@#/ /bstan bcos mngon par rtogs pa'i rgyan 'grel pa dang bcas
pa'i rnam bshad rnam pa gnyis kyi dka' ba'i gnad gsal bar byed
pa legs bshad skal bzang klu dbang gi rol mtsho zhes bya ba las
skabs lnga pa'i spyi don bzhugs so/ /

@01a @##/ /gnyis pa dbang du bya ba'i 'bras bu rtse sbyor gyi yan
lag rgyas par bshad pa la/ 'brel brjod pas mtshams sbyar/ rtse
sbyor mtshon byed kyi chos rgyas par bshad/ skabs bsdu ba'o/
/dang po ni/ lus

rnam gzhag tu/ rnam kun mngon rdzogs rtogs pa dang/ /rtse mor
phyin dang/ zhes 'chad na/ rnam rdzogs sbyor ba'i 'og tu rtse
sbyor 'chad pa'i rgyu mtshan gang zhe na/ de'i rgyu mtshan yod de/
mkhyen gsum gyi rnam pa la dbang thob don du

sgom pa'i rnam rdzogs sbyor ba las/ mkhyen gsum gyi rnam pa la
dbang thob pa'i rtse mo'i sbyor ba 'byung ba'i rgyu mtshan gyis
de ltar bshad pa'i phyir/ zhes 'chad pa la/ rnam pa thams cad
mngon par rdzogs par rtogs pa

thob pa la rab kyi mthar phyin pa'i rtogs pa 'byung bas/ go sla
ba'i phyir rtags la sogs pa bsnyad pa sngon du 'gro ba'i rtse
mo'i mngon par rtogs pa/ zhes gsungs/ rtse sbyor rtags kyi sgo
nas gsungs pa chos can/ dgos pa

yod de/ go sla bar bya ba'i ched yin pa'i phyir/ kho na re/ rnam
rdzogs sbyor ba de rtse sbyor gyi rgyu yin par thal/ sbyor ba
'thad pa'i phyir/ 'dod mi nus te/ rtse sbyor rnam rdzogs sbyor
ba'i bye brag yin pa'i phyir te/ mthar gyis sbyor ba de

rnam rdzogs sbyor ba'i bye brag yin pa'i phyir na ma khyab ste/
rnam rdzogs sbyor ba dang rtse sbyor gnyis rgyu 'bras yin par
thal/ de gnyis kyi rim pa de rgyu 'bras don gyi rims pa yin pa'i
phyir te/ rnam bshad las/ dbang du bya ba rgyu 'bras

@02a @#/ /bshad; /ces dang/ gser phreng las/ rnam kun dang rtse
sbyor rgyu 'bras yin la/ zhes gsungs pa'i phyir/ kho na re/ lam
shes dang/ rnam mkhyen rgyu 'bras yin par thal/ rnam rdzogs
sbyor ba dang rtse sbyor rgyu 'bras

yin pa'i phyir/ 'dod na/ lam shes rnam mkhyen gyi nyer len du
thal/ de'i rgyu yin pa'i phyir/ 'dod na/ de chos can/ sems can
gyi rgyud kyi shes pa yin par thal/ rnam mkhyen gyi nyer len du
gyur pa'i shes pa yin pa'i phyir/ gzhan yang/

rnam rdzogs sbyor ba de rtse sbyor skad cig dang po'i rgyu yin
par thal/ de rtse sbyor gyi rgyu yin pa'i phyir/ 'dod na/ de'i
nyer len du gyur pa'i shes pa yin par thal/ 'dod pa'i phyir/
'dod na/ de chos can/ byang sems tshogs lam pa'i

rgyud kyi shes pa yin par thal/ 'dod pa'i phyir/ zhes zer/ kha
cig /rnam bshad las sbyor ba dang po gnyis kyang skye ba'i rim
pa dang/ phyi ma gnyis kyang skye ba'i rim pa yin no/ /sbyor ba
dang po dang gsum pa yang skye ba'i rim pa dang/

mkhyen gsum dang sbyor bzhi bshad pa'i rim pa'o/ /zhes gsungs
pa'i don du bsam nas rnam rdzogs sbyor ba dang mthar gyis sbyor
ba gnyis kyi rim pa skye ba'i rim pa yin zer ba mi 'thad de/
rnam rdzogs sbyor ba thob na mthar

gyis sbyor ba thob pas khyab pa'i phyir/ des na de'i don skabs
kyi bstan bya'i gtso bo la sbyor ba yin no/ /kha cig /mkhyen
gsum bsdus sgom rab tu gyur pa'i sems dpa'i rnal 'byor/ rtse
sbyor gyi mtshan nyid zer na/ theg chen gyi

@02b tshogs lam chen po chos can/ mtshon bya der thal/ mtshan nyid
de'i phyir/ mkhyen gsum bsdus sgom theg chen gyi tshogs lam chung
'bring gnyis las rab tu gyur pa'i sems dpa'i rnal 'byor yin pa'i
phyir te/ chos can de'i

phyir; kha cig /stong nyid rtogs pa'i sgom byung gi shes rab
kyis zin pa'i mkhyen gsum bsdus sgom theg chen gyi tshogs lam las
rab tu gyur pa'i sems dpa'i rnal 'byor/ de'i mtshan nyid zer na/
theg chen gyi mthong lam

sdul bsngal chos bzod chos can/ mtshan nyid der thal/ mtshon bya
de'i phyir/ 'dod na/ de chos can/ mkhyen gsum gyi rnam pa sgom
pa'i sems dpa'i rnal 'byor du thal lo/ /kha cig /des zin pa'i
sems dpa'i rnal 'byor/ de'i

mtshan nyid zer na/ stong nyid mngon sum du rtogs pa'i theg chen
gyi tshogs lam chos can/ mtshon bya der thal/ mtshan nyid de'i
phyir/ kha cig /theg chen gyi sbyor lam gyi rtogs pa thob pa'i
sgo nas rnam pa brgya bdun cu rtsa gsum la sgom

pa rab tu gyur pa'i sems dpa'i rnal 'byor/ de'i mtshan nyid zer
na/ theg chen gyi mthong lam bar chad med lam chos can/ mtshan
nyid der thal/ mtshon bya de'i phyir// ! //des na rang lugs la/
rtse sbyor gyi rten bshad pa dang/

brten pa rtse sbyor gyi rang bzhin bshad pa gnyis las/ dang po
la/ lus rten dang/ sems rten gnyis las/ dang po ni/ sbyor lam
rtse sbyor ni gling gsum gyi mi dang 'dod lha'i rten la gsar du
skye ba yod de/ theg chen gyi sbyor lam la

de'i phyir/ mthong lam rtse sbyor yang de dang 'dra ste/ theg
chen gyi mthong lam la de'i phyir/ sgom lam rtse sbyor yang de
dang 'dra ste/ theg chen gyi sgom lam la de'i phyir/ bar chad
med pa'i rtse sbyor dngos su gsar du skye ba'i lus rten can

@03a @#/ /gyi gang zag yin na/ gzugs kyi rten can yin dgos te/
byang sems rgyun mtha' pa yin na de yin dgos pa'i phyir/ gnyis
pa ni/ sbyor lam rtse sbyor dang/ mthong lam rtse sbyor gnyis
bsam gtan gyi dngos gzhi'i

sems la brten nas skye la/ sgom lam rtse sbyor dang bar chad med
pa'i rtse sbyor gnyis dngos su gsar du skye pa'i sems rten du
gyur pa'i khams gsum sa dgu ka yod do/ /gnyis pa la mtshan nyid/
dbye ba/ sa mtshams dang gsum las/

dang po ni/ theg chen gyi sbyor lam drod kyi rtogs pa thob pa'i
sgo nas mkhyen gsum bsdus sgom rab tu gyur pa'i shes rab kyis
zin pa'i sems dpa'i rnal 'byor/ rtse sbyor gyi mtshan nyid/ gnyis
pa la sbyor lam rtse sbyor sogs bzhi yod/

yang de la sbyor ba'i lam/ bar chad med pa'i lam/ rnam par grol
pa'i lam/ khyad par gyi lam dang bzhir yod de/ mdzod las/ mdor
na lam ni rnam bzhi ste/ khyad par can dang rnam grol dang/ /bar
chad med dang sbyor zhes bya/ zhes dang/

de'i 'grel par sbyor ba'i lam ni gang gi mjug thogs su bar chad
med pa'i lam skye ba'o/ /bar chad med pa'i lam ni gang gis sgrib
pa rab tu spong bar 'gyur ba'o/ /rnam par grol ba'i lam ni/ des
spang bar bya ba'i sgrib pa las nges par

grol ba dang dang po nyid nas skyes pa yin no/ /khyad par gyi
lam ni de dag las gzhan pa'i lam gang yin pa'o/ /zhes dang/ kun
btus las/ sbyor ba'i lam gang zhe na gang gis nyon mongs pa
spong ba'o/ /bar chad med pa'i lam gang zhe na/

gang gis 'og tu bar chad med par nyon mongs pa spong bar 'gyur
ba'o/ /rnam par grol ba'i lam gang zhe na/ gang gis nyon mongs
pa spangs nas rnam par grol ba mngon du byed pa'o/ /khyad par
gyi lam gang zhe na nyon mongs pa'i rnam pa de

@03b dag las gzhan pa la sbyor ba dang/ bar chad med pa dang
rnam par grol ba'i lam ni khyad par gyi lam mo/ /zhes gsungs
pa'i phyir/ de yang mthong lam rtse sbyor lta bu la mtshon na
byang sems kyi sbyor lam bzhi/ byang sems kyi mthong lam bzod pa
brgyad/ de'i shes

pa brgyad/ sa gnyis pa'i ye shes rnams rim pa bzhin du de'i lam
rnam pa bzhir 'jog go /kha cig /mtshan nyid gcig la bkar na/ sa
gsum ba'i bar chad med pa'i lam rnam pa bzhi ka yin te/ de sa
bzhi pa'i sbyor ba nyer bsngogs kyi lam dang/ sa gsum pa'i

'jug pa bar chad med lam/ sa gnyis pa la ltos te rnam grol lam/
sa dang po la ltos te khyad par gyi lam yin pa'i phyir/ zhes
zer/ des na rang gi nyer len byas pa las byung ba'i ye shes de
nyid thob byed kyi thabs kyi gtso bo gang zhig /rang gi ngos
skal gyi

spang byar gyur pa'i sgrib pa'i spong gnyen du dmigs pa/ sbyor
ba'i lam gyi mtshan nyid/ rang gi ngos skal gyi spang byar gyur
pa'i sgrib pa'i sa pon dngos su 'joms byed kyi zag med ye shes
su dmigs pa/ bar chad med pa'i lam gyi mtshan nyid/ rang gi dngos

kyi nyer len du gyur pa'i bar chad med lam gyi ngos skal gyi
sgrib pa las grol ba'i zag med ye shes su dmigs pa/ rnam par
grol ba'i lam gyi mtshan nyid/ rang gi nyer len du gyur pa'i rnam
grol lam de nyid yon tan sngar las khyad par du byed pa'i zag
med ye

shes su dmigs pa/ khyad par gyi lam gyi mtshan nyid/ gsum pa ni/
theg chen gyi sbyor lam drod nas rgyun mtha'i bar du yod do// !
//gnyis pa la/ sbyor lam/ mthong lam/ sgom lam/ bar chad med
pa'i rtse sbyor dang bzhi las/ dang po la/ so so'i ngo bo dang/
don bsdu ba'o//

dang po la drod/ rtse mo bzod pa/ chos mchog gi rtse sbyor dang
bzhi las/ dang po la/ mdo dang bstan bcos gnyis las/ dang po ni/
thabs mkhas su phyir mi ldog par gsungs pa'i phyir mi ldog pa'i
rtags bstan par bzhed nas/ de nas bcom ldan 'das kyis

