dang byang sa ltar dang/ mdor na bag med pa dang/ nyes spyod dang/ dge ba dang yon tan dman pa 'dzin du 'jug par byed pa rnams yin/ dad sogs dman zhing rmongs pa shas che bas glen zhing nyon mongs mang ba dang/ tshogs stobs chung ba ni sngon dad sogs ma bsgoms pas tshe 'di la dbang po dman pa dang/ brtson 'grus byas kyang lam bsgom mi nus pa'o/ /bzhi pa mthun pa'i chos lnga bsten pa la bslab pa ni/ 'dul ba bsdu bar/ legs par nges 'byung gang yin dang/ /'dri dang so sor rtog pa dang/ /gnyen po sgom par byed pa dang/ /dad pa yin te de la yang/ /dang po la brten gzhan dag byed/ /de dag ltung ba mi 'byung ste/ /mi shes la sogs go rim bzhin/ /zhes pa ltar/ dang por 'jigs skyobs dang/ legs smon tsam ma yin par nges 'byung gis rab tu byung ba dang/ byung nas sde snod 'dzin pa rnams la ltung ba yod med sogs 'dri ba dang/ dus gsum du rang gi tshul khrims la so sor rtog cing nyes pa med na dga' ba sgom nas rjes su slob pa dang/ gal te nyes pa mthong na yang phyir 'chos byed pa ni so sor rtog pa dang/ nyin mo dang/ nam gyi che stod smad la tshul khrims dang smra ba dang/ sgra tsam gyis chog par mi 'dzin par 'dod chags kyi gnyen por mi sdug pa dang/ zhe sdang gi gnyen por byams pa dang/ gti mug gi gnyen por rten 'brel/ nga rgyal gyi gnyen por khams kyi rab dbye/ rnam rtog gi gnyen por dbugs @184b 'byung rdub/ bdag dang bdag gir lta ba'i gnyen por stong pa dang bdag med sgom pa ste gnyen po bsgom pa dang/ ltung ba'i 'bras bu la mi 'dod pa yin par yid ches pa'i dad pa bsgom pa bcas lnga las/ dang po nges par 'byung ba'i tshul khrims la brten nas/ lhag ma bzhi pos rim pa bzhin du mi shes pa dang/ bag med pa dang/ nyon mongs pa mang ba dang/ ma gus pa bcas ltung ba 'byung ba'i rgyu bzhi'i gnyen po byed pa'o/ /chos lnga po de la brten nas tshul khrims kyi phung po kun tu bsrungs pa dang/ legs par bsrungs pa yin pas gtan gyi bde ba sgrub pa rnams kyis tshul gnas thos bsam sgom pa'i gnad dang bcas pa'i snying po 'di la nyin re bzhin du nyams len ci nas mdzad dgos so/ /'dir dad pa sbyor bar bgrangs pa ni dad pa de sgom pa la rtsol ba ni sbyor ba yin pas so/ /lnga pa yongs su shes pa'i chos lnga shes pa la bslab pa ni/ 'dul ba bsdu bar/ 'dul ba'i bslab pa brtson pa yis/ /gnas lnga yongs su shes bya ste/ /dngos po dang ni ltung ba dang/ /gang zag rdzas blang gnod pa'o/ /zhes pa ltar/ dngos po dang/ ltung ba dang/ gang zag dang/ rdzas blang pa dang/ gnod pa bcas gnas lnga yongs su shes par bya'o/ /'dir dngos po ni/ phung sogs lnga dang gzhan yang sems can dang sems can ma yin pa'i dngos po gnyis so/ /ltung ba ni lngas shes par bya ste gzhi dang kun slong dang dngos po dang sbyor ba dang mtha' bcas lnga'o/ /gang zag ni lngas shes par bya ste/ dpyad pa dang/ ris dang/ mtho dman dang/ 'thob pa dang/ brtag pa bcas kyi dbye ba lnga'o/ /rdzas blang ba ni/ bsdu na gsum ste/ rnyed pa'i rdzas blang ba dang/ ltung ba las bslang ba'i rdzas blang ba dang/ dge 'dun bde bar bya ba'i phyir/ tshul khrims 'chal ba bskrad pa'i rdzas blang ba'o/ /gnod pa ni tshe 'di la gnod pa rgyas pa lnga gsungs pa shes nas spang bar bya'o/ /drug pa bslab pa la brtson pa'i chos lnga la bslab pa ni/ 'dul ba bsdu bar/ 'dul ba nyer zhi chos lnga ste/ /des pa dang ni spong ba dang/ /spong ba'i yan lag bsnyen bkur dang/ /rtsod pa nye bar zhi ba yin/ /zhes pa ltar/ des shing 'grogs na @185a @#/ /bde ba mgu ba'i chos drug /spong ba 'khor lo bzhi/ spong ba'i yan lag lnga/ bsnyen bkur ni ston pa la bsnyen bkur byed pa nas bag yod pa la bsnyen bkur bya ba'i bar go rim bdun dang/ bsnyen bkur rang gi ngo bo gsum/ rtsod pa zhi byed kyi chos bdun bcas nye bar zhi ba'i chos lnga la bslab par bya'o/ /bdun pa stobs lnga dang ldan pa'i sbyor ba phun tshogs la bslab pa ni/ 'dul ba bsdu bar/ sbyor ba dang ni bsam pa dang/ /rtogs pa dang ni shes pa dang/ /gnas par gyur pa'i stobs kyis ni/ /yang dag sbyor ba phun tshogs 'gyur/ / zhes pa ltar sbyor ba'i stobs dang/ bsam pa'i stobs dang/ rtogs pa'i stobs dang/ shes pa'i stobs dang/ gnas pa'i stobs bcas stobs lnga dang ldan pa'i yang dag pa'i sbyor ba ni rnam pa thams cad du phun sum tshogs par 'gyur pas de rnams la bslab par bya'o/ /gsum pa bsam sbyor gnyis ka phun sum tshogs pa ni/ ma mo bya ba'i phung po las/ dge slong gnas brtan dang/ bar ma dang/ gsar bu thams cad kyis kyang rab tu byung ba'o snyam du sems mngon du bzhag par bya/ sangs rgyas bcom ldan 'das mgon po'o snyam du 'du shes mngon du bzhag par bya/ mya ngan las 'das pa la gzhol bar bya/ bslab pa'i gzhi lta bur bcas pa la mtshungs par spyad par bya/ bla ma'i khyad par chud pa'i phyir nan tan du bya/ zhes gsungs pa ltar/ nam gyi cha smad gsum cha yod tsam nas langs te/ rang nyid la rab tu byung ba'i dge slong gi 'du shes bzhag la/ bdag cag sdug bsngal gyi rgya mtshor bying pa'i mgon skyabs gcig pu ni/ bdag cag gi ston pa sangs rgyas bcom ldan 'das kho na'o snyam pa'i 'du shes mngon du byas te rgyu gnyis tshang nges kyis skyabs 'gro byas nas/ mya ngan las 'das pa'i thar pa gcig pu la sems gzhol bar bya/ mthu yod na byams snying rjes drangs pas byang chub mchog tu sems bskyed nas spyod pa phyin drug spyi dang/ khyad par bdag med la dmigs pa'i zhi lhag zung 'brel gyi rnal 'byor bar gang yod bsgom zhing/ rnal 'byor med na kha ton bya/ de yang klag pa gsum klag par bya'o zhes gsungs @186b pas/ de gsum ni rgyud chags gsum pa'o/ /de nas bslab pa'i gzhi lta bur bcas pa la mtshungs par spyad pa ni nam langs pa la nye ba na langs te gos tshags legs par bcos la/ so shing dor/ gdong bkrus nas bla ma sangs rgyas la phyag mchod sogs bya/ de nas bla ma'i mdun du song ste phyag phul bsnyun gsol ba la sogs pa'i bslab rim rnams gnas kyi skabs ltar bya/ de la tshogs kyi gtso bo tshul khrims kyi sdom pa ni yan lag drug dang ldan te/ tshul khrims dang ldan par gnas pa dang/ so so thar pa'i sdom pas bsdams pa dang/ cho ga phun sum tshogs pa dang/ spyod yul phun sum tshogs pa dang/ kha na ma tho ba phra rab tsam dag la yang 'jigs par lta ba dang/ bslab pa'i gzhi rnams yang dag par blangs shing slob par byed pa dang drug las/ dang po ni/ 'dir lus ngag gi sdom pa gtso bas mtshams med sogs ma byas pas lus ngag gi las mtha' ma log par gyur cing/ pham pas mnyams par byed pa dang/ bslab phran yan chad skyon med par byed pa'o/ /gnyis pa ni/ 'dir so thar gyi sdom pa'i mchog dge slong gi sdom pas bsdams pa'o/ /de la dang po ni/ sdom pa chud mi za ba'i mtshan nyid dang/ gnyis pa ni sdom pa'i rang bzhin gyi mtshan nyid do/ /gsum pa cho ga phun sum tshogs pa la/ spyod lam la brten pa dang/ 'phral gyi bya ba la brten pa dang/ dge ba'i phyogs la brten pa ste gsum las/ dang po ni/ ji ltar 'greng 'chag nyal 'dug gang byed kyang 'jig rten dang mthun zhing 'dul ba dang mi 'gal bas/ 'jig rten gyi dam pa ya rab spyod tshul rnams dang 'dul ba la bslab pa rnams kyis so sor smad cing gshung bar mi 'gyur ba'o/ /gnyis pa 'phral gyi bya ba la brten pa ni/ chos gos bgo ba dang/ bshad gci dang/ chu btung ba dang/ so shing bza' ba dang/ grong du 'jug pa dang/ bsod snyoms sgrub pa dang/ bza' ba dang/ lhung bzed bkru zhing bzhag pa dang/ rkang pa bkru ba dang/ mal stan bshams shing bsdu ba dang/ lhung bzed dang chos gos kyi las dang/ bya ba cung zad de lta bu rnams ji ltar rig pa dang/ gang du bya ba dang/ ji ltar bya ba der 'jig rten @187a @#/ /dang mthun zhing/ 'dul ba dang mi 'gal bar byas pas 'jig rten pa rnams rtsod par mi 'gyur zhing 'dul ba la bslab pa rnams kyis smad par mi 'gyur ba'o/ /gsum pa dge ba'i phyogs la brten pa ni kha ton dang bla ma la 'dud cing ldang ba dang/ snying brtse bas nad g.yog bya ba dang/ 'dun pa sbyin pa dang/ lung 'bogs pa dang/ rab tu sbyor ba dang/ yongs su zhu ba dang/ chos mnyan pa dang/ tshangs spyod mkhas shing brtson pa rnams la lus kyis zhal ta bya ba dang/ gzhan dag kyang dge phyogs 'dzin du gzhug pa dang/ chos bstan pa dang/ nang du yang dag 'jog pa dang/ sgom la 'jug pa dang/ skyil krung bca' ba dang/ 'dug pa dang/ gzhan yang de lta bu'i chos rnams ci rig par gang du bya ba dang/ ji ltar bya ba der/ 'jig rten dang mthun zhing/ 'dul ba dang mi 'gal bas 'jig rten pa dang/ 'dul ba la bslab pa rnams kyis rtsod cing smad par mi 'gyur ba'o/ /bzhi pa spyod yul lam spyod pa phun sum tshogs pa ni/ 'di lta ste/ bshan pa'i gnas dang/ smad tshong ma'i gnas dang/ chang tshong ma'i gnas dang/ rgyal po'i pho brang dang/ gdol pa'i khyim kho na ste/ dge slong gis spyod yul ma yin pa lnga po de dag dang/ gzhan yang zhe 'gras par 'gyur ba dang/ phyir bzlog tu mi rung ba'i khyim gang yin pa spang nas/ spyod yul kha na ma tho ba med par snga dro la sogs pa dus su spyod par byed pa'o/ /lnga pa kha na ma tho ba phra rab tsam dag la yang 'jigs par lta ba ni/ bslab gzhi phra ba ltung byed dang/ shin tu phra ba nyes byas tsam dag la yang/ 'di ltar 'jig par lta ste/ bdag ltung ba chung du 'di tsam gyis kyang mngon mtho'i gnas ma thob pa thob par bya ba dang/ bden pa'i don ma rtogs pa rtog par bya ba dang/ myang 'das mngon sum du ma byas pa mngon sum du bya ba'i skal ba med par 'gyur ba dang/ ngan song du nye bar 'gro bar 'gyur ba dang/ bdag la thams cad kyis smad par 'gyur ba sogs/ 'di phyi'i nyes dmigs chen po dran nas bsam bzhin du srog gi phyir yang ltung ba chung du 'byin par mi byed/ brgya la brjed nges pas ltung ba chung du byung na yang myur ba myur bar chos bzhin du @188b phyir 'chos par byed pa'o/ /drug pa bslab pa'i gzhi rnams yang dag par blang zhing slob par byed pa ni/ sngar bsnyen par rdzogs pa'i dus sum thos pa'i bslab gzhi lhag ma rnams so sor thar pa'i mdo dang/ mkhan slob grogs mched sogs las thos nas thams cad la bslab bo zhes dam bcas shing/ de'i rgyus sdom pa mchog kyang thob ste de rnams la ma mkhas na mkhas par bslabs/ bslabs nas kyang don dang tshig 'bru phyin ci ma log par 'dzin cing bslab pa'o/ /de ltar cho ga phun sum tshogs pa dang/ spyod yul phun sum tshogs pa 'di gnyis la bslab pas gzhan ma dad pa rnams dang cing/ dad pa rnams 'phel ba dang/ lhag par dad par byed pa dang/ ma dad pa 'ga' yang ying 'khrug par mi 'gyur ba dang/ mi snyan pa yang brjod par mi byed cing/ 'di gnyis dang mi ldan na tshul khrims dang ldan du zin kyang/ gzhan gyi dbang gis byung ba'i yon tan de dag dang/ rjes su bsngags pa dag mi 'byung zhing/ de las bzlog pa'i skyon 'ba' zhig 'byung bas cho ga dang spyod yul 'di gnyis gzhan gyi dbang gis byung ba'i yon tan can no/ /de ltar cho ga dang spyod yul phun sum tshogs pas gzhan dbang gis byung ba'i yon tan dang/ rjes su bsngags pa thob tu zin kyang/ tshul khrims nyams par byas na rgyu rkyen des ngan song du ltung na ma thob pa thob pa sogs kyi yon tan gyi skal ba med par 'gyur ba lta ci smos/ des na kha na ma tho ba phra rab tsam dag la yang 'jigs par lta ba dang/ bslab pa'i gzhi chen po dag yang dag par blang zhing slob par byed pa gong smos bzhin bya dgos te/ de ltar byas na phyi ma ngan song du mi skye zhing bde 'gror skye ba dang/ tshe 'dir yang ma thob pa thob par bya ba'i skal pa yod par 'gyur bas/ 'di gnyis ni bdag gi dbang gis byung ba'i yon tan can no/ /mdor na yan lag drug las/ dang pos tshul khrims kyi sdom pa'i chud m za ba'i mtshan nyid bstan/ gnyis pas sdom pa'i rang bzhin gyi mtshan nyid bstan/ phyi ma bzhis rang bzhin gyi yon tan gyi mtshan nyid bstan to/ /de ltar yan lag drug dang/ mtshan nyid gsum po de ni tshul khrims kyi @189a @#/ /phung po'i rnam par dbye ba dang bsdu ba yin no/ /tshul khrims kyi sdom pa de yang/ rgyu bcus nyams shing/ de las bzlog pa bcus phun sum tshogs par 'gyur bas/ nyams pa'i rgyu bcu ni/ rgyal pos gtses pa la sogs pa'i 'jigs pa tsam gyis blangs pa ste/ dang po nyid nas nyes par blangs pa dang/ bslab pa las lhod cing g.yel bar byed pa ha cang zhum pa dang/ bslab pa'i gnas dang gnas ma yin pa la dga' 'gyod go ldog tu phyed pa thal ches pa dang/ bag med pa lnga dang gnyid kyi bde ba sogs kyi dbang du gtong ba bag med pa dang le los yongs su zin pa dang/ phyi mar lha dang tshe 'dir rnyed bkur 'dod nas bslab pa log par smon pa dang/ cho ga gsum 'jig rten dang 'gal zhing/ 'dul ba dang 'gal bar byed pa cho ga nyams pas yongs u zin pa dang/ tshul 'chos/ kha gsag /gzhogs slong/ thob kyis 'jal ba/ rnyed pas rnyed par 'dod pa bcas log 'tsho lnga byed pa 'tsho ba nyams pas yongs su zin pa dang/ lhag par chags pas longs spyod pa bsod nyams kyi mtha' dang/ bdag nyid ngal ba la brtson pa ngal dub kyi mtha' ste mtha' gnyis su lhung ba dang/ tshul khrims sam brtul zhugs kyi lta ba mchog tu 'dzin pa des par 'byung ba mi yin pa dang/ ngo tsha med cing dge sbyong du khas 'che ba sogs yang dag par blangs pa yongs su nyams par gyur ba bcas bcu'o/ /de las phyi ma gnyis kyis tshul khrims rgud pa dang/ lhag ma brgyad kyis nyams pa kho na yin zhing/ bcu po de las bzlog pa rnams kyis ni tshul khrims phun sum tshogs pa yin no/ /tshul khrims kyi sdom pa de'i ming gi rnam grangs ni drug ste/ yon tan kun gyi gzhi rten yin pas rtsa ba'i don dang/ rgan gzhon kun la 'byor rgud kyi dus kun tu mdzes par byed pas rgyan gyi sgra'i don dang/ tshul 'chal lus sems kyi tsha gdung sel bar byed pas na byug pa'i sgra'i don dang/ tshul khrims kyi dri dang snyan pa phyogs dang phyogs mtshams kun tu ldang zhing grags pas spos kyi rnam pa'i sgra'i don dang/ 'di phyi mtha' gsum bde bar 'gro bas lus ngag legs par sbyang @190b pa'i sgra'i don dang/ kha na ma tho ba las ldog cing spong ba'i rang bzhin yin pa dang/ de dang ldan pa ni sdom pas bsdams pas sdom pa'i sgrar yang gsungs pa'i don bcas drug go /tshul khrims kyi sdom pa de yang so sor rtog pas yongs su rnam par dag par bya ba ni gsum ste/ lus kyi las la so sor rtog pa dang/ ngag gi las la so sor rtog pa dang/ yid kyi las la so sor rtog pa'o/ /de rnams kyi don ni bdag gi lus ngag yid gsum gyi las dus gsum gyis bsdus pa gang la yang/ 'di rang gzhan la gnod cing/ mi dge ba/ tshe 'dir sdug bsngal 'byung ba/ phyi mar nang song du rnam par smin pa bcas mi dge ba'i chos bzhe ldan zhig yin nam/ 'on te de las ldog pa'i dge ba'i chos bzhi ldan zhig yin zhes so sor rtog pa na/ gal te las de mi dge bar shes na byed 'phro de las phyir ldog cing/ slan chad kyang mi byed la/ sems kyis de'i rjes su 'jug par yang mi byed cing/ de tshangs spyod mkhas pa'i mdun du so sor 'chags shing phyir 'chos byed pa dang/ yang gal te las de nyid dge bar shes na/ phyir mi ldog cing slan chad kyang byed la/ rjes su 'jug par sems kyang bskyed cing/ mchog tu dga' ba bsgom par bya ba'o/ /de ltar rgyun du sgo gsum la brtags nas/ dge sdig gang yin la blang dor byed pa ni tshul khrims dag thabs dang dag pa dngos gnyis ka yin pas/ dge sbyong gi las gcig pu 'di la ci nas kyang bslab par bya dgos te/ bcom ldan 'das kyis sgra gcan zin la bka' stsal ba las kyang sangs rgyas bstan pa dran byed na/ lus las de bzhin ngag las dang/ /yid kyi las la yang yang du/ /so sor rtogs shig sgra gcan zin/ /de la khyod ni slobs byed na/ /legs pa sdig med kho na ste/ /de ni dge sbyong las yin gyis/ 'di la slobs shig sgra gcan zin/ /zhes ji skad gsungs pa ltar ro/ /da ltar tshul khrims kyi sdom pa yongs su dag pa la phan yon bcu yod de/ gong du smos pa bzhin no/ /de ltar tshul khrims kyi phung po'i rnam dbye dang/ nyams pa dang/ phun sum tshogs pa dang/ ming gi rnam grangs dang/ so sor rtog cing yongs su dag pa dang/ phan yon dang@191a @#/ /bcas pas tshul khrims kyi sdom pa yongs su rdzogs pa yin te/ nyan sa'i bar sdom las/ rnam dbye rnam gsum shes par bya/ /phun sum tshogs pa rnam bcur 'gyur/ /rnam grangs rnam pa drug yin te/ /rnam dag rnam pa gsum du 'dod/ /phan yon rnam pa bcu yin te/ /de ni tshul khrims sdom pa yin/ /zhes gsungs so/ /de ltar cung zad rgyas par khong du chud par byas nas dkyus gcig la nyams su len pa'i don ni/ mdor bsdu na yan lag drug las/ dang pos tshul khrims yang dag par blangs pa dang/ gnyis pa mthar pa'i gnas su nges par 'byin pa dang/ gsum pa dang bzhi pas gzhan rjes su 'dzin pa dang/ lnga pa dang drug pas bdag nyid yal bar mi 'dor bar byed pas/ phyi ma bzhis ni tshul khrims sgom pa bstan no/ /de ltar na dang po gnyis gzhir bzung nas/ spyod lam bzhi dang/ phral gyi bya ba dang/ dge ba'i phyogs kyi bya ba gang byed kyang 'jig rten pa dang/ dam pa rnams kyis smad par mi 'gyur bar byed pa'i cho ga phun sum tshogs pa dang/ dge slong gis spyod yul ma yin pa'i gnas spang nas 'gro bar 'os pa'i spyod yul la spyod pa ni spyod yul phun sum tshogs pa dang/ ltung ba chung ngu la yang nyes dmigs chen po yod pas 'jigs par lta zhing bsam bzhin du ltung ba gang yang mi 'byin/ brgya la byung na yang de ma thag phyir 'chos byed pa ni/ kha na ma tho ba phra rab tsam ngag la yang 'jigs par lta ba dang/ sngon bslab pa'i gzhi rnams yang dag par khas blangs shing/ da lta de ltar bslab par byed pa ni/ bslab pa'i gzhi rnams yang dag par blangs shing slob par byed pa ste/ de ltar yan lag bzhis snga dro'i dus 'da' bar byed cing/ de'i rjes su rang rgyud la ltung ba byung ma byung brtag ste/ byung na myur du phyir bcos/ ma byung na dga' ba sgom zhing dge ba bsngo bar bya'o/ /skabs 'tshams su tshul khrims kyi sdom pa de yang/ phun sum tshogs pa dang de'i rnam grangs kyi don dang/ rnam par dag pa dang phan yon bcas bsams par bya/ de nas kham du byas te zar rung bas kham gyi zas zhes pa za ba'i dus la @192b babs pa na/ 'dod spyod khyim pa rnams kyis 'dod pa'i rnam par rtog pa'i phyir dang/ rgyags pa'i phyir dang/ sgeg pa'i phyir dang/ brgyan pa'i phyir/ zas mi rung ba dus ma yin par longs spyod pa dang mi mthun par/ 'phags pa nyan thos thos pa dang ldan pa so sor rtog pa'i stobs dang ldan pa ltar/ zas kyi phan yon gcig pu bdag nyid 'tsho ba'i phyir za rung ba nyes dmigs gsum dran bzhin du dus su mtha' gnyis spang nas sang gi zas kyi bar la mi bkres pa'i tshod kyi ran par longs spyad par bya/ de nas phyi dro dang mtshan mo'i thun dang po la yang/ yan lag bzhi ci rigs pas dus 'da' bar byas te/ mthar phyir bcos dang bsngo ba yang ci rigs par bya/ 'dod pa la 'dun pa dang/ gnod sems dang/ gnyid rmugs dang/ rgod 'gyod dang/ the tshom bcas bsam gtan gyi sgrib pa lnga dang/ de dag 'dren par byed pas/ sgrib par 'gyur ba'i chos sdug pa nyid dang/ khong khro'i rgyu dang/ mun pa dang/ nye du sogs rgod pa'i rgyu dang/ dus gsum du gtogs pa'i tshul min yid byed bcas yongs su sbyangs te phyi rol tu phyin nas rkang pa bkrus te nang du 'ong nas/ bla gos bzhi bltab tu byas te bting/ snam sbyar rim pa mang du bltab ste sngas su bcug la ston pa la phyag mchod sogs byas mthar/ so sor thar pa'i mdo las/ so sor thar la brtson pa yis/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /brtsam par bya zhing dbyung bar bya/ /sangs rgyas bstan la 'jug par bya/ / 'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod pas/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes pa sogs bsngo ba'i tshig skabs su gang babs brjod nas/ sems can thams cad kyi don du bsngo ba dang/ gzhan yang lha dang rgyal po dang/ yon bdag gi ming nas smos pas bsngo smon rgya chen po yang byas la de nas sham thabs spos/ sham thabs kyi gzhan gyon/ gnyid kyis lus brtas par byas te dge ba'i phyogs kyi sbyor ba rgyun du chud par bya ba'i phyir @193a @#/ /lus chos gos kyis dkris nas glo g.yas pa phab ste rkang pa rkang steng du bzhag nas sengge rtsal che la gzeng mtho pha rol zil gyis gnon pa bzhin du/ dge slong brtson 'grus brtsam pa yang de dang 'dra bas sengge'i nyal stangs kyis nyal na bag med kyis lus lhod par mi 'gyur zhing/ gnyid log na yang dran pa mi brjed gnyid srab rmi lam sdig pa mi rmis pa yin gyis/ lha dang yi dwags dang/ 'dod pa la longs spyod pa'i nyal stangs kyis ni de ltar ma yin no/ /de yang 'du shes bzhis nyal bar bya ste/ 'od dang ldan pa'i sems kyis snang ba'i 'du shes bskyed de nyal bas mun pa'i gnyid mthug po mi 'byung/ dran pas nyal bas gnyid kyi nang du'ang dge ba dran zhing brjod par byed/ shes bzhin gyis nyal bas gnyid kyi nang du nyon mongs pa sdom zhing skyes na spong bar byed/ ldang ba'i 'du shes dang po thum phras kyis nyal bas gnyid kyi ma non zhing dus su sad par byed/ ldang ba'i 'du shes gnyis pa sangs rgyas kyis rjes su gnang bas nyal ba la bslab snyam pas/ sengge'i nyal stangs las lhag chad med par nyal bar byed/ ldang ba'i 'du shes gsum pa/ nang par snga bar langs nas dge ba sgrub snyam pa'i 'dun pa rgyun ma chad pas ji ltar 'dun pa de ltar sgrub par byed do/ /ldang ba'i 'du shes gsum gyis nyal ba ni brtson 'grus kyis nyal ba yang yin no/ /de ltar kun spyod ma nyams par nyal nas sang nyin tho rengs snga bar langs te sngar bzhin sbyong do/ /de yang lung ma mo las/ nyin par 'chag gam 'dug pa'i tshe sgrib pa'i chos rnams sems la yongs su sbyang bar bya'o/ /nyin par 'chag cing 'dug pa'i tshe sgrib pa'i chos rnams sems la yongs su sbyangs nas/ mtshan mo mel tshe dang po la 'chag cing/ 'gro ba'i tshe yang sgrib pa'i chos rnams sems la yongs su sbyang bar bya/ mel tshe dang po'i tshe 'chag cing 'gro ba na sgrib pa'i chos rnams sems la yongs su sbyangs nas/ mtshan mo mel tshe bar ma'i tshe gtsug lag khang gi phyir rol tu byung ste/ rkang pa bkrus @194b nas gnas khang du zhugs nas bla gos bzhi bltab tu bltab ste bting/ sbyar ma stug por bltab ste sngas su bcug la g.yas phyogs kyis nyal bar byas te/ rkang pa la rkang pas man na te yan lag mi 'phra ba dang/ sems mi g.yeng ba dang/ gos ma gyes pa dang/ snang bar 'du shes pa dang/ dran zhing shes pa dang ldan pa'i 'du shes yid la bya ste tho rengs myur zhing rim par langs te/ 'chag gam 'dug pa'i tshe sgrib