@325a @#/ /dge ldan ring lugs 'dzin pa gsan rgya che bar 'dod pa
rnams la phan pa'i mtshan tho bzhugs so// //

@326b

@327a @#/ /shar rgyal ba tsong kha pa blo bzang grags pa'i dpal
gyis rang gi rtogs pa brjod pa mdun legs ma las/ rang gi dge ba
rgya cher spel phyir dang/ rnam dpyod ldan pa'i skal ldan mang
po la/ 'jug sgo ma nor

tshul bzhin bstan pa'i phyir/ zhes gsungs pa ltar/ rgyal ba 'jam
dpal snying po'i ring lugs 'dzin pa dag la bka' gdams gdams ngag
pa bzhin rang gi nyams len kho na mkho ba tsam ma gtogs thos
rgya mi

byed pa dang/ yang gsan rgya chen po 'dod pa gnyis 'dug pas phyi
mas/ mdo yi bshad lung khrid gsum/ sngags kyi dbang lung khrid
gsum ji ltar brtson dgos kyi mtshan tho ni/ bdag cag gi ston pa

mnyam med shAkya'i rgyal po'i bka' bod du 'gyur ba'i lung ni/
'dul ba lung sde bzhi/ lung gzhi la glegs bam bzhi/ pha yi lung
rnam 'byed la glegs bam bzhi/ ma yi lung rnam 'byed la glegs bam
gcig lung phran

tshegs la glegs bam gnyis/ lung zhu ba'am gzhung bla ma la glegs
bam gnyis/ khyon 'dul ba po ti bcu gsum/ yum 'bum pa la stong
phrag brgya pa glegs bam bcu gnyis/ yum bar ma nyi khri glegs
bam bzhi/ khri

brgyad stong pa gleT bam gsum/ shes rab khri pa gleT bam gcig
brgyad stong pa glegs bam gcig sher phyin sna tshogs bsdoms pa
glegs bam

@328b gcig 'di la khri sna tshogs kyang zer/ khyon sher phyogs po
ti nyer gnyis/ dkon mchog brtsegs pa 'dus pa bzhi bcu zhe dgu la
glegs bam drug sangs rgyas phal po che la glegs bam drug mdo sde
bskal pa bzang pos

thog drangs mdo sde sna tshogs phyogs gcig tu dril ba mdo mang du
grags pa la po ti sum cu tham pa/ myang 'das glegs bam gnyis/
rgyud 'bum gsang sngags gsar ma glegs bam bcu dgu/ gsang sngags
snga 

'gyur dza wa zha gsum ste rgyud 'bum phyogs gcig dril ba glegs
bam nyer gnyis/ khyon bsdoms mtshal pa bka' 'gyur la glegs bam
brgya tham pa'o// //

!rigs dang dkyil 'khor kun gyi gtso bo khyab bdag rdo rje 'chang
dbang dang dbyer med pa'i dpal ldan bla ma rnams la phyag 'tshal
lo/ /rab 'byams rgyud sde'i dbang rnam grangs shin tu mang yang
shar tsong kha pa

blo bzang grags pa'i dpal dang de yi ring lugs 'dzin pa rnams
kyis thugs nyams su bzhes shing rang gis thob pa dang zhu dgos
rnams kyi mtshan tho bkod pa ni/ dpal gsang ba 'dus pa'i 'phags
lugs kyi

dbang/ gsang 'dus ye shes zhabs lugs zur ka'i dbang/ gsang 'dus
'jig rten dbang phyug gi dbang/ dpal 'khor lo bde mchog lU hi
pa'i dbang/ bde mchog nag po pa'i dbang/ bde mchog

dril bu phyi dkyil lha lnga'i dbang/ dril bu lus dkyil gyi
dbang/ de dang 'brel ba'i bde mchog sngags btus rjes gnang/
'jigs byed bcu gsum ma'i dbang/ 'jigs byed bdud las rnam rgyal
gyi dbang/

@329a @#/ /de dang 'brel ba'i 'jigs byed kyi sngags btus rjes
gnang/ gshed dmar lha bcu gsum ma'i dbang/ gshed dmar lha lnga
ma'i dbang/ gshin rje dgra nag bcu gsum ma'i dbang/ 'jigs byed
zhe dgu ma'i

dbang/ 'jigs byed ro langs brgyad skor gyi dbang/ sngags btus
rjes gnang gnyis dang dpa' bo gcig pa'i rjes gnang dang gsum mo/
/kyai rdor thod pa can zur ka'i dbang/ phyag rdor 'khor chen bco
brgyad kyi dbang/ dang

po'i sangs rgyas dpal dus kyi 'khor lo'i sku gsung thugs yongs
rdzogs kyi dbang/ rnal 'byor rgyud rdor dbyings lha nga gsum gyi
dbang/ kun rig

lha so bdun gyi dbang/ de dang 'brel ba sbyong rgyud dkyil 'khor
bcu gnyis kyi dbang/ spyod pa'i rgyud kyi gtso bo rnam par snang
mdzad mngon par byang chub

pa'i dbang/ bya rgyud rigs kyi bdag po thub pa dam tshig gsum
bkod kyi dbang de bzhin gshegs pa'i rigs gdugs dkar lha bcu bdun
ma'i dbang/

gdugs dkar lha mang ngam lha so lnga ma'i dbang/ zha lu ba rin
chen bsod nams mchog grub pa'i dbang chog ltar/ 'od zer dri med
dang gtsug tor dri med gnyis kyi dbang/ rigs bar ma padma'i rigs
dge

slong ma dpal mo'i lugs kyi thugs rje chen po bcu gcig zhal gyi
dbang/ de dang 'brel ba dpal mo'i lugs kyi thugs rje chen po
mkha' 'gro lnga skor gyi rjes gnang/ rdo rje rigs kyi gtso bo mi
'khrugs pa lha dgu ma/

@330b yang mi 'khrugs pa lha bcu gsum ma rnams so/ /de ltar
dbang chen zur ka nyer brgyad/ rjes gnang gsum/ spyi bka' rdo
rje phreng ba/ dkyil 'khor zhe gnyis dang tri ya sa mu tstsha nas
kha bskang ba'i dkyil