@04a @#/ /tshe dang ldan pa rab 'byor la 'di skad ces bka' stsal
to/ /rab 'byor gal te byang chen rmi lam na yang/ zhes sogs
gsungs/ gnyis pa la rtsa 'grel gnyis las/ dang po ni/ mdo de'i
don 'chad pa la/ rmi lam na yang chos rnams kun//

zhes gsungs/ gnyis pa ni/ de nyid tshig don gyi sgo nas 'chad pa
la/ shin tu goms pa'i phyir/ zhes sogs gsungs/ de yang drod kyi
rtse sbyor thob pa'i rtags bcu gnyis yod pa'i dang po bzhi ston
pa la/ rab 'byor gal te byang chen rmi lam na yang chos thams

cad rmi lam dang 'dra ba nyid du lta la/ chos thams cad sgra
brnyan dang 'dra ba dang/ mig yor dang 'dra ba dang/ sprul pa
dang 'dra ba dang/ dri za'i grong khyer dang 'dra bar lta yang
mngon du mi byed na rab 'byor 'di ni phyir mi ldog pa'i byang
chen gyi phyir mi ldog pa'i mtshan nyid du rig par bya'o//

zhes dang/ rab 'byor gzhan yang byang chen rmi lam na yang nyan
thos kyi sa'am/ rang sangs rgyas kyi sa'am/ khams gsum la 'dod
pa'i sems mi bskyed legs pa'i sems mi bskyed na rab 'byor 'di
ni/ zhes sogs dang/ rab 'byor gzhan yang byang chen

rmi lam na yang de bzhin gshegs pa dgra bcom pa yang dag par
rdzogs pa'i sangs rgyas zham 'bring brgya phrag du ma dang/ zhes
sogs dang/ rab 'byor gzhan yang byang chen rmi lam na yang de
bzhin gshegs pa dgra bcom pa yang dag par rdzogs pa'i

sangs rgyas nam mkha' la yar 'phags shing dge slong gi dge 'dun
la tshes ston pa dang/ zhes sogs gsungs/ de'i don 'chad pa la/
shin tu goms pa'i phyir/ rmi lam gyi gnas skabs na yang chos
thams cad rmi lam dang 'dra ba la sogs par lta ba dang/

nyan thos la sogs pa'i sa la dga' ba'i sems mi bskyed pa dang/
de bzhin gshegs pa la sogs pa mthong ba dang/ sangs rgyas kyi
rdzu 'phrul gyi rnam par 'phrul pa dmigs pa dang/ zhes gsungs/
de'i 'og ma bzhi ston pa la/ rab 'byor gzhan yang gal

@04b te byang chen rmi lam na yang grong 'khyer bcom pa'am ma me
shor ba'am/ gcan gzan khro bo mthong ba'am/ zhes sogs dang/ rab
'byor gzhan yang phyir mi ldog pa'i byang chen bla med rdzogs
byang du mngon par sangs rgyas nas de'i sangs rgyas pa'i zhing
na ngan song gsum

po thams cad du thams cad rnam pa thams cad du rnam pa thams cad
med par 'gyur ba ji ltar rig par bya zhe na/ gal te byang chen
rmi lam du yang sems can dmyal ba'i sems can mthong ba'am/ zhes
sogs dang/ rab 'byor gzhan yang gal te byang chen rmi

lam mam sad pa'i tshe grong khyer tshig par gyur pa na/ bdag gnyid
log par gyur pa'am sad pa'i rnam pa gang dag dang/ zhes sogs
dang/ rab 'byor gzhan yang rnam pa gang dag dang rtags gang dag
dang mtshan ma gang dag gis phyir mi ldog pa'i byang chen du rig

par bya'o/ /rnam pa de dag dang rtags de dag dang mtshan ma de
dag bstan par bya'o/ /rab 'byor gal te bud med dam skyes pa la
la zhig mi ma yin pas byin gyis brlabs na de la byang chen 'di
snyam du/ zhes sogs gsungs/ de'i don 'chad pa la/ dam pa'i chos

ston pa'i sems skye ba dang/ dmyal ba la sogs pa'i sems can
mthong ba sngon du 'gro ba rang gi sangs rgyas kyi zhing du ngan
song spong ba rjes su dran pa dang grong khyer la sogs pa tshig
pa rab tu zhi bar byed pa'i bden pa'i byin brlabs grub pa dang/
gnod

sbyin la sogs pa mi ma yin pa med par byed pa'i bden pa'i tshig
grub pa dang/ zhes gsungs/ tha ma bzhi ston pa la byang chen
rnam mkhyen nyid kyang yongs su ma btang la bla med rdzogs byang
yang yongs su ma btang na byang chen bsam pa thag pa ni/ zhes
sogs

dang ! rab 'byor de bas na byang chen gzhan gyi dring mi 'jog
par 'dod pa dang gzhan gyi dring mi 'jog pa la gnas par 'dod pa
dang/ zhes sogs dang/ rab 'byor gyis gsol pa/ bcom ldan 'das
sher phyin gyi mtshan nyid ji lta bu lags/ bcom ldan

@05a @#/ /'das kyis bka' stsal pa/ rab 'byor nam mkha' ltar chags
pa med pa'i mtshan nyid ni sher phyin no/ /zhes sogs dang/ gsol
pa bcom ldan 'das byang chen de ltar spyod pa ni gzugs la mi
spyod ces pa nas rnam mkhyen du nye bar

gyur pa lags so/ /zhes gsungs/ de'i don 'chad pa la/ rang nyid
mngon par shes pas pha rol gnon pa'i dge ba'i bshes gnyen bsten
pa dang/ rnam pa thams cad du shes rab kyi pha rol tu phyin pa
la slob pa dang/ chos thams cad la mngon par zhen pa med

pa dang/ sangs rgyas kyi byang chub la nye bar gyur pa zhes bya
ba rnam pa bcu gnyis ni rtse mo'i mngon par rtogs pa thob pa'i
gnas skabs kyi khyad par gyi rtags yin no/ /zhes gsungs/ gzhung
don ni/ rtse sbyor thob pa'i rtags bcu gnyis mdo las gsungs pa
yin te/

rmi lam na yang chos thams cad rmi lam lta bur zhi lhag zung
'brel gyi lta ba sogs rtags bcu gnyis mdo las gsungs pa'i phyir/
rtse sbyor thob pa'i rtags bcu gnyis po gang rung thob pa'i theg
chen gyi nges 'byed cha mthun dang po de/ drod kyi rtse sbyor
gyi mtshan

nyid ! rtse sbyor thob pa'i rtags de la bcu gnyis su yod de/ rmi
lam na yang chos thams cad rmi lam lta bu sogs su lta ba'i rtags
dang/ nyan rang gis dang khams gsum la thob par 'dod pa'i dga'
ba mi skyed pa'i rtags dang/ de bzhin gshegs pa sogs

mthong ba'i rtags dang/ sangs rgyas kyi rdzu 'phrul gyi rnam par
'phrul pa sogs dmigs pa'i rtags dang/ rmi lam lta bu'i chos ston
pa'i sems skye ba'i rtags dang/ rang gi sangs rgyas gyi zhing na
ngan song spong ba rjes su dran pa'i rtags dang/ grong khyer la

sogs pa tshig pa rab tu zhi bar byed pa'i bden pa'i byin brlabs
grub pa'i rtags dang/ gnod sbyin sogs mi ma yin med par byed
pa'i bden pa'i tshig grub pa'i rtags dang/ rang gi mngon par shes
pas pha rol gnon pa'i dge ba'i bshes gnyen bsten pa'i rtags

@05b dang ! rnam pa thams cad du sher phyin la slob pa'i rtags
dang/ thams cad la mngon zhen med pa'i rtags dang/ sangs rgyas
kyi byang chub la nye bar 'gyur ba'i rtags rnams su yod pa'i
phyir/ rtags bcu gnyis po de'i dang po brgyad 'bras rtags dang
tha ma

bzhi rang bzhin gyi rtags su lo chen bzhed/ mdo las dang po drug
rmi lam dang bdun pa sad rmi gnyis gang rung dang sbyar nas lhag
ma rnams la de gnyis gang gi yang tha snyad ma mdzad/ budd+ha
shrIs dang po drug rmi lam dang/ bdun pa dang brgyad pa sad rmi
gnyis ka

dang ! tha ma bzhi sad pa'i rtags su bzhed/ des na 'bras rang gi
rtags ci rig par yod do/ /kha cig rtags bcu gnyis dang ldan pa'i
theg chen gyi nges 'byed cha mthun dang po de/ drod kyi rtse
sbyor gyi mtshan nyid zer/ de la kha cig /bsam gtan dang po pa'i
rgyu kyi theg

chen gyi sbyor lam drod kyi ye shes chos can/ mtshan nyid der
thal/ mtshon bya de'i phyir/ 'dod na/ bsam gtan po pa'i rgyud la
rmi lam yod par thal lo/ /'dod mi nus te/ de'i rgyud la gnyid
med pa'i phyir te/ mdzod las/ de las 'gyod gnyid mi dge rnams/
bsam

gtan dang po dag na med/ /ces gsungs pa'i phyir na ma khyab ste/
bsam gtan dang po pa'i rgyud la yul la shes pa rang dbang med
par sdud par byed pa'i nyon mongs can gyi gnyid med kyang lus
sems brtas par byed pa'i dge bar gyur pa'i gnyid yod pa'i

phyir te/ dper na sa dang po pa'i rgyud la gnyid snga ma med
kyang phyi ma yod pa bzhin no/ /de lta ma yin na drod la gnas
pa'i sems dpa' dbang rnon yin na/ rang rgyud la gnyid med pas
khyab pas sbyor ba phyir mi ldog pa'i rtags kyi skabs su/ byams
lus sogs dang

sgrib pa ni/ rnam pa lnga dang mi 'grogs dang/ /zhes drod nas
gnyid la sogs pa'i sgrib pa lnga dang mi 'grogs par bshad pa'i
phyir/ khyab ba 'grig go /rang lugs kyi skyon ni theg chen gyi
sbyor lam drod kyi ye shes skad cig dang po chos can/ mtshan nyid
der thal