pa'i chos rnams sems la yongs su sbyong ba de ni 'dug pa dang rab tu ldan pa zhes bya'o/ /zhes pa la sogs pa'i bcom ldan 'das kyi sde snod rnams kyi dgongs don cha tshang ba/ las dang po pa'i gang zag gcig gis nyin re bzhin nyams su len tshul/ slob dpon chen po thogs med kyis 'dul ba bsdu ba dang/ 'phags pa nyan thos kyi sa nas gsungs pa 'di la/ 'khor lo bzhi ldan gyi skyes bu zhig yin na ma gtogs ji bzhin brtson pa dka' mod/ 'on kyang skyes bu bsod nams dang ldan pa rnams kyis las su bya ba gzhan spangs te/ 'di la yid smon bskyed nas phyogs tsam brtson na yang da lta'i man ngag tu grags pa khung med cing 'ud che ba gang gis kyang 'gran du med pa ni mngon su ma lags so/ /gsum pa 'gal rkyen ngo shes pa'i sgo nas bsrung ba ni/ 'dir 'gal rkyen shes zhes pas bstan la/ de ni ltung ba sde lnga 'khor dang bcas pa thams cad kyi ngo bo/ lci yang/ ltung ba 'byung ba'i rgyu/ ltung ba las ldang pa'i thabs rnams shes pa'i sgo nas bsrung ba ste/ rnam 'byed gnyis kyis bstan no/ de las dang po ni rgyas par 'og tu gsungs shing/ ltung ba lci yang la/ thog mar ltung ba yin min ni/ bcas ldan dge slong gi rang bzhin dang/ bcas pa'i kha na ma tho ba thams cad ltung ba yin te/ bcas pa rnams kyis kyang khyad gsod dang 'brel bas ngan song du ltung ste/ lci yang bstan pa'i mdo las/ khyad du gsod pa'i rgyu rkyen gyis/ /tshe yi dus byas ngan song ltung/ /zhes dang/ chang 'thung ba la sogs pa bcas rkyang rnams la yang/ lung rnam 'byed las/ bsreg par byed/ 'tshed par @195a @#/ /byed/ ltung bar byed pa'o/ /zhes gsungs so/ /sgrub pa dang/ gnang ba'i bya ba rnams ni ltung ba ma yin pa'o/ /lci yang gi chos ni drug ste/ 'dul ba bsdu ba las gsungs pa lnga dang/ gzhung gzhan nas gsungs pa gcig bcas drug go /dang po lnga ni/ 'dul ba bsdu ba las/ ltung ba rnams kyi chung la sogs/ /rnam pa lngas ni rig par bya/ /ngo bo nyid dang byed pa dang/ /bsam dang gzhi dang tshogs pa'o/ /zhes gsungs te/ dang po ngo bo'i sgo nas lci yang ni/ pham pa lci/ dge 'dun lhag ma ni 'bring/ de gnyis las gzhan pa ni yang ba'o rnam grangs gzhan yang pham pa dang/ lhag ma ni lci/ ltung byed dang sor bshags ni 'bring/ nyes byas ni yang pa'o/ /de rnams ni gtso cher chad pa lci yang gi dbang du byas te spyir btang yin gyi/ dmigs bsal ngo bo lci yang gi dbang du byas na 'chab pa'i pham pa las/ dge 'dun gyi dbyen byed pa'i lhag ma lci/ gcig pu lam du 'gro ba'i lhag ma las/ dud 'gro gsod pa'i ltung byed lci ba yod do/ /rnam grangs gzhan yang rang bzhin gyi kha na ma tho ba rnams ngo bo nyid kyis lci la/ bcas pa'i kha na ma tho ba rnams ngo bo nyid kyis yang pa'o/ /gnyis pa byed pa'i sgo nas lci yang ni/ ma gus pas byas pa lci/ nyon mongs mang bas byas pa 'bring/ mi shes pa dang bag med pas byas pa yang pa'o/ /gsum pa bsam pa'i sgo nas lci yang ni/ zhe sdang lta bu sogs nyon mongs pa che 'bring chung gsum las/ ltung ba lci 'bring yang gsum 'byung ba lta bu'o/ /bzhi pa gzhi'i sgo nas lci yang ni/ srog gcod pa lta bu la/ gzhi mi dang mi min dud 'gro gsum bsad pa las/ ltung ba lci 'bring yang gsum 'byung ba lta bu'o/ /de yang bsam pa mtshungs pas gzhi rang bzhin gcig pa la byas kyang ltung ba chung 'bring che gsum du 'gyur ba yang yod de/ dper na zhe sdang gcig gis dud 'gro bsad na ltung byed/ mi tsam bsad na pham pa/ pha ma bsad na pham pa dang mtshams med gnyis kar 'gyur ba lta bu'o/ /lnga pa tshogs pa'i sgo nas lci yang ni/ ltung ba gcig dang gnyis yang/ gsum nas grangs shes pa'i bar 'bring/ grangs mi shes pa @196b lci ba ste/ mdo rtsa 'grel gyi lugs so/ /'dul ba bsdu ba las ni/ gcig dang gnyis nas lnga'i bar du byung ba ni yang/ de yan chad grangs shes par nus pa ni 'bring/ ltung ba grangs shes par mi nus pa ni lci bar bshad do/ /gnyis pa gzhung gzhan nas gsungs pa gcig ni/ gang zag gi sgo nas lci yang ste/ 'dul ba bsdus pa las/ gang zag ni dge ba'i rtsa bas mi brtan pa blun po'i rgyud de'i lci ba'o/ /de las gzhan ni yang pa'o/ /zhes bshad de ldang ba'i thabs la mi mkhas pa dang mkhas pa'i phyir ro/ /mdzod 'grel las kyang/ mi mkhas pa ni sdig pa chung ngu byas na'ang 'og tu 'gro /mkhas slob dpon khyad par bshes gnyen gyis pas chen po byas kyang gnod pa rab tu spong bar 'gyur/ lcags kyi gong bu chung yang chu yi gting du 'bying 'gyur la/ de nyid snod du byas na che yang steng du 'phyo bar 'gyur/ zhes bshad do/ /rnam grangs gzhan yang mi shes pa dang/ shes bzhin pa'i ltung ba gnyis ni/ rim pa bzhin du yang ba dang lci ba ste/ khyad gsod dang ma 'brel pa'i phyir dang 'brel ba'i phyir ro/ /de ltar ltung ba yin min dang/ lci yang shes par byas nas/ ltung bas mi gos pa dang/ gos kyang bshags pa la mkhas par bya'o/ /ltung ba 'byung ba'i rgyu ni/ mi shes pa dang/ bag med pa dang/ nyon mongs pa mang ba dang/ ma gus pa dang bcas bzhi'o/ /de dag las ji ltar ltung ba 'byung zhe na/ go rim bzhin 'di ltar ltung ba ma thos shing ma rtogs pas de blo ma byang ba'i phyir/ mi shes pa las ltung ba la ltung ba med par 'du shes pas ltung ba 'byung bar 'gyur/ ltung ba thos shing rtog pas blo byang ba kho na yin yang brjed nges dang shes bzhin ma yin par gnas pas de dran pa nye bar mi gnas pas ltung ba 'byung bar 'gyur/ de ltar blo byang ba yin pas bya ba ma yin par shes kyang rang dbang med pas nyon mongs pa rnams kyis ltung ba 'byung bar 'gyur/ de ltar blo byang ba yin yang dman pa la mos shing/ sngon rgyu ma spyod pas dge sbyong gi tshul la mi lta zhing/ myang 'das dang chos dang/ dge 'dun la gus pa med pa dang/ rje sa med pa dang/ ngo tsha med @197a @#/ /pa dang/ bslab pa mi 'dod pa dang/ ma gus pas ci 'dod dgur ltung ba 'byung bar 'gyur zhes gsungs pas/ dang po ma shes pa kho na dang/ gnyis pa shes kyang ma dran pa dang/ gsum pa dran yang rang dbang med pa dang/ bzhi pa rang dbang yod kyang ltung ba la 'jug pa'o/ /dang po gnyis kyis ni nyon mongs can ma yin pa dang/ phyi ma gnyis kyis bskyed pa ni nyon mongs can gyi ltung ba yin no/ /ltung ba las ldang ba'i thabs ni/ phyir bcos te dgos pa ni ltung ba de dag par gyur nas tshul khrims dag pa'i phan yon bcu yang thob par 'gyur/ dag lugs la sdig ltung ngo bo gcig yin yang/ ltung ba so so'i phyir bcos byas pas/ ltung ba dang mnyam du sdig pa dag pa dang mi dag pa gnyis yod de/ khyad gsod med par 'gro zhor la byung ba'i dud 'gro bsad pa lta bu myong nges ma yin pa rnams ni so so'i phyir bcos kyi sdig ltung mnyam du dag nus shing/ spyir mthol bshags kyi yul tshad ldan ni rten gyi stobs/ 'gyod pa sun 'byin pa'i stobs/ sdom sems slar ldog pa'i stobs/ cho ga gnyen po'i stobs bcas stobs bzhi phyir bcos la tshang yang/ sdig pa mtshams med kyi sbom po lta bu myong nges dang 'brel ba rnams ni so so'i phyir bcos tsam gyis ltung ba dag kyang/ sdig pa dag par mi nus pas/ de dag gi sdig sbyong logs su rgyun bsrings nas byed dgos/ yang deng dus lhag ma'i phyir bcos ma byung yang stobs bzhis sdig pa dag pa'i mtshan ma thob nges su sbyangs na don shin tu che ste/ bcas pa'i dbang gis lhag ma dag pa'i tha snyad mi thob kyang lhag ma'i mngon gyur byed pa dang bcas pa'i sdig pa dag pas lhag ma yang don gyis dag par gsungs/ de ltar yin yang sdig ltung ngo bo mi gcig pa'i skyon med de/ dper na zang bum zang dang ngo bo gcig kyang zang bum zhig pas zang gi rang bzhin mi 'dor ba bzhin no/ /gzhan yang ltung ba dag pa'i rgyu la ming rigs brjod pa'i phyir bcos dang/ mthar btsal ba'i rkyen ma 'byor ba dang/ stong nyid sgom pa bcas yod pa las/ phyir bcos kyi bsdus don la gnyis @198b te/ bsam pas phyir bcos pa dang/ sbyor pas dag pa sgrub pa'o/ /dang po la/ nyes pa snga ma la 'gyod pa dang/ phyin chad sdom pa dang/ da lta phyir bcos par 'dod pa dang/ mya ngan las 'das pa'i bsam pa dang ldan pa ste bzhi tshang ba dgos shing/ khyad par 'gyod pa dang sdom sems med na dngos gzhi'i skabs rdzun du 'gyur te/ TIka ka rgya cher 'grel las/ bsdams pa med na bshags pas cir yang mi 'gyur ro/ /zhes pa dang/ gzhan du na brdzun du smra ba kho nar 'gyur ro zhes so/ /gnyis pa sbyor bas dag pa sgrub pa la gnyis te/ nyes pa mthol ba dang/ phyir bcos dngos so/ /dang po ni nyes pa mthol bas 'chab nyes mi 'byung zhing/ nyes pa 'phel ba rgyun chad par 'gyur te/ lung gzhi las/ bcabs pas char pa bzhin du 'babs/ /ma bcabs char bzhin de mi 'babs/ /zhes gsungs so/ /des na yul gang la mthol ba ni/ de yang bsnyen rdzogs kyi sdom pa dag pa dang/ lta ba mthun pa dang/ mtshan mthun pa dang/ smra shes don go shes pa rang bzhin du gnas pa bcas tha snyad gsum ldan dang/ lus tha mal bar gnas pa dang/ sa rang bzhin du gnas pa dang/ mtshams kyi nang na gnas pa ste dge slong chos bdun ldan dgos shing/ mthol yul de'i grangs ni bsgo gyur rnams ni sngar rang la ltung ba de phyir ldog gi bsgo ba mdzad pa'i dge 'dun thams cad la mthol zhing/ sor gshags ni gnas khang la sogs pa'i gnas der dge slong ji tsam tshogs pa la mthol bar bya/ de gnyis las gzhan pa'i ltung ba rnams ni chos bdun ldan gyi dge slong gcig la mthol bar bya'o/ /chos bdun ldan de yang phun sum tshogs pa'i yan lag yin gyi/ mtshan mi mthun yang chos 'di pa'i dge bsnyen yan gyi sdom ldan gang la mthol na yang 'chab nyes ni khegs so/ /mthol ba po rang ni sde lnga'i sdom pa gsor rung yan chad dang ldan pa dang/ shes pa rang bzhin du gnas pa dang/ lus tha mal par gnas pa dang/ gnas nas ma phyung ba dang bzhi ldan no/ /gang mthol ba'i ltung ba yang bdag rgyud dang 'brel zhing/ ngo bo shes sam yid gnyis za ba dang/ @199a @#/ /sngar mthol zin ma yin pa bcas dgos shing/ de cho gas mthol ba na/ mthol yul de bslab pa rgan pa la phyag dang/ thugs gtad zhu ba dang/ lham phud de tsog pur 'dug cing thal mo sbyar ba'i spyod lam bsten nas/ dngos gzhi sngags lan gsum brjod par bya/ dmigs bsal sor bshags kyi mthol ba ni sngags lan cig go /mjug thabs legs bya zhing/ 'on kyang bdag la ltung ba 'di byung ngo zhes tha mal pa'i tshig gis brjod na yang 'chab nyes 'byung ba khegs so/ /de dag ni ltung ba mthol ba'i rim pa'o/ /gnyis pa nyes pa phyir bcos pa dngos la/ de yang 'chab nyes yod na sngon du de phyir bcos ma byas par/ ltung ba dngos nyid phyir bcos bya bar mi rung bas/ skabs 'dir mthol ba gcig dang/ bshags pa gnyis te mthol bshags kyi rim pa gsum yod de/ dang por 'chab ba'i nyes pa mthol ba dang/ de nas 'chab nyes bshags pa dang/ de nas ltung ba dngos nyid mthol zhing bshags pa'o/ /de gsum snga ma byas pas phyi ma 'chags pa'i rten du rung ba dang/ bye brag lhag ma'i 'chab nyes mthol bas spo ba 'chags pa'i rten du rung bar byed cing/ yul gang la mthol ba dang/ rten gang gis mthol ba dang/ ltung ba gang mthol ba gsum dang/ sbyor ba dang/ mjug mthong sdom 'di mi dgos shing/ thabs legs bya ba bcas gong dang 'dra'o/ /dngos gzhi mthol ba'i sngags tshigs skabs ltung ba lan cig byung ba dang/ gnyis byung ba dang/ gsum nas grangs shes pa tshun chad kyi tshad mang po byung ba dang/ grangs mi shes pa'i dpag tu med pa byung ba ste bzhi las/ dang po gsum re re la/ zhag gcig bcabs pa dang/ zhag gnyis bcabs pa dang/ zhag tshad mang po bcabs pa la 'chab nyes grangs shes pa dang/ grangs mi shes pa gnyis dang zhag dpag tu med pa bcabs pa bcas lda lngar phye bas bco lnga dang/ bzhi pa ltung ba gcig grangs mi shes pa'i dpag tu med pa byung ba la zhag gcig dang zhag gnyis dang tshad mang po dang/ zhag dpag tu med pa bcabs pa ste bzhi dang bcas mthol ba mu bcu dgu 'byung ba las/ @200b da lta rang gi mthol bya'i bcabs nyes de bcu dgu po gang yin shes par byas nas/ mthol tshig skabs kyang ltung ba gcig zhag gcig bcabs pa'i nyes pa byung ste zhes brjod pa lta bu so sor ma 'dres par brjod dgos so/ /de ltar 'chab nyes mthol nas/ 'chab nyes bshags pas dag par 'gyur ro/ /'dir bshags bya'i bcabs nyes kyang rang gi pham lhag bcabs pa las gzhan yin pa dgos te/ pham pa bcabs na phyir bcos mi rung la/ rang gi lhag ma bcabs na bshags pa tsam gyis mi dag par spo ba spyod dgos so/ /'dir ltung ba'i ngo bo shes shing dran nus dgos te/ yid gnyis za na bshags pa mi 'chags pas/ ltung ba de gang yin thag ma chod par ltung ba byin gyis brlab dgos so/ /bshags yul ni sngar mthol yul chos bdun ldan gyi steng du bshags bya'i ltung bde'i ming rigs mthun pa dang mi ldan pa ste chos brgyad ldan no/ / rten gang gis bshags pa dang/ cho ga sbyor dngos dang bcas pa ni phal cher mthol ba dang 'dra'o/ /mjug chog skabs mthong sdom lan gsum 'dra zhing/ thabs legs bya'o/ /ltung ba dngos nyid mthol zhing bshags pas bshags bya'i ltung ba dag par 'gyur zhing/ ltung ba gang bshags pa ni sbom po dang/ spang ltung dang/ 'ba' zhig pa dang/ sor bshags dang/ bshags bya'i nyes byas rnams gang rigs so/ /bshags yul chos brgyad ldan snga ma bzhin dang/ de yang pham pa'i sbom po lci ba ni drug yan chad dang/ lhag ma'i sbom po lci ba ni lnga la/ pham pa'i sbom po yang ba ni bzhi la/ lhag ma'i sbom po yang ba dang/ spang ltung la sogs pa bshags bya gzhan rnams bshags yul gcig la bshags par bya'o/ /snga ma gnyis ni mtshams kyi phyi rol tu bshags pa'i dbang du byas kyi/ pham lhag gi sbom po lci ba mtshams nang du bshags par byed na dge 'dun logs bcad mi rung bas dge 'dun thams cad tshogs pa la bshags dgos so/ /dmigs bsal gang zag khyad par can lngas ni sbom po lci yang thams cad dang/ lhag ma dang/ spang ltung bcas kyang/ spo mgu dbyung gsum dang/ gos kyi spang 'bral sogs mi @201a @#/ /dgos par bshags yul dge slong gcig la bshags pas dag go /rten gang gis bshags pa ni sngar dang 'dra zhing/ spang ltung phyir bcos pa na sbyor ba'i skabs spang 'bral sngon du gtong ba dgos shing/ bshags yul dge 'dun du longs pa ni rang bas bslab pa gzhon yang phyag bya ba sogs bya zhing/ dngos gzhi'i skabs ltung ba gcig dang/ gnyis dang/ tshad mang po dang/ dpag tu med pa byung ste zhes ci rig par brjod cing/ de yang mthol ba sngon du song na bshags pa rkyangs pa dang/ ma song na mthol bshags dus gcig la byas kyang rung ngo/ /mjug chog ni sngar bzhin no/ /gzhan yang bslab pa byin pa dang/ lhag ma'i phying bcos kyi spo mgu dbyung gsum sogs kyang shes par bya'o/ /mdor na bcas ldan dge slong rang gi pham lhag las gzhan ltung ba byung ma thag nas ngo bo shes sam/ yid gnyis za rung myur du mthol zhing/ ltung ba gang yin rtog cing dris nas gang yin ma nges par byin gyis brlabs/ nges pa dang de'i bcabs nyes yod na de sngon du mthol shing bshags/ de nas ltung ba de bshags pas phyir bcos par bya'o/ /ltung ba las bslang ba'i sde tshan ni rnam pa bzhi ste/ pham par gtogs pa'o/ /de'i rgyu mtshan yang 'dul ba bsdu ba'i rnam bshad las/ ltung ba las bslab pa'i sde tshan ni rnam pa bzhi ste/ bzhi gang zhe na/ pham pa ma gtogs pa de las gzhan pa'i ltung pa bzhi po dag las bslang ba de dag ni bslang ba'i sde tshan bzhi pa dag yin no/ /ltung ba'i sde tshan dang po las kyang bslang ba yod mod kyi/ de ni gang zag gi bye brag tsam nyid la brten pa yin gyi/ thams cad khyad par med pa ma yin pas de'i phyir/ de la bslang ba'i sde tshan ni/ mgo gcig tu rnam par mi bzhag go /zhes gsungs so/ /'di dag gi tshul zhib par/ nyams pa phyir bcos kyi gzhi bdun dgongs 'grel dang bcas pa las shes par byed pa gal che zhing gnas skabs su/ 'dul ba bsdu ba las/ 'gyod pa rnam pa lnga bskyed dang/ /bag yod rnam pa lnga dang ni/ /rnam lngas 'gyod pa bsal ba la/ /brten nas ltung las ldang bar 'gyur/ /de la bdag nyid la sogs pas/ @202b smad la sogs pa mthong nas ni/ /de ni 'gyod pa skyed par byed/ /bag yod pa ni snga ma bzhin/ /nges 'byung bcas pa bshad pa dang/ /gzhi dang bral zhing mi bya bar/ /lhag pa'i bsam pas sems bskyed dang/ /bshags pa bya dang 'gyod pa yi/ /rgyun ni sgrib pa yin pa'i phyir/ /'gyod pa skyes pa sel bar byed/ /ces pa ltar rgyu gsum gyis ltung ba las ldang ste/ thog mar 'gyod pa lnga skyed pa dang/ bar du yan lag lngas bsdus pa'i bag yod pa dang/ mtha' mar rnam pa lngas 'gyod pa bsal ba'o/ /dang po ni/ rang la ltung ba gang byung yang de ma thag tshul khrims kyis bdag smad par 'gyur ba dang/ gzhan dang lha dag gis smad par 'gyur ba dang/ ston pa dang tshangs spyod mkhas pa rnams kyis smad par 'gyur ba dang/ phyogs dang phyogs mtshams rnams su mi snyan pa grags shing 'phel bar 'gyur ba dang/ bdag nyid lus zhig nas ngan song du skye bar 'gyur snyam nas/ 'gyod pa lnga skyed par bya/ gnyis pa yan lag lngas bsdus pa'i bag yod pa ni/ sngar bag yod lnga bshad pa las ci rig pa'o/ /gsum pa rnam pa lngas 'gyod pa bsal ba ni/ bcom ldan 'das kyis nges par 'byung ba dang bcas pa'i chos bstan pas ltung ba las ldang ba'i skabs yod do snyam pa dang/ rgyu bzhi las ltung ba 'byung na/ bdag gis mi shes pa nas ma gus pa'i bar de ni spangs shing shes pa nas gus pa'i bar de ni skyes par byas so snyam pa dang/ slan chad 'di ltar mi bya bar lhag pa'i bsam pa thag pa nas sems skyes so snyam pa dang/ tshangs spyod mkhas pa'i mdun du so sor bshags zin to snyam pa dang/ rab tu byung nas bslab pa dang 'gal na thog mar 'gyod pa ni dge legs yin gyi/ de nas chos bzhin du mi sel bar/ 'gyod pa'i rgyun la gnas pa ni de lta ma yin no snyam pa bcas/ rnam pa lngas 'gyod pa skyes pa sel bar byed pa yin no/ /de ltar lhung ba byung ma thag rnam pa lngas 'gyod pa skyed pa dang/ bar du bag yod pa dang rnam pa lngas 'gyod pa sel ba 'di ni ltung ba las ldang ba'i bsam sbyor gyi gnad thams cad bsdus pa lags so/ /bzhi pa bslab pa yongs su sbyong ba'i sgo nas bsrung ba ni/ 'dir bslab pa yongs sbyong @203a @#/ /zhes pas bstan no/ /de la gso sbyong dang/ dbyar gnas dang/ dgag dbye gsum las/ zhi gnas kyi gso sbyong ni gzhan du shes par bya la/ mthun pa'i gso sbyong la/ bcu bzhi pa dang bco lnga pa dang bkra shis kyi gso sbyong dang gnod pa bzlog pa'i gso sbyong dang/ dge 'dun bsdums pa'i gso sbyong dang lnga ste/ de thams cad la/ sbyor dngos mjug gsum las/ dang po sbyor ba la drug ste/ ltung ba dag par bya ba dang/ gtsug lag khang gi bya ba rjes su sgrub pa dang/ chos bshad nyan bya ba dang/ dge skos kyis tshul shing brim zhing dge slong rnams bgrang ba dang/ ma 'dus na 'dun pa dang yongs dag blangs pa dang/ dge slong gang yang rung bas me tog dbul zhing so sor thar pa'i mdo gdon par lan gsum gsol ba gdab pa'o/ /dang po la gsum las/ rang gi ltung ba dag par bya ba dang/ gzhan gyi ltung ba dag par bya ba dang/ rang gzhan gnyis ka'i ltung ba dag par bya ba dang gsum las/ dang po ni/ gso sbyong snga ma 'das tshun chad du rang la ltung ba byung ma byung legs par brtags la/ byung bar shes na/ bsdam bya rnams bsdams/ bshags par nus pa rnams bshags/ bshags par mi nus pa'i ltung ba rnams byin gyis brlabs la las gral du 'du/ 'dus nas dran na de'i tshe gang zag gis phyir bcos dngos byed pa'i rkyen 'dzom yang byin gyis brlabs par bya ste/ dge 'dun rnams 'gor ba spang pa'i phyir ro/ /de yang dge slong gzhan rnams kyis ni drung na mo la sngags lan gcig gis bya'o/ /las byed pa ste mdo 'don pa pos ni sngags lan gcig yid kyis klag pa'am/ ngag tu brjod na yang gzhan gyis mi thos par brjod pa'o/ /gnyis pa gzhan gyi ltung ba dag par bya ba ni/ de'i tshe rang gcig pu ltung ba dang mi ldan par shes na grogs 'dul ba shes pa zhig la bskul nas kun gyis mthong sar phyir bcos byed du gzhug /de ni gzhan ma'ang bskul ma bya ba'i thabs mkhas so/ /gsum pa rang gzhan gnyis ka'i ltung ba dag par bya ba ni/ de'i tshe rang gzhan thams cad ltung ba ming rigs mthun par gyur na/ dge slong @204b zhig gnas gzhan du ltung ba phyir 'chos su btang la/ de yang yul dus kyis ma grub na/ gsol ba 'ba' zhig pa'i las kyis byin gyis brlab bo/ /ltung ba byin gyis brlab pa'i don ni/ spyir ltung ba la 'dzems shing/ da lta phyir 'chos pa'i rkyen ma 'dzom pas/ rkyen 'dzom na phyir 'chos par go bar byed pa'am/ de ltar dam 'cha' ba'o/ /dgos pa ni las kyi kha skong bar 'os pa dang/ gnas skabs der dag rdzu byed pa'i nyes pa mi 'byung ba'o/ /gnyis pa dngos gzhi ni/ nan tan gyis so sor thar pa'i mdo'i gleng gzhi yan chad nges par 'don/ lhag ma 'don pa'am thos bsgrags gang rung bya ba'o/ /gsum pa mjug chog ni/ so sor thar pa bton pa yis/ /zhes sogs kyis bsngo smon byed pa'o/ /dmigs bsal la/ gnas kyi dmigs bsal ni/ gnas mtshams po cher mi 'grub na dkyil 'khor ba dang/ mtshams gtan nas ma bcad par yang bya'o/ /rten gyi dmigs bsal ni/ spyir 'dug ste gso sbyong bya ba yin kyang/ mgron po dag mi sdod na 'gro bzhin du bya'o/ /zhes gsungs so/ /dus kyi dmigs bsal ni/ tshes bco lnga'i mtshan mo mtha'i gong du ma grub na/ las la ni 'das na nyi ma shar ba'i'o/ /zhes gsungs pa dang/ bkra shis kyi gso sbyong lta bu tshes grangs gang yang rung ba la'o/ /cho ga'i dmigs bsal ni/ spyir gso sbyong la so thar gyi mdo 'don dgos kyang sgra mi 'dod na/ sdig pa ci yang mi bya zhing/ zhes sogs mdor bsdu ba'o/ /de ltar gso sbyong byas pas/ gso sbyong ma byas pa'i nyes pa khegs shing/ chos dang tshul khrims dag par 'gyur ro/ /spyir las gang la 'dun pa phul bas/ ma 'dus pa'i mi mthun pa med pas mthun pa 'grub cing/ yongs dag phul bas bdag nyid dag par 'gyur ba dgos pa'i khyad par dang/ mtshams gcod pa'i las ma gtogs/ las thams cad la 'dun pa 'bul zhing/ yongs dag ni gso sbyong dgag dbye gnyis kho na la 'bul ba ni/ gzhi gang la 'bul ba'i khyad par dang/ dmigs bsal bslab byin dge slong ma gtogs pa las kyi kha rkong du 'os pas 'dun pa 'bul zhing/ kha skong bar mi 'os pas kyang/ yongs dag 'bul @205a @#/ /ba ni/ 'bul ba po'i rten gyi khyad par dang/ gso sbyong dgag dbye las gzhan pa'i bsnyen rdzogs kyi las sogs la 'dun pa 'bul ba ni/ 'dun pa rkyangs pa'i cho ga dang/ las kyi kha skong du mi 'os pa'i dge slong gis/ /gso sbyong dgag dbye la yongs dag 'bul ba ni/ yongs dag rkyangs pa'i cho ga dang/ las kyi kha skong du 'os pas/ gso sbyong dang dgag dbye la 'dun pa dang yongs dag 