'khor gsum ste rdor phreng dbang chen bzhi bcu zhe lnga dang/ mi
tra brgya rtsa las dkyil 'khor brgya dang bcu yod kyang rdor
'phreng na yod pa rnams kyis go chod pa 'ga' zhig gis mdzad pa
'dug pas de ltar na

drug cu re lnga rnams so// //! 'dzam gling mdzes byed rgyan drug
mchog gnyis kyis gtso mdzad 'phags yul paN grub rnams la sgo
gsum gus pa chen pos phyag 'tshal

lo/ /bstan 'gyur nang nas zur du phyung ba'i rgya gzhung da lta
rgyun yod cing rang gis thob pa rnams kyi mtshan tho ni/ 'phags
pa klu sgrub kyis mdzad pa'i rtsa ba shes rab/ rigs pa drug cu
pa/ stong nyid bdun

cu pa/ rtsod zlog zhib mo rnam 'thag dbu ma rin chen phreng ba
ste dbu ma rigs tshogs drug chos dbyings bstod pa la sogs pa'i
bstod tshogs/ mdo kun las btus pa/ gsang 'dus bskyed rim

mdo bsre dang mdor byas/ rdzogs rim rim pa lnga pa/ gsang 'dus
byang chub sems 'grel/ mkhas mchog sangs rgyas bskyangs kyi rtsa
she'i 'grel pa bud+ha pa li ta/ zla ba grags pa'i dbu ma 'jug pa/
de yi

rang 'grel/ gsang 'dus rtsa rgyud kyi 'grel pa sgron gsal/
'phags pa lha'i dbu ma bzhi brgya pa/ spyod bsdus sgron me/
'phags pa thogs med kyis dga' ldan nas gdan drangs pa'i rgyan
rnam pa gnyis/ 'byed rnam@331a @#/ /pa gnyis/ rgyud bla ma ste byams chos sde lnga/
mngon
pa kun btus te mngon pa gong ma/ mngon pa mdzod de mngon pa 'og
ma/ slob dpon yon tan 'od kyi 'dul ba mdo rtsa ba/ slob dpon
shAkya 'od kyi 'dul ba

sum brgya pa/ de yi 'grel pa 'od ldan/ dul ba lhas de yi 'grel
bshad/ dgra bcom pa sa ga lha'i 'dul ba me tog phreng rgyud/
slob dpon phyogs glang gi tshad ma mdo 'am tshad ma kun las btus/
dpal ldan chos

grags kyi rgyas pa rnam 'grel/ 'bring po rnam nges/ bsdus pa
rigs thig ste lus lta bu'i bstan bcos gsum/ gtan tshigs thigs pa/
'brel ba brtag pa/ rgyud gzhan sgrub pa/ rtsod rigs te

'phros pa yan lag lta bu'i bstan bcos bzhi ste tshad ma sde bdun
tshad ma mdo dang sbrags pa/ slob dpon seng ge bzang po'i 'grel
pa don gsal/ dpal ldan a ti sha'i byang chub lam sgron/ 'phags
pa

thogs med kyi byang sa/ mdo sde rgyan te sa rgyan gnyis/ rgyal
sras zhi ba lha'i bslab btus/ spyod 'jug gnyis te bslab spyod
gnyis/ slob dpon dpa' bo'i skyes rabs so bzhi pa dang/ dgra bcom
pa chos

skyobs kyis bka' bsdu mdzad pa'i ched du brjod pa'i tshoms dang
skyes tshoms gnyis te bka' gdams gzhung drug jo bo'i zhal 'don
thugs dam rim pa rnams phyogs gcig tu bsgrigs pa jo bo'i chos
chung brgya rtsa/

'jam dbyangs bstod pa gang blo ma/ chos rgyal dge ba'i dbang
po'i thub pa'i 'khrungs rabs dpag bsam 'khri shing/ kha che paN
chen shAkya shris mdzad pa'i bskal bzang rgyan phreng/ bla ma
lnga bcu pa/ sdom pa

@332b nyi shu pa/ klu sgrub dang dpa' bos mdzad pa'i rtsa ltung
dang sbom po'i ngos 'dzin/ grub chen dze ta ris mdzad pa'i 'chi
med rnga sgra'i mngon dkyil/ dpal dus kyi 'khor lo'i 'grel chen
dri med 'od/ slob

dpon a b+hya ka ra'i dkyil chog rdo rje phreng ba sogs phreng ba
skor gsum/ slob dpon rdo rje dril bu ba'i bskyed rim lus dkyil
sgrub thabs rgyas bsdus gnyis/ rdzogs rim dril bu rim lnga/ lU
hi pa'i sgrub thabs

che chung gnyis/ nag po ba'i bskyed rim ston pa gsum/ rdzogs rim
ston pa gsum ste nag po gzhung drug slob dpon a b+hya ka ras
mdzad pa'i sgrub thabs rgya mtsho'i rgya gzhung/ pa ri brgya
rtsa'i rgya gzhung

bstan 'gyur nang na med kyang a ti sha yi gsung rgyun yin pas
rgya gzhung dang 'dra ba snar thang brgya rtsa'i gzhung rnams
so// //! khams gsum 'gro ba'i bla ma 'jam dpal snying po yab
sras

brgyud pa dang bcas pa la phyag 'tshal lo/ /mdo sngags kyi rim pa
shin tu mang yang shar tsong kha pa blo bzang grags pa'i dpal
dang de yi rjes 'jug rnams kyis thugs nyams su bzhes shing/ rang
gis khrid lung

thob pa rnams kyi mtshan tho bkod pa ni/ khams gsum chos kyi
rgyal po tsong kha pa'i lam rim chen mo'i bshad lung/ rgyal ba
bsod nams rgya mtsho'i lam rim gser zhun ma'i khrid lung/ kun
mkhyen lnga pa'i 'jam

dpal zhal lung gi khrid/ rta phug pa drung pa rgyal tshab pa
brtson 'grus rgyal mtshan gyi sngon 'gro'i rim pa dang sbrags
pa'i lam rim bde lam gyi khrid/ paN chen blo bzang ye shes kyi
sngon 'gro dang bcas pa'i lam

