@685a @#/ / sa rmi ltas sna tshogs brtag thabs bzhugs so// //

@686b

@687a @#/ /bla ma skyabs gsum kun 'dus gtsug gis bsten/ /ma gcig
zab mo gcod kyi dmigs 'bum las/ /gsungs pa ji bzhin 'dir ni
mtshan lam gyi/ /'bras bu bzang ngan kun gyi rnam dbye bstan/
/nad kyis

gdung par gyur dang sdug bsngal dang/ /shes pa 'khrugs dus ma
yin legs par brtag /nam gyi mtshan mo thun gyi gsum cha bgos/
/srod kyi gsum cha snga ma'i bag chags yin/ /gung gi gsum cha
bdud srin cho

'phrul yin/ /tho rangs gsum cha phyis 'byung gsal byed yin/ /de
yang srod la 'byung rnams phal cher ni/ /sngar byas las dang
zhen pa gnas dang grogs/ /zas dang gleng brjod nye du mdun grogs
sogs/ /nyin mo

gsum tshun de yi bag chags 'byung/ /khyad par sems la chags pa'i
bya ba yin/ /bag chags byung bas de nyid yang yang rmis/ /la la
tshe rabs sngon ma'i byed pa yin/ /de la nges bzung mi 'grub sna
tshogs 'byung/ /

nam gyi gung thun gsum cha'i dus tshod la/ /'dre dang srin po lha
min bdud la sogs/ /rgyu ba'i phyir na bzang ngan ci byung yang/
/de rnams rtse gcig 'khrug pa'i cho 'phrul yin/ /de la nges
bzung med par mkhas

pas bshad/ /tho rangs kha yin nam gyi gsum cha la/ /bzang ngan
'bras

@688b bu 'byung phyir brtag pa gces/ /ri bo mthon po'i rtse la
'dzegs pa rmi/ /de tshe rang nyid chen po'i sa thob 'gyur/ /nyi
ma sprin med shar na bde skyid 'byung/ /lo tog 'bru dang rtsi
bcud rgyas pa dang/ /zas gos rnyed dang

gter la longs spyod pa/ /'di dag rmis tshe nges par 'bru nor
'byung/ /gos bzang gyon rmi gzhan gyis bsngags shing bkur/ /go
cha gyon rmi nad dang gdon mi tshugs/ /zhwa bzang gyon rmi bla ma
dpon la bzang/ /khang

bzang 'dug na bkra shis dge mtshan 'byung/ /lag na mtshon khyer
pha rol dgras mi gnod/ /rgyan gyis brgyan na snyan grags ngo so
yod/ /chu bo brgal na pha rol bde bar slebs/ /de ni mchog tu
bzang bas ci

bsam 'grub/ /rol mo rnga chen dung sogs bud cing brdung/ /de tshe
nges par sa steng snyan grags 'gyur/ /seng ge stag dang gyi ling
'brug la sogs/ /zhon nas gyen rgyug mthon po'i sa thob 'gyur/
/nor rnyed pa

dang gzhan gyis bkur ba sogs/ /khri la 'dug na dpal 'byor srid
'phel lo/ /ro zhim chu 'thung tshe ring shis par 'gyur/ /mdor na
sdug pa'i gzugs dang ro ldan zas/ /snyan pa'i gtam dang mthun
grogs

'phrad pa dang/ /legs pa'i bya ba ji ltar rmi 'gyur zhing/ /sad
tshe sems bde dga' bas yid g.yo na/ /de tshe nges par dga' ba'i
'bras bu 'byin/ /bkra shis tshe ring nad med nor 'phel 'gyur/
/chos pa

'ga' zhig rnal 'byor brtson pa'i tshe/ /yang yang g.yang du
lhung ba mthong ba dang/ /mtho dman gyen bken can du 'gro ba
dang/ /lam 'phrang shin tu dog par zhugs pa dang/ /mya ngam yi
mug 'jigs pa'i

@689a @#/ /phyogs 'gro rmi/ /de ni rang nyid mtho ris thar pa la/
/'gro ba'i las kyi sgrib pa'i rgyu mthun yin/ /bcom ldan 'das
kyis mdo las de skad gsungs/ /bu yug 'tshub dang 'dam rdzab brgal
zhing bying/ /mi gtsang

sar rgyug dri can gos gyon sogs/ /mi gtsang 'gos dang mi gtsang
'bag pa dang/ /grib dang mi gtsang rnyed pa 'byung ba yin/ /gser
gyi bye ma mang du longs spyod dang/ /rta bong sga med zhon dang
gcer bu sogs/ /

sngar bsam las la bshol ba'i phyi thal yin/ /gos gyon gong ba
med pa ngu ba dang/ /zhwa med me long blta dang gung seng 'gro/
/de ni mya ngan 'byung ba'i rmi lam yin/ /gos hrul gyon dang mi
gtsang za dang 'thung/