'bul ba ni/ 'dun pa dang yongs dag gnyis tshogs kyi cho ga ste/ 'bul ba'i cho ga'i khyad par bcas/ de tsam gyis kyang 'dun pa dang yongs dag gnyis lag len gyi tshem 'dres par bya'o/ /dge slong bzhir ma long na/ gso sbyong byin gyis brlabs pa'i dgos pa ni/ gso sbyong ma byas pa'i nyes pa khegs pa dang/ spyir na bcas pa'i sa mtshams zin pa'o/ /de yang dus gang gi tshe bya ba ni/ spyir nya shi'i dus dang/ khyad par gnas der nyin zhag de la dge slong gzhan mi 'ong bar nges pa thob pa na/ gso sbyong byin gyis brlabs/ de yang phyi nyin gyi skya red ma shar gong du bya dgos kyi/ shar zin nas byas kyang gso sbyong ma byas pa'i nyes pa byung zin pas mi phan no/ /cho ga de yang nyin zhag der mi thub pa'i rkyen gla bur ba byung na/ phyi nyin gyi skya reng dang po dang/ bar pa shar yang nyi ma 'char ka'i snga rol du byin gyis brlabs pas chog pa ni dmigs bsal yin no/ /rang gcig pos byin gyis rlob na/ rang dang lhan cig tu dgra bcom pa rnams bzhugs par bsam pa'am/ rnam par dag pa'i lha ston pa sangs rgyas dang/ bstan pa la mngon par dad pa'i lha rnams yid la bsams nas/ lha rnams dgongs su gsol/ zhes pa dang/ lha rnams kyis gzung du gsol zhes brjod do/ /yang skabs gcig na/ gnas der dge slong bzhi las nyung ba rnams kyis/ gnas der dge slong gzhan glo bur ba yong srid pas stan thabs sogs ma nyams par bshams/ de nas phyogs bzhir bltas te/ dge slong yong na myur du sheg cig ces bos nas/ gso sbyong dang dgag dbye skabs su gang babs bya/ de ltar bsgugs kyang mi 'ong bar nges pa dang/ gnas @206b der dge slong gsum yod na gral rim du 'khod rgyud chags gsum pa tshang bar byas nas/ bslab pa rgan rim yod na thog mar bgres pa'i mdun du/ gzhon pa gnyis kyis phyag gsum byas/ 'greng ste gso sbyong byin rlabs la thugs gtad par zhu zhes brjod la cog pur 'dug nas thal mo sbyar te/ btsun pa dgongs su gsol/ zhes pa dang/ btsun pas gzung du gsol/ zhes pa gnyis kyi gnas su gnas brtan zhes brje ba ma gtogs gzhi gsum cho ga bzhin bya/ de nas yang/ bgres pas gzhon pa'i nang nas rgan pa de la phyag mi bya zhing/ tshe dang ldan pa zhes ming 'bod brje ba ma gtogs gzhan gong bzhin bya/ dge slong gnyis las med na/ gcig gis gcig la brjod cing/ bslab pa rgan gzhon mnyam na btsun pa zhes bya/ dge slong gcig las med pa dang/ mang po yod kyang chang ma mtshams bcad sogs dang da lta'i dus dbang gis gso sbyong mi byed pa na rang shag tu mchod pa rgyun par las ngo mthon phul te/ rgyud chags gsum byas/ 'dug pa'i spyod lam skyil krung bcas nas/ deng dge 'dun gyi gso sbyong bco lnga pa yin la/ bdag dge slong ming 'di zhes bya ba'i gso sbyong yang bco lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag smra zhing gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe tshul khrims kyi phung po yongs su rdzogs par bya ba'i phyir/ dge 'dun dang lhan cig gso sbyong bya'o zhes lan gsum bzlas so/ /sngags tshig 'di ni gnas der dge slong grangs ma tshang ba kho na'i dbang du byas nas gsungs la/ grangs tshang yang gso sbyong ma mdzad pa'i skabs su gong gi sngags tshig gi dge 'dun tshogs pa rnyed pa de'i tshe zhes pa'i gnas su/ dge 'dun gso sbyong mdzad pa de'i tshe zhes bsgyur ro/ /gnas der gso sbyong mdzad na nges par gso sbyong du 'du zhing/ nad dang rgyal pos dbang med byas pa dang/ srog dang tshangs spyod kyi bar chad mthu che bas 'du ma nus na/ 'dun pa dang yongs dag 'bul ba skabs su babs pa yin no/ /gnyis pa dbyar gnas la/ sbyor dngos @207a @#/ /mjug gsum las/ dang po ni/ phan pa dang bde ba'i rkyen nye bar tshang ba'i gnas su/ dbyar snga phyi'i bye brag gis/ dbyar zla 'bring po'am/ tha chung gi tshes bco lnga yan chad la gnas mal dang gang zag sta gon bya ba dang/ des tshul shing gi bam po rgan pa'i mthar bzhag nas khrims su bca' ba brjod pa dang/ gzhan gyis gsol ba bya zhing tshul shing brim pa'i skabs kyi bya bsgrub pa dang/ dge 'dun la gnas mal stob pa dang/ gnas par zhal gyis bzhes par 'gyur ba go bar bya ba ste/ sbyor ba rag pa rnams legs par tshang bar byas nas/ de'i sang nyin tshes bcu drug gi snga char yul bslab pa rgan pa la phyag 'tshal ba dang/ 'dug cing thal mo sbyar ba'i spyod lam bsten pa bcas yin no/ /gnyis pa dngos gzhi ni/ dbyar zla ba gsum du gnas par khas len pa'i sngags tshig lan gsum brjod pa'o/ / mjug thabs legs byas te dam bca' dang gnas su 'brel bar bya ba dang/ dbyar nang du 'khrug long mi skyed pa sogs bya ba dang/ tshul nang du thos bsam la shin tu brtson par bya ba dang/ gnas ral grum bcos par bya ba dang/ gnas der yun ring du gnas par bya ba dang/ dbyar gyi tshul dang 'bral ba spong ba bcas dbyar gyi dam tshig drug legs par bsrung bar bya zhing/ dam tshig dang po'i don ni/ gnas 'dir dbyar gnas par bya'o zhes dam bcas pa'i gnas der rang nyid gnas dgos pa'i don yin/ dmigs bsal gso sbyong gcig pa'i gnas gnyis yong na/ rang nyid gang du gnas kyang gnas su ma 'brel ba'i nyes pa mi 'byung ste/ gso sbyong gcig pas gnas tha dad ma yin pa'i phyir/ mtsho TIka las ni gnas 'dir dbyar gnas par bya'o snyam du dbyar gnas par khas len pa'i snga rol du yid kyis dam bcas nas/ de'i 'og tu phyis gnas gzhan du dbyar gnas par khas len na nyes byas su 'gyur bas/ sngar dam bcas pa'i gnas su mi 'brel bar mi bya'o gsungs/ 'dis mtshon nas chos ldan gyi dam bca' gang la yang rkyen 'dzom bzhin du mi sgrub na @208b nyes byas su 'gyur ba yin no/ /lung las/ dam bcas pa sgrub par mi bgyid pa la nyes byas su gsungs na/ dam bca' ba du ma chis/ nye ba 'khor lnga ste/ dbyar dam bca' ba dang/ lhung bzed dam bca' ba dang/ chos gos dam bca' ba dang/ bsod snyoms dam bca' ba dang/ nad pa'i sman dam bca' ba'o/ /zhes gsungs te/ de'i don yang 'grel chung ltar na/ lhung bzed nas sman gyi bar de dang de byin no zhes byas pa las/ ma byin na nyes byas so/ /gzhan yang chos gos gsum pa'i yi dam dang/ zas bsod snyoms pa dang/ sman bkus te bor ba dam bcas pa ltar mi sgrub na nyes byas so/ /dbyar tshul dang 'bral ba dngos spang ba ni/ byin gyis ma brlab par mtshams kyi phyi rol du skya reng 'char bar mi bya'o/ /zhes gsungs pa 'di yin zhing/ 'bral ba'i rgyu spang pa ni/ tshul nang du rnyed pa bgod pa spang ba dang/ gleng dran byed pa spang ba dang/ nan tur byed pa spang ba bcas yin no/ /dbyar tshul byin gyis brlab pa'i dgos pa ni/ dbyar dang 'bral ba'i nyes pa mi 'byung ba dang/ bcas pa'i sa mtshams zin pa'o/ /de ni dbyar gnas par cho gas khas ma blangs kyang/ dbyar gnas par yid kyis dam bcas pa rnams kyis kyang/ yul dge slong chos bdun ldan gyi mdun du dbyar gnas pa'i sa mtshams kyi nang rol der/ mtha' zhag drug gi gong rol gyi tshe chos ldan gyi ched du dge 'dun las gnang ba mtho bas zhag bdun tshun chad dang/ gnang ba thob na zhag bzhi bcu tshun chad chog sbyor dngos mjug gsum tshang bas byin gyis brlab par bya/ byin rlabs 'jig pa'i rgyu ni zhag grangs kyi 'phen pa sad pa dang/ bya ba med par shes pa'am/ yod kyang rang gis byed mi dgos pa dang/ byang ba chos min du gyur pa dang/ rang nyid khyim par babs pa la sogs pa rten zhing ma yin par gyur pa'o/ /chos ldan gyi bya ba de yang/ mtshams kyi phyi rol na gnas pa'i dge slong gis/ mtshams nang gi dge 'dun la kun dga' ra ba 'bul ba la sogs pa/ gtsug lag khang dang/ dge 'dun dang/ nye 'khor gyi mchod rten dang/ dkon mchog gzhan dang bcas pa la phan @209a @#/ /'dogs pa'i bsams pas bsnyen bkur sna tshogs byed pa'i grogs bya ba dang/ mtshams kyi phyi rol gyi skye bo gzhan bslab gzhi la 'god pa dang/ bslab gzhi gso ba dang/ nad pa'i don dang/ bud med bu skyes kyi mngal dri bkru ba'i bang bsang ba khrus byed pa dang/ mu stegs can gyi lta ba dang bral ba'i phyir dang/ nye du'i bya ba bsgrub pa'i phyir dang/ bdag nyid kyi lung rtogs la the tshom zab bsal ba'i phyir bcas yin te/ de dag gi phyir byin gyis brlab bo/ /zhag bdun byin gyis brlab pas mtshams kyi phyi rol tu zhag bdun gnas te/ zhag dgu pa'i skya reng ma shar gong mtshams nang du 'byor na/ dbyar ral ba'i nyes pa mi 'byung ba/ sman zhag bdun pa'i byin rlabs 'jig dus dang mi 'dra bar/ mtsho TIka las gsungs shing/ de ltar byed na thog mar zhag ji tsam gyi byin rlabs byed dus/ zhag de tsam bsdad chog pa'i 'phen pas zin pa gal che/ 'on kyang da lta'i phyag len dog phyogs ni shin tu legs/ zhag bzhi bcu byin gyis brlab pa la/ sngon du dge 'dun gyis gsol gnyis kyi las sbyor dngos mjug gsum tshang bas zhag bzhi bcu'i gnang ba byin dgos/ de yang dge 'dun gyi ched la zhes gsungs pa gleng gzhi'i dbang gis mtshon pa tsam ste/ pha ma mkhan slob la sogs pa gang zag gcig gi gzhan don du yang byin rlabs 'di 'chags par gsungs/ des na dge 'dun gyi ched du 'gro na/ las kyi sngon du spro ba 'dri ba dgos par ma zad/ rang gi dbyar 'bral ba'i nyes pa spong ba'i rang don yang yin pas lan gsum gsol ba gdab pa yang dgos/ gang zag rang don du gnang ba 'di zhu ba na spro ba 'dri mi dgos shing/ gsol ba lan gsum gdab dgos so/ /de ltar dge 'dun gyis gnang ba byin pa tsam gyis mi chog pas/ de'i 'og tu/ dge slong gcig gi mdun du zhag bzhi bcu gcig car byin gyis brlab kyang rung/ tshe gur byin gyis brlab pa ste/ zhag bdun tshan lnga dang/ lnga tshan gcig bcas zhag nyung ngu nyung ngur ji ltar 'dod par byin gyis brlab ste 'gro bar bya'o/ /de dag ni dbyar @210b ral ba spang ba yin la/ dbyar ral yang nyes pa med pa ni/ dbyar gnas par khas blangs pa'i gnas der phyis zas dang/ sman dang/ g.yog dag med pas bdag nyid 'tsho mi nus pa dang/ gnas der dge sbyong gi tshul dang/ srog dang tshangs spyod bcas kyi bar chad yod na/ dbyar gnas bar khas blangs pa las 'da' bar bya/ bdag nyid la dge 'dun dbye phyir brtul ba rjes su mi mthun pa'i sems bskyed pa dang/ sdig pa can gyi tshig brjod pa dag 'byung na/ myur du dbyar ral nas logs su 'gro bar bya zhing/ mtshams gzhan na/ dge 'dun dbye ba'i phyir du zhugs pa sogs yod pa de rang gis zhi bar bya ba'i mthu yod na der 'gro zhing/ song nas zhag bdun 'das kyang dgos pa che bas/ de ma grub bar du dbyar las 'da' bar bya ba rnams yin no/ /'di dag gi snga phyir zhib du dpags na/ gong du bstan pa'i nang pa'i don la sogs pa gzhan don phran tshegs de dag las/ don che nges dge sbyong gi tshul dang mthun pa'i rang don khyad par can yod na ma gtogs/ 'tsho ba'i don la sogs pa rang don phran tshegs kyi ched du byin rlabs bya mi dgos pas mi bya ste/ bya mi dgos pa ni khas len la nye ba na 'dug pa'i gnas dang/ bsod snyoms 'tshol ba'i spyod yul dang/ 'dren pa'i sbyin bdag dang/ na ba'i sman sbyin nang g.yog bcas yod med brtag ste yod par shes nas dbyar gnas par khas blangs pa'i phyir/ de ni dngos gzhi'i sngags tshig la soms dang mkhyen par 'gyur mtshams kyi phyi rol tu zhag sdod dkyus gcig yin min gang ltar yang/ zhag bdun ma gtogs de las lhag pa sdod pa la gnas de'i dge 'dun la gsol ba btab ste las kyi gnang ba thob pa dgos pa ni/ bya ba sgrub nus la ltos nas zhag bdun dang/ zhag bzhi bcu'i byin rlabs kyi rim pa gnyis gsungs shing/ de gnyis kyang dge 'dun las gnang ba ma thob pa dang/ thob pa'i zhag so so'i ring mtha' yin par gsungs pas shes so/ /zhag bzhi bcu las lhag pa ma gnang ste/ de las lhag pa mtshams kyi phyi rol tu gnas na mtshams nang du ma mtha' zla ba @211a @#/ /gcig dang zhag nyi shu gnas pa'i sgo nas gnas der yun ring du gnas par bya dgos pa'i dam tshig dang 'gal ba'i nyes pa 'byung ba'i phyir/ de ltar yang gnas mal gyi gzhi'i thad kyi TIk ka rin chen phreng ba las/ dbyar gyi rnyed pa de'i dus kyi tshe dbyar gyi nang du 'ongs shing/ zhag bzhi bcu rtsa drug las lhag par mtshams de'i nang du gnas na dbyar gnas par khas ma blangs kyang rung/ dbyar ral yang rung ste dbyar gyi rnyed pa dbang ste/ de dbang ba'i rgyu dbyar gnas pa yin pa'i phyir ro zhes gsungs pas shes so/ /de dag ni zla ba gsum du gnas pa'i dbang du byas kyi/ deng dus zla ba phyed gnyis kyi dbyar gnas la ni byin rlabs kyi ring mtha' zhag nyi shu la byas nas/ mtshams nang du ma mtha' zhag nyi shu rtsa lnga gnas dgos so/ /de ltar dbyar gnas pas dngos su dbyar gnas ma byas pa'i nyes pa khegs shing/ rgyud nas srog chags la gnod pa spong ba dang/ gzhan dag ma dad pa spong ba dang/ lus srog la gnod pa spong ba dang/ don dang bya ba nyung bar 'gyur ba dang/ de la brten nas shes rab gsum 'phel bar 'gyur ba dang/ gnas ral grum 'chos par 'gyur pa dang/ dgag dbye 'byung ba dang/ sra brkyang 'byung ba bcas kyi dgos pa 'grub bo/ /gsum pa dgag dbye la sbyor dngos mjug gsum las/ dang po ni/ dbyar snga phyi'i bye brag gis ston zla 'bring po'am tha chung gi tshes bco lnga la dgag dbye byed na/ de'i gong zhag bcu'am zla phyed na grong dang grong khyer gyi spyod yul du 'di ltar/ da phyin chad zhag 'di tsam na dgag dbye mdzad par 'gyur ba khyed cag la brjod pa yin no/ /zhes brjod pa dang/ gnas dang mchod rten mchod rdzas kyis brgyan cing byi dor byed pa dang/ 'khon yod na dben par bzod pa gsol ba dang/ tshes bcu bzhi'i nyin sengge'i khri brgyan pa dang/ do mod mtshan thog thag chos mnyan par 'byung bar 'gyur gyis/ der tshe dang ldan pa dag gis tshogs pa sbyin par bya'o zhes spyod yul du brjod pa dang/ de ltar 'dus pa na mtshan thog thag bshad nyan bya ba dang/ tshes bco lnga'i nyin phan tshun @212b kun dga' bar bya ba dang/ chos rnam par gtan la dbab pas mtshan mo phal cher 'da' bar bya ba dang/ dgag dbye byed pa po'i dge slong bsko ba dang/ des rtswa dur b+ha dge 'dun la brim pa dang/ gzhan gyis gsol ba 'ba' zhig pa'i las bya ba rnams yin no/ /gnyis pa dngos gzhi ni/ tshes bcu drug gi skya rengs dang po 'char ba'i mdun rol gong tshud nges shes par/ dgag dbye byed pa po dang bya ba po rnams rgan rim mi dgos par mdun phrod du 'dug cing rtswa ku sha'am ram pa'i rtsa ba rkang pas mnan cing/ rtse mo gnyis ka'i lag pas phan tshun du bzung ste rtswa 'di 'dud par byed pa de bzhin du/ bdag kyang ltung ba chos bzhin du phyir bcos bya ba'i phyir dge slong rnams la 'dud par byed do snyam du bsams nas dngos gzhi'i cho ga sngags tshig lan gsum brjod pa'o/ /nad pa ngal ba dang/ gnas mal phan phun du 'gyur ba dang/ dgag dbye dus las yol ba dang glo bur gyi gnod pa 'byung na sngags tshig lan gnyis sam lan cig brjod pas chog pa dmigs bsal yin no/ /mjug thabs legs bya ba dang/ dgag dbye byas pa dge 'dun la go bar byed pa dang/ dge 'dun gyis tshig de sgrub pa'i lan 'debs par bya'o/ /de ni dbyar nang du ltung ba gleng ba bkag pa las/ da mthong thos dgos gsum gyis ltung ba gleng zhig /ltung ba shes shing mthong na phyir bcos bya'o zhes ltung ba gleng ba'i skabs 'byed pa'i ltung ba'i dgag dbye yin no/ /de nas dgag dbye byed pa po la sogs pa'i dge slong rang rang gi rdzas tha na khab tsam yan chad dge 'dun la phul te dgag dbye bgyir rung ba'i tshig brjod pa ni rdzas kyi dgag dbye yin no/ /des na ltung ba'i dgag dbyes chos rnam par dag pa dang/ rdzas kyi dgag dbyes rnyed pa'i sgo 'du ba'i dgos pa 'grub pa'o/ /dgag dbye byas pa'i dge slong gi dge 'dun ni/ dge legs kyi bsam pa can yin pas shin tu yongs su dag pa dang byams pa'i sems dang ldan pa'i phyir shin tu dang bar gyur pa yin pas bsod nams kyi zhing khyad par du 'phags pa de la sbyin pa byin na 'bras bu @213a @#/ /ches mang por 'gyur ro/ /dge slong gnas gzhan du phyin pa na gnas der dgag dbye byas kyang rung/ dbyar gyi gnas su yul 'khrug pa la sogs pas gnas par mi nus na rang gi mig yul du gyur pa'i dge slong la tshogs kyi dgag dbye'i sngags tshig brjod nas 'gro bar bya'o/ /tshogs kyi dgag dbye 'di la ni/ tshes grangs nges bzung dang/ dge 'dun 'du ba dang/ dgag dbye byed pa po bsko ba dang/ gsol ba 'ba' zhig pa'i cho ga dang/ rtsa brim pa bcas gang yang mi dgos so/ /dgag dbye'i dus la ma babs par dge 'dun rnams gzhan du 'gro dgos na/ gso sbyong gcig dang sbyar te dgag dbye tshul bzhin du byas nas 'gro bar bya'o/ /yang gnas der dge slong 'thab krol byed pa 'ong bar thos na dbyar gyi gso sbyong gnyis sam gsum song zin na tshes bco lnga gcig dang bstun nas dgag dbye bya/ de ma grub par 'thab krol ba 'od zer na dkyil 'khor ba lnga'am drug tu blo mthun par byas nas myur du dgag dbye bya'o/ /de yang ma grub par 'thab krol ba gnas der yong na/ lus ngag gis bsu zhing chos dang zang zing gis mgu bar bya/ nges kyang dge slong rnams dang blo ma mthun na dgag dbye'i dus su dkyil 'khor so sor gso sbyong bya zhing dgag dbye byin gyis brlab/ 'thab krol bas khyed rnams dgag dbye'i dus min nam/ gso sbyong tsam byed pa ci yin zer na gnyug mar gnas pas/ khyed 'dug cig dgag dbye byed pa ni bdag cag gis gang bsams pa zhig yin no zhes lan gdab par bya/ 'thab krol ba gnas de nas song na nya shi gcig dang bstun nas dgag dbye bya'o/ /gnas der dge slong bzhi las med na dgag dbye byin gyis brlab bo/ /dgag dbye'i sngon 'gro 'khon sbyang ba ni/ 'khon che na sngon la pha rol po dang mthun phyogs shad sbyangs shes pa gcig rgyud nas shad sbyang 'jam po byed du bcug /de nas pha rol po khong khro zhi ba dang rang gis dngos su bzod gsol bya'o/ /de ltar bzod gsol ma byas pa dang byas kyang pha rol gyis bzod pa blang ba ma byas par dgag @214b dbye mi bya'o gsungs/ 'di ni dgag dbye'i dus 'ba' zhig du ma zad dus gzhan du yang 'di ltar bya'o/ /de la spyir yul gang la dgag dbye bya ba ni phyogs bcu'i dge 'dun mtha' dag la bya zhing/ gzhi gang la bya ba yang bslab pa'i gzhi mtha' dag la bya ste phyogs re la byas pas dgos pa rdzogs par mi 'grub pa'i phyir/ 'on kyang dmigs bsal ni/ pham pa ma gtogs pa'i ltung ba'i nang nas 'chang ba'i spang ba lta bu ma gleng zhig /gzhan rnams la mthong thos dogs gsum gyis dgag dbye bgyid do zhes gzhi 'jog la gang zag mi 'jog pa'i dgag dbye byed tshul dang/ gang zag 'di las byung ba'i ltung ba ma gleng zhig /gzhan rnams la mthong thos dgos gsum gyis dgag dbye bgyid do zhes/ gang zag 'jog la gzhi mi 'jog pa dang/ de gnyis ka bzhag nas ltung ba gzhan rnams la mthong thos dgos gsum gyis dgag dbye bgyid do/ /zhes gnyis ka 'jog pa'i rab byung de gsum kas kyang/ tshul des dgag dbye bya bar zhu na dge 'dun gyis khas blangs par bya'o/ /pham pa bzhag ste/ gzhan skabs dbye bo zhes zhes zhu na/ khas blang bar mi bya/ rigs pa'i tshul gong ma gsum ji ltar khas blang ba'i tshig ni/ mdo rtsa 'grel rnams su gsal zhing/ nge'i tshig don ni/ khyed cag gis zer ba de'i don du/ 'dir 'dus shing 'dug pa min gyi/ bcom ldan 'das kyis tshul khrims rnam par dag par bya ba'i phyir ni/ gso sbyong gsungs la/ chos rnam par dag par bya ba'i phyir ni/ dgag dbye gsungs pas/ gal te khyed cag dgos pa de gnyis 'dod na dgag dbye gyis shig ces khas blang bar bya'o/ /de ltar dgag dbye byed pa po dang dge 'dun gyis khas blangs pa na/ bdag gis ltung ba dang gang zag thams cad bzhag par bsnyon 'dzugs pa'am/ sngon zer ba dang mi mthun pa'i gzhan zhig bzhag ces gang ltar bsnyon par byed na dgag dbye byed pa po dang/ dge 'dun gyis khas blangs pa nyams par mi 'gyur bas/ de'i dgag dbye byed du mi 'jug go /yang de ltar lab pa med do zer na rdzun nyid do/ /de dag gi don go bde bar @215a @#/ /byed na/ thog mar yul dge 'dun thams cad la dgag dbye bya ba'i don ni/ nga la dge slong gang gis ltung ba gleng na yang gleng zhig ces pa dang/ bslab gzhi mtha' dag la dgag dbye bya ba'i don ni/ nga la ltung ba sde lnga po gang gis gleng na yang gleng zhig /ces pa'o/ /spyir dgag dbye 'chags pa la/ yul dang gzhi mtha' dag la dgag dbye byed pa de ltar dgos kyang/ dmigs bsal ni/ nga la 'chang ba'i spang ltung 'di byung ba ngas shes pas 'di ma gleng zhig /gzhan gleng zhig zer ba lta bu gzhi 'jog la gang zag mi 'jog pa dang/ yang nga la gang zag 'di la brten nas ltung ba byung ba ngas shes pas de ma gleng zhig /gzhan gleng zhig ces zer ba gang zag 'jog la gzhi mi 'jog pa dang/ ltung 'di ma gleng zhig gang zag 'di las byung ba ma gleng zhig /gzhan gleng zhig ces zer ba gzhi dang/ gang zag gnyis ka 'jog pa'i rab byung de gsum kas kyang dgag dbye byas chog ste/ gang bzhag pa'i ltung ba ma gleng zer ba de kho rang gis shes shing phyir 'chos par 'dod la/ lhag ma gleng zhig zer ba rang gis mi dran pa rnams gleng dran byed pa'i sgo nas phyir 'chos par 'dod pas bsam pa rnam par dag pa'i phyir ro/ /de yang pham pa byung bar shes nas/ nga la de ma gleng zhig ces pham pa'i gzhi 'jog na dgag dbye mi rung bas/ de ma gtogs dgag dbye byas chog par dge 'dun gyis kyang khas blang par bya/ khas blangs zin kyang gong gi bsam sbyong dang mi mthun pa'i bsnyon 'dzugs na dgag dbye byed du mi 'jug go /'dir gang zag 'jog pa'i don la skabs gcig tu nga la gzhan sus ltung ba gleng na yang gleng/ gang zag shA ri'i bus ma gleng zhig zer ba lta bur gsungs kyang/ 'dir ni TIkka'i tshig zin ltar/ ltung ba gzhi gang las byung ba'i gang zag 'jog pa la byas so/ /de ltar dgag dbye byas pas chos dag par 'gyur ba dang/ tshul khrims dag par 'gyur ba dang/ dgag dbye ma byas pa'i nyes pa dngos su khegs pa dang/ so skye yin yang dgag dbye byas ma thag @216b 'gog pa las lang ma thag pa'i 'phags pa dang 'dra bar bsod nams kyi zhing mchog tu gyur par mdo las gsungs pas dgos pa dang phan yon che'o/ /dbyar gyi tshul nang du ltung ba gleng dran byed pa dang/ nan tur byed pa dang/ dbyar gyi rnyed pa 'god pa dang/ mtshams kyi phyi rol tu mtshan mo 'da' ba bcas bzhi po de rnams bkag pa 'byed par byed pas na dgag dbye zhes bya'o/ /gzhi gsum po 'di dag gi sbyor ba la sogs pa'i chos bshad nyan gyi rim pa tshes bcu bzhi sogs la gtso bor byed pa'i rgyu mtshan ni/ tshes brgyad dang nyer gsum la ngos bzhi'i mgon po dang/ lha phran gyi g.yog rnams chos nyan du 'ong/ bcu bzhi dang nyer dgu la lha phran gyi bu dang/ bco lnga gnyis la ngos bzhi'i mgon po dang/ lha phran dngos bcas chos nyan du 'ong bar gdags par bshad pas/ tshes de dag la bshad nyan bya ba ni nges par sgrub pa'i bslab pa'o/ /nad pas