@333a @#/ /rim myur lam gyi khrid lung/ 'jam dpal dbyangs nas rje
btsun tsong kha pa la brgyud pa'i lam gyi gtso bo rnam gsum gyi
khrid/ rtogs ldan 'jam dpal rgya mtsho dang/ ba so chos kyi rgyal
mtshan nas brgyud pa'i

dbu ma'i lta khrid/ dge ldan bka' brgyud phyag chen yang gsal
sgron ma'i khrid/ rgyal sras thogs med bzang po'i yi ge'i steng
nas blo sbyong don bdun ma'i khrid/ dge bshes glang thang pa'i
blo sbyong tshig rkang brgyad

ma'i khrid/ dge bshes khams lung gi blo sbyong thun brgyad ma'i
khrid/ paN chen blo bzang chos kyi rgyal mtshan gyi bla ma mchod
pa'i khrid/ yang des mdzad pa'i dmigs brtse ma'i bla ma'i rnal
'byor rigs gsum spyi

sgrub 'od 'bar ma'i khrid/ rgyal ba lnga pas mdzad pa'i dmigs
brtse ma'i rigs gsum spyi sgrub kyi khrid/ srad rgyud lugs kyi
bla ma'i rnal 'byor thun mong ma yin pa dga' ldan lha brgya ma'i
khrid/ de dang 'brel

ba'i 'pho khrid bka' rgya ma 'jam dbyangs bde ba'i rdo rjes
mdzad pa tshig bcad lhug gnyis ka'i khrid/ dpa' bo g.yul 'jug ma
dang 'brel bar mdzad pa de dang 'pho ba 'jag tshugs ma'i khrid/
paN chen blo

bzang chos kyi rgyal mtshan gyis mdzad pa'i byams pa'i rnal 'byor
gyi sgo nas 'pho ba gnas mchog dga' ldan ma'i khrid/ yang de yis
mdzad pa'i dpal rdo rje 'jigs byed kyi 'pho ba rje btsun blo
bzang bstan pas

kha bskang ba dang bcas pa'i khrid/ thams cad mkhyen pa dge 'dun
rgya mtsho'i yi ge'i steng nas nA ro chos drug gam nI gu chos
drug dang 'brel ba mkha' spyod ma dkar mo'i 'pho khrid zab mo
bka' rgya can rnams so/ /

@334b gcod dbang nam mkha'i sgo 'byed de dang sbrags te dben sa
pa'i gcod stan thog gcig ma'i khrid/ gcod thar 'dod ded dpon gyi
khrid/ sba ba grwa tshang gi mkhas pa 'jam dpal bshes gnyen gyi
skal

ldan 'jug ngogs che chung gi khrid lung/ gcod phul byung gser
phreng dang/ smon lam mtha' yas kyi gcod khrid bcas kyi lung/
yang sba ba grwa tshang gi ma gcig rkyang sgom dang bka' tshoms/
yang tshoms sogs

kyi lung/ paN chen blo bzang chos kyi rgyal mtshan nas brgyud
pa'i rdzogs rim dang 'brel ba'i gtum mo zhag bdun ma'i khrid/
gtum mo zhag gsum ma'i khrid/ rlung dzam b+hi ris khrid/ thams
cad mkhyen

pa dge 'dun rgya mtshos mdzad pa'i me tog bcud len gyi gdams pa
rim pa lnga pa la mkhar rdo bzod pa rgya mtshos kha bskang ba
dang bcas pa'i phyag len khrid dang bcas pa/ dben sa pa blo
bzang don grub kyi bka'

'bum las byung ba'i chu yi bcud len gyi khrid/ rde'u bcud len
tshan pa gsum gyi khrid rnams so/ /sngags kyi khrid ka ni/ dpal
ldan rgyud pa stod smad gnyis ka'i

phyag len ltar bla ma brgyud mchod sngon du btang nas gsang 'dus
'grel pa bzhi sbrags kyi bshad lung/ gsang 'dus rim lnga gsal
sgron gyi bshad lung/ bde mchog rtsa rgyud kyi 'grel pa sbas don
kun gsal gyi bshad

lung/ bskyed rim dngos grub rgya mtsho'i bshad lung/ 'jigs byed
bskyed rim chen mo'i bshad lung sogs sngags kyi gzhung bshad
skor dang/ skyong rgyu'i khrid dmigs skor dngos gzhi 'dus pa
'phags lugs kyi bskyed

@335a @#/ /rdzogs gnyis kyi khrid/ bde mchog lU hi pa'i bskyed
rdzogs gnyis kyi khrid/ bde mchog dril bu lus dkyil gyi bskyed
rdzogs gnyis kyi khrid/ bde mchog lha lnga'i bskyed rim rkyang
pa'i khrid/ rdo rje 'jigs byed

bcu gsum ma'i bskyed rim dang rdzogs rim rnal 'byor bzhi yi
khrid/ de dang 'brel ba zhi khro sbrags sgrub rgyas bsdus gnyis
ka'i khrid/ 'jigs byed bdud las rnam rgyal gyi bskyed rim rkyang
pa'i khrid/ de dang 'brel

ba rgya ra chos skyong gis mdzad pa'i zhi khro sbrags sgrub kyi
khrid/ lho brag mar pa'i nA ro chos drug rje tsong kha pa'i yid
ches gsum ldan gyi steng nas khrid/ dpal ldan shangs pa bka'
brgyud kyi nI gu chos drug gi dge

'dun rgya mtsho'i yi ge'i steng nas khrid/ grub thob gnyan tshem
bu lugs kyi thugs rje chen po'i tshem bu dmar khrid/ mkhas grub
dge legs dpal bzang dang/ paN chen chos rgyan gnyis kyi yi ge'i
steng nas

thun drug gi khrid/ mkhas grub khyung po'i ngag byin rlabs kyi
khrid/ sgom bde nam mkha' rgyal mtshan gyis mdzad pa'i gsang 'dus
dang 'brel ba'i ngag byin rlabs bka' rgya ma'i khrid/ dge 'dun
grub pa'i yi ge'i steng

nas grub rgyal lugs kyi tshe khrid/ dpal gsang ba 'dus pa dang
'brel ba'i tshe dpag med dkar po'i tshe khrid/ gsang 'dus dang
'brel ba sdig sgrib dag byed dam tshig rdo rje bzlas pa dang za
byed mkha' 'gro'i

sbyin sreg bya tshul gyi khrid/ rje btsun tsong pa chen po'i
thugs kyi nying khu rdzogs rim khrid chen brgyad du grags pa ni/
gsang 'dus 'phags lugs kyi rdzogs rim rim lnga/ gsang 'dus 'jam
rdor gyi rdzogs rim