lus la srog chags 'byar dang spyang ki sogs/ /srog chags kyis
bzung bro nad 'byung bar bshad/ /nas yos sran ma snod stong mang
po'i tshogs/ mda' dang gzhu yi dum bu rmi ba sogs/ /myur du mi
kha 'byung ba'i rmi

lam yin/ lus la mda' mtshon zug dang dmag gis ded/ /sha 'od me
'thor thog ser 'bab pa dang/ /dong du 'gro sogs gzhan gyi phur
kha gnod/ /lus bcings pa dang sa 'og 'gro ba dang/ /btson du
bzung

zhing mgo lus chod pa rnams/ /rbad 'dre gnod dang mnan gtang
byung ba yin/ /gcer bu bong zhon lho phyogs 'gro ba dang/ /me
tog dmar po sha stag rmi ba sogs/ /tshe yi bar chad 'byung ba'i
snga ltas yin/ /

gzhan yang mi hreng dkar dang bya dkar lding/ /gangs ri la sogs
lha yi cho 'phrul yin/ /lha khang rnying pa lder tsho zhig pa
dang/ /wa dang bu chung la sogs 'gong po yin/ /sbrul dang sbal
pa sa bdag sna tshogs dang/ /bu mo

@690b sngo bsang ne'u sing la sogs pa/ /rmis tshe de ni klu yi
cho 'phrul yin/ /brag dang rtsi shing rta pa dmag mi sogs/ /rmis
tshe de ni btsan gyi cho 'phrul yin/ /byis pa thal mdog rmad du
byung ba dang/ /brag rong la sogs

thi'u rang cho 'phrul yin/ /ban de bong bu spre 'u byi la rta/
/khyi sogs rmis tshe rgyal po'i cho 'phrul yin/ /de rnams zas
ster mthun par smra ba dang/ /rgod cing blta ba dga' ba'i mtshan
mar 'gyur/ /'jigs

pa'i gzugs ston sdig cing khro ba sogs/ /mi dge'i mtshan ltas yin
zhes mkhas pas gsungs/ /bag chags med cing shin tu ya mtshan
pa'i/ /rmi lam byung tshe sad dus sems dga' ba/ /de ni nges par
dge 'bras

bzang po 'byin/ /sad tshe mi dga' mi dge 'byung bar 'gyur/ /'jigs
shing skyi g.ya' bdud kyi cho 'phrul yin/ /yang bskyar du yang
mtshar can rmis pa'i tshe/ /de ni sngags kyi mthu 'am sde brgyad
kyi/ /cho

'phrul gnyis su nges phyir legs par brtag /de yis mtshon nas shes
rab ldan pas 'byed/ /sgom sgrub byed tshe glegs bam rnyed pa
rmis/ /mkha' la 'gro dang ljon shing 'dzegs pa dang/ /tshigs bcad
'chad rtsod

'dri ba'am spobs pa thob/ /yid du 'ong zhing bag phebs skyed mos
tshal/ /me tog 'bras bu ljon shing lo 'dab rgyas/ /rol mo 'bud
dkrol sgra skad thon pa dang/ /ral gri rin chen la sogs lag na
thogs/ /mdzes pa'i

gos gyon dga' ba'i rgyan gyis brgyan/ /rang gi dge sbyor gnad du
'gro ba'i rtags/ /sngon du ma mthong yul ljongs khang bzang
sogs/ /blta zhing yid 'ong bu dang bu mo yis/ /'dzum ston me tog
'bras bu bza'@691a @#/ /btung byin/ /rtogs pa'i yon tan che phra 'byung ba'i
ltas/ /gru bo bcos dang zam pa 'dzugs pa dang/ /bum pa gang
rnyed dor ba rnyed pa dang/ /zla nyi shar dang mun pa sangs pa
rmis/ /phan thogs grogs sam yang na gdul

byar bzang/ /sprin las char 'bebs chab nang sdod pa dang/ /chu
chen glo bur 'bab rnams rnyed pa 'byung/ /'chi ltas rmi lam ngan
pa 'ga' zhig tu/ /bud med nag mo rgyu lto dral ba rmis/ /rgya
skyegs thal ba

mchod rten ri 'dzegs rmi/ /rnga mong kha lhor bong bu kha shar
dang/ spre'u kha byang bltas nas zhon nas 'gro /gos dmar gyon
dang me tog dmar po 'thus/ /thang la 'gro dang thod bcings rmis
pa 'chi/ /gshin dang mnyam

por chang 'thung gar byed pa/ /de dag 'chi ltas rmi lam brtag pa
'o/ /yang gcig 'chi ba'i mtshan ma brtag pa ni/ /lus ngag yid kyi
'chi ltas gsum du bshad/ /gshang gci 'bab dus sbrid pa zla bas
'chi/ /rna

