@#/ /bstan bcos mngon par rtogs pa'i rgyan 'grel pa dang bcas
pa'i rnam bshad rnam pa gnyis kyi dka' ba'i gnad gsal bar byed
pa legs bshad skal bzang klu dbang gi rol mtsho zhes bya ba las
skabs brgyad pa'i spyi don bzhugs so/ /

@01a @##/ /gsum pa 'bras bu chos sku'i yan lag rgyas par bshad pa
la/ 'brel bkod pas mtshams sbyar/ chos sku mtshon byed kyi chos
rgyas par bshad/ skabs bsdu ba dang gsum las/ dang po ni/ skad
cig sbyor

gyi 'og tu 'bras bu chos sku 'chad pa'i rgyu mtshan yod de/ skad
cig ma gcig gis mngon par rdzogs par byang chub pa'i sbyor ba
rnam par bsgoms pa'i skad cig ma gnyis pa la 'bras bu chos kyi
skur mngon par rdzogs

par byang chub pa'i rgyu mtshan gyis de ltar bshad pa'i phyir/ de
yang mdo'i 'brel gyi dbang du byas na/ skad cig sbyor bzhi pa'i
skabs su mdo las/ byang sems kyis mtshan ma med pa'i tshul gyis
yum la bslab par bya bar

gsungs nas gzhan yang byang chen zag med kyi chos rmi lam lta bu
mtshan nyid kyis stong pa la bslab par gsungs pas ngo bo nyid sku
gsungs/ bstan bcos kyi 'brel gyi dbang du byas na/ lus rnam
gzhag tu/ skad cig

gcig mngon rdzogs byang chub/ /chos kyi sku dang/ zhes bshad na/
skad cig sbyor gyi rjes su 'bras bu chos sku 'chad pa'i rgyu
mtshan gang zhe na/ skad cig sbyor bsgoms pas 'bras bu chos sku
'thob pa'i rgyu mtshan gyis de ltar

bshad pa'i phyir/ de ltar yang/ skad cig ma gcig pa'i mngon par
rdzogs par byang chub pa rnam par bsgoms pa'i skad cig ma gnyis
pa la chos kyi skur mngon par rdzogs par byang chub pa yin te/
zhes gsungs/ gnyis pa ni/

@02a @#/ /'o na/ skabs brgyad pa 'dir 'bras bu chos sku de rgyas
par 'chad na 'chad tshul de gang zhe na/ 'di la/ byed pa po sku'i
rang bzhin bshad pa dang/ bya ba 'phrin las kyi rang bzhin bshad
pa gnyis las/

dang po la/ ngo bo nyid sku/ ye shes chos sku/ longs spyod
rdzogs sku/ sprul sku'i rang bzhin bshad pa dang bzhi las/ dang
po de ston pa la/ thub pa'i ngo bo nyid sku ni/ /zhes sogs
gsungs/ gnyis pa de ston pa la/ byang chub phyogs mthun

tshed med dang/ /zhes sogs gsungs/ gsum pa de ston pa la/ mtshan
ni sum cu rtsa gnyis dang/ /zhes sogs gsungs/ bzhi pa de ston pa
la/ gang gis srid pa ji srid par/ /zhes sogs gsungs/ gnyis pa
bya ba 'phrin las kyi

rang bzhin ston pa la/ de bzhin 'khor ba ji srid 'di'i/ /zhes
sogs gsungs/ 'o na/ thub pa'i ngo bo nyid sku ni/ zhes sogs kyis
ngo bo nyid sku de 'chad na 'chad tshul de gang zhe na/ 'di la
mdo las gsungs tshul dang/ bstan bcos

kyis 'grel tshul gnyis las/ dang po ni/ gong du skad cig sbyor
bzhi pa'i skabs su/ rab 'byor de ltar na byang chub sems dpa'
sems dpa' chen po mtshan ma med pa'i tshul gyis shes rab kyi pha
rol tu phyin pa la bslab

par bya'o/ /zhes gsungs nas/ ngo bo nyid sku ston pa la/ rab
'byor gzhan yang zag pa med pa'i chos rmi lam lta bu dngos po
dang mi ldan pa dngos po med pa'i rang bzhin can gyi mtshan nyid
kyis stong pa rnam pa thams cad du yongs

@02b su dag par gyur pa de dag thams cad kyi rang bzhin gang yin
pa mtshan nyid gcig po 'di lta ste mtshan nyid med pa de ni de
bzhin gshegs pa dgra bcom pa yang dag par rdzogs pa'i sangs
rgyas kyi yin par rig par bya ste/

rab 'byor de ltar byang chub sems dpa' sems dpa' chen po shes
rab kyi pha rol tu phyin pa la bslab par bya'o/ /zhes gsungs/
gnyis pa la/ rtsa bas bstan tshul dang/ 'grel pas bshad tshul
gnyis las/ dang po la/ mdo de'i

don 'grel pa'i sgo nas sku dang po ngo bo nyid sku de 'chad pa
la/ thub pa'i ngo bo nyid sku ni/ /zhes sogs sho lo ka gcig
gsungs/ gnyis pa la/ mtshams sbyar gyi sgo nas 'chad pa la/ de
yang ngo bo nyid kyi sku la sogs pa'i dbye

bas rnam pa bzhi yin pas/ dang po ngo bo nyid kyi sku/ /zhes
gsungs/ tshig don gyi sgo nas 'chad pa la/ thub pa sangs rgyas
zhes sogs gsungs/ brgal lan gyi sgo nas 'chad pa la/ sku lhag ma
gsum po/ /zhes sogs gsungs/

de yang/ thub pa'i ngo bo nyid sku ni/ /zhes pas khyad gzhi ngo
bo nyid sku de bstan nas/ de nyid tshig don gyi sgo nas 'chad pa
la/ thub pa sangs rgyas bcom ldan 'das kyi ngo bo nyid kyi sku
ni/ zhes gsungs/ zag pa med pa'i chos gang

dag; thob 'gyur/ zhes pas/ ngo bo nyid sku'i ldan pa'i khyad par
de bstan nas/ de'i don 'grel pa la/ dran pa nye bar bzhag pa la
sogs pa ye shes kyi bdag nyid/ 'jig rten las 'das pa'i chos kyi
dbyings kyi ngo bo nyid kyi

zag pa med pa'i/ zhes gsungs/ rnam kun rnam dag pa/ /zhes pas/
de'i bral ba'i khyad par de bstan nas/ de'i don 'grel pa la/ dri
ma rnams glo bur ba nyid kyis rnam pa thams cad du rnam par dag
cing/ zhes gsungs/ de

@03a @#/ /dag rang bzhin mtshan nyid can/ /zhes pas/ de'i ngo bo'i
khyad par de bstan nas/ de'i don 'grel pa la/ rang bzhin gyis
dben pa'i mtshan nyid du gyur pa gang dag yin pa de dag gi rang
gi ngo bo nyid skye

ba med pa'i ngo bo nyid ni 'di yin te/ zhes gsungs/ ngo bo nyid
sku'i sgra don de ston pa la/ bcos ma ma yin pa'i don gyis zhes
gsungs/ ngo bo nyid sku gang la brten nas thob pa de 'chad pa
la/ 'jig rten las 'das

pa'i lam gyis 'thob kyi/ zhes gsungs/ thob tshul de 'chad pa la/
byas pa ni ma yin pas rnam par shes pa sgyu ma lta bus chos
thams cad rtogs pas thob pa yin no/ /zhes gsungs/ de rnams kyi
nang nas/ skad cig ma gcig

pa'i mngon par rdzogs par byang chub pa rnam par bsgoms pa'i
skad cig ma gnyis pa la chos kyi skur mngon par rdzogs par byang
chub pa yin te/ zhes pa'i skabs su/ mtha' dpyad pa la/ kha cig
/skad cig sbyor gyi

rjes su chos sku 'chad pa'i rgyu mtshan yod de/ chos sku de skad
cig sbyor bsgoms stobs kyis thob pa'i phyir/ chos sku la dbye na
bzhi yod de/ ngo bo nyid sku/ ye shes chos sku/ longs sku/ sprul
sku rnams su yod pa'i

phyir; zhes zer na/ longs sku de chos sku yin par thal/ khyod
kyi sbyor ba 'thad pa'i phyir/ 'dod na/ de chos can/ gtso bor
rang thob byed kyi thabs su gyur pa'i ye shes kyi tshogs bsgoms
stobs kyis thob par thal/ chos sku yin pa'i

phyir; 'dod mi nus te/ gtso bor rang thob byed kyi thob byed kyi
thabs su gyur pa'i bsod nams kyi tshogs bsgoms stobs kyis thob
pa'i phyir te/ gzugs sku yin pa'i phyir/ khyab ste/ rin chen
phreng bar/ sangs rgyas rnams kyi gzugs kyi sku/ /

@03b bsod nams tshogs las 'khrungs pa ste/ /chos kyi sku de mdor
bsdus na/ /rgyal po ye shes tshogs las 'khrungs/ /zhes gsungs
pa'i phyir/ kho na re/ 'bras bu chos sku chos can/ gtso bor ye
shes kyi tshogs bsgoms stobs kyis byung ba ma yin par thal/ gtso
bor rang thob byed kyi

thabs su gyur pa'i bsod nams kyi tshogs bsgoms stobs kyis byung
ba'i phyir/ khyab pa khas/ ma grub na/ de chos can/ der thal/
rang thob byed kyi thabs su gyur pa'i bsod nams kyi tshogs yod
pa'i phyir zer na ma khyab/ gzhan yang tshogs gnyis bsgoms stobs
kyis thob

pa'i sangs rgyas kyi sku chos can/ gtso bor rang thob byed kyi
thabs su gyur pa'i bsod nams kyi tshogs bsgoms stobs kyis thob pa
ma yin par thal/ gtso bor rang thob byed kyi thabs su gyur pa'i
ye shes kyi tshogs bsgoms stobs kyis thob pa'i phyir/ khyab pa

khas; der thal/ gtso bor der gyur pa'i tshogs gnyis bsgoms stobs
kyis thob pa'i phyir zer na ma khyab ste/ byang sems tshogs lam
pa chos can/ gzhi shes kyi rnam pa bsgom bya'i gtso bor byed par
thal/ mkhyen gsum gyi rnam pa bsgom bya'i gtso bor byed pa'i
phyir/ khyab

pa 'grig /de der thal/ de 'dra ba zhig yod pa'i phyir/ gzhan
yang/ byang sems mthong lam pa chos can/ gang zag gi bdag med
bsgom bya'i gtso bor byed par thal/ bdag med gnyis ka bsgom
bya'i gtso bor byed pa'i phyir/ khyab pa 'grig/ rtags grub ste/
de 'dra ba yod

pa'i phyir/ kho na re/ longs sku chos can/ chos sku yin par
thal/ 'bras bu chos sku yin pa'i phyir zer na ma khyab/ 'bras bu
'grub pa'i dus mtshams la kha cig /byang sems rgyun mtha' pas
chos nyid la rtse gcig tu mnyam par bzhag bzhin pa'i ngang nas
shes bya ji snyed pa thams

cad mngon sum du rtogs pa dang/ des ye shes chos sku mngon du
byas pa dus mnyam zer na/ byang sems rgyun mtha' bas chos nyid
la rtse gcig tu mnyam par bzhag bzhin pa'i ngang nas shes bya ji
snyed pa mngon sum du ma rtogs par thal/ dam bca' de'i phyir/
'dod mi nus

@04a @#/ /te; rgyun mtha'i bar chad med lam pa des shes bya ji
snyed pa mngon sum du rtogs pa'i phyir te/ de'i rgyud la de
mngon sum rtogs pa'i blo yod pa'i phyir te/ de'i rgyud la rgyun
mtha'i bar chad med lam mngon sum du rtogs pa'i blo yod pa'i
phyir te/ de'i

rgyud la de nyams su myong ba'i rang rig yod pa'i phyir/ kho na
re/ slob lam na blo gcig gis bden gnyis dus gcig car du mngon
sum du rtogs pa yod par thal/ de na gang zag gcig gis bden gnyis
cig car du mngon sum du rtogs pa yod pa'i phyir zer na ma khyab

kha cig ; ji lta ba rtogs pa'i rnam mkhyen gyis ji lta ba gzigs
pa'i gzigs ngor rnam mkhyen yod de/ snying po'i rgyan las/ de
nas skad cig ma gnyis pa la rnam grol lam skyes pa'i tshe shes
bya ji lta ba la gnyis snang nub nas chu la chu bzhag pa bzhin
song ba de'i gzigs ngor

shes bya ji snyed pa thams cad lag mthil du skyu ru ra bzhag pa
ltar mngon sum du gzigs pa de'i tshe/ zhes sogs gsungs pa'i phyir
zer na/ ji lta ba rtog pa'i rnam mkhyen gyis phung sogs kyi chos
nyid gzigs pa'i gzigs ngor phung po lnga gzigs par thal/ dam
bca'

de'i phyir/ 'dod mi nus te/ mdo sdud par/ gzugs rnams mi mthong
tshor ba dag kyang mi mthong zhing/ /'du shes mthong ba med la
sems yid mthong ba med/ gang la rnam par shes dang sems yid
mthong med pa/ /'di ni chos mthong yin zhes de bzhin gshegs pas
bstan/ /

zhes gsungs pa'i phyir/ /gzhan yang/ ji lta ba rtogs pa'i rnam
mkhyen gyis ji lta ba gzigs pa'i gzigs ngor ji snyed pa ma gzigs
par thal/ des phung sogs kyi gnas lugs gzigs pa'i gzigs ngor
phung sogs ma gzigs pa'i tshul gyis phung sogs kyi

gnas lugs gzigs pa'i phyir te/ 'jug 'grel las/ dngos po byas pa
can la ma reg par rang bzhin 'ba' zhig mngon sum du mdzad pa de
nyid thugs su chad pas de'i phyir sangs rgyas zhes brjod do/
/zhes dang/ mdo las/ ma mthong ba ni mthong ba dam pa'o/ /zhes

@04b gsungs pa'i phyir/ kho na re/ ji lta ba rtogs pa'i rnam
mkhyen gyis ji snyed pa ma gzigs par thal/ des ji lta ba gzigs
pa'i gzigs ngor ji snyed pa ma gzigs pa'i phyir zer na ma khyab/
kho na re/ khyod chos can/ khyod don dam bden pa yin par thal/
ji lta ba rtogs

pa'i rnam mkhyen gyis ji lta ba gzigs pa'i gzigs ngor khyod yod
pa'i phyir zhes pa'i thal 'gyur la khyab pa yod par thal/ des ji
lta ba gzigs pa'i gzigs ngor ji snyed pa med pa'i phyir zer na
ma khyab/ 'dod na/ yod pa chos can/ der thal/ de'i phyir/ gzhan
yang/

snying po'i rgyan las/ sangs rgyas ni rtag tu de bzhin nyid la
mnyam par bzhag pa yin la/ de'i gzigs pa'i ngo bor ma grub pa'i
don no zhe na de yang mi 'thad par sngar bshad zin to/ /zhes
gsungs pa mi 'thad par thal/ gzugs sku gnyis kyi chos nyid gzigs
pa'i

rnam mkhyen gyis gzugs sku gnyis kyi chos nyid gzigs pa'i gzigs
ngor gzugs sku gnyis ma gzigs pa'i phyir zer na ma khyab ste/
des de gnyis kyi chos nyid la mnyam par bzhag bzhin pa'i ngang
nas de gnyis gzigs pa lung de'i don yin pa'i phyir/ kha cig
/byang

sems rgyun mtha' pas sku bzhi po rim can du mngon du byed pa yin
te/ des dang por ngo bo nyid sku dang ye shes chos sku gnyis
mngon du byed/ de rjes longs sku dang sprul sku gnyis mngon du
byed pa'i phyir/ zhes zer na/ shes bya chos can/ chos sku mngon
du byas nas gzugs

sku mngon du ma byas pa'i sangs rgyas 'phags pa yod par thal/
dam bca' de'i phyir/ 'dod na/ ye shes kyi tshogs mthar phyin nas
bsod nams kyi tshogs mthar ma phyin pa'i sangs rgyas 'phags pa
yod par thal/ 'dod pa'i phyir/ khyab ste/ ye shes kyi tshogs

mthar phyin pa dang chos sku thob pa dus mnyam/ bsod nams kyi
tshogs mthar phyin pa dang gzugs sku thob pa dus mnyam pa'i
phyir/ rtags gnyis ka grub ste/ rigs pa drug cu pa las/ dge ba
'di yis skye bo kun/ /zhes sogs dang/ rin chen phreng bar/ sangs
rgyas

@05a @#/ /rnams kyi gzugs kyis sku/ /zhes sogs gsungs pa'i phyir/
kho na re/ rnam bshad las/ sogs sgras chos skus longs sku'i bdag
rkyen dang/ longs skus sprul sku'i bdag rkyen byed par sdud do/
/zhes gsungs pa mi 'thad par thal/ byang sems rgyun

mtha' pas sku bzhi rim can du mngon du mi byed pa'i phyir zer na
ma khyab ste/ chos skus rang 'bras longs sku'i bdag rkyen byed
pa dang/ longs skus rang 'bras sprul sku'i bdag rkyen byed pa
lung de'i don yin pa'i phyir/ gzhan yang/ snying po'i rgyan las/
longs skus bdag rkyen

byas nas mdzad pa bcu gnyis kyi sgo nas gdul bya rjes su 'dzin
pa'i mchog gi sprul pa'i sku de'i tshe tshogs pa gcig tu med
kyang/ zhes sogs gsungs pa mi 'thad par thal/ longs sku dang
dngos rgyu tshogs pa tshar gcig la rag las kyi 'brel ba grub pa'i
sprul sku med pa'i phyir/

byang sems rgyun mtha' pas longs sku dang sprul sku gnyis rim
bzhin du mngon du byed pa yin pa'i phyir te/ dam bca' de'i
phyir/ kho na re/ longs sku dang dngos rgyu tshogs pa tshar gcig
la rag las kyi 'brel pa grub pa'i sprul sku chos can/ khyod
sprul pa po'i sangs rgyas

'phags pa yod par thal/ khyod sprul sku yin pa'i phyir zer na ma
khyab/ 'dod mi nus te/ byang sems rgyun mtha' pa yang de sprul
pa po ma yin/ longs sku de yang de ma yin pa'i phyir/ dang po
sla/ gnyis pa grub ste/ de de dang dus mnyam yin pa'i phyir/ 'o
na/ bye brag smra bas ston

pa shAkya thub pa sprul pa po'i sangs rgyas 'phags pa yod par
khas len par thal/ des de sprul skur khas len pa'i phyir/ khyab
pa 'grig /der thal/ de sprul sku khas len pa'i phyir/ 'dod mi
nus te/ des rgyal po gzhon nu don grub srid pa tha ma pa'i gang
zag tu khas len pa'i

phyir; kho na re/ byang sems rgyun mtha' pa 'og min gyi rten la
gsar du sangs rgyas pa'i tshe/ de'i sprul pa 'dod khams na yod pa
rnams kyang de dang dus mnyam du sangs rgyas par thal/ longs sku
dang dngos rgyu tshogs pa tshar gcig la rag las kyi 'brel pa grub
pa'i sprul sku

@05b yod pa'i phyir/ rtags khas/ 'dod na/ de'i tshe 'dod pa'i
rten la sangs rgyas par thal/ 'dod pa gang zhig /de'i tshe na de
'dod khams na yod pa'i phyir zer na ma khyab ste/ de'i tshe de
'og min gyi rten la sangs rgyas pa'i phyir te/ de 'og min gyi
rten can yin pa'i phyir/ de der

thal; de yod de 'dod pa'i rten can ma yin pa'i phyir/ kho na re/
byang sems rgyun mtha' pa'i sprul par gyur pa'i 'dod pa'i rten
can gyi gang zag yod par thal/ de 'dod pa'i rten can gyi gang
zag tu sprul pa yod pa'i phyir zer na ma khyab ste/ de bzhin
gshegs la re

dwags ru rur sprul pa'i sprul pa de/ ri dwags kyi rten can yin
par thal/ byang sems rgyun mtha' pa 'dod pa'i rten can du sprul
pa'i gang zag de 'dod pa'i rten can yin pa'i phyir/ rtags khas/
'dod na/ de dud 'gro'i rten can yin par thal/ 'dod pa'i phyir/
'dod mi nus te/

sangs rgyas kyi sprul pa yin pa'i phyir/ gzhan yang/ de bzhin
gshegs pa chu dang zam pa dang grong khyer sogs su sprul pa'i
sprul pa de rnams rim pa bzhin du chu dang zam pa sogs su 'dod
rigs par thal/ de bzhin gshegs pa de rnams su sprul pa yod pa'i
phyir/ khyab

pa 'grig /'dod mi nus te/ de sangs rgyas yin pa'i phyir/ rtags
grub ste/ mdo sde'i rgyan las/ sangs rgyas sprul pa dpag med pa/
/sprul pa'i skur ni 'dod pa ste/ /zhes gsungs pa'i phyir/ mkhas
pa'i dbang po kha cig ma khyab ste/ lung des sangs rgyas kyi
sprul phar gyur

pa'i gzugs sku yin na sangs rgyas yin pas khyab pa bstan pa'i
phyir/ de lta ma yin na/ byang sems rgyun mtha' pa chu dang zam
pa sogs su sprul pa'i sprul pa de byang sems rgyun mtha' pa yin
par thal/ sangs rgyas kyis chu dang zam pa sogs su sprul pa'i
sprul pa de

rnams rim pa bzhin du sangs rgyas yin pa'i phyir zer na mi
mtshungs so/ /gzhan yang/ dbu ma 'jug par/ ba spu'i khung bur
byang chub sems dpa' rnams/ /lhan cig rdzogs sangs rgyas sku
grangs 'das dang/ /de bzhin lha dang lha min mi dag kyang/ /skad
cig skad cig

@06a @#/ /la ni ston par nus/ /zhes gsungs pa mi 'thad par thal/
byang sems sa bcu pa nas rang gi ba spu'i khung bu re rer rdzogs
pa'i sangs rgyas kyi sku 'khor byang sems grangs las 'das pas
bskor ba re re sprul pa med pa'i phyir te/ de rdzogs pa'i

sangs rgyas kyi skur sprul pa med pa'i phyir/ ma grub na/ de
chos can/ de'i sprul par gyur pa'i rdzogs pa'i sangs rgyas yod
par thal/ ma grub pa de'i phyir/ khyab pa khas/ de bzhin du/
byang sems 'phags pa dud 'gror sprul pa sogs rigs 'gre'o// !
//rang lugs la/

'bras bu 'grub pa'i dus mtshams bshad pa dang/ sku'i rnam bzhag
bshad pa dang gnyis las/ dang po la/ bshad bya'i lung 'god pa
dang/ de'i don bshad pa gnyis las/ dang po ni/ rnam bshad snying
po'i rgyun las/ sa bcu rgyun gyi tha ma'i bar chad med lam de
nyid de bzhin

nyid la chu la chu bzhag tu mnyam par bzhag bzhin pa na/ bar
chad med lam gyi dus de'i tshe mnyam gzhag de'i gzigs ngo na shes
bya ji snyed pa'i rnam pa cung zad kyang mi 'char te/ bden gnyis
ngo bo tha dad du 'dzin pa'i dri ma zad par ma spangs pa'i
phyir/ 'on kyang de'i tshe

zag pa med pa'i ye shes sde tshan nyi shu rtsa gcig po'i mngon
par rtogs pa'i rigs ma lus pa thob pa'i bdag nyid du gnas pa yin
no/ /de nas skad cig gnyis pa la rnam grol lam skyes pa'i tshe
shes bya ji lta ba la gnyis snang nub nas chu la chu bzhag tu
song ba

de'i gzigs pa'i ngor shes bya ji snyed pa thams cad lag mthil du
sgyu ru ra bzhag pa ltar mngon sum du gzigs pa de'i tshe shes
sgrib zad par spangs pa dang/ yang dag pa'i mtha' mngon du byas
pa dang/ chos kyi sku mngon du byas pa dang/ chos thams cad rnam
pa

thams cad du mngon par rdzogs par byang chub pa zhes bya'o/ /sa
bcu rgyun mtha' la gnas pa'i tshe mtshan dpes spras pa'i sku de
nyid kyi rigs 'dra phyi ma chos sku thob pa'i tshe mtshan nyid
lnga ldan dang/ yon tan lnga ldan dang/ nges pa lnga ldan kyi
longs spyod rdzogs pa'i sku

@06b 'grub la/ longs skus bdag rkyen byas nas mdzad pa bcu gnyis
kyi sgo nas gdul bya rjes su 'dzin pa'i mchog gi sprul pa'i sku
de'i tshe tshogs pa gcig tu med kyang/ sangs rgyas kyi sprul pa'i
sku'i bye brag 'ga' zhig longs spyod rdzogs pa'i sku dang dngos
rgyu tshogs pa

tshar gcig la rag las kyi 'brel pa grub pa'i tshul du thob par
shes par bya'o/ /zhes gsungs/ gnyis pa ni/ lam la bslabs pa'i
'bras bu mthar thugs sangs rgyas kyi sku yin la/ de dngos su
thob pa'i rten can ni byang sems rgyun mtha' pa yin gyi/ des
sangs rgyas kyi

gzugs kyi sku mthar thugs pa de gnas 'og min du mngon du byed pa
yin te/ 'jug par/ 'og min du ni gang gi don du 'bad gyur go
'phang mchog zhi ba/ /yon tan mtha' dag mthar thug mtshungs pa
med pa de ni khyod kyis brnyes/ /zhes gsungs pa'i phyir/ 'o na
skabs

'di'i 'og min de gang la byed zer na/ kha cig gnas gtsang lnga'i
nang tshan du gyur pa'i 'og min la byed zer ba mi 'thad de/ de
lang gshegs dang 'gal ba'i phyir/ kha cig /sngags bla med kyi
ched du bya ba'i gdul bya rin po che lta bu'i gang zag des 'dzam
bu'i gling pa'i

mi'i rten la longs sku mngon du byed pas de gang du sangs rgyas
pa'i 'dzam bu'i gling gi gnas de 'og min yin/ zhes smra ba mi
'thad de/ sngags bla med la de 'dra'i gang zag yod par bshad
kyang skabs 'dir de ltar khas mi len pa'i phyir/ des na byang
sems rgyun mtha'

pa gang du sangs rgya ba'i longs sku'i rtsa ba'i gnas 'og min
ni/ gzugs khams gnas rigs bcu bdun las gzhan pa'i gzugs khams
kyi gnas baiDUrya'i sa gzhi la gser gyis mig mang ris su bris
pa snod bcud kyi 'byor ba phun sum tshogs pa dang ldan

zhing byang sems 'phags pa yan chad kho na bzhugs pa'i gnas gcig
la byed par phal chen las gsungs la rang lugs kyang de ltar khas
len te/ lang gshegs las/ gtsang ma'i gnas lnga spangs pa yi/
/'og min gnas ni nyams dga' ba/ /yang dag sangs rgyas

@07a @#/ /der sangs rgya/ /sprul pa po gcig 'dir sangs rgya/
/zhes dang/ 'dod pa khams dang gzugs med du/ /sangs rgyas rnam
par sangs mi rgya/ /gzugs kyi khams kyi 'og min du/ /'dod chags
bral khyod mngon sangs rgya/ /zhes gsungs pa'i phyir/ des

na byang sems rgyun mtha' pas chos sku mngon du byas pa'i dus
yod de/ sa bcu'i rgyun gyi tha ma'i bar chad med lam de'i skad
cig gnyis pa la des drangs pa'i rnam grol lam skyes pa de'i tshe
shes bya ji lta ba la gnyis snang nub nas chu la chu bzhag pa
ltar du song ba'i

bar chad med lam des shes bya ji snyed pa thams cad lag mthil du
skyu ru ra rlon pa bzhag pa ltar gsal sing nge mngon sum du
rtogs pa de'i tshe/ byang sems rgyun mtha' pas shes sgrib zad par
spangs pa/ yang dag mtha' mngon du byas pa/ chos sku mngon du

byas pa/ bla na med pa yang dag par rdzogs pa'i byang chub tu
mngon par rdzogs par sangs rgyas pa zhes bya yin pa'i phyir te/
sa bcu rgyun gyi tha ma'i bar chad med lam des chos thams cad
kyi de bzhin nyid la chu la chu bzhag pa ltar mnyam par bzhag
pa'i mnyam

gzhag de'i gzigs ngor shes bya ji snyed pa'i rnam pa cung zad
kyang mi 'char te/ rgyun mtha'i bar chad med lam pa des bden
gnyis ngo bo tha dad du 'dzin pa'i dri ma zad par ma spangs pa'i
phyir/ 'on kyang de'i tshe rgyun mtha'i bar chad med lam pa des/
zag med kyi ye

shes sde tshan nyer gcig po'i mngon par rtogs pa mtha' dag gi
rigs te dngos kyi nyer len du gyur pa'i ye shes thob pa yin te/
des ji lta ba mkhyen pa'i rnam mkhyen dang/ ji snyed pa mkhyen
pa'i rnam mkhyen gnyis ka'i dngos kyi nyer len du gyur pa'i ye
shes thob pa'i

phyir; sa bcu rgyun gyi tha ma la gnas pa'i tshe/ rgyun mtha' pas
mtshan dpes spras pa'i byang sems kyi sku thob la/ rgyun mtha'
pa'i rgyud la shes sgrib spangs pa'i lam skyes pa'i tshe/ mtshan
dpes spras pa'i byang sems kyi sku de'i rigs 'dra phyi ma nges
pa lnga

@07b ldan gyi longs spyod rdzogs pa'i skur gyur la/ de'i rgyud
kyi chos dbyings de yang de dang dus mnyam du mtshan nyid lnga
ldan dang yon tan lnga ldan gyi ngo bo nyid skur gyur cing/
rgyun mtha' pa'i sprul pa 'jig rten gyi khams dpag tu med par
yod pa rnams kyang de

dang dus mnyam du sprul skur gyur pa yin te/ byang sems rgyun
mtha' pas sku gsum cig car du mngon du byed pa'i phyir/ rgyun
mtha' ba de dang rgyud gcig tu gyur pa'i longs skus bdag rkyen
byas nas mdzad pa bcu gnyis kyi sgo nas gdul bya rjes su 'dzin
pa'i

mchog gi sprul pa'i sku de'i tshe tshogs pa gcig tu med de/ de'i
tshe mchog gi sprul sku de longs sku dang dngos rgyu tshogs pa
gcig la rag las kyi 'brel ba ma grub pa'i phyir/ de ltar ma grub
kyang/ de'i sprul sku 'ga' zhig de dang dus mnyam du thob pa yin
te/ byang

sems rgyun mtha' pa 'og min du longs sku mngon du byas pa dang
dus mnyam du/ de'i sprul pa 'dod khams na bzhugs pa rnams kyis
kyang 'dod khams su sprul sku mngon du byed pa'i phyir// ! gnyis
pa sku'i rnam gzhag bshad pa la kha cig /sbyor ba zhi

bsgoms stobs kyis thob pa'i 'bras bu mthar thug /'bras bu chos
sku'i mtshan nyid zer na/ de la kha cig /longs sku'i sen mo zangs
mdog chos can/ mtshon bya der thal/ mtshan nyid de'i phyir/ 'dod
na/ de sangs rgyas yin par thal lo/ /'dod na/ de gzugs

sku yin par thal/ 'dod pa'i phyir/ 'dod na/ de chos can/ gang
zag tu thal/ 'dod pa'i phyir/ 'dod mi nus te/ kha dog yin pa'i
phyir/ zhes bkag nas/ kho rang gi lugs la/ sbyor bzhi bsgoms
stobs kyis thob pa'i sangs rgyas su dmigs pa/ 'bras bu chos
sku'i

mtshan nyid zer na/ longs sku'i sen mo zangs mdog chos can/ yon
tan ma yin par thal/ mthar thug gi yon tan yang ma yin/ gnas
skabs kyi yon tan yang ma yin pa'i phyir/ dang po ma grub na/
sangs rgyas su thal/ ma grub pa de'i phyir/ gzhan yang/ shes bya
chos can/

@08a @#/ /longs sku'i dbu skra bung ba ltar nag nag po yin par
thal/ longs sku'i sen mo zangs mdog dmar po yin pa'i phyir te/
de kha dog yin pa'i phyir/ rtags khas/ 'dod na/ de chos can/ nag
po med na khyod med dgos par thal lo/ gzhan yang/ longs

sku'i lpags pa gser mdog ser po yin par thal/ de'i sen mo zangs
mdog dmar po yin pa'i phyir/ 'dod na/ rgyal ba sman gyi bla la
lpags pa gser mdog med par thal lo/ /gzhan yang/ sbyor bzhi'i
snga rol tu byung ba'i rnam mkhyen yang chos can/ mtshan nyid der
thal/

mtshon bya de'i phyir/ rtags gsal gnyis ka grub ste/ chos can de
yin pa'i phyir/ rang lugs la/ byed pa po sku'i rang bzhin dang/
bya ba 'phrin las kyi rang bzhin gnyis las/ dang po la/ ngo bo/
/dbye ba/ so so'i ngo bo ngos bzung ba'o/ /dang po ni/ yon tan
gyi cha shas du ma 'dus

pa'am tshogs pa mthar thugs pas na sku zhes bya ba ste/ saM skr-i
ta'i skad la sku'i skad dod kA ya zhes pa bsags pa 'am 'tshogs
pa la 'jug pa'i phyir/ des na rang thob byed kyi thabs su gyur
pa'i sbyor bzhi bsgoms stobs kyis thob pa'i 'bras bu mthar thug
/'bras bu

chos sku'i mtshan nyid/ gnyis pa la/ gnyis su dbye ba/ gsum du
dbye ba/ lngar dbye ba/ bzhir dbye ba dang bzhi las/ dang po ni/
'bras bu chos sku la dbye na/ rang don chos sku dang/ gzhan don
gzugs sku gnyis su yod de/ rin chen 'phreng bar/ sangs rgyas
rnams kyi gzugs

sku 'dir/ /bsod nams tshogs las byung ba ste/ /chos kyi sku ni
mdor bsdus na/ /rgyal po ye shes tshogs las 'khrungs/ /zhes
gsungs pa'i phyir/ yang de la/ rang don chos sku dam pa dang/
/gzhan don gzugs sku dam pa gnyis su yang yod de/ rigs pa drug
cu par/ dge

ba 'di yis skye bo kun/ /bsod nams ye shes tshogs bsags te/ bsod
nams ye shes las byung ba'i/ /dam pa gnyis ni thob par shog /ces
gsungs pa'i phyir/ yang de la/ rang don don dam pa'i sku dang/
gzhan don kun rdzob pa'i sku gnyis su yang dbyer yod de/ rgyud

@08b blar; rang don gzhan don don dam sku dang ni/ /de la brten
pa kun rdzob sku nyid de/ /zhes gsungs pa'i phyir/ gnyis pa ni/
yang de la/ ngo bo nyid sku/ longs sku/ sprul sku gsum du yang
yod de/ mdo sde'i rgyan las/ sku gsum dag gis sangs rgyas kyi/
/sku bsdus par

ni shes bya ste/ /sku gsum dag gis rang bzhin gyi/ /don 'di rten
dang bcas par bstan/ /zhes longs sku rang don sprul sku gzhan
don gyi sku dang/ ngo bo nyid sku de gnyis kyi rten du gsungs
pa'i phyir dang/ rgyud blar yang/ de dbye zab dang rgya che
dang/ /bdag nyid chen

po'i yon tan gyi/ /chos kyi rab dbye rang bzhin la/ /sogs pa'i
sku gsum dag gis 'jug /ces dang/ nyi snang las/ da ni chos kyi
sku brjod par bya ba yin la/ de ni rnam pa gsum du rig par bya
ste/ ngo bo nyid kyi sku dang/ longs spyod rdzogs pa'i sku dang/
sprul pa'i sku'o/ /

zhes gsungs pa'i phyir dang/ yang de la/ rang don chos sku dang
longs sku sprul sku gsum du yang dbyer yod de/ rgyan snang las/
yum gyi bshad sbyar byas pa las byung bdag gi dge ba'i sa bon
las/ /rnam pa kun gyi mchog tu gyur pa'i sku ni gsum po nges par
thob par

shog ;ces gsungs pa'i phyir/ gsum pa la/ 'bras bu chos sku la
lngar grangs nges par 'grel byed kha cig bzhed de/ tshig gsal
las/ yang kha cig longs spyod rdzogs pa'i sku la mngon par
rdzogs par byang chub pa sa bcu pa'i byang chub sems dpa' rnams

'ba' zhig gi snang ba'i lam du gyur pa longs spyod rdzogs pa
chen po'i sku ji skad bshad pa'i ye shes rnams kyi gzhir gyur pa
dang/ sa rab tu dga' ba la sogs pa la gnas pa'i snang ba'i lam
du gyur pa sprul pa'i sku la longs spyod rdzogs par btags

pa dang/ sprul pa'i sku ste lngar 'dod do/ /gzhan dag ni sprul
pa'i sku la rnam par smin pa dang/ rnam par smin pa ma yin pa'i
dbye bas sku lngar ston par bzhed do/ /zhes ngo bo nyid sku/ ye
shes chos sku/ longs sku chen po/ longs sku btags pa ba/ sprul
sku ste lnga dang/ yang

@09a @#/ /snga ma gnyis kyi steng du longs sku/ rnam par smin
pa'i sprul sku/ rnam par smin pa ma yin pa'i sprul sku ste lngar
bshad la/ rtogs dkar yang/ mtshan yang dag par brjod pa las/
sangs rgyas sku lnga'i bdag nyid can/ /zhes smos pa de yang
'thad

pa kho na yin te/ sprul pa'i sku'i dbye ba rnam par smin pa'i
sku yin pa'i phyir ro/ /zhes dang/ slob dpon 'jam dpal grags
pas/ ngo bo nyid kyi sku dang/ chos kyi sku dang/ ye shes kyi
sku ste chos kyi sku'i dbye ba gsum dang/ longs spyod rdzogs
pa'i sku dang/ sprul

sku'o; /zhes dang/ slob dpon sgeg pa'i rdo rjes/ ngo bo nyid
dang/ longs spyod rdzogs pa dang/ rnam par smin pa dang/ sprul
pa dang/ chos kyi sku'o/ /zhes gsungs pa'i phyir/ bzhi pa la/
bzhir bzhed pa dang/ de mi bzhed pa'i lugs dgod/ 'thad pa'i
phyogs brtag

pa'o; /dang po ni/ rgyan snang dang 'grel pa 'di gnyis su skabs
brgyad pa'i dngos bstan gyi gtso bo'i sangs rgyas kyi sku la ngo
bo nyid sku/ ye shes chos sku/ longs sku/ sprul sku bzhi'i dbye
ba bstan pa yin te/ de yang ngo bo nyid kyi sku la sogs pa'i
dbye bas rnam pa bzhi

yin te/ zhes dang/ de ltar sku dang po bstan nas gnyis pa chos
kyi sku/ zhes sogs gsungs pa'i phyir dang/ de'i phyir phyogs
gzhan nas sku bzhir gsungs pa thams cad mi 'gal bar shes par
bya'o/ /zhes dang/ de dang mthun par rtogs dka' dang/ /tshig gsal

las kyang gsungs/ sher 'byung dang bud d+ha shris kyang sku bzhir
bshad la/ gzhon nu dpal gyis kyang sku gsum du 'dod pa bkag nas
bzhir bshad do/ /gnyis pa ni/ 'phags pa grol sdes skabs brgyad
pa'i dngos bstan gyi gtso bor gyur pa'i sangs rgyas kyi sku la

ngo bo nyid sku/ longs sku/ sprul sku gsum du bzhed de/ nyi
snang las/ de ni chos kyi sku brjod par bya ba yin la/ de ni
rnam pa gsum du rig par bya ste/ zhes sogs gsungs pa'i phyir/ de
dang mthun par nyi khri'i rnam 'grel las bshad cing/ snying po
mchog las kyang/ mngon

@09b par rtogs pa brgyad pa ni chos kyi sku'i/ de'i dngos po
yang rnam pa bzhi ste/ sku gsum dang mdzad pa'o/ /zhes dang/ de
dang mthun par thub dgongs su yang/ de'i phyir 'jig rten las
'das pa'i byang chub kyi phyogs la sogs pa rnams sgyu ma lta
bu'i gnyis

su med pa'i ye shes kyi ngo bo ni chos kyi sku ste bzhi pa'o
zhes gang du yang rnam par bzhag pa med kyi/ rnam par bzhag pa
de ni seng ge bzang po'i rang dbang las ste spang bar bya'o/
/zhes gsungs pa'i phyir/ gsum pa ni/ lugs de gnyis kyi nang nas
slob dpon gyi lugs 'di

nyid rang lugs su khas blang bar bya ste/ de'i rgyu mtshan ni 'og
tu grangs nges kyi skabs su 'chad par 'gyur ba'i phyir ro/ /gsum
pa la/ sku so so'i ngo bo dang/ ye shes kyi sku'o/ /dang po la/
ngo bo nyid sku/ ye shes chos sku/ longs sku/ sprul sku dang
bzhi yod pa