@336b dga' ba bzhi'am thig le bzhi/ bde mchog lU hi pa'i rdzogs
rim rnal 'byor chen mo/ dril bu ba'i rdzogs rim rim lnga/ dpal
rdo rje 'jigs byed kyi rdzogs rim rnal 'byor bzhi/ phyag rdor
'khor chen gyi

rdzogs rim byin rlabs bzhi ldan/ rdzogs rim nA ro chos drug
dpal dus kyi 'khor lo'i rdzogs rim sbyor ba yan lag drug rnams
so// //! bka' gdams kyi mes po rgyal ba 'brom yab sras brgyud pa
dang

bcas pa la phyag 'tshal lo/ /bka' gdams rnying ma dpal ldan a ti
sha dang 'brom ston rgyal ba'i 'byung gnas yab sras gnyis kyi
ring lugs 'dzin pa rnams kyi chos skor bdag gis thob pa'i mtshan
tho ni/ bka'

gdams thig le bcu drug gi dbang bzhi byin rlabs kyi tshul du
bskur ba/ thig le bcu drug gi khrid/ bka' gdams lha bzhi ste
thub dbang/ spyan ras gzigs/ sgrol ma/ khro bo mi g.yo ba'i

chos drug dang bcas pa'i khrid/ bka' gdams pha chos le'u nyer
drug bu chos le'u nyer gnyis/ bka' gdams glegs bam/ las chen kun
rgyal ba'i bka' gdams chos 'byung/ nag tsho lo tsA ba'i bstod

pa brgyad cu pa/ jo bo'i rnam thar lam yig rgyas pa/ po to ba'i
dpe chos rtsa 'grel/ dge bshes dol pa rin po che'i be'u bum
sngon po rtsa 'grel/ po to ba'i chig lab ring mo/ bka' gdams
thor bu/

dge bshes glang ri thang pa'i blo sbyong tshig rkang brgyad ma/
sha bo sgang pa'i le brgyad ma/ khams lung pa'i thun brgyad ma/
bya 'chad kha ba'i blo sbyong don bdun ma de yi 'grel pa rgyal
sras dngul chu chos rdzong

@337a @#/ /pas mdzad pa/ lce sgom pa shes rab rdo rjes mdzad pa'i
man ngag rin chen spungs pa/ yang des mdzad pa'i dpe 'grel/ 'gro
mgon dpal ldan ye shes kyis mdzad pa'i dpe chos la mkho ba'i
gtam rgyud rin chen

phreng mdzes/ yang des mdzad pa'i blo sbyong snyan brgyud chen
mo/ sems dpa' chen po gzhon nu rgyal mchog gis mdzad pa'i blo
sbyong legs bshad kun 'dus/ yang des bsgrigs pa'i blo sbyong
brgya rtsa blo sbyong rnams phyogs

gcig tu bsgrigs pa tshan pa bcu bdun ni/ gser gling pa'i blo
sbyong sems pa'i rim pa rtog pa 'bur 'joms/ gyes sgom rdo rje'i
glu/ blo sbyong kun tu bzang po/ blo sbyong thun brgyad ma/ blo
sbyong lhan

thabs bzhi ma/ blo sbyong mtshon cha 'khor lo/ blo sbyong rma bya
dug 'joms/ blo sbyong gtsug gi nor bu/ gsang sngags blo sbyong/
paN chen shAkya shrI'i skyid sdug lam khyer/ sum pa lo tsA
ba'i blo sbyong snyan

brgyud/ 'bir wa pa'i mnyam nyid snying rje'i rnal 'byor/ theg pa
chen po'i 'khon sbyong ba'i man ngag blo sbyong bla ma'i rnal
'byor/ blo sbyong tshig rkang brgyad ma/ rje btsun 'jam dpal
dbyangs kyis sa chen kun

dga' snying po la gsang ba'i blo sbyong zhen pa bzhi bral rnams
so/ /rje tsong kha pas tshal gung thang dbus gling na mdzad pa'i
blo sbyong tshigs bcad ma/ rje yi dngos slob byang sems rwa
sgreng pas mdzad pa'i blo

sbyong snyan brgyud/ rje yi dngos slob hor ston nam mkha' dpal
gyis mdzad pa blo sbyong nyi ma'i 'od zer/ 'di ni blo sbyong
thams cad kyi mchog tu bsngags so/ /spyan snga blo gros rgyal
mtshan gyis mdzad pa'i thog ma'i blo sbyong/

@338b thams cad mkhyen pa dge 'dun grub kyis mdzad pa'i theg
chen blo sbyong rgyas bsdus gnyis rnams so/ /shar tsong kha pa
blo bzang grags pa'i dpal gyi ring lugs 'dzin pa

rnams kyis gsan dgos dang/ rang gis phal cher thob pa'i gsung
'bum rnams kyis mtshan tho bkod pa ni/ rgyal ba tsong kha pa'i
gsung 'bum bkra shis lhun po'i par ma ltar na pod bco brgyad/
bka' rgya ma gcig dang

pod bcu dgu/ rgyal tshab dar ma rin chen gyi gsung 'bum pod lnga
la lung yod pa gsum/ mkhas grub dge legs dpal bzang gi gsung
'bum pod drug la lung yod pa bzhi/ 'dul 'dzin pa'i gsung 'bum

pod gcig la de yi phyed tsam gyi lung yod/ rje shes rab seng
ge'i gsung 'bum 'dul ba rnam 'grel sogs pod gcig yod kyang lung
med/ rgyal ba dge 'dun grub kyi gsung 'bum pod lnga phal cher
gyi lung

yod/ rgyal ba dge 'dun rgya mtsho'i gsung 'bum pod bzhi 'di tshang
ma'i lung yod/ rgyal ba bsod nams rgya mtsho'i gsung 'bum pod
gcig la lam khrid gser zhun ma gtogs lung med/ rgyal ba yon tan
rgya mtsho'i

gsung rigs med/ rgyal ba lnga pa chen po'i gsung khyon bsgrigs
pod nyer bzhi 'di tshang ma'i lung yod/ rgyal ba tshangs dbyangs
rgya mtsho'i gsung shog che chung sum cu skor la lung yod pa ja
mchod pad dkar ltar bsngags pa ma

gtogs lung med/ rgyal ba blo bzang bskal bzang rgya mtsho'i gsung
'bum/ de yi rnam thar lcang skyas brtsams pa gcig dang bcas pod
brgyad yod pa'i pod dang po nas bzung drug gi phyed dang bdun
gyi phyed dang rnam

@339a @#/ /thar bcas pa'i lung tshang ma yod/ gtsang gi dben sa
bka' brgyud kyi phyogs ni/ mkhas grub dge legs dpal bzang po'i
sku mched ba so chos kyi rgyal mtshan gyi gsung