chos bshad nyan de ma byas pa la ni nyes pa med do/ /yang gso sbyong la sogs pa'i dge 'dun gyi las phal cher la gnas der dge slong 'dun pa'i rkyen ldan yod par shes pa la/ 'dun pa sogs ma blangs pas dge 'dun gyi las mi mthun par 'gyur ba ma zad/ las la nye ba'i tshe gnas der dge slong glo bur ba 'ong bar mthong thos dgos pa byung na de'i 'dun pa ma blang na yang las mi mthun par 'gyur/ gnas der dge slong gzhan yod par nges sam dogs bzhin du/ de dag ma 'dus kyang khyad med snyam du 'dun pa sogs ma blangs par/ logs shig tu las byed na dge 'dun dbye na du gtogs pa'i nyes pa sbom por 'gyur ro/ /g.yo sgyu med par bsam pa thag pas btsal zhing 'ol spyi tsam ma byas na dge slong gzhan lus kyang dge 'dun la nyes par mi 'gyur ro/ /ji ltar btsal ba'i tshul yang/ dang por gtsug lag khang gi phyogs rnams su phyin nas myul te btsal bar bya/ de ni lus kyis nye 'khor du btsal ba dang/ de'i 'og tu 'di na dge slong 'ga' zhig yod dam zhes skad 'bod byed pa dang de ni rgyang grag tshun @217a @#/ /dag gis btsal ba dang/ de'i 'og tu yang thog lta bu phyogs mthon por 'dug ste rgyang mig gis phyogs su blta ba dang/ de ni rgyang grags phan chad du mig gis btsal ba zhes bya'o/ /de ltar las la 'du ba'i tshogs pa'i skabs sgrub pa tsam la yang 'di tsam gyi do gal chen po bcom ldan 'das rang nyid kyis bka' stsal ba dang/ de bzhin du dge slong gi dge 'dun chen po rnams kyis nan tan gyis sgrub pa'i tshul la rgyu mtshan ji bzhin ma mthong yang/ de ltar mdzad pas rang gzhan kun la dgos pa che nges snyam du bsams nas gang zag gcig gis bslab phran gcig gso ba tsam dang yang ma 'dra bar/ dge 'dun gyi bslab gzhi yongs rdzogs gso zhing sbyong ba'i gzhi gsum pa 'di dag dge slong re gnyis tsam ma yin par/ dge 'dun du longs pa kun gyis yal bar mi 'dor bar gces par gzung ba'i phyag len la thugs rtse mthun par gcig tu sgril dgos so/ /'di dag zhib par gzhi gsum dgongs 'grel dang bcas pa las shes par bya'o/ /lnga pa bde bar gnas pa'i rkyen bsten te bsrung ba ni/ 'dir bde ba'i rkyen bsten nas zhes pas bsten no/ /de la gos bsten pa dang/ sman bsten pa dang/ thams cad kyi rten gnas mal dang gsum/ dang po la gsum ste/ bag yang dang 'brel ba sra brkyang dang/ 'tsho ba'i yo byang dang 'brel ba gos dang/ dmigs bsal dang 'brel ba ko lpags kyi gzhi'o/ /des na bsrung thabs 'di la gzhi bcu bdun gyi nang nas gzhi lnga'o/ /dang po sra brkyang la/ dang por bting ba/ bar du brkyang ba/ tha mar dbyung ba dang gsum las/ dang po ni sra brkyang gi phan yon mthong nas/ dge 'dun rnams gnas gcig tu dbyar khas len la 'jug par 'gyur ba dang/ rang nyid bag yang gi bde bar gnas shing gzhan sbyin bdag la bsod nams spel ba'i dgos pa yod pas/ gang zag chos bcu gcig dang ldan pas dbyar gyi gnas de nyid du dbyar nang gi gos kyi rnyed pa'i rgyu las byung ba'i rung ba tshad dang ldan pa yan chad kyi bdag nyid dge 'dun spyi la dbang ba'i chos gos @218b gsum phrugs gcig gam de las lhag pa gsol gnyis kyi las kyis bskos pa'i dge slong gis chos gos de bkru ba dang/ grub pa dang/ kha bsgyur ba ste las gsum bsgrub pa dang/ gding bar 'gyur ro/ /gding ngo/ /bting ngo snyam du sems gsum bskyed de/ dge 'dun dang bcas pa'i cho ga sbyor dngos mjug gsum legs par tshang bas/ dus dbyar snga phyi'i bye brag gis ston zla 'bring po'i tshes bcu drug gam/ tha chung gi tshes bcu drug nas zla ba lnga'i bar du dge slong de rnams ltung ba bcu la bag yangs su gnas pas bag 'khum pa med par brkyang ba dang/ gang gi phan yon gyis dge slong kun la khyab pa dang/ /chos gos gsum phrugs de'i steng na dge slong de rnams kyi chos gos byin rlabs gnas pa bcas kyis gtan pa spang leb dang 'dra ba'i byin gyis ma brlab par gos du ma 'chang ba/ chos gos gsum med par stod g.yogs dang smad g.yogs tsam la brten nas lam gyi gsum mdor 'gro ba rnams la ltung ba med pa dang 'dra ba'i sra brkyang bting pa'o/ /de'i tshe bag yangs su gnang ba'i phan yon bcu ni/ 'chang 'bral 'jog gsum/ gos slong ba/ yang yang za ba/ 'dus shing za ba/ dge slong gzhan la ma smras par grong du 'gro ba/ byin gyis ma brlab par gos du ma 'chang ba/ chos gos gsum med par stod g.yogs dang smad g.yogs tsam la brten nas lam gyi gsum mdor 'gro ba rnams la ltung ba med pa dang/ de bting ba'i dge slong mtshams gzhan na gnas kyang dge slong gzhan lhag ma rnams dang gos kyi rnyed pa thun mong du dbang ba bcas bcu'o/ /gnyis pa/ de bar du brkyang ba ni/ sngar sra brkyang 'did pa por bskos pa'i dge slong gis sra brkyang bting la ma zhig pa'i chos gos de mtshams nang der zla ba lnga'i bar dus dus su rlung dang nyi ma la bsangs bsangs bya ba dang/ rdul sprug bya ba sogs chud za ba spong ba dang/ sra brkyang gi chos gos de gyon nas mi gtsang ba 'dor ba sogs spyod lam ma gus pa spong ba dang/ sra brkyang bsrung mkhan med par skya rengs 'char bar mi bya ba dang/ sra brkyang khyer nas mtsham @219a @#/ /kyi phyi rol tu 'gro bar mi bya ba rang 'jug bral spang ba bcas yin no/ /bskos pa'i dge slong de shi babs mtshan 'gyur byung na/ sra brkyang sbed pa po bskos nas/ des sngar bzhin brkyang par bya'o/ /gsum pa tha mar dbyung ba la/ rang 'jug bral gyis dbyung ba dang/ las kyis dbyung ba gnyis las/ dang po la/ dge 'dun mtha' dag gi rang 'jug bral bdun dang/ gang zag sgos kyi rang 'jug bral gnyis bcas yod do/ /gnyis pa las kyis dbyung ba ni/ sra brkyang bting ba nas zla ba lnga longs pa'i bco lnga'i gso sbyong gi mtha'o dus su sra brkyang gi byin rlabs de dge 'dun khyad par gsum ldan gyis gsol bzhi'i las kyis dbyung ba'o/ /chom rkun sogs kyi nyen yod na zla ba lngar ma longs kyang nya shi'i gso sbyong gcig dang bstun nas sngar dbyung ngo/ /gnyis pa 'tsho ba'i yod byad dang 'brel ba gos kyi gzhi la/ gos ji ltar sgrub tshul zhar byung dang bcas pa/ gso dngos kyi rnam gzhag zhar byung dang bcas pa gnyis las/ dang po ni/ bdag po tsam dbye gzhir byas pa 'di pham pa gnyis pa'i skabs gsungs kyang/ 'dir bshad na/ de la bsam sbyor gyis bdag por gyur pa dang/ yul chos kyis bdag por gyur pa dang/ rigs rgyud kyis bdag por gyur pa dang/ sangs rgyas bka' stsal gyi stobs kyis bdag por gyur pa bcas bzhi las/ dang po la sbyin pa po'i bsam pas yongs su btang ba tsam gyis bdag por gyur pa ni dge slong gis bsam pa thag pa nas gang la rdzas de bsdos na bsngos pa'i yul des rgyus med pas bdag gir ma byas kyang/ kho rang bdag por 'gyur ba lta bu'o/ /des na dge slong gis blos bcad kyis bsdos na bsdos der mi sbyin pa dang/ rang dgar gzhan la byin pa dang/ de rang don du longs spyod pa bcas mi rung ngo/ /len pa po'i bsam sbyor gyis bdag gir byas pa tsam gyis bdag por gyur pa ni/ bdag med kyi rdzas rnyed pa dang/ bya dang ri dwags nya bcas rngon pa la sogs pas gdos kyis zin pa lta bu'o/ /bdag po'i bsam pas btang ba dang len pa @220b pos bdag gi byas pa gnyis tshogs kyis bdag por gyur pa ni/ dge slong gi chos gos chom rkun pas phrogs pa tsam gyis chom rkun pa mi dbang gis/ dge slong gi bsam pas nam btang ba na chom rkun pa dbang ba lta bu'o/ /des na dge slong rang gi rdzas brlag pa dang/ gzhan gyis phrogs pa dang/ rkus pa sogs la sus khyer yang khyer/ da nga la mi dgos snyam pa'i blo lan cig skyes nas/ slar tshar khung rnyed pa na 'di ba'i yin snyam pas nan 'gug sogs byas na/ pham pa gnyis pa 'byung nye bas/ de 'dra la re ba gtan med byed pa'am/ yang na re ba rgyun ma chad pa byed dgos so/ /gnyis pa yul chos kyis bdag por gyur pa ni/ sho gam bsrung ba po la shog ma dbang ba lta bu'o/ /dge slong gis sho gam 'jal dgos kyi rdzas khyer nas sho gam gyi phyogs su 'gro bar mi bya/ song nas da lta'i thabs mkhas su grags pa'i lam 'khyog byed pa dang/ nang 'byar byed pa dang/ dbang chen la 'debs 'byar byed pa sogs kyis sho gam ma 'jal bar phyin na yang pham pa gnyis pa 'byung nye'o/ /sho gam gyi tshad kyang rtswa shing yin na drug cu'i cha dang/ rdzas gzhan phal cher la nyi shu'i cha gcig go /gsum pa rigs rgyud kyis bdag por gyur pa ni pha'i nor bu dbang ba lta bu'o/ /bzhi pa sangs rgyas bka' stsal gyi stobs kyis bdag por gyur pa ni/ thog mar sangs rgyas dngos la phul ba ni sangs rgyas rang gi thugs bzhed ltar byed pa dang/ sku gzugs la phul ba mchod rdzas sam mchod rdzas kyi rgyur 'jog pa dang/ nyan thos sde pa'i lugs 'dir lhag med myang 'das kyis ma bsdus pas de la phul ba'i rdzas ni mchod rten dang 'dra bar bzhag par gsungs pas gzhan gyi longs spyad byar mi rung/ de la phul tshul ni/ dgra bcom dang sangs rgyas rnams mya ngan las 'das pa la dmigs nas phul ba de yin/ dper na bcom ldan 'das mya ngan las 'das pa ni bdag cag gi don kho na'o snyam du da lta mya 'das kyi dus mchod byed pa lta bu'o/ /'on kyang dus mchong der yang ston pa rang dang mdzad pa gzhan la dmigs te phul ba ni gzhan yin no/ @221a @#/ /brdar btags pa'i sgrub pa'i chos bslab pa gsum la phul ba lta bu ni/ de gang gi thugs rgyud la mnga' ba de dbang bas dge 'dun gyi rnyed par gyur to/ /bslab pa gsum la phul ba'i don yang/ yon tan des yid phrogs pa kho nas bla ma mjal zhing rdzas phul ba lta bu'o/ /lung gi chos la phul ba ni/ lung chos de dang 'brel ba'i gtsug lag gi tshigs su bcad pa gcig yan chad 'dzin pa rnams dbang bar 'gyur/ chos smras pa'i yon lta bu'i rnyed pa ni smra ba po de nyid dbang ba'o/ /dge 'dun nam gang zag la phul ba'i rnyed pa la/ dus dang glo bur gyi rnyed pa dang/ shi ba'i yo byad kyi rnyed pa bcas so so dbang mi dbang bstan pa la/ dbyar gnas kyi rnyed pa ni/ dbyar gnas par khas ma blang rung/ khas blangs nas dbyar ral rung gang ltar yang dbyar nang der zhag bzhi bcu rtsa drug las lhag par gnas pa'i sgo nas/ gnas der yun ring gnas pa rnams dbang ba dang/ sra brkyang gi dus kyi rnyed pa de gang gis sra brkyang bting ba rnams dbang ba lta bu ni dus kyi rnyed pa la dbang tshul dang/ des mi dbang ba rnams shes par bya'o/ /glo bur gyi rnyed pa khrims su byas pa ni/ khrims ltar dbang ste/ dper na rgyal pos rdzas da lta dngos su ma phul yang/ yul 'di dang 'di nas rdzas 'di dang 'di dge 'dun 'di dang 'di pa rnams la phul zhig ces khrims su bcas na de ltar dbang ba lta bu'o/ /mtshams kyis bsgrubs pa ni/ sbyin bdag dge 'dun gyi gnas su 'ong ste rdzas 'di dge 'dun la 'bul zhes dge 'dun bye brag tu ma phyed par phul ba lta bu ste/ de ni mtshams nang de'i dge 'dun sbyi dbang ba'o/ /so sor nges pa ni/ sde tshan nam gang zag 'di la 'bul zhes so sor nges par byas pa ste/ de ni gang la des par byas pa de nyid dbang ba'o/ /mngon du gyur ba ni/ tshig gis nges par ma byas kyang sbyin bdag rang gis sde tshan nam gang zag gang la mngon sum du phul ba ste/ de ni gang la phul ba de dbang ba'o/ /de bzhi'i don bsdu na rdzas bdag gis 'bul ba'i sems kyis lus ngag gi sgo nas gang la @222b phul bar thag bcad pa ltar dbang bar shes nas nga tsho la byung dang ma byung gi ko long mi bya'o/ /rab byung shi ba'i yo byang las/ dge 'dun mi dbang ba'i cha ni lnga ste/ shi ba'i snga rol du nges par byas pa'i rdzas dang/ bu lon pa'i rdzas dang/ sde tshan pa'i rdzas dang/ nad g.yog pa'i rdzas dang/ khyim gzhan na gnas pa'i rdzas dang lnga'o/ /de dag ni rim pa bzhin/ shi ba'i sngon rol du nad pa rang gis dngos su ma gtad kyang rdzas 'di mi 'di la byin cig ces tshig gis nges par byas pa'i rdzas de ji skad smras pa de bzhin du bya ba nyid dang/ bu lon yod na de la ji tsam gzhal dgos pa'i tshad kyi shi ba'i yo byad de bu lon pa dbang ba'i rdzas nyid dang/ bcu tshoms kyi nang nas rab byung gcig lta bu shi na de'i skal pa tshoms nge phros pa la dbang bas sde tshan pa'i rdzas dang/ nad g.yog gi chos lnga dang ldan na shi ba de'i yo byad drug nad g.yog dbang zhing/ nad g.yog gi chos lnga ni/ chos 'di pa'i rab byung gi sdom pa gsor rung yan chad dang ldan pa dang/ nad pa de dang lta ba mthun pa dang/ mtshan mthun pa dang/ gnas nas ma phyung ba dang/ nad g.yog legs par byas pa dang lnga'o/ /dge slong khyim du shin dge slong de'i lhung bzed dang chos gos ni khyim bdag des rab byung gang la byin pa de dbang/ rab byung de yang chos lnga ldan te/ dang po bzhi ni snga ma dang 'dra la/ yo byad des phongs pa dang/ lnga'o/ /de'i dang po'i skabs gzhung gzhan nas rab byung de nyid shi ba'i snga rol du yo byad gzhan la byin zin na ma gtogs 'di la byin cig ces kha chems la rtsi mi dgos te rab byung nor la ltos med yin pa'i phyir/ khyim pas ni kha chems gtso ste khyim ba nor la ltos bcas yin pa'i phyir zhes kyang gsungs/ bu lon pa'i rdzas de yang gzhan med na ma gtogs mkho ba'i rdzas kyi steng nas gzhal lo/ /shi ba de la yo byad drug tshan pa du ma yod na/ tshan pa gcig nad g.yog dbang zhing/ nad g.yog du ma yod na yang tshan pa gcig las mi dbang/ khyim na gnas pa'i rdzas de rab byung slong ba po snga phyir byung na snga ma dbang/ dus mnyam du byung na thun mong du dbang ngo/ /rab byung shi ba'i yo byad de @223a @#/ /dag las gzhan thams cad dge 'dun dbang ste/ dge 'dun gyis byin gyis brlab par bya'o/ /de yang byin rlabs kyi dus su slebs pa dbang gis/ ma slebs pa rnams mi dbang/ khyim pa rtags can shi ba'i yo byad las rin po che rnams ni dkon mchog gsum la dbul zhing/ khyad par du mu tig dang tshon rtsi rnams sangs rgyas la 'bul/ go cha la sogs pa ni rgyal po la 'bul/ mtshon cha rnams dge 'dun la phul na/ dge 'dun gyis kyang 'khar bsil sogs bya yi/ srog gi phyir yang gzhan la mi tshong ngo/ /rdzas gcig gi steng du bdag po rnams 'dom na gang gtso zhe na/ khyim pa'i rdzas la yul chos kyis byed pa gtso ste/ sangs rgyas kyis kyang de dang mthun par bka' stsal ba'i phyir/ rab byung gi rdzas la sangs rgyas kyis ji ltar gsungs pa gtso ste/ rigs rgyud ni mi dbang ngo/ /'on kyang deng sang rab byung shi pa'i shul na sa zhing la sogs pa nor rdzas mang po yod pa las de'i spun zla sogs la gtan nas ma byin par thams cad dge 'dun gyis byin gyis brlab na ha cang thal ches par 'gyur bas/ 'dir ni 'dul ba yul chos dang bstun dgos par gsungs zhes mtsho TAkki las gsungs so/ /'o na dge slong shi ba'i yo byad drug po la shi ba'i snga rol du/ nges par byas pa dang/ bu lon pa dang/ nad g.yog pa dang/ rigs rgyud bcas bzhi 'ong nas slong na phyi ma phyi ma las snga ma snga ma rnams gtso'o/ /de dag gi skabs su dmigs bsal yul dus kyi stabs kyis 'di lta bu byung na 'di dbang zhes dge 'dun gyi nang khrims bcas pa tshul mthun yod na de nyid dbang btsan par byed dgos pa yang yod do/ /yang gnas der dge slong nad pa rang gi rnyed pa longs spyad pas zad na/ nad g.yog dang dge 'dun gyi rdzas dang/ de nas sangs rgyas kyi sku gzugs la phul ba'i na bza' tshun chad kyis kyang nad pa skyong bar gsungs shing/ gnas gcig gi nad par dge slong rnams kyis dus gsum du brtag par gsungs pa yang/ snga dro mtshan gyi rim pa'i gnyid sogs la brtag pa dang/ dro dus su kha zas za tshul la brtag @224b pa dang/ phyi dro zas 'ju tshul la brtag pa bcas yin zhing/ der ma zad bcom ldan 'das rang nyid kyis nad g.yog mdzad pa'i byung ba yang lung na gsal bas/ rjes 'jug rnams kyis tshul 'dir slob cing/ gzhan de ltar byed pa la yang byed rgyu mang bar ma blta zhig /'on kyang nad pa sun pa dang mi phrod pa sogs yong dus/ nad g.yog sogs la kha zhe med par nyin re bzhin dus gsum du nad pa'i kham 'dri bya'o/ /rnyed pa bgo ba'i las byed pa po ni/ dge 'dun gyis gsol gnyis kyi las kyis bskos pa'am/ yang na lung bor bas bsgo'o/ /tshad ni zas pu sa la'i 'dab ma gang tsam dang/ gos ni mar me'i snying po tsam yang bgo bar gsungs pas/ pu sa la'i 'dab ma ni'u su 'am zar ma'i 'dab ma dang/ mar me'i snying po ni sdong ras so/ /zas gos de tsam bgo rin med kyang yal bar ma dor bar bgo rdzas gzhan gyi steng du snon pa'i don dang/ yang zas gos de tsam gyis kyang mtho dman med par mnyam par brim dgos pa'i don yin/ ma bgos gong du chud za bar 'gyur ba rnams ni btsongs nas bgo'o/ /cho ga ni snyan gsan phab pa dang/ gaNTi brdung ba dang/ tshul shing brim pa dang/ grangs bzung ba dang/ rang rang gi skal ba brim pa rnams yin no/ /len tshul ni rang rang gi skal ba gral mtshams su len pa dang/ gzhan gyi skal ba rang la len bcug nas ma blang na rang gis bskyin pa bsab dgos so/ /spyir btang la ma bcol ba'i skal ba mi len yang/ dmigs bsal mkhan slob kyi skal pa ni ma bcol yang len no/ /yid gcugs pa'i skal ba yang de bzhin no/ /shi ba'i rdzas bgo tshul ni/ dang por rab byung shi ba de'i ro stod g.yogs smad g.yogs dang bcas bzhin du phyir dbyung/ de rjes ro bsregs pa sogs rim gro dang/ de rjes mi rtag pa'i chos nyan pa dang/ yon bshad pa dang/ byin gyis brlab pa sogs byas nas bgo tshul sngar ltar bya'o/ /byin gyis brlab tshul ni gsol ba 'ba' zhig pa'i las kyi cho gas byin gyis brlab tshul las chog ltar dang/ yang na dge 'dun tshogs pa'i gral mgo'i dge slong bgres pa la yo byad de nas gcig @225a @#/ /'bul zhing/ gral gsham ma la yo byad de nas gcig 'bul ba bcas ni dang po dang tha mas byin gyis brlab tshul yin no/ /gnas nas phyung ba la ni dbyar rnyed mi dbang ba'o/ /dge tshul la gos kyi rnyed pa gsum gnyis sbyin pa dang/ zas kyi rnyed pa 'dra bar byin pa dang/ bsnyen rdzogs 'dod pa'i dge tshul la rnyed pa mnyam par byin par bya'o/ /gnyis pa/ gos bsam sbyor gang gis sgrub pa ni/ log 'tsho lnga spangs shing yang dag pa'i 'tsho ba las bsgrub dgos la/ log 'tsho lnga ni/ rnyed bkur 'ba' zhig gi ched du phyi'i spyod lam mdzes par byed pa tshul 'chos dang/ gzhan gyi rnyed bkur la chags te de thob pa'i phyir du gzhan la smod par byed pa thob kyis 'jal ba dang/ rnyed pa chung du byin pas chen po 'tshol ba rnyed pas rnyed pa 'tshol ba dang/ rnyed bkur gyi phyir du gzhan gyi rnyed bkur gyi rdzas la bsngags pa brjod pa gzhogs slong dang/ rnyed bkur 'ba' zhig gi ched du gzhan la gcam bu snyan par smra ba'i kha gsag ste lnga'o/ /gsum pa/ gos tshul ji ltar du sgrub pa ni/ chos gos gsum lta bu la mtshon na spyir btang dras drub ma dang/ dmigs bsal lhan thabs kyang bya rung ngo/ /gnyis pa gos dngos kyi rnam gzhag zhar byung dang bcas pa la/ gos kyi dbye ba ni/ 'tsho ba'i yo byad dang/ lhag pa'i yo byad/ 'kho ba'i yo byad dang gsum/ dang po la dngos dang/ phran tshegs gnyis/ dang po la bcu gsum las/ snam sbyar dang bla gos ni/ rab tshad dpangs su khru gsum dang srid du khru lnga/ chung tshad dpangs su khru phyed dang gsum dang srid du phyed dang lnga pa/ de gnyis kyi bar 'bring tshad do/ /mthang gos ni srid du khru lnga'am bzhi/ zhing du khru do/ /srid du ma chog na ral kha dpung chad glan par bya zhing chung tshad rgyab nas g.yogs te lte ba'i dkyil 'khor gyi bar dang pus mo'i lha nga gnyis kyi bar te 'khor gsum khebs pa yang rung ngo/ /rdul gzan ni nyin mo bla gos kyi nang du bgo zhing rdul gzan gyi gzan ni mtshan mo bgo bar bya ba yin la de gnyis kyi tshad bla gos dang 'dra'o/ /sham thabs ni nyin mo mthang gos kyi @226b nang du bgo ba dang/ sham thabs kyi gzan ni mtshan mo smad du bgo bar bya zhing de gnyis kyi tshad kyang mthang gos dang mnyam mo/ /rnag gzan ni dge slong rnag nad can gyis bla gos dang rdul gzan gyi nang du bgos la g.yan pa dgab pa ni g.yan nad can gyis bgo bas de gnyis kyi tshad ni srid du khru drug dang zhing du gsum mo/ /gdod phyis kyi srid zhing gnyis kar khru gang re dang skra bzed ni srid du khru phyed gsum zhing du phyed do'o/ /gding ba srid du khru gsum zheng du khru do dang sor drug yin la mi chog na srid du khru phyed dang do bskyed pa dang/ ras chen srid du khru dgu zhing du khru gsum dang sor bco brgyad bya ba yin la 'di dag thams cad kyi kha dog kyang rung ba'i cho na gsum po gang rung gis bsgyur ba dgos te/ rab tu byung bas chu tshags ma gtogs pa'i lhung bzed kyi shubs tshun chad nas kha bsgyur ba kho na 'chang dgos zhes bla ma rnams kyis zhal 'chams par gsungs pas so/ /gnyis pa 'tsho ba'i yo byad phran tshegs ni zhwa ska rags lham sgrog sogs dang gtur bu dang lhung bzed kyi shubs la sogs pa rnams so/ /gnyis pa lhag pa'i yo byad la'ang dngos dang phran tshegs gnyis las dang po ni/ 'tsho ba'i yo byad bcu gsum po thebs yod pa rnams dang/ gnyis pa ni zhwa dang ska rags sogs kyi thebs lta bu'o/ /gsum pa 'kho ba'i yo byad la'ang gnyis las/ dngos ni ras yug sogs dang/ phran tshegs ni ras yug gi dum bu sogs so/ /gos de dag byin gyis brlab pa'i tshul la/ gang gi mdun du byin gyis brlab pa'i yul ni spyir btang dge slong chos bdun ldan dgos la/ dmigs kyis bsal na rang nyid gcig pu'am/ bsnyen par ma rdzogs par byin rlabs rung ba'i skabs yod do/ /gang gis byin gyis brlab pa'i rten ni bsnyen rdzogs kyi sdom pa gso rung yan chad dang ldan pa/ shes pa rang bzhin du gnas pa/ lus tha mal du gnas pa/ gnas nas ma phyung ba'i dge slong dang/ bsnyen rdzogs byed pa'i tshe dge tshul/ bsnyen rdzogs kyi sdom pa dang mi ldan zhing ldan par 'du shes pa rnams so/ /gang byin gyis brlab pa'i dngos po ni spyir @227a @#/ /'tsho ba'i yo byad dang lhag pa'i yo byad rung ba tshad ldan rnams dang/ dmigs bsal rkyen dbang gis gos mi rung ba la'ang byin rlabs chags par bshad cing/ 'kho ba'i yo byad kyi gos kyang khru gang yan chad kyi tshad dang ldan pa dgos la/ kha dog dkar po sogs kyang bshad pas/ rab tu byung ba kho nas longs spyod par ma nges so/ /cho ga gang gis byin gyis brlab pa la/ sbyor dngos mjug gsum las/ sbyor ba ni mchil lham phud cing yul bslab pa rgan na phyag 'tshal la/ dngos gzhi ni btsun pa'am/ slob dpon dgongs su gsol sogs kyi sngags tshig lan gsum brjod/ mjug tu thabs legs bya'o/ /yo byad phran tshegs zhwa dang ska rags sogs gru bzhi khru gang gi tshad du ma longs pa rnams yid kyis btags te bcang la/ snam sbyar sogs dngos med kyang rgyu'i byin rlabs bya dgos so/ / byin gyis brlab pa 'jig pa'i rgyu ni/ sngags tshig gis dbyung ba dang/ gzhan la byin pa dang/ rten dang gos zhing ma yin par gyur ba sogs so/ /yo byad de dag bsam pa ji lta bus bcang na/ 