'og tu rang rang gi skabs su bshad par bya'o/ /gnyis pa la/ ye
shes kyi ngo bo/ /de'i rgyu/ de skur bstan pa'o/ /dang po la/
spyir sangs rgyas kyi ye shes la/ chos dbyings ye shes/ me long
lta bu'i ye shes/ mnyam pa nyid kyi ye shes/ so sor rtog pa'i ye
shes/ bya ba sgrub

pa'i ye shes dang lngar mkhas pa mang pos gsungs kyang/ 'phags
pa sangs rgyas kyi sa las/ shin tu 'dus pa sangs rgyas kyi sa ni
rnam pa lngas bsdus te/ lnga gang zhe na/ chos kyi dbyings rnam
par dag pa dang/ me long lta bu'i ye shes dang/ mnyam pa nyid
kyi ye shes dang/

so sor rtog pa'i ye shes dang/ bya ba nan tan gyi ye shes yin
no/ /zhes lngar gsungs pa'i dang po la chos kyi dbyings rnam par
dag pa dang/ zhes pa ma gtogs ye shes kyi ming gis ma gsungs pas
dang po ngo bo nyid sku yin par gser 'phreng las bshad pa ltar
yin pas/

sangs rgyas kyi ye shes la phyi ma bzhir phye ba yin la/ de dang
mthun par mdo sde'i rgyun las kyang bshad de/ de nyid las/ me
long ye shes mi g.yo ste/ /ye shes gsum ni de la brten/ /mnyam
pa nyid dang so sor rtog/ /bya ba sgrub pa kho na'o/ /zhes
gsungs pa'i phyir/

@10a @#/ /de'i don ni/ me long ye shes de la mi g.yo ba zhes
brjod pa'i rgyu mtshan yod de/ de dus rgyun mi 'chad du 'byung
bas de ltar brjod pa'i phyir/ mnyam nyid ye shes so sor rtog
pa'i ye shes bya sgrub ye shes gsum chos can/ khyod kyi rten med
pa ma

yin te/ khyod me long lta bu'i ye shes la brten pa'i phyir/ me
long lta bu'i ye shes de khyad chos lnga'i sgo nas 'chad pa la/
de nyid las/ me long ye shes nga yi med/ /yongs su ma chad rtag
tu ldan/ /shes bya kun la ma rmongs pa/ /rtag tu de la mngon
phyogs min/ /zhes gsungs/

don ni/ me long lta bu'i ye shes chos can/ khyad chos lnga dang
ldan te/ nga dang nga yi ba dang gzung pa dang 'dzin pa'i rnam
par rtog pa med pa'i phyir nga yi ba rang bzhin gyis med pa'i
khyad par/ shar la sogs pa'i yul gyi sgo nas ris yongs su ma
chad pa'i khyad par/ dus kyi

sgo nas rtag tu ldan pa'i khyad par/ rtag tu sgrib pa dang bral
bas shes bya thams cad la ma rmongs par 'jug pa'i khyad par/
rtag tu yul re re ba kho na la mngon sum du phyogs pa min pa'i
khyad chos rnams dang ldan pa'i phyir/ de'i sgra don ni/ de nyid
las/ ye shes kun gyi rgyu

mtshan phyir/ /ye shes 'byung gnas chen po 'dra/ /longs spyod
rdzogs pa'i sangs rgyas nyid/ /ye shes gzugs brnyan 'byung phyir
ro/ /zhes gsungs/ don ni/ de chos can/ ye shes kyi 'byung gnas
chen po dang 'dra ste/ ye shes phyi ma gsum po kun gyi rgyu
mtshan mthar

thug yin pa'i phyir/ de chos can/ longs spyod rdzogs pa'i sangs
rgyas nyid ces gdags su rung ste/ de'i gdags gzhi mthar thug yin
pa'i phyir/ de chos can/ me long lta bu zhes brjod pa'i rgyu
mtshan yod de/ ye shes gzhan gsum gyi gzugs brnyan 'byung ba'i
rten

du gyur pa'i mthar thug pa'i mkhyen pa yin pa'i phyir/ mnyam
nyid ye shes de khyad chos gsum gyi sgo nas 'chad pa la/ de nyid
las/ sgom pa dag pa sems can la/ /mnyam pa nyid kyi ye shes
'dod/ /mi gnas zhi bar zhugs pa ni/ /mnyam nyid ye shes yin par

@10b 'dod; /dus rnams kun tu byams pa dang/ /thugs rje chen po
dag dang ldan/ /zhes gsungs/ don ni/ mnyam nyid ye shes chos
can/ rgyu'i khyad par dang ldan te byang sems kyi dus su bdag
gzhan mnyam pa nyid bsgoms pa dri mas dag pa las thob pa'i mthar
thug

pa'i mkhyen pa yin pa'i phyir/ de chos can/ ngo bo'i khyad par
dang ldan te/ srid zhi mtha' la mi gnas par zhugs pa'i mthar
thug pa'i mkhyen pa yin pa'i phyir/ de chos can/ byed las gyi
khyad par dang ldan te/ dus rnams kun tu byams pa dang thugs rje
chen po

dag dang ldan zhing sems can rnams la mos pa ji lta ba bzhin du
sngo ser la sogs pa'i sgo nas sangs rgyas kyi sku ni nges par
ston pa'i phyir/ so sor rtog pa'i ye shes khyad chos gsum gyi
sgo nas 'chad pa la/ de nyid las/ so sor rtog pa'i ye shes ni/
/shes

bya kun la rtag mi thogs/ /ting nge 'dzin dang gzugs rnams kyi/
/gter dang 'dra ba kho na yin/ /zhes gsungs/ don ni/ so sor rtog
pa'i ye shes chos can/ ngo bo'i khyad par dang ldan te/ shes bya
kun la rtag tu thogs pa mi mnga' ba'i mkhyen pa yin pa'i phyir/
de chos can/

yon tan gyi khyad par dang ldan te/ ting nge 'dzin dang gzugs
kyi yon tan rnams kyi gter dang 'dra ba kho na yin pa'i phyir/
de chos can/ byed las kyi khyad par dang ldan te/ sangs rgyas
kyi 'khor gyi dkyil 'khor rnams su rdzu 'phrul gyi 'byor pa
thams cad ston par mdzad

cing; the tshom thams cad gcod pa'i chos kyi char chen po 'beb
par mdzad pa'i mkhyen pa yin pa'i phyir/ bya ba sgrub pa'i ye
shes sgra don gyi sgo nas 'chad pa la/ de nyid las/ bya ba sgrub
pa'i ye shes ni/ /khams rnams kun tu sna tshogs zhing/ /dpag med
bsam yas

sprul pa yis/ /sems can don kun sgrub pa'o/ /zhes gsungs/ don
ni/ bya ba sgrub pa'i ye shes chos can/ khyod la bya ba sgrub pa
zhes brjod pa'i rgyu mtshan yod de/ 'jig rten gyi khams rnams kun
tu sna tshogs zhing grangs dpag tu med pa sprul pas gdul bya bsam

@11a @#/ /gyis mi khyab pa'i sems can don sgrub pa'i mthar thug
pa'i mkhyen pa yin pa'i phyir/ gnyis pa de'i rgyu ston pa la/ de
nyid las/ 'dzin pa'i phyir dang sems mnyam phyir/ /yang dag chos
rab ston phyir dang/ /bya ba sgrub pa nyid kyi phyir/ /ye shes

bzhi po yang dag 'byung/ /zhes gsungs/ don ni/ shes bya chos
can/ ye shes bzhi po de yang dag par 'byung ba'i rgyu med pa ma
yin te/ dam pa'i chos phyin ci ma log par 'dzin pa dang/ sems
mnyam pa nyid sgom pa dang/ /chos yang dag par rab tu ston pa
dang/ gdul

bya'i bya ba sgrub pas ye shes bzhi po de go rim bzhin du 'gyur
ba'i phyir ro/ /gsum pa ni/ ye shes bzhi po de chos can/ ye shes
chos sku yin te/ gnas gyur mthar phyin pa'i ye shes yin pa'i
phyir/ des na/ sangs rgyas shAkya thub pa chos can/ khyod mig
sogs dbang po lnga po

dang don lnga po kun la 'jug pa dang/ lnga po thams cad kyi yon
tan brgya phrag bcu gnyis bcu gnyis 'byung ba'i 'byor pa dam pa
thob par 'gyur te/ khyod dbang po lnga zag bcas rnams gnas gzhan
du gyur ba mthar thug pa'i skyes bu yin pa'i phyir te/ mdo sde'i
rgyan las/

dbang po lnga ni gzhan gyur na/ /don kun 'jug dang thams cad la/
/yon tan brgya phrag bcu gnyis 'byung/ /'byor pa dam pa thob par
'gyur/ zhes gsungs pa'i phyir/ yon tan brgya phrag bcu gnyis ni/
/sna mtshan las bshad pa ni mig gi dbang shes la yang phyogs

bzhi steng 'og gi yul drug la 'jug pa'i dbang shes drug tu phye
nas drug po re res kyang phyogs bcu bcu'i sgra dri ro reg bya
ste yul bzhi po de la bcu bcu ste yul bzhi bcu re la 'jug pas
bzhi bcu chen po drug bsdoms pas nyis brgya dang bzhi bcu ste
mig shes kyis

gzugs mthong ba mi 'dren pa'i rgyu mtshan yod de/ de sangs rgyas
kho na'i yon tan ma yin pa'i phyir/ de bzhin du/ rna ba/ sna/
lce/ lus kyi dbang shes bzhi la yang drug drug tu phye nas drug
po re res kyang rim pa bzhin du phyogs bcu bcu'i gzugs dri ro
rig bya bzhi dang/

@11b gzugs sgra ro reg bya bzhi dang/ gzugs sgra dri reg bya
bzhi dang/ gzugs sgra dri ro bzhi la rim pa bzhin du 'jug pas de
ltar phye bas bzhi po re re la yang bzhi bcu pa drug yod pas
snga ma dang bsdoms pas yon tan brgya phrag bcu gnyis su 'gyur
ba yin pa'i phyir/

glang thang pa mtshan so gnyis dang dpe byad brgyad cu la 'dod
la/ 'ga' zhig sa dang po'i yon tan brgya phrag bcu gnyis la 'dod
la/ rje btsun cha pa na re/ de ltar grangs kyang sus kyang
mthong ba dang rtogs pa med ces 'grel bshad la zur za mdzad
kyang/ 'grel bshad las

'byung ba ltar legs shing/ sna chan gyis bshad pa cung zad mdo
dang mthun par snang ngo/ /ston pa shAkya thub pa chos can/
dbang po lnga'i 'byor ba dang mthun par rnam par mi rtog pa'i ye
shes shin tu dri ma med pa la 'byor pa dam pa thob par 'gyur te/
nyon

mongs pa dang bcas pa'i yid kyi rnam par shes pa gnas gzhan du
gyur pa mthar thug pa'i skyes bu yin pa'i phyir te/ de ltar yang
de nyid las/ yid ni gnas gzhan gyur pa na/ /'byor dang mthun
spyod mi rtog pa'i/ /ye shes shin tu dri med pa/ /'byor ba dam
pa thob

par 'gyur/ /zhes gsungs pa'i phyir/ yang de chos can/ ji ltar
'dod pa bzhin du zas gos la sogs pa'i longs spyod dag ston pa'i
bcud dag pa dang snod kyi zhing dag pa la 'byor pa dam pa thob
par 'gyur te/ don lnga der 'dzin gyi shes pa dang bcas pa gnas
gzhan du

gyur pa mthar thug pa'i skyes bu yin pa'i phyir te/ de nyid las/
don bcas 'dzin pa gzhan gyur na/ /ji ltar 'dod bzhin longs spyod
dang/ /brtan phyir zhing ni dag pa la/ /'byor pa dam pa thob par
'gyur/ /zhes gsungs pa'i phyir/ de yang chos can/ rnam pa

thams cad du rtag tu ye shes dang 'phrin las rnams kun la thogs
pa med pa la 'byor ba dam pa thob par 'gyur te/ rnam rtog gnas
gzhan du gyur pa mthar thug pa'i skyes bu yin pa'i phyir te/ de
nyid las rnam rtog gzhan du gyur na ni/ /dus rnams rtag tu ye
shes

@12a @#/ /dang ! las rnams kun la thogs med la/ /'byor pa dam pa
thob par 'gyur/ /zhes gsungs pa'i phyir/ yang de chos can/ sangs
rgyas kyi dri ma med pa'i gnas la ni gnas shing mi gnas pa'i mya
ngan las 'das pa la 'byor pa dam pa thob

par 'gyur te/ kun byang gi chos kun gyi rten du gyur pa'i rnam
par shes pa gnas gzhan du gyur pa mthar thug pa'i skyes bu yin
pa'i phyir te/ de nyid las/ rten ni gzhan du gyur pa na/ sangs
rgyas dri med gnas la ni/ /mi gnas mya ngan 'das pa yi/ /'byor
pa dam pa thob

par 'gyur/ /zhes gsungs pa'i phyir/ yang de chos can/ sangs
rgyas kyi zag med kyi bde bar gnas pa dang/ mo mthong ba'i tshe
nyon mongs pa med pa la 'byor ba dam pa thob par 'gyur te/
'khrig pa'i 'dod chags dang bcas pa'i shes pa gnas gzhan du gyur
pa mthar thug pa'i

skyes bu yin pa'i phyir te/ de nyid las/ 'khrig pa gzhan du gyur
na ni/ /sangs rgyas bde bar gnas pa dang/ /mo mthong nyon mongs
med pa la/ /'byor pa dam pa thob par 'gyur/ /zhes gsungs pa'i
phyir/ yang de chos can/ nam mkha' mdzod char 'bab pa sogs kyi

bsam pa'i don 'byor pa dang gzugs rnam par 'byed pa ste thogs
med du 'gro ba la 'byor pa dam pa thob par 'gyur te/ nam mkha'i
'du shes gnas gzhan du gyur pa mthar thug pa'i skyes bu yin pa'i
phyir te/ de nyid las/ nam mkha' 'du shes gzhan gyur na/

bsam pa'i don ni 'byor pa dang/ /'gro gzugs rnam par 'byed pa
la/ /'byor pa dam pa thob par 'gyur/ /zhes gsungs pa'i phyir/
des na/ tsanta go mis/ gang yang kun gzhi'i rnam par shes/ /me
long ye shes nyid gyur pa/ /zhes dang/ nyon mongs can yid gnas
gyur pa/ /

mnyam nyid ye shes brjod par bya/ /so sor rtog pa'i ye shes ni/
/yid kyi rnam shes de nyid do/ /zhes dang/ dbang po lnga yi rnam
shes gang/ /de ni don kun yongs 'dzin phyir/ /sems can kun gyi
don du ni/ /bya ba sgrub pa tsam nyid thob/ /ces gsungs pa'i don
yang 'di bzhin du

@12b bshad par bya'o/ /de'i tshul ni/ sangs rgyas 'phags pa'i
thugs rgyud kyi yid kyi rnam par shes pa chos can/ me long lta
bu'i ye shes yin te/ kun byang gi chos thams cad kyi gzhi rten
du gyur pa'i yid kyi rnam par shes pa gnas gzhan du gyur pa
mthar thug pa'i ye shes yin pa'i

phyir; de chos can/ mnyam pa nyid kyi ye shes yin te/ nyon mongs
pa dang bcas pa'i yid kyi rnam par shes pa gnas gzhan du gyur pa
mthar thug pa'i ye shes yin pa'i phyir/ de chos can/ so sor rtog
pa'i ye shes yin te/ sems can gyi rgyud kyi yid kyi rnam shes
gnas

gzhan du gyur pa mthar phyin pa'i ye shes yin pa'i phyir/ sangs
rgyas 'phags pa'i rgyud kyi dbang shes lnga chos can/ bya ba
sgrub pa'i ye shes yin te/ dri ma dang bcas pa'i dbang shes lnga
gnas gzhan du gyur pa mthar phyin pa'i ye shes yin pa'i phyir/
sangs rgyas 'phags pa'i

thugs rgyud kyi sems kyi chos nyid chos can/ ngo bo nyid sku yin
te/ gnas gyur mthar phyin pa'i chos nyid yin pa'i phyir/ kho na
re/ sems can gyi sems kyi chos nyid 'gyur bar thal/ de zag med
du 'gyur pa'i phyir zer na/ skyon med de/ chos nyid kyi ngo bo
la 'gyur pa med

kyang glo bur dri mas dag rung yin pa'i phyir te/ dper na/ nam
mkha'i rang bzhin la rdul ma zhugs kyang glo bur gyi rdul dang
bral ba dang/ gser gyi rang bzhin la g.ya' ma zhugs kyang glo
bur gyi g.ya' dang bral ba dang/ chu'i rang bzhin la rnyog pa
med kyang glo bur gyi rnyog

pa dang bral ba bzhin no/ /de ltar yang/ mdo sde'i rgyun las/ de
ni nam mkha' chu gser ltar/ /nyon mongs pa la rnam dag 'dod/
/ces gsungs pa'i phyir/ / ! //gnyis pa bya ba 'phrin las kyi
rang bzhin bshad pa la/ kha cig /sangs rgyas kyi 'phrin las
sangs rgyas

kyi sa kho nar yod kyi gdul bya'i rgyud la med de/ sangs rgyas
kyi sku gsung thugs kyi 'phrin las gsum ga yang kun slong gi
rnam par rtog pa la mi ltos pa dang/ rgyun mi 'chad par 'bad med
lhun grub tu 'jug par byed par dpe'i sgo nas rgyud bla mar bstan
pa'i

@13a @#/ /phyir te/ de nyid las/ brgya byin rda sprin tshangs pa
dang/ /zhes sogs gsungs pa'i phyir zhes zer na/ sangs rgyas kyi
'phrin las la bya ba yul la yod pa'i 'phrin las dang byed pa po
la yod pa'i 'phrin las gnyis su 'byed mi rigs par thal/

gdul bya'i rgyud la sangs rgyas kyi 'phrin las med pa'i phyir/
rtags khas/ gzhan yang/ ston pa shAkya thub pa'i bstan pa ji
srid gnas kyi bar du de'i 'phrin las gnas pa mi 'thad par thal/
gdul bya'i rgyud la sangs rgyas kyi 'phrin las med pa'i phyir/
'dod na sla/ gzhan

yang; de bzhin 'khor ba ji srid 'di'i/ /zhes gsungs pa mi 'thad
par thal/ sangs rgyas kyi 'phrin las 'khor ba ma stong gi bar du
rgyan mi 'chad du mi 'byung ba'i phyir te/ dam bca' 'thad pa'i
phyir/ gzhan yang/ gdul bya'i rgyud la sangs rgyas kyi 'phrin
las yod

par thal/ de'i rgyud la sangs rgyas kyi bstan pa yod pa'i phyir
te/ de'i rgyud la lung rtogs kyi dam chos yod pa'i phyir/ rong
TIk pa na re/ gdul bya'i rgyud la shes pa'i char gyur pa'i
sangs rgyas kyi 'phrin las med de/ dag ldan las/ mdzad pa dang
mdzad pa can thams cad tha

mi dad pa'i phyir chos kyi skur rnam par bzhag /ces gsungs pa'i
phyir/ /'o na/ gdul bya lam la 'god pa'i sangs rgyas kyi 'phrin
las med par thal/ sangs rgyas kyi gdul bya lam la bkod nas rgyud
la skyes pa'i lam de sangs rgyas kyi 'phrin las ma yin pa'i
phyir te/

dam bca' 'thad pa'i phyir/ 'dod na/ sangs rgyas 'phags pas gdul
bya lam la 'god pa'i 'phrin las mi mdzad par thal lo/ /des na
lung de'i don ni/ byed pa po la yod pa'i 'phrin las kyi dbang du
byas pa'am/ chos sku mtshon byed kyi 'phrin las ngos 'dzin pa'i

dbang du byas pa yin pa'i phyir te/ rgyan snang las/ chos kyi
sku ni thob bya mthar thug pa yin pas/ skabs brgyad par sgrub pa
mi 'thad de/ der lam la slob pa'i bya ba dang bral ba'i phyir/
zhes gsungs pa'i phyir ro/ /des na sangs rgyas kyi 'phrin las
zhes pa sangs rgyas kyi

@13b bya ba yin la/ bya ba de nyid kyang byed pa po la yod pa
dang/ gdul bya la yod pa'i thar lam sogs ni bya ba yul la yod
pa'i 'phrin las yin la/ de'i phyir sangs rgyas kyis gdul bya lam
dang lam gyi rten la 'god pa ni gnyis ka la yod la/ bkod pa'i
cha ni gdul bya

la yod de/ dper na/ skyes bu shing gshags pa'i rtsol ba ni skyes
bu la yod cing/ shing dum bu dum bur gshags pa'i cha yul shing
la yod pa bzhin yin pa'i phyir/ gdul bya lam gyi rten la 'god pa
nas 'bras bu myang 'das la 'god pa'i bar nyer bdun sangs rgyas

kyi 'phrin las su bshad pa mi 'thad par 'gyur ro zhe na/ skyon
med de/ bkod pa'i cha dang 'god pa'i thabs sangs rgyas kyi
'phrin las nyer bdun la yod pa'i phyir/ spyi don rgyas par 'og
tu 'chad do/ /ngag don ni/ skad cig sbyor gyi rjes su 'bras bu
chos sku 'chad pa'i

rgyu mtshan yod de/ skad cig sbyor bsgoms stobs kyis 'bras bu
chos sku 'thob pa'i rgyu mtshan gyis de ltar bshad pa'i phyir/
'bras bu chos sku yang chos can/ rnam pa bzhir yod de/ ngo bo
nyid sku/ ye shes chos sku/ longs sku/ sprul sku rnams su yod
pa'i phyir// ! //

thub pa'i ngo bo nyid sku ni/ /zhes sogs kyi skabs su/ kha cig
/ngo bo nyid sku sangs rgyas ma yin zer na/ spangs pa mthar thug
sangs rgyas ma yin par thal/ dam bca' de'i phyir/ 'dod na/ rtogs
pa mthar thug sangs rgyas ma yin par thal/ 'dod pa'i phyir/ 'dod
na/

rnam mkhyen sangs rgyas ma yin par thal lo/ /gzhan yang/ spangs
pa khyad par gsum ldan gyi bde gshegs med par thal/ dam bca'
de'i phyir/ 'dod na/ rnam 'grel las/ rgyu spangs yon tan gsum
bder gshegs/ /zhes gsungs pa mi 'thad par thal lo/ /kho

na re/ ngo bo nyid sku chos can/ ma rig pa'i gnyid sangs shing
shes bya la blo gros rgyas par thal/ sangs rgyas yin pa'i phyir
zer na ma khyab ste/ skams las skyes pa'i padma chos can/ mtsho
las skyes par thal/ mtsho skyes yin pa'i phyir/ khyab pa 'grig
/gzhan yang/ ston pa shAkya

@14a @#/ /thub pa chos can/ shes rgyud nyon mongs pas gang zhing
zag pa dang bcas pa yin par thal/ gang zag yin pa'i phyir/ khyab
pa 'grig go /kha cig /ngo bo nyid sku 'dus ma byas ma yin te/ de
slob pa'i dus su med cing phyis sangs rgyas kyi dus su yod

pa'i res 'ga' ba yin pa'i phyir zer na ma khyab ste/ res 'ga'
ba'i rtag pa yod pa'i phyir te/ yul dus 'ga' zhig na med cing
yul dus la lar yod pa'i rtag pa yod pa'i phyir/ rtags sla/ kha
cig /dbyings rang bzhin gyis rnam par dag pa la spang bya glo
bur gyi dri

ma mtha' dag dang bral bas khyad par du byas pa'i de bzhin nyid/
ngo bo nyid sku'i mtshan nyid zer na/ sangs rgyas 'phags pa'i
thugs rgyud kyi 'gog bden chos can/ de bzhin nyid yin par thal/
ngo bo nyid sku yin pa'i phyir/ khyab pa khas/ der thal/ chos
can de'i phyir/ 'dod

na; chos nyid du thal lo/ /'dod na/ de chos can/ don dam bden pa
yin par thal/ 'dod pa'i phyir/ 'dod mi nus te/ kun rdzob bden pa
yin pa'i phyir te/ 'gog bden yin pa'i phyir/ kho na re/ skyon
med de/ 'gog bden don dam bden pa yin pa'i phyir zer na/ 'gog
bden

chos can/ khyod mngon sum du rtogs pa'i gang zag yin na/ don dam
bden pa mngon sum du rtogs pa'i gang zag yin dgos par thal/ 'dod
pa'i phyir/ 'dod na/ stong nyid ma rtogs pa'i nyan thos dgra
bcom pa chos can/ der thal/ de'i phyir/ der thal/ bden bzhi mi
rtag

sogs bcu drug mngon sum du rtogs pa'i phyir te/ dgra bcom pa yin
pa'i phyir/ 'dod na/ de chos can/ stong nyid rtogs par thal lo/
/kho na re/ ngo bo nyid sku yin na/ don dam bden pa yin dgos par
thal/ de yin na/ chos nyid yin dgos pa'i phyir te/ de chos nyid
yin

pa'i phyir te/ de chos nyid kyi sku yin pa'i phyir te/ sku lhag
ma gsum po do dam par chos nyid kyi ngo bo/ zhes gsungs pa'i
phyir zer na ma khyab ste/ de rang bzhin rnam dag gi char gyur
pa'i ngo bo nyid sku la dgongs pa'i phyir/ de la kha cig /ye
shes chos sku chos can/ don

@14b dam par yin par thal/ don dam pa'i sku yin pa'i phyir/
khyab pa 'grig /ston pa shAkya thub pa chos can/ gzugs yin par
thal/ gzugs sku yin pa'i phyir/ zhes zer ro/ /kho na re/ 'gog
bden gyi rnam pa la stong nyid bcu drug tu 'byed pa mi rigs par
thal/ 'gog

bden yin na kun rdzob bden pa yin dgos pa'i phyir/ 'dod na/ 'gog
pa'i rnam pa'i ngo bo nyid ni nang dang phyi dang gnyis ka'i
dngos po rnam par dag pas/ nang dang phyi dang gnyis ka'i stong
pa nyid kyi rnam pa gsum dang/ zhes gsungs pa mi 'thad par thal/
'dod

pa'i phyir zer na ma khyab ste/ lung des stong nyid bcu drug glo
bur gyi dri ma dang bral ba'i bral cha la 'gog bden gyi rnam par
bstan pa yin pa'i phyir/ kho na re/ sangs rgyas 'phags pa'i
rgyud kyi 'gog bden chos can/ don dam bden pa yin par thal/
mthar thug dpyod

pa'i rigs shes de khyod la mthar thug dpyod pa'i rigs shes su
song pa'i phyir/ de der thal/ bden gnyis las/ rigs pa'i rjes
'brang ngo bo'i phyir/ zhes gsungs pa'i phyir zer na ma khyab
ste/ lung des rang bzhin rnam dag gi char gyur pa'i ngo bo nyid
sku de yin

par bstan pa'i phyir/ kha cig/ dag pa gnyis ldan gyi 'gog bden
mthar thug /ngo bo nyid sku'i mtshan nyid zer na/ sangs rgyas
'phags pa'i rgyud kyi chos nyid chos can/ mtshan nyid der thal/
mtshon bya de'i phyir/ 'dod na/ de chos can/ 'gog bden mthar thug
tu thal

lo; /'dod na/ de chos can/ 'gog bden yin par thal/ 'dod pa'i
phyir/ kho na re/ ston pa shAkya thub pa chos can/ der thal/
de'i phyir te/ spangs pa mthar thug yin pa'i phyir te/ spangs pa
mthar phyin yin pa'i phyir zer na ma khyab ste/ de chos can/
rtogs pa yin par thal/

rtogs pa mthar thug yin pa'i phyir te/ rtogs pa mthar phyin yin
pa'i phyir/ khyab pa khas/ der thal/ spangs rtogs mthar phyin
pa'i gang zag yin pa'i phyir/ kha cig /sgrib gnyis zad par
spangs pa'i 'dus ma byas kyi sku/ de'i mtshan nyid zer na/ 'bras
bu chos sku

@15a @#/ /chos can/ mtshon bya der thal/ mtshan nyid de'i phyir/
rtags ? 'o/ /kha cig /sangs rgyas kyi chos nyid ngo bo nyid sku
ma yin zer na/ de de yin par thal/ sems can kyi chos nyid rang
bzhin gnas rigs yin pa'i phyir te/ dri ma dang bcas pa'i

sems kyi chos nyid rang bzhin gnas rigs yin pa'i phyir/ kho na
re/ sangs rgyas kyi chos nyid chos can/ khyod sangs rgyas 'phags
pa kho na'i mngon sum gyi spyod yul yin par thal/ khyod ngo bo
nyid sku yin pa'i phyir/ khyab ste/ rgyud blar/ 'ba' zhig bag
chags bcas spangs

phyir; /zhes gsungs pa'i phyir zer na ma khyab ste/ lung des ngo
bo nyid sku yin na/ sangs rgyas 'phags pa kho na'i rgyud la yod
pas khyab par bstan pa'i phyir/ de lta ma yin na/ lam sgrig las/
theg dman la chos kyi bdag med phra mo mngon sum du rtogs pa yod
par

'dod pa ltar na ni nyan thos 'phags pas kyang sangs rgyas kyi
don dam pa'i chos kyi sku mngon sum du rtogs pa yin pa'i phyir
te/ zhes gsungs pa mi 'thad par thal/ rang bzhin rnam dag gi
char gyur pa'i ngo bo nyid sku mngon sum du rtogs pa'i nyan thos
'phags pa

med pa'i phyir te/ de 'dra'i sems can med pa'i phyir te/ ngo bo
nyid sku yin na/ sangs rgyas 'phags pa kho na'i mngon sum gyi
spyod yul yin dgos pa'i phyir/ rtags khas/ gzhan yang/ sangs
rgyas kyi chos nyid de yon tan ma yin par thal/ de mthar thug gi
yon tan yang ma yin/

gnas skabs kyi yon tan yang ma yin pa'i phyir/ dang po grub ste/
de ngo bo nyid sku ma yin pa'i phyir/ gnyis pa grub ste/ de
rgyud ldan gyi sems can med pa'i phyir/ kho na re/ sangs rgyas
bden stong ngo bo nyid sku yin par thal/ sangs rgyas kyi chos
nyid de yin pa'i phyir zer na ma

khyab; 'dod na/ de chos can/ khyod rgyud ldan gyi sems can med
par thal lo/ /'dod mi nus te/ sems can gyi rgyud la sangs rgyas
bden stong yod pa'i phyir te/ de'i rgyud la de bden grub med
pa'i phyir/ kho na re/ sangs rgyas kyi chos nyid yin na/ ngo bo
nyid sku yin dgos par

@15b thal; de ngo bo nyid sku yin pa'i phyir zer na ma khyab
ste/ sangs rgyas kyi chos nyid yin na/ sems can gyi rgyud la med
pas khyab par thal/ sems can gyi rgyud la de med pa'i phyir/
khyab pa khas/ rtags sla/ 'dod na/ sangs rgyas bden stong chos
can/ der thal/ de'i

phyir; ! /rang lugs la/ ngo bo nyid sku la mtshan nyid/ dbye ba/
sa mtshams/ yon tan rgyas par bshad pa dang bzhi las/ dang po ni/
dag pa gnyis ldan gyi dbyings mthar thug /ngo bo nyid sku'i
mtshan nyid/ gnyis pa ni/ de la dbye na/ rang bzhin rnam dag gi
char gyur

pa'i ngo bo nyid sku dang/ glo bur rnam dag gi char gyur pa'i
ngo bo nyid sku gnyis/ dang po ni/ sangs rgyas 'phags pa'i rgyud
kyi chos nyid lta bu/ gnyis pa ni/ de'i rgyud kyi 'gog bden lta
bu/ gsum pa ni/ sangs rgyas kyi sa kho nar yod do/ /bzhi pa la/
ngo bo nyid sku de

mtshan nyid lnga ldan dang/ yon tan lnga ldan du theg pa chen
po'i rgyud bla mar gsungs te/ de nyid las/ de la sangs rgyas
rnams kyi ni/ /ngo bo nyid sku mtshan nyid lnga/ /mdor na yon tan
lnga dang ni/ /ldan pa nyid du rig par bya/ /zhes gsungs pa'i
phyir/ ngo bo nyid sku chos can/

mtshan nyid lnga dang yang ldan te/ skye 'jig dang bral ba 'dus
ma byas pa dang/ spangs rtogs kyi yon tan dang ngo bo dbyer med
pa dang/ sgro skur gyi mtha' gnyis spangs pa dang/ nyon mongs pa
dang shes bya'i sgrib pa dang snyoms 'jug gi sgrib pa gsum las
grol ba

dang; rang bzhin gyi 'od gsal ba'i yon tan dag dang ldan pa'i
phyir/ phyi ma grub ste/ rang bzhin gyis dri ma med cing ji lta
ba bzhin du rnam par rtog pas rtog pa med cing/ rnal 'byor pa
ste sangs rgyas rnams kyi mngon sum gyi spyod yul yin zhing/
rang bzhin gyis

dri ma rnam par dag pa'i dbyings mthar thug yin pa'i phyir/ de
ltar yang/ rgyud blar/ 'dus ma byas shing rnam dbyer med/ /mtha'
gnyis dag ni rnam par spangs/ /nyon mongs shes bya snyoms 'jug
gi/ sgrib gsum las ni nges grol te/ /dri med rnam thar rtog med
dang/

@16a @#/ /rnal 'byor rnams kyi yul yin phyir/ /chos dbyings ngo
bo nyid kyis ni/ /dag pa'i phyir na 'od gsal ba'o/ /zhes gsungs
pa'i phyir/ de chos can/ yon tan lnga dang yang ldan te/ gzhal
du med pa'i yon tan/ grangs kyi mtha' med pa'i yon

tan; mu bzhir rtog ge ba'i blos bsam du med pa'i yon tan/ mnyam
pa med pa'i yon tan/ dri ma dag pa'i mthar thug pa'i yon tan
rnams dang ldan pa'i phyir/ gzhal du med pa la sogs pa'i yon tan
rnams dang go rim bzhin du ldan te/ rgya che ba dang/ grangs

med pa dang/ ji lta ba bzhin du rtog ge ba'i mngon sum gyi spyod
yul ma yin pa dang/ sangs rgyas 'ba' zhig gi rgyud la yod pa
dang/ nyon mongs pa bag chags dang bcas pa ma lus par spangs
pa'i rgyu mtshan gyis de dang ldan par bzhag pa'i phyir te/ rgyud
blar/ gzhal

med grangs med bsam med pa/ /mnyam med dag pa'i mthar thug pa'i/
/yon tan rnams dang yang dag par/ /ngo bo nyid kyi sku ldan te/
/rgya che'i phyir dang grangs med phyir/ /rtog ge'i yul ni min
phyir dang/ /'ba' zhig bag chags bcas spangs phyir/ /gzhal med
la sogs go

rim bzhin/ /zhes gsungs pa'i phyir/ ngag don ni/ ngo bo nyid sku
chos can/ khyad chos gsum dang ldan te/ ldan pa'i khyad par/
bral pa'i khyad par/ ngo bo'i khyad par gsum dang ldan pa'i
phyir// ! sku lhag ma gsum po don dam par chos nyid kyi ngo yang

dag pa'i kun rdzob tu snang ba ji ltar mos pas rab tu phye ba
ni/ sangs rgyas dang byang chub sems dpa' dang nyan thos la sogs
pa'i spyod yul du rnam par bzhag pa yin no/ /zhes pa'i skabs su/
gzhung 'dis/ thub pa'i ngo bo nyid sku ni/ /zhes sogs brgal

lan gyi sgo nas bshad na 'chad tshul de gang zhe na/ mtshams sbyar
du/ de yang ngo bo nyid kyi sku la sogs pa'i dbye bas rnam pa
bzhi yin pas/ zhes bshad pa la/ 'o na/ chos can gyi sku lhag ma
gsum po de chos nyid kyi sku dang ngo bo tha dad yin nam/ ngo bo
gcig yin/ dang

@16b po ltar na/ de gnyis chos chos can min par 'gyur/ gnyis pa
ltar na de gnyis tha dad du bstan pa dang 'gal lo zhe na/ de'i
lan ston pa la gzhung 'di gsungs/ de yang chos can gyi sku lhag
ma gsum po de chos nyid kyi sku dang ngo bo tha dad ma yin
kyang/ de gsum

de dang tha dad du bstan pa la skyon med de/ de ltar bstan pa la
rgyu mtshan dang/ dgos pa khyad par can gnyis yod pa'i phyir/
chos can gyi sku lhag ma gsum po chos can/ chos nyid kyi sku
dang ngo bo tha dad ma yin te/ chos nyid kyi sku'i ngo bo yin
pa'i phyir/ zhes 'chad pa la/

sku lhag ma gsum po don dam par chos nyid kyi ngo bo/ /zhes
gsungs/ de gsum de dang ngo bo tha dad ma yin kyang/ de dang tha
dad du ston pa'i rgyu mtshan yod de/ gdul bya'i mos pa'i dbang
gis de ltar bzhag pa'i phyir/ zhes 'chad pa la/ yang dag pa'i
kun rdzob tu snang ba ji

ltar mos pas rab tu phye ba ni/ zhes gsungs/ de ltar bstan pa la
dgos pa yod de/ ye shes chos sku de sangs rgyas 'phags pa nang
phan tshun kho na'i mngon sum gyi spyod yul dang/ longs spyod
rdzogs pa'i sku de sar gnas kyi byang sems yan chad kho na'i
mngon sum gyi spyod

yul dang/ mchog gi sprul pa'i sku de so so skye bo las dag yan
chad kho na'i mngon sum gyi spyod yul yin no zhes shes par bya
ba'i ched du yin pa'i phyir/ zhes 'chad pa la/ sangs rgyas dang
byang chub sems dpa' dang nyan thos la sogs pa'i spyod yul du
rnam par bzhag

pa yin no/ /zhes gsungs/ de gsum de dang ngo bo tha dad ma yin
pa'i shes byed 'god pa la/ lugs las/ gang phyir dben pa dben
gyur la/ /tha mi dad pa nyid du 'dod/ /ces gsungs/ kho na re/ ye
shes chos sku chos can/ khyod sangs rgyas 'phags pa kho na'i yul
yin par

thal; sangs rgyas 'phags pa kho na'i mngon sum gyi yul yin pa'i
phyir zer na ma khyab/ der thal/ de kho na'i mngon sum gyi spyod
yul yin pa'i phyir/ rtags khas/ 'dod na/ de ma yin par thal/
sems can gyi yul yin pa'i phyir te/ gzhi grub pa'i phyir/ zer
na/ gang zag gi

@17a @#/ /bdag med chos can/ khyod 'phags pa kho na'i yul yin par
thal/ de kho na'i mngon sum gyi yul yin pa'i phyir/ khyab pa
khas/ rtags grub ste/ gang zag gi bdag med mngon sum du rtogs
pa'i gang zag yin na/ 'phags pa'i gang zag yin

dgos pa'i phyir/ 'dod mi nus te/ so so skye bo'i yul yin pa'i
phyir te/ de'i gzhal bya yin pa'i phyir te/ gzhi grub pa'i phyir
ro/ /kho na re/ ye shes chos sku mngon sum du rtogs pa'i sems
can med par thal/ de sangs rgyas 'phags pa kho na'i mngon sum
gyi yul yin pa'i

phyir; rtags khas/ 'dod mi nus te/ byang 'phags kyis ye shes
chos sku mngon sum du rtogs pa'i phyir te/ des ye shes chos sku
mi rtag par mngon sum du rtogs pa'i phyir te/ des ye shes chos
sku rtag stong du mngon sum du rtogs pa'i phyir te/ des ye shes
chos sku rtag

gcig rang dbang can gyis stong par mngon sum du rtogs pa'i phyir
na gong du ma khyab/ der thal/ des ye shes chos sku gang zag gi
bdag med du mngon sum du rtogs pa'i phyir/ kha cig /byang 'phags
kyi rgyud la ye shes chos sku mi rtag par rtogs pa'i mngon sum
yod

zer na/ de 'dra'i mngon sum des ye shes chos sku mngon sum du
rtogs par thal/ de ye shes chos sku la mngon sum gyi tshad ma yin
pa'i phyir te/ de ye shes chos sku mi rtag pa la mngon sum gyi
tshad ma gang zhig /ye shes chos sku dang ye shes chos sku mi
rtag pa gnyis yul dus rang

bzhin gang la ltos kyang grub pa de rdzas gcig yin pa'i phyir/
'dod na/ ye shes chos sku mngon sum du rtogs pa'i byang 'phags
yod par thal lo/ /gzhan yang/ byang sems 'phags pa'i rgyud kyi
ye shes chos sku mi rtag par mngon sum du rtogs pa'i ye shes

de ye shes chos sku la snang la ma nges kyi blo yin par thal/ de
la ye shes chos sku snang ba gang zhig /des ye shes chos sku ma
rtogs pa'i phyir/ dang po grub ste/ de la ye shes chos sku mi
rtag pa snang ba gang zhig /de dang de gnyis yul dus rang bzhin
gang la ltos