'bum pod gcig la dbu ma'i lta khrid rgyas bsdus gsum ma gtogs
lung med/ dben sa pa blo bzang don grub kyi bka' 'bum pod gcig
mkhas grub sangs rgyas ye shes kyi bka' 'bum pod gcig /paN chen

blo bzang chos kyi rgyal mtshan gyi gsung 'bum bka' rgya ma dang
bcas pod lnga/ gsung 'bum gong ma 'di gsum ga'i lung tshang ma
yod/ paN chen blo bzang ye shes kyi gsung 'bum pod bdun/ sngags
chen dkon

mchog rgyal mtshan gyi gsung 'bum pod gcig 'di yi thub pa dam
tshig gsum bkod sogs 'ga' zhig gi lung yod/ skyid shod sprul sku
gong ma blo bzang bstan 'dzin rgya mtsho/ 'og ma ngag dbang bstan
'dzin 'phrin

las gnyis kyi so so'i gsung 'bum pod re 'di tshang ma'i lung yod/
sman khang pa'i gsung 'bum pod gcig 'di tshang ma'i lung yod/
mkhar rdo bzod pa rgya mtsho'i gsung 'bum pod gcig 'di yi bla ma
mchod pa'i

Ti ka/ gcod rgyas bsdus/ me tog bcud len ma gtogs lung med/ rje
byams pa'i mtshan can gyi gsung 'bum pod gsum 'di tshang ma'i lung
yod/ thang sag pa dngos grub rgya mtsho'i dpal gsang ba 'dus pa
dang/

'jigs byed bcu gsum ma gnyis kyi bskyed rdzogs bka' rgya ma nag
'gros su bkod pa rgyud chen dkon mchog yar 'phel gyi gsung zin
bris 'khrul med 'di tshang ma'i lung yod/

@340b mkhas grub smra ba'i nyi ma dge legs dpal bzang gi slob ma
spyan snga blo gros rgyal mtshan nam rgya ma blo gros rgyal mtshan
zhes pa 'di lo sems pa'i sku skye'i grangs su bzhugs pa'i bde mo
thang pa blo gros rgyal mtshan gnyis nor dogs yod/

de yi gsum 'bum gcig 'di tshang ma'i lung yod/ 'jam dbyangs legs
pa chos 'byor ram 'jam dbyangs dga' blo'i gsung 'bum pod gnyis
yod kyang lung med/ paN chen bsod nams grags pa'i gsung

'bum pod bzhi yi gsang 'dus bskyed rdzogs gnyis ma gtogs lung
med/ se ra kun mkhyen pa'i dbu ma/ gnyal ston dpal 'byor pa'i
drang nges rnam 'byed/ legs bshad snying po'i dka' 'grel chen
mo/

rje btsun chos kyi rgyal mtshan gyi dbu ma phar phyin rnam 'grel
go lan shak lan/ kar lan klu sgrub dgongs rgyan dang bcas pa
khyon dril pod gsum yod kyang lung med/ sgom bde nam mkha' rgyal
mtshan gyi gsung

'bum pod gnyis la 'jigs byed bskyed rdzogs rig 'dzin kun dA'i
dga' ston ma gtogs lung med/ 'jam dbyangs bzhad pa'i rdo rje'i
gsung 'bum pod bdun la

gsung thor bu pod gcig ma gtogs lung med/ 'jam dbyangs bzhad
sprul 'jigs med dbang po'i gsung 'bum pod bcu/ lcang skya gong
ma ngag dbang blo bzang chos ldan gyi gsung 'bum pod lnga 'di
tshang ma'i

lung yod/ lcang skya sku 'og ma ye shes bstan sgron nam rol pa'i
rdo rje'i gsung 'bum pod bdun 'di tshang ma'i lung yod/ chos
rgyal srong btsan sgam po'i ma Ni bka' 'bum stod cha smad cha 
@341a @#/ /bsdoms pa pod gcig lho brag mar pa'i rnam mgur bsdoms
pa/ rje btsun mi la bzhad pa rdo rje'i mgur 'bum stod cha smad
cha bsdoms pa pod gcig ma gcig lab kyi sgron ma'i gcod skor la/
bka' tshoms/

yang tshoms/ le lag brgyad ma/ gcod gzhung rnam bshad chen mo/
'di yi lung med/ snar thang pa grags pa dpal ldan nam 'dul dkar
ba'i gcod khrid

phul byung gser phreng/ smon lam mtha' yas pa'i gcod khrid/ sba
ba grwa tshang gi gcod khrid skal ldan 'jug ngogs che chung/ ma
gcig rkyang sgom/ dbus stod sba ba grwa tshang gi thun mong ma
yin pa'i gcod khrid de

yi dbang bskur tshul/ gcod thar 'dod ded dpon/ gcod stan thog
gcig ma/ khri rgya nag pa'i sprul sku'i gcod khrid le tshan bcas
pa'o/ /rjes gnang spyi bka'/ sgrub thabs rgya mtsho/ ba ri brgya
rtsa/

snar thang brgya rtsa/ rin 'byung sogs gzhan yang 'jam dbyangs
chos skor/ jo lugs sgrol ma nyer gcig mgon chen bcu gsum/ rnam
sras bka' chen bco lnga rnams so/ /zur ka'i rjes gnang ni yi
dam/

sangs rgyas/ byang sems/ khro bo/ khro mo/ bstan srung dam can
rgya mtsho rnams kyi thun mong ba dang/ thun mong ma yin pa'i
rjes gnang mtha' yas pa bzhugs pas/ de dag phal cher dgos pa
chung bas 'dir

ma bkod do/ /zha lu'am khro phu bu ston rin chen grub kyi gsung
'bum pod bcu drug gi bstan pa spyi yi chos 'byung/ bde gsang dus
'khor sogs sngags

@342b phyogs skor dang/ 'dul ba'i las chog bcas kyi lung yod/
kha che paN chen gyi gsung bzhin bkod pa'i khro phu lo tsA ba'i
'jam dkar sgrub thabs las tshogs dang bcas pa/ rgya ston gyi 'jam
dkar sgrub thabs

skor/ 'jam dbyangs bzhad pa'i 'jam dkar sgrub thabs skor/
dbyangs can ma dkar mo'i sgrub thabs las tshogs skor/ 'jam
dbyangs smon lam dpal ba dang/ bsam yas pa tshul khrims blo gros/
'jam dbyangs bzhad

pa sogs kyis mdzad pa ste le tshan gsum/ 'jam dbyangs smra seng
sgrub thabs las tshogs skor/ ka ma la shi la/ dam pa rgya gar/
padma gu ru/ sman lung pa blo mchog rdo rje/ sgrub khang pa dpal
ldan don grub sogs

kyis mdzad pa ste le tshan lnga/ de yi dpe ris dang bcas pa/ 'di
gsum phal cher gyi lung yod/ lho brag grub chen nam mkha' rgyal
mtshan nam las kyi rdo rje'i bka'