@06a @#/ /mtshon bya de'i phyir/ 'dod na/ de chos can/ theg chen
gyi sbyor lam rjes thob ye shes thob par thal lo// ! //gnyis pa
la/ mdo dang bstan bcos gnyis las/ dang po ni/ rtags gsungs pa'i
'og tu bsod nams gang las 'phel

tshul; bcom ldan 'das kyis bka' stsal pa/ rab 'byor gal te 'dzam
bu'i gling gi sems can/ zhes sogs gsungs/ gnyis pa la gsum las
dang po ni/ lus rnam gzhag tu/ de yi rtags dang rnam 'phel dang/
/zhes 'chad na/ rtags kyi 'og tu rnam 'phel

'chad pa'i rgyu mtshan gang zhe na/ de'i rgyu mtshan yod de/ de
ltar rtags bcu gnyis kyis thob par mtshon pa'i rtse mo de'i bsod
nams rnam par 'phel ba du zhig yod ce na de'i lan bstan par bya
ba'i ched yin pa'i phyir/ zhes mtshams sbyor ba la/ de ltar rtags

kyis mtshon pa'i rnam par 'phel ba rnam pa du zhig yod ce na rnam
par 'phel ba/ zhes gsungs/ gnyis pa ni/ mdo de'i don 'chad pa
la/ 'dzam bu'i gling gi skye bo snyed/ /ces sogs gsungs/ gsum pa
ni/ de nyid tshig don gyi sgo nas 'chad pa la/ 'dzam bu'i

gling la sogs/ zhes sogs gsungs/ 'di la phyi gtso bor gyur pa'i
bsod nams rnam par 'phel ba brgyad dang/ nang gtso bor gyur pa'i
bsod nams rnam par 'phel ba brgyad las/ dang po de ston pa la/
rab 'byor gal te 'dzam bu'i gling gi sems can

ji snyed pa de dag thams cad snga phyi med par mi'i lus thob par
gyur te bla med rdzogs byang du mngon par sangs rgyas par gyur
la de dag nam 'tsho'i bar du bzhugs pa la rigs kyi bu'am rigs kyi
bu mo la la zhig gis rim gror byas/ bkur stir byas/ bsti

stang du byas/ mchod par bya ste/ de dag de yang bla med rdzogs
byang du yongs su bsngos na rab 'byor de ci snyam du sems/ rigs
kyi bu'am rigs kyi bu mo de'i rgyud la bsod nams mang du 'phel
lam/ gsol pa mdo las bcom ldan 'das mang ngo/ /bde bar gshegs

@06b pa mang ngo/ /bcom ldan 'das kyis bka' stsal pa/ rab 'byor
de bas kyang rigs kyi bu 'am rigs kyi bu mo gang sher phyin 'di
gzhan la ston pa dang nas/ sher phyin dang ldan pa'i yid la byed
pas rnam par dpyod na de'i bsod nams ches mang du 'phel lo/
/zhes

sogs dang/ de'i sher phyin dang ldan pa'i gtam brjod nas sher
phyin dang ldan pa'i yid la byed pa'i yid la bya ste/ zhes sogs
dang/ gsol pa bcom ldan 'das gal te sher phyin rang bzhin gyis
stong zhing rang bzhin gyis dben pa lags na/ bcom ldan 'das

ji ltar byang chen sher phyin yang dag par sgrub pa'i bla med
rdzogs byang du mngon par 'tshang rgya bar 'gyur ba lags/ zhes
sogs dang/ rab 'byor gyis gsol pa/ bcom ldan 'das ci lags chos
thams cad mi skye ba'i slad du byang chen bla med rdzogs byang
du lung

bstan par 'gyur ram/ bcom ldan 'das kyis bka' stsal pa/ rab
'byor de ni ma yin no/ /zhes sogs dang/ de nas lha'i dbang pos
bcom ldan 'das la 'di skad ces gsol to/ /bcom ldan 'das sher
phyin shin tu dben pa'i slad du zab pa'o/ /blta

dka' ba'o/ /zhes sogs dang/ de ltar slob pa'i byang chen gyi
drung du rgyal po chen po bzhi dag kyang 'gro bar sems te/ zhes
sogs dang/ de nas tshe dang ldan pa kun dga' bo 'di snyam du sems
par gyur te/ lha'i dbang po brgya byin 'di rang gi spobs pas

sher phyin zab mo 'di'i yon tan dang legs pa brjod dam/ 'on te/
sangs rgyas kyi mthus ston snyam pa dang/ de nas bcom ldan 'das
kyis tshe dang ldan pa kun dga' bo la 'di skad ces bka' stsal to/
/zhes sogs dang/ kun dga' bos gsol pa/ bcom

ldan 'das ji ltar byang chen byang chub sems dpa'i theg pa pa
dag dang gnas par bgyi/ zhes sogs gsungs/ de'i don 'chad pa la/
'dzam bu'i gling la sogs pa stong gsum gyi 'jig rten gyi khams
kyi sems can ji snyed kyis de bzhin gshegs pa la

@07a @#/ /mchod pa pas lhag pa dang/ khyad par du sher phyin yid
la byed pa dang/ mi skye ba'i chos la bzod pa thob pa dang byang
chub par bya ba dang byang chub bar byed pa'i chos rnams mi
dmigs pa dang/ dge ba bcu la sogs pa dang/

gzugs med pa'i snyoms par 'jug pa thob pa las khyad par du
'phags pa dang/ lha'i ris thams cad nye bar 'ong ba dang/ bdud
thams cad zil gyis gnon pa dang/ ston pa dang 'dra bar skye bo
la mtshungs par gnas pa zhes bya ba bsod nams rnam pa

brgyad dang/ zhes gsungs so// ! //phyi ma brgyad ston pa la/
gsol pa bcom ldan 'das ci lags/ byang chen gzugs pas par bgyi
ba'i slad du slob na rnam mkhyen du slob pa lags sam/ zhes sogs
dang/ rab 'byor 'di lta ste dper na sa chen po'i

phyogs gang na 'dzam bu'i chu klung gi gser gyis le sbram 'byung
ba de lta bu ni nyung ngo/ /rab 'byor de bzhin du 'di lta ste
sher phyin gyi bslab pa 'di la slob pa'i sems can de lta bu yang
nyung ste/ sems can nyan thos kyi sa'am/ rang sangs rgyas kyi sa
la gnas par

gyur pa de lta bu ni de bas ches mang ngo/ /zhes dang/ rab 'byor
'di lta ste/ dper na sems can gang 'khor los bsgyur ba'i rgyal
por 'gyur ba'i las yang dag par blangs te gnas pa de lta bu ni
nyung ste/ zhes sogs dang/ rab 'byor gzhan yang byang chen sher

phyin la spyod pa'i tshe ser sna dang ldan pa'i sems mi skye'o/
/zhes sogs dang/ gzugs dang ldan pa'i sems mi skye'o/ /tshor ba
dang zhes sogs dang/ rab 'byor 'di lta ste/ dper na 'jig tshogs
su lta ba'i nang du lta ba'i rnam pa drug cu rtsa gnyis po thams
cad

'dus pa yin te/ rab 'byor de bzhin du sher phyin zab mo 'dir
phar phyin thams cad 'dus so/ /zhes sogs dang/ rab 'byor sher
phyin zab mo 'di la slob pa'i byang chen ni sems can thams cad
kyi mchog tu 'gyur ba la slob pa yin no/ /zhes sogs dang/ gal te
yang

@07b 'di snyam du/ 'di ni sher phyin no/ /sher phyin 'di'o/
/sher phyin 'dis rnam mkhyen nyid bsgrub par bya'o snyam te/
zhes sogs gsungs/ /de'i don 'chad pa la/ yang rnam pa thams cad
du thabs la mkhas pa'i bslab pa yongs su dag pa dang/ sangs
rgyas kyi rigs can

du 'gyur ba dang/ 'bras bu sangs rgyas nyid 'thob pa'i rgyu
mtshan dang/ pha rol tu phyin pa'i mi mthun pa'i phyogs kyi sems
mi skye ba dang/ gzugs la sogs pa dang ldan par rtogs pa'i sems
rab tu mi skye ba dang/ pha rol tu phyin pa kun bsdus pa shes pa
dang/ phun

sum tshogs pa thams cad thob ba dang/ yang dag par rdzogs pa'i
byang chub la nye bar gyur pa zhes bya ba bsod nams gzhan rnam
pa brgyad/ me tog la sogs pas sangs rgyas mchod pa'i dge ba la
sogs pa rnam pa mang po dper mdzad nas gong nas gong du khyad

bar du 'phags pa nyid kyis gnas skabs bcu drug gi ngo bo nyid ni
rnam par 'phel ba yin no/ /zhes gsungs/ gzhung don ni rtse mo'i
rtse sbyor la gnas pa'i sems dpa' chos can/ bsod nams rnam par
'phel ba bcu drug thob ste/ phyi gtso bor gyur ba'i bsod

nams rnam 'phel brgyad/ nang gtso bor gyur pa'i bsod nams rnam
'phel brgyad thob pa'i sems dpa' yin pa'i phyir/ stong gsum gyi
sems can gyi grangs dang mnyam pa'i sangs rgyas mchod pa las
lhag pa'i bsod nams rnam par 'phel ba bcu drug tshang ba'i

theg chen gyi nges 'byed cha mthun gnyis pa/ rtse mo'i rtse
sbyor gyi mtshan nyid/ phyi gtso bor gyur pa'i bsod nams rnam par
'phel ba de la brgyad du yod de/ stong gsum gyi sems can gyis
sangs rgyas mchod pa las lhag ba'i rnam par 'phel ba/ khyad par
du sher phyin yid

la byed pa'i rang bzhin gyi rnam par 'phel ba/ khyad par du
'phags pa'i mi skye ba'i chos la bzod pa thob pa'i rang bzhin
gyi rnam par 'phel ba/ byang chub par bya ba dang byang chub par
byed pa'i chos mi dmigs pa'i mtshan nyid rnam par 'phel ba/ khyad
par can gyi dge

@08a @#/ /rtsa dang ldan pa'i bdag nyid kyi rnam par 'phel ba/
lha'i ris thams cad du nye bar 'ong zhing mi'am lha'i ris thams
cad kyis srung ba'i rang bzhin gyi rnam par 'phel ba/ bdud thams
cad zil gyis gnon pa'i rang gi ngo bo rnam par 'phel ba/

ston pa dang skye bo la mtshungs bar gnas pa'i mtshan nyid kyi
rnam par 'phel ba rnams su yod pa'i phyir/ nang gtso bor gyur
pa'i bsod nams rnam par 'phel ba de la yang brgyad du yod de/
rnam pa thams cad du thabs mkhas pas bslab ba yongs su dag pa'i
rang gi

ngo bo rnam par 'phel ba/ sangs rgyas kyi rang bzhin du 'gyur
ba'i mtshan nyid rnam par 'phel ba/ 'bras bu sangs rgyas nyid
'thob pa'i rgyu mtshan gyi bdag nyid rnam par 'phel ba/ pha rol
tu phyin pa'i mi mthun phyogs kyi sems mi skye pa'i rang bzhin
gyi rnam par