@17b kyang grub bde rdzas gcig yin pa'i phyir/ 'dod mi nus te/
'phags rgyud la snang la ma nges kyi blo med pa'i phyir te/ rnam
'grel las/ blo gros chen pos mthong nyid las/ /rnam pa thams cad
nges par byed/ /ces gsungs pa'i phyir/ kho na re/ mchog gi sprul
pa'i sku

mngon sum du mthong ba'i so skye de yin na so skye las dag yin
dgos par thal/ khyod kyi sbyor ba 'thad pa'i phyir/ 'dod na/ dge
slong lhas byin chos can/ der thal/ de'i phyir te/ ston pa
shAkya thub pa mngon sum du mthong ba'i so skye yin pa'i phyir/
'dod na/ las ma dag

pa'i so skye med par thal/ 'dod pa'i phyir zer na/ skyon med de/
skabs 'di'i las dag pa de/ mchog gi sprul sku mngon sum du
mthong ba la sgrib byed kyi las sgrib mngon gyur pas dag pa la
byed pa'i phyir// ! //byang chub phyogs mthun tshad med dang/
/zhes

sogs kyi skabs su/ gzhung 'dis ye shes chos sku 'chad na 'chad
tshul de gang zhe na/ 'di la yang mdo las gsungs tshul dang/ bstan
bcos kyis 'grel tshul gnyis las/ dang po ni/ gong du/ zag pa med
pa'i chos thams cad/ /ces gsungs pa las 'phros nas/

'o na zag pa med pa'i chos de gang zhe na/ de'i lan ston pa la
mdo 'di gsungs pa yin te/ rab 'byor gyis gsol pa/ bcom ldan 'das
zag pa med pa'i chos de dag kyang gang lags/ bcom ldan 'das kyis
bka' stsal pa/ byang chub kyi phyogs kyi chos sum cu rtsa

bdun dang/ tshad med pa bzhi dang/ rnam par thar pa brgyad dang/
mthar gyis gnas pa'i snyoms par 'jug pa dgu dang/ zad par gyi
skye mched bcu dang/ zil gyis gnon pa'i skye mched brgyad dang/
nyon mongs med pa'i ting nge 'dzin dang/ smon gnas mkhyen pa
dang/

mngon par shes pa drug dang/ so so yang dag par rig pa bzhi
dang/ ? mi 'jigs pa bzhi dang/ bsrung ba med pa gsum dang/ dran
pa nye bar bzhag pa gsum dang/ bsnyel ba mi mnga' ba'i chos

@18a @#/ /nyid dang/ bag chags yang dag par bcom pa dang/ thugs
rje chen po dang/ sangs rgyas kyi chos ma 'dres pa bco brgyad
dang/ rnam pa thams cad mkhyen pa nyid dang/ lam gyi rnam pa
shes pa nyid dang/ thams cad shes pa nyid de/ rab 'byor

'di dag ni zag pa med pa'i chos thams cad ces bya'o/ /zhes
gsungs/ gnyis pa la/ rtsa bas bstan tshul dang/ 'grel pas bshad
tshul gnyis las/ dang po la/ dngos kyi don dang/ de'i khyad par/
de la rtsod pa spang pa dang gsum las/ dang po la/ ye shes chos

sku de tha dad pa'i skur bstan pa/ tha mi dad par 'dod pa dgag
pa dang/ tha dad la rtsod pa spang ba'o/ /dang po ni/ mdo de dag
gi don 'chad pa'i sgo nas sku gnyis pa ye shes chos sku de ston
pa la/ byang chub phyogs mthun tshad med dang/ /zhes sogs gsungs/
de yang rgyud btsan

pa'i dbang du byas nas sangs rgyas kyi thun mong ma yin pa'i yon
tan dang/ mtshan nyid btsan pa'i dbang du byas nas nyan thos dang
rtogs rigs thun mong ba'i yon tan ston pa la/ byang chub phyogs
mthun tshad med dang/ /zhes pa nas/ mngon shes so so yang dag

rig; ces pa'i bar gsungs/ rgyud btsan pa'i dbang du byas nas/
sangs rgyas kyi thun mong ma yin pa'i yon tan dang/ mtshan nyid
btsan pa'i dbang du byas nas byang sems dang rtogs rigs thun
mong ba'i yon tan de ston pa la/ rnam pa thams cad dag

bzhi dang/ /dbang bcu dang ni/ zhes gsungs/ rgyud dang mtshan
nyid gnyis ka btsan pa'i dbang du byas nas sangs rgyas kyi thun
mong ma yin pa'i yon tan de 'chad pa la/ stobs bcu dang/ zhes pa
nas/ chos kyi sku zhes brjod pa yin/ zhes pa'i bar gsungs/ gnyis

pa ni/ gzhan dag na re/ zhes sogs gyis bshad/ gsum pa ni/ kho na
re/ ngo bo nyid longs/ zhes sogs gyis bshad/ gnyis pa de'i khyad
par la/ nyon mongs med pa'i khyad par dang/ smon gnas mkhyen
pa'i khyad par gnyis las/ dang po de ston pa la/ nyan thos nyon
mongs med

@18b pa'i lta/ /zhes sogs gsungs/ gnyis pa de ston pa la/ sangs
rgyas smon gnas mkhyen pa ni/ /zhes sogs gsungs/ gsum pa la/
chos sku khyad par la rtsod pa spang ba dang/ rtag pa la rtsod
pa spang ba gnyis las/ dang po la/ don dngos dang/ dpes bsgrub
pa gnyis

las; dang po de ston pa la/ rgyu ni yongs su smin gyur nas/
/zhes sogs gsungs/ gnyis pa de ston pa la/ lha yi rgyal pos char
phab kyang/ zhes sogs gsungs/ gnyis pa ston pa la/ de ltar mdzad
pa rgya che'i phyir/ /zhes sogs gsungs so/ /gnyis pa/ mtshams
sbyar

gyi sgo nas 'chad pa la/ de ltar sku dang po bstan nas gnyis pa
chos kyi sku spros pa med pa'i ye shes kyi bdag nyid zag pa med
pa'i dran pa nye bar bzhag pa la sogs pa'i ngo bo/ /zhes gsungs/
tshig don gyi sgo nas 'chad pa la/ dran pa nye bar bzhag pa la
sogs pa nas/

zhes pa nas/ sngar bshad pa dag kyang yin no/ /zhes pa'i bar
gsungs/ bsdus don gyi sgo nas 'chad pa la/ byang chub kyi phyogs
dang mthun pa la sogs pa spros pa med pa'i ye shes kyi bdag nyid
gnas gyur pas thams cad kyang chos kyi skur mngon par brjod pa
yin

no zhes gsungs pa ni kha cig gi'o/ /zhes gsungs/ brgal lan gyi
sgo nas 'chad pa la/ gzhan dag na re/ thub pa'i ngo bo nyid sku
ni/ /zhes pa nas/ sku ni gsum kho na'o/ /zhes zer ro/ /zhes pa'i
bar gsungs/ dgos don gyi sgo nas 'chad pa la/ gzhan dag na re/
dgos

pa nye bar bstan pa'i shugs kyis tshig le'ur byas pa sbyar ba'i
ngor ram/ ye shes kho na dang mdzad pa sbyar ba'i phyir de skad
gsungs pa yin te/ de'i phyir phyogs gzhan nas sku bzhir gsungs
pa thams cad mi 'gal bar 'gyur ro/ /zhes zer ro/ /zhes gsungs
pa'i

phyir; des na 'di'i don bsdu na/ 'o na/ dran pa nye bar bzhag pa
la sogs pa/ zhes sogs kyis tshig don gyi sgo nas 'chad tshul de
gang zhe na/ 'di la mdo rtsa 'grel sbyar nas bshad na/ mdo las/
byang chub kyi phyogs kyi chos sum cu rtsa bdun dang/ zhes pas
sangs rgyas kyi sa'i

@19a @#/ /byang phyogs so bdun po de bstan nas de'i don 'chad pa
la/ byang chub phyogs mthun/ zhes dang/ dran pa nye bar bzhag pa
la sogs pa nas/ 'phags pa'i lam yan lag brgyad pa'i bar byang
chub kyi phyogs rnams dang/ zhes gsungs/ des bstan

tshul rigs 'gro zhing/ tshad med pa bzhi dang/ zhes pa'i don 'chad
pa la/ tshad med dang/ zhes dang snga ma bzhin du byams pa la
sogs pa tshad med pa tshangs pa'i gnas pa rnams dang/ zhes gsungs/
rnam par thar pa brgyad dang/ zhes pa'i don 'chad pa la/ rnam
par thar

dang; zhes dang/ nang gzugs can dang/ gzugs can ma yin par 'du
shes pas phyi rol gyi gzugs rnams la lta ba zhes bya ba gnyis
dang/ sdug pa'i rnam par thar pa lus kyis mngon sum du byas te
rdzogs par byas nas gnas pa zhes bya ba gcig dang/ nam mkha'
dang

rnam shes dang/ ci yang med pa dang 'du shes med 'du shes med
min gyi skye mched ces bya ba bzhi dang/ 'du shes dang tshor ba
'gog pa zhes bya ba gcig ste/ de ltar rnam par thar pa brgyad
dang/ zhes gsungs/ mthar gyis gnas pa'i snyoms par 'jug pa dgu
dang/ zhes pa'i

don 'chad pa la/ mthar gyis ni/ snyoms 'jug dgu yi bdag nyid
dang/ /zhes dang/ gzugs kyi khams kyi bsam gtan bzhi dang/ gzugs
med pa'i snyoms par 'jug pa bzhi dang/ 'gog pa'i snyoms par 'jug
pa zhes bya ba mthar gyis gnas pa'i snyoms par

'jug pa dgu dang/ zhes gsungs/ zad par gyi skye mched bcu dang/
zhes pa'i don 'chad pa la/ zad par bcu yi bdag nyid dang/ /zhes
dang/ sa dang/ chu dang/ me dang/ rlung dang/ sngon po dang/ ser
po dang/ dmar po dang/ dkar po dang/ nam mkha' dang/ rnam par

shes pa zhes bya ba zad par rnam pa bcu dang/ zhes gsungs/ zil
gyis gnon pa'i skye mched brgyad dang/ zhes pa'i don 'chad pa
la/ zil gyis gnon pa'i skye mched ni/ rab tu dbye bas rnam
brgyad dang/ /zhes dang/ nang gzugs dang gzugs med par 'du shes
pa

@19b dag gis so sor chung du dang chen po'i rnam pa dag tu phyi
rol gyi gzugs rnams la lta zhing de dag zil gyis mnan nas shes
zhes bya ba bzhi dang/ nang gzugs med par 'du shes pa dag kho
nas sngon po dang/ ser po dang/ dmar po dang/ dkar po dag zil
gyis mnan nas

mthong zhes bya ba rnam pa bzhi ste/ de ltar zil gyis gnon pa'i
skye mched rnam pa brgyad dang/ zhes gsungs/ nyon mongs med pa'i
ting nge 'dzin dang/ zhes pa'i don 'chad pa la/ nyon mongs med
dang/ zhes dang/ pha rol gyi rgyud du gtogs pa'i nyon mongs pa'i
dgra'i

rgyun drung 'byin pa'i ting nge 'dzin zhes bya ba gang yin pa
nyon mongs pa med pa dang/ zhes gsungs/ smon gnas mkhyen pa
dang/ zhes pa'i don 'chad pa la/ smon mkhyen dang/ zhes dang/
yang dag par mtshan ma thams cad dang bral zhing chags pa bcom pa
the tshom

sel bar mdzad pa'i smon lam grub pas 'khor ba ji srid pa dang
rnam par grol ba ji srid pa'i gnas skabs su 'jug pa zhes bya ba
smon gnas mkhyen pa dang/ zhes gsungs/ mngon par shes pa shes pa
drug dang/ zhes pa'i don 'chad pa la/ mngon shes/ zhes dang/

sngar bshad pa'i mngon par shes pa drug dang/ zhes gsungs/ so so
yang dag par rig pa bzhi dang/ zhes pa'i don 'chad pa la/ so so
yang dag rig /ces dang/ so so yang dag par rig pa bzhi dang/
zhes gsungs/ rnam pa thams cad du yongs su dag pa bzhi dang/
zhes

pa'i don 'chad pa la/ rnam pa thams cad dag bzhi dang/ /zhes
dang/ rten dang dmigs pa dang thugs dang ye shes yongs su dag pa
zhes bya ba dag pa bzhi dang/ zhes gsungs/ dbang bcu dang/ zhes
pa'i don 'chad pa la/ dbang bcu dang ni/ zhes dang/ tshe dang/
sems

dang; yo byad dang/ las dang/ skye ba dang/ mos pa dang/ smon
lam dang/ rdzu 'phrul dang/ ye shes dang/ chos la dbang ba zhes
bya ba dbang bcu dang/ zhes gsungs/ stobs bcu dang/ zhes pa'i
don 'chad pa la/ stobs bcu dang/ zhes dang/ sngar bshad pa'i
stobs bcu dang/

@20a @#/ /zhes gsungs/ mi 'jigs bzhi dang/ zhes pa'i don 'chad pa
la/ mi 'jigs pa ni bzhi dag dang/ /zhes dang/ mi 'jigs pa bzhi
dang/ zhes gsungs/ bsrung ba med pa rnam pa gsum dang/ zhes pa'i
don 'chad pa la/ bsrung ba med pa rnam

gsum dang/ /zhes dang/ de bzhin gshegs pa'i sku dang gsung dang
thugs kyi spyod pa yongs su dag pa ste/ 'di la phyin ci log gi
kun tu spyod pa gzhan gyis yongs su shes pa'i bsnyengs pas bcab
par bya'o snyam pa'i dgongs pa mi mnga'o zhes bya ba bsrung ba
med pa

rnam pa gsum dang/ zhes gsungs/ dran pa nye bar bzhag pa rnam pa
gsum dang/ zhes pa'i don 'chad pa la/ dran pa nye bzhag rnam
gsum dang/ /zhes dang/ chos ston pa na nyan par 'dod pa dang/
nyan par mi 'dod pa dang/ gnyis ka dag la go rim bzhin du rjes
su chags pa dang/

khong khro ba dang/ gnyis kas dben pa kho nar btang snyoms su
dran pa dang ldan par gnas so zhes bya ba dran pa nye bar bzhag
pa rnam pa gsum dang/ zhes gsungs/ bsnyel ba mi mnga' ba'i chos
nyid dang/ zhes pa'i don 'chad pa la/ bsnyel ba mi mnga'i chos
nyid dang/ zhes

dang; sems can gyi don mdzad pa'i dus las mi 'da' ba'i mtshan
nyid ces bya ba bsnyel ba mi mnga' ba'i chos nyid dang/ zhes
gsungs/ bag chags yang dag par bcom pa dang/ zhes pa'i don 'chad
pa la/ bag chags yang dag bcom pa dang/ /zhes dang/ nyon

mongs pa dang shes bya'i sgrib pa'i bag la nyal gyi ngo bo'i sa
bon spangs pas bag chags yang dag par bcom pa dang/ zhes gsungs/
thugs rje chen po dang/ zhes pa'i don 'chad pa la/ skye la thugs
rje chen po dang/ /zhes dang/ skye bo mtha' dag la phan pa'i

bsam pa nyid ces bya ba'i skye bo la thugs rje chen po nyid
dang/ zhes gsungs/ sangs rgyas kyi chos ma 'dres pa bco brgyad
dang/ zhes pa'i don 'chad pa la/ thub pa kho na'i ma 'dres chos/
/bco brgyad bshad pa gang yin dang/ /zhes dang/ sangs rgyas kyi
chos me 'dres

@20b pa bco brgyad dang/ zhes gsungs/ rnam pa thams cad mkhyen
pa nyid dang/ zhes pa'i don 'chad pa la/ rnam pa thams cad
mkhyen nyid dang/ zhes dang/ rnam pa thams cad mkhyen pa nyid
dang/ zhes gsungs/ lam gyi rnam pa shes pa nyid dang/ thams cad
shes pa nyid

dang; /zhes pa'i don 'chad pa la/ 'grel par/ dang zhes bya ba'i
sgras bsdus pa lam shes pa nyid la sogs pa sngar bshad pa dag
kyang yin te/ zhes gsungs/ 'di'i skabs su/ kha cig /sangs rgyas
'phags pa'i thugs rgyud kyi mthar gnas snyoms 'jug

dgu po de/ ye shes chos sku yin zer na/ de'i rgyud kyi 'gog
snyoms de ye shes chos sku yin par thal/ dam bca' 'thad pa'i
phyir/ 'dod na/ de chos can/ shes pa yin par thal/ 'dod pa'i
phyir/ kha cig /sangs rgyas 'phags pa'i rgyud kyi mthar gnas
snyoms

'jug dgu la mnyam par bzhag pa'i ye shes de/ ye shes chos sku
yin zer/ de la kha cig /sangs rgyas 'phags pa'i rgyud la mthar
gnas snyoms 'jug dgu la mnyam par bzhag pa'i ye shes yod par
thal/ dam bca' de'i phyir/ 'dod na/ de'i rgyud la 'gog

pa la mnyam par bzhag pa'i ye shes yod par thal/ 'dod pa'i
phyir/ 'dod na/ de'i rgyud la 'gog snyoms yod par thal/ 'dod
pa'i phyir/ 'dod mi nus te/ de'i rgyud la tshor 'du rags pa bkag
pa'i snyoms 'jug med pa'i phyir zer na/ ma khyab ste/ 'gog

snyoms yin na tshor 'du rags pa bkag pa'i snyoms 'jug yin pas ma
khyab pa'i phyir ro/ /des na ji lta ba dang ji snyed pa la ltos
nas gzigs pa'i mthar thug pa'i ye shes de/ ye shes chos sku'i
mtshan nyid/ de dang sangs rgyas kyi sa'i shes pa don gcig /dbye
na/

sde tshan gyi sgo nas sangs rgyas kyi sa'i zag med kyi ye shes
sde tshan nyer gcig yod/ rgyas par phye na/ rtsa bas dngos su
bstan pa brgya dang zhe bzhi/ rnam pa thams cad mkhyen pa nyid
dang/ zhes pa'i dang zhes pa'i sgras bsdus pa gnyis te/ brgya
dang zhe drug yod te/ sngar

@21a @#/ /bshad pa'i byang phyogs so bdun/ tshad med bzhi/ rnam
par thar pa brgyad/ mthar gnas snyoms 'jug dgu/ zad par gyi skye
mched bcu/ zil gnon brgyad/ nyon mongs med pa'i ting nge 'dzin/
smon gnas mkhyen pa'i ting nge 'dzin/ mngon

shes drug /so so yang dag par rig pa bzhi/ lus dag pa dmigs pa
dag pa thugs dag pa ye shes yongs su dag pa ste yongs su dag pa
bzhi/ tshe/ sems/ yo byad/ 'bras bu/ skye ba/ mos pa/ smon lam/
rdzu 'phrul/ ye shes/ chos la dbang ba ste dbang bcu dang/ sngar

bshad pa'i stobs bcu dang/ mi 'jigs pa bzhi dang/ sku gsung
thugs yongs su dag pas bsrung ba med pa gsum dang/ chos bstan pa
la gus pas nyan pa la chags pa dang/ mi nyan pa la khong khro ba
dang/ gnyis ka 'dres ma la chags sdang gnyis

kas dben pa'i dran pa nye bar bzhag pa gsum dang/ sems can gyi
don rtag tu rgyun mi 'chad pa'i bsnyel ba mi mnga' ba dang/ sgo
gsum gyi bag chags te sgrib gnyis kyi sa bon spangs pa dang/
gdul bya'i phan bde sgrub pa'i snying rje chen po dang/ sngar

bzhin ma 'dres pa bco brgyad dang/ rgyu 'bras gtso bo'i chos bcu
mngon sum du rtogs pa'i rnam pa thams cad mkhyen pa nyid dang/
sgras bsdus pa lam shes pa nyid dang/ thams cad shes pa nyid
rnams su yod pa'i phyir ro/ /des na/ ye shes chos sku yin na
rnal

'byor mngon sum dang/ yid shes yin pas khyab pa med de/ sangs
rgyas 'phags pa'i mig shes de ye shes chos sku yin pa'i phyir/
de yin na gzhan rig gi shes pa yin pas kyang ma khyab ste/ sangs
rgyas 'phags pa'i rgyud kyi rang rig de ye shes chos sku yin
pa'i phyir/

des na/ sangs rgyas kyi sa'i zag med kyi ye shes sde tshan nyer
gcig po chos can/ ye shes chos sku yin te/ ji lta ba dang ji
snyed pa la ltos nas gzigs pa mthar thug pa'i ye shes yin pa'i
phyir/ de chos can/ khyod byed las khyad par can dang ldan pa
yin te/ rang

@21b 'bras gzugs sku gnyis kyi snang ba bskyed pa'i sgo nas 'od
zer 'gyed pa dang chos ston pa'i bya ba byed pa'i phyir/ de chos
can/ spangs pa'i khyad par dang ldan te/ zag med du gnas gyur pa
yin pa'i phyir/ de chos can/ ngo bo'i khyad par dang ldan te/
sems dang

sems las byung ba'i khyad par dang ldan pa'i phyir/ 'o na/ zag
med kyi ye shes sde tshan nyer gcig po de so sor bshad na ji ltar
yin zhe na/ de yang sde tshan dang po bzhi po de sngar bstan zin
pa ltar yin la// ! //lnga pa zad par gyi ting nge 'dzin bshad pa
la/

zad par gyi ngo bo/ /dbye ba/ rten/ sbyod tshul/ mtshan ma/ de yid
la byed pa'i tshul/ byed las/ skye mched gzhan la zad par mi 'jog
pa'i rgyu mtshan/ nges tshig dang dgu las/ dang po ni/ rang gi
bdag rkyen du gyur pa'i dngos gzhi'i sems la brten nas rang gi
dmigs

yul ji ltar bzhed pa ltar spro bar nus pas rab tu phye ba'i rig
pa/ zad par gyi skye mched kyi ngo bo/ /de la shes rab dang ting
nge 'dzin ci rigs su yod/ mdzod 'grel las/ dang po brgyad ma
chags pa'i dge ba dang tha ma gnyis gzugs med dang po gnyis kyi
dngos gzhi

dag pa ba la bshad do/ /gnyis pa ni/ zad par sa/ chu/ me/ rlung/
sngon po/ /ser po/ dmar po/ dkar po/ nam mkha'/ rnam shes kyi
zad par gyi ting nge 'dzin dang bcu yod/ gsum pa ni/ dang po
brgyad bsam gtan bzhi pa dang/ tha ma gnyis gzugs med dang po
gnyis kyi

dngos gzhi la brten nas skye ba yin te/ mdzod las/ zad par bcu
po brgyad ma chags/ /bsam gtan mtha' na spyod yul ni/ /'dod pa'o
gnyis ni gzugs med dag/ ces gsungs pa'i phyir/ bzhi pa ni/ sngar
sbyang ba byas pas 'grub tshul dang/ /ma byas pa'i sbyong tshul

lo; /dang po ni/ sngar goms par byas pas na so so'i dmigs rten
mthong ba tsam gyis de dang de'i ting nge 'dzin mngon du 'gyur
ba yin te/ 'di ltar/ chu rlung sogs su chu mthong ba tsam las
'bad pa ma byas par zad par chu'i ting nge 'dzin 'byung ngo/ /de
bzhin du

@22a @#/ /nags kyi me 'bar zhing du ba 'thul ba dang/ rlung gis
bskyod pa'i 'od ma dang 'khri shing gi lo ma la sogs pa rnams la
rlung 'di ni gnas 'dir rab tu rgyu ba yin no/ /zhes kun tu lta
ba tsam dang/ me tog dang/ nor bu dang gos la sogs pa sngon

po bting ba dang/ de dag nyid ser po dang/ dmar po dang/ dkar
por gyur pa dang/ tshon ? mo steng dngul zla ba'i dkyil 'khor
sogs dang/ skar khung nang na shing gi lo ma'i gseb nas zla ba
dang nyi 'od byung bas sa gzhi la skyed pa'i 'od kyi theg le la
lta ba dang/ skar

khung dang rtsig pa'i bu ga mthong ba na rim pa ltar zad par me
la sogs pa'i ting nge 'dzin mngon du 'gyur ro/ /gnyis pa la/
dmigs rten byed tshul dang/ de la yid gtod pa'i tshul lo/ /dang po
ni/ sngon po sogs kyi kha dog gi dbye ba dang bral ba'i chu dri
ma med pas snod

gtsang ma legs par bkang ba dang/ snum zhing snying po dang bcas
pa'i shing dum bur gtub nas shing drung dam mgron khang yang
rung ste rjes su mthun pa'i gnas su spungs te mtha' rtsig pas
bskor ba la mtho gang sor bzhi tsam gyi bu ga byas la me sbar
te/ 'og tu shing

dang; steng du du ba dang/ bar du me 'bar bar byas pa dang/ yan
lag gis phyogs gang du rlung gis reg par 'gyur ba'i skar khung
dang rtsig pa'i bu ga byas pa dang/ ras rnga bo che'i mthil ltar
brkyangs pa la ni mtha' mi mthun pas bcad de/ sngon po dang/ ser
po dang/ dmar po

dang; dkar po sogs byas pa dang/ bum nang du mar me sbar te kha
bcad cing bu ga mi che bar btong nas/ de'i 'od kyis rtsig ngos
la phog pa'i snang ba'i dkyil 'khor yun ring bar byas pa dang/
rtsig pa snam bu sogs kyi g.yogs pa'i gnas su mtho gang sor
bzhi tsam gyi

bu ga btod pa mthong ba'i yul du bya'o/ /gnyis pa ni/ dmigs rten
de dag mthong ba'i gnas yid dang mthun par stan bde ba la 'dug
ste/ sa sa chu chu zhes sogs bcu lo so so'i ming tsam la dmigs
nas yang yang goms par bya'o/ /lnga pa ni/ lbu ba dang chu bur
'dres pa'i chu

@22b g.yo ba'i rnam pa can dang/ me chad cing chad cing ltung
ba dang/ mgal du ma dang/ thal ba dang/ sol ba rnams la cung zad
gnas pa dang/ 'o ma bskol ba phog ma thag pa'i rlangs pa 'thul
ba lta bur gnas pa dang/ me tog sngon po ge sar dang sdong bu
med pa lta bu ste/ ser po

sogs gsum la'ang de bzhin te/ sa'am rtsig par skyes pa'i 'od kyi
dkyil 'khor ltar dngos po 'ga' zhig kho na gsal ba dang/ rtsig
mtha' la sogs pa'i bu ga ltar snang la blos skyed kyang mi 'phel
ba ltar snang ba rnams ni ma grub pa'i mtshan ma'o/ /nam mkha'

la gnas pa'i nor bu'i rlung g.yab dang/ nor bu'i rang bzhin gyi
me long gi dkyil 'khor lta bu mi g.yo ba'i rnam pa can du snang
ba dang/ nam mkha' la gnas pa'i zla ba'i dkyil 'khor dmar po
zlum po dang/ gser gyi rlung g.yab dang/ de'i ka ba lta bur
gnas pa dang/ 'dug

pa ltar mi g.yo bar gnas pa mthong ba dang/ dmigs rten zad par
gyi dkyil 'khor las 'phags nas nor bu'i rlung g.yab lta bu nam
mkha' la snang ste gzhan gsum la'ang de ltar dang/ snang ba'i
tshogs stug po rab tu dang ba dang 'dra bar thams cad la gsal

ba dang/ nam mkha'i dkyil 'khor lta bur gyur nas gnas shing blos
skyed na ni 'phel bar snang ba rnams zad par chu la sogs pa
dgu'i grub pa'i mtshan ma'o/ /sa la sngar sbyangs pas 'grub tshul
dang/ ma sbyangs pas sbyong ba'i dmigs rten dang/ grub ma grub
kyi mtshan ma ma

gsungs pa'i rgyu mtshan ni dpyad dgos par snang ngo/ /drug pa ni/
de ltar mtshan ma de dag byung ba'i tshe kha dog la so sor rtog pa
dang mtshan ma yid la byed pa spangs te/ de dang de'i ming la
gsal bar dmigs nas bsgom par bya'o/ /bdun pa ni/ gcig tu gyur
nas mang por

gyur pa dang/ nam mkha' dang chu la sar sprul nas rkang pas 'gro
ba sogs byed pa dang/ sa la byi'u 'dzul byed cing steng du
'byung ba dang/ chu'i char 'bebs pa dang/ sa dang ri bo sogs chu
bo dang/ rgya mtsho sprul pa dang/ du ba 'thul zhing me 'bar ba
dang me mdag

@23a @#/ /gis char 'bebs pa dang gang 'dod pa de sreg pa dang/
mya ngan las 'da' ba na lus mes sreg pa dang/ lha'i mig gis yul
snang bar byed pa dang/ rlung ltar mgyogs par 'gro zhing rlung
gi char 'beb pa dang/ gzugs sngon por sprul zhing

mun par byed la sogs dang/ gzugs ser por sprul zhing gser du
bsgyur ba dang/ gzugs dmar por sprul ba sogs dang/ gzugs dkar
por sprul zhing gnyid smugs ring du byed/ mun pa 'jig par byed/
lha'i mig gis yul snang bar byed pa dang/ gzugs

gsal ba dang/ gnyid rmugs ring du byed pa sogs dang bsgribs pa
rnams 'byed cing sa dang ri bo sogs kyi nang nas nam mkhar sprul
zhing spyod lam byed pa dang/ rtsig pa sogs la thad kar 'gro bar
byed pa rnams zad par chu la sogs pa'i byed las so/ /

sa'i dngos gzhir gser la sogs ba gang mos mos su zad par gyis
bsgyur ba rnams de kho na bzhin du 'gyur zhing gser la sogs pas
kyang de dang de'i bya ba byed nus par bshad do/ /brgyad pa ni/
gzugs dang reg bya gnyis la zad par gzhag nas gzugs

can gzhan brgyad la zad par mi 'jog pa'i rgyu mtshan ci yin zhe
na/ de'i rgyu mtshan yod de/ gzugs reg gnyis ni bdag gzhan gnyis
ka dang/ gzugs can gyi sems can gyi khams thams cad na yod pa
dang/ dbang po lnga gzhan rgyud la med pa dang/ dri ro gnyis
gzugs

khams na med pas ma bzhag cing/ sgra la rigs 'dra'i rgyun med
pas ma bzhag pa'i phyir ro/ /gzugs med pa na ni nam mkha' thams
cad du 'gro ba dang/ rnam shes kyang yul zad par gyi spyod yul
can yin pas bzhag go /gzugs med phyi ma gnyis la mi bzhag

ste; gsum pas ni dmigs pa gcod/ bzhi pas sems nang du bsdus pas
mi gsal ba'i phyir/ dgu pa ni/ nyi snang las/ rgyun mi 'chad par
khyab par spro pas na zad par gyi skye mched do/ /zhes gsungs pa
ltar ro/ /sde tshan drug pa zil gnon gyi skye mched ni/

@23b rang gi bdag rkyen du gyur pa'i dngos gzhi'i sems la brten
nas zad par gyi dmigs yul rnams ji ltar 'dod pa bzhi ni zil gyis
gnon par nus pas rab tu phye ba'i rig pa/ zil gnon gyi ting nge
'dzin gyi mtshan nyid/ dbye na nang rnam 'byor ba rang nyid la

gzugs can du 'du shes pa'i sgo nas phyi rol gyi gzugs chung ngu
ste sems can rnams la de dag gi rnam pa dgu dag tu lta zhing
gzugs de dag zil gyis mnan nas shes shing mthong ngo/ /de ltar
'du shes pa'i zil gnon gyi skye mched dang/ de'i sgo nas phyi
rol gyi gzugs chen

po ste gzhal med khang dang ri la sogs pa la de dag gi rnam pa
zhes sogs sngar bzhin byas pa'i dang/ nang rnal 'byor pa rang la
gzugs med par 'du shes pa'i sgo nas phyi rol gyi gzugs chung ngu
dang chen po zhes sogs sngar bzhin sbyar ba gnyis te dbyibs

zil gnon gyi skye mched bzhi dang/ nang rnal 'byor pa rang la
gzugs med par 'du shes pa'i sgo nas phyi rol gyi gzugs sngon po
rnams la de dag gi rnam par lta zhing de dag zil gyis mnan nas
shes zil gyis mnan nas mthong de ltar 'du shes pa dang/ de

bzhin du ser po/ dmar po/ dkar po rnams la sbyar bas kha dog zil
gnon gyi skye mched bzhi ste brgyad du yod do/ /sa mtshams lam ma
zhugs nas yod do/ /'di dag mdo las/ nang gzugs med par 'du shes
pas phyi rol gyi gzugs sngon po kha dog sngon po lta bur ston pa

'di sngon po 'byung ba rnams la blta ste/ dper na yul ba ra NA
si'i ras phun sum tshogs pa sngon po kha dog sngon po sngon po
lta bur ston pa 'od sngon po 'byung ba de bzhin du nang gzugs
med par 'du shes pas phyi rol gyi gzugs sngon po kha dog sngon
po sngon po

lta bur ston pa 'od sngon po 'byung ba rnams la blta zhing de
dag zil gyis mnan nas shes zil gyis mnan nas mthong ste/ de ltar
'du shes par gyur pa 'di ni zil gyis gnon pa'i skye mched lnga
pa'o/ /zhes pas bstan/ de bzhin du ser po/ dong kha/ dmar po ban

@24a @#/ /du dzi bka'i me tog /dkar po skar ma pa sangs dang
sbyar nas gsungs/ de la nang gzugs nas blta ste'i bar mdor bstan
dang/ dper na man chad rgyas bshad yin la/ de yang de bzhin du
yan chad dpe dang/ phyin chad don no/ /de la sngon po ni

mdor bstan no/ /kha dog sngon po ni lhan skyes so/ /sngon po lta
bur ston pa ni sbyar byung gi sngon po'o/ /'od sngon po 'byung
ba de gnyis ka la 'od gsal po 'byung ba ste thun mong pa'o/ /me
tog ni lhan skyes dang ras sbyar byung gi dpe'o/ /bdun pa dang
brgyad pa gnyis 'og

tu 'chad/ dgu pa dang bcu pa ni sngar bshad zin pa ltar ro/ /sde
tshan bcu gcig pa ni/ rang gi bdag rkyen du gyur ba'i bsam gtan
gyi dngos gzhi la brten nas lus 'dor len sogs la dbang 'byor pa
thob pas rab tu phye ba'i rig pa de/ yongs su dag pa'i

mtshan nyid/ dbye na/ lus 'dor len la dbang thob pa'i rten dang/
med pa yod par sprul te bsgyur ba la dbang thob pa dmigs pa
dang/ skad cig re re la ting nge 'dzin grangs med pa la 'jug
pa'i thugs dang/ gzungs kyi sgo dpag tu med pa la dbang 'byor pa
ye shes

yongs su dag pa ste bzhi yod/ sde tshan bcu gnyis pa ni/ rang gi
bdag rkyen du gyur pa'i bsam gtan gyi dngos gzhi la brten nas
cho'i 'du byed 'dor ba ji ltar 'dod pa bzhin byed pa la sogs pas
rab tu phye ba'i rigs su gnas pa'i rig pa/ 'dir bstan dbang gi
ngo

bo; /dbye na/ tshe'i 'du byed 'dor len ji ltar 'dod pa bzhin byed
pas bsdus pa'i tshe la dbang ba dang/ ji ltar 'dod pa bzhin sems
ting nge 'dzin la 'jug pas bsdus pa'i sems la dbang ba dang/
bsam pa ji lta ba bzhin du yo byad nye bar gnas par byed pas
bsdus

pa'i yo byad la dbang ba dang/ lus ngag gi las ji ltar 'dod pa
bzhin nye bar bsgyur bas bsdus pa'i las la dbang ba dang/ 'gro
ba gang du ji ltar 'dod pa bzhin skye bas bsdus pa'i skye ba la
dbang ba dang/ sa sogs gser sogs kyi dngos por ji ltar mos pa
bzhin du

@24b bsgyur bas bsdus pa'i mos pa la dbang ba dang/ ji ltar mos
pa bzhin du 'grub pas bsdus pa'i smon lam la dbang ba dang/
mngon shes kyis bsdus pa'i rdzu 'phrul la dbang ba dang/ ji ltar
'dod pa bzhin ye shes mngon du byed pas bsdus pa'i ye shes

la dbang ba dang/ gsung rab yan lag bcu gnyis ji ltar 'dod pa
bzhin ston nus pas bsdus pa'i chos la dbang ba dang bcu yod pa'i
phyir/ de la dang po gsum po de sbyin pa'i 'bras bu yin te/
longs spyod byin pas tshe'i rgyur gyur pa dang/ de bzhin gshegs

pas sems can gyi don bsam pa bzhin du sems kyi rjes su gtso bor
'jug pa dang/ bsam pa bzhin du yo byad sbyin pas de gsum 'byung
ba'i phyir/ las dang skye ba la dbang ba gnyis ni tshul khrims
kyi 'bras bu yin te/ sems can rnams lus nga gi las skyon med

pa la bsam pa bzhin du bskul ba dang tshul ldan gyis smon lam
'grub pa'i phyir/ mos pa la dbang ba bzod pa'i 'bras bu yin te/
sems can gyi mos pa'i rjes su zhugs pa'i phyir/ smon lam la
dbang ba ni/ brtson 'grus kyi 'bras bu yin te/ sngon sems can
gyi don du

brtson pa ma btang ba'i phyir/ rdzu 'phrul la dbang ba bsam gtan
gyi 'bras bu yin te/ sngon sems can kyi dgongs pa ji lta ba
bzhin mnyam par bzhag pa'i phyir/ tha ma gnyis yum gyi 'bras bu
yin te/ sngon sems can gyi 'dod pa bzhin du ye shes mngon du
byed la

dang 'dod pa dang mthun par mdo sogs la sbyar ba'i phyir/ bcu
gsum pa dang bcu bzhi pa ni sngar bshad pa ltar ro/ /sde tshan
bco lnga pa ni/ de bzhin gshegs pa'i sku gsung thugs kyi spyod
pa nyes spyod mtha' dag gis yongs su dag pa ste de'i de bzhin
gshegs pa

'di la phyin ci log gi kun spyod ngan pa gang zag gzhan gyis
yongs su shes kyis dogs pa'i bsnyengs pa'am 'jigs pas bcab te
gsang bar bya'o snyam pa'i dgongs pa mi mnga' ba'i mkhyen pa
gsum mo/ /sde tshan bcu drug pa ni/ sangs rgyas kyi dran pa nyer
bzhag de la

@25a @#/ /gsum yod de/ rang gi bdag rkyen du gyur pa'i bsam gtan
gyi dngos gzhi la brten nas chos ston pa na gus pas nyan pa la
rjes su chags pa med par dran pa dang ldan pa dang/ de las bzlog
pa la khong khro ba med par dran pa dang ldan pa

dang; de gnyis ka la chags sdang gnyis kas dben pa kho nar btang
snyoms su dran pa dang ldan pa'i dran pa nyer bzhag gsum du yod
pa'i phyir/ sde tshan bcu bdun pa ni/ rang gi bdag rkyen du gyur
pa'i bsam gtan gyi dngos gzhi la brten nas/ sems can gyi don

mdzad dgongs pa na de'i dus las mi 'da' bar byed pa'i mkhyen pa/
bsnyel ba mi mnga' ba'i chos nyid kyi ye shes kyi ngo bo/ /sde
tshan bco brgyad pa ni/ de la brten nas sgrib gnyis kyi bag chags
yang dag par bcom pa ste spangs pa'i mkhyen pa/ bag chags

yang dag bcom pa'i ye shes kyi ngo bo/ /sde tshan bcu dgu pa ni/
de la brten nas nyin mtshan lan drug tu sems can gyi don la so
sor rtog par byed pa'i brtse ba/ 'dir bstan skye ba la thugs rje
chen po'i ngo bo/ /sde tshan nyi shu pa ni sngar bshad pa ltar
ro/ /sde tshan

nyer gcig pa dang/ rtsa ba'i dang zhes pa'i sgras bsdus pa lam
shes dang sogs pas gzhi shes gsum ni sngar bshad pa ltar yin no/
/des na/ byang chub phyogs mthun tshad med dang/ /zhes sogs rtsa
'grel rnams kyi don bsdu na/ sngar ltar du/ dngos kyi don dang/

de'i khyad par bshad pa/ de la rtsod pa spang ba gsum las/ dang
po la/ ye shes chos sku tha dad pa'i skur bstan pa/ tha mi dad
par 'dod pa dgag pa/ tha dad pa la rtsod pa spang pa dang gsum
las/ dang po 'di yan chad kyis bshad nas/ gnyis pa ston pa la/
gzhan dag na

re; thub pa'i ngo bo nyid sku ni/ /zhes sogs gsungs/ 'di la yang
'dod pa brjod pa dang/ de dgag pa gnyis las/ dang po ni/ gzhan
dag na re/ thub pa'i ngo bo nyid sku ni/ /zag pa med pa'i chos
gang dag /thob gyur rnam kun rnam dag pa/ /de dag rang bzhin
mtshan nyid