'bum lho brag snyan brgyud du grags pa'i dbang lung/ rwa lo tsA
ba rdo rje grags kyi 'jigs byed chos skor rwa pod po ti gcig
'bri gung dpal 'dzin gyi 'jigs byed chos skor dpal pod po ti
gcig mgon po

phyag drug pa'i be'u bum mkhas grub pas zhu dag mdzad pa pod
gcig thams cad mkhyen pa bsod nams rgya mtsho'i slob ma bsod nams
ye shes dbang pos mdzad pa'i phyag drug pa'i las gsum rnam gzhag
dam can

chos kyi rgyal po'i las gsum rnam gzhag ni/ mkhas grub dge legs
dpal bzang dang/ stod lung chos bzang ba sher 'byung blo gros
dang/ bla ma 'jam dbyangs bde ba'i sogs kyis mdzad pa ste le
tshan gsum/

@343a @#/ /chos rgyal yang gsang dug ri nag po'i las gsum rnam
gzhag sogs chos skor/ dpal ldan lha mo dmag zor ma'i las gsum
rnam gzhag rgyas pa dang/ bsdus pa dang/ rdo rje beg tse lcam
sring gi be'u bum dang/

paN chen chos kyi rgyal mtshan gyis mdzad pa lcam sring gi las
gsum rnam gzhag bcas pa/ dpal mgon zhal bzhi pa'i be'u bum dpe
ris dang bcas dang/ rgyal po chen po rnam thos sras kyi be'u bum
dpe ris dang

bcas pa'o/ /rje byams pa'i mtshan can gyis rgyun par bka' chos
gnas tshul rags rim dang/ de dag las bdag gis thob tshul mtshan tho
dad pa 'phel phyir bkod pa'o/ /bka' gdams

bstan pa'i sgron me rje btsun phur bu lcog pa chen po ngag dbang
byams pa'i dpal gyis dgung lo sum cu so lnga nas/ dgung lo
brgyad cu'i bar la/ lo bzhi bcu zhe lnga skor lo re bzhin lam
rim 'jam dpal zhal

lung gi khrid dpyid dus zla ba re dang/ yang ston dus lam rim
bde lam gyi khrid/ bde gsang 'jigs gsum gyi bskyed rdzogs/ gcod
dbang/ gcod khrid/ sa ga zla ba'i snyung gnas dang sbrags nas
thugs

rje chen po'i dbang chen nam rjes gnang/ mkha' 'gro lnga skor
gyi dpal mo lugs gang rung re ma chags par gnang ngo/ /bka' chos
thor bu gnang ba ni/ lam rim chen mo'i bshad lung/ gsang 'dus
rgyud Tik 'grel pa

bzhi sbrags/ rim lnga gsal sgron gyi bshad lung/ dril bu lus
dkyil gyi bskyed rdzogs khrid sogs mtha' yas pa gnang ba las/
bdag dge slong ngag dbang blo bzang gis lo nyi shu bar du brten
te rim bzhin thob

@344b pa ni/ lam rim 'jam dpal zhal lung gi khrid rgyas pa tshar
bdun/ lam rim bde lam gyi khrid rgyas pa tshar lnga/ 'di yi sngon
'gro rta phug pas mdzad pa'i lung/ smyung gnas gso sbyong tshar
bco lnga/ gcod dbang

khrid tshar gsum/ gcod khrid skal ldan 'jug ngogs che chung/ ma
gcig rkyang sgom/ sba ba grwa tshang gi gcod khrid bcas kyi lung/
paN chen blo bzang ye shes kyis mdzad pa'i lam rim myur lam
dang/ de yi bdud

rtsi 'bebs sbyang zur du khrid pa dang/ lam rim gser zhun ma
bcas kyi lung/ bla ma mchod pa'i khrid rgyas pa/ be'u bum sngon
po/ blo sbyong mtshon cha 'khor lo/ spyan snga ba'i thog ma'i blo
sbyong/ gzhi gsum cho ga

'dul ba gnam rtsed lding ma/ chos spyod rab gsal gyi smon lam
gang yod/ mdo sdud pa/ 'jam dpal mtshan brjod/ sman bla'i rjes
gnang dang sman bla'i cho ga bsdus pa/ sgrol ma shes rab snying
po bcas

kyi lung thob/ rje btsun tsong kha pa chen po'i rtsa she'i Tik
chen rigs pa'i rgya mtsho/ 'jug pa'i Tik chen dgongs pa rab gsal/
rje byams pa nyid kyi gsung 'bum glegs bam gsum bcas kyi lung
thob/ sngags kyi

skor ni/ kun rig gi dbang chen/ bcu gcig zhal gyi dbang tshar
gsum/ mi 'khrugs pa lha bcu gsum gyi dbang chen/ thugs rje chen
po mkha' 'gro lnga skor gyi rjes gnang/ tshe dbang grub rgyal ma/
rta mgrin skyer

sgang lugs kyi rjes gnang/ snar thang brgya rtsa'i nang gi gdugs
dkar rjes gnang/ rgyal ba lnga pa'i yi dam sgrub skor nang gi
'jam dbyangs dkar po'i rjes gnang/ rgyal ba lnga pa'i dmigs
brtse ma'i rigs gsum

@345a @#/ /spyi sgrub kyi khrid rgyas pa lan gcig srad rgyud pa'i
khrid rgyun ltar du 'jigs byed bcu gsum ma'i bskyed rdzogs kyi
khrid lan lnga/ gsang ba 'dus pa'i bskyed rdzogs kyi khrid lan
gsum/ 'jam dbyangs bde ba'i rdo

rje'i khrid rgyun ltar bde mchog lU hi pa'i bskyed rdzogs kyi
khrid lan gsum/ 'pho khrid dpa' bo g.yul 'jug ma dang yang 'jag
tshugs ma'i khrid/ brgya rtsa 'byung bzhi klu gtor bcas kyi phyag
khrid/

bka' drin mnyam med paN chen thams cad mkhyen pa dpal ldan ye
shes kyi drung nas dang po'i sangs rgyas dpal dus kyi 'khor lo'i
sku gsung thugs yongs rdzogs kyi dbang chen/ dpal dus kyi 'khor
lo'i bla

ma'i rnal 'byor/ byang sham b+ha lar skye ba'i smon lam 'di lan
gnyis/ bde mchog lU hi pa'i sgrub thabs kyi lung/ bde mchog
dril bu lus dkyil gyi bskyed rdzogs kyi khrid/ tsong kha pa'i
bla ma'i rnal 'byor 'od