'tsho ba'i yo byad kyi gos la rang gi yin pa'i 'du shes dang/ lhag pa'i yo byad kyi gos la gzhan gyi yin pa'i 'du shes dang/ 'kho ba'i yo byad la rang gzhan thun mong du dbang ba'i 'du shes bzhag go /longs spyod pa'i khe nyen gyi tshul yang dgra bcom rnams kyis bdag po'i tshul gyis longs spyod pa dang/ 'phags pa slob pa rnams kyis byin pa len pa'i tshul gyis longs spyod/ tshul khrims dag cing thos bsam la brtson pa'i so skye rnams kyis rjes su gnang ba'i tshul gyis longs spyod/ tshul khrims dang ldan yang le los klog pa sogs mi nus pas ni bu lon gyi tshul du longs spyod/ tshul 'chal rnams kyis ni lcags gong dmang 'bar ba'i tshul gyis longs spyod par gsungs so// //gsum pa dmigs bsal dang 'brel ba'i ko lpags kyi gzhi la/ yul dbus dang mtha' 'khob kyi mtshams ni/ rdo rje gdan dbus su bzhag pa'i shar du li kha ra'i shing tshang tshing can yod pa'i nub mtha' dang/ @228b lho na chu klung de ba zhes pa yod pa'i byang mtha' dang/ nub na bram ze'i grong ka ba dang nye ba'i ka ba zhes pa yod pa'i shar mtha' dang/ byang du u shi ra'i ri yong pa'i lho mtha' ste de rnams tshun chad sa tshigs kyi dbang du byas pa'i yul dbus dang/ de phan chad sa tshigs kyi dbang du byas pa'i mtha' 'khob yin no/ /chos tshigs kyi dbang du byas pa'i yul dbus ni/ sher phyin gyi mdo bzhugs pa dang/ 'khor rnam bzhi rgyu ba dang/ sar gnas kyi sems dpa' bzhugs pa'i yul rnams yin la/ de dag med pa'i yul rnams de'i dbang du byas pa'i mtha' 'khob tu 'jog go /mchil lham gnang mi gnang gi tshul ni/ spyir btang sa tshigs kyis phye ba'i yul dbus su mchil lham ma gnang la/ dmigs bsal gnas ma la bskyab pa'i phyir der yang gnang zhing sa tshigs kyis phye ba'i mtha' 'khob tu ni spyir yang gnang ngo/ /ko lpags gnang mi gnang gi mtshams ni/ spyir btang sa tshigs kyis phye ba'i yul dbus su ko lpags la longs spyod pa bkag kyang dmigs bsal der yang dge slong mig nad can gyi rkang mthil du dom lpags dang/ rlung nad can gyis dom lpags kyi stan la longs spyod pa gnang/ sa tshigs kyis phye ba'i mtha' 'khob tu ko lpags kyi gdan dang lham sna sbub can gnang ngo/ /dgos pa'i phyir dben pa'i gnas su chu la rkyal bslab pa dang/ chu gting mi mngon pa la 'gro ba'i tshe khyu mchog las gzhan pa'i dud 'gro dman pa la brten par mi bya ba'ang gsungs so// //gnyis pa sman gyi gzhi bshad pa la lnga/ sman bzhi so so'i ngo 'dzin/ de dag byin gyis brlab pa'i tshul/ de la longs spyod pa'i gnas rung khang gcod tshul/ sman longs spyod pa la 'jug pa'i tshul dang/ sman gyi rgyu mthun zag pa 'dor ba'i tshul lo/ /dang po la bzhi las dus rung gi sman ni/ zan dang/ 'thud/ rgun 'brum dang amra sogs kyi bza' bca' dang/ zho dang 'o ma sogs kyi btung ba rnams so/ /thun tshod du rung ba'i sman gyi rigs ni/ rus thang shin tu sla ba tshags kyis btsags pa dang/ sbyar tshags legs par byas pa'i dar ba dang/ zho'i kha chu la sogs pa rgyu sman bzhi ci rigs las byung ba @229a @#/ /tshags kyis btsags pa'i btung ba thams cad do/ /zhag bdun pa'i sman gyi rigs ni/ sbrang rtsi dang/ mar dang/ bu ram dang/ hwags dang/ la du sogs so/ /'tsho bcang gi sman gyi rigs ni a ru ra dang/ skyu ru ra/ ba ru ra sogs so/ / gnyis pa ni dus rung gi sman la byin rlabs mi dgos pas sman gyi rigs phyi ma gsum po gang rung yin pa rung ba tshad ldan/ sngar byin gyis ma brlab pa rnams/ yul dge slong chos bdun ldan gyi mdun du/ rten ni sman thog mtha' gnyis la nad pa kho na dang/ zhag bdun pa la nad pa dang/ dge bskos/ lam zhugs/ lag gi bla ste bzhis/ dus snga dro'i zas kyi gong du bya zhing de yang lag pa bkrus te byin len byas/ rang rang gi sngags tshig lan gsum dang mjug tu thabs legs brjod pa'i sgo nas/ yun ni rang rang gi dus kyi mtha'i bar du byin gyis brlab bo/ /lag gi bla ni gtsug lag khang brtsig pa'i tshe ar las kyi khur 'dzin pa'i gtso bor dge 'dun tshang bas gsol gnyis kyi las kyis bskos pa'i dge slong lta bu la bshad do/ /byin gyis brlab pa'i dgos pa ni/ gtso bor gsog 'jog gi nyes/ pa dgag pa'i ched du yin la/ byin rlabs 'jig pa'i rgyu ni/ 'phrog dang shor 'dril bor ba dang/ /bab dang shi dang gzhan reg dang/ /dngos po gyur dang skyes par gyur/ /gzhan la bsngos pa nyid kyang ngo/ /zhes gsungs pa ltar gyi byin len 'jig pa'i rgyu bcu dang/ dus kyi 'phen pa zad pa dang/ phyud ba'i sngags tshig rnams kyis kyang 'jig go /sman la longs spyod pa na sman phyi ma gsum dus rung dang bsres pa snga dro'i tshe spyad cing/ gzhan gyi tshe longs mi spyod pa dang/ sman phyi ma gsum yang phan tshun bsres pa longs spyod par mi bya zhing/ zas la mi mthun pa'i 'du shes bzhag nas longs spyod dgos par gsungs so/ /gsum pa sman la longs spyod pa'i gnas rung khang gcod tshul ni/ rang ngam rang dang cho ga gcig pas dbang ba/ kun la dbang ba'i sgo khang sogs ma yin pa/ dkon mchog gi pho brang ma yin pa/ @230b bla gab dang bcas pa/ sngar rung khang ma bcad pa'i mtshams nang nye 'khor dang bcas pa der bcad par bya zhing de yang rdo bteg pa'i mtha' las byung ba'i rung khad ni dge slong lag gi bla kho nas gnas der so phag gi bcal dang por 'grems pa'am 'gram rdo 'jog pa'i tshe gzhi 'di dge 'dun gyi rung ba'i khang par 'gyur ro zhes pa'i sngags tshig lan gsum brjod de bcad la/ sems bsdus pa'i mtha' las byung ba'i rung khang ni/ phyis khang pa'i 'phro zin par byed pa'i phyir las gsar pa byed pa'i dus su lag gi bla dang de dang 'brel ba'i dge slong rab tu mang pos sa der 'khod de tshe dang ldan pa dag gzhi 'di ni dge 'dun gyi rung ba'i khad par sems bsdus shig ces pa'i sngags tshig lan gsum brjod de bcad do/ /las kyi mtha' las byung ba'i rung khang ni gnas grub zin pa der dge slong gnas pa dang ma bral ba'i tshe dge 'dun gyis gsol gnyis kyi las kyis bcad/ 'phral gyi mtha' las byung ba'i rung khang ni gnas khang stong par dge slong gnas pa'i don du phyin pa'i tshe bya ba gzhan ma brtsams gong du dge slong ji snyed phyin pa de snyed kyis gzhi 'di ni dge 'dun gyi rung ba'i khang par 'gyur ro zhes cig car yid la bsam zhing ngag tu brjod pa'i sgo nas byin gyis brlab la/ rung khang bzhi po de dag gang yang ma grub pa'i tshe 'phags pa thogs med kyis gsungs pa ltar shes pa chung ngu'i rung khang byin rlabs bya la/ sngags tshig ni/ bdag ni bslab pa rnams la ma gus pa yang ma lags te/ ji ltar sangs rgyas bcom ldan 'das rnams mkhyen pa dang gzigs pa dang ldan pa de dag gis rung ba'i khang pa dang/ zas kyi khang par yongs su longs spyod par mkhyen cing gzigs pa de lta na/ 'dir bdag gi phyir dran pa nye bar 'jog go /des bdag gi tshangs par spyod pa rjes su 'dzin par gyur cig /ces lan gsum brjod pa'o/ /rung khang gcod tshul de dag gang byed kyang sngon du rgyud chags gsum pa re bgyid pa'i phyag srol yod ces bla ma'i zhal nas thos so/ /de ltar rung @231a @#/ /khang bgyid pa der zas btso ba dang zas zhag lon par bzhag tu rung bas rung khang zhes bya zhing/ gtsug lag khang du ma'i thun mong gi g.yos rung khang gcig tu bya bar gnang ngo/ /rung khang byin rlabs 'jig rgyu ni/ mtshams gzhan byung ba/ las kyis zhig pa/ bsrung ba med par zhag lon pa/ dngos rten zhing ma yin par gyur pa sogs kyis 'jig go /bzhi pa sman longs spyod pa la 'jug pa'i tshul ni/ bsod snyoms sogs la 'gro ba'i tshe chos gos gsum gyon nas/ gding ba lhung bzed bya ma bum 'khar bsil sogs thogs te tshul dang mthun par 'gro zhing gral la rgan rims su 'khod/ zas 'brims par byed pas 'brim pa la nye ba na/ gnas brtan gyis snyoms par 'brims shig ces bsgo ba dang/ zas nyung na khyed par 'brims shig ces dang/ zas mang na ci 'byor par 'brims shig ces bsgo /de nas 'brims par byed pas dge 'dun rgan pa'i mthar sam pra ba ta zhes ma brjod par dang por zas blang bar mi bya ba'o/ /zas la longs spyod pa'i tshe yang rtsa'i gdan ma gtogs pa'i dge 'dun gyi gdan dang/ khyim pa'i gdan dkar po sogs la'ang gding bas g.yogs la mchil lham phud nas stod g.yogs dang bcas te 'dug pas bza' bar bya ba dang/ nad pas nad la phan na mchil lham rdog pas mnan te bza' ba tsam gnang ngo/ /zas blang pa'i cho ga'am spyod tshul ni/ lag pa gnyis bkan te blang zhing sha byin len stob pa la bcad pa las byung ba ma yin nam zhes dri dgos la/ /gang za ba'i dngos po yang sman bzhi po gang rung skabs dang bstun pa'i rung ba tshad ldan de lhung bzed rung ba tshad ldan du longs spyad cing de'i tshe zas la cha bzhi byas te dang por lha la zhal zas dang/ gnyis par chos skyong srung ma la zhal zas byed/ gsum par rang nyid kyis spyod la/ zos pa la brten nas rang gi lus kyi srin bu rnams da lta zang zing gi sbyin pas tshim/ ma 'ongs pa na chos kyi sbyin pas tshim par bya'o snyam du nges par bsam @232b dgos zhes bla ma rnams kyis yang yang gsung ngo/ /cha bzhi pa la 'phrog ma ma bu dang/ phung dang lhag ma la re ba'i 'byung po rnams la chang bu byin la mjug tu yon bshad bya ste/ jo bo'i spyod bsdus las/ zas la cha bzhir bgos byas te/ /dang po lha la bshos gtsang phul/ /de rjes chos skyong srung ma la/ /gtor ma shin tu rgya chen byas/ /rang gis zos shing btungs pa yi/ /lhag ma 'byung po rnams la sbyin/ /zhes gsungs so/ /lnga pa sman gyi rgyu mthun zag pa 'dor ba'i tshul ni/ gtsug lag khang gi rgyab bam g.yon phyogs su bshang gci bya ba'i khang pa brtsigs te/ der bag med pa spong zhing tshul dang mthun pas 'dor ba la 'jug par bya'o// //gsum pa gnas mal gyi gzhi la/ phyag bya ba'i rnam gzhag ni yul dkon mchog gsum dang/ mkhan slob sogs dang/ so sor thar pa'i sdom pa rang las gong ma dang ldan pa dang/ sdom pa mnyam na bslab pa rgan pa la phyag bya zhing/ dmigs bsal mtshan mi mthun na dge slong ma dang dge tshul ma sogs bslab pa rgan yang phyag bya ba'i yul ma yin/ mtshan mthun yang sa gzhan na gnas pa dang nyal ba dang/ snyoms par zhugs pa dang/ 'bags pa rnams la phyag mi bya/ rang nyid gos med par gcer bu dang/ gos gcig pa dang/ zas kyis sbags pas kyang phyag mi bya zhing de lta bu'i tshe tshur gzhan gyis phyag byas pa bdag gir byas na nyes par 'gyur bar ma zad phyag byed pa po dge slong sogs yin na'ang nyes par 'gyur la/ phyag btsal ba dang du blang bar 'os pas rang la gzhan gyis phyag byas pa na a rog kya zhes brjod dgos par gsungs so/ /tshul ji ltar phyag bya ba ni/ yan lag lnga sa la btugs pa'i phyag gam/ sgyid pa nas 'khyud pa'i phyag gang rung bya la/ mkhan slob sogs mun khrod na gnas pa la lus kyis phyag bya mi rung zhing/ ngag tu phyag 'tshal lo zhes dang/ rang dang rang gi bla ma sogs la sbrid pa byung ba'i tshe'ang phyag 'tshal lo zhes brjod cing/ ston pa sangs rgyas la bdag @233a @#/ /cag gi ston pa zhes pa lta bu'i nye tshig dang bral bar mtshan rjen pa nas brjod du mi rung ba dang/ rang las bslab pa rgan pa la gnas brtan nam btsun pa sogs dang/ gzhon pa la tshe dang ldan pa zhes sogs nye tshig brjod dgos pa'ang shes par bya'o/ /gtsug lag khang gang du brtsig pa'i gnas ni/ sems can mang po bsod nams gsog pa'i dbang du byas na skye bo mang po 'du ba'i sar brtsig la/ bdag nyid thos bsam sgom gsum 'phel ba'i dbang du byas na nyin mor skye bo'i rgyun lugs nyung zhing mtshan mo rlag cor gyi sgra chung ba'i gnas su brtsigs/ de la tshon rtsi yang zad par gyi ting nge 'dzin skye sla ba'i phyir sngon po sogs kyis byug cing sgo khang du 'khor ba'i 'khor lo cha lnga pa bri ba sogs kyang bya'o/ /gtsug lag khang na gnas pa'i tshe der bcos dgos pa byung na yal bar mi 'dor zhing/ de nas gzhan du 'gro ba na sgo bcad dgos pa'i tshe mi gcod pa dang/ srung ma bzhag dgos pa'i tshe mi bzhag pa dang/ srung ma de la zas med pa'i tshe mi sbyin pa rnams mi rung bar gsungs so/ /ri mo dang bcas pa'i gtsug lag khang du me du can mi btang zhing/ 'og gzhir yang zhal ba sogs kyis 'jam por byas pa la me mi 'bud/ stan gzhan yod cing shin tu dog pa sogs kyi dgag bya med pa'i tshe bsnyen par ma rdzogs pa dang/ ma ning sogs dang/ bslab pa byin pa sogs dang lhan cig stan gcig la 'dug par mi bya/ mkhan slob sogs dang stan gcig tu 'dug dgos pa byung tshe gus pa'i sems nye bar bzhag dgos par gsungs/ stan gyi tshad ni che tshad srid du khru lnga/ chung tshad srid du khru gsum/ 'bring tshad de'i bar/ che 'bring chung gsum gyi zheng tshad khru do dang sor drug tu mnyam zhing/ bsam gtan gyi stan nang tshang can ni/ ngos rer khru do re yod pa'i gru bzhi bya bar gsungs la/ sngas nang tshang can ni lung las/ ras srid du khru bzhi nyis ltab tu byas pa dang/ sngas de'i zheng du ni khru do pa nyis ltab tu byas te @234b btsem mo zhes dang/ mal stan sogs la srog chags yod med so sor brtag pa legs par ma byas par 'dug pa dang nyal ba sogs mi bya bar yang gsungs so/ /gzhan yang skye bo mang po bsod nams gsog pa'i don du mchod rten gtsang khang can sogs bya bar gsungs shing/ mchod rten sogs la 'phreng ba dang ba dan sogs 'bul ba'i tshe rkang pa bkru ba dang/ dris byug pa dang/ ras la sogs pas dkris te rang 'dzeg pa'am/ gzhan 'dzeg tu gzhug la/ de'i tshe yang ston pa'i 'du shes dang dgos don khyad par can dran pa'i sgo nas so/ /sangs rgyas la mchod pa sogs kyi tshe rol mo byed du gzhug pa na sangs rgyas la mchod pa byos shig ces pa lta bu brjod dgos par gsungs so/ /'dir ni nye bar 'kho ba che long 'ga' zhig brjod par zad kyi/ zhib par ni 'dul gzhung rgyas pa rnams las shes par byas te/ dbul pos phyug po'i nor bgrang ba ltar du ma song bar lag len la ci thebs mdzad 'tshal lo/ /gnyis pa bsrung thabs bye brag tu bshad pa la/ gong gi bsrung thabs lnga'i nang tshan 'gal rkyen mi mthun phyogs ngo shes pa'i sgo nas bsrung thabs la sde lnga so so'i ngo bo ngo shes pa'i sgo nas bsrung ba sogs bzhi yod pa'i phyi ma gsum bdag gis gong du bstan zin la/ dang po ltung ba sde lnga so so'i ngo bo ngo 'dzin de nyid 'dir blangs te ston par byed pas/ 'di la gnyis/ bsrung thabs bye brag tu bshad par dam bca' ba dang/ dam bcas pa'i don de nyid rgyas par bshad pa'o/ /dang po ni/ de phyir mi mthun phyogs rnams shes bya'i phyir/ /sde lnga'i ngo bo rags pa tsam zhig ston/ /zhes pa ste tshig don ni/ phan bde'i gzhi rten so thar gyi bslab pa rin po che 'di nyid srung thabs yan lag du ma'i sgo nas/ tshe 'dir bde bar 'tsho ba'i thabs su srog bsrung ba las kyang ches shin tu gces par srung dgos pa de'i phyir na/ bslab pa'i 'gal rkyen mi mthun phyogs rnams ji ltar yin ngo shes dgos la/ mi mthun phyogs kyi ltung ba yan lag @235a @#/ /dang bcas pa ni/ lung sde bzhi las dngos bcas dang mdor bsdus kyi tshul du mtha' yas pa zhig gsungs pa las/ 'dir dge slong pha'i rtsa lung so sor thar ba'i sdom gyis bsdus pa'i pham pa dang/ dge 'dun lhag ma/ ltung byed/ sor bshags/ nyes byas te sde lnga'i dngos gzhi so so'i ngo bo rags pa tsam zhig ston par bya ba'o/ /'phros don ni/ ltung ba sde lnga rdzogs par skyed pa'i rten la ci lta bu zhig dgos na/ bsnyen rdzogs kyi sdom pa dang por blangs pa/ bar du skyes pa/ mthar pham pa 'chab bcas kyis ma gos pa zhig dgos te/ dge bsnyen dang/ bsnyen par ma rdzogs pa'i rab byung dang/ dge slong gi sdom pa nyams pa dang/ ma chags pa rnams kyi ltung ba ni nyes byas kho nar gsungs pas so/ /de dag gi sgra bshad ni/ mi mthun phyogs rgyal zhing gnyen po pham pas na pham pa dang/ phyir bcos byas pa dge 'dun la rag las shing sdom pa gso ba'i lhag ma cung zad lus pas na dge 'dun lhag ma/ rang rgyud ldan gyi gang zag ngan 'gror ltung bar byed pas na ltung byed/ bcabs pa'i nyes pa med kyang 'thol ba dang bshags pa so sor byed dgos pas sor bshags/ yang dag pa ma yin pa'i nyes pa byas pas nyes byas zhes bshad la/ ltung ba sde lngar phye ba yang dngos bsam gyi sgo nas bsdu na dngos po gtso che ba'i ltung ba dang/ 'du shes gtso che ba'i ltung ba gnyis su 'du/ byed las kyi sgo nas bsdu na sdom pa gso ba'i lhag ma med pa'i ltung ba dang/ de gso ba'i lhag ma dang bcas pa'i ltung ba gnyis su 'du/ ngo bo'i sgo nas bsdu na rang bzhin gyi kha na ma tho ba'i ltung ba dang/ bcas pa'i kha na ma tho ba'i ltung ba gnyis su 'du'o/ /bcas rang gi ltung ba 'di gnyis ni/ rgyu'i khyad par nye ba'i kun slong mi dge bas kun nas bslangs ma slangs dang/ ngo bo'i khyad par las mi dge ba dang bdag gcig pa yin min dang/ 'bras bu'i khyad par rnam smin yid mi 'ongs 'byin nus pa dang/ de 'byin mi nus pa'i rigs @236b gnas kyis phye bar gsungs pas snga ma mi dge ba dang/ phyi ma lung ma bstan du nges so/ /gnyis pa rgyas par bshad pa la lnga/ pham pa'i sde tshan/ lhag ma'i sde tshan/ ltung byed kyi sde tshan/ sor bshags kyi sde tshan/ nyes byas kyi sde tshan bshad pa'o/ /dang po la/ pham pa bzhi las/ rang gzhan rma yi sgo gsum gang rung du/ /bcug reg myong ba bdag gir byas pa dang/ /zhes pa ni/ rang gzhan gyi kha bshang lam zag byed de rma sgo gsum po gang rung du/ nor bu bcug cing reg pa las byung ba'i bde ba lus shes kyis rdzogs par nyams su myong zhing/ yid shes kyis bdag gir byas pa na/ dang po mi tshangs spyod kyi pham par 'gyur ro/ /mi gzhan gyis bzung rin thang tshang ba'i dngos/ /brku'am brkur bcug thob blo skyes pa dang/ /zhes pa ni/ rang las rgyu nor gzhan pa'i mis bdag tu bzung ba'i dngos po yul der dus skabs dang bstun pa'i rin thang tshang ba zhig /rang gis brku'am gzhan brkur bcug nas mthar thug thob blo skyes pa na/ ma byin len gyi pham par 'gyur ro/ /mi'am mir chags gsod 'dod ci rigs pa'i/ /sbyor ba'i rkyen gyis rang sngar shi ba dang/ /zhes pa ni/ mi dngos sam mir chags pa mngal gyi mer mer po sogs gnas skabs lnga po gang rung zhig gsod 'dod kyis kun nas bslangs te/ dug dang/ mtshon dang/ sngags sogs ci rigs pa'i sbyor bas gsod par brtsams nas mthar thug rang gi snga rol tu shib shes pa na/ srog gcod kyi pham par 'gyur ro/ /de bzhin mi chos bla ma'i rdzun smras pa/ /tha snyad lnga ldan mis go pham pa'i sde'o/ /zhes pa ni/ de bzhin rang gis grub pa ma thob bzhin du thob bo/ /zhes pa lta bu mi'i chos bla ma'am/ gong mar gyur pa'i yon tan thob par smras pa/ smra yul mi yin pa/ smra shes pa/ don go ba/ bsam pa rang bzhin du gnas pa/ ma ning dang mtshan gnyis pa ma yin pa ste/ de lta bu'i tha snyad lnga ldan gyi mis thos nas don go ba na/ rdzun du smra ba'i pham par 'gyur ro/ ! gnyis pa la/ lhag ma bcu gsum las/ rma sgo gsum las gzhan pa'i @237a @#/ /rang gzhan gyis/ /sbyor bas khu ba 'byin par byed pa dang/ /zhes pa ni/ rma sgo gsum las gzhan pa'i rang gi sor mo lta bu dang/ pha rol po'i lus kyi cha shas rkang lag sogs kyi sbyor bas khu ba dbyung ba/ dang po'i gnas nas 'phos pa na/ khu ba 'byin pa'i dge 'dun lhag mar 'gyur ro/ /bsten rung bud med lus dang de 'brel la/ /zag byed las gzhan lus kyis reg pa dang/ /zhes pa ni/ chags sems kyis 'khrig pa bsten du rung ba'i bud med kyi lus dngos sha brjen nam/ de dang 'brel ba skra dang gos sogs la reg pa las yid la bde ba skyes pa na/ reg pa'i dge 'dun lhag mar 'gyur ro/ /de bzhin yul der mtshan nyid lnga ldan gyi/ /'khrig tshig smra dang/ zhes pa ni/ chags sems kyis kun nas bslangs te bud med la yul dus der ngag mtshan nyid lnga ldan gyis 'khrig tshig gsal por smras nas/ bud med des don go ba na 'khrig tshig smra ba'i lhag mar 'gyur ro/ /mtshan nyid lnga ni/ ngag tu grub pa/ rang gi yin pa/ ma nor ba/ bdag gi rgyud dang sbyar ba/ gsal por smras pa ste ngag mtshan nyid lnga ldan no/ /'khrig pa'i bsnyen bkur bsngags/ /chags sogs kyis kun nas bslangs te bud med la bdag lta bu'i dge slong la 'khrig pas bsnyen bkur byas na bsnyen bkur rnams kyi mchog go /zhes sogs ngag mtshan nyid lnga ldan gyis smras nas yid bde skyes pa na bsnyen bkur bsngags pa'i lhag mar 'gyur ro/ /lan gsum 'phrin gyis skyes pa bud med gnyis/ /dbang po gnyis sprad smyan yin/ zhes pa ni/ dang por skyes pa lta bu'i 'phrin bud med la dang/ bud med nas skyes pa la dang/ slar yang bud med la ste 'phrin lan gsum bskyal ba'i mthar/ sngar ma mthun pa'i pho mos dbang po gnyis sprad pa na/ smyan byed pa'i lhag mar 'gyur ro/ /ma dag gzhir/ ma gsol tshad 'das khang pa khang chen byas/ /phal cher g.yogs shing bskor na mthar thug ste/ /zheng du phyed bcas khru ni bcu gcig dang/ /de bzhin srid du bco brgyad khang pa'i tshad/ /khang chen tshogs kyi ched yin tshad dang bral/ /zhes pa ni @238b grogs spur sogs srog chags la gnod pas gzhi mi rung ba dang/ rgyal po sogs gzhan gyis bdag tu bzung bas rtsod pa dang bcas pa dang/ rtsig pa'i phyi rol 'doms gang tshun chad du chu klung ngam/ ngam grogs sogs dang bcas pas brtsam du mi rung ba ste gzhi ma dag pa gsum dang/ gzhi dag tu zin kyang dge 'dun la gnang ba ma gsol bar rang gcig pu'i ched du der tshad las 'das pa'i khang pa byas nas steng g.yogs shing ngos bskor ba rdzogs par zin pa na khang pa'i dge 'dun lhag mar 'gyur ro/ /gzhi ma dag pa gsum dang/ dag tu zin kyang dge 'dun la gnang ba ma gsol bar dge slong bzhi tshogs yan chad dang/ dkon mchog gi ched du khang pa byas nas g.yogs skor rdzogs par zin pa na/ khang chen gyi lhag mar 'gyur ro/ /khang pa'i tshad ni rags rtsis spyod lam bzhi shong ba yin la/ spyod lam bzhi ni/ ldang ba na lag mi thogs pa/ nyal na rkang lag brkyang bskum mi thogs pa 'gro na phyogs rer goms pa gsum gsum bgrod thub pa/ sdod na skyil krung bca' ba la mi gnod pa'o/ /zhib rtsis nang gi zheng du mi tshad ma'i khru phyed bcu gcig dang/ srid du khru bco brgyad yin/ khang chen ni dkon mchog dang/ bdag po bzhi tshogs sogs kyi ched du yin pas tshad med do/ /bya byed sbyar nas dge slong rnam dag la/ /pham pas skur 'debs gzhi med lhag ma dang/ /zhes pa ni/ mthong thos dogs gsum gyi gzhi med par bya ba mi tshangs spyod kyi pham pa dang/ byed pa po dge slong rnam dag sbyar nas/ dge slong che ge mos mi tshangs spyod kyi pham pa byas so/ /zhes gsal por skur pa btab nas pha rol gyis don go ba na/ gzhi med kyi lhag mar 'gyur ro/ /bya byed ma sbyar sngar bzhin skur 'debs ni/ /bag tsam zhes pa ni/ dge slong dang bud med lhan cig tu gnas pa lta