@25b can; /zhes bya ba'i sgra ji bzhin du 'jig rten las 'das
pa'i zag pa med pa'i chos rnams kho na khas blangs nas ngo bo
nyid kyi sku ni de dag gi rang bzhin skye ba med pa nyid gang
yin pa de'i mtshan nyid can yin te/ de nyid kyang chos nyid kyi
sku yin pas chos kyi sku'o zhes

ngo bo'i rkyen ma nor bar byas nas bstan to zhes rnam par bshad
nas/ chos kyi sku gang dag gi rang bzhin gyi mtshan nyid can yin
pa'i zag pa med pa'i chos de dag kyang gang dag cig yin zhe na/
byang chub phyogs mthun tshad med dang/ /zhes bya ba la sogs pa'i
tshig

le'ur byas pa las 'jug par byed do/ /zhes pas 'chad/ gnyis pa
ni/ gzhan dag na re/ de dag gi ltar na rnal 'byor ba'i kun rdzob
tu don khyad par can snang ba bskyed pa'i sgo nas/ gnas yongs su
gyur pas gyur pa/ chos ston pa la sogs pa'i don gyi bya ba

mdzad pa gnyis su med pa'i sems dang sems las byung ba/ gdon mi
za bar khas blang dgos pa rnams ji ltar bsdus zhes zer ro/ /zhes
pas 'chad/ gsum pa la rtsod pa dang/ lan gnyis kyi dang po ni/
kha cig na re/ ngo bo nyid longs rdzogs bcas dang/ de

bzhin gzhan pa sprul pa ni/ /chos sku mdzad pa dang bcas te/
/rnam pa bzhir ni yang dag brjod/ /ces bya ba'i tshig le'ur byas
pa las ngo bo nyid ces bya ba'i sgra'i mjug thogs su chos kyi
sku zhes bya ba'i sgra mi 'byung bas sku ni gsum kho na'o zhes
zer ro/ /zhes

pas 'chad/ gnyis pa ni/ gzhan dag na re/ dgos pa nye bar bstan
pa'i shugs kyis tshig le'ur byas pa sbyar ba'i ngor ram/ ye shes
kho na dang mdzad pa sbyar ba'i phyir de skad du gsungs pa yin
te/ de'i phyir phyogs gzhan nas sku bzhir gsungs pa thams cad mi

'gal bar 'gyur ro zhes zer ro/ /zhes pas 'chad/ des na 'di dag
gi don ni/ sku bzhir 'dod pa las gzhan 'phags pa grol sde'i rjes
'brang sku gsum du 'dod pa dag ni/ byang chub phyogs mthun tshad
med dang/ /zhes sogs ye shes chos sku bstan bya'i gtso bor

@26a @#/ /byas nas bstan pa mi 'thad de/ des ngo bo nyid sku
bstan bya'i gtso bor byas nas bstan pa'i phyir te/ thub pa'i ngo
bo nyid sku ni/ /zag pa med pa'i chos gang dag /ces par zag med
kyi ye shes sde tshan nyer gcig po de ngo bo nyid sku'i ldan pa'i

yon tan du dngos su bstan nas/ de'i yon tan du gyur pa'i ye shes
de 'chad pa la/ byang chub phyogs mthun tshad med dang/ /zhes
sogs gsungs pa'i phyir/ 'o na/ chos kyi sku zhes brjod pa yin/
/zhes mi 'byung bar/ chos nyid sku zhes brjod pa yin/ /zhes
'byung rigs

par thal lo/ /zhe na/ skyon med de/ sdeb sbyor gyi dbang gis
chos nyid kyi sku'i skad dod d+harma ta kA ya zhes 'byung ba'i
ngo bo'i rkyen ta phyis te mi mngon par byas nas chos nyid kyi
sku la chos kyi sku zhes brjod pa yin pa'i phyir/ zhes 'chad pa
la/ gzhan dag na re/ zhes sogs gsungs/ des

na sangs rgyas kyi sku la ngo bo nyid sku/ longs sku/ sprul sku
gsum du grangs nges pa yin te/ zag med kyi ye shes sde tshan nyer
gcig po de ngo bo nyid skus bsdus pa'i phyir/ des na don dril
na/ 'phags pa grol sde ye shes chos sku bzhed kyang/ des skabs
brgyad pa'i bstan bya'i

gtso bor gyur pa'i ye shes chos sku mi bzhed do/ /sku gsum 'dod
pa las gzhan sku bzhir 'dod pa dag na re/ sangs rgyas kyi sku la
ngo bo nyid longs sprul gsum du grangs nges par bzhed pa de dag
gi ltar na/ khyad par gsum ldan gyi sangs rgyas kyi ye shes chos
can/

sangs rgyas kyi sku ma yin par thal/ sangs rgyas kyi sku la gsum
po der grangs nges pa gang zhig /ngo bo nyid sku yang ma yin/
longs spyod rdzogs sku yang ma yin/ sprul sku yang ma yin pa'i
phyir/ khyad par gsum ni/ sangs rgyas kyi sa'i zag med ye shes
sde tshan

nyer gcig chos can/ khyad par gsum dang ldan te/ ngo bo'i khyad
par sems dang sems las byung ba/ spangs pa'i khyad par zag med
du gnas gyur pa/ byed las kyi khyad par rnal 'byor pa'i kun
rdzob ste rjes thob tu don khyad par can gzugs sku gnyis su
snang ba bskyed

@26b pa'i sgo nas gdul bya la chos ston pa la sogs pas 'od 'byed
pa'i don gyi bya ba mdzad pa'i phyir/ khyad chos phyi ma 'dis
'phags pa grol sdes khyad par gsum ldan gyi ye shes khas len
dgos pa'i rgyu mtshan bstan te/ yon tan de dag med na bdag rkyen
med pa'i phyir

bdag 'bras chos ston pa sogs med par thal ba'i skyon yod pa'i
phyir/ gal te kho na re/ rten cing 'brel par 'byung ba gang/ /de
nyid khyod ni stong par bzhed/ /ces pa'i tshul gyis chos nyid kyi
bdag nyid can gyi sku bstan pa nyid kyis gnyis su med pa'i ye
shes kyi bdag

nyid can gyi sku bstan pa yin pas/ ye shes chos sku de ngo bo
nyid skus bsdus so zer na/ de ltar longs sprul gnyis kyang de
ltar bstan dgos pas sku la sogs par ston mi dgos par 'gyur te/
rigs pa mtshungs pa'i phyir/ gal te longs sprul gnyis po de rnal
'byor

pa'i kun rdzob tu sku la sogs par bzhag ste/ gsung rab las sku
gsum du brjod pa'i phyir zhe na/ 'o na gnyis su med pa'i ye shes
kyi sku yang longs sprul bzhin du sku logs su bzhag dgos par
thal/ gsung rab las sku bzhir yang brjod pa'i phyir/ zhes pa'i

lan ston pa la/ gzhan dag na re/ de dag gi ltar na/ zhes sogs
gsungs/ gsum pa tha dad pa la rtsod pa spang ba la/ rtsod pa
dang/ lan gnyis las/ dang po ni/ sku gsum du 'dod pa kha cig na
re/ byang chub phyogs mthun tshad med dang/ /zhes sogs kyis ye
shes chos sku bstan

bya'i gtso bor byas nas bstan pa mi 'thad de/ des de ltar bstan
na/ ngo bo nyid longs rdzogs bcas dang/ zhes pa'i ngo bo nyid
ces pa'i sgra'i mjug thogs su chos kyi sku zhes 'byung rigs pa
la/ de ltar ma byung ba'i phyir zhes zer na mi 'thad de/ chos
sku mdzad pa dang

bcas pa/ /zhes pas ye shes chos sku bstan pa'i phyir/ kho na re/
de mi 'thad de/ mdor bstan dang rgyas bshad gnyis go rim mi
mthun pa'i phyir/ zhes zer/ gnyis pa ni/ sku bzhir 'dod pa gzhan
dag ni/ ngo bo nyid kyi sgra'i mjug thogs su chos sku'i sgra mi
'byung ba ni khyed kyi sgrub byed du

@27a @#/ /mi rung ste/ dgos pa rnam pa gsum gyi phyir lus rnam
gzhag tu sku gsum gyi mjug thogs su ye shes chos sku dang sangs
rgyas kyi mdzad pa 'phrin las sbyar nas gsungs pa'i phyir/ dper
na dgos pa'i dbang gis lus dang yan lag mi mthun pa

yongs 'dzin dang rtog pa bzhin no/ /lus rnam gzhag tu/ chos sku
mdzad pa dang bcas pa/ /zhes ye shes chos sku de sku gsum gyi
mjug thogs su sangs rgyas kyi 'phrin las dang sbyar nas bshad pa
la dgos pa gsum yang yod de/ sngar bshad pa'i khyad par gsum
ldan gyi ye

shes de sku gzhan gsum du mi 'du zhing chos skur 'du dgos pa'i
shugs kyis te ched du sku gzhan gsum bshad pa'i 'og tu chos sku
gsungs pa'i phyir dang/ rgyan gyi tshigs bcad sdeb sbyor sla ba'i
ched du yin pa'i phyir dang/ ye shes chos sku kho na dang mdzad
pa 'phrin las

bya ba dang byed pa por sbyar bar bya ba'i dgos pa yod pa'i
phyir ro/ /'o na rgyas bshad du'ang mdor bstan bzhin mi 'chad pa
ci zhe na/ de'i rgyu mtshan yod de/ sku bzhi gtso bo'i rim pas
bstan pa dang/ sku dang po gnyis chos chos can gyi 'brel pa
bsgrub pa'i phyir du yin

pa'i phyir/ zhes pa tshig gsal las bshad do/ /des na phyogs gzhan
sngags kyi theg pa nas sku bzhir gsungs pa thams cad dang mi
'gal zhing mthun par 'gyur te/ sku bzhir 'dod pa la gnod byed
med cing sgrub byed yod pa'i phyir ro/ /gzhung 'di dag gi don la

kha cig /khyad par gsum ldan gyi sangs rgyas kyi ye shes chos
can/ sangs rgyas kyi sku ma yin par thal/ ngo bo nyid sku longs
sku sprul sku gsum po gang rung ma yin pa'i phyir/ khyab pa
'phags pas sangs rgyas kyi sku la de gsum du grangs nges par
khas blangs

pa'i steng du song/ zhes zer zhing/ 'phags pa grol sdes ye shes
chos sku khas mi len zhes bya ba nang 'gal te/ des ye shes chos
sku khas len par thal/ des khyad par gsum ldan gyi sangs rgyas
kyi ye shes de ye shes chos skur khas len pa'i phyir te/ des de
sangs rgyas

@27b kyi skur khas len pa'i phyir/ ma grub na/ de chos can/
khyod sangs rgyas kyi sku ma yin par thal/ ngo bo nyid sku/
longs sku/ sprul sku gsum po gang rung ma yin pa'i phyir/ zhes
pa'i thal 'gyur 'di 'phags pa grol sde la mi 'dod pa thal bar
'phen pa'i thal 'gyur

yang dag ma yin par thal/ des de la 'dod lan don mthun thebs
pa'i phyir te/ des khyad par gsum ldan gyi sangs rgyas kyi ye
shes sangs rgyas kyi skur khas mi len pa'i phyir/ rtags khas/
gzhan yang/ des ye shes chos sku khas len par thal/ des stong
phrag brgya ba

las; gzugs kyi sku dang chos kyi sku dang ye shes kyi sku mthong
bar 'tshal ba dang shes par 'tshal bas shes rab kyi pha rol tu
phyin pa la brtson par bya'o/ /zhes bya ba sgra ji bzhin du khas
len pa'i phyir dang/ nyi snang las/ gang dag gis rnam pa thams
cad du shin tu rnam

par dag pa'i ngo bo nyid chos kyi skur gyur pa zag pa med pa'i
ye shes dag kyang gang yin zhe na/ byang chub phyogs mthun tshad
med dang/ /zhes gsungs pa'i phyir/ gzhan yang/ de sangs rgyas
kyi sa'i zag med kyi ye shes sde tshan nyer gcig po de ye shes
chos skur

khas len par thal/ rgyan snang las/ rten cing 'brel par 'byung
ba gang/ /de nyid khyod ni stong par bzhed/ /ces gsungs pa'i
tshul gyis bdag nyid can gyi sku bstan pa yin no zhe na/ de ltar
na rigs pa de mtshungs pa nyid kyis longs spyod rdzogs pa dang/
sprul pa'i sku

gnyis kyang logs shig tu bstan par bya ba ma yin par 'gyur ro/
/zhes gsungs pa'i gzhung 'di 'phags pa grol sde'i bzhed pa
bskyar nas de 'gog byed kyi gzhung yin pa'i phyir/ des na 'phags
seng gnyis kas sangs rgyas kyi sku thams cad ngo bo nyid sku
longs sku

sprul sku gsum du 'dus par bzhed de/ 'phags pas de ltar bzhed pa
gang zhig /slob dpon seng ge bzang pos kyang de ltar bzhed pa'i
phyir te/ des ye shes chos sku de ngo bo nyid skus bsdus par
bzhed pa'i phyir te/ rgyan snang las/ rnam pa kun gyi mchog dang
ldan pa'i

@28a @#/ /sku ni gsum po kho na nges par thob par shog /ces
gsungs pa'i phyir dang/ rnam bshad las/ zag pa med pa'i ye shes
sde tshan nyer gcig gis bsdus pa'i ye shes chos kyi sku ni sngags
kyi phyogs nas kyang sku bzhi bar gsungs la/ rgyal ba'i sras

po seng ge bzang pos kyang sku bzhi bar mdzad pa ni dbye bsdu
tsam yin gyi/ gsum du ma 'dus par bzhed pa ni ma yin te/ zhes
sogs gsungs pa'i phyir/ des na 'phags seng gnyis sku'i grangs
nges la rtsod tshul yod de/ 'phags pas sangs rgyas kyi sku la ngo
bo nyid sku

longs sku sprul sku gsum du grangs nges par bzhed/ slob dpon
gyis de la ngo bo nyid sku/ ye shes chos sku/ longs sku/ sprul
sku bzhir grangs nges par bzhed pa'i phyir/ dang po grub ste/
nyi snang las/ da ni chos kyi sku brjod par bya ba yin te/ de
yang rnam pa gsum du rig

par bya ste/ zhes gsungs pa'i phyir/ 'phags pas ye shes chos sku
bzhed kyang/ des skabs brgyad pa'i bstan bya'i gtso bor gyur
pa'i ye shes chos sku mi bzhed de/ des mngon rtogs rgyan gyi
bstan bya'i gtso bor gyur pa'i mngon rtogs la/ mkhyen gsum dang
sbyor

bzhi ste bdun du grangs nges par bzhed pa'i phyir te/ nyi khri
rnam 'grel las/ mngon rtogs bdag nyid bdun yin phyir/ /shes rab
pha rol phyin par 'dod/ /ces gsungs pa'i phyir/ rong TIk pa na
re/ slob dpon gyis sku bzhi'i rnam gzhag gsungs pa de mkhan po

yang dag rnam snang mdzad kyi bzhed pa bkod pa yin gyi/ slob
dpon gyi rang lugs ma yin zer ba mi 'thad de/ de yang ngo bo
nyid kyi sku la sogs pa'i dbye bas rnam pa bzhi yin te/ zhes
dang/ de ltar sku dang po bstan nas gnyis pa chos kyi sku zhes
dang/ de ltar sku gnyis

pa bstan nas/ zhes dang/ de ltar sku gsum pa bstan nas bzhi pa
sprul ba'i sku/ zhes gsungs pa rnams slob dpon gyi rang gzhung
rnam dag ma yin par thal/ dam bca' 'thad pa'i phyir/ 'dod na/
skabs brgyad pa'i 'grel ba'i gzhung tshig rnams de ma yin par
thal/

@28b 'dod pa'i phyir/ ! nyan thos nyon mongs med pa'i lta/ /zhes
sogs kyi skabs su/ gzhung 'dis sangs rgyas kyi nyon mongs med
pa'i khyad par bshad na tshul ji lta bu zhe na/ 'di la mtshams
sbyar/ rtsa ba/ 'grel pa gsum las/ dang po ni/ gong du/ nyon
mongs med

dang; zhes bshad na/ sangs rgyas kyi nyon mongs med pa'i ting
nge 'dzin dang nyan thos nyon mongs med pa'i ting nge 'dzin la
khyad par yod dam med ce na de gnyis la khyad par yod do zhes
mtshams sbyar gyi sgo nas 'chad pa la/ nyan thos la sogs pa'i
nyan mongs med

pa'i ting nge 'dzin las sangs rgyas kyi nyon mongs med pa'i ting
nge 'dzin khyad par du bya ba'i phyir bar skabs kyi tshigs su
bcad pa/ zhes gsungs/ gnyis pa ni/ de la khyad par yod tshul de
ston pa la/ nyan thos nyon mongs med pa'i lta/ /zhes sogs
gsungs/

gsum pa ni/ de'i don 'chad pa la/ nyan thos la sogs pa'i nyon
mongs pa med pa'i ting nge 'dzin ni bdag mthong ba las 'ga' zhig
gi nyon mongs pa skye bar gyur na mi rung ngo zhes mi'i nyon
mongs pa skye ba yongs su spong ba nyid yin no/ /de bzhin gshegs
pa rnams kyi

nyon mongs pa med pa'i ting nge 'dzin ni/ grong la sogs par skye
bo mtha' dag gi nyon mongs pa'i rgyun drungs 'byin par mdzad pa
yin no/ zhes gsungs/ ngag don ni/ nyan thos la sogs pa'i nyon
mongs med pa'i ting nge 'dzin las sangs rgyas kyi nyon mongs med

pa'i ting nge 'dzin byed las kyi sgo nas khyad par du 'phags pa
yin te/ snga mas grong sogs su mis mtshon pa'i sems can gang dag
gis nyan thos rang nyid mthong ba na rang nyid la dmigs pa'i
nyon mongs skye ba spong par 'dod pa tsam gyis de tsam zhig zil
gyis

gnon; phyi mas ni sems can 'di bdag la dmigs nas nyon mongs
rgyun du gnas par ma gyur cig ces de la lhag par gzigs par bzhed
cing grong sogs su gshegs nas sems can de'i nyon mongs rnams
rgyun gcod par byed pa'i byed las dang ldan pa'i phyir te/

@29a @#/ /dag ldan las/ nyan thos rnams kyis grong sogs su gang
dag mthong bar gyur pa ni de'i nyon mongs skye bar shes pa'i tshe
sems can mthong ba nyid zlog par byed kyi/ nyon mongs mngon du
gyur zin zlog par mi byed pa ni/ nyan thos kyi nyon

mongs med pa'i ting nge 'dzin dang/ mthong ba mi zlog gi mthong
ba yod kyang de dag gi nyon mongs rgyun gcod pa ni/ de bzhin
gshegs pa'i nyon mongs med pa'o/ /zhes bshad/ 'di gnyis ltar na
nyan thos kyis ni dmigs rkyen du gyur dogs nas sems can de dag
gi

drung du mi 'gro bar mngon no/ /des na/ rang gi bdag rkyen du
gyur pa'i rab mtha'i bsam gtan la brten nas/ rang rgyud ldan gyi
gang zag de la dmigs pa'am gang zag gzhan la dmigs pa'i nyon
mongs chung ngu zil gyis gnon nus pas rab tu phye ba'i dgra bcom

pa'i rgyud kyi ting nge 'dzin/ nyon mongs med pa'i ting nge
'dzin gyi ngo bo/ dbye na/ nyon mongs med pa'i nyan thos kyi
ting nge 'dzin dang/ nyon mongs med pa'i de bzhin gshegs pa'i
ting nge 'dzin gnyis su yod/ sa mtshams/ rab mtha'i bsam gtan
thob pa'i dgra

bcom pa mtha' dag gi rgyud la yod do// ! //sangs rgyas smon gnas
mkhyen pa ni/ /zhes sogs kyi skabs su/ gzhung 'dis smon gnas
mkhyen pa'i khyad par 'chad tshul gang zhe na 'di la gsum las/
dang po ni/ gong du/ smon mkhyen dang/ /zhes bshad na/ sangs
rgyas

kyi smon gnas mkhyen pa dang nyan thos kyi de gnyis la khyad par
yod dam med ce na/ de gnyis la khyad par yod par gzhung 'dis
'chad ces mtshams sbyor ba la/ nyan thos la sogs pa'i smon gnas
shes pa bas/ de bzhin gshegs pa'i smon gnas mkhyen pa khyad

par du bstan pa'i phyir bar skabs kyi tshigs su bcad pa/ zhes
gsungs/ gnyis pa ni/ de gnyis kyi khyad par de gang zhe na/ de
ston pa la/ sangs rgyas smon gnas mkhyen pa ni/ /zhes sogs
gsungs/ gsum pa ni/ de'i don 'grel pa la/ de bzhin gshegs pa'i
smon

@29b gnas mkhyen pa ni/ mtshan ma med pa nyid du rang gi ngang
gis 'jug pa dang/ dngos po la mngon par ma zhen pas gzugs la
sogs pa la chags pa dang bral ba dang nyon mongs pa dang shes
bya'i sgrib pa bag chags dang bcas te spangs pas shes bya thams
cad la

thogs pa med pa dang/ 'khor ba ji srid bar gnas pa'i phyir rtag
tu gnas ba dang/ yang dag pa'i so sor rig pa brnyes pas 'dri
ba'i lan 'debs par mdzad pa yin par bzhed do/ /nyan thos la sogs
pa yi ni bzlog pa nyid kyis de lta ma yin no/ /zhes gsungs/

don ni/ de bzhin gshegs pa'i smon gnas mkhyen pa chos can/ nyan
thos kyi smon gnas mkhyen pa las khyad chos lnga'i sgo nas khyad
par du 'phags pa yin te/ 'bad rtsol med par rang gi ngang gis
'jug pas lhun gyis grub pa/ rgyun mi 'chad pas chags pa spangs
pa/

shes bya thams cad la 'jug pas thogs pa med pa/ 'khor ba ma
stong gi bar du gzhan don du gnas bas rtag tu gnas pa/ zhus pa'i
lan thams cad 'debs pas dri ba'i lan ldon pa'i khyad chos lngas
khyad par du 'phags pa'i phyir/ ji ltar lan ldon pa ni/ bden

smras zhus pa las/ ji ltar sems can kun gyis nges tshig gis/
/mang po dag gis dus gcig zhu zhus kyang/ /sems kyi skad cig
gcig la thugs chud nas/ /gsung dbyangs gcig gis so sor lan yang
'debs/ /zhes gsungs pa ltar ro/ /ye shes brgya zhe drug las

'di gnyis la khyad par 'chad pa ni gzhan rnams la yang mtshon
pa'i ched yin te/ de thams cad kyang sgrib gnyis bag chags dang
bcas pa spangs pas rab tu phye ba yin pa'i phyir/ des na/ rang
gi bdag rkyen du gyur pa'i rab mtha'i bsam gtan la brten nas
chags thogs

spangs pas rab tu phye ba'i mthar thug pa'i mkhyen pa/ sangs
rgyas kyi smon gnas mkhyen pa'i mtshan nyid yin no// ! //rgyu ni
yongs su smin gyur nas/ /zhes sogs kyi don ni/ sangs rgyas
'phags pa 'di dus rtag tu nye ring dang bral ba'i thugs rje chen
po'i ngang la

@30a @#/ /bzhugs kyang/ de bzhin gshegs pa'i sku de gdul bya 'ga'
zhig la dngos su snang ba dang/ gzhan dag la dngos su mi snang
ba mi 'thad par thal ba'i skyon med de/ sku dngos su snang mi
snang gdul bya rang ngos nas skal pa dang ldan mi ldan yin gyi/

sangs rgyas kyi thugs rje'i nye ring gi dbang gis ma yin pa'i
phyir te/ dper na/ lha'i rgyal pos tshar phab kyang sa bon ma rul
ba la myu gu 'byung gi /sa bon rul ba la myu gu mi 'byung ba
bzhin no// ! //de ltar mdzad pa rgya che'i phyir/ /zhes sogs kyi
don ni/ ye shes chos sku

de sangs rgyas kho na'i rgyud la yod kyang/ de la khyab pa dang/
zhes brjod pa'i rgyu mtshan yod de/ de'i 'phrin las sems can
thams cad la khyab pa'i rgyu mtshan gyis de ltar brjod pa'i
phyir/ de skad cig re re la skye 'jig byed kyang/ de la rtag
gnas dang zhes bshad pa mi

'thad par thal ba'i skyon med de/ de 'khor ba ma stong gi bar du
rgyun mi 'chad pa'i rgyu mtshan gyis de ltar brjod pa'i phyir// !
//mtshan ni sum rtsa gnyis dang/ /zhes sogs kyi skabs su/ gzhung
'di dag gis longs spyod rdzogs pa'i sku de 'chad na 'chad tshul
de gang

zhe na/ 'di la yang/ mdo las gsungs tshul dang/ bstan bcos kyis
'grel tshul gnyis las/ dang po ni/ mdo las/ rab 'byor gzhan yang
shes rab kyi pha rol tu phyin pa 'di la bslabs shing chos nyid
de dag thams cad thob nas bla na med pa yang dag par rdzogs pa'i

byang chub tu mngon par rdzogs par sangs rgyas te/ rnam pa thams
cad nas thams cad du de bzhin gshegs pa dgra bcom pa yang dag
par rdzogs pa'i sangs rgyas rnams kyi skyes bu chen po'i mtshan
sum cu rtsa gnyis kyis brgyan pa/ dpe byad bzang po brgyad cus

brgyan pa/ byang chub sems dpa' sems dpa' chen po rnams la theg
pa mchog gi longs spyod bla na med pa'i dga' ba dang bde ba dang
tshim pa dang rab tu dga' ba ston par mdzad par 'gyur ro/ /rab
'byor de ltar byang chen sher phyin la bslab par bya'o/ /zhes

@30b gsungs; gnyis pa la/ rtsa bas bstan tshul dang/ 'grel bas
bshad tshul gnyis las/ dang po ni/ mdo de'i don bshad pa'i sgo
nas longs spyod rdzogs pa'i sku'i rang bzhin mdor bstan gyi sgo
nas 'chad pa la/ mtshan ni sum cu rtsa gnyis dang/ /zhes sogs sho
lo ka

gcig gsungs/ de nyid yon tan gyi sgo nas rgyas par 'chad pa la/
phyag zhabs 'khor lo'i mtshan dang rul sbal zhabs/ /zhes sogs
gsungs/ gnyis pa la/ 'o na ye shes chos sku'i rjes su longs
spyod rdzogs pa'i sku 'chad pa'i rgyu mtshan gang zhe na/ de'i
rgyu mtshan

yod de/ ye shes chos skus gdul bya'i mig shes rang 'bras longs
sku'i snang ba skyed bar byed pa'i rgyu mtshan gyis de ltar bshad
pa'i phyir/ zhes mtshams sbyar gyi sgo nas 'chad pa la/ de ltar
sku gnyis bstan nas/ gsum pa longs spyod rdzogs pa'i sku gzugs

kyi sku'i ngo bo nyid mtshan dang dpe byad 'bar ba/ zhes gsungs/
de nyid tshig don gyi sgo nas 'chad pa la/ mtshan sum cu rtsa
gnyis dang/ dpe byad bzang po brgyad cu'i ngo bo nyid 'di ni
byang chub sems dpa' chen po sa bcu pa la zhugs pa rnams dang
thabs gcig tu

theg pa chen po'i chos kyi longs spyod kyi dga' ba dang bde ba
shin tu kha na ma tho ba med pa nye bar spyod pa'i phyir/ sangs
rgyas bcom ldan 'das rnams kyi longs spyod rdzogs pa'i sku yin
no/ /zhes gsungs/ gnyis pa yon tan gyi sgo nas rgyas par bshad
pa la/ mtshan

dang; dpe byad gnyis las/ dang po ni/ 'o na/ mtshan ni sum cu
rtsa gnyis dang/ /zhes bshad na/ mtshan sum cu rtsa gnyis po de
dag gang yin zhes mtshams sbyor ba la/ mtshan sum cu rtsa gnyis po
de dag gang dag cig yin zhe na bar skabs kyi tshigs su bcad pa
lnga

ni; zhes gsungs/ mtshan sum cu rtsa gnyis po de dag so sor 'chad
pa la/ phyag zhabs/ zhes sogs gsungs/ de nyid tshig don gyi sgo
nas 'chad pa la/ bla ma skyel ba dang bsu ba la sogs pas phyag
dang zhabs 'khor lo'i mtshan dang ldan pa nyid dang/ zhes pa nas/

@31a @#/ /khong khro ba la sogs med par bltas pas rdzi ma ba'i
lta bu nyid do/ /zhes pa'i bar gsungs/ de yang/ phyag zhabs
'khor lo'i mtshan dang/ zhes pa'i don 'chad pa la/ bla ma skyel
ba dang/ zhes sogs gsungs/ rus spal zhabs/ /

zhes pa'i don 'chad ba la/ sdom pa yang dag par blangs pa la
brten pa nyid kyis rus spal bzhin du zhabs shin tu gnas pa nyid
dang/ zhes gsungs/ phyag dang zhabs sor dra bas 'brel ba dang/
/zhes ba'i don 'chad pa la/ bsdu ba'i dngos po bzhi bsten

pas phyag dang zhabs kyi sor mo ngang pa'i rgyal po lta bur dra
bas 'brel ba nyid dang/ zhes gsungs/ phyag ni zhabs bcas 'jam
zhing gzhon sha chags/ /zhes pa'i don 'chad pa la/ bza' ba dang
bca' ba la sogs pa gya nom pa byin pas phyag dang zhabs 'jam

zhing gzhon sha chags pa nyid dang/ zhes gsungs/ 'di yi sku ni
bdun dag mtho ba dang/ /zhes pa'i don 'chad pa la/ blngag pa la
sogs pa shin tu gya nom pa byin pas phyag dang/ zhes sogs
gsungs/ sor mo ring dang/ zhes pa'i don 'chad pa la/ bsad par
bya

bya ba thar par byas pas sor mo ring ba nyid dang/ zhes gsungs/
rting yangs/ zhes pa'i don 'chad pa la/ 'tsho ba la phan btags pa
nyid kyis rting ba yang pa nyid dang/ zhes gsungs/ des mtshon nas
rtsa 'grel sbyor tshul shes par bya'o/ /'o na mtshan de dag skyed

pa'i rgyu de gang zhe na/ de mdor bstan gyi sgo nas ston pa la/
'di la mtshan ni gang gang gi/ zhes sogs sho lo ka gcig gsungs/
de nyid tshig don gyi sgo nas 'chad pa la/ mtshan gang gi sgrub
par byed pa'i rgyu gang yin pa de rab tu rdzogs pas mtshan sum cu
rtsa gnyis po

'di dag 'byung ngo/ /zhes gsungs/ de nyid rgyas par 'chad pa la/
bla ma skyel la sogs pa dang/ /zhes sogs gsungs so/ /gnyis pa
dpe byad bzang po brgyad cu 'chad pa la/ 'o na/ dpe byad brgyad
cu'i bdag nyid 'di/ /zhes 'chad na/ dpe byad brgyad cu po de
gang yin zhe

@31b na; de ston pa la/ thub pa'i sen mo zangs mdog dang/ /zhes
pa nas/ sangs rgyas dpe byad bzang por bzhed/ /ces pa'i bar
gsungs/ 'o na mtshan dpe gnyis kyi go rim 'di ltar ston pa'i rgyu
mtshan gang zhe na/ de'i rgyu mtshan yod de/ mtshan rnams gtso bo
dang/

dpe byad rnams 'khor yin pas de ltar du bshad pa'i phyir zhes
kha cig zer ro/ /de nyid 'grel bas 'chad tshul la yang/ mtshams
sbyar gyi sgo nas 'chad pa la/ de ltar mtshan rnams brjod nas bar
skabs kyi tshigs su bcad pa bcu gnyis kyis dbye byad bzang po

gsungs pa/ zhes gsungs/ tshig don gyi sgo nas 'chad pa la/ 'du
byed thams cad la 'dod chags dang bral ba nyid kyis sen mo zangs
kyi mdog lta bu nyid dang/ zhes pa nas/ rnam pa thams cad du
mdzes par gyur pa nyid kyis phyag dang zhabs dpal gyi be'u bkra
shis

dang g.yung drung 'khyil pas brgyan pa nyid yin no/ /zhes pa'i
bar gsungs/ des na 'di'i skabs su/ kha cig /longs sku la longs
sku chen po dang/ longs sku btags ba pa gnyis las/ dang po ni/
sa bcu pa la gnas pa'i byang sems 'phags pa sha stag gis bskor

ba'i longs sku ste/ 'di longs sku mtshan nyid pa yin/ gnyis pa
ni/ sa dang po yan chad la gnas pa'i byang sems sha stag gis
bskor ba'i gzugs sku ste/ 'di ni longs sku btags pa ba dang
sprul sku mtshan nyid pa yin/ 'di lta bu'i sprul sku 'di longs
sku dang dngos

rgyu tshogs pa tshar gcig la rag las kyi 'brel ba grub pa'i tshul
gyis thob pa'i sprul sku yin zer na/ longs sku yin na/ 'khor
nges pa byang sems sa bcu pa pa sha stag gis bskor bas khyab par
thal/ khyod kyi dam bca' de 'thad pa'i phyir/ 'dod na/ longs
sku'i sku

dngos kyi gdul bya de yin na/ byang sems sa bcu pa ba yin dgos
par thal/ 'dod pa'i phyir/ 'dod na/ ye shes chos sku de sangs
rgyas 'phags pa nang phan tshun kho na'i mngon sum gyi spyod yul
yin pa dang/ longs sku de sar gnas kyi byang sems yan chad kho
na'i

@32a @#/ /mngon sum du spyod yul yin pa dang/ mchog gi sprul pa'i
sku de so so skye po las dag yan chad kho na'i mngon sum gyi
spyod yul yin pa'i khyad par mi 'thad par thal/ longs spyod
rdzogs pa'i sku mngon sum du rtogs pa'i sa dgu pa

man chad la gnas pa'i byang 'phags med pa'i phyir te/ longs
spyod rdzogs pa'i sku dngos su mthong ba'i de med pa'i phyir te/
longs spyod rdzogs pa'i sku'i sku dngos kyi gdul byar gyur pa'i
de 'dra ba med pa'i phyir/ rtags khas/ 'dod na/ ji ltar mos pas

rab tu phye ba ni sangs rgyas dang byang chub sems dpa' dang
nyan thos la sogs pa'i sbyod yul du rnam par bzhag pa yin no
zhes gsungs pa mi 'thad par thal/ 'dod pa'i phyir/ gzhan yang/
de 'dra'i sprul sku de chos can/ khyod sprul sku ma yin par
thal/ khyod

longs sku yin pa'i phyir te/ khyod nges pa lnga ldan gyi gzugs
sku yin pa'i phyir te/ khyod sku nges pa mtshan dpe gsal rdzogs
kyis spras pa dang/ gnas nges pa 'og min kho nar bzhugs pa dang/
/'khor nges ba byang 'phags sha stag gis bskor ba dang/ chos
nges

pa theg chen gyi chos 'ba' zhig gsungs pa dang/ dus nges pa
'khor bam stong gi bar du bzhugs pa'i gzugs sku yin pa'i phyir/
dang po dang tha ma gnyis sla/ bar pa gsum grub ste/ de 'dra
ba'i sprul sku gcig yod pa'i phyir/ kho na re/ longs spyod
rdzogs pa'i sku'i

sku dngos kyi gdul bya yin na byang sems sa bcu ba pa yin dgos
par thal/ 'grel bar/ byang chub sems dpa' chen po sa bcu pa la
zhugs pa rnams dang thabs gcig tu theg ba chen po'i chos kyi
longs spyod kyis/ zhes gsungs pa'i phyir na ma khyab ste/

mtshan gzhi bzung ba tsam yin pa'i phyir/ kho na re/ longs sku
yin na/ 'khor nges pa byang sems 'phags pa sha stag gis bskor
bas ma khyab ste/ rgyal ba 'od dpag med de longs spyod rdzogs
pa'i sku yin pa'i phyir te/ de dang rgyal ba mi 'khrugs pa sogs

@32b longs skur bshad pa'i phyir zer na ma khyab/ rgyal ba 'od
dpag med chos can/ 'og min gyi rten can gyi gang zag yin par
thal/ longs spyod rdzogs pa'i sku yin pa'i phyir/ 'dod na/ gzugs
kyi rten can gyi gang zag tu thal/ 'dod pa'i phyir/ 'dod na/ bde
ba can de

gzugs khams yin par thal/ 'dod pa'i phyir/ 'dod mi nus te/ de
khams gsum gang rung du ma gtogs pa'i phyir te/ de dag pa'i
zhing yin pa'i phyir/ kho na re/ longs sku'i 'khor gyi byang
sems de sa bcu pa la gnas pa'i byang sems kho na la byed rigs
te/ gzhung

mang po las sa bcu ba la gnas pa'i byang sems zhes 'byung zhing/
'grel bshad tshig gsal las kyang de dang mthun bar bshad pa'i
phyir/ zhes zer na ma khyab bo/ /des mtshon nas gzhan yang shes
par bya'o/ /kha cig /gzugs sku gnyis gdul bya'i gzhan

snang tsam yin gyi sangs rgyas rang snang la med do zhe na/
gzugs sku gnyis chos can/ khyod gtan nas med par thal/ khyod
thams cad mkhyen pa'i ye shes kyis ma gzigs pa'i phyir/ ma grub
na/ sangs rgyas rang snang la yod par thal lo/ /kho na re/ sangs
rgyas

'phags pas chos nyid la rtse gcig tu mnyam par bzhag pa'i mnyam
gzhag ye shes kyi gzigs ngor gzugs sku gnyis med pa de de gnyis
sangs rgyas rang snang la med pa'i don yin zhes zer na/ de
'dra'i mnyam gzhag ye shes chos can/ khyod kyi gzigs ngor gzugs

sku gnyis yod par thal/ khyed kyis shes bya ji snyed pa thams
cad lag mthil du skyu ru ra bzhag pa ltar mngon sum du gzigs
pa'i phyir/ kha cig /gzugs sku gnyis sangs rgyas rang rgyud kyis
ma bsdus zer na/ gzugs sku gnyis gang zag gsum gang gi rgyud

kyis ma bsdus pa yin nam/ de gdul bya'i rgyud kyis bsdus/ dang
pho ltar na/ byang sems 'phags pas sbyin pa gtong ba dang tshul
khrims bsrung ba sogs rang rgyud la goms par byas pa las 'bras
bu mthar thug thob pa mi srid bar thal/ bsod nams kyi

@33a @#/ /tshogs goms pa'i 'bras bu mthar thug pa de gang zag gang
gi rgyud kyis thob pa mi srid pa'i phyir te/ gzugs sku gnyis
gang zag su gang gi rgyud kyis bsdus pa mi srid pa'i phyir/ kho
na re/ skyon med de/ sa bcu rgyun mtha'i bar du rang rgyud

kyis bsdus pa'i tshogs gnyis goms par byas pas sangs rgyas pa'i
tshe rig pa rgyun chad nas de bzhin nyid rnam par dag pa'i rang
bzhin 'ba' zhig tu 'gyur ba yin no zhe na/ 'o na rgyang 'phen
gyis 'chi kha tshun chad du rig pa yod kyi de phan chad na med
par

khas blangs pa la gnod pa cung zad kyang med par thal/ dam bca'
de'i phyir/ gnyis pa ltar na/ gang zag lhas byin gyi gtong sems
dang spong sems mthar thug pa na/ de dang rgyud tha dad du gyur
pa'i mchod sbyin tshe ring ba dang longs spyod che ba'i mthar

thug par 'dod rigs par thal/ gzugs sku gnyis gdul bya'i rgyud
kyis bsdus pa'i phyir/ kha cig /gzugs sku gnyis sangs rgyas ma
yin zer na/ ngag smra de ngag smra ba'i skyes bu pha rol po kun
mkhyen ma yin par sgrub pa'i rtags yang dag tu thal/

dam bca' de'i phyir/ kho na re/ dam bca' der thal/ sum brgya
par/ gang dag nga la gzugs su mthong/ /gang dag nga la sgrar
shes pa/ log pa'i lam du zhugs pa ste/ /skye bo de dag nga mi
mthong/ /zhes gsungs pa'i phyir na ma khyab ste/ gzags sku

gnyis sangs rgyas min pa'i shes byed du lung de 'dren mi rigs
pa'i phyir te/ lung de gsung ba po bcom ldan 'das ma yin pa'i
phyir te/ de sangs rgyas ma yin pa'i phyir te/ gzugs sku gnyis
sangs rgyas ma yin pa'i phyir/ kha cig /sangs rgyas kyi

sa na bem pos bsdus pa'i rdul phra rab bsags pa'i lus yod zer
na/ shes bya chos can/ de med par thal/ ye shes chos sku de gdul
bya'i snang ngor gzugs skur snang ba yin pa'i phyir te/ ye shes
chos sku de gdul bya la gzugs skur snang ba'i phyir te/

@33b snying po'i rgyan las/ mchog gi sprul pa'i sku nyid ye shes
chos kyi sku nyid so so skye bo 'ga' zhig la mtshan dpes spras
pa'i gzugs kyi skur snang ba dga' ldan gyi gnas nas 'pho ba la
sogs pa'i rim pas byang chub kyi shing drung du mngon par rdzogs
par