'phel ba/ gzugs sogs dang ldan par rtogs pa'i sems mi skye ba'i
rang gi ngo bo rnam par 'phel ba/ pha rol tu phyin pa thams cad
bsdus pa shes pa'i mtshan nyid rnam par 'phel gphun sum tshogs pa
thams cad 'thob pa'i rang bzhin gyi rnam par 'phel ba/

yang dag par rdzogs byang la nye bar gyur pa'i rang bzhin gyi
rnam par 'phel ba rnams su yod pa'i phyir/ gsum pa la yang/ mdo
bstan bcos gnyis las/ dang po ni/ rnam 'phel gsungs pa dang/ de
nas lha'i dbang po brgya byin gyis 'di snyam du/ byang chen
sbyin

pa'i phar phyin dang/ tshul khrims kyi zhes pa nas zag pa med
pa'i chos rnams yongs su rdzogs par gyur cig /ces dang/ bcom
ldan 'das bdag ni gang zag byang chub sems dpa'i theg pa pa bla
med rdzogs byang du yang dag par zhugs pa slar ldog par

'gyur bar sems 'ga' tsam yang skye ba ma mchis so/ /zhes pa nas/
yongs su mya ngan las zlo bar 'gyur zhes rtogs te/ zhes gsungs/
gnyis pa la gsum las/ dang po ni/ lus rnam gzhag tu/ rnam 'phel
dang/ brtan dang/ zhes 'chad na/ rnam 'phel gyi 'og tu

@08b nges brtan gsungs pa'i rgyu mtshan gang zhe na/ de'i rgyu
mtshan yod de/ sngar bshad pa de ltar bsod nams rnam par 'phel
ba'i rtse mos rnam par spel ba'i rtogs pa la rang dbang du gyur
pa mthar phyin pa'i mtshan nyid rnams ni nges par brtan pa yin
pas de ltar bshad

pa'i phyir/ zhes mtshams sbyor ba la/ de ltar rnam par 'phel ba'i
rnam par spel ba'i rang dbang du gyur pa mthar phyin pa'i mtshan
nyid rnams ni nges par brtan pa yin pas nges par brtan pa/ zhes
gsungs/ gnyis pa ni/ mdo de'i don 'chad pa la/ kun mkhyen

nyid gsum/ zhes sogs gsungs/ gsum pa ni/ de nyid tshig don gyi
sgo nas 'chad pa la/ de ltar yang dag pa'i/ /zhes sogs gsungs/
'di la rang don rtogs pas bsdus pa kun mkhyen nyid gsum gyi chos
rnams kyi rtogs rigs yongs su rdzogs pa dang/ sems

can gyi don yongs su mi gtong ba'i nges brtan gnyis las/ dang po
ni/ mdo tshan dang pos bstan nas/ de'i don 'chad pa la/ kun
mkhyen nyid gsum chos rnams kyi/ /yongs su rdzogs pa bla med pa/
/zhes dang/ rnam pa thams cad mkhyen pa nyid la sogs pa ji skad
bshad

pa'i thams cad mkhyen pa nyid gsum gyi tshes sems bskyed pa la
sogs pa gong du smos pa rnams yongs su rdzogs pa bla na med pa
ni/ nges par brtan pa yin no/ /zhes gsungs/ gnyis pa ni/ mdo
tshan gnyis pas bstan nas/ de'i don 'chad pa la/ sems can don
yongs

mi gtong ba/ /zhes dang/ de ltar yang dag pa'i thabs la mkhas
pa'i stobs kyis rnam par mi rtog pa rtogs pa'i gnas skabs na
snying rje chen po mngon du byed pa'i ngo bos sems can gyi don
yongs su mi gtong ba'i mtshan nyid/ ces gsungs/ gzhung don ni/
theg chen gyi sbyor

lam bzod pa chos can/ brtan pa'i rtse sbyor yin te/ thabs shes
kyi rtogs pa brtan po thob pa'i theg chen gyi nges 'byed cha
mthun gsum pa yin pa'i phyir/ mkhyen gsum rjes mthun pa thob
pa'i theg chen gyi nges 'byed cha mthun gsum pa de/ bzod pa'i
rtse sbyor gyi mtshan nyid/

@09a @#/ /kho na re/ bzod pa la gnas pa'i sems dpa' des sangs
rgyas kyi spyan rjes mthun pa thob par thal/ des mkhyen gsum
rjes mthun pa thob pa'i phyir na ma khyab ste/ rnam bshad las/
mkhyen gsum gyi rtogs rigs rdzogs par thob pa tsam gyis dag sa

la sbyor ba ha cang thal la/ rtogs pa'i ngo bo rdzogs pa la byed
na de bas kyang mi 'thad de/ zhes gsungs pa'i don ni/ snga ma
kha cig /rtse sbyor gyi skabs nas bstan pa'i sbyor mthong sgom
gsum sa dgu pa'i ye shes chung 'bring chen po gsum la byed de/
de'i skabs kyi sbyor

lam de dag sa'i ye shes la byed rigs pa'i phyir/ kun mkhyen nyid
gsum chos rnams kyi/ /zhes de'i skabs kyi sbyor lam bzod pa des
mkhyen gsum gyi rtogs pa rdzogs par thob par bshad pa'i phyir
zer na/ 'o na mkhyen gsum gyi rtogs pa rdzogs pa'i don de gang

la byed/ mkhyen gsum gyi rtogs rigs rdzogs pa la byed dam/
mkhyen gsum gyi rtogs pa'i ngo bo rdzogs pa la byed/ dang po
ltar na/ de tsam gyis dag pas la sbyor ba mi 'thad de/ sa bdun
pa man chad du yang de rdzogs par thob pa yod pa'i phyir/ gnyis
pa ltar

na; sa dgu pa'i skabs su mkhyen gsum gyi rtogs pa rdzogs par
thob pa yod par thal/ rtse sbyor gyi skabs nas bstan pa'i sbyor
lam bzod pa de sa dgu pa'i ye shes gang zhig /des mkhyen gsum
gyi rtogs pa rdzogs par thob pa'i phyir dang/ de'i don mkhyen

gsum gyi rtogs pa'i ngo bo rdzogs pa la byed rigs pa'i phyir/
rtags khas/ kho na re/ dman lam sngon du ma song ba'i sa bdun pa
pas gzhi shes kyi rtogs rigs rdzogs bar thob par thal/ 'dod pa'i
phyir/ 'dod na/ des nyan rang gi rtogs rigs rdzogs par

thob par thal/ 'dod pa'i phyir zer na ma khyab bo// ! //bzhi pa
la yang mdo dang bstan bcos gnyis las/ dang po ni/ brtan pa phyi
ma las 'phros nas brgya byin gyis gsol pa/ bcom ldan 'das de
ltar theg pa la gsar du zhugs pa'i byang chen de dag gi

@09b sems bskyed par gyur pa de dag la rjes su yi rang bar bgyid
pa dang/ skye ba gcig gis thogs pa'i byang chen rnams kyi sems
bskyed pa de dag la rjes su yi rang bar bgyid na rigs kyi bu'am
rigs kyi bu mo de dag gi bsod nams ci zhig 'phel bar 'gyur/

bcom ldan 'das kyis bka' stsal pa/ ko'u shi ka gling chen po
bzhi pa'i 'jig rten gyi khams srang la gzhal ba'i tshad ni bzung
du yang srid kyang/ de dag gis rjes su yi rang ba dang ldan pa'i
bsod nams ni tshad med do/ /zhes pa nas ji ltar sems gzhan du mi
rgyu ba de ltar yongs

su bsngo bar bya'o/ /zhes pa'i bar gsungs/ gnyis pa la gsum las/
dang po ni/ lus rnam gzhag tu/ brtan dang sems kun gnas pa dang/
/zhes 'chad na/ nges brtan gyi 'og tu sems kun tu gnas pa'i rtse
sbyor 'chad pa'i rgyu mtshan gang zhe na/ de'i rgyu mtshan yod de/

de ltar nges par brtan par byed pa'i bzod pa'i nges par bstan
par 'gyur ba'am byas pa'i mtshan nyid can ni sems kun tu gnas
pa'i rtse sbyor yin pas na de ltar bshad pa'i phyir/ zhes mtshams
sbyor ba la/ de ltar nges par brtan par byed pas nges par brtan

par 'gyur ba'i mtshan nyid ni sems kun tu gnas pa yin pas sems
kun tu gnas pa/ zhes gsungs/ gnyis pa ni/ mdo de'i don 'chad pa
la/ gling bzhi pa dang stong dag dang/ /zhes sogs gsungs/ gsum
pa ni/ de nyid tshig don gyi sgo nas bshad pa la/ tshad srid

pa ni srang tshad kyis gzhal bar nus so/ /zhes bya ba'i tshul gyis
gling bzhi pa la sogs pa stong gsum pa'i 'jig rten gyi khams
rnams kyis pha rol tu phyin pa la sogs pa thams cad kyi ngo bo
nyid ting nge 'dzin gyi bsod nams dang ye shes kyi so sor dper
mdzad nas de dag las

khyad par du 'phags shing tshad las 'das pa'i bsod nams mang po
nyid kyis ting nge 'dzin gyi mtshan nyid brjod pa ni sems kun tu
gnas pa yin no/ /zhes gsungs/ gzhung don ni/ mdo las/ chos mchog
gi rtse sbyor dngos su bstan pa yin te/ mdo las de bsod nams
mang pos