ba'i sgra yal zla ba gsum nas 'chi/ /sen mo'i khrag med zla ba
drug nas 'chi/ /skyes pa khrag dang bud med khu ba 'babs/
/'khrig dus sbrid na zla ba gcig na 'chi/ /dri chen skyur dri
byung na zla drug 'chi/ /ro mi

myong na nyin zhag lnga nas 'chi/ /dri mi bro na nyin zhag gsum
nas 'chi/ /dri chen grang na nyin zhag gcig nas 'chi/ /lag rkang
drod ldog nyin zhag gnyis nas 'chi/ /sna rtse'i sha khum nyin
zhag bdun nas 'chi/ /has btab

grang la phus btab dro gyur na/ /zhag bcu nas 'chi so skam zla
drug go /lce rtse ma mthong zla ba brgyad nas 'chi/ /sna rtse'i
zug rngu zla ba bzhi nas 'chi/ /lce dkyil ri mo nag byung zhag
gnyis 'chi/ /mig 'bras glo bur

@692b kong mo zhag bzhir 'chi/ /mig 'tshir 'od kor med na zhag
brgyad 'chi/ /lag pa sna rtser gtad nas mig gnyis bltas/ /gnam
sa 'brel thag chad na zla gcig 'chi/ /rgya skag lag mthil byugs
kyang chos mi len/ /nyin

par zla ba mtshan mor nyi ma mthong/ /sna sbug glo bur gdangs
dang ba skya chags/ /nyi mar bsdad nas grib ma brtag pa yi/ /lus
la rlangs med mar me shi ba yi/ /dri mi tshor na myur du 'chi
ltas yin/ /ngag gi 'chi

ltas rlung ltas 'dir ma bshad/ /sems kyi 'chi ltas sngar gyi
gnas khang dang/ /sa phyogs yul phyogs skyo nas 'gro snying
'dod/ /mi gshis bzang po ngan dang ngan pa bzang/ /spro thung
khog yangs khog chen spro

thung 'gyur/ /zhib pa rtsing dang rtsing po zhib tu song/ /sman
dang rgyud kyi don bzhin 'chi ltas rdzogs// //

@#*@#*@#*@#*@#*@#*@#*@#*@#*@#*@#*

! bstan 'gyur nang gi drang srong g+hargas ltas brtag pa rgyal ba bskal bzang
rgya mtshos legs po yin gsungs pas de yi nang gi gces bsdus 'ga' zhig bzhugs so//
//

'byung ba tsha grang gnyis po 'thab pa'i 'od/ /rlung gis rab

bcings bar snang 'od 'khyil ba/ /'ja' yi ltas la dge mtshan brtag
pa'i tshul/ /'khrul pa'i dri spong yi ger bkod pa ni/ /grong
khyer gang du 'ja' tshon mang du zug /de dag ring por mi thogs
'jig par bshad/ /

pha rol grong khyer dmag gis skor ba'i tshe/ /nyi ma'i dkyil
'khor mnyam par 'ja' shar ba/ /de tshe 'thab cing phan tshun gnyis
ka gsod/ /g.yul du zhugs tshe mdun lam g.yas g.yon du/ /'ja'
tshon du ma

@693a @#/ /gyur gang 'chi bar brjod/ /'ja' 'khyil sa g.yos dang
bcas 'jigs pa 'byung/ /mtshan mo'i cha la 'ja' tshon byung gyur
na/ /de tshe rgyal po 'chi zhing 'thab rtsod dang/ /nad dang mu
ges yul 'khor 'jig par

'gyur/ /'phral du sprul pa'i 'ja' tshon chags 'jig pa/ /mthong na
grong dang rgyal srid ma lus 'jig /'ja' gzugs gdugs dang rgyal
mtshan shing rta dang/ /'khor lo dang sogs shis pa'i rnam pa can/
/gyur

tshe lo legs rgyal po rgyal byed cing/ /dge mtshan du mas 'jig
rten dge bar 'gyur/ /dbyug pa gtun shing mdung rtse gzhu yi
dbyibs/ /sgrogs rus lta bu yul 'khor 'jig par 'gyur/ /mgo thod
dbyug tho rus

sbal lta bu dang/ /chu srin la sogs chu yi srog chags gzugs/
/snang tshe me dang chu yi gnod pa 'byung/ /mu ge nad kyis 'jig
pa du ma shar/ /kha dog sna tshogs rim pa du ma'i 'ja'/ /chu la
shar gang yul der char chen