'chad rgya ba'i tshul bstan pa de nyid do/ /zhes pa dang/ des na
sangs rgyas kyi ye shes nyid gdags pa'i gzhir byas nas gzugs kyi
skur rnam par bzhag pa yin gyi/ bam pos bsdus pa'i rdul phra rab
bsags pa'i lus ni cung zad kyang med par shes par

bya'o/ /zhes gsungs pa'i phyir/ gzhan yang/ bem po yod par thal/
dam bca' de'i phyir/ 'dod na/ phyi don yod par thal lo/ /kha cig
/gzugs sku gnyis sangs rgyas rang rgyud kyis bsdus pa'i shes pa
yin zhes zer na/ shes bya chos can/ de gnyis rnam

mkhyen yin par thal/ dam bca'i de'i phyir/ 'dod na/ de chos can/
ye shes chos sku yin par thal lo/ /'dod na/ de chos can/ sangs
rgyas kho na'i mngon sum kyi spyod yul du thal lo/ /kha cig
/gzugs sku gnyis sangs rgyas ma yin te/ gal te yin na/ bai DU
rya'i sa

gzhig tsang ma la shar ba'i brgya byin gyi gzugs brnyan de brgya
byin yin par thal/ gdul bya'i mig shes la gzugs skur snang ba'i
gzugs sku gnyis sangs rgyas yin pa'i phyir na ma khyab/ khyab
par thal/ rgyud blar/ ji ltar baiTUr sa gzhi gtsang ma la/ /lha
dbang

lus kyi gzugs brnyan 'char ba bzhin/ /de bzhin 'gro ba'i sa gzhi
gtsang ma la/ thub pa'i dbang po'i sku yi gzugs brnyan 'char/
/zhes gsungs pa'i phyir na ma khyab ste/ lung des bai DU rya'i
sa gzhi gtsang ma la brgya byin gyi gzugs brnyan shar ba bzhin
du/ /

gdul bya las dag pa'i mig shes la gzugs sku snang ba de bstan
pa'i phyir/ kha cig mchog gi sprul sku de longs sku'i gzugs
brnyan yin te/ rgyud bla mar/ gzugs brnyan gyi ni rang bzhin
phyir/ sprul pa gser gyi gzugs lha bu/ /zhes gsungs pa'i phyir
na ma khyab

@34a @#/ /ste; lung des zla bas bdag rkyen byas nas chu'i nang du
zla ba'i gzugs brnyan 'char ba bzhin du/ longs sku bdag rkyen
byas nas gdul bya las dag pa la sprul sku'i snang ba 'char ba de
bstan pa'i phyir/ gzhan yang/ mchog gi sprul

sku'i byad bzhin de longs sku'i byad bzhin kyi gzugs brnyan yin
par thal/ dam bca' de'i phyir/ 'dod na/ de chos can/ byad bzhin
gyi gzugs brnyan yin par thal/ 'dod pa'i phyir/ 'dod mi nus te/
byad bzhin yin pa'i phyir/ kha cig /longs sku dang

dngos rgyu tshogs pa tshar gcig la rag las kyi 'grel pa grub pa'i
sprul sku de 'og min kho nar bzhugs zer na/ de'i ched du bya
ba'i gdul bya de longs sku'i ched du bya ba'i gdul bya yin par
thal/ dam bca' de'i phyir/ 'dod mi nus te/ sprul sku'i ched du

bya ba'i gdul yin pa'i phyir te/ chos can de'i phyir/ kha cig
/longs sku'i gnas 'og min de gnas gtsang lnga'i nang tshan gyi
'og min la byed zer na/ longs sku'i ched du bya ba'i gdul bya
phyir mi 'ong yod par thal/ dam bca' 'thad pa gang zhig /gnas

gtsang lnga'i nang tshan du gyur pa'i 'og min gyi rten can gyi
phyir mi 'ong yod pa'i phyir te/ gzugs su nyer 'gro'i phyir mi
'ong 'og min mthar thug 'gro yod pa'i phyir/ kha cig /longs sku
bzhugs pa'i gnas 'og min de gzugs khams ma yin te/

longs sku de gzugs khams kyi rten can ma yin pa'i phyir/ ma grub
na/ gzugs khams kyi rten la lce'i rnam par shes pa yod par thal/
ma grub pa de'i phyir/ khyab ste/ longs sku'i rgyud la lce'i
rnam shes yod pa'i phyir te/ 'di la ro mi zhim pa ro mchog

snang; /zhes gsungs pa'i phyir/ 'dod na/ de na dri ro yod par
thal/ 'dod pa'i phyir/ 'dod mi nus te/ kun btus las/ de na dri
dang ro ni rang bzhin gyis med de/ kham zas la 'dod chags dang
bral ba'i phyir/ zhes gsungs pa'i phyir zer na/ gzugs

@34b khams na mi dge ba med par thal/ mdzod las/ de las 'gyod
gnyid mi dge rnams/ /bsam gtan dang po dag na med/ /ces gsungs
pa'i phyir/ khyab pa khas/ kho na re/ skyon med de/ gzugs kyi
sas bsdus kyi mi dge ba med pa lung de'i don yin pa'i

phyir zer na/ lung snga ma la yang de dang mtshungs so/ /gzhan
yang/ gzugs khams na lce'i rnam shes yod par thal/ de na sna'i
rnam shes yod pa'i phyir te/ gzugs kyi bar srid kyi rten la
sna'i rnam par shes pa yod pa gang zhig /de 'dra ba de gzugs

khams pa yin pa'i phyir/ dang po ma grub na/ de chos can/ khyod
kyi rgyud la sna'i rnam shes yod par thal/ khyod dri za yin pa'i
phyir te/ khyod bar srid kyi sems can yin pa'i phyir/ khyab ste/
mdzod las/ mi ldog de ni dri za'o/ /zhes gsungs pa'i phyir/ ! /

rang lugs la/ longs sku la mtshan nyid/ mtshan gzhi/ khyad chos
yon tan rgyas bar bshad pa dang gsum las/ dang po ni/ nges ba
lnga dang ldan pa'i mthar thug pa'i gzugs sku/ longs sku'i mtshan
nyid/ nges pa lnga yang yod de/ gnas nges pa 'og min lhug po

bkod pa kho nar bzhugs pa/ 'khor nges pa byang 'phags sha stag
gis bskor pa/ chos nges pa theg chen gyi chos 'ba' zhig gsungs
pa/ sku nges pa mtshan dpe gsal rdzogs kyis spras pa/ dus nges pa
'khor ba ma stong gi bar du bzhugs pa rnams su yod

pa'i phyir te/ tshig gsal las/ gzhan gang dag las longs spyod
rdzogs pa'i sku mya ngan las 'da' bar bshad pa de dag ni sngar
bshad pa ltar sprul pa'i sku la longs spyod rdzogs pa'i skur
btags pa'i dbang du byas pa yin gyi/ longs spyod rdzogs pa'i

sku ye shes rnam par dag pa'i gzhir gyur pa na nam yang mya ngan
las mi 'da' ba'i skad cig ma'i rgyun can nyid du ni gnas par
gsungs so/ /zhes gsungs pa'i phyir/ nges pa lnga'i tha snyad
byed pa yang mdo dang bstan bcos rnams su phyogs re tsam bstan
pa

@35a @#/ /sna bsdus nas byas pa yin gyi/ de rnams phyogs gcig tu
bsdoms nas ston pa'i tshad ldan gyi gzhung med de/ legs bshad
gser phreng las/ 'di la nges pa lnga ldan du smra ba ni/ don
bsdus sgron mer/ nges pa bzhi ste 'khor dang ni/ /

gnas dang ston pa chos su ste/ zhes pa tsam las ma mthong la/
'dis ni khungs mi thub cing der ma zad theg bsdus ltar na de la
gnod pa yang snang bas dpyad pa'o/ /zhes gsungs pa'i phyir/ theg
bsdus kyi gnod pa ni/ theg bsdus las rgyal ba 'od

dpag med longs skur bshad pas so/ /skabs 'di'i mdos kyang gnas
nges pa ma gtogs nges pa bzhi bstan la/ rtsa bar sku nges pa
dang chos nges pa gnyis dngos su bstan nas 'grel par de'i steng
du 'khor nges pa dang gsum dngos su

bstan to/ /'di'i 'khor gyi byang 'phags de gang la byed cen/
gzhung kha cig /sa bcu pa la gnas pa/ zhes 'byung la/ de dang
mthun par slob dpon chen pos kyang bzhed la/ nyi snang dang nyi
khri rnam 'grel las ni/ byang chen sa chen po la bzhugs pa

rnams zhes pa tsam las ma gsungs la/ rang lugs ni sa thob pa'i
byang sems thams cad la byed pa yin te/ gzhung kha cig las/ sa
bcu pa la gnas pa/ zhes 'byung zhing/ rgyan snang las/ byang
chen sa la bzhugs pa rnams dang/ zhes dang/ sher sgron

dang grags char yang de ltar bshad cing/ dag ldan las kyang/
byang sems sa thob pa rnams kyi rdzogs par longs spyod pa'o/
/zhes gsungs pa'i phyir/ de dang mthun par dpal ldan zla bas
kyang bzhed de/ skyabs 'gro bdun cu pa las/ sangs rgyas rnams
kyi

gzugs sku ni/ mtshan dang dpe byad rab 'bar zhing/ /skye bo rnams
las sna tshogs gzugs/ /rang mos dbang gis 'dzin par byed/ /bsod
nams tshogs ni dpag med las/ /byung ba de ni rgyal ba'i sras/ /sa
bcu la ni gnas rnams kyis/ /de lta bu yi skur gzigs

@35b so; /'di de chos rdzogs longs spyod las/ /rgyal sras rnams
kyi sbyang bya'o/ /zhes sogs gsungs pa'i phyir/ gnyis pa ni/ 'og
min gyi rten can gyi rgyal ba rdo rje 'chang lta bu'o/ /gsum pa
la/ rgyud blar gsungs tshul dang/ mdo sde'i rgyan las gsungs tshul
dang/

sangs rgyas kyi mtshan dpe'i yon tan bye brag tu bshad pa'o/
/dang po ni/ longs spyod rdzogs pa'i sku chos can/ khyad chos
lnga dang ldan te/ sku ston pa dang/ gsung brjod pa dang/ thugs
mdzad pa rgyun mi 'chad pa gsum dang/ de dag la 'bad rtsol gyi
mngon par

'du byed pa med pa dang/ rgyud tha dad pa lta bu du mar snang
yang de ltar du ma grub par ston pa'i khyad par lnga dang ldan
ba'i phyir/ rtags dang po gnyis grub ste/ drang nges sna tshogs
pa'i chos la rdzogs par longs spyod pa'i rang bzhin gang zhig
/gsung gi

chos rgyun mi 'chad du snang ba'i gzugs sku yin pa'i phyir/ gsum
pa grub ste/ thugs rje chen po dag pa'i rgyu mthun pa'i byang
chen rnams dang/ brgyud nas rigs can gsum ga'i 'gro don rgyun mi
'chad du mdzad pa'i phyir/ bzhi pa grub ste/ bshad ma thag

pa'i yon tan gsum po de la 'bad rtsol gyi rnam rtog med cing
gdul bya'i 'dod pa ji lta ba bzhin du yongs su skod bar mdzad
pa'i phyir/ lnga pa grub ste/ yid bzhin gyi nor bu'i mthun pa'i
ngo bo dang kha dog sna tshogs su ma grub kyang tshon sna tshogs
dang

'phrad pa na nor bu de rang gi kha dog dngos ma yin par/ tshon de
dang de'i kha dog tu snang ba ltar/ rang gi bsam pa sna tshogs
pa'i 'gro ba'i rkyen sna tshogs pa'i dbang gis khyab bdag longs
sku rang gi sku dngos ma yin par sna tshogs su snang yang snang
ba ltar ma

grub pa'i gzugs sku yin pa'i phyir/ de ltar yang/ rgyud bla ma
las/ brjod ston mdzad rgyun mi 'chad dang/ /mngon par 'du byed
med pa dang/ /de yi ngo bo min ston la/ /'dir ni sna tshogs rnam
lngar brjod/ /ji ltar tshon ni sna tshogs kyis/ /nor bu de dngos
min snang

@36a @#/ /ltar; /de bzhin 'gro rkyen sna tshogs kyis/ /khyab bdag
de dngos min par snang/ /zhes gsungs pa'i phyir/ gnyis pa ni/
longs spyod rdzogs pa'i sku chos can/ khyad chos drug dang ldan
te/ khams kun tu kun tu bzang po la sogs

pa'i 'khor yongs su sdud pa'i khyad par/ bai DUrya la sogs pa'i
zhing gi khyad par/ dbang po'i tog la sogs pa'i mtshan gyi khyad
par/ che chung la sogs pa'i sku'i khyad par/ blo gros mi zad pa
la sogs pa chos la rdzogs par longs spyod

pa'i khyad par/ mdzad pa 'phrin las dag gi tha dad pa'i khyad
par rnams dang ldan pa'i phyir te/ de ltar yang/ mdo sde'i rgyan
las/ longs spyod rdzogs pa khams kun tu/ /'khor yongs sdud dang
zhing dang mtshan/ /sku dang chos rdzogs longs spyod

dang; /mdzad pa dag gi tha dad de/ /zhes gsungs pa'i phyir/ gsum
pa la/ ngo bo/ dbye ba/ sangs rgyas kyi mtshan dpe mchog tu
bsgrub pa/ thob byed kyi rgyu bshad pa'o/ /dang po ni/ rang gi
bdag rkyen du gyur pa'i bsam gtan gyi dngos gzhi'i sems

la brten nas de bzhin gshegs pa rnams skyes bu dam par mtshon par
byed pa'am/ de bzhin gshegs pa'i thugs rgyud kyi yon tan gzhan
dag gi go byed gang rung du gyur pa'i rnam dkar gyi yon tan de/
sangs rgyas kyi mtshan dpe'i yon tan gyi

mtshan nyid yin te/ mdo sde'i rgyan las/ lus can rnams kyis khyod
mthong na/ /skyes bu dam pa legs par mthong/ /mthong ba tsam
gyis rab dang bar/ /mdzad pa khyod la phyag 'tshal lo/ /zhes
gsungs pa'i phyir dang/ kun btus las/ mtshan dang

dpe byad bzang po rnams kyis las ci mdzad cen/ mthong ma thag tu
skyes bu chen po nyid du yid ches par mdzad pa'o/ /zhes gsungs
pa'i phyir/ gnyis pa ni/ de la dbye na/ mtshan dang dpe byad kyi
yon tan gnyis las/ rang gi bdag rkyen du gyur pa'i

@36b bsam gtan gyi dngos gzhi la brten nas de bzhin gshegs pa
rnams skyes bu dam par mtshon par byed pa'i rnam dkar gyi yon
tan/ sangs rgyas kyi mtshan bzang gi yon tan gyi mtshan nyid/ de
la brten nas de bzhin gshegs pa'i thugs rgyud

kyi yon tan rnam dag gdul bya gzhan dag la go bar byed pa'i rnam
dkar gyi yon tan/ sangs rgyas kyi dpe byad kyi yon tan gyi mtshan
nyid/ 'o na mtshan dpe 'di dag gzugs shes ldan min 'du byed gsum
po gang yin zer na 'di la mkhas pa

kha cig de rnams la shes pa dang rnam smin gyi char gyur pa'i
dbyibs dang kha dog sogs du ma yod de/ kun btus las/ mtshan dang
dpe byang bzang po gang zhe na/ bsam gtan la brten nas mtshan
dang dpe byad bzang pos brgyan pa'i sku ston pa dang yang dag

par 'byor pa'i ting nge 'dzin dang shes rab gang yin pa dang/ de
dag dang mtshungs par ldan pa'i sems dang sems las byung ba'i
chos rnams dang/ de dag las byung ba'i rnam par smin pa'o/ /zhes
gsungs pa'i phyir/ zhes gsungs/ kha cig /de rnams

shes pa yin zer na/ mtshan dpe rnams ye shes chos sku yin par
thal/ de shes pa yin pa'i phyir/ 'dod na/ de chos can/ sangs
rgyas 'phags pa kho na'i mngon sum gyi spyod yul du thal/ 'dod
pa'i phyir/ 'dod mi nus te/ byang 'phags kyi mngon sum gyi spyod

yul yin pa'i phyir/ de der thal/ sangs rgyas kyi mtshan dpe de
rnams byang 'phags kyi mngon sum gyi spyod yul yin pa'i phyir
te/ gzugs sku gnyis po de de yin pa'i phyir/ kha cig /de rnams
kha dog dang dbyibs ci rigs kyis bsdus pa'i gzugs yin te/

de rnams mig shes kyi gzung bya yin pa'i phyir te/ de rnams
mngon sum du mthong ba'i sems can yod pa'i phyir/ zhes gsungs/
de yang mi 'thad de/ der gyur pa'i shes pa yod pa'i phyir/ rtags
'og tu sgrub bo/ /dang po la dbye na so gnyis su yod de/ de la
phyag

@37a @#/ /zhabs kyi 'khor lo'i mtshan dang/ rus spal gyi lto bzhin
zhabs mthil mnyam pa dang/ phyag zhabs kyi sor mo rnams dang pa
ltar du bar 'brel ba dang/ phyag zhabs rnams 'jam zhing gzhon
sha chags pa dang/ phyag zhabs kyi rgyab bzhi dang

phrag pa'i thal gong gnyis dang ltag pa'i rgyab ste/ bdun shas
khengs te mtho ba dang/ sor mo rnams ring ba dang/ zhabs mthil
gyi bzhi cha phyir 'phags pa'i rting pa yangs pa dang/ sku che
zhing drang ba dang/ zhabs kyi lha nga dang long bu cher mi
mngon pa dang/ sku'i spu

rnams re re nas gyen du phyogs pa ste bcu dang/ zhabs kyi byin
pa zlum zhing rgyas par ri dwags e na ya'i 'dra ba dang/ phyag
ring zhing mdzes pa dang/ 'doms kyi sba ba spu bas su nub pa
dang/ lpags pa'i mdog gser ltar dag cing gsal ba dang/ lpags pa

srab cing 'jam pa dang/ ba spu'i khung bu re re nas spu gnyis
gnyis med par re re g.yas su 'khyil pa dang/ smin mtshams su
mdzod spus brgyan pa dang/ ro stod seng ge ltar rgyas pa dang/
dpung mgo bum pa'i mgrin pa ltar zlum pa dang/ dpung mgo phan

tshun gyi bar thal gong rgyas pa ste bcu dang/ ro mchog tu snang
zhing mkhyen pa dang/ sku'i yan man dang 'dom mnyam pa n+ya gro
ta ltar chu zheng gab pa dang/ dbu gtsug tor dang ldan pa dang/
ljags ring zhing mdzes pa dang/ gsung shes shing rnam par shes
par 'gyur

pa dang/ mnyan par 'os shing mi mthun pa med pa dang/ zab cing
rjes su sgrog pa dang/ btang mi bra zhing rnar snyan pa dang/ ma
'khrugs shing gsal ba'i yan lag lnga ldan gyi tshangs dbyangs
dang ldan pa dang/ 'gram pa zlum zhing rgyas pa seng ge'i 'dra
ba dang/ tshems shin

tu dkar ba dang/ tshems tshad mnyam pa dang/ bar mtshams ma dod
pa'i tshems thags bzang ba dang/ tshems bzhi bcu tshang ba dang/
dkar nag gi cha ma 'dres pa sogs kyi spyan nor bu mthon mthing
dang 'dra ba dang/ steng 'og gi rdzi ma rnams legs par gzhol
zhing ma 'dres

@37b pa ba'i rdzi ma lta bu dang bcu gnyis te so gnyis su yod
pa'i phyir ro/ /gnyis pa dpe byad la dbye na brgyad cu yod de/
longs sku'i sen mo zangs kyi mdog lta bu dang/ sen mo'i mdog
snum pa dang/ sen mo shang shong med par mtho ba dang/ sor mo
rnams zlum

pa dang/ sor mo rnams rgyas pa dang/ sor mo byin gyis phra ba
dang/ lus kyi rtsa phyi nas mi mngon pa dang/ rtsal mdud pa med
pa dang/ zhabs kyi long bu chung ba mi mngon pa dang/ zhabs ring
thung med par mnyam pa ste bcu dang/ seng ge'i stabs su gshegs
pa

dang; glang po che'i stabs su gshegs pa dang/ dang pa ltar nam
mkhar gshegs pa dang/ khyu mchog gi stabs su sems can gyi sna
'dren par 'dod pa'i gnas su gshegs pa dang/ g.yas phyogs su
ldog cing gshegs pa dang/ mdzes par gshegs pa

dang; mi g.yo bar gshegs pa dang/ sha rgyas shing 'gyid legs
pas sku 'khril bag chags pa dang/ gtsang zhing dag pas sku byi
dor byas pa lta bu dang/ sku ring thung dang phra spo ma sogs
thad kar ma 'chol bas rim par 'tshams pa ste bcu dang/ sku rnam
par

dag pas gtsang ba dang/ sku 'jam pa nyid dang/ sku rnam par dag
pa nyid dang ldan pa dang/ mtshan rdzogs pa dang/ sku'i khyon che
zhing kho lag yangs pa dang/ gom pa che chung med pas snyoms pa
dang/ spyan gnyis ra ri sogs med par dag pa dang/ sku shin tu
gzhon

sha can dang/ sku sha zhum pa med pa dang/ sku sha rgyas pa ste
bcu dang/ sku sha mi lhod pas sku shin tu grim pa dang/ phyag
zhabs sogs yan lag dang sor tshigs sogs nying lag ring thung sogs
cha phyed pas shin tu rnam par 'byes pa dang/ gzigs pa glo bur
gyi dri ma'i rab

rib med par rnam par dag pa dang/ sku'i phyal zlum ba dang/ skad
skabs 'tsham pas sku skabs phyin pa dang/ rked pa ha cang mi ring
bas sku ma rnyongs pa nyid dang/ sku'i phyal phyang nge ba mtho
dman med pa dang/ lte ba gting zab pa dang/ lte ba'i ri mo
g.yas phyogs su

@38a @#/ /'khyil ba dang/ spyod lam kun nas mdzes pa dang ldan pa
ste bcu dang/ sgo gsum gyi kun spyod gtsang ba dang/ sku la sme
ba dang gnag bag med pa dang/ phyag shing bal ltar 'jam pa dang/
phyag gi ri mo mdangs gsal ba dang/ phyag gi

ri mo zab pa dang/ de ring ba dang/ zhal ha cang mi ring pa
dang/ zhal la gzugs kyi gzugs brnyan snang ba mchu bim pa ltar
dmar ba dang/ ljags mnyen pa dang/ ljags srab pa ste bcu dang/
ljags dmar ba dang/ gsungs 'brug gi sgra dang ldan pa dang/
gsungs snyan

cing mnyen la 'jam pa dang/ mche ba zlum pa dang/ mche ba rno
ba dang/ mche ba dkar ba dang/ mche ba ring thung med par mnyam
pa dang ma che ba byin gyis phra ba dang/ shangs gzings mtho pa
dang/ shangs snabs sogs kyis dag pa'i gtsang ba ste bcu dang/
spyan yangs

pa dang/ rdzi ma mdzes shing stug pa dang/ spyan dkar nag ma
'dres par 'byes shing padma'i 'dab ma rdzogs pa lta bu dang/
smin tshugs ring ba dang/ smin ma 'jam pa dang/ smin ma snum pa
dang/ smin ma'i spu ring thung med pas mnyam pa dang/ phyag ring
zhing rgyas pa

dang; snyan ring thung dang che chung med par mnyam pa dang/
sgra la 'jug pa byed pa sogs snyan gyi dbang po ma nyams pa ste
bcu dang/ dpral ba legs par 'byes pas skra mtshams legs par dod
pa dang/ dpral ba dbyes che bas rgyas pa dang/ dbu gdugs ltar
shin

tu rgyas pa dang/ dbu skra bung ba ltar gnag pa dang/ dbu skra
bar mtshams med par stug pa dang/ dbu skra 'jam pa dang/ dbu skra
ma 'dzings pa dang/ dbu skra mi rtsub cing mi bshor ba dang/ dbu
skra dri zhim pa dang/ phyag dang zhabs kyi mthe bong la rdo
rje'i ri mo lta bu

dpal gyi be'u dang de gnyis kyi mthil la ri mo gru bzhi pa'i
bkra shis dang de'i mtha' srin lag la sogs pa'i zhabs na ri mo
bdun g.yas su 'khyil ba'i rgyan g.yung drung 'khyil pas bstan
pa dang bcu ste brgyad cur yod pa'i phyir/ dpal be'u thugs na
yod

@38b par gsungs pa yang yod do/ /gsum pa la/ kho na re/ mtshan
dpe 'di dag longs spyod rdzogs sku dang sbyar nas bshad pa mi
'thad de/ rgyud blar mthong na tshim byed yon tan gang/ /sum cu
rtsa gnyis zhes bya ba/ /sprul pa chos la rdzogs par ni/ /longs
spyod rdzogs sku

gnyis la brten/ /zhes gsungs/ mtshan so gnyis po de longs sku
sprul sku gnyis ka la yod par bshad pa'i phyir zhen/ /skyon med
de/ sprul sku la de yod kyang mtshan dpe de rnams kyi rgyud la
spyod pa'i rnam smin gyi 'bras bu dngos ni longs sku'i mtshan dpe
yin

pas na de rnams longs sku dang sbyar nas gsungs pa'i phyir/
yang/ rin chen phreng bar/ 'khor los sgyur ba thams cad la/ 'di
dag yod par 'dod mod kyi/ /dag dang mdzes dang gsal ba ni/
/sangs rgyas rnams kyi char mi phod/ /ces bu gsungs pa'i phyir
dang/

mdzod las/ thub mtshan yul na gnas pa dang/ /gsal la rdzogs pas
'phags pa yin/ /zhes gsungs pa'i phyir/ 'o na/ mtshan dang/ /dpe
byad gnyis la khyad par ci yod ce na/ de gnyis la khyad par yod
de/ mtshan bzang rnams gtso bo dang/ dpe byad

rnams 'khor yin pas gtso 'khor gyi khyad par yod pa'i phyir/
gtso 'khor du 'gyur tshul yang yod de/ /sen mo zang mdog nas sor
mo byin gyis phra ba'i bar gyi dpe byed drug ni/ phyag sor ring
pa'i mtshan gyi 'khor dang/ dbu rgyas pa dang/ dbu skra bung ba

ltar gnag nas dri zhim pa dang ldan pa'i bar gyi dpe byad drug
dang bdun ni/ gtsug tor dang spu gyen du phyogs pa dang/ spu
g.yas su 'khyil pa'i mtshan gyi 'khor dang/ dpral ba 'byes pa
dang dbyes che ba gnyis dang shangs mtho ba ba dag pa gnyis te

brgyad kyi dpe byad rnams ni mdzod spu'i mtshan gyi 'khor dang/
spyan yangs sogs spyan gyi dpe byad bzhi/ smin tshugs ring ba
sogs bzhi dang brgyad ni spyan mthon mthing lta bu'i mtshan gyi
'khor dang/ rdzi ma stug pa'i dpe byad ni rdzim ba'i rdzi ma lta
bu'i mtshan gyi

@39a @#/ /'khor dang/ gzigs pa sgrib med dag pa la spyan mdzes
par 'dzum pa zhes zer ro/ /snyan mnyam sogs gnyis kyi dpe byad
ni 'gram pa seng ge'i 'dra ba'i 'khor dang/ zhal ha cang mi ring
ba sogs gnyis dang/ ljags mnyen sogs

gsum ste lnga ni ljags ring ba dang ro bro ba'i mchog mkhyen pa
gnyis kyi 'khor dang/ gsung 'brug gi sgra dang/ 'jam mnyen rnams
tshangs dbyangs kyi 'khor dang/ mche ba zlum pa sogs mche ba'i
lnga ni shin tu dkar pa sogs tshems kyi mtshan bzhi'i 'khor dang/
rtsa

mi mngon pa dang/ mdud pa med pa/ long bu mi mngon pa/ sku gzhon
sha can/ phyag 'jam pa phyag ris kyi gsum ste brgyad ni/ phyag
zhabs 'jam zhing gzhon sha chags pa dang zhabs long mi mngon
pa'i 'khor dang/ zhabs mnyam pa ni byin pa en+ya'i 'dra ba
dang/

rus sbal zhabs kyi 'khor dang/ seng ge sogs gshegs stabs bdun
dang gom snyoms dang brgyad ni sor mo dra bas 'brel ba dang
rting pa yangs pa gnyis kyi 'khor dang/ sku 'khril bag chags pa
nas/ dag pa'i bar bdun dang/ mtshan rdzogs pa/ kho lag

yangs pa/ sku ma zhum pa sogs gsum dang/ yan lag rnam 'byes sku
zlum pa nas/ phyal phyang nge pa'i bar bzhi dang/ kun nas lta na
sdug pa nas/ sme ba gnag pag med pa'i bar gsum ste bcu dgu ni/
sku che zhing drang ba bdun mtho ba/ gser mdog 'dra ba/

lpags srab pa/ dpung mgo zlum pa thal gong rgyas pa/ ro stod
seng ge 'dra ba chu zheng gab pa rnams kyi 'khor dang/ lte ba
zab pa dang/ g.yas su 'khyil pa gnyis gsang gnas spubs su nub
pa'i 'khor dang/ phyag ring zhing rgyas pa/ phyag ring zhing

mdzes pa'i 'khor dang/ dpal be'u dang bkra shis nya g.yung
drung 'khyil pa sogs ni 'khor lo'i mtshan dang dra bas 'brel ba'i
'khor yin pa'i phyir/ bzhi pa sher phyin gyi mdo las ni/ sngon
slob pa'i gnas skabs su bla ma la skyel bsu la sogs pa

@39b byas pa na/ khong khro ba la sogs pa med par bltas pa'i
dbang po gnyis la goms par byas pas phyag zhabs 'khor lo'i mtshan
nas/ rdzi ma ba'i rdzi ma lta bu'i bar mtshan so gnyis dang/ 'du
byed thams cad la 'dod chags dang bral ba nas/ rnam pa

thams cad du mdzes par gyur pa'i bar brgyad cu la goms par byas
pas dpe byad brgyad cu grub par bshad la/ de dang mthun par
'grel pa 'dir yang bshad do/ /mdo skal bzang las ni mtshan so
gnyis po re re yang phar phyin drug gi rgyu las byung bar bshad

cing; de yang mdzod spu lta bu la mtshon na/ kha dog dkar ba
dang/ g.yas su 'khyil ba dang/ spa zhing zil gyis mi non pa
dang/ drang na khru gsum la sogs pa ring bar gnas pa dang/ shin
tu 'khyil zhing legs par gnas pa dang/ 'od mtha' yas pas

khyab pa rnams rim pa ltar phar phyin drug gi 'bras bur gsungs
so/ /des na rang rgyal sogs 'grub pa'i bsod nams bcu 'gyur gyi
tshogs kyis thub pa'i ba spu'i bu ga gcig 'grub la/ ba spu bu ga
thams cad 'grub pa'i bsod nams brgya 'gyur gyi

tshogs kyis dpe byad gcig 'grub pa dang/ dpe byad thams cad 'grub
pa dang/ dpe byad thams cad 'grub pa'i bsod nams brgya 'gyur
gyis mtshan gcig 'grub pa dang/ mtshan thams cad 'grub pa'i bsod
nams stong 'gyur gyi tshogs kyis mdzod spu 'grub pa dang/ mdzod
spu skyed

pa'i bsod nams stong phrag brgyar bsgyur ba'i tshogs kyis gtsug
gtor 'grub la/ de skyed pa'i bsod nams bye ba 'bum phrag brgyar
bsgyur nas sangs rgyas kyi gsungs dbyangs yan lag drug cu 'grub
pa yin te/ rin chen phreng ba las/ bsod nams

bsam gyis mi khyab pas/ /ji ltar sangs rgyas mtshan 'byung ba/
/theg pa chen po'i lung bstan las/ /rgyal po chen po de bzhin
gson/ /rang sangs rgyas kun 'byung ba dang/ /slob dang mi slob
las 'byung dang/ /'jig rten ma lus kun bsod nams/ /'jig rten

@40a @#/ /bzhin du dpag med gang/ /de bcur bsgres par gyur pa yi/
/ba spu'i bu ga gcig 'grub ste/ /sangs rgyas ba spu'i bu ga ni/
/thams cad de dang 'dra bar 'byung/ /ba spu'i bu ga thams cad
ni/ /skyed par byed pa'i bsod nams gang/ /de dag

brgyar ni bsgyur ba yis/ /dpe byad bzang po gcig tu bzhed/
/bsod nams ji snyed de snyed kyis/ /rgyal po dpe byad bzang po
ni/ /re re mthar phyin de lta bur/ /brgyad cu'i bar du 'byung
bar 'gyur/ /dpe byad bzang po brgyad cu dag/ 'grub pa'i bsod
nams

tshogs gang yin/ /de dag brgyar ni bsgyur ba yis/ /skyes bu chen
po'i mtshan gcig go/ mtshan ni sum cu 'grub pa'i rgyu/ /bsod nams
rgya chen gang yin pa/ /de dag stong du bsgyur ba yis/ /zla ba
nya 'dra'i mdzod spu'o/ /mdzod spu yi ni bsod nams dag/ stong
phrag

brgyar ni bsdoms pa yis/ /spyi gtsug ltar ni mi snang ba/ /skyob
pa'i gtsug tor skyed par byed/ gtsug tor bsod nams bye ba ni/
grangs med rgya chen bcu po dag /sangs rgyas gsung gi sgra
dbyangs ni/ /yan lag drug cu skyed pa'i mchog /zhes gsungs pa'i
phyir/

rje btsun cha pa na re/ sangs rgyas kyi mtshan dpe de rnams thob
bya mthar thug yin kyang sangs rgyas kyi sku ma yin te/ de rnams
sangs rgyas ma yin pa'i phyir te/ de bem po yin pa'i phyir te/
dbu skra bung ba ltar nag de nag po yin pa'i phyir zhes gsungs/
'o na/

bem po yod par thal/ sangs rgyas kyi mtshan dpe de rnams bem po
yin pa'i phyir/ rtags khas/ 'dod na/ phyi don bem po yod par
thal/ 'dod pa'i phyir/ 'dod na/ phyi don yod par thal lo/ /'dod
mi nus te/ 'grel par/ sngon po dang de'i blo dag lhan

gcig dmigs pa nges pa'i phyir/ 'di ni sems kho na yin gyi/ phyi
rol gyi don ni med do/ /zhes gsungs pa'i phyir/ gzhan yang/ de
rnams bem po ma yin par thal/ sangs rgyas kyi ye shes nyid gdul
bya las dag pa'i dbang shes la mtshan dper shar ba tsam

@40b yin pa'i phyir/ byas pa la kho na re/ gdul bya'i dbang shes
log shes su thal/ sangs rgyas kyi ye shes mtshan dpe ma yin pa
gang zhig /de gdul bya las dag gis mtshan dper snang ba'i phyir
na ma khyab/ de rdul phran bsags pa'i gzugs su med de/ longs sku

la 'byung bzhis bsdus pa'i gzugs med pa'i phyir te/ rgyud blar/
'byung med gzugs ston lta dang gtam bzang ni/ /zhes sogs gsungs
pa'i phyir/ sprul sku'i mtshan dpe rnams bem po yin te/ sprul
sku'i gdung rus ring bsrel sogs kha dog

dbyibs bsdus kyis gzugs su tshad mas grub pa'i phyir/ zhes zer
ba mi 'thad de/ bem po med pa'i phyir dang/ kha dog dang dbyibs
bsdus kyis gzugs yin na bem po yin pas ma khyab pa'i phyir/
gzhan yang/ sprul sku'i rgyud la bem pos bsdus

pa'i gzugs yod par thal/ dam bca' de'i phyir/ 'dod na/ sangs
rgyas kyi sa na bem pos bsdus pa'i rdul phra rab bsags pa'i
gzugs yod par thal lo/ /kha cig /sangs rgyas kyi mtshan dpe gang
rung yin na/ min shes kyi gzung bya yin pas

khyab ste/ mtshan rnams rang rgyud ldan gyi gang zag skyes bu
chen por mtshon byed dang/ dpe byad rnams rang rgyud ldan gyi
gang zag la nang na yod tan khyad par can yod pa dag /gzhan la
go bar byed pa'i phyir zer na ma khyab ste/ mtshan dpe de rnams
la gzugs

kyi skye mched kyis bsdus pa dang/ sgra dang/ dri dang/ rig
bya'i skye mched kyis bsdus pa yang yod pa'i phyir/ dang po sla/
gnyis pa grub te/ gsung tshangs dbyangs kyi mtshan bzang de de yin
pa'i phyir/ rtags sla/ gsum pa grub te/ dbu skra dri zhim po
skyes bu'i yid

'phrogs par byed pa'i mtshan bzang yod pa'i phyir/ bzhi pa grub
ste/ dbu skra 'jam pa'i mtshan bzang yod pa'i phyir/ des na gong
du kun btus kyi lung drangs pa ltar shes pa yod par bzhed na/
'di la ro mi zhim pa ro mchog snang/ /zhes pa'i mtshan bzang de

@41a @#/ /shes pa yin par bzhed dam snyam mo/ /'di la kha cig
/sangs rgyas kyi ljags shes la ro mi zhim pa zhim par snang zhe
na/ re zhig /ro mi zhim pa ro zhim par snang ba chos can/ khyod
snang ba ltar grub par thal/ khyod sangs rgyas 'phags

pa'i ljags shes la snang ba ltar grub pa'i phyir te/ khyod de la
snang ba gang zhig /de la snang ba de la snang ba ltar grub pa'i
phyir/ ma grub na/ sangs rgyas 'phags pa'i ljags shes chos can/
khyod la snang ba khyod la snang ba ltar grub par thal/ ma
'khrul pa'i shes

pa yin pa'i phyir/ rtsa bar 'dod na/ ro mi zhim pa ro zhim pa
yin par thal lo/ /des na lung de'i don ni/ gang zag phal pa'i
ljags shes la ro mi zhim par snang ba'i ro de sangs rgyas 'phags
pa'i ljags shes kyi steng du bzhag pa na de'i thugs rje'i dbang
gis

gnas gyur nas ro zhim pa'i mchog tu gyur pa yin te/ dper na/
ston pa sangs rgyas kyis rta chas kyi nas rul ba bzhes pa'i tshe
kun dga' bos sems khral byas pa la sangs rgyas kyi tshems kyi bar
nas/ nas rul ba bton nas kun dga' bo la byin pas des

zos pa dang sngar ma myong ba'i ro zhim pa gcig myong ba bzhin
no/ /'di la brten nas dpyad par bya ba mang du snang yang mang
du dogs pas re zhig bzhag go /des na mtshan dpe de rnams phal che
ba gzugs kyi phung pos bsdus pa yin zhing/ ro mchog snang 

ba'i mtshan ni ldan min 'du byed du 'dod dgos sam dpyad par
bya'o/ /kho na re/ longs sku'i mtshan dpe rnams rnam smin gyi
'bras bu yin par thal/ de rnams rnam smin gyi 'bras bu dngos yin
pa'i phyir/ rtags khas/ 'dod na/ de chos can/ lung ma

bstan yin par thal/ 'dod pa'i phyir/ khyab ste/ rnam smin lung
du ma bstan chos/ /zhes gsungs pa'i phyir zer na ma khyab ste/
zag bcas kyi rnam smin gyi 'bras bu yin na lung ma bstan yin
dgos pa lung de'i don yin pa'i phyir/ de ltar ma yin na/ ye shes

@41b chos sku chos can/ der thal/ de'i phyir/ rtags grub ste/ de
la de'i 'bras bu yin pas chos kyi sku mdzad pa dang bcas pa ni
thams cad mkhyen pa nyid gsum gyi rnam par smin pa yin no/ /zhes
gsungs pa'i phyir/ gzhan yang/ sangs rgyas kyi gsung dbyangs

yan lag drug cu chos can/ der thal/ de'i phyir/ rtags grub ste/
rgyud blar/ bral dang rnam par smin pa'i 'bras bu ni/ yon tan
dbye bas drug cu bzhi 'di dag /ces gsungs pa'i phyir/ kho na re/
sbyor ba bzhi po rnam smin gyi rgyu yin par thal/ ye

shes chos sku rnam smin gyi 'bras bu yin pa'i phyir/ 'dod mi nus
te/ rnam smin gyi rgyu la mi dge ba dang dge ba zag bcas gnyis
su grangs nges pa'i phyir te/ mdzod las/ rnam smin rgyu ni mi
dge dang/ /dge ba zag bcas rnams kho na zhes gsungs pa'i phyir
zer na ma

khyab ste/ 'khor bas bsdus pa'i rnam smin gyi rgyu la de gnyis
su grangs nges pa lung de'i don yin pa'i phyir/ ! gang gis srid
pa ji srid bar/ /zhes sogs kyi skabs su/ gzhung 'dis sprul sku
'chad na 'chad tshul de gang zhe na/ 'di la yang mdo las

gsungs tshul dang/ bstan bcos kyis 'grel tshul gnyis las/ dang po
ni/ mdo las/ rab 'byor gzhan yang shes rab kyi pha rol tu phyin
pa 'di la slob pa ni/ chos de dag thams cad rtogs par byas nas
bla na med pa yang dag par rdzogs pa'i byang chub

tu mngon par rdzogs par sangs rgyas nas phyogs bcu'i 'jig rten
gyi khams dpag tu med pa mtha' med par dus thams cad du de bzhin
gshegs pa dgra bcom pa yang dag par rdzogs pa'i sangs rgyas kyi
sprul pa sna tshogs kyi sprin gyis sems can thams

cad kyi don mdzad de/ rab 'byor de ltar byang chub sems dpa'
sems dpa' chen po shes rab kyi pha rol tu phyin pa la bslab par
bya'o/ /zhes gong du gsungs pa'i zag med kyi chos de rnams thob
par byas nas sangs rgyas te sprul pa byed par gsungs so/ /