@10a @#/ /mtshon te bstan pa'i phyir te/ dngos su sems dang po
bskyed pa/ spyod pa la zhugs pa/ phyir mi ldog pa/ skye ba gcig
gis thogs pa'i dge ba'i rtsa ba la rjes su yi rangs pa'i bsod
nams/ gling bzhi dang/ stong dang po dang/ stong bar pa dang/
stong gsum

gyi stong chen po'i 'jig rten gyi khasm kyi sa'i dkyil 'khor
srang la gzhal ba dang/ chu thig skra'i rtse mos blangs pa'i
grangs bzung bar nus pa dper mdzad nas de dag las ches khyad par
'phags par bstan pas mtshon nas bstan pa'i phyir te/ mdo sdud pa
las/ mi

ldog byang chub mchog la rab tu zhugs pa yi/ /sems bskyed pa la
bsam pa thag pas yi rangs pa/ /stong gsum ri rab srang la gzhal
bas tshad bzung rung/ /rjes su yi rangs dge ba de ni de lta min/
/zhes gsungs pa'i phyir/ 'di'i byang sems bzhi po de yang/ sa
dang

po dang/ gnyis pa nas sa bdun pa'i bar dang/ sa brgyad pa yan
chad dang/ sa bcu pa pa la 'phags pas bzhed de/ nyi snang las/
theg pa la gsar du zhugs pa dang/ spyod pa la zhugs pa dang/
phyir mi ldog pa dang/ skye ba gcig gis thogs pa zhes bya ba ni/
ci rigs bar rnam

par rtog pa bzhi'i gnyen po'i phyogs mthong ba dang/ sgom pa'i
lam la rtogs pa po rnam pa bzhi/ zhes sogs gsungs pa'i phyir/
rgya gar pa kha cig sbyor lam rtse sbyor bzhi la gnas pa'i byang
sems bzhi la bzhed/ slo dpon gyis mos spyod dang/ ma dag sa bdun
dang/ dag

pas gsum dang/ sa bcu pa la gnas pa'i rang nyid ngo bo rtogs
pa'i dbye ba bshad pa yin no/ /zhes 'dod do/ /de la theg pa la
dang por zhugs pa ni mos pa'i spyod pa'o/ /spyod pa la zhugs pa
ni rab tu dga' ba la sogs pa'i sa bdun la gnas pa'o/ /phyir mi
ldog pa ni mi

g.yo ba la sogs pa'i sa gsum la gnas pa'o/ /skye ba gcig gis
thogs pa ni sa bcu pa'o/ /zhes gzhan dag 'chad do/ /zhes gsungs/
des na rang gi 'bras bur gyur pa'i mthong lam skyed pa'i nus pa
smin pa'i ting nge 'dzin mtha' yas pa'i sems kun tu gnas pa thob
pa'i

@10b theg chen gyi nges 'byed cha mthun bzhi pa/ chos mchog gi
rtse sbyor gyi mtshan nyid/ don bsdu na/ theg chen gyi sbyor lam
chos mchog chos can/ chos mchog gi rtse sbyor yin te/ mdo las/
bsod nams mang pos mtshon nas bstan pa'i theg chen gyi nges 'byed
cha mthun bzhi

pa yin pa'i phyir/ gnyis pa don bsdu ba la/ rtags la sogs pa de
dag ni go rim bzhin du dro ba la sogs pa nges par 'byed pa'i cha
dang mthun pa bzhi'i ngo bo yin par khong du chud bar bya'o/
/zhes gsungs// ! //gnyis pa mthong lam rtse sbyor bshad pa la/

mtshams sbyar ba dang/ don bshad pa'o/ /dang po ni/ lus rnam
gzhag tu/ sems kun gnas pa dang/ mthong zhes bya dang/ zhes
'chad na/ sbyor lam rtse sbyor gyi 'og tu mthong lam rtse sbyor
'chad pa'i rgyu mtshan gang zhe na/ de'i rgyu mtshan yod de/ skyes
pa'i rim pa dang

bstun nas de ltar bshad pa'i phyir/ zhes 'chad pa la/ nges par
'byed pa'i cha dang mthun pa'i 'og tu mthong ba'i lam yin te/
zhes gsungs/ gnyis pa la/ spang bya rtog pa dang/ de'i gnyen po
mthong lam rtse sbyor gnyis las/ dang po la/ mtshams sbyar ba
dang/

don bshad pa gnyis las/ dang po ni/ mthong lam rtse sbyor gyi
dang por de'i mi mthun phyogs mthong spang rtog pa 'chad pa'i
rgyu mtshan yod de/ mthong lam rtse sbyor la de'i mi mthun phyogs
shugs bstan gyi gnyen po dang bcas pa rnam pa bzhi yod pas de
bstan par

bya ba'i phyir/ zhes 'chad pa la/ de la mi mthun pa'i phyogs
gnyen po dang bcas pa rnam pa bzhi yod pas/ zhes gsungs/ gnyis
pa la yang/ mdor bstan pa dang/ rgyas par bshad pa dang/ gnyen
po mtshon tshul lo/ /dang po la gzung rtog mdor bstan pa dang/
'dzin

rtog mdor bstan pa gnyis las/ dang po la mdo las gsungs tshul
dang/ bstan bcos kyis 'grel tshul gnyis las/ dang po ni/ mdo las
phyir mi ldog pa rnams dang skye ba gcig gis thogs pa de dag gis
dge rtsal rjes su yi rang nas bla med rdzogs byang du bsngo bar
ji

@11a @#/ /ltar; 'du shes su mi 'gyur ba dang/ gnyis su med pa'i
'du shes su mi 'gyur ba de ltar yongs su bsngo bar bya'o/ /zhes
mthong spang 'jug pa gzung rtog gnyen po'i sgo nas mdor bstan/
de nas tshe dang ldan pa shA ri'i bus tshe dang ldan pa rab

'byor la 'di skad ces smras so/ /tshe dang ldan pa rab 'byor ci
sher phyin 'ba' zhig rnam par mi rtog pa yin nam/ 'on te bsam
gtan gyi phar phyin dang/ brtson 'grus kyi phar phyin dang/ bzod
pa'i phar phyin dang/ tshul khrims kyi phar phyin dang/ sbyin
pa'i phar phyin yang

rnam par mi rtog pa yin/ rab 'byor gyis smras pa/ tshe ldan shA
ri bu/ sher phyin rnam par mi rtog pa'o/ /bsam gtan gyi phar
phyin yang rnam par mi rtog pa'o/ /zhes sogs kyis ldog pa gzung
rtog gnyen po'i sgo nas mdor bstan// ! //gnyis pa la gsum las/

dang po ni/ 'o na mthong spang rtog pa bzhi po gang zhe na/ re
zhig dang por mthong spang gzung rtog gnyis mdor bstan gyi sgo
nas 'chad/ ces mtshams sbyor ba la/ re zhig mi mthun pa'i phyogs
gzung bar rnam par rtog pa gnyis po/ /zhes gsungs/ gnyis pa ni/
mdo de

gnyis kyi don 'chad pa la/ 'jug pa dang ni ldog pa la/ /zhes
sogs gsungs/ gsum pa la rtog pa'i ngo bo/ mi mthun phyogs su
bstan pa/ dbye ba/ 'khrul par bsgrub pa dang bzhi las/ dang po
la dmigs pa dang/ rnam pa gnyis las/ dang po ston pa la/ 'jug pa
dang

ldog pa mi dmigs pa dang/ dmigs pa'i ngo bo nyid dag la go rims
bzhin du/ zhes gsungs/ gnyis pa ston pa la/ byang chub sems dpa'
dang nyan thos la sogs pa'i chos len pa dang 'dor ba'i sgo nas
gzung ba'o zhes gzung bar rnam par rtog pa/ zhes gsungs/

gnyis pa ston pa la/ nyon mongs pa dang 'dra ba mi mthun pa'i
phyogs su gyur pa/ zhes gsungs/ gsum pa de ston pa la/ yul gyi
dbye bas so sor rnam pa dgu yod pa ni/ zhes gsungs/ bzhi pa de
ston pa la/ dngos po dang ma 'brel bar 'jug pa nyid kyis phyin
ci log tu

@11b snang ba'i phyir/ yul ji lta ba bzhin ma yin pa'i rang gi
ngo bo dag tu shes par bya'o/ /zhes gsungs/ gzhung don ni/
mthong spang du gyur pa'i shes sgrib gzung rtog chos can/ khyod
la du mar yod de/ khyod la mthong spang shes sgrib 'jug pa gzung
rtog dang/ mthong

spang shes sgrib ldog pa gzung rtog gnyis su yod pa'i phyir/ de
gnyis kyi dmigs yul yod de/ byang sems lam gyi 'jug yul mtshan
mar dmigs pa dang/ de'i ldog yul mtshan mar dmigs pa'i ngo bo
nyid sogs rim bzhin de gnyis kyi dmigs pa yin pa'i phyir/

de gnyis kyi rnam ba yod de/ dang po de byang sems dang sangs
rgyas kyi chos len par 'dod pa'i sgo nas blang bya'i gzung ba'o
snyom du zhen pa yin/ gnyis pa ni/ nyan thos dang rang rgyal gyi
chos 'dor bar 'dod pa'i sgo nas dor bya'i gzung ba'o snyam du
zhen pa yin pa'i

phyir; de gnyis ni mthong lam rtse sbyor gyi mi mthun phyogs yin
te/ de'i spang bya yin pa'i phyir/ dper na mthong spang nyon
mongs dang 'dra ba'i phyir ro/ /rtog pa de gnyis chos can/ so
sor dgu dgur yod de/ yul gyi dbye bas de ltar yod pa'i phyir/
bco brgyad po de dag ni

yul ji lta ba bzhin ma yin par 'dzin pa'i ngo bo dag tu shes par
bya ste/ rang yul phyin ci log tu snang ba'i phyir te/ d+ha du ra
zos pa'i rgyu mtshan gyis nam mkha' la gser gyis gang ba khas len
pa la 'jug pa ltar zhen yul gyi gzhi'i dngos po dang ma 'brel
bar 'jug

pa ste/ zhen pa ltar yul mi gnas pa'i rig pa yin pa'i phyir/ des
na rang gi dmigs yul du gyur pa'i byang sems lam gyi 'jug bya la
dmigs nas longs spyad byar bden par 'dzin pa'i bden 'dzin kun
brtags mthong spang shes sgrib 'jug pa gzung rtog gi mtshan

nyid ! dbye na yul gyi sgo nas dgur yod/ rang gi dmigs yul du
gyur pa'i byang sems lam gyi ldog bya la dmigs nas longs spyad
byar bden par zhen pa'i bden 'dzin kun brtags mthong spang shes
sgrib ldog pa gzung rtog gi mtshan nyid/ dbye na yul gyi sgo nas
dgur

@12a @#/ /yod do/ /kha cig /theg pa chen po'i lam 'bras bu dang
bcas pa la dmigs nas 'jug byar bden par zhen pa'i zhen rig shes
sgrib 'jug pa gzung rtog gi mtshan nyid/ theg dman gyi lam 'bras
bu dang bcas pa la dmigs nas ldog byar

bden par zhen pa'i zhen rig /shes sgrib ldog pa gzung rtog gi
mtshan nyid zer na/ theg chen gyi tshogs lam la dmigs nas longs
spyad byar bden par zhen pa'i zhen rig chos can/ mtshan nyid dang
po der thal/ mtshon de'i phyir/ rang gi dmigs yul du gyur pa'i
byang

sems lam gyi 'jug bya la dmigs nas longs spyad byar bden par
zhen pa'i zhen rig yin pa'i phyir te/ chos can de'i phyir/ 'dod
na/ de chos can/ theg pa chen po'i lam 'bras bu dang bcas pa de
khyod kyi dmigs yul du thal lo/ /'dod mi nus te/ de'i dmigs yul

dang 'dzin stangs kyi yul gnyis su phye ba'i dmigs yul yin na
theg chen gyi tshogs lam yin dgos pa'i phyir/ gzhan yang/ nyan
thos kyi tshogs lam la dmigs nas longs spyad byar bden par zhen
pa'i zhen rig chos can/ mtshan nyid gnyis pa der thal/ mtshon bya
de'i

phyir te/ rang gi dmigs yul du gyur pa'i byang sems lam gyi ldog
bya la dmigs nas longs spyad byar bden par zhen pa'i zhen rig
yin pa'i phyir te/ chos can de'i phyir/ 'dod na/ snga mas rig
'gre'o/ /kha cig /de'i steng du rang gi dmigs yul du gyur pa'i
zhes bsnan

nas 'jog pa yang mi 'thad de/ stong nyid la dmigs nas longs
spyad byar bden par zhen pa'i zhen rig dang/ ma rig pa la dmigs
nas longs spyad byar bden par zhen pa'i zhen rig gnyis kyis ma
nges pa'i phyir/ stong nyid de byang sems lam gyi 'jug bya dang/
ma rig ba

de byang sems lam gyi ldog bya yin pa'i phyir te/ dang po de
de'i bsgom bya dang/ gnyis pa de de'i spang bya yin pa'i phyir
ro/ /kha cig /byang sems lam gyi 'jug bya la dmigs nas/ zhes
sogs dang/ de'i ldog bya la dmigs nas/ zhes sogs zer na skyon
snga ma de 'phen no/ /'dod