'bebs/ /dkar po'i rim pa mang na dge sbyong 'chi/ /me yi 'od
ltar dmar ser mdog chags dang/ /me tog dmar ser gyi ni rtsa ba
ltar/ /yul du 'ja' zug de na 'jigs pa 'byung/ /sngon po'i mdog
can lo

tog ma rung gyur/ /srod la shar du 'ja' zug rgyal po dang/ /nub
tu mi yi gtso la gnod par 'gyur/ /'ja' tshon kha dog lnga pa shar
du zug /char 'bab lho dang nub byang shar ba ni/ /mchod 'os
mchod cing

lho nas nub tu zug /rgyal po spre 'u bshan pa'i tshogs la gnod/
/dus gsum mtshams su 'ja' zug lo de legs/ /gza' sogs bzang ba'i
dus su 'ja' zug na/ rgyal po nyid bde dge zhing rkun po 'joms/
/de

@694b nyid rjes su nyin bdun tshun chad du/ char 'bab ngan yang
'bras bu dge bar bshad/ /nam mkha'i 'ja'i ltas brtag pa rdzogs
so// //

@#*@#*@#*@#*@#*@#*@#*@#*@#*@#*@#*@#*@#*@#

! sgra chen 'byung ba brtag pa bya tshul ni/ 'byung ba
rlung chen phyogs

nas rab g.yos te/ /bar snang dbyings la mi zad sgra byung na/
/de la ltas kyi mtshan ma brtag pa'i phyir/ /go sla'i tshig gis
don gnyer can la brjod/ /nyi ma shar tshe sgra byung rgyal srid
'jig /snga dro rigs ngan nyi phyed

bram ze dang/ /nyi nub rje bo'i tshogs la mi dge zhing/ /tho
rangs sgra byung bran gyi rigs la gnod/ /nam phyed dus byung
srin po 'phung bar 'gyur/ /nam mkha'i khams las phan tshun gnyis
phyogs nas/ /sgra byung 

ra dang ba lang mang du 'chi/ /nam langs sgra byung mgron po la
gnod 'gyur/ /sgra snyoms dal zhing chung na 'jigs pa chung/
/ring zhing mi snyan gnod pa chen po 'byung/ /dus gsum mtshams su
sgra chen byang

phyogs lhung/ /bshes gnyen dam pa dge slong 'chi bar 'gyur/
/lhun po'i mtshams nas byung na mtha' khob dang/ /lho dang bal
po'i yul du mi dge 'byin/ /shar lho sgra byung mes 'tsho ba la
gnod/ /ring por sgra

byung phyogs mi shes pa ste/ /'jig rten nang na dpa' bo'i tshogs
la gnod/ /mchod 'os bden sgra de yi gsung las byung// //drang
srong chen po'i zhabs la gus btud nas/ /sna tshogs ltas kyi

'bras bu bshad pa'i phyir/ /gsal byed nyin mo'i 'od gsal sbyin
par bya/ /blo gsal rna ba'i padmo bye bar gyis/ /khyi dang bya
rog bzhi mdor ngu zhing

@695a @#/ /zug /ca co sgrog tshe pha rol dmag tshogs 'ong/ /bya rog
bung ba grong du tshang 'cha' ba/ /de ni glo bur 'jigs pa 'byung
bar bshad/ /sbrang bu phye ma leb dang byi 'u sogs/ /yang thog
sgo khang 'phyang mo nyug cing

'dzegs/ khyim de dgra yi dmag gis rab tu 'joms/ /byi ba khwa
sogs dus min 'khrig spyod na/ /rgyal po yul 'khor bcas pa myur
du 'jig /sems can mngal sgo phyin ci log pa na/ /de tshe yul
rnams

'khrug cing rgyal po 'chi/ /bya rog dkar po mthong tshe mi dge
'byung/ /srog chags kha dog ris min 'gyur ba ni/ /yul bdag mi
dbang bcas kyi 'chi ltas yin/ /grong gi dbus su bya rog kun 'dus
nas/ /phyi

rol dong tshe de ni skyes bus dben/ /khyim dang rwa bar ka kA'i
sgra 'byin dang/ /nyi ma la thal drag tu wa brgyal ba/ /mi dang
rgyal po las gyur nyes pa 'byung/ /bya rog tshogs rnams sa la
mchu btsugs te/ /sgra mi

grags par yud tsam 'dus nas 'phur/ /de tshe dmag gi tshogs rnams
rab tu 'phung/ /sha zan bya yi kha nas sha lhung ba/ /yul der
rgyal po'i chad pa 'byung bar brjod/ /bya rgod la sogs mi sha za
ba'i bya/ /khang

steng sgra sgrog mi bdag 'chi bar bshad/ /nyi ma phyed dus ba
lang slas dag tu/ /'ug pa grags tshe rgyal po'i 'jigs pa 'byung/
/skyed mos tshal du bya rog rtse 'gyur zhing/ /thang du ngang pa
rtse na yul de 'jig /

dus min shing la 'bras bu 'byung ba'i tshe/ /rgyal po 'khor bcas
dgra yis gsod par bshad/ /shing skam yal 'dab lo ma skye 'gyur
na/ /yul de'i skye bo phan tshun 'khrugs par brjod/ /ljon shing
lo 'bras phyin ci