@42a @#/ /gnyis pa la/ rtsa bas bstan tshul dang/ 'grel pas 'chad
tshul gnyis las/ dang po ni/ mdo de'i don bshad pa'i sgo nas sku
bzhi pa sprul sku de 'chad par byed pa la/ gang gis srid pa ji
srid bar/ /zhes sogs sho lo ka gcig

gsungs; gnyis pa ni/ lus rnam gzhag tu/ ngo bo nyid longs rdzogs
bcas dang/ /de bzhin gzhan pa sprul pa ni/ /zhes 'chad na/ longs
sku'i rjes su sprul sku 'chad pa'i rgyu mtshan de gang zhe na/
de'i rgyu mtshan yod de/ longs skus gdul bya'i mig shes la rang

'bras sprul sku'i snang ba skyed par byed pa'i rgyu mtshan gyis
de ltar du bshad pa'i phyir/ yang na skabs brgyad pa 'dir sku
bzhi'i rim pa 'di ltar 'chad pa'i rgyu mtshan yod de/ ngo bo nyid
sku de rten dang sku lhag ma gsum po brten pa yin pas ngo bo
nyid

sku dang por bstan/ sku gsum gyi nang nas ye shes chos skus rang
'bras longs sku'i bdag rkyen dang/ longs skus kyang rang 'bras
sprul sku'i bdag rkyen byed pas na de ltar bshad pa'i phyir
dang/ de gsum dman mchog gi rim pa'i dbang du byas nas kyang de

ltar 'chad rigs te/ ye shes chos sku de sangs rgyas 'phags pa
kho na'i mngon sum gyi spyod yul yin/ longs spyod rdzogs sku de
sar gnas kyi byang sems yan chad kho na'i mngon sum gyi spyod
yul yin/ mchog gi sprul sku de so skye las dag yan chad kyi
mngon sum gyi

spyod yul yin pa'i phyir/ zhes mtshams sbyor ba la/ de ltar sku
gsum bstan nas/ bzhi pa sprul pa'i sku byis pa'i skye bo thams
cad dang thun mong ba/ zhes gsungs/ tshig don gyi sgo nas 'chad
pa la/ shAkya thub pa la sogs pa'i gzugs sku gang gis 'khor ba
ji srid par

'jig rten gyi khams thams cad du sems can rnams kyi 'dod pa'i
don mnyam pa nyid du mdzad pa'i sku de ni rgyun chags pa nyid
kyis sangs rgyas bcom ldan 'das kyi sprul pa'i sku rgyun mi
'chad pa yin no/ /zhes gsungs/ 'di'i skabs su kha cig /nges

@42b pa lnga dang mi ldan pa'i gzugs sku mthar thug sprul sku'i
mtshan nyid zer/ de la kha cig /gzugs sku chos can/ mtshon bya der
thal/ mtshan nyid de'i phyir/ nges pa lnga dang mi ldan pa gang
zhig /gzugs sku mthar thug yin pa'i phyir/ dang po ma grub na/

de chos can/ longs sku yin par thal/ nges pa lnga dang ldan pa'i
gzugs sku mthar thug yin pa'i phyir te/ nges pa lnga dang ldan
pa gang zhig /gzugs sku mthar thug yin pa'i phyir/ dang po
dngos/ 'dod na/ de chos can/ khyod longs sku ma yin par thal/

mchog gi sprul sku khyod yin pa'i phyir/ zhes zer ro/ /yang kha
cig /nges pa lnga dang mi ldan pa'i gzugs sku mthar thug chos
can/ khyod yin na sprul sku yin dgos par thal/ khyod sprul sku'i
mtshan nyid yin pa'i phyir/ rtags khas/ 'dod

na; nges pa lnga dang mi ldan pa'i gzugs sku chos can/ mthar
thug yin par thal/ mthar thug gi yon tan yin pa'i phyir te/
sangs rgyas yin pa'i phyir/ 'dod na/ sprul sku yin par thal/
'dod pa'i phyir/ 'khor gsum khas/ zhes zer na/ mi 'thad de/

sangs rgyas dkon mchog yin na mthar thug gi skyabs yin dgos par
thal/ de yin na skyabs gnas mthar thug yin dgos pa'i phyir/ 'dod
na/ mthar thug gi skyabs yin par thal/ sangs rgyas dkon mchog
yin pa'i phyir/ khyab pa khas/ der thal/

sangs rgyas sangs rgyas dkon mchog yin pa'i phyir/ ma khyab na/
sangs rgyas chos can/ dkon mchog yin par thal/ sangs rgyas dkon
mchog yin pa'i phyir/ rtags khas/ chos can song/ kha cig /longs
sprul gang rung gang zhig /nges pa lnga dang mi ldan pa'i

gzugs sku de sprul sku'i mtshan nyid zer ba dang/ gnas 'og min
stug po bkod pa kho nar bzhugs pa'i sprul sku yod zer ba nang
'gal te/ de chos can/ mtshan nyid der thal/ sprul sku yin pa'i
phyir/ de der thal/ de yod pa'i phyir/ 'dod mi nus te/ nges pa
lnga

@43a @#/ /ldan gyi gzugs sku yin pa'i phyir/ nges pa lnga dang
ldan pa gang zhig /gzugs sku yin pa'i phyir/ dang po grub ste/
de 'khor nges pa byang 'phags sha stag gis bskor ba gang zhig
/de gnas ? og min kho nar bzhugs/ chos nges pa

theg chen gyi chos 'ba' zhig gsungs/ dus nges pa 'khor ba ma
stong gi bar du bzhugs/ sku mtshan dpe gsal rdzogs kyis spras pa
yin pa'i phyir/ dang po grub ste/ de'i 'khor du gyur pa'i so
skye med pa'i phyir/ ma grub na/ 'og min gyi rten can gyi so
skye

yod par thal/ ma grub pa gang zhig /de gnas 'og min kho nar
bzhugs pa'i gzugs sku yin pa'i phyir/ rtags khas/ gnyis pa
dngos/ gsum pa grub ste/ de la chos dngos su nyan pa'i gdul bya
theg dman gyi rigs can med pa'i phyir/ rtags grub zin/ 

gzhan yang/ de 'dra'i sprul sku de'i sku dngos kyi gdul bya de
longs sku'i sku dngos kyi gdul bya yin par thal/ de 'dra'i sprul
sku bzhugs pa'i gnas de longs sku bzhugs pa'i gnas yin pa'i
phyir/ 'dod na/ de dang longs sku gnyis la khyad par med par

thal; 'dod pa'i phyir/ kho na re/ gnas 'og min kho nar bzhugs
pa'i sprul sku yod par thal/ longs sku dang dngos rgyu tshogs pa
tshar gcig la rag las kyi 'brel pa grub pa'i sprul sku yod pa'i
phyir/ zer na ma khyab/ kho na re/ de 'dra'i sprul sku de gnas
'og

min kho nar bzhugs par thal/ de gnas 'og min du bzhugs pa'i
phyir te/ de 'og min du sangs rgyas pa'i phyir te/ de 'og min
gyi rten la sangs rgyas pa'i phyir zer na ma khyab/ kha cig
/longs sku dang dngos rgyu tshogs pa tshar gcig la rag las kyi
'brel

pa grub pa'i sprul sku med de/ byang sems rgyun mtha' pas dang
por longs sku mngon du byas nas/ de rjes sprul sku mngon du byed
pa yin pa'i phyir zer na/ rnam bshad las/ sangs rgyas kyi sprul
pa'i bye brag 'ga' zhig longs spyod rdzogs pa'i sku dang dngos

@43b rgyu tshogs pa tshar gcig la rag las kyi 'brel pa grub pa'i
tshul gyis thob par shes par bya'o/ /zhes gsungs pa mi 'thad par
thal/ dam bca' de'i phyir/ byas pa la kho na re/ longs spyod
rdzogs pa'i sku dang dngos rgyu tshogs pa tshar gcig la rag las
kyi

'brel pa grub pa'i tshul gyis thob pa'i sprul sku yod kyang/ de
dang dngos rgyu tshogs pa tshar gcig la rag las kyi 'brel pa grub
pa'i sprul sku med pa'i phyir/ zhes zer na/ lung de'i snga logs
de ma thag /longs skus bdag rkyen byas nas mdzad pa bcu gnyis

kyi sgo nas gdul bya rjes su 'dzin pa'i mchog gi sprul pa'i sku
de'i tshe tshogs pa gcig tu med kyang sangs rgyas kyi sprul pa'i
bye brag 'ga' zhig zhes pa'i kyang sgra smos pa la dgos nus gang
yang med par thal/ byang sems rgyun mtha' bas longs sku mngon du

byas ma thag pa'i tshe de dang rgyud gcig tu gyur pa'i sprul sku
med pa'i phyir/ rtags khas/ kha cig /sprul sku de longs sku'i
gzugs brnyan yin gyi sangs rgyas ma yin zer na/ de bzhin gshegs
pa la ngan sems kyis khrag byung ba'i mtshams med kyi las

bsags pa gcig med par thal/ gzugs sku sangs rgyas ma yin pa'i
phyir te/ dam bca' de'i phyir/ gzhan yang/ gdul bya la chos
'khor bskor ba'i sangs rgyas med par thal/ gzugs sku sangs rgyas
ma yin pa'i phyir te/ dam bca' de'i phyir/

gzhan yang/ byang 'phags la dngos su snang ba'i sangs rgyas med
par thal/ dam bca' de'i phyir/ dar TIk gi rjes 'brang kha cig
/mchog gi sprul sku de longs sku'i gzugs brnyan yin zer na/
mchog gi sprul sku chos can/ gzugs brnyan yin

lo ras su'i gzugs brnyan yin pa'i phyir/ rtags khas/ 'dod na/ de
chos can/ rang snang yul du byed pa'i blo la snang ba ltar ma
grub par 'jig rten rang ga pas rtogs nus par thal/ khyod mngon
sum du mthong ba'i so skye yod pa gang zhig /khyod gzugs

@44a @#/ /brnyan yin pa'i phyir/ khyab ste/ gzugs brnyan de rang
snang yul du byed pa'i blo la snang ba ltar du ma grub par 'jig
rten rang ga pas rtogs nus pa'i phyir/ 'dod na/ gzugs de rang
snang yul du byed pa'i blo la snang ba ltar ma

grub par 'jig rten rang ga pas rtogs nus par thal lo/ /sangs
rgyas kyi sprul pa sangs rgyas kyi sprul sku ma yin pa sogs
sngar bshad zin to/ rang lugs la sangs rgyas kyi sprul sku'i
mtshan nyid/ dbye ba/ rgyal ba'i sprul sku rnams kyi mdzad

pa'i gtso bo bshad pa/ des gdul bya smin grol la 'god tshul bshad
pa'o/ /dang po ni/ nges pa lnga dang mi ldan pas rab tu phye
ba'i mthar thug pa'i gzugs sku de/ sprul sku'i mtshan nyid/ gnyis
pa ni/ de la dbye na/ bzo bo sprul sku/ skye ba sprul sku/ byang
chub

chen po'i sprul sku ste gsum du phal che bas bzhed la/ kun
mkhyen bu ston sogs dang bdag gi bla ma rin po ches ni/ de'i
steng du mya ngan las 'das pa sogs mdzad pa bcu gnyis kyi sgo
nas gdul bya rjes su 'dzin pa'i mchog gi sprul sku ste bzhir

mdzad; dang po ni/ dri za'i rgyal po rab dga' 'dul ba'i phyir du
dri za'i pi wang len pa'i gzugs su sprul pa'i de bzhin gshegs pa
lta bu/ gnyis pa ni/ de bzhin gshegs pa ri dwags ru rur sprul
pa'i de bzhin gshegs pa lta bu/ gsum pa ni/ rgyal

ba 'od dpag med dang/ rgyal ba mi 'khrugs pa lta bu/ bzhi pa ni/
ston pa shA kya thub pa lta bu'o/ /de ltar yang/ mdo sde'i
rgyan las/ bzo dang skye ba byang chub che/ /mya ngan 'das pa
rtag ston pa/ /sangs rgyas sprul pa'i sku 'di ni/ /rnam par grol
ba'i

thabs chen po/ /zhes dang/ de'i 'grel par/ sprul pa'i sku de ni
rtag tu 'dul ba'i don du pi wang len pa la sogs pa/ bzo dang
skye ba dang/ mngon par rdzogs par byang chub pa dang/ mya ngan
las 'das pa ston pa dag gis rnam par grol ba'i thabs

@44b chen po yin pa'i phyir/ gzhan gyi don phun sum tshogs pa'i
mtshan nyid du rig par bya'o/ /zhes gsungs pa'i phyir ?????sems
can rnams kyi gang dang gang 'dod pa'i

dngos po sna tshogs par sprul pa rnams kyang sangs rgyas kyi
sprul sku yin pa'i phyir te/ mdo sde'i rgyan las/ sangs rgyas
sprul pa dpag med pa/ /zhes sogs gsungs pa'i phyir/ gsum pa ni/
mchog gi sprul sku'i mdzad pa'i gtso bo rnams bsdu na bcu

gnyis su 'du la/ 'di la yang mdo bstan bcos rnams su 'dren tshul
du ma zhig byung ste/ mdo kha cig tu dam pa'i chos nub pa yang
mdzad pa bcu gnyis kyi ya gyal gcig tu bgrangs la/ de'i don ni
gdul bya'i don du mi 'gyur bar gzigs nas

dam ba'i chos bsdus pa la dam pa'i chos nub pa'i mdzad pa zhes
bya'o/ /rin chen phreng bar/ bdag cag gi ston pa yum 'dul ba'i
phyir du sum cu rtsa gsum du byon nas slar 'dzam bu'i gling du
'byon pa na lha rnams kyis ri rab la bai DUrya'i

them skas btsugs pa sogs lha babs kyi mdzad pa yang mdzad pa bcu
gnyis kyi ya gyal gcig tu 'dren te/ de nyid las/ snying po'i
dbang du gyur ba rnams/ /gshegs dang bltams dang rol pa dang/
/nges 'byung dka' ba spyod pa dang/ /bdud sde

bcom dang byang chub dang/ /de bzhin lha las babs pa dang/ /chos
kyi 'khor lo mya ngan las/ /'das pa ston pa'i mdzad pa yin/
/zhes gsungs pa'i phyir/ rgyud blar/ thugs rje chen pos 'jig
rten mkhyen/ /'jig rten kun la gzigs nas ni/ /chos kyi sku

las ma g.yos par/ /sprul pa'i rang bzhin sna tshogs kyis/ /skye
ba mngon par skye ba dang/ /dga' ldan gnas nas 'pho ba dang/
/lhums su zhugs dang bltams pa dang/ /bzo ba'i gnas la mkhas pa
dang/ /btsun mo'i 'khor dgyes rol pa dang/ /

@45a @#/ /nges 'byung dka' ba spyod ba dang/ /byang chub snying
por gshegs pa dang/ /bdud sde bcom dang rdzogs par ni/ /byang
chub chos kyi 'khor lo dang/ /mya ngan 'das par gshegs mdzad
rnams/ /yongs su ma dag zhing rnams su/ /srid pa ji

srid gnas par ston/ /zhes gsungs la/ 'di'i don dar TIk tu/ ston
pa dga' ldan nas 'pho ba'i mdzad pa de mdzad pa bcu gnyis kyi
dang por 'dren pa'i tshul gcig dang/ ston pa dam pa tog dkar du
skye ba bzhes pa'i skye ba mngon par skye ba'i

mdzad pa de mdzad pa dang por 'dren pa'i tshul gcig dang gnyis su
gsungs pas/ rang lugs phyi ma ltar 'dren pa yin te/ bdag cag gi
ston pa 'di sngon bram ze'i khye'u bla mar gyur pa de tshe 'phos
nas dga' ldan du dam pa tog dkar du skye ba

bzhes pa ni mdzad pa dang po skye ba mngon par skye ba'i mdzad
pa dang/ dga' ldan nas glang po che thal dkar gyi gzugs kyis
'dzam bu'i gling du byon pa ni mdzad pa gnyis pa dga' ldan nas
'pho ba'i mdzad pa dang/ 'dzam bu'i gling du yum gso sbyong la

gnas pa'i tshe glo g.yas pa nas zhugs te mngal du zla ba bcu
rdzogs par bzhugs pa'i tshul bstan pa ni mdzad pa gsum pa lhum su
zhugs pa'i mdzad pa dang/ de nas bkra shis lumbi'i tshul du yum
gyi glo g.yas pa nas bltams te lha tshangs pa dang brgya

byin gyis ka shi ka'i ras kyi steng du blangs nas sku khrus gsol
ba sogs mdzad pa bzhi pa bltams pa'i mdzad pa dang/ de nas sgyu
rtsal sogs bzo pa'i rig byed kyi gnas mtha' dag la mkhas par
byas pa ni mdzad pa lnga pa bzo pa'i gnas la mkhas pa'i

mdzad pa dang/ de nas sa 'tshom khab tu bzhes te btsun mo rnams
dang rtse dgas rol pa'i tshul bstan pa ni mdzad pa drug pa btsun
mo'i 'khor dgyes rol pa'i mdzad pa dang/ de nas mchod rten rnam
dag gi drung du rang nyid kyis rab tu byung bar mdzad pa ni
mdzad pa

@45b bdun pa nges par 'byung ba'i mdzad pa dang/ de nas chu bo
ne ranydza na'i 'gram du til 'bru bzhi/ rgya ?? 'bru bzhi/ 'bres
'bru drug rnams la brten nas ???????? mdzad pa'i tshul bstan pa
ni mdzad pa pa brgyad ????????? mdzad pa dang/ de nas

byang chub snying po ste yang dag par rdzogs pa'i byang chub tu
mngon par rdzogs par 'tshang rgya ba'i tshul bstan pa'i phyir du
ma ga ta rdo rje gdan gyi byang chub kyi shing drung du gshegs
nas srod la dga' rab dbang phyug la sogs pa'i bdud bcom/ gung la
mnyam

par bzhag par mdzad pa ni mdzad pa dgu pa byang chub snying por
gshegs te bdud sde bcom pa'i mdzad pa dang/ 'dren tshul snga ma
ltar na 'di so sor gnyis su 'dren no/ /de nas tho rangs kyi cha
la mngon par rdzogs par 'tshang rgya ba'i tshul bstan pa ni mdzad

pa bcu pa rdzogs par byang chub pa'i mdzad pa dang/ de nas yul
wA ra NA si sogs su gdul bya la chos gsungs pa ni mdzad pa bcu
gcig pa chos 'khor bskor ba'i mdzad pa dang/ de nas grong khyer
rtswa mchog tu sems can rtag 'dzin can rnams skyo ba bskyed de

lam la brtson par bya ba'i phyir du mya ngan las 'da' tshul bstan
pa ni mdzad pa bcu gnyis pa mya ngan las 'das pa'i mdzad pa yin
pa'i phyir/ 'o na mdzad pa bcu gnyis po de cig car du mdzad dam
rim can du mdzad ce na/ bdag cag gi ston pas spyir mdzad pa bcu

gnyis po thams cad cig car du mdzad pa yin te/ des mi mjed 'jig
rten gyi khams 'di nyid du skye ba mngon par skye ba'i mdzad pa
ston pa dang/ 'jig rten gyi khams gzhan dang gzhan du dga' ldan
nas 'pho ba'i mdzad pa nas/ mya ngan las 'das pa'i

mdzad pa ston pa'i bar rnams dus mnyam du bstan pa'i phyir te/
mdo sde'i rgyan las/ de ni cig car la lar sgo mang brgya nas
chos kyi 'khor lo dang/ /la lar skye ba mi mnga' la lar skye
ba'i spyod pa sna tshogs dang/ /la lar byang chub dang ni la lar
de ni mya ngan

@46a @#/ /'das ston kyang/ /de ni gnas de las kyang rnam par
g.yo mi mnga' la mdzad pa thams cad mdzad/ /ces dang/ de bzhin
gshegs pa'i yon tan dang ye shes bsam gyis mi khyab par yul 'jug
pa bstan pa'i mdo las/ 'jam dpal

de bzhin gshegs pa 'di sems can la la dag gis ni 'khor ba 'di
nyid rab tu byung ba la sogs pa dang/ khyim nas mngon par 'byung
bar shes so/ /la la dag gis ni rab tu byung ba dang/ /la la dag
gis ni dka' ba spyad pa la gnas pa dang/ la la dag gis ni byang

chub kyi snying por 'gro ba dang/ la la dag gis ni byang chub
kyi snying po la 'dug pa dang/ la la dag gis ni bdud bcom pa
dang/ la la dag gis ni mngon par rdzogs par sangs rgyas pa dang/
la la dag gis ni tshangs pa dang brgya byin dang 'jig rten skyong
ba rnams kyis gsol ba

btab pa dang/ la la dag gis ni chos kyi 'khor lo rab tu shes so/
/zhes sogs dang/ dgongs 'grel gyi 'grel chen las/ 'jig rten gyi
khams thams cad du sprul pa'i skus dang po dga' ldan gyi gnas
nas babs pa nas thams cad yongs su mya ngan las 'das

pa chen po ston pa'i bar gyi sangs rgyas kyi mdzad pa bcu gnyis
la sogs pa cig car du ston/ zhes dang/ phal chen las/ de bzhin
gshegs pas phyogs bcu'i 'jig rten gyi khams chos kyi dbyings kyi
klas pa nam mkha'i mthas gtugs pa rab 'byams rgya mtsho

thams cad du 'jig rten gyi khams re re dang/ gling re re dang/
skra'i khyon tsam re re la yang dga' ldan gyi gnas nas 'chi 'pho
pa dang/ lhu mas su 'jug pa dang/ zhes pa nas/ skyes pa'i rabs
thams cad du'ang lhun gyis grub pas rnam par mi rtog bzhin du
cig

car kun tu snang ngo/ /zhes gsungs pa'i phyir/ 'on kyang zhing
'di nyid du dga' ldan du skye ba mngon par skye ba'i mdzad pa
nas/ grong khyer rtswa mchog tu mya ngan las 'das pa'i tshul
bstan pa'i bar rnams rim can du bstan pa yin no/ /bzhi pa ni/
sangs rgyas kyi

@46b sprul sku rnams kyis gdul bya smin grol la 'god pa'i tshul
yod de/ des gdul bya rnams la rang rang gi skal pa dang 'tsham
par mi rtag sdug bsngal stong bdag med sogs kyi sgras chos bstan
pa'i sgo nas skyo ba bskyed de/ rim gyis theg pa gsum gyi mya
ngan

las 'das pa la 'god par mdzad pa'i phyir te/ rgyud bla mar/ mi
rtag sdug bsngal stong bdag med/ /zhi ba'i sgra yis thabs mkhyen
pas/ /srid gsum sems can skyo bskyed nas/ /mya ngan 'das la rab
'jug mdzad/ /ces sogs gsungs pa'i phyir/ ! de

bzhin 'khor ba ji srid 'di'i/ /zhes sogs kyi skabs su/ /gzhung
'dis sangs rgyas kyi bya ba 'phrin las kyi rang bzhin rgyas par
'chad na 'chad tshul gang zhe na/ 'di la mdo las gsungs tshul
dang/ bstan bcos kyis 'grel tshul gnyis las/ dang po ni/

skad cig sbyor bzhi'i skabs su chos thams cad rmi lam lta bur
mtshan nyid kyis stong par gsungs pa las 'phros nas gsungs pa yin
te/ mdo las/ de nas tshe dang ldan pa rab 'byor gyis bcom ldan
'das la 'di skad ces gsol to/ /bcom ldan

'das chos thams cad rmi lam lta bu dngos po ma mchis pa'i ngo bo
nyid rang gi mtshan nyid kyis stong pa rnams la 'di dag ni dag
pa'i chos so/ /'di dag ni 'jig rten pa'i chos so/ /zhes sogs
dris pa'i lan du rab 'byor 'di la byis pa thos pa dang mi

ldan pa so so skye bos ni rmi lam yang dmigs la/ rmi lam mthong
ba yang dmigs so/ /zhes sogs nas/ de la sbyin pa'i pha rol tu
phyin pa yongs su rdzogs pa des phyi nang gi dngos po bcad cing
gtub kyang bdag la su yang gtub bam bcad do snyam pa'i

sems mi 'byung ngo/ /zhes pa'i bar gyis mdor bstan nas/ de nyid
rgyas par 'chad pa la/ rab 'byor ngas 'di nas sangs rgyas kyi
spyan gyis 'jig rten la rnam par gzigs na/ zhes sogs gsungs/
gnyis pa la/ mtshams sbyar dang/ rtsa ba/ 'grel pa

@47a @#/ /gsum las/ dang po la/ bshad zin?? gyis mtshams sbyar
dang/ 'chad 'gyur gyis mtshams sbyar gnyis las/ dang po ni/ de
ltar ngo bo nyid kyi sku'i bdag nyid bsgoms pa'i stobs las byung
ba sangs rgyas la sogs pa'i yul nyid du ye

shes la sogs pa la ltos nas rab tu btags pa'i sku gsum bstan
nas/ zhes 'chad/ don ni/ de ltar rab tu brtags pa ste blos ji
ltar mos pa bzhin du phye ba'i sku gsum bstan te/ byang chub
phyogs mthun tshad med dang/ /zhes sogs gsum du

bshad pa ltar phye nas bstan pa'i phyir te/ ngo bo nyid kyi
sku'i bdag nyid don dam bden pa bsgoms pa'i stobs kyis sangs
rgyas kyi mngon sum gyi yul du ye shes la ltos nas ye shes chos
sku dang/ de bsgoms stobs kyis byang sems kyi mngon sum

gyi yul du mtshan dper snang ba skyed pa'i nus pa la bltos nas
longs sku dang/ de la mos pa tsam dang cung zad bsgoms pas nyan
thos dang sogs pas so skye'i mngon sum gyi yul du sprul pa skyed
ba'i nus pa la ltos nas sprul skur btags nas bstan

pa'i phyir/ gnyis pa ni/ kun rdzob tu ye shes kho na longs spyod
rdzogs pa'i sku la sogs par snang ba skyed pa'i sgo nas don bya
ba mdzad pas na/ gdul bya'i skye bo'i snang ba la brten pa'i las
de'i bdag po la brten nas byung ba rnams ni chos kyi sku'i yin
no/ /

zhes 'chad/ don ni/ de ltar sku gsum bstan zin nas de'i 'og tu
skal pa dang ldan pa'i gdul bya'i dag pa'i snang ba la brten pa
ste de'i ngo bor ye shes chos sku'i 'phrin las bstan pa yin te
ye shes chos sku de'i bdag po'i rkyen byas pa las byung ba rnams
ni

ye shes chos sku de'i 'phrin las yin pa'i phyir te/ rnal 'byor
pa'i kun rdzob ste kun rdzob tu ye shes chos kyi sku kho na
longs spyod rdzogs pa'i sku dang/ sogs pas sprul skur snang ba
gdul bya la bskyed pa'i sgo nas de dag gi don bya ba mdzad pa'i
phyir/ gnyis pa la/ dus kyi

@47b sgo nas mdor bstan/ dbye ba'i sgo nas rgyas par bshad/
grangs kyi sgo nas mjug bsdu ba dang gsum las/ dang po ni/ de
bzhin 'khor ba ji srid 'di'i/ /las ni rgyun mi 'chad par 'dod/
/ces 'chad/ gnyis pa ston pa la/ 'gro rnams zhi ba'i las dang
ni/ /

zhes pa nas/ mya ngan 'das la 'god pa ste/ /zhes pa'i bar
gsungs/ gsum pa ston pa la/ chos kyi sku yi 'phrin las ni/ /rnam
pa nyi shu bdun du bzhed/ /ces gsungs/ gsum pa la/ 'phrin las
kyi dbye ba/ de'i dus/ rim pa des gzhan yang mtshon pa'o/ /dang

po ni/ dang por 'gro ba bzang po dang/ zhes pa nas/ de bzhin
gshegs pa'i sa la mya ngan las 'da' ba la 'god par mdzad de/
zhes pa'i bar gsungs/ gnyis pa ni/ de ltar na chos kyi sku bzhin
du 'di'i 'phrin las rnam pa nyi shu rtsa bdun yang 'khor ba ji
srid

bar bzhed pa zhes bya ba ni mdzad pa yin no/ /zhes 'chad/ gsum
pa ni/ sems bskyed pa dang po dang tha ma'i las bstan pa'i go
rim bstan pa'i rim pas lhag ma bar gyi tshig gi don rnams kyi go
rim kyang khong du chud par bya ste/ tshig mangs su

dogs pas bdag gis ni ma bris so/ /zhes 'chad/ 'di'i skabs su
'phags pa ltar na sprul sku'i 'phrin las dang/ slob dpon ltar na
ye shes chos sku'i 'phrin las la mtshan nyid/ dbye ba/ gzhung gis
bstan tshul/ 'phrin las 'jug tshul/

'phros don no/ /dang po ni/ rang gi bdag rkyen du gyur pa'i ye
shes chos skus bdag rkyen byas pa las byung ba'i rnam dkar gyi
yon tan/ ye shes chos sku'i 'phrin las kyi mtshan nyid/ gnyis pa
ni/ de la dbye na bya ba yul la yod pa'i 'phrin las dang/ byed

pa po la yod pa'i 'phrin las gnyis su yod/ rgyas par dbye na/
lam gyi rten la 'god pa nas lam gyi 'bras bu la 'god pa'i bar
nyer bdun du yod/ sa mtshams/ lam ma zhugs nas sangs rgyas kyi
sa'i bar du yod/ gsum pa ni/ mdo tshan dang pos 'phrin

@48a @#/ /las mdor bstan nas/ de'i don 'chad pa la/ de bzhin
'khor ba ji srid 'di'i/ /las ni rgyun mi 'chad par 'dod/ /ces
gsungs/ des na 'phrin las nyer bdun po de la yang/ gdul bya lam
gyi rten la 'god pa dang/ lam la 'god

pa dang/ lam gyi 'bras bu la 'god pa'i 'phrin las dang gsum las/
dang po ni/ skyes bu 'bring gi bsam pa thar pa don gnyer la 'god
pa'i 'phrin las de ston pa la/ mdo las/ rab 'byor ngas 'di nas
sangs rgyas kyi spyan gyis 'jig rten la

rnam par gzigs na shar phyogs kyi 'jig rten gyi khams gang gA'i
klung gi bye ma snyed dag na byang chen dag ched du bsams te
sems can dmyal ba dag tu 'dong zhing sems can dmyal ba'i sdug
bsngal zhi bar byas nas/ rdzu 'phrul gyi cho 'phrul dang kun

brjod pa'i cho 'phrul dang rjes su bstan pa'i cho 'phrul dang
cho 'phrol rnam pa gsum po de dag gis sems can dmyal ba'i sems
can de dag la chos ston cing rdzu 'phrul gyi cho 'phrul gyis
sems can dmyal ba pa'i sdug bsngal zhi bar byas te/ kun

brjod pa'i cho 'phrul dang rjes su bstan pa'i cho 'phrul gyis
chos ston pa dang/ zhes pa nas/ 'phags pa'i chos 'jig rten pa'i
sbyin pa la bkod nas rnam pa thams cad mkhyen pa nyid kyi bar la
bkod pa yin no/ /zhes pa'i bar gyis 'gro ba lnga'i sdug bsngal

zhi bar mdzad pa'i 'phrin las de bstan nas/ de'i don 'chad pa
la/ 'gro rnams zhi ba'i las dang ni/ /zhes dang/ dang por 'gro
ba bzang po dang bzang po ma yin pa la mngon par zhen pa med par
gnas pa'i mtshan nyid 'gro bar rab tu zhi ba'i 'phrin las

mdzad nas/ zhes gsungs/ gnyis pa la/ tshogs lam la 'god pa/ sbyor
lam la 'god pa/ mthong lam la 'god pa/ sgom lam la 'god pa dang
bzhi las/ dang po la/ bsdu ba bzhi la 'god pa/ bden bzhi shes pa
la 'god pa/ gzhan don gyi bsam pa la 'god pa/

@48b spyod pa la 'god pa/ don gnyis sgrub pa'i gzhi la 'god pa
dang lnga las/ dang po ni/ mdo las/ rab 'byor byang chen ??????
'das pa'i chos kyi sbyin pa so so skye bo thams cad dang thun
mong ma yin pa gang zhe na/ 'di lha ste/ dran pa nye bar bzhag
pa

bzhi dang/ zhes pa nas/ rab 'byor de yang byang chen rnams kyi
ngo mtshar rmad du byung ba'i chos so/ /zhes pa'i bar gyis bstan
nas/ de'i don 'chad pa la/ bsdu rnam bzhi la 'god pa dang/ /zhes
dang/ sbyin pa la sogs pa bsdu ba'i dngos po bzhi la bkod de/

zhes gsungs/ gnyis pa ni/ mdo las/ rab 'byor gzhan yang byang
chen sher phyin la spyod pa'i tshe byang chen gzhan dag la 'di
skad du 'doms shing 'di skad du ston te/ /rigs kyi bu khyod tshur
shog yi ge mngon par sgrub pa la mkhas par gyis shig /yi ge

gcig la mkhas par gyis shig /yi ge gnyis nas yi ge bzhi bcu rtsa
gnyis kyi bar la mkhas par gyis shig /ces pa nas/ 'di ni bla na
med pa yang dag par rdzogs pa'i byang chub kyi bar zhes bya bar
chos ston to/ /zhes pa'i bar kyis bshad nas/ de'i don

'chad pa la/ kun nas nyon mongs bcas pa yi/ /rnam par byang ba
rtogs pa dang/ zhes dang/ thos pa las byung ba la sogs pa'i shes
pas mi mthun pa'i phyogs dang gnyen po dor ba dang blang bar bya
ba'i sgo nas rtogs par mdzad nas/ zhes gsungs/

gsum pa ni/ rab 'byor 'di lta ste/ dper na sgyu ma'i mkhan po'am
sgyu ma'i mkhan po'i mchan bu mkhas pa zhig gis rdzas kyi rnam
pa 'ga' zhig la brten te/ gzugs kyi bye brag sna tshogs pa 'di
lta ste/ glang po'i gzugs sam/ zhes pa nas thabs mkhas pas

sems can rnams yongs su smin par byed kyang sems can du mi dmigs
sems can du gdags pa yang mi dmigs so zhes pa'i bar gyis bstan
nas/ de'i don 'chad pa la/ sems can rnams don ji bzhin gyis/
/don dang/ zhes dang/ sgyu ma mkhan bzhin du

@49a @#/ /rjes su chags pa la sogs pas rnam par dben pa nyid kyi
sems can gyi don te gzhan gyi don byams pa la sogs pa'i mtshan
nyid ji lta ba'i bdag nyid la bkod de/ zhes gsungs/ bzhi pa ni/
de bdag kyang sbyin pa gtong ba

yin; gzhan sbyin pa la yang dag par bskul ba yin/ sbyin pa'i
legs pa brjod pa yin/ gzhan gang sbyin pa gtong ba de dag gi
legs pa brjod cing mthun pas dga' bar spyod pa yin/ zhes pa nas/
gzhan gang shes rab bsgoms pa de dag gi

legs pa brjod cing mthun pas dga' bar spyod pa yin/ zhes pa'i
bar gsungs/ de'i don 'chad pa la/ pha rol phyin drug dang/ zhes
dang/ de rjes la rang gi don 'khor gsum rnam par dag pas rab tu
phyi ba'i pha rol tu phyin pa drug la goms pa la'o/ /zhes

gsungs; lnga pa ni/ bdag kyang dge ba bcu'i las kyi lam yang dag
par 'dzin/ zhes pa nas/ sems can gang dag skyes bu chen po'i
mtshan sum cu rtsa gnyis dang/ dpe byad bzang po brgyad cu sgrub
par byed pa de dag gi legs pa brdzad cing mthun pas dga'

bar spyod pa yin/ zhes pa'i bar gyis bstan/ de'i don 'chad pa
la/ sangs rgyas lam dang/ zhes dang/ de'i 'og tu rang dang gzhan
gyi don gyi mtshan nyid sangs rgyas kyi lam ste/ dge ba bcu'i las
kyi lam la'o/ /zhes gsungs/ gnyis pa ni/ rab 'byor gal

te chos kyi dbyings sngon ji ltar phyis kyang de ltar ma yin
nam/ bar du yang de bzhin du min du zin na ni/ byang chen sher
phyin la spyod pa'i tshe thabs mkhas pas sems can rnams la chos
kyi dbyings ston par mi 'gyur/ sems can rnams yongs su smin par

byed par mi 'gyur/ sangs rgyas kyi zhing yongs su dag par mi
'gyur te/ rab 'byor chos ? kyi dbyings de sngon ji ltar phyis
kyang de bzhin bar du yang de bzhin yin pas/ de'i phyir byang
chen sher phyin la spyod pa'i tshe thabs mkhas pas sems can rnams
la

@49b chos kyi dbyings ston no/ /zhes pa nas/ bla na med pa yang
dag par rdzogs pa'i byang chub la the tshom za bar 'gyur ba ltag
la 'ong/ zhes pa'i bar gsungs/ de'i don 'chad pa la/ rang bzhin
gyis/ /stong pa nyid dang/ zhes dang/ de nas chos thams cad rang

bzhin gyis stong pa nyid goms pa la'e/ /zhes gsungs/ gsum pa ni/
rab 'byor de bzhin gshegs pa'i sprul pas dge slong dam dge slong
ma'am dge bsnyen nam dge bsnyen ma la bskal pa bye ba khrag
khrig brgya stong du mar rgyun du chos bstan na/ rab 'byor

de ci snyam du sems/ sprul pa de dag la rgyun du zhugs pa'i
'bras bu thob par 'gyur ba'i skal pa yod dam/ zhes pa nas/ rang
bzhin de yang nye bar zhi ba ste chos gang yang 'phel ba'am
'grib par byed pa'am skye ba'am 'gag pa'am kun nas nyon

mongs pa'am rnam par byang ba'am thob pa'am mngon par rtogs par
byed pa med do/ /zhes pas bstan/ de'i don 'chad pa la/ gnyis zad
dang/ /zhes dang/ de'i rjes la sbyin pa'i pha rol tu phyin pa la
brten nas sa dang po chos kyi dbyings kun tu 'gro ba

rtogs pa'i mtshan nyid gnyis su med pa'i chos la'o/ /zhes gsungs/
bzhi pa la/ chos thams cad brda tsam du rtogs pa'i sa gnyis pa
nas lnga pa'i bar la 'god pa/ gzung 'dzin gnyis kyi rnam par
chos rnams dmigs su med pa drug pa la/ lus can

gyi rgyud sgrib pa spang rung dang gnyen po skye rung du yongs
su smin par byed pa sa bdun pa la/ sa brgyad pa la/ sa dgu pa
la/ sa bcu pa la 'god pa'i 'phrin las dang drug las/ dang po ni/
mdo las/ rab 'byor de yang 'jig rten gyis tha snyad du btags
pa'i chos

nyid ???? bzung na byang chen bla na med pa yang dag par rdzogs
pa'i byang chub tu mngon par rdzogs par 'tshang rgya yi/ don dam
par ni gzugs sam/ tshor ba'am/ zhes pa nas/ bla na med pa yang
dag par rdzogs pa'i byang chub mngon par rdzogs par

@50a @#/ /sangs rgyas te sems can rnams kyi don byed do/ /zhes
pas bstan nas/ de'i don 'chad pa la/ brda dang/ zhes dang/ de
nas tshogs yongs su rdzogs pa'i rgyur gyur pas sa gnyis pa la
sogs par tshul khrims la sogs pa'i

pha rol tu phyin pa'i chos thams cad brdar btags pa'i shes pa la
'god do/ /zhes gsungs/ gnyis pa ni/ de nas tshe dang ldan pa rab
'byor gyis bcom ldan 'das la 'di skad ces gsol to/ /bcom ldan
'das byang chen pha rol tu phyin pa drug

la spyod pa dang/ stong pa nyid bcu bzhi dang/ byang chub kyi
phyogs kyi chos sum cu rtsa bdun la spyod pa dang/ zhes pa nas/
de'i phyir byang chen sher phyin la spyod pa'i tshe thabs mkhas
pas chos thams cad dngos po med par mthong nas bla na med

pa yang dag par rdzogs pa'i byang chub tu yang dag par 'jug go
/zhes pa'i bar gyis bstan/ de'i don 'chad pa la/ dmigs pa med pa
dang/ /zhes dang/ de bzhin du rim kyis sher phyin la brten nas
sa drug pa la shes pa dang/ shes bya'i dngos por

mngon par ma zhen pa'i mtshan nyid chos thams cad dmigs su med pa
la'o/ /zhes gsungs/ gsum pa ni/ gsol pa/ bcom ldan 'das thabs
mkhas pa gang gis byang chen chos thams cad dngos po med par
mthong nas bla na med pa yang

dag par rdzogs pa'i byang chub tu 'jug pa'i thabs mkhas pa de
gang lags/ bcom ldan 'das kyis bka' stsal pa/ shA ri'i bu 'di
la byang chen sher phyin la spyod pa'i tshe chos gang yang gang
la thogs par 'gyur ba'i dngos po'am/ gang la

thogs par 'gyur nas/ zhes pa nas/ byang chub kyi lam yongs su
rdzogs par byed pa dang/ sangs rgyas kyi zhing yongs su dag par
byed pa'i tshe sems can rnams yongs su smin par byed de/ sems can
la la zhig dmigs par byas shing