bu skur pa 'debs pa'i gzhi bag tsam yod pa byung ba rgyu mtshan du byas nas/ dge slong 'di dang bud med 'di mthong ngo/ /mi tshangs par spyod pa mthong ngo/ /zhes bya byed ma sbyar zhing mi gsal bar skur pa btab na/ bag tsam gyi dge 'dun lhag @239a @#/ /mar 'gyur ro/ /dge 'dun dbyen gyi gtso bo la/ /bzhams bsgo gsol bzhi'i las kyis ldog byas kyang/ /mi gtong mthar thug zhes pa ni/ mtshams nang gcig tu rang ma gtogs pa'i dge slong grangs brgyad yan chad du tshang ba tshogs shing mthun pa dbye bar 'dod nas dge 'dun dbyen gyi gzhi'i gtso bo la zhugs pa na/ dge slong gzhan gyis bzhams te bsgo yang dbyen byed pa gtong du ma 'dod/ slar dge 'dun gyis gsol bzhi'i las kyis ldog kyang brjod pa gsum pa'i mthar dbyen byed mi gtong na/ dbyen byed pa'i lhag mar 'gyur ro/ /bzhams te bsgo ba'i don ni/ tshig dal bus khyod 'di lta bu'i bya ba ngan pa ma mdzad cing/ /ces 'jam pos gros 'debs pa'o/ /dbyen gyi rjes 'gro dang/ /zhes pa ni/ dge 'dun 'byed pa'i gtso bo de'i ram bu bteg ste grogs byed pa la zhugs pa na/ dge slong gzhan gyis bzhams te bsgo yang mi gtong/ dge 'dun gyis gsol bzhi'i las kyis bsgo yang brjod pa gsum pa'i mthar mi gtong bar nan gyis rtsoms pa na/ de rjes phyogs kyi lhag mar 'gyur ro/ /khyim sun 'byin dang bka' blo mi bde la'ang/ /bzhams bsgo gsol bzhis ma bzlog dngos gzhir mtshungs/ /khyim sun 'byin pa gnas dbyung byas pa la/ /skrod byed dge 'dun rnams la smod pa dang/ /zhes pa ni/ khyim sun 'byin dang bka' blo mi bde ba gnyis kyang bzhams bsgo dang gsol bzhis mi bzlog par nan gyis 'jug pa na lhag ma'i dngos gzhi bskyed par mtshungs la bskyed tshul ni glu gzhas dang/ myos 'gyur 'thung ba sogs spyod pa mi mdzes pas khyim pa sun dbyung ba na/ dge 'dun gyis chos dang mthun pa'i sgo nas gang du khyim pa sun 'byin pa'i gnas de nas bskrod par byas pa la dang du mi len par/ rang gnas nas skrod par byed pa'i dge 'dun la 'gro ba bzhi ci rigs pa'i skur pa sna tshogs 'debs pa na gang zag gis bzhams te bsgo ba dang/ dge 'dun gyis gsol bzhi'i las kyis ldog kyang/ mi gtong bar nan gyis 'jug pa na/ khyim sun 'byin @240b gyi lhag mar 'gyur ro/ /chos dang mthun pas ltung ba glengs pa la/ /dang du mi len sngon bzhin bzlog byas kyang/ /mi gtong bka' blo mi bde'i lhag ma zhes/ /'bro ba'i rtsa lag phan par mdzad pas gsungs/ /zhes pa ni/ rang la ltung ba byung ba la phan sems kyis chos dang mthun pa'i sgo nas glengs pa dang du mi len pa la sngon ma khyim sun 'byin gyi skabs bzhin bzhams bsgo dang gsol bzhis bzlog par byas kyang mi gtong bar nan gyis 'jug pa na/ bka' blo mi bde ba'i lhag mar 'gyur ro/ /zhes 'gro ba'i phan bde thams cad kyi rtsa lag phan mdzad de yis gsungs so/ /de yang bzhams bsgo ni gang zag gis byed cing/ gsol bzhi'i las ni nges par dge 'dun la ltos la/ gang zag dang dge 'dun gyi khyad par ni/ so skye'i dge slong gsum man chad la gang zag dang/ bzhi tshogs yan chad la dge 'dun gyi tha snyad byed pa yin no/ /gsum pa la/ zhag gi chad las dang 'brel ba spangs pa'i ltung byed dang/ bshags pa tsam dang 'brel ba ltung byed 'ba' zhig pa gnyis/ dang po la spang ltung sum cu las/ rang dbang chos gos gsum sogs grub pa'i gos/ /byin rlabs ma 'brel 'brel yang shan zhugs pa/ / zhag bcu las 'das 'chang dang zhes pa ni/ rang dbang ba'i chos gos gsum sogs rang rang gi cha tshang can du grub pa'i gos dang/ chos gos kyi rgyur ma bsdos pa chu zheng gnyis ka khru gang yan chad kyi spyi tshad can du grub pa'i gos byin gyis ma brlab par zhag bcur bcangs nas/ bcu gcig gi skya rengs shar ba na/ rang stobs kyis gos zhag bcu 'chang ba'i spang ltung du 'gyur la/ byin gyis brlab pa dang 'brel yang gos gzhan gyi shan zhugs pa zhag bcur bcangs nas/ bcu gcig gi skya rengs shar ba na shan stobs kyis gos zhag bcu 'chang ba'i spang ltung du 'gyur ro/ /byin rlabs can/ /chos gos rnam gsum bral nas zhag 'das te/ /skya rengs shar tshe 'bral ba'o zhes pa ni/ byin rlabs can gyi chos gos rnam gsum dang bral nas/ nyin zhag phrugs gcig 'das te sang gi skya rengs shar tshe 'bral ba'i spang ltung du@241a @#/ /'gyur ro/ /kha skong ba'i/ /re bcas gos kyang byin gyis ma brlab par/ /so gcig skya rengs shar tshe zla 'jog gsungs/ /zhes pa ni/ chos gos kyi rgyur bsdos pa/ khru gang du longs shing rgyab nas gyon pa'i tshe pus mo gnyis dang lte ba'i dkyil 'khor te 'khor gsum mi khebs pas kha skong ba'i snon pa thob tu re ba dang bcas pa'i gos/ rang dbang ba zhig byin gyis ma brlab par nyin zhag sum cur bcangs nas/ so gcig gi skya rengs shar tshe zla 'jog gi spang ltung du 'gyur bar nyi ma'i gnyen gyis gsungs so/ /tha snyad brgyad ldan dge slong ma dag la/ /gos rnying 'khrur bcug zin tshe 'khrur 'jug dngos/ /zhes pa ni/ chos gos gsum dang/ gding ba rung ba tshad ldan byin rlabs can rnying pa'am/ mi gtsang bas sbags pa zhig /sdom pa dag pa/ lta ba mthun pa/ mtshan mi mthun pa/ lus bsten du rung ba/ tha snyad gsum dang ldan pa/ lus tha mal du gnas pa/ nye du ma yin pa/ rdzu 'phrul can ma yin pa ste/ tha snyad brgyad ldan gyi dge slong ma la 'khrur bcug ste phal cher khrus zin pa'i tshe 'khrur 'jug gi spang ltung dngos so/ /bdag nyid gos des phongs pa ma yin par/ /de 'dra'i dge slong ma dang tha snyad lnga/ /ldan pa'i khyim par ngag gi rig byed kyis/ /gos bslangs thob na len slong spong ba gnyis/ /zhes pa ni/ rang la chos gos rnam gsum yod nas ma phong bzhin du rung ba tshad dang ldan pa'i chos gos sngar 'khrur 'jug gi skabs su bshad pa'i chos brgyad ldan gyi dge slong ma nye du ma yin pa la/ ngag gis rnam par rig byed kyis bslangs nas mthar thug thob blo skyes pa na gos len pa'i spang ltung du 'gyur la/ rang chos gos rnam gsum gyis ma phong bzhin du/ sngar brdzun smra'i pham pa'i skabs su bshad pa'i tha snyad lnga dang ldan pa'i khyim pa la ngag gi rnam par rig byed kyis rung ba tshad dang ldan pa'i chos gos bslangs na gos slong ba'i spang ltung du 'gyur ro/ /des ni tshigs bcad 'dis spang ltung gnyis bsdus so/ /slong bar rigs pas lnga ldan khyim pa las/ stod @242b g.yogs smad g.yogs zung len de las lhag /thob pa'i blo skyes spang ba'o zhes pa ni/ chos gos rnam gsum ma tshang bas slong bar rigs pa'i dge slong gis sngar bshad pa'i tha snyad lnga ldan gyi khyim pa las/ stad g.yogs smad g.yogs zung re len la/ de las khru gang yan chad kyis lhag pa blang nas thob blo skyes pa na/ slong bar rigs pa'i spang ltung du 'gyur ro/ /khyim pa dang/ /pho mo so sos rang la bsngos pa'i gos/ /'bul long med par bslangs nas thob pa'i tshe/ /spags dang so sor spags len spang bar gsungs/ /zhes pa ni/ khyim pa nye du ma yin pas/ rung ba tshad dang ldan pa'i gos dngos su grub pa/ rang la bsngos shing/ bsdos par yang shes pa gcig /rang gos des ma phongs bzhin du 'bul long med par bslangs nas mthar thug lag tu thob pa'i tshe/ spags pa slong ba'i spang ltung du 'gyur la/ sbyin bdag pha mo so so nas rung ba tshad dang ldan pa'i gos dngos su grub pa re re/ rang la bsngos shing bsngos par yang shes pa gnyis/ gos des ma phongs bzhin du 'bul long med par bslangs nas/ mthar thug lag tu grub pa'i tshe so so nas spags pa yin pa'i spang ltung du 'gyur ro/ /spang ltung 'di gnyis ni sbyin bdag bza' mi thun mong nas gos gcig bsngos pa dang/ so so nas gos re re bsngos pa'i khyad par tsam yin pas/ 'dir yang spang ltung gnyis bsdus so/ /sbyin bdag pho nya zhal ta gsum ga yang/ /khyim par rigs gcig gos kyi rin bskur ba/ /bskul bsdad drug mthar blangs na mthar thug grub/ /ces pa ni/ sbyin bdag dang pho nya dang zhal ta ba gsum ga khyim par rigs gcig pa'i sbyin bdag gis gos kyi rin rin po che pho nya la bskur zhing/ pho nyas rang gi gos sgrub pa'i zhal ta byed mkhan la gtad pa na/ zhal ta la bskul bsdad lan drug las lhag pa byas te gos blangs na bskur ba'i spang ltung du 'gyur ro/ /dkon cing rin che'i srin bal kho na dang/ /bal nag 'ba' zhig dang ni de cha gnyis/ /bsres pa'i gdan gsum grub tshe spang bar gsungs/ /zhes pa ni/ yul dus der @243a @#/ /dkon zhing rin che ba'i srin bal kho na las byas pa'i stan nam/ /srin bal kho na'i nang tshangs can gyi stan byas pa na/ srin bal gyi stan gyi spang bar 'gyur la/ yul dus der dkon zhing rin che ba/ kha bsgyur ba ma yin pa'i lug bal nag po 'ba' zhig las srid du khru phyed dang gsum yan gyis tshad du longs pa'i gdan byas na/ bal nag gi gdan gyi spang ltung du 'gyur zhing/ yul dus der dkon zhing rin che ba'i lug bal nag po 'ba' zhig gis/ cha bzhir bgos pa'i cha gnyis lhag tsam gyi gdan byas pa grub tshe/ cha gnyis bsres pa'i spang ltung du 'gyur ro/ /stan bshams spyad par bzod pa yod bzhin du/ /lo drug nang du gnyis pa byed pa dang/ /zhes pa ni/ sngar bshams zin pa'i stan longs spyad du btub pa yod bzhin du/ lo ngo drug ma lon pa'i nang rol tshad du longs pa'i stan gnyis pa zhig rang don du gsar gshom grub na/ lo drug nang du stan gnyis pa byed pa'i spang ltung du 'gyur ro/ /des na lo drug nang du zhes pa lo drug gong du zhes pa'i don yin te/ stan snga ma bshams nas lo lnga ril po rdzogs te/ drug pa'i lo ngo mthong nas gnyis pa gsar gshom byas pa la ltung ba med pa'i phyir te/ rnam 'byed las/ drug pa la byed na ltung ba med do/ /zhes gsungs pa'i phyir/ gsar pa'i gding ba yod tshe rnying pa nas/ /bde gshegs mtho gang tshad tsam ma glan dang/ /zhes pa ni/ rung ba tshad dang ldan pa'i gding ba gsar du byas pa yod tshe gding ba rnying pa nas chu zheng gnyis kar bde bar gshegs pa'i mtho gang gi tshad tsam ma glan par longs spyad na/ mtho gang gi spang ltung du 'gyur la/ de yang ji srid rnying par ma gyur gyi bar du longs spyad theb re re la spang ltung re re bskyed do/ /bde bar gshegs pa'i mtho gang gi tshad ni mi tshad ma'i khru phyed dang do'o/ /bal khur rgyang grags lhag tsam 'khyer ba dang/ /zhes pa ni/ khur gcig tu longs pa'i bal khur khyer ba po bsnyen par ma rdzogs @244b pa yod bzhin du/ sred pa'i dbang gis rang nyid kyis rgyang grags gcig lhag tsam la khyer ba na/ bal khur ba'i spang ltung du 'gyur ro/ /mtshan nyid brgyad dang ldan pa'i dge slong ma/ /bal rmel 'jug dang zhes pa ni/ sngar 'khrur 'jug gi skabs su bshad pa'i mtshan nyid brgyad dang ldan pa'i dge slong ma la/ gos khru gang yan chad kyi rgyur longs pa'i bal 'khrud pa dang/ rmel ba dang/ 'tshed du bcug pa na/ bal rmel du 'jug pa'i spang ltung du 'gyur ro/ /byin rlabs ma byas par/ /gser sogs rin po che dang der smos la/ /reg dang reg 'jug bdag gir byed pa dang/ /zhes pa ni/ byin rlabs sogs rung ba gsum gang rung ma byas par gser dngul sogs rin po che nor gyi blos lus dngos sam/ lus dang 'brel bar dbyug pa la sogs pas reg gam/ reg tu 'jug pa dang bdag gir byas pa na rin po che la reg pa'i spang ltung du 'gyur la/ phyin rlabs sogs ngur ba gsum ji ltar bya ba ni/ gzhi gsum cho gar gsal bas der blta bar bya zhing/ der smos la zhes pa rje rin po che'i bslab bya chen mor/ rin po cher smos pa lnga la reg gam reg du 'jug pa nyes byas tsam du gsungs 'dug pas 'dir bra bar ma nus so/ /mdo rtsa bar ni/ rin po che rang gi ma yin pa dang der smos pa la reg gam/ reg tu 'jug na byed pa po yin no zhes longs pa gzhir gtogs kyi ltung byed skyed par gsungs pas dpyad dgos so/ /skyed khe 'dod phyir mngon mtshan can bun dang/ zhes pa ni/ rang don du gser dang 'bru sogs khyim pa chos lnga ldan la bun bskyed mngon mtshan can byas nas gos khru gang yan chad ri ba'i skyed thob pa na mngon mtshan can gyis spyod pa'i spang ltung du 'gyur ro/ /nyo tshong byas te skyed khe thob ba'o/ /zhes pa ni/ rkyen khyad par can dang mi ldan par rang gar khe spogs 'dod pas khyim pa chos lnga ldan la/ rang don du gser dang 'bru sogs nyo tshong byas te skyed khe thob pa na nyo tshong byed pa'i spang ltung du 'gyur ro/ /rkyen khyad par can rang la bu lon sogs chags shing de nyid mngon mtshan nyo tshong @245a @#/ /sogs ma byas par 'jal ma nus pa'i tshe g.yo sgyu dang ma 'brel ba'i mngon mtshan can dang/ nyo chang byas pa la ltung ba mi 'byung ba ni/ spang ltung 'di gnyis la dmigs bsal yin te/ lung rnam 'byed las/ sngon gyi chags rgyud sbyong ba la ltung ba med/ ces gsungs pa'i phyir/ byin gyis ma brlab lhung bzed zhig bcu 'das/ /zhes pa ni/ byin gyis ma brlab par lhung bzed rung ba tshad du longs pa zhag bcur bcangs nas/ bcu gcig pa'i skya rengs shar ba na lhung bzed zhag bcu 'chang ba'i spang ltung du 'gyur ro/ /spyad bzod yod bzhin lhung bzed gnyis pa grub/ /ces pa ni/ rang la longs spyad du btub pa'i lhung bzed yod bzhin du/ nye du sogs min pa'i khyim pa la lhung bzed 'bad pas btsal nas thob pa na/ lhung bzed lhag po 'tshol ba'i spang ltung du 'gyur ro/ /rang don thags gla mi ster zhes pa ni/ nye du sogs min pa'i khyim pa la rang don du thags gla mi ster bar thags 'thag tu bcug nas/ zin pa na thags 'thag tu 'jug pa'i spang ltung du 'gyur ro/ /'thag pa bskyed/ /ces pa ni/ nye du sogs min pa'i khyim pas thag btags nas 'bul bar khas blangs pa na/ 'thag mkhan la gla rngan byin nas sbyin bdag gis bsngos pa las chu zheng cher bskyed bcug nas/ zin pa na 'thag pa bskyed pa'i spang ltung 'gyur ro/ /gos sogs dge slong la byin 'phrog cing dpral/ /zhes pa ni/ dge slong chos brgyad ldan la gos sam lhung bzed rung ba tshad ldan/ rang ngam gzhan gyis byin pa/ slar rang ngam gzhan gyi don du 'phrog par brtsams nas/ mthar thug dge slong de'i lus las bral ba na/ byin 'phrog gi spang ltung du 'gyur ro/ / chos brgyad ni/ bsnyen rdzogs kyi sdom pa dag pa/ lta ba mthun pa/ mtshan mthun pa/ tha snyad gsum dang ldan pa/ lus tha mal du gnas pa/ rang las rgyud tha dad pa ste brgyad do/ /dge slong chos brgyad ldan zhes pa thams cad la 'di kho na gzung ngo/ /dbyar @246b nang zas min rnyed pa bdag gir bzung/ /de bzhin dus kyi dgag dbye'i sngon dang phyi'i/ /mtshams 'das bgo sngas sbed pa phyis pa'o/ /zhes pa ni/ dbyar nang du kha zas min pa'i gos tshad long gi rnyed pa khyim pa chos bzhi ldan gyis phul ba dbyar mtshams kyi nang du bdag gir bzung ba na/ dbyar rnyed bdag gir bya ba sngags pa'i spang ltung du 'gyur la/ chos bzhi ni/ khyim pa yin pa/ tha snyad lnga dang ldan pa/ lus tha mal du gnas pa/ rang dang nor mi gcig pa dang bzhi'o/ /dbyar nang du sbyin bdag dang dngos po snga ma de bzhin la/ dus kyi dgag dbya'i sngon dbyar mtshams kyi nang du bgos nas skal ba la thob blo skyes pa na/ dbyar rnyed bgo ba sngas pa'i spang ltung du 'gyur zhing/ dbyar nang du sbyin bdag dang dngos po sngar bshad pa'i steng du rang gi yin pa/ kun slong dbyar rnyed sbed pa'i dge slong la ma gtad par gsang thabs su bzhag nas/ dbyar rnyed bgo ba'i dus mtshams las 'das te dus kyi dgag dbye'i phyi de nyin hor zla dgu pa'i tshes bcu drug gam/ smin drug zla ba'i tshes gcig gi mtshan mo'i mtha' 'das pa na/ dbyar rnyed bzhag pa 'phyis pa'am/ sbed pa 'phyis pa'i spang ltung du 'gyur bas/ spang ltung 'di gsum brtad pa las byung ba'i spang ltung grangs gcig tu bgrangs so/ /dge slong dgon pa pa la 'jigs sogs sar/ /snam sbyar zhag drug 'bral gnang bdun pa yi/ /skya rengs shar tshe 'bral ba'i spang bar gsungs/ /zhes pa ni/ dge slong dgon pa pa la rang gi dgon pa'i gnas 'jigs pa dang bcas pa sogs kyi sar/ snam sbyar byin rlabs can dang zhag drug 'bral ba nyes med du gnang la/ drug pa'i mtshan mo'i mtha' 'das nas bdun pa'i skya rengs shar gyi bar du bral tshe dgon pa pa'i 'bral ba'i spang ltung du 'gyur ro/ /ras chen khas len snga ma'i zla gcig gong/ /btsal dang dgag dbye grol nas zla phyed 'og /ma sbas nyes pa bskyed ces ston pas gsungs/ /zhes pa ni/ rang gis dbyar snga phyi gang khas len kyang/ dbyar khas len de'i snga ma'i zla gcig gong du sbyin bdag khyim pa las char chu skyabs pa'i bya ba byed @247a @#/ /nus kyi ras chen btsal nas thob pa na/ ras chen btsal ba sngas pa'i spang ltung du 'gyur la/ rang gis dbyar snga phyi gang khas len kyang de'i dgag dbye grol nas/ rang gi ras chen sbed pa po la ma gtad par zla ba phyed du bcangs te zhag phyi ma'i skya rengs shar ba na/ ras chen bzhag pa 'phyis pa'i spang ltung gi nyes pa bskyed ces ston pas gsungs so/ /des na spang ltung 'di gnyis kyang ras chen gyi spang ltung zhes gcig tu bgrangs so/ /gang zag dge 'dun la bsngos bdag nyid la/ /bsgyur zhing thob pa'o zhes pa ni/ so skye'i dge slong gsum man chad kyi gang zag dang/ bzhi tshogs yan chad kyi dge 'dun la khyim pa'i sbyin bdag gis bsngos pa/ kha zas ma yin pa'i gos sogs kyi rnyed pa bdag nyid la bsgyur zhing thob pa na/ bsngos pa gzhan du bsgyur ba'i spang ltung du 'gyur ro/ / sman bzhi ci rigs pa/ /byin len ma bshig thun mtshams 'das gyur na/ /gsog 'jog ces bya spang bsum cu pa'o/ /zhes pa ni/ byin gyis ma brlab pa'i dbang du byas na/ sman rnam pa bzhi po ci rigs pa zhig snga dro byin len byas pa/ gung tshigs 'das nas byin len ma bshig par bcangs na gsog 'jog gi spang ltung du 'gyur la/ byin gyis brlab pa'i dbang du byas na/ zhag bdun pa'i sman du byin gyis brlab nas byin len byas pa/ brgyad pa'i skya rengs shar ba'i tshe byin len ma bshig par lus pa gsog 'jog tu 'gyur zhing/ ji srid 'tsho bcang gi gi sman la/ nad ji srid 'tsho'i bar du bcang bar byin gyis brlab pa dang/ tshe ji srid 'tsho ba'i bar du bcang bar byin gyis brlab pa'i sman gnyis las/ dang po'i dbang du byas na/ nad gsos nas sman de bcang mi dgos par gyur ba'i tshe byin len ma bshig par mtshan mo'i thun mtshams tha ma 'das pa na/ gsog 'jog ces bya ba spang ltung sum cu par 'gyur ro/ /!gnyis pa bshags pa tsam dang 'brel ba ltung byed 'ba' zhig pa dgu bcu las/ pham lhag sbom po nyes byas las gzhan pa'i/ /'du shes bsgyur smras go ba 'dir @248b bstan brdzun/ /zhes pa ni/ pham lhag sbom po nyes byas bzhi'i nang tshan gyi brdzun las gzhan pa'i/ rang la ltung ba byung ba la byung bar shes bzhin du ma byung ngo zhes 'du shes bsgyur nas smras pa lta bu/ smra yul gyis don go ba na shes bzhin du brdzun smra ba'i ltung byed du 'gyur ro/ / dge slong skyon brjod yul des nges pa dang/ /zhes pa ni/ dge slong rigs rus ngan pa dang/ dbang po skyon chags pa sogs la skyon gdags 'dod kyis skyon brjod pa/ yul gyis don go ba na/ skyon nas smra ba'i ltung byed du 'gyur ro/ /dge slong mthun pa dbye phyir phra ma yis/ /brda phrod na'o zhes pa ni/ dge slong mthun pa dbye ba'i phyir bar du phra ma bcug nas phan tshun du brda 'phrod pa na/ phra ma byed pa'i ltung byed du 'gyur ro/ /chos bzhin zhi byas pa'i/ /rtsod pa spor 'dod slar bslang skyo sngogs nyid/ /ces pa ni/ dge 'dun gyis dge slong mtshan nyid dang ldan pa gnyis yan chad kyi rtsod pa chos phyogs su zhi bar byas pa las/ rtsod pa zhi bar byed mkhan gyi dge 'dun de'i nang nas/ sngar gyi rtsod pa'i rgyus shes shing bsam pa thag pas rtsod pa'i me sbor bar 'dod nas/ bdag cag rnams kyi byed stangs de ma byung 'dug /ces rnyog ma gting slong gi tshig smras pa dang/ dge slong gzhan gyis don go ba'am/ de'i rkyen gyis slar yang rtsod pa bslang ba na/ skyo sngogs byed pa'i ltung byed du 'gyur ro/ /des na skyo sngogs 'di rtsod pa'i bar byed pa'i dge 'dun gyi nang nas byas pa yin gyis/ rtsod pa'i rtsa ba phan tshun nas byas pa ma yin no/ / nye min tha snyad lnga ldan khyim pa mor/ khrims grogs med par tshig drug chos ston dang/ /zhes pa ni/ nye du ma yin par tha snyad lnga ldan gyi khyim pa mor/ khrims grogs mtshan nyid pa med par gnas gcig tu sngar blor bzung ma zin pa'i sangs rgyas kyi bka' tshig lnga'am drug las lhag pa'i chos gsar ston byas nas don go ba na/ khyim pa mo la chos ston pa'i ltung byed du 'gyur ro/ /dus dran ma byas bsnyen par ma rdzogs dang/ /lhan cig rjes su dam chos 'don pa dang/ /zhes pa ni/ dus dran ma byas par bsnyen par ma rdzogs pa dang lhan cig gam/ de'i rjes su sangs rgyas kyis @249a @#/ /gsungs pa'i dam pa'i chos tshig sngar shes ma zin pa 'don par brtsams nas/ 'don pa rdzogs pa na/ bsnyen par ma rdzogs pa dang lhan cig 'don pa'i ltung byed du 'gyur ro/ /dge slong gzhan gyi pham lhag gnas ngan len/ /brjod par ma bskos ma rdzogs brjod pa dang/ /zhes pa ni/ dge slong gzhan gyi rgyud la pham lhag gang rung gi dngos gzhi byung na/ de'i pham lhag gi dngos gzhi'i gnas ngan len brjod pa por ma bskos shing/ gnas ngan len brjod pa'i phyir dge 'dun gyis gsol ba byas pa'i khongs su yang mi gtogs pas/ yul bsnyen par ma rdzogs pa'i mdun du dge slong 'di la pham lhag 'di lta bu byung ngo/ /zhes brjod nas/ pha rol pos don go ba na/ gnas ngan len brjod pa'i ltung byed du 'gyur ro/ /des na ma rdzogs brjod pa dang zhes pa/ bsnyen par ma rdzogs pa la brjod pa dang zhes pa'i don te/ 'dis 'og ma la yang shes par bya'o/ /mi chos bla ma thob kyang dgos med du/ /ma rdzogs 'phags min smra dang zhes pa ni/ rang gis bsam gtan dang po yan chad kyis bsdus pa'i mi chos bla ma'i yon tan thob kyang dgos pa khyad par can med bzhin du bsnyen par ma rdzogs shing/ 'phags pa min pa'i gang zag gi mdun du/ bdag gis mi chos bla ma'i yon tan 'di lta bu thob bo/ /zhes bden par smras pa na/ mi chos bla ma bden par smra ba'i ltung byed du 'gyur ro/ /dge 'dun gyis/ /rigs par bsngos kyang bshes ngor byas zhes 'phya/ /zhes pa ni/ dge 'dun gyi spyi las tshul bzhin byed mi dge slong gis rang gi mdza' bshes zhig la/ zas las gzhan pa'i dge 'dun gyi rnyed pa'i steng nas 'os 'tshams byin pa la/ sbyin 'os par shes bzhin du 'du shes bsgyur nas mi rigs pa dge 'dun gyi rdzas rang gi mdza' bshes la byin no/ /zhes skur pa btab pa na/ skur pa 'debs pa'i ltung byed du 'gyur ro/ /des na/ rigs par bsngos kyang zhes pa 'os par byin kyang zhes pa'i don no/ /gso sbyong tshe na bslab phran khyad du gsod/ /ces pa ni/ @250b gso sbyong byed pa'i tshe na bslab pa'i gzhi phran tshegs 'di lta bu zla ba phyed phyed cing gdon ci dgos zhes pa lta bu/ khyad gsod kyi tshig smras pa yul dge slong gis don go ba na/ khyad gsod