@696b log 'byin sar/ /de ni de yi bdag po myur du 'chi/ /'char
nub dus kyi nyi ma phyin ci log /de dus rgyal po 'bangs kyis
gsod par 'gyur/ /phyi nang srog chags rgyu ba skam pa ni/ /ring
por mi thogs nad dang dmag

tshogs 'byung/ /rlung me chu rlung 'khrugs na mi dge bshad/
/mtshon cha 'gul dang me 'od cher mthong ba/ /dus kyi grang dro
go log gyur song na/ nad dang mtshon sogs lo nyes 'byung 'gyur
zhing/ /rgyal po dmag bcas

'jigs pa du ma 'byung/ /ba lang dag la mi ni btsas gyur pa/ /yul
de bud med rnams la gnod pa 'byung/ /mngal na bu smra ngu 'am
rgod pa ni/ /yul khams de dag myur du 'jig par bshad/ /khye 'u
rkang gcig pa'am

gsum mam bzhi/ /btsas na rgyal po 'chi 'am mu ge 'byung/ /mtshan
gnyis ma ning skye ba'ang de bzhin no/ /bya skye mchu dang mgo
bo mang po can/ /skye ba de ni yul de 'jig par bshad/ /lus gcig
gdong

gnyis mig gsum skye 'gyur na/ /yul 'khor de ni 'jig pa myur bar
bshad/ /yul khams de dag dmag gis 'joms par brjod/ /phag gi mgo
can byung dang ma nyid kyis/ /ma tshor mngal btsas mos la so skye
dang/

mgo med lag pa gcig pa skye 'gyur na/ /yul 'khor der ni 'jig pa
du ma 'byung/ /me tog dang ni shing tog 'bras bu las/ /khu ba
'dzag na rgyal tshab la gnod 'gyur/ /bza' shing 'bras bu rtag par
mdog bzang

ngam/ /khrag 'dra 'dzag na nad dang mu ge 'byung/ /skyes shing
'gro ba ltar snang yul de 'jig /'jig rten lha 'dre mchod tshe
smra 'am 'dzum/ /yul de rgyal pos bor te 'tshe ba 'byung/ /gang
der dri za'i grong khyer

@697a @#/ /chags gyur pa'i/ /phyogs de brtag la phyogs gcig
phyogs der ni/ /'jigs pa 'byung bar drang srong g+hargas bshad/
/sna tshogs ltas kyis 'jig rten bde sdug rnams/ /gsal bar shes na
dge sgrub sdig ldog pa'i/ /

thabs la 'bad de mi dge las thar mdzod// //

@#*@#*@#*@#*@#*@#*@#*@#*@#*@#*@#*@#*@#*@#*

! bstan 'gyur nang gi
mi dpyad rgya mtshos bstan pa sogs dang/ rgyud kyi dgongs pa dang
bstun skyes pa bud med brtag thabs bzhugs// //

lo brgya thub pa'i mi la gnas skabs bcu/ /langs pa'i mthu med
gan rgyal nyal dus gcig /'gro sdod thub nas rtsed mo rtse dus
gnyis/ /lang tsho la babs 'dod bde myos dus gsum/ /dpa' zhing
mthu ldan

dar la babs pa bzhi/ /shes rab stobs kyi spobs pa ldan pa lnga/
/legs spyad nyes spyod rnam dbye mkhas pa drug /chos kyi gzhung
lugs ma lus mkhas pa bdun/ /dbang po 'grib cing mthu chung rgas
pa

brgyad/ /shin tu rgas pa ldang mi thub pa dgu /'chi ba zhes
bya'i gnas skabs bcu pa 'o/ /tshad ldan mi rnams rang sor gyis
gzhal na/ /gdong la sor mo bcu bzhi yod pa dang/ /bcu gnyis can
dang zheng la'ang bcu

gnyis can/ /mkhur tshos sor lnga 'gram mur sor bzhi yin/ /rna
zheng sor do srid la sor bzhi yin/ /bu gar sor phyed sor gcig
gang rung ngo/ /mig dkyus sor bzhi mig zheng sor do yin/ /sna
dkyus sor bzhi

sna rtser sor do 'o/ /mchu dkyus sor bzhi mchu zheng sor phyed
lhag /ol ko'am ma le sor do dkyus sor bsum/ /ske nas gsang gnas
bar du mtho gsum mo/ /mtshan ma sor lnga sor drug gnyis yod do/
/brla sor nye lnga