@12b na; byang sems lam gyi 'jug bya de de'i dmigs yul du thal
ba sogs rigs 'gre'o/ /kha cig /rang gi dmigs yul du gyur pa'i
'jug bya'i chos la dmigs nas longs spyad byar bden par zhen pa
zhes sogs dang/ der gyur pa'i ldog bya'i chos la dmigs

nas zhes sogs zer na/ nyan thos kyi tshogs lam la dmigs nas longs
spyad byar bden par zhen pa'i zhen rig chos can/ mtshon bya dang
po der thal/ mtshan nyid de'i phyir/ rtags grub ste/ nyan thos
kyi tshogs lam de 'jug bya'i chos yin pa'i phyir te/ de thar

lam yin pa'i phyir ro/ /kha cig /rang gi dmigs yul du gyur pa'i
'jug bya'i chos la dmigs nas gzung bar bden par zhen pa'i rab tu
phye ba'i bden 'dzin kun brtags/ mthong spang shes sgrib 'jug pa
gzung rtog gi mtshan nyid/ der gyur pa'i byang sems lam

gyi 'jug bya'i chos la dmigs nas zhes sogs skabs 'dir dngos su
bstan pa'i de'i mtshan nyid/ deng gyur pa'i ldog bya'i chos la
dmigs nas zhes sogs/ mthong spang shes sgrib ldog pa gzung rtog
gi mtshan nyid/ der gyur pa'i byang sems lam gyi ldog bya'i chos
la

zhes sogs/ skabs 'dir dngos su bstan pa'i de'i mtshan nyid zer
na/ shes sgrib 'jug pa gzung rtog yin na/ rang gi dmigs yul du
gyur pa'i byang sems lam gyi 'jug bya'i chos la dmigs pas khyab
par thal/ mthong spang shes sgrib ldog pa gzung rtog yin na/

der gyur pa'i byang sems lam gyi ldog bya'i chos la dmigs pas
khyab pa'i phyir/ 'dod na/ nyan thos kyi tshogs lam la dmigs nas
'jug bya'i gzung bar bden par zhen pa'i bden 'dzin kun brtags
chos can/ mtshon bya der thal/ mtshan nyid de'i phyir/ rtags grub

ste ! nyan thos kyi tshogs lam de 'jug bya'i gzung ba yin pa'i
phyir te/ de nyan thos kyi lam gyi 'jug bya'i gzung ba yin pa'i
phyir/ 'dod mi nus te/ nyan thos kyi tshogs lam de byang sems lam
gyi 'jug bya ma yin pa'i phyir/ gzhan yang/ nyan thos kyi tshogs
lam la

@13a @#/ /dmigs nas byang sems lam gyi ldog bya'i gzung bar bden
par zhen pa'i bden 'dzin kun brtags chos can/ mtshan nyid der
thal/ mchon bya de'i phyir/ 'dod na/ nyan thos kyi tshogs lam
ldog bya'i gzung ba yin par thal lo// ! //

gnyis pa la yang/ mdo las gsungs tshul dang/ bstan bcos kyi 'grel
tshul gnyis las/ dang po ni/ mdo las/ de nas tshe ldan shA ri bus
tshe ldan rab 'byor la 'di skad ces smras so/ /kye ma tshe ldan
rab 'byor byar chen gzhan yang sher phyin la spyod pa ni snying
po la spyod

pa'o/ /de skad ces smras pa dang/ tshe ldan rab 'byor gyis tshe
ldan shA ri bu la 'di skad ces smras so/ /kye ma tshe ldan shA
ri bu byang chen gzhan yang sher phyin la spyod pa ni snying po
med pa la spyod pa'o/ /de ci'i phyir zhe na/ tshe ldan shA ri bu
sher phyin snying po med pa'o/ /zhes sogs

kyis mthong spong shes sgrib rdzas 'dzin rtog pa gnyen po'i sgo
nas mdor bstan/ de nas bcom ldan 'das kyis tshe ldan rab 'byor la
'di skad ces bka' stsal to/ /rab 'byor ci'i phyir byang chen
sher phyin la zhum par mi 'gyur ba yin/ gsol pa bcom ldan 'das
chos

thams cad ma mchis pa'i slad du byang chen sher phyin la zhum
par mi 'gyur ro/ /zhes pa nas de bzhin nyid 'di la ni gang yang
gnas par 'gyur ba med de/ de la gnas shing bla med rdzogs byang
du mngon 'tshang rgya bar 'gyur ba su yang med na/ de la gnas
shing chos ston par

'gyur ba lta ci smros te de gnas med do/ /zhes pas btags 'dzin
rtog pa gnyen po'i sgo nas bstan no/ /gnyis pa la gsum las/ dang
po ni/ de ltar rnam par rtog pa bzhi'i gzung ba'i rnam par rtog
pa'i phyogs gnyis mdor bstan nas/ de'i 'og tu 'dzin pa'i rnam
par rtog

pa'i phyogs gnyis mdor bstan gyi sgo nas 'chad/ ces mtshams sbyor
pa la/ de ltar gzung bar rnam par rtog pa'i phyogs gnyis bstan
nas 'dzin par rnam par rtog pa gnyis po/ zhes gsungs/ gnyis pa
ni/ mdo de'i don 'chad pa la/ so so'i skye bo 'phags dbye bas/ /

@13b zhes sogs gsungs/ gsum pa ni/ de nyid tshig don gyi sgo nas
'chad pa la/ so so'i skye bo dang/ zhes sogs gsungs/ 'di la yang
rtog pa'i ngo bo/ spang byar bstan pa/ dbye ba/ 'khrul bar
bsgrub ba'o/ /dang po ni/ so so'i skye bo 'phags dbye bas/ /sems
can rdzas

dang btags yod par/ /rnam rtog 'dzin pa dag tu 'dod/ /ces dang/
so so'i skye bo dang 'phags ba'i gang zag dag gi go rims bzhin
du skyes bu rdzas dang btags par yod pa'i rten can gyi 'dzin pa
dag yod pas 'dzin par rnam par rtog pa/ zhes 'chad/ gnyis pa ni/

gegs byed pa yin pa'i phyir mi mthun pa'i phyogs su gyur ba/
zhes 'chad/ gsum pa ni/ de dag so sor dgu bdag nyid/ /ces dang/
yul gyi dbye bas so sor rnam pa dgu yod pa ni/ zhes 'chad/ bzhi
ba ni/ gal te gzung don de bzhin med/ /de dag gang gi 'dzin par
'dod/

de ltar de dag 'dzin pa yi/ /ngo bos stong pa'i mtshan nyid do/
/zhes dang/ gang gi tshe de dag gi yul gyi dngos por gyur pa/
gzung ba'i don dag de bzhin du gzung ba'i ngo bor yod pa ma yin
zhes bya ba/ de'i tshe gang gi yang 'dzin pa ma yin te/ de'i
phyir de dag ni 'dzin pa'i ngo

bos dben pa'i ngo bo yin pas/ phyin ci log tu snang pa'i phyir
yul ji lta ba bzhin ma yin pa'i rang gi ngo bo dag tu shes par
bya'o/ /zhes gsungs/ gzhung don rims pa ltar/ mthong spang shes
sgrib 'dzin rtog chos can/ khyod la du mar dbyer rung ste/ khyod
la mthong spang shes

sgrib rdzas 'dzin rtog pa dang/ de btags 'dzin rtog pa gnyis su
yod pa'i phyir te/ khyod la so so'i skye bo dang 'phags pa'i
dbye bas de de'i 'dzin pa gnyis su yod pa'i phyir ro/ /rtog pa
de gnyis chos can/ mthong lam rtse sbyor gyi spang bya yin te/
de skye ba la gegs byed pa yin pa'i

phyir; dper na mthong spang nyon sgrib bzhin no/ /rtog pa de
gnyis chos can/ so sor du mar yod de/ yul gyi sgo nas dgu dgur
yod pa'i phyir/ 'di dag la rtog pa zhes brjod pa'i rgyu mtshan
yod de/ rtog pa de dag rang gis ji ltar zhen pa de ltar 'dzin
pa'i ngo bo'i mtshan nyid can

@14a @#/ /yin pa'i phyir te/ rtog pa de dag zhen pa ltar gyi yul
gang gi 'dzin par 'dod/ de 'dzin pa ma yin pa'i phyir ro/ /rgyu
mtshan gang gi phyir na rtog pa des gzung ba'i don rnams gzung ba
de bzhin du med pa'i phyir ro/ /mtha' dpyad pa la/ dngos kyi don
dang/

rtsod pa spang ba gnyis las/ dang po ni/ rang gi dmigs yul du
gyur ba'i rdzas 'dzin la dmigs nas longs spyod byed du bden par
zhen pa'i bden 'dzin kun brtags/ mthong spang shes sgrib rdzas
'dzin rtog pa'i mtshan nyid/ der gyur pa'i btags 'dzin la dmigs

nas longs spyod byed du bden par zhen pa'i bden 'dzin kun
brtags/ mthong spang shes sgrib btags 'dzin rtog pa'i mtshan
nyid/ de gnyis la so sor yul gyi sgo nas dbye na dgu dgur yod do
/kha cig /rang gi dmigs yul du gyur pa'i gang zag rang rkya thub
pa'i rdzas

yod du 'dzin pa'i 'dzin pa la dmigs nas longs spyod byed du bden
par zhen pa'i bden 'dzin kun brtags de/ skabs 'dir dngos su
bstan pa'i mthong spang shes sgrib rdzas 'dzin rtog pa'i mtshan
nyid/ der gyur pa'i skyes bu btags yod du 'dzin pa'i 'dzin pa la

dmigs nas zhes sogs/ skabs 'dir dngos su bstan pa'i mthong spang
shes sgrib btags 'dzin rtog pa'i mtshan nyid zer na/ lhas byin
rang rkya thub pa'i rdzas yod du 'dzin pa'i 'dzin pa la dmigs
nas longs spyod byed du bden par zhen pa'i bden 'dzin kun brtags

chos can/ mtshan nyid dang po der thal/ mtshon bya de'i phyir/
'dod na/ de'i dmigs yul yang yin gang zag rang rkya thub pa'i
rdzas yod du 'dzin pa'i 'dzin pa yang yin pa'i gzhi mthun yod
par thal/ 'dod pa'i phyir/ 'dod na/ lhas byen rang rkya thub
pa'i rdzas yod du 'dzin pa'i 'dzin

pa de gang zag der 'dzin pa'i 'dzin pa yin par thal/ 'dod pa'i
phyir/ 'dod na/ de chos can/ gang zag khyod kyi dmigs yul dang
'dzin stangs kyi yul gnyis su phye ba'i dmigs yul yin par thal/
'dod pa'i phyir/ 'dod na/ gang zag de lhas byin du thal lo/
/gzhan