kyi ltung byed du 'gyur ro/ /nges ltung byed bcu tshan dang po song/ dus dran rung ba ma byas sa bon rnams/ /'joms dang zhes pa ni/ dus dran dang rung ba bcu gang rung ma byas par ljon shing sogs skye ba dang/ nas sogs sa bon rnams 'joms par byas pa na/ sa bon dang skye ba 'jig pa'i ltung byed du 'gyur ro/ /rung ba bya tshul dper mtshon na/ bal po se'u lta bu rang gas pas ni rung bar mi 'gyur bas/ kham star gyi tshig gu lta bu skyes bu gzhan gyi rtsol bas bkas pa na/ de nyid gzhom du rung ba ni bkas pas rung ba yin la/ gro sran gyi phung po lta bu'i phyogs gcig la mes reg pa tsam gyis rung bar mi 'gyur bas/ phung po'i phyogs kun tu mes reg pa na/ phung po de'i 'bru ji snyed yod pa thams cad gzhom du rung ba ni mes rung ba byed pa'i tshul lo/ /drang po'i dge 'dun zhal ta bar/ /nye ring byas zhes 'phya bar byed pa dang/ /zhes pa ni/ dge 'dun gyi zhal ta ba rang bzhin drang pos/ rang la zas gos dman pa ched du ma stob kyang cung zad dman pa la/ zhal ta bar nye ring byas zhes dngos shugs ci rigs kyis 'phya ba/ yul gyis don go ba na 'phya ba'i ltung byed du 'gyur ro/ /tshul bzhin 'dri la gzhan du len 'debs pa/ /bsgo ba rnar gzon zhes bya'o zhes pa ni/ pha rol pos tshul khrims kyi sgo nas tshul bzhin du 'dri ba'am/ bsam pa thag pa nas gtam gzhan 'dri ba la gzhan du lan log par 'debs pa na/ bsgo ba rna la gzon pa'i ltung byed do/ dper na me reg gi ltung ba ma byung ngam zhes 'dri ba las brkos pa'i ltung ba ma byung ngo zhes dang/ shar gyi gnas tshul 'dri ba la/ nub kyi gnas tshul 'di bzhin no/ /zhes lan log par 'debs pa lta bu'o/ /chud 'dza' ba'i/ /gnas su khri sogs gnas mal bshams pa dang/ zhes pa ni/ khri la sogs pa dge 'dun gyi gnas mal bshams pa la rang gis longs spyad nas/ bsod snyoms sogs kyi phyir 'gro @251a @#/ /ba na ma bsdus par chud 'dza' ba'i gnas su bzhag nas/ rlung dang char ba sogs kyis chud zos pa na/ gnas mal gyi ltung byed du 'gyur ro/ /de bzhin rtswa dang lo ma'i gdan btings pa/ /ma bsdus ma bcol zhe dgu 'dom 'das dang/ /zhes pa ni/ de bzhin du dge 'dun gyi gnas chud 'dza' ba'i nyen yod sar rtswa dang lo ma'i gdan btings pa/ lam du 'gro ba na rang gis ma bsdus pa'am/ lam du dge slong gzhan dang 'phrad na bsdu ba ma bcol bar 'doms bzhi bcu zhe dgu 'das pa'am/ mthar dge 'dun gyi gnas khang chud zos pa na/ gding ba'i ltung byed du 'gyur ro/ /gtsug lag khang sngar gnas pa'i dge slong dag /'tshe bas skrod dang zhes pa ni/ dge 'dun gyi gtsug lag khang du rang gi sngar gnas pa'i dge slong dag gnod 'tshe'i bsam pas skrod par brtsams nas/ de'i rkyen gyis gnas nye 'khor dang bcas pa las 'das pa na skrod pa'i ltung byed du 'gyur ro/ /phyis gnon zhes bya gnon zhes pa ni/ dge 'dun gyi gtsug lag khang du rang gi sngar gnas pa'i dge slong gi mgo bor lag pa bzhag nas gnon pa lta bu lus kyi phyis gnon dang/ khyod lta bu brgya tsam gyis kho bo mi bzlog ces pa lta bu ngag gi phyis gnon byas pa pha rol pos don go ba na/ phyis gnon byed pa'i ltung byed du 'gyur ro/ /des na/ phyis gnon zhes pa gnod pa'i pha rol zil gyis mnan pa'i don no/ /thog srab khang steng rtsa ba rno ba'i khrir/ /lcid bcas 'dug pa 'byung yin zhes pa ni/ spyod lam bzhi shong gi dge 'dun gyi gnas thog srab mo rdol ba'i nyen dang bcas pa'i khang steng du/ rtsa ba phur bu ltar rno ba'i khri'am khri'u la lcid phab ste 'dug nas 'og gi dge slong la gnod thabs byas pa na/ rtsa ba 'byung ba la 'dug pa'i ltung byed du 'gyur ro/ /srog chags dang/ /ldan pa'i chu sogs kyis 'debs zhes pa ni/ rang don ma yin par gzhan gyi bza' btung sogs la srog chags dang bcas pa'i chu 'debs pa dang/ sogs khong nas @252b 'bu dang grog spur yod pa'i lci ba mer 'debs pa sogs byas nas srog chags shi ba na/ dud 'gro 'debs pa'i ltung byed du 'gyur ro/ /nyin gcig la/ /rim gsum las lhag gtsug lag khang byed dang/ /zhes pa ni/ dkon mchog gi ched du gtsug lag khang byed pa na dbyar yin na char chu bskyab pa'i g.yogs ma ma byas par/ rdo dang so phag so btang ba sogs sra ba las byas pa yin kyang myur du 'jig pa'i dgag cha che ba'i phyir/ nyin gcig la rim pa gsum las lhag par brtsigs pa na/ rim pa lhag par rtseg pa'i ltung byed du 'gyur ro/ /bcu tshan gnyis pa'o/ /ma bskos nye min dge slong mar chos ston/ /zhes pa ni/ rang nyid nye du ma yin pa'i dge slong ma'i ston par ma bskos bzhin du/ de la chos ston pa na/ dge slong ma la chos ston pa'i ltung byed du 'gyur ro/ /bskos kyang de rgyun nyi ma nub nas skyong/ /zhes pa ni/ rang nyid nye du ma yin pa'i dge slong ma de'i ston par bskos kyang 'jigs pa dang bcas pa'i sar nyi ma nub nas chos ston pa na/ nyi ma nub kyi bar du chos ston pa'i ltung byed du 'gyur ro/ /zas gos phyir min de don chos ston zhes/ /smra dang zhes pa ni/ dge slong ma la zas gos kyi phyir chos ston pa min yang/ 'du shes bsgyur nas zas gos kyi phyir chos ston to zhes skur pa 'debs pa na/ zas cung zad tsam gyi phyir chos ston to zhes skur pa 'debs pa'i ltung byed du 'gyur ro/ /tha snyad brgyad ldan dge slong ma'i/ /chos gos bzo dang zhes pa ni/ nye du ma yin pa tha snyad brgyad ldan gyi dge slong ma'i gos bzo tshem byed pa na gos byed pa'i ltung byed du 'gyur ro/ /de la chos gos ster/ /zhes pa ni/ de 'dra'i dge slong ma la chos gos byin pa na/ chos gos byin pa'i ltung byed du 'gyur ro/ /khrims grogs med par de 'dra'i dge slong ma/ /dang bcas bskam dang chu nang rgyang grags 'das/ /zhes pa ni/ khrims grogs med par da 'dra'i dge slong ma dang bcas te chu med pa'i bskam lam du zhugs nas rgyang grags gcig 'das pa na/ lam du 'gro ba'i ltung byed du 'gyur la/ grur zhugs nas chu'i rgyun @253a @#/ /phyogs sam/ ldog phyogs gang rung la rgyang grags gcig 'das pa na/ dge slong ma dang lhan cig grur 'jug pa'i ltung byed du 'gyur ro/ /de bzhin dben par 'dom gang nang nyid du/ /de 'dra'i dge slong ma dang 'dug 'greng dang/ /zhes pa ni/ khrims grogs med par dben pa dang/ rtsig pa dang/ mun pa sogs kyi skyabs dang bcas pa/ bar 'dom gang gi nang du de 'dra'i dge slong ma dang lhan cig 'dug par/ bud med dang lhan cig 'dug pa'i ltung byed du 'gyur la/ lhan cig 'greng ba na/ dge slong ma dang lhan cig 'greng ba'i ltung byed du 'gyur ro/ 'dug pa'i ltung byed kyi yul gyi yan lag tu ni dge slong ma nges bzung dgos pa min no/ /dge slong ma yis bden pa ma yin pa'i/ /yon tan brjod nas sbyor bcug zas za ba'o/ /zhes pa ni/ dge slong mas/ dge slong la lung rtogs gang rung gi yon tan yod pa mi bden bzhin du/ yod do zhes sgro btags nas khyim bdag la zas sbyor du bcug nas/ mthar thug mgul du mid pa na/ zas sbyor du bcug pa'i ltung byed du 'gyur ro/ /bcu tshan gsum pa'o/ /dgos med nyin gcig khyim gnyis yang yang za/ / zhes pa ni/ lus kyi nad gso ba sgos kyi dgos pa khyad pa can med par nyin gcig la nye du ma yin pa'i khyim pa gnyis nas bsod snyoms bslangs te zos na yang yang za ba'i ltung byed du 'gyur ro/ /mu stegs sbyin bdag khyim du zhag gcig 'dug /zas gnyis za dang/ zhes pa ni/ mu stegs can kho na'i sbyin bdag gi khyim du zhag gcig 'dug nas nyin dang po'i zas zos te/ nyin gnyis pa'i zas zos pa na/ 'dug gnas su za ba'i ltung byed du 'gyur ro/ /ci bde nye min pa'i/ /khyim las 'bring tshad do lhag phye len dang/ /zhes pa ni/ ci bde bar long zhig ces stob pa po min zhing/ nye du yang min pa'i khyim pa las dus gcig la lhung bzed 'bring tshad do las lhag pa'i phye len pa na/ lhag par len pa'i ltung byed du 'gyur ro/ /dus rung zas spangs lhag por ma byas pa/ /dus rung bza' ba bca' dang zhes pa ni @254b thug pa las gzhan pa'i dus rung gi zas bza' ba lnga gang rung gcig byin len byas te/ de ring 'di las mi za'o snyam pa'i bsam sbyor gyis phyis za ba spang nas/ slar lhag por ma byas par nyi ma de la dus rung gi bza' ba dang bca' ba longs spyod pa na/ spangs pa za ba'i ltung byed du 'gyur ro/ /lhag por bya tshul ni rje rin po che yab sras kyi bslab bya chen mo las shes par bya'o/ /spangs pa la/ /de 'dra stob dang/ zhes pa ni/ spangs tshul sngar bshad pa ltar gyi dus rung gi bza' bca' spangs ba'i dge slong la/ lhag por ma byas bzhin du byas so zhes nyin de la bza' bca' stob pa na/ spangs la stob pa'i ltung byed du 'gyur ro/ mtshams nang 'dus pa las/ /dgos med dge slong bzhir longs 'dus za yin/ /zhes pa ni/ mtshams nang gcig tu dge slong mang po 'dus pa na dgos pa khyad par can med par dge slong bzhir longs dga' 'dus kyis logs su za ba na/ 'dus shing za ba'i ltung byed du 'gyur ro/ /dus rung dus min za dang/ zhes pa ni/ zho dang skyo ma'i thug pa sogs dus rung gi lde gu dang/ sha dang thud sogs dus rung gi bza' ba dang/ kham star gro ma/ rgun 'brum sogs dus rung gi bca' ba/ za dus min pa rang gnas pa'i gling gi nyi ma'i phyed yol nas/ sang gi skya rengs dang po ma shar gyi bar du za ba na/ dus ma yin par za ba'i ltung byed du 'gyur ro/ /gsog 'jog za/ /zhes pa ni/ sman bzhi po gang rung gong du bshad pa ltar gyi gsog 'jog tu song ba za ba na/ gsog 'jog za ba'i ltung byed du 'gyur la/ lag nya sogs de'i cha la brten pa'i nyes byas bzhi ni rje rin po che yab sras kyi bslab bya las shes par bya'o/ /sman bzhi byin len ma byas mid pa dang/ /zhes pa ni/ sman bzhi po gang rung byin len ma byas par za bar brtsams nas/ mthar thug mgul du mid pa na/ byin len ma byas pa za ba'i ltung byed du 'gyur ro/ /byin len ji ltar bya ba'i tshul ni/ rang gi mdun drang thad nas mtshams gzhan gyis ma chod par lag pa gnyis bkan te stob la/ len pa pos kyang lag pa gnyis bkan te len pa'o/ / @255a @#/ /lag pa bkan pa'i don lag pa gan rgyal du byas pa yin pas/ byin len stob pa po dang len pa po gnyis kas lag pa kha sbub tu byas pa dang/ blo g.yas g.yon nas stob len byas na byin len mi 'chags so/ /nye dang ci bder min las bzang zas len/ /zhes pa ni/ nye du dang zas ci bder stob pa po min pa'i khyim pa las/ yul dus der bzang bar grags pa'i zas bslang nas za ba na/ zas bsod pa slong ba'i ltung byed du 'gyur ro/ /bcu tshan bzhi pa'o/ /srog chags ldan pa'i chur spyad shi grangs mtshungs/ /zhes pa ni/ rang don du srog chags dang bcas pa'i chu la longs spyod pa lta bu/ dud 'gro'i srog la gnod par mthong yang ltos med du longs spyad pa na srog chags ji snyed shi ba'i grangs dang mtshungs pa'i/ srog chags dang bcas pa la spyod pa'i ltung byed du 'gyur ro/ /khyim pa pho mo nyal gshom shes bzhin du/ /'dug 'greng zhes pa ni/ khyim pa pho mo nyal po gshom pa shes bzhin du der 'dug ste bar gcod byed pa na/ nyal po gshom pa'i khyim na 'dug pa'i ltung byed du 'gyur la/ pho mo nyal po gshom pa shes bzhin du/ de'i sar 'greng ste bar gcod byed pa na/ nyal po gshom pa'i khyim du 'greng ba'i ltung byed du 'gyur ro/ /gcer bu pho mor zas byin dang/ /zhes pa ni/ sdig lta dang 'bral ba'i ched ma yin par gcer bu pa sogs mu stegs can pho mor zas gos byin pa na/ gcer bu pa la byin pa'i ltung byed du 'gyur ro/ /go mtshon thogs pa brgyad yan dmag la blta/ /zhes pa ni/ rang gi gnas nye 'khor dang bcas pa nas 'phags te dmag la dga' ba'i dbang gis/ go mtshon thogs pa'i dmag la blta ba na/ dmag la blta ba'i ltung byed du 'gyur la/ khang steng sogs nas blta ba la nyes byas tsam bskyed do/ /brgyad yan zhes pa dmag gi go mtshon can brgyad tshogs na dmag gi tha snyad thob pa'i don no/ /don med dmag nang zhag gnyis las 'das dang/ /zhes pa @256b ni/ dmag 'khrug zhi ba'i don sogs dgos pa khyad par can med par dmag nang du zhag gcig gnas nas/ zhag phyi ma'i skya rengs shar ba na/ dmag nang du gnas pa'i ltung byed du 'gyur ro/ /'di rje yab sras gnyis ka'i bslab bya chen mo'i dgongs pa rma med pa yin pas zhag gnyis las 'das dang/ zhes pa dpe ma dag par mngon zhing/ des na/ don med dmag nang zhag gcig las 'das dang/ zhes pa'i 'don pa spos na legs pa 'dra'o/ /dpe ma dag pa'i skyon med de/ bcu tshan lnga pa'i sdom tshig las/ srog chags bcas dang nyal sar 'dug /'greng dang gcer bu dmag dang ni/ /zhag gnyis bshams dkug 'gro ba dang/ /brdeg dang gzas dang gnas ngan len/ /zhes 'byung bas so snyam na/ de'i zhag gnyis zhes pa ni/ dmag nang du zhag dang po ril por bsdad nas gnyis pa'i mgo mthong ba na/ ltung ba bskyed ces pa'i don no// //'o na kyang zhag gnyis zhes pa'i don/ mdo rtsa bar/ de dag med par der nyin mtshan gnyis las lhag par 'dug na'o dgos pa med na snga ma la yang ngo zhes pa dang sdur nas mkhas pa rnams kyis dpyad dgos/ g.yul bshams dkrug dang zhes pa ni/ dmag nang du gnas nas g.yul bshams pa 'thab par nye ba'i tshe/ bzlum mi byed par dkrug pa na/ bshams pa dkrug pa'i ltung byed du 'gyur ro/ /rnyog pa'i sems dag gis/ /dge slong dag la brdeg dang zhes pa ni/ khros zhing 'khrugs pa'i rnyog pa can gyi sems kyis/ dge slong la tha na yungs kar tsam gyis brdeg pa na/ brdeg pa'i ltung byed du 'gyur ro/ /brdeg gzas dang zhes pa ni/ rtog pa can gyi sems kyis chos brgyad ldan gyi dge slong la tha na yungs kar tsam gyis brdeg par gzas pa na/ brdeg par gzas pa'i ltung byed du 'gyur ro/ /brdeg par gzas pa'i don ni/ lag deng byas te brdeg par rtsom pa'o/ /dge slong gzhan gyi pham lhag gnas ngan len/ /shes bzhin dgos pa med bzhin bcabs pa'o/ /zhes pa ni/ sdom pa @257a @#/ /gsor rung yan chad dang ldan pa'i dge slong la pham lhag gang rung byung ba shes bzhin du/ de bshad na dge 'dun 'khrug tu dogs pa sogs kyi dgos pa khyad par can med par bcabs nas/ bshags yul mtshan nyid dang ldan pa la bshags pa'i gegs byas pa na/ gnas ngan len 'chab pa'i ltung byed du 'gyur ro/ /bcu tshan lnga pa'o/ bde bar gnas pa'i dge slong zas gcod dang/ /zhes pa ni/ nad med bde bar gnas pa'i dge slong la sbyin bdag gis gzan phul ba gnod sems kyi sgo nas bkag pa na/ gzan gcod du 'jug pa'i ltung byed du 'gyur ro/ /dus dran ma byas mer reg reg 'jug pa/ /zhes pa ni/ dus dran ma byas par rang gis me la reg pa dang/ gzhan reg tu 'jug pa na/ me la reg pa'i ltung byed du 'gyur ro/ /dge 'dun las la 'dun phul slar len dang/ /zhes pa ni/ dge slong gi ched du byas pa'i dge 'dun mtshan nyid dang ldan pa'i chos ldan gyi las la rang gis 'dun pa phul ba las/ slar las byas zin pa'i 'og tu 'dun pa phyir len pa'i tshig smras pa las der gtogs pa'i dge slong gis don go ba na/ 'dun pa phyir sgyur ba'i ltung byed du 'gyur ro/ /ma rdzogs zhag gsum nyal nas skya rengs shar/ /zhes pa ni/ bsnyen par ma rdzogs pa dang bar 'dom gang gi nang du zhag gsum lhan cig nyal nas/ bzhi pa'i skya rengs shar ba na/ nub lhag por nyal ba'i ltung byed du 'gyur ro/ /sdig lta'i chos smra rnam pa lngas ldog kyang/ /mi gtong ba'o zhes pa ni/ myos 'gyur 'thungs kyang mngon mtho dang nges legs la bar du mi gcod do zhes pa lta bu'i sdig lta'i chos smra ba sngar bshad pa'i ldog thabs rnam pa lngas ldog kyang/ brjod pa gsum pa'i mthar mi gtong ba na/ sdig lta mi gtong ba'i ltung byed du 'gyur ro/ /de 'dra bskrad pa la/ /gtam smra ba dang zhes pa ni/ sdig lta'i chos smra ba thabs lngas ldog kyang mi gtong ba de 'dra gnas nas bskrad pa la gtam phebs par smra ba na/ spangs pa rjes phyogs kyi ltung byed du @258b 'gyur ro/ /dge tshul bsnyil ba sdud/ /ces pa ni/ sngar bshad pa'i sdig lta'i chos smra ba ldog thabs lngas ldog kyang mi gtong ba'i dge tshul chad las kyis bsnyil ba/ bzod pa ma gsol bar bsdus nas chos dang zang zing lhan cig byed pa na/ dge tshul bsnyil ba sdud pa'i ltung byed du 'gyur ro/ /mi rung kha dog ma bsgyur gos 'chang dang/ /zhes pa ni/ rung ba'i tshon gsum gang rung gis kha ma bsgyur ba'i gos dkar po gyon pa na/ gos kha ma bsgyur ba gyon pa'i ltung byed du 'gyur ro/ /rung ba'i tshon gsum ni /sngon po dang btsag dang ngur smrig gsum yin la/ li khri/ mthing shing/ rgya skyegs/ mtshal/ gur gum/ btsong/ rma shing/ le brgyan rtsi ste/ brgyad ni tshon chen brgyad ces mi rung ba'i tshon yin zhing/ 'on kyang bod 'dir 'dul 'dzin snga ma rnams kyis dkon mod kyi dbang gis sngon po dang btsod brje ba mdzad do/ / dus dran ma byas rin chen rigs sogs la/ /reg cing reg tu 'jug dang zhes pa ni/ dus dran ma byas par nor bu sogs rin po che dngos dang/ de'i rigs dung dang rnga po che sogs rol cha dang/ ral gri sogs mtshon cha spyad du rung ba la rang gis reg gam gzhan reg tu 'dug pa na/ rin po che la reg tu 'jug pa'i ltung byed du 'gyur ro/ /cha ba'i dus/ /min par zla phyed nang du khrus byed dang/ /zhes pa ni/ tsha ba'i dus zla ba gsum ma gtogs/ zla ba phyed kyi nang du lte ba yan nam/ man chad khrus byas pa na/ khrus byed pa'i ltung byed du 'gyur ro/ /bcu tshan drug pa'o/ / bsams bzhin dud 'gro gsod dang zhes pa ni/ bsams bzhin du mtshon dang/ ngan sngags sogs sbyor ba gang yang rung bas dud 'gro che phra bsad pa na/ dud 'gro gsod pa'i ltung byed du 'gyur ro/ /dge slong la/ /dge slong min zhes 'gyod pa bskyed pa dang/ / zhes pa ni/ dge slong la dang po nas khyod la bsnyen rdzogs kyi sdom pa ma skyes so/ /zhes sam/ skyes kyang pham pa byung ngo/ /zhes sogs kyis 'gyod pa skyer 'jug pa na/ 'gyod pa bskyed pa'i ltung byed du 'gyur ro/ /g.ya' 'dod ga ga tshil byed sor mo yin/ /zhes pa ni/ skyi @259a @#/ /g.ya' bar 'dod pa'i blos lag pa'i sor mo lta bus/ dge slong gi mchan khung sogs su reg ste g.ya' sgog pa na/ ga ga tshil byed pa'i ltung byed du 'gyur ro/ /phyar g.yeng lte ba nub pa'i chu nang rtse/ /zhes pa ni/ phyar g.yeng zhes pa rgod bag gis lte ba nub pa'i chu nang du rtse ba na/ chu la rtse ba'i ltung byed du 'gyur ro/ /gnyen min bud med lhan cig grogs med nyal/ /zhes pa ni/ gnyen min pa'i bud med dang bar 'dom gang gi nang du khrims grogs med par lhan cig nyal ba na/ bud med dang lhan cig nyal ba'i ltung byed du 'gyur ro/ /'on kyang ma bskos par dge slong ma la chos ston pa'i ltung byed dang/ lhan cig nyal ba'i ltung byed 'di gnyis kyi yul la nye du min pa nges bzung du mi dgos pa 'dra'o/ /mi sdug gzugs kyis dge slong sdangs byed dang/ /zhes pa ni/ bzhin la rdo thal byugs pa sogs mi sdug pa'i gzugs kyis dge slong sdangs su 'jug pa na/ sdangs par byed pa'i ltung byed du 'gyur ro/ /brku sem yid gcugs min par dge slong gi /gos sogs sbed dang zhes pa ni/ brku sems dang/ shin tu mdza' ba'i yid gcugs pa min par/ dge slong gi chos gos dang/ lhung bzed sogs dgos med du sbed pa na/ sbed pa'i ltung byed du 'gyur ro/ /rang gis dge slong la/ /byin pa'i gos sogs gdeng med longs spyod dang/ /zhes pa ni/ rang gis dge slong gzhan la byin pa'i gos sogs/ dge slong des slar longs spyod par gnang ba byin pa'i gdeng med par/ de dag la longs spyad pa na/ gdeng med par spyod pa'i ltung byed du 'gyur ro/ /dge slong gzhi med lhag ma'i skur 'debs dang/ /zhes pa ni/ dge slong la mthong thos dogs gsum med par/ lhag ma'i skur pa 'debs pa na/ skur pa 'debs pa'i ltung byed du 'gyur ro/ /grogs med bud med 'grogs nas rgyang grags 'das/ /zhes pa ni/ khrims grogs med par bud med dang 'grogs nas lam du zhugs te rgyang grags las 'das pa na/ bud med dang lhan cig lam du 'gro ba'i ltung byed du 'gyur ro/ /bcu tshan bdun @260b pa'o/ shes bzhin rkun sogs ngan pa dang bsdebs nas/ /rgyang grags 'das dang zhes pa ni/ shes bzhin du chom rkun sogs dang bsdebs nas rgyang grags 'das par phyin pa na/ rkun po dang lhan cig lam du 'gro ba'i ltung byed du 'gyur ro/ /nyi shu ma lon pa/ /rdzogs par bsnyen dang zhes pa ni/ sgrub bya lo nyi shu ma lon pa shes bzhin du de bsnyen par rdzogs pa'i mkhan po byas pa na/ mkhan po la nyi shu ma lon par bsnyen rdzogs byed pa'i ltung byed du 'gyur ro/ /sa brko brkor 'jug dang/ /zhes pa ni/ dgos pa khyad par can med par sra zhing 'thas pa'i 'og gzhi las rang gar sa spar ba gang yan chad du longs pa/ rko'am brkor 'jug pa na/ sa rko ba'i ltung byed du 'gyur ro/ /mgron pos dus 'das nges med zla ba bzhi/ /'das nas za dang zhes pa ni/ sbyin bdag gis zhag grangs su bcad pa'i bsnyen bkur gyi mgron du bos pa na/ dus de las 'das pa'i bsnyen bkur longs spyod pa dang/ zhag grangs nges pa med na zla ba bzhi 'das nas za ba na/ mgron gnyer ring 'dug gi ltung byed du 'gyur ro/ /bslab phyir bsgo ba ldog ces pa ni/ rang la dge slong gzhan gyis bslab pa la slob pa'i thabs ston pa'i tshe/ de la khyad gsod byed pa na bslab pa la nye bar 'jog pa spong ba'i ltung byed du 'gyur ro/ /rtsod sems nyan rna byas don go ba dang/ /zhes pa ni/ dge slong gzhan gyis rang la rtsod pa'i gros byed sar phag nyan byas nas don go ba na/ nyan rna byed pa'i ltung byed du 'gyur ro/ /las la 'dus nas ma rdzogs ma smras 'gro /zhes pa ni/ las gral la 'dus nas dge slong gral na 'khod pa la ma smras shing gsol ba'i las ma rdzogs par gzhan du 'gro ba na/ las kyi gnas nas mi smra bar 'gro ba'i ltung byed du 'gyur ro/ /dge 'dun gnas brtan dge skos ston pa'i bka'/ /chos ldan 'gal byas zhes pa ni/ dge 'dun dang/ gnas brtan dang/ dge skos kyis ston pa'i bka' nchos ldan 'di lta bu sgrubs shig /ces bsgo ba la sgrub nas bzhin du 'gal bar byas pa na/ ma gus pa'i tshul gyi ltung byed du 'gyur ro/ /@261a @#/ /myos 'gyur 'thung ba dang/ /zhes pa ni/ phabs btab pa'i 'bru'i chad dngos sam/ phabs ma btab pa'i rgun chang sogs bcos pa'i chang 'thung ba na/ myos 'gyur 'thung ba'i ltung byed du 'gyur ro/ /phyed yol skya rengs ma shar dus min du/ /ma smras grong du 'gro dang zhes pa ni/ gzhan 'dul ba sogs kyi dgos pa khyad par can med par/ rang gnas pa'i gling gi nyi ma phyed yol ba nas/ sang gi skya rengs ma shar bar gyi dus min du rang gar 'khod pa la ma smras par khyim pa'i grong du 'gro ba na dus ma yin par grong du 'gro ba'i ltung byed du 'gyur ro/ /bcu tshan brgyad pa'o/ /sbyin bdag gis/ /mngags bzhin dge 'dun sbyan drangs ma yol bar/ /brims zhes ma brjod grong gzhan rgyu ba ni/ /zas bcas zhes pa ni/ sbyin bdag gis mngags pa bzhin du dge 'dun zas la spyan drangs pa na/ gdugs tshod dus las ma yol bar brims shig ces sbyin bdag la ma brjod par rang nyid khyim du mar rgyu ba'i rkyen gyis dge 'dun