@698b brla zheng sor brgyad do/ /pus mo sor bzhi rje ngar mtho
do 'o/ /rting pa sor lnga rkang dkyus sor bcu bzhi/ /rkang zheng
sor brgyad mthe bong sor bzhi'o/ /phrag pa g.yas nas g.yon du
sor bco brgyad/ /dpung mgo nas

bzung sor rtser mtho gsum mo/ /de la bzang ngan brtag na 'di
bzhin yin/ /mthe bong snyom zhing dmar na dpon du 'gyur/ /che na
sdug bsngal chung na rgyal khams bskor/ /mdzub mo chung na kun
dang 'khon par byed/ /

gung mo ring na don nyams thung na sdug /mthe'u chung ring na
don 'grub thung na nyams/ /mthe bong ring na sems bzang thung na
nag /sen mo dkar ba gas pa dbul zhing phongs/ /sen mo khyor pa
'khyams shing slong

mo byed/ /sen mo ser ba bkur 'os gsod par byed/ /sen mo dmar ba
mi yi rje bor 'gyur/ /sor rtse ri mo g.yas 'khyil bu mang thob/
/g.yon 'khyil mang na bu mo mang po 'byung/ /de gnyis 'dres na
gnyis ka

mang po 'byung/ /mdzub mo'i tshigs ni gyen la phyogs pa dang/ /ri
mo gsum yod pa ni spun gyi grangs/ /mthe 'u chung gi rtsa ba
gyen phyogs pa'i/ /ri mo gsum gshib tshe ring yun ring 'tsho/ /lag
pa sha med rdul rtsas gang ba

dang/ /sen mo ser skya rtag tu sdug bsngal 'khor/ /lag pa ser na
nor gyi bdag po yin/ /yang na rig gnas dag la mkhas par 'gyur/
/lag ring ri mo mang na rig byed mkhas/ /ri mo ske bcad tshe
thung chad na rtsub/ /lag

pa ring zhing sha rgyas grags pa thob/ /skyes pa lag pa chung ba
bran dang g.yog /lag ring dmar zhing snyoms pas dbang phyug
thob/ /glang chen lta bur lus kun rgyas shing bzang/ /bde bar
'tsho zhing bsod nams rigs can

@699a @#/ /yin/ /rgyab mtho dkar zhing sbom pa dang/ /rgyab
gzhung ring dang mnyen pa dang/ /drang zhing sha rgyas zlum
zhing snyoms/ /chos nor dbang phyug thob pa'i rtags/ /seng ge'i
rgyab can kun gyis bkur bar byed/ /

rta yi rgyab can skyid sdug 'dres mar spyod/ /brla snum mdzes
sbom lo brgyar 'tsho ba dang/ /brla ni rgyas shing snyoms pa
dbang phyug thob/ /brla phra skyes pa bu dang bral/ /brla bzang
bud med mang po thob/ /brla ni ha

cang sbom pa ngan/ /rkang pa 'phong gi sar reg nas/ /rtags kyi
sar reg sdug bsngal che/ /rtags kyis tshigs slebs bzang ba yin/
/shing ltar gyong na rigs rgyud brlag /sor lnga ldan pa shin tu
bzang/ /sbubs su nub na

tshul khrims ldan/ /nor bu dngul mdog mu tig mdog /gser mdog ldan
na dbang phyug thob/ /sngo skya rdul can sdug bsngal can/ /dri
chu ring 'gro sgra can bde/ /g.yas stor bu dang g.yon babs mo/
/sngon po

ngan la sdug cing gson/ /tshang ra sha rgyas bde bar 'tsho/ /sha
skam sngo ba rtag tu sdug /gsus pa khyi 'dra sdug cing gson/
/sbrul dang nya 'dra dka' thub nyams/ /gsus pa ri dwags stag
seng dang/ /rma bya 'dra na

phyug cing skyid/ /zlum po g.yas 'khyil lte ba bzang/ /kong ba
'bring la 'bur thon bzang/ /byin pa phra ring sdug bsngal ldan/
/byin pa gla ba 'dra na bzang/ /byin pa sbom zhing snyoms pa
bzang/ /long bu 'bur na

ngan zhing 'thab/ /long bu mi mngon rta 'dra bzang/ /khyu mchog
'gros can nor dang ldan/ /ngang pa'i 'gros can sems rab brtan/
/mgrin pa mi mdzes nor la rlom/ /mgrin pa yid 'ong chos dang
ldan/ /glang chen

@700b 'dra na rgyal por 'gyur/ /yang na bza' btung mang du thob/
/gdong ring gdong zlum don rnams 'grub/ /ra gdong sprel gdong
nor dang ldan pa'ang yod/ /gdong pa skam zhing kham khum mang/
/rdzun can rkun po dag tu

'gyur/ /ya mchu skam pa sdug bsngal mang/ /mchu 'thug blun zhing
grogs dang 'khon/ /mchu dmar snyoms pa nor dang dbang phyug
thob/ /'gram pa sha rgyas yid 'ong dpon du 'gyur/ /nyer bzhi sum
cu'i so yod bde bar