@14b yang; shes sgrib rdzas 'dzin rtog pa dang/ shes sgrib btags
'dzin rtog pa gnyis 'gal bar thal/ mtshan nyid de gnyis 'thad
pa'i phyir/ 'dod na/ bkag zin/ kha cig /rdzas 'dzin la dmigs nas
zhes sogs dang btags 'dzin la dmigs nas zhes sogs zer na/ gang

zag rdzas yod du 'dzin pa'i 'dzin pa la dmigs nas longs spyod
byed du bden par zhen pa'i bden 'dzin kun brtags chos can/ mtshan
nyid dang po der thal/ mtshon bya de'i phyir/ 'dod na/ rdzas
'dzin de khyod kyi dmigs yul du thal lo/ /rong Tik pa na re/
'phags rgyud

la gang zag rang rkya thub pa'i rdzas yod du 'dzin pa'i blo med
de/ 'phags pa yin na gang zag gi bdag med mngon sum du rtogs
dgos pa'i phyir/ theg chen 'phags pa'i rgyud la chos kyi bdag
'dzin med de/ de yin na chos kyi bdag med mngon sum du rtogs
dgos pa'i phyir

zer na/ byang 'phags kyi rgyud la nyon yid med bar thal/ de'i
rgyud la gang zag gi bdag 'dzin med pa'i phyir/ 'dod mi nus te/
nyon yid de sa bdun pa'i bar du 'byung ba'i phyir/ rtags khas/
gnyis pa la/ rtsod pa lan/ lan la rtsod pa spang ba dang gsum
las/ dang po ni/ kha cig /

so so'i skye bo 'phags dbye bas/ /zhes rdzas 'dzin so skye'i
rten can dang/ btags 'dzin rtog pa 'phags pa'i rten can du bshad
pa mi 'thad par thal/ so skye'i rgyud kyi 'dzin rtog la rdzas
'dzin rtog pas ma khyab/ 'phags rgyud kyi 'dzin rtog la btags
'dzin rtog pas

ma khyab pa'i phyir/ dang po grub ste/ so skye la gang zag rang
rkya thub pa'i rdzas yod kyis stong par rtogs pa yod pa'i phyir
te/ de la chos thams cad bdag med par rtogs pa yod pa'i phyir/
gnyis pa grub ste/ 'phags rgyud la ngar 'dzin yod ba'i phyir te/
de la nga zhes

'byung ba yod pa'i phyir te/ dge slong dag mtshan mo 'das nas
nang bar gyi dus su ngas srog chags lce spyang skad 'byin pa'i
sgra thos/ zhes pa dang/ da de'i tshe de'i dus na ri dwags kyi
rgyal po seng ge yan lag ma smad pa zhes bya bar gyur te/ zhes
gsungs pa'i phyir zhes

@15a @#/ /zer ! gnyis pa ni/ rtsod pa de dag mi 'thad de/ rdzas
'dzin so skye'i rten can dang/ btags 'dzin 'phags pa'i rten can
du gsungs pa ni gang zag rang rkya thub pa'i rdzas yod du 'dzin
pa'i blo'i zhen yul myong stobs kyis khegs pa ni so so skyo bo
rnams

la med cing/ 'phags pa la yod pas de ltar gsungs pa yin pa'i
phyir/ gzhan yang rtsod pa de ni snying po med pa yin te/ rdzas
'dzin so skye la bshad cing btags 'dzin de la ma bshad pa ni so
skye sa chos thams cad bdag med du shes pa ni mos pa yid byed
kyis btags

ba tsam du rtogs pa yin/ btags 'dzin 'phags pa la bshad pa ni/
de kho na nyid yid byed kyis btags pa tsam du rtogs pa la 'dod
pa'i phyir/ de ltar yang/ nyi snang las de dag ni mos pa yid la
byed pa yin la/ 'dir ni de kho na nyid yid la byed pa la brjod
par 'dod pa

yin pas snying po med do/ /zhes gsungs pa'i phyir/ gzhan yang/
rtsod pa de mi 'thad de/ 'phags pa nga de'i tshe zhes sogs kyi
tshig ni gzhan gyis khong du chud pa'i thabs su bstan pa tha
snyad pa yin gyi/ ngar 'dzin pa mtshan nyid pa yod na sa ma yin
pa'i phyir/ de ltar yang/ de nyid

las ! de'i tshig ni tha snyad pa yin gyi don dam pa ni ma yin pas
snying po med do/ /zhes gsungs pa'i phyir/ rtsod lan 'di dag nyi
snang las bkod pa gser phreng du bshad pa'o/ /kho na re/ 'phags
pa byams pa'i rgyud la shes sgrib btags 'dzin rtog pa yod pas/
'dir yang

mthong spang la rtog pa de bshad pa mi 'thad cing sgom spang
rdzas 'dzin gyi rtog pa mi 'thad par 'gyur te/ 'dzin rtog dang
po so skye dang gnyis pa 'phags pa kho na la yod pa'i phyir/
zhes zer/ 'di'i lan la kha cig /de ltar bshad pa rdzas 'dzin
dang btags 'dzin la yin gyi/

rtog pa gnyis ni 'dzin pa de gnyis yul du byed pa'i rtog pa yin
pas de la ma yin no/ /zhes zer ba mi 'thad de/ rtsod pa'i skabs
su rtog pa dang po dang gnyis pa'i rnam gzhag ma byas so/ /zhes
rtog pa gnyis la brtsad cing rtsa bar yang rnam rtog gnyis skye
'phags gnyis

@15b la sgras zin par yod par bstan pa la rtsod pa 'di byung
ba'i phyir/ des na so skye dang mthong spang la btags 'dzin

g pa yod par gsungs pa ni mos pa yid byed kyi dbang du byas pa
yin te/ btags 'dzin la yid byed gnyis kyis sgo nas gnyis su
mdzad

ba'i phyir/ rtsa bar btags 'dzin rtog pa 'phags pa'i rten can du
gsungs pa'i rgyu mtshan yod de/ de kho na nyid kyi yid byed la
dgongs nas gsungs pa'i phyir/ gsum pa ni/ kho na re/ sems can
rdzas dang btags yod par/ /zhes 'dzin rtog sems can du rtog

par bshad pa 'di gang zag dang chos gnyis su phye ba'i gang zag
yin nam/ 'on te/ de gang zag tu btags pa'i gzhi sems rgyud kyis
zin pa'i chos tsam la byed/ dang po ltar na yul can gyi rtog pa
de nyon sgrib yin par thal/ dam bca' de'i phyir/ 'dod na/ rtog
pa de

gnyis nyan rang gi spang bya'i gtso bo yin par thal/ 'dod pa'i
phyir/ 'dod mi nus te/ 'di dag byang sems lam gyi thun mong ma
yin pa'i spang bya yin pa'i phyir/ gzhan yang/ nyan rang gis
gzung rtog gnyis kyang spong nus par thal/ des 'dzin rtog gnyis
spang nus

pa'i phyir/ 'dod na/ gzung 'dzin rdzas gzhan gyi rnam rtog bzhi
ka spong nus bar thal lo/ /gnyis pa ltar na gzhung las sems can
dang gang zag tu rtog par bshad pa dang/ nyi snang gi rtsod lan
la ngar 'dzin yod med kyi rdzas 'dzin yod med du bshad pa mi
'thad par

'gyur ro/ /zhe na/ spyir 'dzin rtog la gang zag dang chos tsam
la 'dzin pa so sor zhen pa gnyis yod cing gnyis ka'ang byang
sems kyis spang dgos pa'i phyir/ gnyis ka'i rnam gzhag khas
blangs te/ mdor bstan du gang zag tu rtog pa rtsa bar bshad
cing/ rgyas bshad

du nyi snang las bshad pa rnams shes sgrib kyi rtog par snang
ba'i phyir ro/ /des na skye 'phags gnyis ka'i gang zag gis bdag
med rtogs kyang mngon du gyur ma gyur gnyis las/ de gnyis kyis
'dzin pa la so sor rdzas btags kyi 'dzin par 'jig pa ltar chos

@16a @#/ /bdag med par mngon sum du rtogs ma rtogs kyi khyad par
gyis kyang skye 'phags kyi 'dzin pa la chos tsam la rdzas dang
btags pa'i longs spyod pa por 'dzin pa'i shes sgrib kyi 'dzin pa
gnyis kyang shes par bya'o/ /de ltar skye 'phags

gnyis kyi 'dzin pa la rdzas btags kyi 'dzin pa gnyis su phye pa
yang gtso che ba yin te/ gzhan du na 'phags rgyud la rdzas 'dzin
rtog pa med par thal pa'i skyon yod pa'i phyir/ 'di dag ni gser
phreng sgras zin ltar bkod pas dpyad par bya dgos so// ! //

gnyis pa rgyas par 'chad pa la/ gzung rtog rgyas par 'chad pa
dang/ 'dzin rtog rgyas par 'chad pa gnyis las/ dang po la/ 'jug
pa gzung rtog rgyas par 'chad pa dang/ ldog pa gzung rtog rgyas
par 'chad pa gnyis las/ dang po la/ mdo dang bstan bcos gnyis

las; dang po ni/ de nas tshe dang ldan pa rab 'byor gyis bcom
ldan 'das la 'di skad ces gsol to/ /bcom ldan 'das ji ltar sgyu
ma lta bu'i sems bla med rdzogs byang du mngon par 'tshang rgya
bar 'gyur ba lags/ zhes sogs kyis 'chad/ gnyis pa la gsum las/

dang po ni/ ngo bo nyid dang rigs dang ni/ /zhes sogs gsungs pa
chos can/ dgos pa yod de/ gzung ba'i rnam par rtog pa dang po
'jug pa gzung rtog la ji ltar rnam pa dgur yod pa yin zhe na/
de'i lan bstan par bya ba'i ched yin pa'i phyir/ zhes mtshams
sbyor ba

la; gzung ba'i rnam par rtog pa dang po 'jug pa'i rten can ji
ltar rnam pa dgu yin zhe na/ zhes gsungs/ gnyis pa ni/ mdo de'i
don 'chad pa la/ ngo bo nyid dang rigs dang ni/ /zhes sogs
gsungs/ gsum pa la rtog pa'i ngo bo dang/ gnyen po gnyis las/
dang po ni/

dben pas/ zhes sogs kyis 'chad/ gnyis pa ni/ mthong ba'i lam gyi
sbyor ba'i gnas skabs kyi spang bar bya bar bzhed pa yin no/
/zhes gsungs/ dang po la yang yul rnam pa dgu po de la byang
sems lam gyi 'jug bya spyi dang/ khyad par gnyis las/ dang po
byang chub