'bar ma'i steng nas rigs gsum spyi sgrub/ lam gyi gtso bo rnam
gsum gyi khrid/ lam rim bsdus don nam nyams mgur gyi lung/ byang
chub lam rim/ byang chub lam sgron gyi bshad lung bcas thob/ ba
so ba'i

dbu ma'i lta khrid/ thams cad mkhyen pa blo bzang bskal bzang
rgya mtshos sku tshe hril po chos phran tshegs gsungs pa bor nas
rgya che ba ji snyed gsungs pa'i mtshan tho bdag gis de dag gi
nang nas

ji tsam zhig dngos su thob pa'i mtshan tho dad pa 'phel phyir
bkod pa'o/ phyag na pad dkar 'dzin pa thams cad mkhyen pa blo
bzang bskal bzang rgya mtsho de nyid/ mgar thar nas yul dbus pho
brang chen po po ta lar ma phebs

@346b gong du bka' chos phran tshegs ma gtogs ma gnang la khri la
brtan 'jags bzhugs pa dgung lo nyer dgu bzhes pa me 'brug nas/
zhing phebs pa me glang ste lo nyi shu'i khongs su dam pa'i chos
kyi char 'bebs

par mdzad pa ni/ mkhas 'dod sgra spyi tsam du ma song ba myong
thog nas mdo sngags gang bshad kyang/ don gyi ngo bo gsal la
'brel ba/ gol sa rigs pas mtha' chod pa/ gang dka' ba'i gnad
rnams zhib bshad

mdzad pa/ zer sgros dang zur za nyung ba/ bshad don nyams len la
lag tu blang bde ba 'chad par mdzad pa'i rags rim rgya che rnams
brjod na/ zhu ba po snga ma nyag re sprul sku blo bzang rnam
rgyal/ phyi ma sngags

pa bla ma blo bzang chos 'phel gyis zhus nas lam rim chen mo'i
bshad lung mchan dang sbrags pa tshar gnyis/ lam rim 'jam dpal
zhal lung gi khrid tshar gnyis/ lam rim bde lam khrid tshar gcig
dwags

po dge bshes blo bzang sbyin pas zhus ngor drang nges rnam 'byed
legs bshad snying po'i bshad lung tshar gcig /zhu ba po snga ma
sngags zur blo bzang chos 'phel dang phyi ma 'jam dbyangs bzhad
sprul gyis zhus

nas/ dpal gsang ba 'dus pa'i rgyud Tik 'grel ba bzhi sbrags kyi
bshad lung tshar gnyis/ phal kha manydzu shrIs zhus nas bde
mchog rgyud 'grel sbas don kun gsal gyi bshad lung tshar gcig bde
mchog lU hi

pa'i bskyed rdzogs tshar gcig gsang 'dus bskyed rdzogs kyi khrid
tshar gnyis/ khri don grub rgya mtsho'i sprul sku sogs kyi zhus
ngor 'jigs byed bcu gsum ma'i bskyed rdzogs tshar gnyis/ bde
'byor dpon slob ngag

@347a @#/ /dbang don grub sogs kyis zhus nas rgyal sras zhi ba
lha'i bslab pa kun btus kyi lung/ thogs med kyi byang sa'i lung/
thogs med kyi mngon pa kun btus kyi lung/ jo bo'i chos chung
brgya rtsa'i lung dbu

ma rigs tshogs drug gi lung/ rwa ba stod pas zhus nas tshad ma sde
bdun gyi lung/ gzhan gyis zhus nas mdo mdzangs blun/ sgrub thabs
brgya rtsa dang/ ba ri brgya rtsa'i lung/ phreng ba skor gsum
gyi lung/

gsang 'dus mdo bsre mdor byas/ rim lnga gsal sgron rtsa ba/ klu
byang gi rnam gzhag rim pa/ dril bu rim lnga rtsa ba rnams kyi
lung/ bka' gdams pha chos de nang du gtogs pa'i rnam thar rgyas
pa dang/

nag tsho'i bstod pa brgyad cu sogs le tshan thams cad dang/ bka'
gdams bu chos dang bcas pa'i lung/ rta tshag rje drung blo bzang
dpal ldan sogs kyis zhus nas/ rgyal ba tsong kha pa'i gsung 'bum


glegs bam bco lnga/ yang bskyar du Tik chen dgongs pa rab gsal
dang/ rgyal tshab dar ma rin chen gyi mngon pa kun btus dar Tik/
mkhas grub dge legs dpal bzang gi dbu ma stong thun bskal bzang

mig 'byed bcas kyi lung/ rje dge 'dun rgya mtsho'i gsung 'bum
glegs bam bzhi/ rje thams cad mkhyen pa rang nyid kyi gsung 'bum
glegs bam lnga dang/ bum gter sba thabs khri chen ngag dbang
mchog

ldan gyis mdzad pa rnams kyi lung/ dbang chen skor ni/ rgyud
stod smad gnyis kyis rim bzhin snga phyir zhus nas dpal gsang ba
'dus pa'i dbang chen tshar gnyis/ bde mchog

@348b lU hi pa'i dbang chen tshar gsum/ 'jigs byed bcu gsum ma'i
dbang chen tshar gnyis/ 'jigs byed bdud las rnam rgyal gyi dbang
chen tshar gsum/ zhu ba po paN chen sprul pa'i sku dang/ am dkar
zhabs drung

sogs kyis snga phyi rim bzhin zhus nas dpal dus kyi 'khor lo'i
sku gsung thugs yongs rdzogs kyi dbang chen tshar gnyis/ de yi
sgrub dkyil gyi lung/ rdo rje 'phreng ba dbang chen bzhi bcu zhe
lnga pa zhu ba po paN

chen sprul pa'i sku dang/ zhabs drung dkar po sogs kyis zhus nas
snga phyi lan gnyis gnang/ zhu ba po paN chen sprul pa'i skus
mdzad de mi tra dzo ki'i lugs kyi rgyud sde bzhi yi dbang chen
brgya dang bcu lan gcig

gnang/ 'di yi dkyil 'khor zhe lnga rdor 'phreng dang 'dra bas
rdor phreng thob na des go chod pa mdzad nas/ lhag par dkyil
'khor drug cu re drug gam re lnga las ma bskur ba 'dug mi tra
brgya rtsa de nas zur du phyung ba'i/ thugs rje chen po spyan
ras