'tsho/ /so gcig so yod pa ni longs spyod ldan/ /so gnyis so yod
rgyal por 'gyur/ /ya so ma nyams nor gyi bdag /dkar po rno ring
mkhas par 'gyur/ /so dgu'i so can sdug cing gson/ /so khyog pha
ma gzhon

nas 'chi/ /spre 'u so can ltogs par gnas/ /lce thung rdul can
rmongs shing glen/ /dkar po lce can spyod pa rtsing/ /snum zhing
lce dmar rgyal por 'gyur/ /ser nag rkan can sdug cing ltogs/
/dmar smug rkan can

rigs mi 'byung/ /rkan sbug mi dman mthu stobs che/ /chig gtam
smra ba de ni sdig pa can/ /rta bong glang gi gdong can sdug
bsngal ldan/ /ngang pa 'brug gi gdong can nor dang ldan/ /ne
tso'i gdong can

dag ni rgyal por 'gyur/ /sna gdong 'khyog dang sna gdong leb/
sna gdong sbom dang thug pa ngan/ /sna gdong mtho dang dbyibs
mdzes bzang/ /dpral ba chung ba nor med dbul/ /dpral ba snyoms

pa sdug bsngal can/ /gnyer ma thung na nad dang bcas/ /gyen thur
ri mo sdug bsngal che/ /gnyer ma gnyis pa drug cu gson/ /gnyer
ma bzhi pa dgu bcu gson/ /gnyer ma lnga pa ring du gson/ /lnga@701a @#/ /las mang
na sdug bsngal ldan/ /gnyer ma med pa lha yi
rigs/ /dpral ba che zhing zla phyed 'dra/ /ri mo rtse gsum gyen
du phyogs/ /nges par dbang phyug thob par 'gyur/ /mig 'bor che
na sdug bsngal

che/ /ra lug mig can 'khrug la rem/ /khrag ltar dmar ba nad dang
bcas/ /mig ni rtag tu mchi mas gang/ /nor med sdug bsngal can
gyi mig /'byed 'dzum mang ba tshe thung 'gyur/ /rtag tu g.yo ba
bag

chags can/ /'byed 'dzum nyung ba ring du gson/ /lan gnyis 'dzum
pa g.yog tu 'gyur/ /rdzi ma skya ba sdug bsngal che/ /rdzi ma
dmar ba nor phyugs ldan/ /rdzi ma nag pa bde bar 'tsho/ /mig
gnyis kong ba ring du

'tsho/ /gru gsum mig can rig pa bzang/ /ri dwags mig can dpon du
'gyur/ ngang pa'i mig can nor dang ldan/ /mig rtsa dmar na longs
spyod thob/ /mig ka log dang ser skya'i mig /rigs bzang dbang
phyug

legs par thob/ /dkar nag 'byed pa mkhas shing gsal/ /'gro tshe
lam por 'bur tshugs blta/ /mgo bo gdugs 'dra zlum zhing rgyas/
/bud med lta bur nu ma rgyas/ /rna shal ring la smra brjod dal/
/smra ba nyung

zhing bdan par smra/ /de 'dra skyes bu dam pa'o// //

@#*@#*@#*@#*@#*@#*@#*@#*@#*@#*@#*

! mi dpyad
rgya mtshos bstan pa ma rgyud dgongs don bzhin du bud med brtag
thabs bzhugs so// //

bud med ngan pa'i skyon lnga ni/ /skyes pa gzhan la sems pa
dang/ /bud med gzhan la phrag dog cha/ /bsam pa ngan zhing ser
sna che/ /rtag tu mi rigs bya byed lnga/ /rkang rjes sa la bzhag
pa'i tshe/ /mthe 'u sa la

@702b mi reg yugs sar gyur/ /srin lag sa la mi reg 'khon 'thab
mang/ /mdzub mo sa la mi reg log g.yem can/ /mtheb chen sbom pa
spun rnams 'chi bar 'gyur/ /sen mo 'khyog pa rtag tu bran mor
'gyur/ /

rkang pa 'thug dang sra ba g.yog mo yin/ /rkang pa skam pa rtag
tu ltogs par 'gyur/ /lus la sha tshan nag po khyo de 'chi/ /lus
la sha tshan dkar mdzes khyo dpal che/ /nu ma 'khyog po bu bral
khyo yis

gnod/ /nu rtse skam pa rtag tu bde ba spang/ /sna chung bran mo
sna srab khyo rnams 'chi/ /sna gdong ring ba khol mo dbul zhing
'khyams/ /dmar ser mig can bu dang pha la'ang chags/ /mchu la
ser kha yod