@50b gdul bar byas de lta bu'i sems can gang yang mi dmigs so/
/zhes pa'i bar gyis bstan/ de'i don 'chad pa la/ lus can rnams
ni yongs smin dang/ /zhes dang/ de'i 'og tu sa bdun pa la thabs
kyi pha rol ?tu phyin pa'i stobs kyis sems can

yongs su smin par byed pa la'o/ /zhes gsungs/ bzhi pa la/ spyod
pa khyad par can la 'god pa dang/ bden 'dzin mngon du gyur pa
zhi ba la 'god pa gnyis las/ dang po ni/ de nas tshe ldan rab
'byor gyis bcom ldan 'das la 'di skad ces gsol

to/ /bcom ldan 'das byang chen byang chub kyi lam gang la spyad
de sems can rnams yongs su smin par bya ba dang sangs rgyas kyi
zhing yongs su dag par bgyi pa'i byang chen byang chub kyi lam
gang lags/ bcom ldan 'das kyis bka' stsal pa/ rab

'byor 'di la byang chen sems dang po bskyed pa nas nye bar bzung
ste/ sbyin pa'i pha rol tu phyin pa la spyod/ ces pa nas/ sangs
rgyas nas chos rnam par 'god par byas shing sems can rnams la
chos ston to/ /zhes pa'i bar gyis bstan/ de'i don

'chad pa la/ byang chub sems dpa'i lam dang ni/ /zhes dang/ de
nas stobs kyi pha rol tu phyin pa'i stobs kyis sa brgyad pa la
nyan thos la sogs pa dang thun mong ma yin pa'i byang chub sems
dpa'i lam la'o/ /zhes gsungs/ gnyis pa ni/ rab 'byor de

la byang chen byang chub kyi lam la spyod pas 'di ltar thog ma
nyid du 'di ltar yongs su brtag par bya ste/ mngon par 'du bya
ba ma gtogs par 'di la chos gang yang ngo bo nyid kyis dmigs su
med do/ /zhes bya bar yongs su brtag par bya'o/ /zhes pa nas/

byang chub kyi lam bskyed de/ lam des sems can 'khor ba las
yongs su thar bar byed do/ /zhes par gyis bstan to/ /de'i don
'chad pa la/ mngon par zhen pa zlog pa dang/ /zhes dang/ de nas
de nyid la chos thams cad la mngon par zhen pa spangs pa la'o/ /

@51a @#/ /zhes gsungs/ lnga pa byang chub thob pa la 'god pa ni/
gsol pa/ bcom ldan 'das ci lags/ skyes par gyur pa'i lam gyis
byang chub thob par 'gyur ba lags sam/ bcom ldan 'das kyis bka'
stsal pa/ ma yin no/ /zhes pa nas/

sangs rgyas phyin chad de bzhin gshegs pa thams cad gzigs pa
chos thams cad la dbang bsgyur ba zhes bya'o/ /zhes pa'i bar
gyis bstan/ de'i don 'chad pa la/ byang chub thob dang/ zhes
dang/ de'i rjes la sa dgu pa la smon lam gyi pha rol tu phyin

pa'i mthus byang chub thob pa la'o/ /zhes gsungs/ drug pa la sa
bcu thob ma thag pa la/ skye ba gcig gis thogs pa la/ srid pa
tha ma pa la 'god pa'i 'phrin las gsum las/ dang po sangs rgyas
kyi zhing dag pa la 'god pa ni/ rab 'byor gyis gsol pa/

bcom ldan 'das gal te chos thams cad rang bzhin gyis dben pa
lags na ji ltar byang chen sangs rgyas kyi zhing yongs su dag
par bgyi/ bcom ldan 'das kyis bka' stsal pa/ rab 'byor 'di la
byang chen dang po sems bskyed pa nas nye bar bzung ste/

bdag dang gzhan gyi lus kyi gnas ngan len dang/ ngag gi gnas
ngan len dang/ yid kyi gnas ngan len yongs su sbyong ste/ de
yongs su dag par byas nas sangs rgyas kyi zhing yongs su dag par
byed do/ /zhes pa nas/ bla na med pa yang dag par rdzogs pa'i

byang chub tu nges par 'gyur ro/ /zhes pa'i bar gyis bstan/ de'i
don 'chad pa la/ sangs rgyas zhing/ /rnam par dag dang/ zhes
dang/ de'i 'og tu ye shes kyi pha rol tu phyin pa'i stobs kyis
sa bcu pa la sangs rgyas kyi zhing sna tshogs pa rnam par dag pa
la

bkod nas/ zhes gsungs/ gnyis pa la/ skye ba phyi mar 'tshang rgya
bar nges pa la 'god pa/ gzhan don lhun grub la 'god pa/ sangs
rgyas kyi chos lhag ma rdzogs pa la 'god pa dang gsum las/ dang
po ni/ de nas tshe dang ldan pa rab 'byor gyis bcom ldan 'das

@51b la 'di skad ces gsol to/ /bcom ldan 'das byang chen nges pa
zhes bgyi'am ma nges pa zhes bgyi/ bcom ldan 'das kyis bka'
stsal pa/ rab 'byor byang chen nges pa ste ma nges pa ma yin no/
/gsol pa/ nyan thos kyi phung po'am rang sangs rgyas kyi

phung po'am phung po gang du nges pa lags/ bcom ldan 'das kyis
bka' stsal pa/ rab 'byor byang chen ni nyan thos kyi phung po'am
rang sangs rgyas kyi phung por nges pa ma yin gyi/ rab 'byor
byang chen ni sangs rgyas kyi phung por nges pa'o/ /zhes pa

nas; de lta bu'i lus yongs su 'dzin pa ni thabs shin tu mkhas pa
ste/ de ni ngo mtshar che'o/ /zhes pa'i bar gyis bstan nas/ de'i
don 'chad pa la/ nges pa dang/ zhes dang/ yang de nyid la skye
ba gcig gis thogs pa'i rang gi ngo bo yang dag par rdzogs pa'i

byang chub tu so sor nges pa dang/ zhes gsungs/ gnyis pa ni/
bcom ldan 'das byang chen chos dkar po gang dang gang la gnas
shing de dang de lta bu'i thabs mkhas pa bgyid kyang las de lta
bus mi gos par bgyid pa lags/ bcom ldan 'das kyis

bka' stsal pa/ rab 'byor sher phyin la gnas shing byang chen
thabs mkhas pa la spyod de/ /thabs mkhas pa de dag gis phyogs
bcu re re'i 'jig rten gyi khams gang gA'i klung gi bye ma snyed
du sems can rnams kyi don byed kyang des de la gang yang rig par

'gyur ba med do/ /zhes pa nas/ rnam grangs des na byang chen
sher phyin la gnas shing de lta bu'i thabs mkhas pa la spyad par
rig par bya'o/ /zhes pa'i bar gyis bstan/ de'i don 'chad pa la/
sems can don ni tshad med dang/ /zhes dang/ phyogs bcu'i

'jig rten gyi khams kyi sems can gyi don dang 'jig rten gyi
khams thams cad du sangs rgyas kyi drung du nye bar 'gro ba la
sogs pa'i yon tan la bkod de/ zhes gsungs/ gsum pa ni/ de nas
tshe dang ldan pa rab 'byor gyis bcom ldan 'das la 'di

@52a @#/ /skad ces gsol to/ /bcom ldan 'das byang chen sher phyin
la spyod cing chos thams cad stong pa nyid la gnas te phyogs
bcu'i phyogs re re'i 'jig rten gyi khams gang gA'i klung gi bye
ma snyed dag tu mchi ba dang/ 'jig rten gyi khams de dag na
sangs rgyas bcom

ldan 'das gang ji snyed cig bzhugs shing 'tsho skyong ba dang/
chos ston pa de dag la bsnyen byed pa dang chos nyan cing sangs
rgyas bcom ldan 'das de dag la dge ba'i rtsa ba bskyed pa'i
mngon par shes pa'i pha rol tu phyin pa mngon par bsgrubs pa
lags/ de skad ces gsol

pa dang/ bcom ldan 'das kyis tshe dang ldan pa rab 'byor la 'di
skad ces bka' stsal to/ /rab 'byor 'di la byang chen sher phyin
la spyod pa'i tshe phyogs bcu'i phyogs re re'i 'jig rten gyi
khams gang gA'i klung gi bye ma snyed de dag ngo bo nyid kyis
stong par mthong ngo/ /zhes pa nas/

lam gyi yan lag dang mi ldan pa'i byang chen la bla na med pa
yang dag par rdzogs pa'i byang chub med do/ /zhes pa'i bar gyis
bstan/ de'i don 'chad pa la/ sangs rgyas bsten sogs yon tan
dang/ /zhes dang/ 'jig rten gyi khams thams cad du sangs rgyas

kyi drung du nye bar 'gro ba la sogs pa'i yon tan la bkod de/
zhes gsungs/ gsum pa srid pa tha ma la 'god pa la/ nus pa'i
khyad par/ rtogs pa'i khyad par/ spangs pa'i khyad par/ dag pa'i
rgyu tshogs kyi khyad par la 'god pa dang bzhi las/ dang po la/
byang

chub 'dren par byed pa la 'god pa dang/ las chud mi za ba la
'god pa gnyis las/ dang po ni/ rab 'byor gyis gsol pa/ bcom ldan
'das byang chen lam gyi yan lag yongs su rdzogs par bgyis shing
bla na med pa yang dag par rdzogs pa'i byang chub tu mngon

par rdzogs par 'tshang rgya bar 'gyur ba'i lam de dag gang lags/
bcom ldan 'das kyis bka' stsal pa/ rab 'byor dge ba'i chos thams
cad ni byang chen gyi lam gyi yan lag go /zhes pa nas/ rab 'byor
de ni byang chen dang de bzhin gshegs pa dgra bcom pa

@52b yang dag par rdzogs pa'i sangs rgyas kyi khyad par ro/
/zhes pa'i bar gyis bstan/ de'i don 'chad pa la/ byang chub yan
lag /ces dang/ de lta bu'i rim pa yang de nyid khyad par gyi lam
gyi rang gi ngo bo byang chub mtha' dag 'dren par byed pa'i chos
kyi mtshan nyid

byang chub kyi yan lag dang/ zhes gsungs/ gnyis pa ni/ rab 'byor
gyis gsol pa/ bcom ldan 'das gal te chos thams cad rang gi mtshan
nyid kyis stong pa lags na/ rang gi mtshan nyid kyis stong pa'i
chos de dag la 'di ni sems can dmyal ba'o/ /zhes

pa nas/ byang chub sems dpa'i spyad pa spyod cing bla na med pa
yang dag par rdzogs pa'i byang chub tu mngon par rdzogs par
'tshang rgya'o/ /mngon par rdzogs par sangs rgyas nas rgyud
lnga'i 'khor ba las sems can rnams yongs su 'grol to/ /zhes pa'i
bar gyis

bstan; de'i don 'chad pa la/ las rnams ni/ chud mi za dang/ zhes
dang/ las dang 'bras bur 'brel pa chud mi za ba dang/ zhes
gsungs/ gnyis pa la/ bden bzhi mthong ba ji snyed pa rtogs pa la
'god pa dang/ 'khor 'das mnyam pa nyid du ji lta ba rtogs pa la

'god pa gnyis las/ dang po ni/ rab 'byor gyis gsol pa/ bcom ldan
'das gal te chos thams cad rang gi mtshan nyid kyi stong pa lags
na ji ltar byang chen bla na med pa yang dag par rdzogs pa'i
byang chub tu mngon par rdzogs par sangs rgyas te/ rgyud

lnga'i sems can rnams yongs su 'dren pa lags/ bcom ldan 'das
kyis bka' stsal pa/ rab 'byor 'di la byang chen bla na med pa
yongs dag par rdzogs pa'i byang chub mngon par rdzogs par sangs
rgyas te sdug bsngal dang sdug bsngal kun 'byung dang

sdug bsngal 'gog pa dang sdug bsngal 'gog par 'gro ba'i lam sems
can rnams la chos ston to/ /zhes pa nas/ gzhan du yang dag pa ji
lta ba bzhin du sems can rnams kyis mi shes mi mthong bas de'i
phyir byang chen sher phyin la spyod cing thabs mkhas

@53a @#/ /pas sems can rnams la chos ston to/ /zhes pa'i bar gyis
bstan/ de'i don 'chad pa la/ bden mthong dang/ /zhes dang/ dngos
po thams cad yang dag pa ji lta ba bzhin rtogs pa dang/ zhes
gsungs/ gnyis pa ni/ rab 'byor gyis

gsol pa/ bcom ldan 'das gal te de ltar so so skye bo rnams kyi
chos mnyam pa nyid gang lags pa de nyid dad pa'i rjes su 'brang
ba rnams dang/ chos kyi rjes su 'brang ba rnams dang brgyad pa
rnams dang rgyun du zhugs pa rnams dang lan cig phyir

'ong ba rnams dang phyir mi 'ong ba nams dang dag bcom pa rnams
dang rang sangs rgyas rnams byang chen rnams kyi mnyam pa nyid
de/ de bzhin gshegs pa dgra bcom pa yang dag par rdzogs pa'i
sangs rgyas kyi mnyam pa nyid lags na/ bcom ldan 'das mtshan

nyid mi 'dra ba'i chos 'di lta ste/ gzugs dang/ tshor ba dang/
zhes pa nas/ /'dus byas kyi khams kyi 'du shes dang bral bar
byed cing/ 'dus byas kyi khams kyi 'du shes dang 'bral nas 'dus
ma byas kyi dbyings stong pa yin yang 'dus ma byas kyi dbyings

su 'god pa yang de bzhin gshegs pa'i pha rol tu phyin pa'i mthar
thug par rig par mi 'gyur ro/ /zhes pa'i bar gyis bstan/ de'i
don 'chad pa la/ 'dus byas 'dus ma byas pa la/ /tha dad yongs su
mi shes dang/ /zhes dang/ stong pa nyid kyi ngo bo

nyid kyis 'dus byas dang 'dus ma byas tha mi dad par yongs su
shes pa la bkod nas/ zhes gsungs/ 'di 'dir bshad pa ni don 'brel
dbang btsan par bya'o/ /gsum pa la/ phyin ci log zad pa la 'god
pa dang/ phyin ci log gi gzhi zad pa la 'god

pa gnyis las/ dang po ni/ de nas byang chen byams pas bcom ldan
'das la 'di skad ces gsol to/ /bcom ldan 'das gal te chos thams
cad dngos po ma mchis pa'i ngo bo nyid lags na/ bcom ldan 'das
de'i tshe sher phyin la spyod pa'i byang chen

@53b byang chub sems dpa'i bslab pa la slob par 'tshal bas gzugs
la ji ltar bslab par bgyi/ zhes pa nas/ mi rtag pa la rtag pa'i
'du shes su gyur pa/ sdug bsngal ba la bde ba'i 'du shes su gyur
pa/ bdag med pa la bdag gi 'du shes su gyur pa/ mi

sdug pa la sdug pa'i 'du shes su gyur pa dngos po la mngon par
zhen pa rnams dngos po las rnam par 'grol to/ /zhes pas bstan/
de'i don 'chad pa la/ phyin ci log ni spangs pa dang/ /zhes
dang/ phyin ci log thams cad spangs pa dang/ zhes gsungs/ gnyis
pa

ni; rab 'byor gyis gsol pa/ bcom ldan 'das ci lags/ byis pa so
so skye bo rnams la dngos por zhen nas mngon par zhen par gyur
pa de lta bu'i dngos po de bzhin ma nor ba de bzhin zhes bgyi ba
ma mchis sam/ de ste ma mchis na ni mngon par 'du

bgyid par yang ji ltar 'gyur/ sug las des kyang shul rgyud
lnga'i 'khor ba las ci ste mi 'grol/ bcom ldan 'das kyi bka'
stsal pa/ phyin ci log ma gtogs par gang la gnas te/ byis pa so
so skye bo rnams las mngon par 'du byed pa'i dngos po

ni chung ngu na sgra'i rtse mo'i cha shas gshags pa tsam yang
med do/ /zhes pa nas/ ji ltar yang dag par mthong ba la kun nas
nyon mongs pa'am rnam par byang bar 'gyur ba med pa de bzhin du
kun nas nyon mongs pa dang rnam par byang ba med do/ /zhes pa'i
bar

gyis bstan/ de'i don 'chad pa la/ de gzhi med pa'i tshul dang ni/
/zhes dang/ phyin ci log gzhi med par spangs pa'i ye shes dang/
zhes gsungs/ bzhi pa la/ rang bzhin rnam dag gi chos sku'i rgyu
tshogs dri mas rnam par byang ba la 'god pa/ glo bur rnam

dag gi rgyu tshogs la 'god pa gnyis las/ dang po ni/ de nas tshe
ldan rab 'byor gyis bcom ldan 'das la 'di skad ces gsol to/
/bcom ldan 'das yang dag pa mthong ba la kun nas nyon mongs par
'gyur ba'am rnam par byang bar gyur pa ma mchis

@54a @#/ /pa de bzhin du/ yang dag pa ma mthong ba la yang kun
nas nyon mongs pa dang rnam par byang bar 'gyur ba ma mchis te/
zhes pa nas/ de ni brjod du med cing smos su med pa ste sgra
dang tshig thams cad kyi lam las 'das pa'i chos so/ /

zhes pa'i bar gyis bstan/ de'i don 'chad pa la/ rnam par byang
dang/ zhes dang/ rang bzhin gyis yongs su dag pa'i mtshan nyid
kyis byang chub sems dpa' rnam par byang ba dang/ zhes gsungs/
gnyis pa ni/ gsol pa/ bcom ldan 'das gal te chos

thams cad rmi lam lta bu sgra brnyan lta bu mig yor lta bu smig
rgyu lta bu sgyu ma lta bu sprul pa lta bu lags na/ ji ltar
byang chub sems dpa' sems dpa' chen po chos thams cad rmi lam
lta bu dang/ zhes pa nas/ de dag la chos mnyam pa nyid ces bya
ba gzhan

gang yang med do/ /zhes pa'i bar gyis bstan nas/ de'i don 'chad
pa la/ tshogs dang ni/ zhes dang/ dri ma thams cad dang bral ba'i
rnam par byang ba'i rgyu'i tshogs dang/ zhes gsungs/ gsum pa lam
gyi 'bras bu mi gnas pa'i myang 'das de bzhin gshegs pa'i

sa la 'god pa ni/ gsol pa bcom ldan 'das de ces stong pa lags/
bcom ldan 'das kyis bka' stsal pa/ 'du shes thams cad ni stong
ste/ rab 'byor la la zhig gis sprul pa zhig sprul pa na de la
gang stong pa nyid ma yin pa de lta bu'i dngos po gang yang yod

dam; gsol pa/ bcom ldan 'das de ni ma lags so/ /zhes pa nas/ de
la yongs su shes par bya ba'i ngo bo nyid stong pa nyid ces
gsungs pa lta yod par 'gyur re skan/ zhes pa'i bar gyis bstan
nas/ de'i don 'chad pa la/ mya ngan 'das la 'god pa ste/ /zhes
dang/

de bzhin gshegs pa'i sa la mya ngan las 'da' ba la bkod par
mdzad de/ zhes gsungs so/ /des slob dpon gyi lugs de song nas/
'phags pa ltar na sprul sku'i 'phrin las la/ lam la 'god pa
dang/ lam gyi 'bras bu la 'god pa gnyis las/ dang po la/ tshogs

@54b lam; sbyor lam/ mthong lam/ sgom lam la 'god pa dang bzhi
las/ dang po la bsam pa phun tshogs la 'god pa/ gzhan rgyud smin
byed sbyor ba phun tshogs la 'god pa/ bden bzhi rtogs pa la 'god
pa dang gsum las/ dang po ni/ 'gro rnams zhi ba'i las

dang ni/ /zhes pas 'chad/ gnyis pa ni/ bsdu rnam bzhi la 'god pa
dang/ zhes pas 'chad/ gsum pa ni/ kun nas nyon mongs bcas pa
dang/ /rnam par byang ba rtogs pa dang/ /zhes pas 'chad/ gnyis
pa la/ bsam pa phun tshogs la 'god pa/ gzhan rgyud

smin byed sbyor ba phun tshogs la 'god pa/ lta ba rnam par dag pa
la 'god pa'o/ /dang po ni/ sems can rnams don ji bzhin gyis/
/don dang/ zhes pas 'chad/ gnyis pa la/ dngos dang/ gnyis don
gyi spyod pa la 'god pa gnyis las/ dang po ni/ pha rol

phyin drug dang/ /zhes pas 'chad/ gnyis pa ni/ sangs rgyas lam
dang/ zhes pas 'chad/ gsum pa ni/ rang bzhin gyis/ stong pa nyid
dang/ zhes pas 'chad/ gsum pa ni/ gnyis zad dang/ /zhes pas
'chad/ bzhi pa la/ sa gnyis pa sogs gnyis la 'god pa/

bzhi pa sogs gsum la 'god pa/ sa bdun pa la 'god pa/ brgyad pa
la 'god pa/ dgu pa la 'god pa/ sa bcu pa la 'god pa'o/ /dang po
ni/ brda dang/ zhes pas 'chad/ gnyis pa ni/ dmigs pa med pa
dang/ zhes pas 'chad/ gsum pa ni/ lus can

rnams ni yongs smin dang/ /zhes pas 'chad/ bzhi pa la/ lam gsum
shes pa'i lam shes la 'god pa/ bden 'dzin zhi ba la 'god pa/
sangs rgyas dkon mchog btags pa pa la 'god pa/ sangs rgyas kyi
zhing dag pa'i sbyor ba la 'god pa'o/ /dang po ni/

byang chub sems dpa'i lam dang ni/ zhes pas 'chad/ gnyis pa ni/
mngon par zhen pa zlog pa dang/ /zhes pas 'chad/ gsum pa ni/
byang chub thob dang/ zhes pas 'chad/ bzhi pa ni/ sangs rgyas
zhing/ /rnam par dag dang/ zhes pas 'chad/ lnga pa la/ rang nyid

@55a @#/ /'tshang rgya bar nges pa la 'god pa/ gzhan rgyud smin pa
la 'god pa dang gnyis las/ dang po ni/ nges pa dang/ zhes pas
'chad/ gnyis pa ni/ sems can don dang tshad med dang/ /zhes pas
'chad/ drug pa la/ sa bcu pas bsdus pa'i

bshes gnyen bsten tshul la 'god pa/ rtogs pa gong nas gong du
'phel ba la 'god pa gnyis las/ dang po ni/ sangs rgyas bsten
sogs yon tan dang/ /zhes pas 'chad/ gnyis pa la/ byang chub yan
lag thob pa la 'god pa/ las 'bras chud mi za ba la

'god pa dang/ bden bzhi rtogs pa la 'god pa/ phyin ci log zad pa
la 'god pa/ gzhi med pa la 'god pa/ rnam byang rdzogs pa la 'god
pa/ tshogs rdzogs pa la 'god pa/ srid zhi mnyam nyid rtogs pa la
'god pa dang brgyad las/ dang po ni/ byang chub yan lag /ces pas
'chad/ gnyis

pa ni/ las rnams ni/ /chud mi za dang/ zhes pas 'chad/ gsum pa
ni/ bden mthong dang/ zhes pas 'chad/ bzhi pa ni/ phyin ci log
ni spangs pa dang/ zhes pas 'chad/ lnga pa ni/ de gzhi med pa'i
tshul dang ni/ /zhes pas 'chad/ drug pa ni/ rnam par byang dang/
zhes

pas 'chad/ bdun pa ni/ tshogs dang ni/ zhes pas 'chad/ brgyad pa
ni/ 'dus byas 'dus ma byas pa la/ /tha dad yongs su mi shes
dang/ /zhes pas 'chad/ gnyis pa ni/ mya ngan 'das la 'god pa
ste/ zhes pas 'chad do/ /'o na gang du sa bcu thob ma

thag pa'i tshe na sangs rgyas kyi zhing dag pa'i snang ba 'byung
bar bshad na/ de'i tshul gang zhe na/ de ni 'od zer chen po'i
dbang bskur thob nas 'byung ba yin la/ 'di la snang bas 'phrin
las sgrub pa dang/ mchod pas dbang bskur thob pa gnyis las/

dang po la/ snod dag pa'i snang ba dang/ bcud dag pa'i snang ba
dang/ 'phrin las sgrub tshul dang gsum las/ dang po ni/ sa bcu
thob ma thag pa'i tshe ting nge 'dzin grangs med pa 'bum phrag
bcu thob pa'i rjes la/ ting nge 'dzin thams cad mkhyen pa'i

@55b ye shes dang khyad par med par dbang bskur ba dang ldan pa
zhes bya ba/ thob ma thag tu stong gsum 'bum phrag bcu'i rgya
dang mnyam pa'i padma rin po che du mas spras pa'i gdan dang/
de'i 'khor du stong gsum 'bum phrag bcu'i rdul gyi grangs dang
mnyam

pa'i padmas gang ba'i snang ba'i snang ba 'byung ngo/ gnyis pa
la/ de nas rang nyid gdan de la 'tshams shing rkyen du 'bab par
'dug la/ 'khor gyi padma la sa dgu pa man chad kyi byang sems
bzhugs pas bskor te 'dug pa'i snang ba 'byung ngo/ /gsum

pa ni/ byang sems de'i zhabs mthil gnyis dang pus mo'i lha nga
gnyis dang lte ba dang rtsib logs gnyis dang phyag mthil gnyis
las 'od zer grangs med pa 'bum phrag bcu bcu spros pas rim pa
bzhin du yi dwags dang/ dmyal ba dang/ dud 'gro dang/

mi dang/ lha dang/ lha ma yin gyi gnas thams cad snang bar byas
nas sdug bsngal thams cad zhi bar byed do/ /phrag pa gnyis dang
rgyab mgul gnyis dang zhal gyi sgo nas 'od zer grangs med pa
'bum phrag bcu bcu spros pas rim pa bzhin du phyogs bcu'i nyan
thos

dang; rang rgyal dang/ sems dang po bskyed pa nas sa dgu pa'i
bar gyi gnas gsum pa rnams snang bar byas shing chos snang ba'i
sgo dang/ zhi ba'i ting nge 'dzin gyi sgo'i tshul dang/ shes rab
dang thabs mkhas pa'i tshul yang rim pa bzhin du nye bar sgrub
bo/ /

gnyis pa la/ mchod pa dang/ dbang bskur ba gnyis las/ dang po
ni/ byang sems de'i mdzod spu nas 'od zer grangs med pa 'bum
phrag bcu spros pas phyogs bcu'i bdud thams cad zil gyis mnan te
dbang bskur thob pa'i byang sems rnams snang bar

byas te/ de dag gi lus la nub par byed do/ /byang sems de'i spyi
gtsug nas 'od zer grangs med stong gsum grangs med pa 'bum phrag
bcu'i rdul dang mnyam pa 'phros nas phyogs bcu'i de bzhin gshegs
pa'i dkyil 'khor thams cad snang bar byas/ 'jig

@56a @#/ /rten lan bcur bskor nas steng gi nam mkha' la 'od zer
gyi dra ba'i dkyil 'khor du byas te/ de bzhin gshegs pa mchod
sems can gyi don byas nas/ de bzhin gshegs pa rnams kyi zhabs
kyi mthil du nub par byed do/ /gnyis pa

dbang bskur ba ni/ phyogs bcu'i rgyal ba sras bcas de dag gis
byang sems de dbang bskur ba'i dus la babs par gzigs nas phyogs
bcu nas sa dgu pa man chad la gnas pa'i byang sems mtha' yas pa
'ongs nas/ byang sems de la lta zhing mchod de/

ting nge 'dzin stong phrag bcu bcu la snyoms par 'jug go /byang
sems dbang bskur ba thob pa rnams kyis dpal be'u dang rdo rje
dang bkra shis las bdud kyi dgra las rnam par rgyal ba zhes bya
ba'i 'od zer gcig 'khor 'od zer grangs med pa 'bum phrag

bcu bcu dang bcas pa byung ste/ phyogs bcu snang bar byas cho
'phrul mu med pa bstan te/ byang sems de'i dpal be'u dang rdo
rje dang bkra shis rnams su rim pa bzhin du nub pas/ byang sems
de'i mthu stobs sngar las kyang lhag par 'phel bar 'gyur

ro; /de bzhin gshegs pa rnams kyi mdzod spu nas kyang thams cad
mkhyen pa'i mngon shes dang ldan pa zhes bya ba'i 'od zer gcig
'khor 'od zer grangs med pa 'bum phrag bcu bcu dang bcas pa
byung ste phyogs bcu thams cad snang bar byas/

'jig rten lan bcu bskor nas/ ngan song ba thams cad kyi sdug
bsngal zhi bar byas shing bdud thams cad zil gyis mnan nas byang
sems de'i spyi por nub la 'khor gyi 'od zer rnams ni 'khor rnams
kyi spyi bor nub par 'gyur zhing/ 'od zer de dag gis

phog ma thag tu byang sems de dag gis sngon ma thob pa'i ting
nge 'dzin stong phrag bcu bcu 'thob cing/ 'od zer de dag kyang
byang sems de'i mgo la dus gcig tu nub par 'gyur ro/ /'di dag gi
sgo nas rje brtsun btsong kha pa chen pos byams pa mgon po la

@56b bstod pa'i tshigs bcad mang du yod kyang mang dogs nas ma
drangs so/ /chos kyi sku yi 'phrin las ni/ /zhes sogs rtsa 'grel
las/ chos sku'i 'phrin las chos can/ khyod la nyer bdun du yod
de/ khyod la gdul bya lam gyi rten la 'god pa'i 'phrin las nas

lam gyi 'bras bu myang 'das la 'god pa'i bar nyer bdun du yod
pa'i phyir/ sems bskyed pa dang po dang tha ma'i zhes sogs la/
'grel pa 'dir dang por sems bskyed dang tha mar 'phrin las la sa
mtshams kyi skye rim brjod nas bar pa don bdun

cu lhag ma rnams kyi sa mtshams dngos su mi smos pa'i rgyu mtshan
yod de/ thog mtha' gnyis la brten nas bar pa rnams kyang go nus
pa la dgongs nas dngos su ma smos pa'i phyir/ bzhi pa 'phrin las
'jug tshul bshad pa la/ rgyud bla ma las gsungs

tshul dang/ mdo sde'i rgyan las gsungs tshul/ 'jug tshul de dpes
sgrub pa dang gsum las/ dang po la/ 'phrin las lhun grub tu 'jug
tshul dang/ rgyun mi 'chad du 'jug tshul gnyis/ dang po la/ spyir
bstan pa dang/ so sor bshad pa gnyis las/ dang

po ni/ thub pa sangs rgyas bcom ldan 'das kyi 'phrin las dus
rtag tu lhun grub tu 'jug pa yin te/ sems can gang gi rgyud la
thabs gang gis gdul bya 'dul ba'i bya ba gang yul gang du dus
gang gi tshe 'dul dgos pa'i 'phrin las sgrub pa la

'bad rtsol gyi rnam rtog skye ba med par 'phrin las ngang gis
'jug pa'i phyir/ de ltar yang rgyud bla mar/ gang gi gang gis
'dul ba yi/ /bya gang gang du gang gi tshe/ /de yi rnam rtog skye
med phyir/ /thub pa rtag tu lhun gyis grub/ /ces gsungs pa'i
phyir/

gnyis pa ni/ sangs rgyas kyi 'phrin las lhun grub tu 'jug pa yin
te/ rigs dang sa bon la sogs pa gdul bya'i khams ni gang gi
rgyud la 'dul ba'i thabs mang po gang dag gis gdul bya 'dul ba'i
bya ba gang dgos pa dang yul gang du ni dus gang

@57a @#/ /gi cho 'dul dgos pa'i yul dang dus de dag ji lta ba
bzhin du 'bad rtsol nye bar zhi ba'i sgo nas 'phrin las lhun
grub tu 'jug pa'i phyir te/ de nyid las/ gdul bya'i khams ni
gang zhig gi /'dul pa'i thabs mang gang dag gis/ gdul bya'i

bya gang gang du ni/ /gang tshe yul dang dus de dag /ces gsungs
pa'i phyir/ gnyis pa la/ mdor bstan/ rgyas par bshad/ /spyi'i
don bsdu ba'o/ /dang po ni/ sangs rgyas kyi 'phrin las rgyun mi
'chad du 'jug pa'i rgyu mtshan yod de/ byang chub chen po

nges par 'byin pa dang/ nges 'byin de'i rten dang/ rten de'i
'bras bu dang/ 'bras bu de yongs su 'dzin byed dang/ 'bras bu de
thob pa la gegs byed kyi sgrib pa dang/ sgrib pa de spong byed
kyi gnyen po rkyen rnams la 'bad rtsol gyi rnam rtog med

par 'phrin las ngang gis 'jug pa'i phyir te/ de nyid las/ nges
'byin de yi rten pa dang/ /de 'bras de yi yongs 'dzin dang/ /de
sgrib de spyod rkyen las ni/ /rnam par rtog pa med phyir ro/
/zhes gsungs pa'i phyir/ gnyis pa la don drug ngos bzung ba

dang; dpe drug bkod pa dang/ dpe don chos mthun bshad pa dang
gsum las/ dang po ni/ nges par 'byin pa nas/ rkyen kyi bar drug
po de yang gzhag tu yod de/ sa bcu po de byang chub chen po nges
par 'byin byed dang/ tshogs gnyis po de byang

chen nges par 'byin byed de'i rten nam rgyu dang/ byang chub kyi
mchog rdzogs pa'i byang chub ni de gnyis kyi 'bras bu dang/ sems
can gyi rgyud la yod pa'i rigs de byang chub chen po de yongs su
'dzin par byed pa dang nyon mongs pa dang nye ba'i nyon mongs

pa bag chags dang bcas pa ni byang chub chen po thob pa la gegs
byed kyi sgrib pa dang/ sgrib pa de rnams 'joms par byed pa'i
rkyen dang byang chub chen po'i rkyen ni sangs rgyas kyi thugs
rje chen po yin pa'i phyir te/ de nyid las/ nges par 'byin pa sa
bcu

@57b ste; /tshogs gnyis dag ni de yi rgyu/ /de 'bras byang chub
mchog yin te/ /byang chub sems can yongs su 'dzin/ /de sgrib
mtha' yas nyon mongs dang/ /nye ba'i nyon mongs bag chags so/
/dus kun du ni de 'joms pa'i/ /rkyen ni thugs rje chen po yin/
/zhes

gsungs pa'i phyir/ gnyis pa ni/ 'phrin las rgyun mi 'chad du
'jug pa'i gnas drug po de rnams dpe ji ltar shes par bya ba yang
yod de/ drug po de dag rnams go rim bzhin du rgya mtsho dang nyi
ma dang nam mkha' dang gter dang sprin dang rlung bzhin du

shes par bya ba yin pa'i phyir te/ de nyid las/ gnas drug po ni
'di dag rnams/ /go rim ji bzhin rgya mtsho dang/ /nyi ma dang ni
nam mkha' gter/ /sprin dang rlung bzhin shes par bya/ /zhes
gsungs pa'i phyir/ gsum pa ni/ sa bcu pa de rgya mtsho dang 'dra
ste/

ye shes kyi chus rgyas par byed pa dang/ yon tan rin po che dpag
tu med pa dang ldan pa'i phyir te/ de nyid las/ shes chu yon tan
rin chen dang/ /ldan phyir sa rnams rgya mtsho bzhin/ /zhes
gsungs pa'i phyir/ tshogs gnyis po de nyi ma dang 'dra ste/ de
gnyis

sems can thams cad kyi nyer 'tsho'i gnas su gyur pa yin pa'i
phyir te/ de nyid las/ sems can thams cad nyer 'tsho'i phyir/
/tshogs gnyis dag ni nyi ma bzhin/ /zhes gsungs pa'i phyir/ byang
chub chen po ni nam mkha' dang 'dra ste/ de yon tan rin po

che mtha' dbus med pa'i bdag nyid yin pa'i phyir te/ de nyid
las/ rgya che mtha' dang dbus med phyir/ /byang chub nam mkha'i
khams bzhin no/ /zhes gsungs pa'i phyir/ byang chub tu 'gyur
rung gi sems can gyi rgyud kyi rang bzhin gnas rigs ni gter dang

'dra ste/ de yang dag par rdzogs pa'i sangs rgyas kyi chos nyid
rang bzhin rnam par dag pa yon tan thams cad 'byung rung ste de
nyid kyi gnas yin pa'i phyir te/ de nyid las/ yang dag rdzogs
sangs chos nyid phyir/ /sems can khams ni gter dang 'dra/ /

@58a @#/ /zhes gsungs pa'i phyir/ sems can gyi rgyud kyi nyon
mongs dang nye ba'i nyon mongs bag chags dang bcas pa ni sprin
dang 'dra ste/ de rnams glo bur ba dang/ bsgrib bya la khyab pa
dang/ bden pa'i rang bzhin du ma grub pa'i phyir te/ de

nyid las/ glo bur khyab dang ma grub phyir/ /de yi nyon mongs
sprin tshogs bzhin/ /zhes gsungs pa'i phyir/ sangs rgyas kyi
thugs rje mi zad pa rlung dang 'dra ste/ de sgrib pa de 'thor
bar ni nye bar gnas pa yin pa'i phyir te/ de nyid las/ de 'thor
bar ni nyer

gnas phyir/ /thugs rje mi mi zad rlung dang 'dra/ /zhes gsungs
pa'i phyir/ gsum pa ni/ sangs rgyas kyi 'phrin las rgyun mi
'chad du 'jug pa yin te/ sa bcu dang tshogs gnyis kyis bsdus pa'i
rkyen gzhan gyi dbang gis nges par 'byung ba gzhan don rgyun mi

'chad pa'i rgyu'i khyad par dang/ bdag dang sems can mtshungs par
chos nyid kyi bdag nyid du gnas par gzigs nas byang chub chen po
dang sems can gyi khams gnyis te gzhan don rgyun mi 'chad pa'i
ngo bo'i khyad par dang/ nyon mongs pa dang nye

ba'i nyon mongs pa bag chags dang bcas pa 'joms par byed pa'i
rkyen thugs rje chen po ste gzhan don rgyun mi 'chad pa'i 'bras
bu'i khyad par dang gsum gyi sgo nas mdzad pa yongs su ma rdzogs
pa'i phyir te/ de nyid las/ gzhan gyi dbang gis nges 'byung

dang; /bdag dang sems can mtshungs gzigs dang/ /mdzad pa yongs su
ma rdzogs phyir/ /'khor ba srid du mdzad mi 'chad/ /ces gsungs
pa'i phyir/ gnyis pa mdo sde'i rgyan las gsungs tshul la lhun
grub tu 'jug tshul dang/ rgyun mi 'chad du 'jug

tshul gnyis las/ dang po ni/ sangs rgyas kyi 'phrin las 'bad med
lhun grub tu 'jug pa yin te/ dper na lha'i rda bo che dag ma
brdungs par yang sngon gyi smon lam gyi mthus chos kyi sdom bzhi
sogs ston pa'i sgra kun tu 'byung bar byed pa dang/ nor bu rin