gzigs rgyal ba rgya mtsho'i dbang chen dang/ 'jam dkar lha lnga'i
dbang chen tshar re/ phyag rdor 'khor chen gyi dbang chen tshar
gcig /tshe dpag lha dgu'i dbang chen tshar gsum/ bcu gcig zhal gyi
dbang chen

tshar gsum/ dpal mo lugs mkha' 'gro lnga skor gyi rjes gnang tshar
gsum/ 'jam dbyangs chos skor gyi rjes gnang/ sgrol ma nyer gcig
gi rjes gnang/ mgon chen bcu gsum gyi rjes gnang/ rnam sras

bka' chen bco lnga'i rjes gnang/ ba ri brgya rtsa/ sgrub thabs
brgya rtsa/ snar thang brgya rtsa rnams kyi rjes gnang/ de ltar
lo nyi shu'i khongs su rgyun chad med par gnang ba las bdag dge
slong ngag dbang blo bzang

@349a @#/ /gis lo bco lnga'i ring 'dus tshogs shin tu mang po dang
lhan cig phyin te snga phyir thob pa ni/ lam rim chen mo'i bshad
lung tshar gcig smon sems cho gas len tshul tshar gsum/ 'jug pa'i
Tik chen dgongs pa

rab gsal gyi lung/ mkhas grub rje'i dbu ma stong thun bskal
bzang mig 'byed kyi lung/ thogs med kyi mngon pa kun btus kyi
lung/ de yi 'grel pa kun btus dar Tik gi lung/ bka' gdams gzhung
drug

gi nang tshan byang sa'i lung/ dbu ma rigs tshogs drug gi lung/ jo
bo'i chos chung brgya rtsa'i lung/ pha chos dang de yi pod nang
du le tshan mang du yod pa thams cad dang/ bka' gdams bu chos
gnyis kyi lung/ mdo

sde mdzangs blun gyi lung/ dbang chen skor ni/ dpal gsang ba
'dus pa'i dbang chen/ bde mchog lU hi pa'i dbang chen/ dpal dus
kyi 'khor lo'i sku gsung thugs yongs rdzogs kyi dbang chen/ de
yi sgrub thabs

pad dkar zhal lung gi lung/ rdo rje phreng ba dkyil 'khor bzhi
bcu zhe lnga'i dbang chen/ mi tra nas byung ba'i 'jam dbyangs
lha lnga'i dbang chen sman bla mtho brtsegs kyi rjes gnang/ gnas
brtan bcu drug gi rjes

gnang/ chos rgyal ma gtogs pa'i 'jam dbyangs chos skor rjes
gnang/ dga' ldan lha brgya ma'i khrid nyid kyis mdzad pa'i yi
ge'i steng nas gnang/ 'jigs byed bcu gsum ma'i bskyed rdzogs kyi
khrid/ dpal

gsang ba 'dus pa'i 'grel pa bzhi sbrags kyi bshad lung/ gsang
'dus rgya gzhung klu sgrub kyis mdzad pa'i mdo bsre mdor byas/
rim lnga/ slob dpon klu byang gi gsang 'dus bskyed rim bstan pa
rnam gzhag rim pa/

@350b grub chen dril bu ba'i bde mchog rdzogs rim rim lnga bcas
kyi lung/ thams cad mkhyen pa dge 'dun rgya mtsho'i gsung 'bum
glegs bam bzhi/ thams cad mkhyen pa rang nyid kyi gsung 'bum
glegs bam lnga/ bum

gter sba thabs bcas kyi lung rnams thob/ rje grub pa'i dbang
phyug lcang skya rol pa'i rdo rje bod yul du phebs skabs/ bka'
chos thob pa'i mtshan tho dad pa 'phel phyir bkod pa'o/ /'dzam
gling shar phyogs mi

dbang gtsug gi rgyan gyur lcang skya ye shes bstan sgron nam/
gsang mtshan rol pa'i rdo rje las/ bdag dge slong ngag dbang blo
bzang gis cung zad thob pa ni/ rgyud sde bzhi yi gnyis pa rnam
snang mngon byang gi dbang

chen/ bde mchog lU hi pa'i dbang chen/ bde mchog dril bu lus
dkyil gyi dbang chen/ 'jigs byed bdud las rnam rgyal gyi dbang
chen/ de yi bskyed rim gyi khrid/ de dang 'brel ba zhi khro
sbrags sgrub thun mong

ma yin pa'i khrid dang bcas pa thob/ rdzogs rim khrid chen
brgyad ni/ 'dus pa 'phags lugs kyi rim lnga/ gsang 'dus ye shes
zhabs lugs kyi thig le bzhi'am dga' ba

bzhi/ bde mchog lU hi pa'i rdzogs rim rnal 'byor chen po/ bde
mchog dril bu ba'i lus dkyil rdzogs rim rim lnga/ phyag rdor
'khor chen gyi rdzogs rim byin rlabs bzhi ldan/ 'jigs byed gang
yang rung ba la

sbyar chog pa'i rdzogs rim rnal 'byor bzhi/ dpal dus kyi 'khor
lo'i rdzogs rim sbyor ba yan lag drug bla med spyi la sbyar chog
pa'i rdzogs rim nA ro chos drug ste rdzogs rim khrid chen
brgyad/ dam tshig sdom pa dag
@351a @#/ /par byed pa thun drug gi rnal 'byor gyi khrid/ spyan
ras gzigs dbang las dngos su gsan pa grub thob gnyan tshem bu
ba'i tshem bu dmar khrid/ rnal 'byor gyi dbang phyug 'ba' ra ba
nas brgyud pa'i grub rgyal lugs kyi

tshe khrid/ 'di yi brgyud tshul dang khrid yig mang du yod kyang
rgyal ba dge 'dun grub kyis khrid yig steng nas khrid chog glang
ri thang pa'i blo sbyong gi khrid/ ba so chos kyi rgyal mtshan
gyi dbu ma'i lta khrid/ lam rim nyams mgur gyi lung

bshad rnams thob/ nyag re sprul sku bskal bzang thub bstan gyis
zhus pa'i bla ma nyid nas mdzad pa'i bla ma'i rnal 'byor bla med
kyi rdzogs rim dang 'brel ba'i khrid rgyas pa yang thob/ ces pa
'di ni klong rdol bla ma ngag

dbang blo bzang gis bris pa'o/ /

@352b