pa log g.yem dga'/ /ya so 'khyog na chung nas ma yang 'chi/ /ma
so 'khyog pas rang gi bu rnams 'chi/ /skra sbom ring bas rang gi
khyo bo za/ /ser skya'i skra can rtag par khyo dang 'khon/
/gzhan yang bud med

kun la ni/ /nyon mongs mang dang 'dod la skam/ /blo mi brtan
dang yid brtan dka'/ /g.yo sgyu che dang dbang po brtul/ /shes
rab 'chal dang spobs pa zhan/ /tshangs bug med dang mgul pa dma'/
/nu ma che

dang sha lhod pa/ /skad gdangs zhan dang nyam chung ba/ /'khor
gyis 'jigs dang gegs byed mang/ /sems skyon brgyad dang lus
skyon brgyad/ /bcom ldan 'das kyis mdo las gsungs/ /stong gsum
stong gi 'jig

rten na/ /chung ma 'dra ba'i dgra bo med/ /'khor ba 'dra ba'i
btson rwa med/ /nye du 'dra ba'i brtson srung med/ /bshes
springs las/ rang bzhin dgra 'brel gshed ma lta bu dang/ /khyim
thab brnyas kyi rje mo lta

@703a @#/ /bu dang/ /chung ngu rku ba chom rkun lta bu yi/ /chung
ma gsum po 'di dag rnam par spang/ /zhes gsungs/ bud med yon tan
brgyad dang ldan pa ni/ /khyim thab med kyang 'dod pa'i dbang mi
'gro/ /khyo ga gzhan

sems phrag dog med pa dang/ /ca col med cing bden par smra ba
dang/ /bsam pa mthun zhing log lta med pa dang/ /rigs mthun bu
dpal che ba brgyad rnams so/ /rkang sor mnyam zhing bar seng med
na bzang/ /

gung mo sa la mi reg blo dang ldan/ /lag sor gshib nas slang na
bar seng med/ /lag ris rgyang nas gsal dang lag pa chung/ /snum
zhing dmar mdangs mdzes pa dbang thang che/ /tshang ra rgyas
shing shas gang

brla stong rgyas/ /'dom sdug chu skyes mtshan nyid drug ldan ni/
/rus sbal rgyab mtho glang chen ze ltar mkhrang/ /spu med sha
rgyas zab yang dkar dmar ldan/ /sked pa phra dang lte ba g.yas
su 'khyil/ /padma ge

sar 'dra zhing lte 'og tu/ /ri mo phred gnyer gnyis dang gsum
yod bzang/ /mchan khung ba spu nyung zhing dpung ba rgyas/ /nu
bar dog cing nu ma mthong zhing mkhrang/ /drang zhing snyom pa
dkar ba khyo bzang thob/ /

sna ni dza ti'i ze ma'i me tog bzhin/ /sna gdong mtho zhing kun
nas mdzes pa yis/ /bde chen thob cing sa skyong rje mor 'gyur/
/lce dmar ring zhing snum pa glu dbyangs mkhas/ /rma bya khu
byug skad 'dra btsun mor

'gyur/ /ne tso ngang pa'i skad 'dra nor dang ldan/ /padma can ni
mdog dkar padma'i dri/ /pad 'dab bzhin du dkyus ring mdzes pa'i
mig /mgrin pa ring zhing skra ni gnag la snum/ /nu ma ta la'i
'bras 'dra bzhin

@704b ras rgyas/ /glang chen ma ni sna g.yon yid tsam g.yo/
/lus dang kha nas chang gi dri 'dra 'byung/ /nu ma 'phel kha che
zhing sbom la rgyas/ /byin pa sha rgyas khro ba skyen pa yin/
/dung can ma ni kha dog sngo bsang la/ /

nu ma chung zhing gdong dang rkang lag ring/ /skem min sbom min
sbrang rtsi'i dri dang ldan/ /rtsub cing sha 'dzer ldan pa'i
skye gnas can/ /ri dwags can ni dkar la dmar mdangs ldan/ /bong
thung skra thung nu ma dpal

'bras 'dra/ /'gros dal nya sha'i dri ldan byin pa phra/ /mar gyi
sna rtse ri dwags lte ba 'dra/ /gzugs dang lang tsho'i dpal gyis
rnam par brgyan/ /ngag 'jam blo gsal shes rab dang ldan pa/ /las
kyi rnam par smin pa

nges pa yis/ /kun nas rgyas btab lta bur gnas pas brtag /'di dag
mdor bsdus mgon po klu sgrub kyis/ /bshes springs las gsungs ya
rabs bud med ni/ /sring mo lta bur rjes mthun gang yin dang/ /

mdza' mo bzhin du snying la babs pa dang/ /ma bzhin phan par
'dod dang bran mo bzhin/ /dbang gyur gang yin rigs kyi lha bzhin
bkur/ /zhes pa 'di yang klong rdol bla ma ngag dbang blo bzang
gis bris pa'o// //