@58b po ches 'bad rtsol med par rang gi 'od kun tu ston pa ltar/
sangs rgyas rnams kyang 'bad rtsol gyi gzo dang rnam rtog gi
rgyu ba med par gdul bya la dam pa'i chos 'chad cing phan bde la
'god pa'i 'phrin las ngang gis 'jug pa'i phyir te/ mdo sde'i
rgyan

las; ji ltar rnga dag ma brdungs par/ /sgra ni kun tu 'byung ba
ltar/ /de bzhin rgyal ba gzo med par/ /bshad pa dag ni kun tu
'byung/ /ji ltar nor bu 'bad med par/ /rang gi 'od ni ston pa
ltar/ /sangs rgyas rnams kyang gzo med par/ /de bzhin mdzad pa

nges par ston/ /zhes gsungs pa'i phyir/ /gnyis pa ni/ sangs
rgyas kyi 'phrin las rgyun mi 'chad du 'byung ba yin te/ dper na
nam mkha' la snod bcud kyi 'jig rten gyi bya ba rgyun mi 'chad
pa dang/ nam mkha' la snod bcud kyi 'jig rten gyi bya ba snga ma
nyams

pa ste 'jig cing phyi ma byung ba ste 'chags pa ltar/ sangs
rgyas rnams kyang chos kyi dbyings las ma g.yos par gdul bya
phan bde la 'god pa'i 'phrin las rgyun mi 'chad par 'byung ba'i
phyir te/ de nyid las/ ji ltar mkha' la 'jig rten gyi/ /bya ba

rgyun mi 'chad par snang/ /de bzhin zag med dbyings na yang/
/rgyal ba'i mdzad pa rgyun mi 'chad/ /ji ltar mkha' la rtag tu
ni/ /bya ba nyams shing 'byung ba ltar/ /de bzhin zag med
dbyings na yang/ /sangs rgyas 'phrin las skye zhing 'bri/ /zhes
gsungs pa'i

phyir; des na sangs rgyas rnams kyi mdzad pa 'phrin las thams
cad sems can gyi phan bde sgrub pa la gcig tu 'jug pa yin te/
dper na 'dus ma byas kyi nam mkha' la ngo bo mi 'dra ba'i dbye
ba med cing/ nam mkhar nyi ma'i dkyil 'khor du ma cig car

du shar yang 'od zer rnams nam mkha' de nyid du 'dres shing lo
thog smin pa dang/ 'dam skam pa dang/ ku mu da kha zum par byed
pa'i bya ba 'dres pa bzhin du/ sangs rgyas kyi chos sku la ngo
bo mi 'dra ba'i dbye ba med cing/ sangs rgyas rnams kyi 'phrin
las

@59a @#/ /kyis gdul bya'i phan bde sgrub cing sdug bsngal sel bar
byed par mdzad pa gcig tu 'dres pa yin pa'i phyir te/ de nyid
las/ ji ltar nyi ma'i dkyil 'khor gyi/ /'od zer dpag tu med
'dres shing/ /rtag tu bya ba gcig la 'jug /

'jig rten la yang snang bar byed/ /de bzhin zag med dbyings na
yang/ /sangs rgyas dpag tu med 'dres shing/ /mdzad pa gcig ni
mdzad pa la/ /ye shes snang ba mdzad par 'dod/ /ces gsungs pa'i
phyir/ gsum pa la/ bstan bshad gnyis las/ dang

po ni/ sangs rgyas rnams kyi 'phrin las 'bad med lhun grub rgyun
mi 'chad du 'jug pa yin te/ brgya byin gyi gzugs kyi dpes sangs
rgyas kyi gzugs sku lhun grub rgyun mi 'chad du 'byung ba dang/
lha'i rnga po che'i dpes sangs rgyas kyi gsung lhun grub

rgyun mi 'chad du 'byung ba dang/ char sprin gyi dpes sangs
rgyas kyi thugs lhun grub rgyun mi 'chad du 'byung ba dang/
tshangs pa'i sprul pa'i dpes sangs rgyas kyi sku dang gsung gi
'phrin las gnyis dang/ nyi ma'i dpes sangs rgyas kyi thugs kyi
'phrin

las lhun grub rgyun mi 'chad du 'byung ba dang/ nor bu rin po
che'i dpes sangs rgyas kyi thugs kyi gsang ba lhun grub rgyun mi
'chad du 'byung ba dang/ sgra brnyan gyi dpes sangs rgyas kyi
gsung gi gsang ba lhun grub rgyun mi 'chad du 'byung ba dang/
nam

mkha'i dpes sangs rgyas kyi sku'i gsang ba lhun grub rgyun mi
'chad du 'byung ba dang/ sa gzhi rin po che'i dpes de thams cad
kyi rten thugs rje chen po 'bad med lhun grub rgyun mi 'chad du
'byung ba de mtshon pa yin pa'i phyir te/ rgyud bla mar/ brgya
byin rnga

sprin tshangs pa dang/ /nyi ma nor bu rin chen bzhin/ /de bzhin
gshegs pa sgra brnyan bzhin/ /nam mkha' dang ni sa bzhin no/
/zhes gsungs pa'i phyir/ /gnyis pa la dgu las/ dang po gzugs sku
brgya byin gyi dpes mtshon tshul ni/ sangs rgyas kyi

@59b gzugs sku brgya byin gyi gzugs dang 'dra ba yin te/ dper na
lha'i dbang po brgya byin gyi lus gcig nyid bai Dlurya'i sa gzhi
gtsang ma du mar gzugs brnyan re re 'char ba ltar/ 'gro ba tha
dad pa mang po'i dad sogs kyi sems kyi snang pa dag pa la gzugs

sku'i snang ba 'char pa'i phyir te de nyid las/ ji ltar bai DU
ra sa gzhi gtsang ma la/ /lha dbang lus kyi gzugs brnyan snang
ba ltar/ /de bzhin 'gro sems sa gzhi gtsang ma la/ /thub pa'i
dbang po'i sku yi gzugs brnyan 'char/ /zhes gsungs pa'i phyir/
gnyis pa

gsung legs par 'doms pa lha'i rnga po che'i dpes bstan pa ni/
sangs rgyas kyi gsung lha'i rnga po che dang 'dra ba yin te/
dper na sum cu rtsa gsum la sogs pa'i lha gnas dag na lha'i rnga
po che rnams ma brdungs par sngon gyi smon lam la sogs pa las
dkar

po'i mthu las chos kyi sdom bzhi la sogs pa ston pa'i sgra
'byung ba ltar/ thub pa sangs rgyas bcom ldan 'das rnams kyis
chos ston pa'i 'bad rtsol rnam rtog med par 'gro ba rang rang gi
las dang skal ba dang 'tsham par chos ston par mdzad pa'i

phyir te/ de nyid las/ ji ltar lha na lha rnams kyi/ /rnga sgra
rang gi las las byung/ /de bzhin 'jig rten thub pa'i chos/
/gsung pa rang gi las las byung/ /zhes gsungs pa'i phyir/ gsum
pa thugs char sprin gyi dpes bstan pa ni/ sangs rgyas kyi thugs
char

sprin dang 'dra ba yin te/ dper na dbyar gyi dus na sprin
'khrigs pa las 'jig rten gyi lo thog phun sum tshogs par 'gyur
ba'i rgyu chu'i char sa la rgyun du 'bebs pa ltar/ sangs rgyas
kyi thugs rje'i sprin las kyang 'gro ba'i dge pa'i lo thog gi
rgyur gyur pa'i

dam pa'i chos kyi char rgyun mi 'chad par 'bad rtsol gyi rnam
rtog med par 'bab pa'i phyir te/ de nyid las/ ji ltar dbyar gyi
dus na sprin/ /lo thog phun sum tshogs pa'i rgyu/ /chu yi phung
po 'bad med par/ /sa la rgyun du 'bebs pa ltar/ /de bzhin

@60a @#/ /thugs rje'i sprin las ni/ /rgyal ba'i dam chos chu yi
char/ /'gro ba'i dge ba'i lo thog rgyu/ /rnam par rtog pa med
par 'bab/ /ces gsungs pa'i phyir/ bzhi pa de bzhin gshegs pa'i
sku dang gsung gi 'phrin las gnyis tshangs ba'i

dpes bstan pa ni/ de bzhin gshegs pa'i sku dang gsung gi 'phrin
las gnyis tshangs pa'i sprul pa dang 'dra ba yin ?ta/ dper na
tshangs pa de rang gi gnas nas 'pho ba med par yang lha'i gnas
gzhan dang gzhan du tshangs pa'i snang ba du ma 'bad med du ston
pa

ltar; thub pa sangs rgyas rnams kyang chos kyi sku las ma g.yos
par 'jig rten gyi khams rnams su skal pa dang ldan pa'i gdul bya
rnams la sprul pa dpag tu med pa dag gis dam pa'i chos 'bad pa
med par ston pa'i phyir te/ de nyid las/ ji ltar tshangs

pa tshangs pa yi/ /gnas las 'pho ba med bzhin du/ /lha yi gnas
nas thams cad du/ /snang ba 'bad med ston pa ltar/ /de bzhin
thub pa chos sku las/ /skyod pa med par khams kun tu/ /skal ldan
rnams la 'bad med par/ /sprul pa dag gis ston par

mdzad; /ces gsungs pa'i phyir/ /lnga pa thugs kyi 'phrin las nyi
ma'i dpes bstan pa ni/ de bzhin gshegs pa'i thugs kyi 'phrin las
nyi ma dang 'dra ba yin te/ dper na nyi ma'i 'od zer gyis gdungs
pa'i tshe dus gcig tu padma kha 'byed pa dang/ ku mu ta kha zum

par byed pa dang/ lo thog smin par byed pa la sogs pa rnams dus
gcig 'byung yang nyi ma'i 'od zer la chu skyes bye bar byed pa'i
yon tan dang ku mu ta zum par byed pa'i skyon de dang de byed
pa'i rnam par rtog pa med pa bzhin du/ /de bzhin gshegs pas
kyang

gdul bya rnams kyi dbang po dang 'tsham par mngon mtho dang nges
legs kyi go 'phang la 'god pa'i chos ston kyang gdul bya 'ga'
zhig las dbang gis mngon mtho dang 'ga' zhig las dbang gis nges
legs la 'god par byed pa yin gyi/ de bzhin

@60b gshegs pa la de dang de'i rnam par rtog pa med par 'bad med
lhun grub tu 'byung ba'i phyir te/ de nyid las/ ji ltar nyi mas
gdungs pa'i dus gcig tshe nyid la/ /par sogs rgyas dang kun mu ta
ni rab zum pa/ /chu skyes phye dang zum pa'i yon tan skyon dag
la/ /nyi

ma rtog med 'dir ni 'phags pa'i nyi de bzhin/ /zhes gsungs pa'i
phyir/ drug pa thugs kyi gsang ba yid bzhin gyi nor bu'i dpes
bstan pa ni/ de bzhin gshegs pa'i thugs kyi gsang pa yid bzhin
gyi nor bu dang 'dra ba yin te/ dper na yid bzhin gyi nor bu rin

po che la zas gos sogs don du gnyer ba rnams kyis gsol ba btab
pa na rang rang gi 'dod pa rnams yongs su rdzogs par 'gyur kyang
nor bu rin po che la de rnams kyi 'dod pa so sor skong bar byed
pa'i rnam par rtog pa med pa bzhin du sangs rgyas kyis

gdul bya la chos gsungs pa'i tshe gdul bya'i bsam pa tha dad pa
rnams kyi rang rang gang mos kyi chos sna tshogs pa thos par
'gyur yang de bzhin gshegs pa la gdul bya 'di la chos 'di bstan
par bya'o snyam pa'i rnam par rtog pa med par 'phrin las

ngang gis 'jug pa'i phyir te/ de nyid las/ ji ltar yid bzhin nor
bu ni/ /rtog pa med kyang cig car du/ /sbyod yul gnas pa rnams
kyi ni/ /bsam kun so sor rdzogs byed ltar/ /de bzhin sangs rgyas
yid bzhin la/ /brten nas bsam pa tha dad rnams/ /sna tshogs

chos ni thos 'gyur yang/ /de ni de la rnam mi rtog /ces gsungs
pa'i phyir/ bdun pa gsung gi gsang ba sgra brnyan gyi dpes bstan
pa ni/ /de bzhin gshegs pa'i gsung gi gsang ba sgra brnyan dang
'dra pa yin te/ dper na sgra brnyan gyi sgra ni gzhan gyi rnam
par

rig phyed las byung ba dang/ rnam rtog gi rgyu ba med pa dang/
'bad rtsol gyi gzo med pa dang phyi dang nang na mi gnas pa
ltar/ de bzhin du de bzhin gshegs pa'i gsung yang gzhan gyi rnam
par rig byed las byung ba dang/ rnam rtog gi rgyu ba med pa
dang/ 'bad

@61a @#/ /rtsol gyi gzo med cing phyi dang nang na gnas pa ma yin
par 'phrin las dang gis 'jug pa'i phyir te/ de nyid las/ ji ltar
sgra brnyan gyi ni sgra/ /gzhan gyi rnam rig las byung ba/ /rnam
par rtog med gzo med pa/ /phyi dang nang na mi gnas

ltar; /de bzhin de bzhin gshegs pa'i gsung/ /gzhan gyi rnam rig
las byung ba/ /rnam par rtog med gzo med nyid/ /phyi dang nang
na gnas pa min/ /zhes gsungs pa'i phyir/ brgyad pa sku'i gsang
ba nam mkha'i dbes bstan pa ni/ de bzhin gshegs

pa'i sku'i gsang ba nam mkha' dang 'dra ba yin te/ dpar na thogs
bcas kyi reg bya cung zad kyang med cing kha dog dang dbyibs
dang mig shes kyi gzung bya min pa dang gzugs med pa dang bstan
du med pa'i nam mkha' la mtho dman la sogs pa'i rnam

par mthong ba yod kyang nam mkha' la mtho dman sogs med pa bzhin
du/ de bzhin gshegs pa'i sku yang gdul bya 'ga' zhig la mtho ba
dang/ 'ga' zhig la dma' ba ltar snang yang de bzhin gshegs pa'i
sku la de 'dra ba'i khyad par med pa'i phyir te/ de

nyid las/ cung zad med cing snang ba med/ /dmigs pa med cing
rten med pa/ /mig gi lam las rab 'das pa/ /gzugs med bstan du
med pa yi/ /mkha' la ji ltar mtho dang dma'/ /mthong yang de ni
de ltar min/ /de bzhin thams cad sangs rgyas la/ /mthong

yang de ni de ltar min/ /zhes gsungs pa'i phyir/ dgu pa de thams
cad kyi rten thugs rje chen po sa gzhi rin po che'i dpes bstan
pa ni/ de bzhin gshegs pa'i thugs rje chen po ni sa gzhi rin po
che dang 'dra ba yin te/ dper na sa gzhi rin po che la rnam par
rtog pa

med kyang lo thog la sogs pa'i skye ba kun sa gzhi la brten nas
'phel ba dang brten pa dang yangs par 'gyur ba ltar/ rdzogs pa'i
sangs rgyas kyis 'bad rtsol gyi rnam par rtog pa med pa de la
brten nas 'gro ba'i dge ba'i rtsa ba rnams ni ma lus par

@61b 'phel bar 'gyur ba'i phyir te/ de nyid las/ ji ltar sa la
skye ba kun/ /rtog med sa la brten nas ni/ /'phel dang brten
dang yangs 'gyur ltar/ /de bzhin rdzogs pa'i sangs rgyas sa/
/rnam rtog med pa la brten nas/ /'gro ba'i dge ba'i rtsa ba ni/
/ma lus

par ni 'phel bar 'gyur/ /zhes gsungs pa'i phyir/ mdor na rdzogs
pa'i sangs rgyas rnams 'bad rtsol kyi gzo med cing kun slong gi
rnam rtog med par brtse ba thugs rje chen po la brten nas dam
chos lhun grub rgyun mi 'chad du gsungs pas skal ldan

rnams kyis mngon par mtho ba dang nges par legs pa thob par
'gyur ba'i phyir te/ mdo sde'i rgyan las/ 'jig rten kun la nyin
mtshan du/ /lan drug tu ni so sor gzigs/ /thugs rje chen po dang
ldan pa/ /phan dgongs khyod la phyag 'tshal lo/ /zhes gsungs

pa'i phyir/ lnga pa 'phros don ni/ kho na re/ de bzhin gshegs
pa'i sku gsung thugs gsum gyi gsang ba nor bu sogs kyi dpes
bstan pa mi 'thad de/ de la shes byed med pa'i phyir zer na/
de'i shes byed yod de/ mdo sde du ma las gsungs pa'i phyir te/
de la

sku'i gsang ba ni/ dper na byang chub sems dpa' shugs 'changs
kyis de bzhin gshegs pa'i gtsug tor mi mthong la sku tshad med
cing mtha' yas kyang bdag gis de bzhin gshegs pa'i mtha' yongs
su btsal bar bya'o snyam ste/ rang gi lus dpag tshad

brgyad khri bzhi stong du sprul te/ de bzhin gshegs pa'i sku la
bltas kyang de bzhin gshegs pa'i sku dpag tshad 'bum phrag drug
cu rtsa brgyad par mthong nas/ de nas des rang gi rdzu 'phrul
gyi stobs bskyed nas steng gi phyogs su sangs rgyas kyi zhing
gang gA'i

klung phrag brgya'i bye ma snyed 'das te 'jig rten gyi khams
padma can du phyin te bltas kyang de bzhin gshegs pa'i gtsug tor
mthong ma nus shing de bzhin gshegs pa'i sku'i tshad dam sku'i
mtha' mthong bar ma nus par gsang ba bsam gyis mi khyab pa'i

@62a @#/ /mdo las gsungs pa'i phyir/ gsung gi gsang ba ni/ mo'u
'gal gyi bu chen pos de bzhin gshegs pa'i gsung gi tshad brtag
pa'i phyir du ri rab kyi rtse mor phyin te 'dug kyang de bzhin
gshegs pa'i gsung de 'drar thos/ de nas rang gi

rdzu 'phrul gyi stobs bskyed de/ 'jig rten gyi khams mi mdzed
kyi nub phyogs kyi ri la 'phags te gling bzhi las kyang 'das te/
khor yug las 'das nas/ 'jig rten gyi bar gyi khor yug gi zom la
'dug na yang de bzhin gshegs pa'i gsung de 'drar thos/

de nas de bzhin gshegs pa'i mthu dang rang gi rdzu 'phrul gyi
stobs kyis nub phyogs logs su sangs rgyas kyi zhing gang gA'i
klung dgu bcu rtsa dgu'i bye ma snyed 'das pa na/ 'jig rten gyi
khams 'od zer gyi rgyal mtshan zhes bya bar phyin te/ de bzhin
gshegs

pa 'od zer gyi rgyal po'i lhung bzed kyi zhabs skyag gi gdu bu
la 'chag cing 'dug kyang/ de bzhin gshegs pa'i gsung snga ma ji
lta ba bzhin du thos par rgyas par mdo de nyid las gsungs pa'i
phyir/ thugs kyi gsang pa ni/ mdo de nyid las/ de bzhin gshegs

pa'i thugs la bzlog pa mi mnga'/ thugs la rtog pa mi mnga'/ zhes
sogs rgyas par gsungs pa'i phyir ro/ /ngag don ni/ ye shes chos
sku chos can/ khyod rgyun mi 'chad pa bzhin du khyod kyi 'phrin
las kyang rgyun mi 'chad pa yin te/ khyod 'khor ba ji srid gnas
kyi bar du

sems can gyi don mdzad pa mthar phyin pa yin pa'i phyir/ gsum pa
skabs bsdu ba ni/ shes rab kyi pha rol tu phyin pa'i man ngag gi
bstan bcos mngon par rtogs pa'i rgyan 'grel pa dang bcas pa'i
rnam bshad rnam pa gnyis kyi dka' ba'i gnas gsal

bar byed pa legs bshad skal bzang klu dbang gi rol mcho zhes bya
ba las skabs brgyad pa'i legs par bshad pa'o// ! //gnyis pa bar
ma la dad pa la drug tu phye ba la/ mtshams sbyar/ rtsa ba/ 'grel
pa dang gsum las/ dang po ni/ rgyas

@62b pa la dga' ba'i sems can la phan gdags par de ltar don
brgyad kyi sgo nas rnam par bshad nas/ yang gzhan du rnam par
bshad pa/ zhes pas 'chad/ gnyis pa ni/ mtshan nyid de yi sbyor ba
dang/ /zhes sogs kyis 'chad/ gsum pa ni/ dang

por rnam pa thams cad mkhyen pa nyid la sogs pa thams cad mkhyen
pa nyid gsum ni mngon par mtshon pa'i gnas nyid yin pas mtshan
nyid do/ /zhes sogs kyis 'chad/ don ni/ mngong rtogs brgyad kyi
rim pa brgyad du phye nas bstan pa'i 'og tu/

don drug tu bsdus nas bstan pa chos can/ dgos pa yod de/ don
gyis spros pa bar ma la dga' ba rnams rjes su bzung ba'i ched
yin pa'i phyir/ mngon rtogs rgyan gyi brjod bya chos can/ khyod
la drug tu bsdu bar rung ste/ mtshan nyid de gtan la dbab bya

mkhyen pa gsum/ nyams len sbyor ba bzhi dang/ rnam mkhyen te
'bras bu chos sku dang drug tu 'dus pa'i phyir/ ! gsum pa bsdus
pa la dad pa la mngon rtogs gsum du dbye ba la gsum las/ dang po
ni/ bar ma la dga' ba'i sems can la phan

gdag par de ltar don bsdus pa drug gis sgo nas rnam par bshad
nas/ yang mdor bsdus pa la dga' ba'i sems can la phan gdags par
gzhan du rnam par bshad pa/ zhes pas 'chad/ gnyis pa ni/ yul ni
rnam pa gsum po rgyu/ zhes sogs

kyis 'chad/ dang por rnam pa thams cad mkhyen pa nyid la sogs pa
thams cad mkhyen pa nyid gsum gyi ngo bo nyid ni 'jug pa'i yul
gyi rgyu yin no/ /zhes sogs kyis 'chad/ don ni/ mngon rtogs kyi
rim pa drug tu bsdus nas gsungs pa'i 'og tu don

gsum du bsdus nas bstan pa chos can/ dgos pa yod de/ don gyi
spros pa mdor bsdus pa la dga' ba'i gdul bya rjes su bzung ba'i
ched du yin pa'i phyir/ mngon rtogs rgyan gyi brjod bya chos
can/ khyod la gsum du dbye bar rung ste/ yul la 'jug pa

@63a @#/ /mkhyen gsum/ nyams len sbyor bzhi/ 'bras bu chos sku
rnams su yod pa'i phyir/ ! gsum pa brtsams pa mthar phyin pa'i
tshul la/ gzhung gzugs pa dang/ dge ba bsngo ba dang/ khengs
bskyungs pa dang/ rtogs pa'i dus kyi

khyad par bstan pa'o/ /dang po la/ kun gyi rgyan du gyur ba
dang/ dgos pa dang/ brtsam par dam bca' ba'i gzhung gzugs pa'o/
/dang po ni/ kho na re/ kun gyi rgyan du 'gyur bar ni/ /zhes
'chad pa mi 'thad de/ rgyan 'di la rgyas 'bring gi don tshang bar

snang yang bsdus pa'i don mtshang ste/ bsdus par sems bskyed nyer
gnyis dang gdams ngag drug gi mdo la sogs pa mi snang ba'i
phyir/ zhes zer na/ de'i lan/ don la khyad par med par rjes 'gro
dang/ ldog 'gro'i sgo nas bstan/ de la

zlos skyon spang pa dang gsum las/ dang po ni/ la la las don
gzhan las tshig /gzhan las rnam grangs ming gis te/ mkhas pa
rnams kyi yum kun la/ /don bsdus de tsam shes par bya/ /zhes pas
'chad/ don ni/ slob dpon seng ge bzang po chos

can; khyod kyis mngon rtogs rgyan yum gsum ga'i rgyan du bkrol
te/ khyod kyis yum rgyas 'bring bsdus gsum las bstan pa'i mngon
rtogs 'grel ba 'dir rgyan gyis brjod par bsgrubs pa'i phyir/
gnyis pa ni/ de lta ma yin thams cad kyis/ /

rim pa logs par bsdus ma yin/ /zhes pas 'chad/ don ni/ de lta ma
yin na/ yum bsdus pas mngon rtogs brgyad bstan pa min na yum
bsdus pa chos can/ khyod kyis yum rgyas 'bring gnyis las bstan
pa'i mngon rtogs kyi rim pa tshang bar

bstan pa ma yin par thal/ khyod kyis mngon rtogs brgyad brjod
byar ma bsdus pa'i phyir/ rtags khas/ gsum pa ni/ de la bsdus
sogs rab dbye bas/ /khyad par yod pa kho nar zad/ /ces pas
'chad/ don ni/ 'o na zlos par 'gyur ro zhe na/ yum rgyas

@63b 'bring bsdus gsum chos can/ brjod bya la khyad par med na
khyad par med mid gos par thal/ khyod gsum la don la rgyas bsdus
kyi khyad par med kyang don ston pa'i tshig rgyas bsdus kyi khyad
par yod pa'i phyir/ ! gnyis pa dgos pa ni/ 'phags

pa rnam par grol sde yi/ /mthu yis don mthong sgo nas ni/ /go
bar sla phyir tshig dang ni/ /ngag sogs sbyor ba ma byas par/
/zhes pas 'chad/ don ni/ kho na re/ bstan bcos mngon rtogs rgyan
yum kun gyi rgyan du grub kyang khyod kyis 'grel pa 'di la brten

nas de ltar rtogs mi nus te/ mdo sde gsum po 'dir ma sbyar ba'i
phyir na/ skyon med de/ 'phags pa grol sde'i 'grel ba la 'dris
par byas pa'i bstan bcos kyi don phyin ci ma log par mthong ba
la brten nas mdo'i tshig dang ngag dang don la sogs pas ming gi
rnam grangs dang bstan bcos sbyor ba ma byas par tshig nyung dus
byas pa'i phyir/ de ltar byas pa la dgos pa yod de/ gzhung don
go sla ba'i phyir/ ! gsum pa ni/ mkhan po yang dag rnam snang
mdzad/ /bla ma bzang la phyag 'tshal nas/ /

tshig le'ur byas pa'i 'grel gsal ba/ /'di ni seng ge bzang pos
byas/ /zhes pas 'chad/ don ni/ de ltar mkhas pas snang byas
shing/ /zhes 'chad na/ mkhas pa gang gi man ngag la brten nas
tshul ji ltar du 'chad ce na/ slob dpon seng ge bzang po chos

can; 'grel pa brtsam pa'i bya ba mthar phyin pa yin te/ mkhan po
yang dag rnam snang mdzad sogs mkhas pa snga ma'i man ngag la
brten nas bltos kyi don rtogs pa de nyid khyod kyis 'grel chung
'dir rgyas par bkral ba'i phyir/ ! gnyis pa dge ba bsngo

ba ni/ de bsdebs pa las byung ba yi/ /dge ba bdag gis gang thob
pa/ /de yis skye bo thams cad ni/ /bde gshegs shes rab thob par
shog /ces pas 'chad/ don ni/ slob dpon gyis 'grel pa de bsdebs
pa las byung ba'i dge ba gzhan don du bsngos

@64a @#/ /pa chos can/ dgos pa yod de/ de la brten nas dge ba mi
zad cing bla med byang chub kyi rgyur 'gyur pa'i phyir/ ! gsum
pa khengs bskyungs pa la/ nongs pa 'byung ba'i rgyu dang/ de la
bzod par gsol ba gnyis las/ dang po

ni; shes rab mi gsal bstan bcos kun/ /phyi rol gyur bdag gang na
zhig /'phags blo'i spyod yul bdag nyid che/ /bstan bcos don ni
gang na yin/ /zhes pas 'chad/ don na/ bdag gi ni/ /spyod yul min
yang/ zhes 'chad na yum don khyod kyi mngon sum

gyi spyod yul du ma gyur pa'i rgyu mtshan de gang de khyod kyi
mngon sum gyi spyod yul ma yin na/ de su'i mngon sum gyi spyod
yul yin zer na/ de'i rgyu mtshan yod de/ kho bo shes rab mi gsal
zhing bstan bcos kyi don kho bo'i mngon sum gyi yul las phyi rol
tu gyur

pa yin pa'i phyir dang/ mdo dang bstan bcos kyi don de bdag nyid
chen po 'phags pa rnams kyi mngon sum gyi spyod yul yin la/ kho
bo cag so so skye bo yin pa'i phyir ro/ ! /gnyis pa ni/ 'on
kyang spyod yul ma yin la/ /rang dang gzhan gyi don gyi

dor; /bdag gis 'bad bgyis nongs pa la/ /skye bo mkhas rnams bzod
par mdzod/ /ces pas 'chad/ ngag don ni/ bstan bcos kyi don mtha'
dag kho bo'i mngon sum gyi spyod yul ma yin pas 'grel pa byas pa
la nongs pa byung ba mkhas pa rnams

kyis bzod par mdzad rigs te/ de lta mi na yang rang gzhan la
phan gdags pa'i bsam pas 'grel pa byas pa yin pa'i phyir/ ! bzhi
pa ni/ kye ma gzhung lugs sna tshogs kyis/ /dub pa bdag gi ngal
bso'i gnas/ /shes rab pha rol phyin pa'i lugs/ /

ring mo zhig nas mthong ba yin/ /zhes pas 'chad/ don ni/ slob
dpon seng ge bzang po chos can/ 'grel ba rtsom rigs te/ gzhung
lugs sna tshogs la ngal ba du ma byas pas ngal bso'i gnas su gyur
pa sher phyin gyi don phyin ci ma log par rtogs pa'i mkhas

@64b pa yin pa'i phyir/ shes rab kyi pha rol tu phyin pa'i man
ngag gi bstan bcos mngon par rtogs pa'i rgyan ces bya ba'i 'grel
ba slob dpon seng ge bzang pos mdzad pa rdzogs so// ! //gsum pa
la/ 'di lo paN gang gis bsgyur ba

yin zhe na/ rgya gar gyi mkhan po bidya ka ra bra b+ha/ zhes pa
rig pa'i 'byung gnas 'od zer ram/ rig byed 'od zer dang/ bdag
cag gangs ri'i khrod pa rnams kyi mig gcig pu tshig don gnyis
ka'i zhu chen gyi lo tstsha ba ban b+he dpal brtsegs rak+Shi ta

zhes mtshan yongs su grags pa des rgya skad las bod skad du
bsgyur cing tshig don gnyis ka dag par zhus te/ 'chad nyan gyis
kyang gtan la phab pa'o/ /slad kyis te dus phyis kyi paNDi ta go
mi ni btsun pa'am dge bsnyen 'chi med la sogs pa

dang; lo tstsha ba ni bde bar gshegs pa'i thugs rje gcig tu bsdus
pa'i bdag nyid khams gsum chos kyi rgyal po chos rje rdog blo
ldan shes rab kyis kyang sngar ltar bsgyur te legs par gtan la
phab pa'o// //shes rab kyi pha rol tu

phyin pa'i man ngag gi bstan bcos mngon par rtogs pa'i rgyan
'grel pa dang bcas pa'i rgya cher bshad pa legs bshad gser gyi
phreng ba dang rnam bshad snying po'i rgyan ces bya ba gnyis kyi
dka' ba'i gnas gsal bar byed pa legs bshad skal

bzang klung dbang gi rol mtsho zhes bya ba yongs 'dzin dam pa
rnams kyi gsung 'gros ltar zin bris su byas pa 'dis kyang bstan
pa dang sems can la phan pa rgya chen po 'byung bar gyur cig /
//smras pa/ bslab pa'i 'bras bu'i

le'u'i mdo yi ni/ /shugs la 'phangs pa'i zhugs 'bras chos kyi
sku/ /mtshon par byed pa'i chos bzhi ches gsal bar/ /'chad byed
skabs kyi rtsa 'grel rnams kyi ni/ /rgya cher bshad pa rnam
bshad rnam gnyis kyi/ /dka' ba'i gnas rnams shin tu rtogs

@65a @#/ /dka' ba/ rje btsun dam pas legs par bshad pa rnams/
/yongs 'dzin dam pa'i gsung bzhin yi ger bkod/ /mdor na rab
'byor le'u nas bzung ste/ /bslab pa'i 'bras bu'i le'u'i bar dag
gi /mdo yi sbas don rgyan

gyis bkral ba yi/ /mngon rtogs rnam brgyad mtshon par byed pa'i
don/ /bcu phrag bdun po 'phros dang bcas pa yi/ /mtshan nyid
grangs nges go rim la sogs ba/ /rtsa 'grel don rnams rgya cher
bshad pa yi/ /rnam bshad rnam pa gnyis kyi dka'

ba'i gnas/ /dgongs pa ji bzhin rjes btsun bla ma yis/ /gzigs
shing gzhan la legs par 'doms pa yi/ /gsung gi bdud rtsi gang
gA'i chu rgyun ni/ /yongs 'dzin dam pa'i zhal gyi bum bzang
las/ /byung bzhin yi ger bkod pa'i dge ba 'dis/ /

rgyal ba'i bstan pa phyogs bcur rgyas pa dang/ /bstan 'dzin
skyes bu rnams kyi zhabs brtan cing/ /lus can kun la phan bde
'byung gyur cig /bdag kyang skye zhing skye bar rgyal ba yi/
/bstan la yid ches dad pas rab zhugs te/ /gcig tu thos

bsam sgom la brtson pa dang/ /las 'bras sems shing mang du thos
pa sogs/ /rnam par dkar ba'i bya ba ma lus pa/ /yar ngo'i zla
ltar rab tu rgyas gyur te/ /kun mkhyen rgyal ba'i go 'phang myur
thob nas/ /'gro rnams sa srid pa'i mtsho las sgrol bar

shog;; ! //bskal bzang 'di na byon dang byon 'gyur gyi/ /rnam
'dren ji snyed spangs rtogs kun mnyam yang/ /thog mar zhing dang
gdul bya 'dzin tshul las/ /cher 'phags pad dkar ltar bsngags zas
gtang sras/ /lta sgom spyod la 'jug

dang bgrod pa'i tshul/ /gzhan las cher 'phags ring lugs dri ma
med/ /nyi ltar gsal ba'i yul dang dus 'di na/ /mngon mtho'i dpal
gyis mdzes gang e ma mtshar/ /'di na bka' dang de yi dgongs
'grel la/ bshad sgrub thos bsam sgom ba'i bya

@65b ba dag /ci dgar sbyod pa'i tshul 'di bsam pa'i tshe/ /bde can
zhing la smon pa ci dgos snyam/ /de lta bas na thub pa'i gsung
rab dang/ /de yi dgongs 'grel 'phags bod mkhas pa'i gzhung/
/yang snying 'jam mgon rgyal ba'i lugs bzang ?

mchog; de 'dzin tshogs bcas srid mthar rgyas par smon/ /gzhung
chen po ti lnga yi rtsa ba dang/ /sher phyin man ngag 'grel pa
don gsal dang/ /mkhas dbang gnyal ston dpal 'byor lhun grub
dang/ /'jam dbyangs rnam sprul rje btsun chos kyi rgyan

de sras thu bo bde nyi dang bcas pa'i/ /legs gsung phul byung
dbu phar 'dul ba'i gzhung/ /'ga' zhig ljongs 'di ra sngon chad
par gyis dben/ /la la dus kyis bsgres pa'i skabs zhig na/ /chos
kun rab tu rnam 'byed shes rab kyi/ /sgron me

bteg te 'jig rten rmongs pa'i mun/ /bsal la mngon par spro ba'i
mkhas rnams kyi/ /spyan gyi gzigs mor dgyes pa skyed slad du/
/dus mtha'i dge sbyong byams par 'bod pa nas/ /rang gi nus tshod
'ga' zhig bar du bskrun/ /'di 'brel dge

kun 'bras bu dman nyung las/ /'das te 'bras mchog mi 'dzad gter
du shog /thub bstan spyi dang zhwa ser lugs bzang mchog /cha
tsam mi nyams srid mthar dar zhing rgyas/ /phyag na padmo yab
sras mchod yon bcas/ /bstan 'dzin dam pa'i sku cho mdzad

'phrin rgyas/ /zab rgyas lam bgrod bye su bzhugs pa yi/ /mkhas
grub bye ba'i bsti gnas chos kyi sder/ /legs bshad nyan 'tshol
'dus grwa yar zlar 'gran/ /tshang la ma nor chos tshul dar rgyas
shog /rnam dag thos bsam sgom pa'i ha ra'i ljon/ /mkhas btsun

bzang po'i yal 'dab rab rgyas rtser/ /'chad rtsod rtsom pa'i
'bras bus yongs dud nas/ /kun la skal bzang dga' ston rab 'gyed
shog /bshad sgrub 'khor los dbang bsgyur dpal ldan pas/ /'gro
kun bsdud cing dge ba'i lugs bzang dar/ /mi mthun 

@66a @#/ /bgegs kyi dpung tshogs nyer bcom ste/ /kun kyang chos
'byor bde dgas 'tsho bar shog /bdag dang bdag dang phan tshun
bzang ngan gyis/ /gang 'brel gang dag skyes dang skye ba ru/
/dam pas rjes bzung

dam pa mnyes byas nas/ /bde gshegs lam la bde blag gis 'jug shog
/gzungs spobs ting 'dzin shes rab phun sum tshogs/ /'dod chung
chog shes bag yod bzod brtson brtan/ /tshul min dman pa'i bsam
sbyor las ldog ste/ /

gcig tu thos bsam sgom la 'jug par shog /'byor rgud bde sdug
sogs kyis yid mi 'khrugs/ /gces dang mtshan mar 'dzin pa'i nyes
dmigs sems/ /thabs shes zung 'brel rnal 'byor la brtson te/
/byang chen lam bzang

sgrub pa'i skal ldan shog /lhan cig mthun par spyod pa'i grogs
rnams kyang/ /bshad sgrub gnyis kyi sgo nas rgyal ba'i bstan/
/'dzin skyongs spel la 'gal rkyen kun zhi zhing/ /mthun rkyen
kun tshang yid smon lhun 'grub shog /mu

med zhing khams gang du skyes sam gnas/ /de tshe 'gro la gcig tu
sman pa'i rgyu/ /rgyal ba'i dgongs pa ji bzhin bstan pa'i gnad/
/dri ma med par ring du gsal byed shog /shin tu bya dka'i don
gnyis gang la yang/ /nam yang mi zhum snying

stobs cher bskyed nas/ /rab dkar sems kyi gang dang gang gi don/
/ji ltar brtsams pa ma lus mthar phyin shog /bla ma rgyal ba
sras dang bcas rnams kyi/ /bzhed pa ji bzhin sgrub la spro nus
ldan/ /rnam dag tshogs gnyis spyod pa phra mo yang/ /

yid can kun gyi khams dang mnyam par shog /dus gsum dge ba'i
dngos po ma lus pa/ /rgyal kun dgyes pa'i tshogs las mi 'da' bar/
/don gnyis lhun gyi 'grub pa'i 'bras bu mchog /myur thob 'gro
'dren chen por bdag gyur shog /

@66b rgyal dang de sras slob mar bcas pa rnams/ /bdag gi smon pa
'grub pa'i dpad mdzod la/ /mi slu bden pa'i byin rlabs dpung
bskyed de/ /re ba'i 'bras bu rab tu rgyas par mdzod// //oM swa
sti/ zab dang rgya che'i chos tshul

rgya mtsho'i dbyangs/ /skal bzang yid kyi ngal bsor rtag 'phrol
bas/ /rgyal dka' srid pa'i gdung ba kun gzhil ba'i/ /mtshan snyan
khor yug ri bo'i pha mthar 'grims/ /gang des pha rol phyin
gzhung zab mo yi/ /zab brling tshig 'bru

bzang po'i don rnams kun/ /blo gsal blo yi me long dwangs ba'i
ngos/ /ma 'dres gsal bar ston pa'i legs bshad rnams/ /dpar du
bskrun pa'i rab dkar dge tshogs kyis/ /sa gsum lus can kun gyi
phan bde'i dpyid/ /thub

bstan spyi dang blo bzang rgyal ba'i bstan/ /nam yang mi nub
ring du rgyas gyur cig /bstan 'dzin dge 'dun gur kum gzhon nu'i
tshal/ /rab rgyas bslab pa gsum gyi ze'i 'bru'i dpal/ /ches cher
dar ba'i ngo mtshar dri bsung

gis; /'jig rten kun dga'i dga' ston 'dzin gyur cig /rgyu sbyor
gyis mtshon mkha' mnyam 'gro ba kun/ /tshe rabs phreng bar mi pham
chos rje sogs/ /theg mchog dge ba'i bshes kyis rjes bzung nas/
/lam 'bras sher phyin rtog pa/

mthar son shog /ces pa 'di yang 'jam dbyangs rnam 'phrul rigs
pa'i dbang phyug rje btsun chos kyi rgyal mtshan dpal bzang po'i
gsung shes rab kyi pha rol tu phyin pa'i man ngag gi bstan bcos
mngon par rtogs pa'i rgyan 'grel pa

dang bcas pa rgya cher bshad pa'i legs bshad gser gyi phreng ba
dang rnam bshad snying po rgyan gnyis kyi dka' gnad gsal bar
byed pa legs bshad skal bzang klu dbang gi rol mtsho skabs dang
po'i nang tshan rigs kyi spyi don/ sbyor lam spyi

@67a @#/ /don/ go sgrub man chad spyi don/ dge 'dun nyi shu/
drang nges/ rten 'brel spyi don/ skabs gnyis pa'i spyi don/
skabs gsum pa/ lnga pa le'u tshan gnyis/ drug pa/ bdun pa/ brgyad
pa le'u tshan gnyis kyi spyi don

'di rnams blo gsal don gnyer can rnams la sman slad gzhung brgya
smra ba ser byes ldan ma dge bshes ngag dbang legs ldan nas dpar
du bskrun pa'i dge bsngo'i smon tshig tu yongs 'dzin khri byang
sprul ming pas smon pa'o// //

gong gsal zhabs 'debs khong tshe 'das pha phun tshogs nas sgor
gcig brgya dang/ byang rtse mkhan rin po che nas sgor nyer lnga/
lho dge bshes blo bzang nas sgor lnga bcu/ rtre dkar mdzes dbang
drag nas sgor lnga bcu bcas byung ba dpar yon khong gnad smin

bgyi yod/ srba mang ga laM//