gyi gdugs tshod dus las yol ba na/ zas bcas snga dro grong du rgyu ba'i ltung byed du 'gyur ro/ /rgyal po'i pho brang mtshan 'gro dang/ /zhes pa ni/ rgyal po'i pho brang btsun mo dang bcas pa'i gnas su mtshan mo 'gro ba na/ rgyal po'i pho brang du nub mo 'gro ba'i ltung byed du 'gyur ro/ /mdo 'don tshe na sa brko me reg la/ /ltung ba da gdong shes zhes smra ba dang/ /zhes pa ni/ gso sbyong gi dus mdo 'don pa'i tshe sa brko me reg lta bu la ltung ba 'byung ba da gdod sngar shes so zhes rang gar bzhad gad yan chad kyis mdo'i don shes rin med pa'i rnam pas khyad gsod byas pa na/ khyad du gsod pa'i ltung byed du 'gyur ro/ /ba so sogs kyi khab ral byas byed bcug /ces pa ni/ rang gar yul dus der dkon zhing rin che ba'i ba so sogs kyi khab ral rang don du byas sam byed du bcug pa na/ khab ral 'chos pa'i ltung byed du 'gyur ro/ /khru gang las lhag 'jug min khri rkang byed/ /ces pa ni/ dge slong gis dge 'dun gyi khri rkang rtsa ba bu gar gzhug pa ma gtogs par khru gang gi @262b tshad las lhag pa'i bzo byed dam byed du bcug pa rdzogs pa na/ khri rkang 'chos pa'i ltung byed du 'gyur ro/ /dge 'dun gnas mal shing bal gyis 'gengs bdal/ zhes pa ni/ rang gar rang don du dge 'dun gyi gnas mal shing bal gyis 'gengs shing bdal ba na/ shing bal gyis gos par byas pa'i ltung byed du 'gyur ro/ /gding ba g.yan pa dgab pa ras chen gsum/ /tshad las lhag par byed dang zhes pa ni/ gding ba dang/ g.yan pa dgab pa dang/ dbyar gyi gos ras chen gsum rang rang gi tshad las lhag par byas pa na/ rim pa bzhin du gding ba tshad las lhag pa'i ltung byed dang/ g.yan pa dgab pa tshad las lhag pa'i ltung byed dang/ ras chen tshad las lhag pa'i ltung byed du 'gyur la/ de gsum gyi tshad ni gong du bshad pa ltar ro/ /ston pa yi/ /sku tshad mi ldan bde gshegs chos gos byed/ /ces pa ni/ rang gi lus ston pa'i sku tshad tsam med par snam sbyar sogs chos gos gsum bde bar gshegs pa'i chos gos gsum gyi tshad du byed pa na/ bde bar gshegs pa'i chos gos kyi tshad las gyur pa'i ltung byed du 'gyur ro/ /de bzhin gshegs pa'i chos gos kyi tshad ni srid du ston pa rang gi khru lnga dang/ zhing du khru gsum ste de la mi 'bring po'i chos gos rab tshad dgu 'ong ngo/ /bcu tshan dgu pa'o/ /ltung byed 'ba' zhig dgu bcur gsungs pa yin/ /zhes pa ni mjug bsdu ba ste brdzun smra'i ltung byed nas 'di'i bar ni bshags pa tsam dang 'brel ba ltung byed 'ba' zhig pa dgu bcur ston pas gsungs pa yin zhes pa'o/ /bzhi pa sor bshags kyi sde tshan la/ sor bshags bzhi las/ grong lam dge slong ma las zas len dang/ /zhes pa ni/ rang nyid grong ngam lam po cher 'dug pas/ nye du ma yin pa'i dge slong ma grong ngam lam po cher 'dug pa nas/ dge slong ma rang nyid 'tsho ba'i ched du bslangs pa'i dus rung gi zas blangs te za ba na/ dge slong ma las zas len pa'i sor bshags su 'gyur ro/ /khyim du bsko bsham log byed dge slong ma/ /ma bzlog zas za zhes pa ni/ rang dang dge slong ma @263a @#/ /de'i nye du ma yin pa'i khyim pas mgron du bos nas dge slong gnyis yan chad chogs pa na/ dge slong mas gral gyi rim pa dor te bdag nyid la 'bur dod du zas brims pa'am/ gral rim bzhin brims kyang lhag por brims pa na/ mi rung zhes ma bzlog par za ba na/ gral rims su ma phebs par 'brim du 'jug pa ma bzlog par za ba'i sor bshags su 'gyur ro/ /bsko bsham byas pa'i don ni/ bkod pa phyin ci log gam/ ngo mgron byed pa'o/ /bsdams pa'i khyim las zas/ /len dang zhes pa ni/ khyim pa de las zas mi bslang ba'i khrims kyi bslab pa'i sdoms pas bsdams nas slar khyim pa de las zas blangs te za ba na/ bslab pa bral te khyim du 'jug pa'i sor bshags su 'gyur ro/ /'jigs bcas ma bsal khyim pa las/ /blangs te za ba so sor bshags par gsungs/ zhes pa ni/ grong las rgyang grags gcig yan chad 'phags pa 'jigs pa dang bcas pa'i sar nags nyul te chom rkun yod med ma brtags par/ khyim pa las zas blangs te za ba na nags ma brtags pa las gyur pa'i so sor bshags par gsungs so/ /lnga ba nyes byas la brgya dang bcu gnyis yod pa'i sde tshan la dgu las/ dang po gos kyi sde tshan la/ thang gos zlum por ma bgos brtsengs dang 'jol/ /glang sna ltar na ra lteb phur sbrul mgo yi/ /gdengs ka ltar 'phyang sham thabs rnam pa bdun/ /zhes pa ni/ sham thabs kyi ma mtha' mnyam par zlum por ma bgos pa dang/ pus mo'i gong du thal ba'i brtsengs pa dang/ long bu la reg pa'i ha cang 'jol ba dang/ sham thabs kyi mar sna'i phyogs gcig glang po che'i sna ltar nar ba dang/ mgo ska rags phyogs su ltebs pa dang/ lte ba'i 'og tu sbrul mgo'i gdengs ka ltar 'phyang ba dang/ ska rags kyi bar bar du 'bru'i phur ma ltar sham thabs 'thon pa ste sham thabs bgo ba la brten pa'i nyes byas bdun dang/ zlum por ma bgos brtsengs 'jol stod g.yogs gsum/ /zhes pa ni/ snam sbyar dang bla gos kyi ya @264b mtha' ma mtha' gnyis zlum por ma bgos pa dang/ pus mo las yar brdzes pa'i brtsengs pa dang/ long bu'i tshig la reg pa'i 'jol ba ste gos la brten pa'i nyes byas bcu'o/ /gnyis pa khyim du 'gro ba'i sde tshan la/ dran shes ma bsdams chos gos chu la bzhin du/ /ma bgos 'du 'ji ca co phyar g.yeng blta/ /gnya' shing gang tsam mi blta nyes byas lnga/ /zhes pa ni/ khyim du 'gro ba'i tshe rkang lag rkyong ba sogs dran shes bzhin gyis ma bsdams pa dang chos gos tshul bzhin du ma bgos pa dang/ ca co'i sgra ma spangs pa dang/ mig g.yed bag tu blta ba dang/ gnya' shing gang las lhag par blta ba ste nyes byas lnga dang/ mgo g.yogs chos gos brjes dang phrag gnyis gzar/ /lag gnyis gnya' dang ltag par bsnol ba lnga/ /zhes pa ni/ mgo ras la sogs pas g.yogs pa dang/ 'doms mthong bar chos gos brdzes pa dang/ gos phrag pa gnyis kar gzar ba dang/ lag pa mdun nas btang ste gnya' gong du bsnol ba dang/ ltag khung du lag pa gnyis phyogs phyogs nas bsnol ba ste lnga dang/ mchod dang brkyang bskum tsog pu brar gis 'gro gru brgyangs 'gro dang lnga'o zhes pa ni/ na chod nas 'gro ba dang/ sgyid pa brkyang bskum byed cing 'gro ba dang/ tsog pus 'gro ba dang/ rting pa bteg ste rkang pa'i brang gis 'gro ba dang/ lag pa gnyis rked pa la brten te gru mo phyir snyung por byas te 'gro ba lnga dang/ mgo bo bsgyur/ /lus gcu lag dbyug dpung sprad lag sprel 'gro/ zhes pa ni/ mgo bsgyur zhing 'gro ba dang/ lus bcu shing 'gro ba dang/ lag pa dbyug cing 'gro ba dang/ gzhan dang dpung pa gnyis sprad cing 'gro ba dang/ gzhan dang lag pa sprel te 'gro ba lnga ste nyes byas nyi shu'o/ /gsum pa khyim du 'dug pa'i sde tshan la/ khyim pa sam bsgom brtags lcid phab bsdad/ /rkang steng rkang pa brla steng brla dang ni/ /long steng long bu khri 'og rkang pa bcug /rkang pa so sor brkyangs dang 'doms snang ba/ / @265a @#/ /'dug pa'i nyes pa rnam pa dgur gsungs so/ /zhes pa ni/ khyim pas ma bsgo bar stan la 'dug pa dang/ stan la srog chags sogs yod med ma brtags par 'dug pa dang/ dal bus ma yin par lcid phab ste 'dug pa dang/ rkang pa'i steng du rkang pa bzhag ste 'dug pa dang/ brla'i steng du brla bzhag ste 'dug pa dang/ long bu'i steng du long bu bzhag ste 'dug pa dang/ rkang pa khri la sogs pa'i 'og tu bkug cing 'dug pa dang/ rkang pa gdangs nas 'dug pa dang/ 'doms snang bar 'dug pa ste nyes byas dgu'o/ /bzhi pa zas blang pa'i sde tshan la/ legs par ma blangs mu dang kha da chad/ /'bras chan tshod ma mnyam blangs mthar chags min/ /yid la gtad par blangs dang bza' bca' ni/ /ma 'ongs lhung bzed bzed dang 'bras chan dang/ /tshod ma ci rigs lhag 'dod phan tshun 'gebs/ /zas steng lhung bzed bzed dang rnam pa brgyad/ /ces pa ni/ 'dul ba dang mthun par zas legs par ma blangs pa dang/ mu dang kha da chad du blangs pa dang/ tshod ma dang zan mnyam por blangs pa dang/ gral rim bzhin mthar chags su ma blangs pa dang/ lhung bzed la yid gtad de ma blangs pa dang/ bza' ba dang bca' ba mngon sum du ma 'ongs par lhung bzed sogs bzed pa dang/ lhag po 'dod pa'i phyir 'bras chan dang tshod ma gcig gis gcig 'gebs pa dang/ zas kyi steng du lhung bzed sogs zas kyi snod bzed pa rnams la nyes byas re re ste brgyad do/ /lnga pa zas bza' ba'i sde tshan la/ tshul mthun ma zos ha cang kham chung ches/ /ran min zas ma 'ongs par gdangs bkang smra/ /zhes pa ni/ 'dul ba dang mthun par zas legs par ma zos pa dang/ kham ha cang chung ba dang/ kham ha cang ches pa dang/ kham ran par ma zos pa dang/ kha'i sgor zas ma 'ongs par kha gdangs pa dang/ kha kham gyis bkang ste gtam smra ba rnams @266b la nyes byas re re ste drug go /tsug tsug cag cag hu hu phu phu dang/ /lce phyir phyung ste za ba'i nyes byas lnga/ /zhes pa ni/ kha nas sgra tsug tsug dang/ cag cag dang/ hu hu dang/ phu phu zhes zer zhing za ba dang/ lce phyir phyung ste za ba rnams la nyes byas re re ste lnga'o/ /'bru nas re re za dang zas la 'phya/ /mkhur ba g.yas g.yon spo dang rkan sgra gtog /kham 'phro bcad nas za ba rnam pa lnga/ /zhes pa ni/ srog chags yod med sogs brtag pa'i phyir ma yin par 'bras chan sogs 'bru re re nas btu zhing za ba dang/ zas la 'phya smod byed pa dang/ mkhur ba g.yas g.yon spo ba dang/ rkan sgra gtog pa dang/ kham 'phror sos bcad cing za ba rnams la nyes byas re re ste lnga'o/ /bldag dang 'byog dang lag sprug lhung bzed bskyom/ mchod rten 'dra ba'i zas gzhom rnam pa lnga/ /zhes pa ni/ lag pa la zas chags pa bldag pa dang/ lhung bzed dang phur bu sogs zas kyi snod lces 'byog pa dang/ zas bgos pa'i lag pa sprug pa dang/ zas dang bcas pa'i lhung bzed bskyom pa dang/ zas la mchod rten gyi dbyibs 'dra ba byas te gzhom zhing za ba rnams la nyes byas re re ste lnga'o/ /drug pa lhung bzed du spyad pa'i sde tshan la/ gzhan gyi lhung bzed la 'phya zas gos pa'i/ /lag pas chu snod reg dang zas bcas chus/ /dge slong la 'thor khyim bdag ma dris par/ /ci bder 'bags chu 'dor dang rnam pa bzhi/ /zhes pa ni/ gzhan gyi lhung bzed la 'phya ba'i phyir blta ba dang/ zas gos pa'i lag pas chu snod la reg pa dang/ zas dang bcas pa'i chus dge slong la 'thor ba dang/ khyim bdag la ma dris par khyim du 'bags chu 'dor ba rnams la nyes byas re re ste bzhi'o/ /lhag ma nang ldugs gzhi med gad g.yang dkan/ /gzar por 'jog dang 'greng dang de gsum du/ /byi dor byed dang rgyun phyogs ldog byas nas/ /chu bcu lhung bzed la brten bcu phrag gcig /ces pa ni/ zas zos pa'i lhag ma lhung bzed du blugs pa dang/ lo ma yan chad kyi 'og @267a @#/ /gzhi med pa dang/ gad pa'i kha dang/ g.yang sa dang/ dkan gzar po ste bzhir lhung bzed 'jog pa dang/ 'greng ste lhung bzed bkru ba dang/ gad kha dang/ g.yang sa dang/ dkan gzar po gsum du lhung bzed kyi dor byed pa dang/ 'bab chu drag po'i rgyun phyogs las ldog ste chu bcu ba dang bcu ste lhung bzed la brten pa'i nyes byas bcu phrag gcig go /bdun ba chos bstan pa'i sde tshan la/ 'dug 'greng nyal stan mtho bzang mdun lam dbus/ /mgo g.yogs brdzes gzar lag gnyis gnya' ltag bsnol/ /do ker can dang zhwa gyon cod paN dang/ /phreng ba bcings dang thod dkris rta glang zhon/ /khyogs lham 'khar gdugs mtshon ral dgra cha thogs/ /go cha gyon pa rnams la chos bshad pa/ /dag la nyes byas drug lhag bcu phrag gnyis/ /zhes pa ni/ nad pa min pa'i nyan pa po 'dug pa la 'chad pa po 'greng ste chos bshad pa dang/ nyal bal 'dug ste bshad pa dang/ stan dang sa phyogs mthon po dang/ stan bzang po la 'dug pa la de las ldog ste bshad pa dang/ mdun du 'gro ba la phyi nas 'gro zhing bshad pa dang/ lam nas 'gro ba la/ lam gyi 'gram nas 'go zhing chos bshad pa ste lnga dang/ nyan pa po mgo ras la sogs pas g.yogs pa dang/ gos brdzes pa dang/ chos gos phrag pa gnyis kar gzar ba dang/ lag pa gnya' gong du bsnol ba dang/ ltag par bsnol ba rnams la chos bshad pa ste lnga dang/ mgo do ker can dang/ zhwa gyon pa dang/ cod paN can dang/ me tog sogs kyi phreng ba bcings pa dang/ la thod dkris pa rnams la chos bshad pa ste lnga dang/ glang po che la zhon pa dang/ rta la zhon pa dang 'od le la sogs pa'i khyags na 'dug pa dang/ glang po che dang rta las gzhan pa'i bzhon pa'i steng na 'dug pa dang/ mchil lham gyon pa rnams la chos bshad pa ste lnga dang/ lag na 'khar ba thogs pa dang/ lag na gdugs thogs pa dang/ @268b lag na mtshon thogs pa dang/ lag na ral gri thogs pa dang/ lag na dgra cha thogs pa dang/ khrab la sogs pa'i go cha gyon pa la chos bshad pa dang bcas pa la nyes byas re re ste chos bshad pa'i sde tshan la brten pa'i nyes byas nyi shu rtsa drug go /brgyad pa sgrub pa'i sde tshan la/ 'greng dang phyogs kun chu dang rtsa sngon gyis/ /khebs pa ma gtogs der ni bshang gci 'dor/ /zhes pa ni/ 'greng ste bshang gci byas pa dang/ phyogs kun chus gang ste go skabs med pa ma gtogs par chu'i nang du bshad gci dang mchil snabs sogs 'dor ba dang/ phyogs kun rtsa sngon gyi gang ste go skabs med pa ma gtogs par rtsa sngon po yod pa'i sa phyogs der bshang gci sogs 'dor ba rnams la nyes byas re re ste gsum mo/ /dgu pa rgyu ba ni/ dgos med 'dom gang tshad las mtho ba yi/ /shing la 'dzeg par ma gnang/ zhes pa ni/ srog la sogs pa la gnod pa byung ba ma gtogs par rang gar shing la mi gang tsam las mtho bar 'dzeg pa la nyes byas te gcig go /nyes byas gsungs/ zhes pa ni sde tshan tha ma'i mjug bsdu ba ste/ thang gos zlum por ma bgos pa nas/ 'di'i bar gyi ltung ba brgya rtsa bcu gnyis ni nyes byas kyi sde tshan du lung las gsungs zhes pa'o/ /de ltar ltung ba rnams kyi mtshan nyid shes par byas nas ltung ba'i gnas 'di dang 'dis ma gos par bya'o snyam du so sor dran shes tshul bzhin du bsten cing khyad par yul dus la sogs pa'i stobs kyis 'byung nye ba rnams spang ba la 'bad pa cher bya'o// //rtsa ba'i sa bcad gsum pa mjug sdud bshad pa la gsum/ tshul khrims kyi bslab pa la slar yang srog bzhin gces spras bya dgos par gdams pa dang/ brtsams pa'i dge ba bsngo ba/ rtsom pa po gang gis byas pa'i tshul lo/ /dang po ni/ de ltar ston pas thugs brtses bcas pa yi/ /bslab pa'i mi mthun phyogs rnams shes byas te/ /rang la gces bas srog ltar srungs shig ces/ /kun la chos kyi rgyal mtshan gsol ba 'debs/ /zhes pa ste/ gong du bshad pa @269a @#/ /de ltar ston pa thugs rje can gyis rjes 'jug gdul bya rnams la thugs brtse ba chen po'i sgo nas gsung gis bcas pa'i mtshams rnam par bzhag pa'i dgag sgrub gnang gsum gyi bslab bzhi so so yi mi mthun phyogs lung rnam 'byed nas 'byung ba dang/ gzhan yang gzhi bcu bdun dang/ lung phran tshegs dang/ gzhung dam pa sogs nas 'byung ba rnams kyang thos bsam gyi shes par byas te/ tshul khrims bsrungs ba'i phan yon/ ma bsrungs pa'i nyes dmigs rnams yang yang soms la/ 'khor ba'i sdug bsngal rgyu bcas las grol ba dang/ thar ba'i bde ba bla na med pa thob 'dod pa'i bsam pas rang la phugs su gces pa rnams kyis yon tan thams cad kyi gzhi rten tshul khrims kyi bslab pa rin po che nyid srog ltar srungs shig ces paN chen chos kyi rgyal pos rang cag rnams la byams brtse'i gzhan dbang du gyur ba'i gsung gis gdams pa'o/ /nyes dmigs dang phan yon gong du rgyas par bshad zin pa bzhin du sdom tshig bzung bar 'dod na/ ji skad du/ gang zhig bslab pa mi bsrung ba/ /de ni sangs rgyas kun gyis smad/ /lha rnams 'di ni chos rkun zhes/ /smod cing rang gis grogs kyis gshe /bdag nyid kyis kyang smod par 'gyur/ /chos nyid kyis kyang smad par 'os/ /grags pa ngan pas phyogs kun khyab/ /dam chos thos par mi 'gyur la/ /thos pa'ang myur du brjed par 'gyur/ /sa lam rtogs pa yongs mi skye/ /'gyod bzhin 'chi zhing ngan 'gror 'gro /rmi lam gdug pa mthong 'gyur zhing/ /sdug bsngal ldan pas sad par 'gyur/ /lha rnams bsrung bar mi 'gyur zhing/ /dam pa rnams kyi drung 'dug tshe/ /'jigs shing gnod la bag khum bcas/ /mi dang mi min glags lta bas/ /myur du gnod pa bya nus shing/ /longs spyod tshegs med rnyed mi nus/ /'dod 'dun smon pa'ang yongs mi 'grub/ /rnam dag tshul khrims bsrung ba la/ /sangs rgyas rnams kyis bstod pa nas/ /smon lam thams cad 'grub pa'i bar/ /sngar bshad pa yis sbyar bar bya/ / @270b zhes 'byung ba ltar ro/ /gnyis pa la gnyis/ 'gro kun sangs rgyas thob pa'i rgyur bsngo ba dang/ 'byung 'gyur rgyal ba kun gyi dam chos 'dzin pa'i rgyur bsngo ba'o/ /dang po ni/ 'dir 'bad dge tshogs ston ka'i zla zer 'bum/ /'thungs pa'i kunda lta bur dkar ba de/ /yang yang drin gyis bskyangs pa'i 'gro kun gyis/ /rnam 'dren 'gro ba'i rtsa lag thob phyir bsngo/ /zhes pa ste/ lhag bsam rnam par dkar ba'i kun nas bslangs te bstan bcos brtsams pa 'dir sgo gsum gyis 'bad rtsol bgyis pa las byung ba'i dge tshogs dper na ston ka'i zla zer 'bum gyis phye ba'i kunda'i 'dab brgya grol ba'i phun tshogs ltar dkar ba gang zhig thob pa de/ thog med nas ma byas shing drin gyis bskyangs tshul bsam las 'das pa'i ma rgan 'gro ba kun gyis rnam 'dren 'gro ba'i rtsa lag sangs rgyas bcom ldan 'das kyi go 'phang thob pa'i phyir bsngo ba'o/ / gnyis pa ni/ bdag kyang 'byon 'gyur bskal bzang lha dang mi'i/ /rnam 'dren bde gshegs kun gyi bstan pa yi/ /nang mdzod 'dul ba 'dzin pa'i gtsor gyur nas/ /rgyal ba'i mdzad pa ma lus bsgrub gyur cig /ces pa ste rtsom pa po bdag kyang bskal pa bzang po 'di la 'byon 'gyur lha mi'i rnam 'dren bde bar gshegs pa kun gyi bstan pa'i nang mdzod 'dul ba 'dzin pa'i gtso bo ste mchog tu gyur nas rgyal ba'i mdzad pa lung rtogs kyi dam chos ma lus pa bsgrub par gyur cig pa'o/ /gsum pa ni/ ces pa 'di ni blo bzang chos kyi rgyal mtshan gyis sbyar ba'o zhes so// //'dir smras pa/ 'gro la gtan bde'i phun tshogs stsol bzhed pa'i/ /'gro ba'i bla ma stobs bcu'i dpal mnga' bas/ /'gro kun 'khor ba'i rgya mtsho'i pha rol tu/ /'gro ba'i gru gzings bslab khrims mchog 'di stsal/ /tshul der rab zhugs brtson pa'i rlung shugs kyis/ /bshad dang sgrub pa'i dar chen bskyod pa las/ /dam chos 'dul ba'i dgongs don yid bzhin nor/ /rgya bod mkhas pa'i ded dpon tshogs kyis blangs/ /khyad par rgyal ba'i yab gcig @271a @#/ /mkhyen pa'i gter/ /bsam bzhin ral pa'i zur phud yongs dor nas/ /khrims ldan ngur smrig 'dzin pa'i zlos gar gyis/ /'dul ba'i bstan pas ljongs 'dir khyab par mdzad/ /blo bzang rgyal ba'i mkhyen brtse'i skyed tshal las/ /legs 'khrungs yongs rdzogs bstan pa'i pad dkar gyi/ /lte bar 'bral med tshangs spyod mngar po'i ro/ /skal bzang bung ba'i tshogs kyi dpal du smin/ /de lta na yang dus kyis 'gyur ba yis/ /'dul gzhung gdams par shar ba'i nyams bzhes kyang/ /tshong 'dus ngan par nor bu rin chen bzhin/ /btang snyoms gnas su ngal gsor gyur pa'i tshe/ /paN chen chos kyi rgyal pos thabs mkhas kyis/ /'dul ba rgya mtsho che las legs btus pa'i/ /nyer 'kho'i sdom tshig nor bu'i phreng ba 'di/ /mkhas blun yongs kyi mgul ba'i rgyan du byin/ /rnam kun gtan bde'i rin chen dbyig thob phyir/ /rnam grol rin chen gling du bgrod 'dod na/ /rnam dag 'dul ba'i lam ston bslab bya'i gru/ /rnam kun lus ngag yid kyis bsten byar 'os/ /de phyir tshad med thugs rje'i lha lam nas/ /'jig rten 'dren pa'i dpal du legs shar ba'i/ /dam pa nyin byed du ma'i gsung gi zer/ /bdag blo'i padmo'i tshal du ci yang lhung/ /de ltar blo chen zhal gyi bum bzang las/ /legs 'ongs 'jam dbyangs legs bshad bdud rtsi'i rgyun/ /smon lam ze 'bru'i rtse la chags pa gang/ /cung zad spel la 'bad rtsol bdag gis bgyis/ /'di las legs bshad sprin sngon 'khrigs pa gang/ /phan bde'i gzhi rten 'dul ba'i bstan pa yi/ /dbyar mtsho 'phel ba'i gsos su 'gyur srid snyam/ bdag blo'i gzhon nus dga' ba'i bsam gtan byed/ /'on te sangs rgyas kho na'i mngon sum gyi/ /gzhal byar byis pa'i blo gros kyis dpyad phyir/ /ma rtog log par rtog pa'i nyes bshad ni/ /ci mchis @272b dam pa rnams kyis 'chos par mdzod/ /'dir 'bad las 'ongs dge tshogs dal 'gro'i rgyun/ /'gro kun legs byas dzahnu'i bu mo dang/ /lhan cig kun mkhyen rgya mtsho cher zhugs te/ /skal bzang gdengs can rtse dga'i dpal thob shog /ces dge slong gi bslab bya'i sdom tshig gi rnam bshad rgyal bstan gsal byed 'ong dkar phreng ba zhes bya ba 'di ni chu lug lo ke'u tshang du dbyar gnas kyi skabs spong ba pa rnams la 'di'i bshad lung rgyas par phul skabs gsung bshad rnams yi ger 'khod pa zhig dgos zhes/ dad stobs ldan pa dge slong rnam rgyal bkra shis dang/ chos mdzad dge slong blo bzang bkra shis sogs ri khrod kyi spong ba pa rnams nas nan gyis bskul ba'i ngor/ bsrung thabs yan lag lnga'i sgo nas dge slong gi sdom pa mchog bsrung tshul rnams/ blo bzang thub dbang rdo rje 'chang dngos rje btsun rtsa ba'i bla ma blo bzang rnam grol dpal bzang po la sogs pa bla ma dam pa rnams kyi zhal las thos pa blor nges pa rnams dang/ sngags chen dam chos dpal 'byor nas stsal ba'i mchan 'grel la gzhi byas te rdzogs par byed pa po ni ke'u tshang sprul ming 'dzin pa blo bzang 'jam dbyangs smon lam gyis dben gnas ke'u tshang ri khrod du sbyar ba'i yi ge pa ni dben sa pa dge slong rnam rgyal bkra shis kyis bgyis pa'o/ / @#/ /oM swa sti/ skye rgu'i phan bde kun la dbang bsgyur ba/ /thub bstan chos 'khor yongs kyi lte ba gang/ /lhod med bsdams pa'i khrims ldan dge sbyong gi/ /bslab bya'i gnas kun gsal byed deng 'dir shar/ /mi rje drung yig blo bzang chos 'byor dang/ /thar 'dod dka' bcu blo bzang dar rgyas pa/ /tshong dpon ngag dbang rnam rgyal ltos bcas kyis/ /tshul 'dir sgo gsum dngos po'i mthun rkyen sgrub/ /lhag bsam rab yangs bka' blon dga' bzhi bas/ /ci bder stsal ba'i pr-ik+Shar par bskrun dges/ / 'brel thogs 'di phyi'i legs tshogs 'grub pa dang/ /kun mkhyen rgyal ba'i go 'phang myur thob shog /khyad par dus 'das blo bzang chos ldan yang/ /skye kun rgyal ba'i bstan la rab byung ste/ /khrims ldan sde snod 'dzin pa'i gtsor gyur nas/ /bla med byang @273a @#/ /chub sgrub pa mthar phyin shog /bstan pa'i rtsa ba so sor thar pa zhes/ /yongs la grags pa don ldan mdzad pa mchog /gser mdog cod paN 'chad ba'i ring lugs gang/ /srid mtha'i bar du 'phel zhing rgyas par shog / ces pa 'di ni 'dul 'grel gyi par byang smon tshig tu ke'u tshong sprul ming pas sbyar ba'o/ / @274b