@16b rgyu 'bras yang kyis dben pa'i ngo bo nyid la rtog pa de
ston pa la/ bcom ldan 'das kyis bka' stsal pa/ rab 'byor de ji
snyam du sems/ sgyu ma lta bu'i sems de khyod kyis yang dag par
mthong ngam/ gsol pa bcom ldan 'das de ni ma lags te/ bcom ldan
'das

bdag gis yang sgyu ma yang dag par rjes su ma mthong ste/ zhes
sogs gsungs/ de'i don 'chad pa la/ ngo bo nyid dang/ zhes dang/
dben pas dben pa ma rtogs pa'i ngo bo nyid dang/ zhes gsungs/
gnyis ba khyad par la rgyu dang/ lam dang/ 'bras bu gsum las/
dang po rgyu

theg chen gyi rigs la rnam par rtog pa de ston pa la/ bcom ldan
'das 'di lta ste/ dper na nam mkha' ni 'di ltar bdag la la dang
ni nye'o zhes bgyi bar mi sems so/ /de ci'i slad du zhe na/ bcom
ldan 'das nam mkha' la bye brag ma mchis shing mi g.yo ba dang/
rnam

par rtog pa ma mchis pa'i slad du ste/ zhes gsungs/ de'i don
'chad pa la/ rigs dang ni/ zhes dang/ sa mi g.yo ba la sogs ba
la 'jug pas sangs rgyas kyi rigs su nges pa dang/ zhes gsungs/
gnyis pa la lam gyi ngo bo dang yul/ mi mthun phyogs sel ba'i
nus

pa dang gsum las/ dang po theg chen gyi 'phags lam yang dag par
grub pa la rnam par rtog pa ston pa la/ bcom ldan 'das 'di lta
ste/ dper na/ sgyu ma'i skyes bu ni 'di ltar bdag la sgyu ma ni
ring ngo/ /sgyu ma'i mkhan po ni nye'o/ /skye bo'i tshogs 'di
ltar

'dus pa ni bdag la nye'o zhe'am/ ring ngo zhes bgyi bar mi sems
so/ /zhes sogs gsungs/ de'i don 'chad pa la/ lam ni yang dag
grub pa dang/ /zhes dang/ sgyu ma lta bur rtogs pas mthong ba la
sogs pa'i lam yang dag par grub pa dang/ zhes gsungs/

gnyis pa yin lugs shes pa sogs dmigs pa la rnam par rtog pa ni/
bcom ldan 'das 'di lta ste/ dper na gzugs ni 'di ltar bdag la
dmigs pa gang gi gzugs ni 'byung ba de ni nye la/ me long dang
snod chus gang ba'i nang du byung ba de ni bdag la ring

@17a @#/ /ngo zhes bgyi bar mi sems so/ /zhes gsungs so/ /de'i
don 'chad pa la/ shes pa'i dmigs pa ma 'khrul dang/ /zhes dang/
snang brnyan tsam du zad pas shes pa'i dmigs pa ma 'khrul ba
dang/ zhes gsungs/ gsum pa spang gnyen la

'dor len byed pa'i mi mthun phyogs dang/ gnyen po phyogs la rnam
par rtog pa ni/ bcom ldan 'das 'di lta ste/ dper na/ de bzhin
gshegs pa dgra bcom pa yang dag par rdzogs pa'i sangs rgyas la
ni sdug pa'am mi sdug par 'gyur ba gang yang ma mchis so/ /

zhes sogs kyis 'chad/ de'i don 'chad pa la/ mi mthun phyogs dang
gnyen po dang/ zhes dang/ yon tan dang skyon mthong ba sngon du
'gro ba'i blang bar bya ba dang/ dor bar bya ba nyid kyis gnyen
po dang mi mthun pa'i phyogs dang/ zhes gsungs/ gsum pa la/

rang don dang gzhan don gnyis las/ dang po yul mngon du byas
pa'i rang don la rnam par rtog pa ni/ bcom ldan 'das 'di lta
ste/ dper na/ de bzhin gshegs pa dgra bcom pa yang dag par
rdzogs pa'i sangs rgyas ni rnam par rtog pa thams cad spangs
pa'o/ /

zhes sogs gsungs/ de'i don 'chad pa la/ rang gis rtogs dang/
zhes dang/ dri ma thams cad dang bral ba nyid kyis rang gis
rtogs pa dang/ zhes gsungs/ gnyis pa la byed pa po'i nus pa
dang/ bya ba'i las dang/ bya ba'i 'bras bu dang gsum las/ dang
po ni/

sems can gyi don byed pa la rnam par rtog pa ni/ bcom ldan 'das
'di lta ste/ dper na/ de bzhin gshegs pa'i sprul pa 'di ltar nga
la nyan thos dang rang sangs rgyas kyi sa ni ring ngo/ /bla na
med pa yang dag par rdzogs pa'i sangs rgyas kyi sa ni nye'o/
/zhes

bgyi bar mi dmigs so/ /zhes sogs gsungs/ de'i don 'chad pa la/
byed pa dang/ zhes dang/ dman zhing gya nom pa ma yin pa nyid
kyis nyan thos la sogs pa'i sa thag srid bar byed pa dang/ zhes
gsungs/ gnyis pa don byed pa de'i bya ba'i las la rnam par rtog
pa

@17b ni ! bcom ldan 'das 'di lta ste/ dper na/ de bzhin gshegs
pas sprul pa zhig mdzad pa na de ni don gang gi slad du sprul
ba'i don de sbyor te sprul pa ni mi rtog rnam par mi rtog go
/bcom ldan 'das de bzhin du sher phyin yang don gang gi slad du
brjod pa'i don de yang

bgyid la sher phyin de ni mi rtog rnam par mi rtog go /zhes pas
bstan/ de'i don 'chad pa la/ de yi las/ zhes dang/ bsam pa ji
lta ba dang mthun par sprul pas sems can gyi don gyi las dang/
shes gsungs/ gsum pa don bya ba'i 'bras bu myang 'das la rnam

par rtog pa de ston pa la/ bcom ldan 'das 'di lta ste/ dper na/
shing mkhan nam shing mkhan gyi slob ma mkhas pa zhig gis bud
med kyi gzugs sam skyes pa'i gzugs sam glang po che'i gzugs sam
rta'i gzugs sam glang gi gzugs kyi 'khrul 'khor zhig

sbyar na de don gang gi slad du bgyi ba'i don de sgrub kyang/
zhes sogs gsungs/ de'i don 'chad pa la/ bya'i 'bras bu la/ zhes
dang/ yang dag pa'i thabs la mkhas pa'i stobs kyis skye bo thams
cad mya ngang las 'das pa la 'god par bya ba'i 'bras bu la skyon

med pa nyid kyis/ zhes gsungs/ de dag gi don bsdus na sa ston pa
la/ 'jug pa'i phyogs kyi rten can gyi/ /rnam rtog de ni rnam
dgur 'dod/ /ces dang/ gzung bar bya ba nyid du 'jug par bya'o/
/zhes bya ba gzung ba'i rnam par rtog pa dang bo 'jug pa'i
phyogs kyi rten can

rnam pa dgu po/ zhes gsungs/ gzhung don ni/ 'dir bstan shes
sgrib 'jug pa gzung rtog chos can/ khyod la rnam pa dgur yod de/
khyod la yul gyi sgo nas dbye na rnam pa dgur yod pa'i phyir/
de'i yul de la yang dgur yod de/ don dam par rgyu phar phyin
drug gis

dben pa'i 'bras bu bla med byang chub kyi dben pa ma rtogs pa'i
don rgyu de la brten nas 'bras bu de 'thob pa'i ngo bo nyid
dang/ sa mi g.yo ba sogs gsum la dngos su 'jug pa'i sangs rgyas
kyi rigs su nges pa dang/ chos thams cad bden stong sgyu ma lta
bur rtogs

@18a @#/ /pa'i mthong lam sogs yang dag par grub pa dang/ chos
thams cad gzugs brnyan tsam du zad par rtogs pas theg chen gyi
shes pa'i dmigs pa ma 'khrul ba dang/ yon tan dang skyon mthong
ba sngon du btang ba'i sgo nas blang bya dang dor byar

byed pa nyid kyis gnyen po dang mi mthun phyogs skyed pa dang
sel ba dang/ mkhyen gsum yul bcas shes pa la sgrib pa'i dri ma
thams cad dang bral bas rang gi yul ji bzhin du rtogs pa dang/
rgyu dman zhing 'bras bu gya nom pa ma yin pas nyan thos sogs
kyi sa thag srid bar

byed pa dang/ gdul bya'i bsam pa dang mthun par sprul nas don
byed pas sems can gyi don byed pa'i las dang/ yang dag pa'i
thabs shes dang snying rje skyed pa la mkhas pa'i stobs kyis
gdul bya'i skye bo thams cad myang 'das la 'god par bya ba'i
'bras bu

ste dgu yod pa'i phyir/ de dag la rtog pa'i tshul yod de/ dngos
por dmigs pa dang gzhan don mi sgrub pa'i skyon med pa nyid kyis
der mthong nas 'di ni bdag gi blang bya'i gzung ba'o/ /zhes bden
par zhen par byed pa yin pa'i phyir ro/ /rtog pa de rnams chos
can/

mthong lam gyi spang bya yin te/ mthong lam gyi sbyor ba ste
thob pa yongs su rdzogs pa'i gnas skabs kyi spang byar sangs
rgyas bzhed pa'i phyir/ gnyis pa la yang mdo dang bstan bcos
gnyis las/ dang po ni/ de nas tshe dang ldan pa rab 'byor gyis
bcom ldan 'das la 'di

skad ces gsol to/ /bcom ldan 'das byang chen gang thabs la mkhas
pa de yun ring ji srid gcig nas yang dag par zhugs pa lags/ zhes
sogs kyis bstan/ gnyis pa la gsum las/ dang po ni/ 'o na mthong
spang shes sgrib ldog pa gzung rtog dgu po de gang yin

zhes dri ba'i sgo nas mtshams sbyor ba la/ gzung ba'i rnam par
rtog pa gnyis pa ldog pa'i rten can ji ltar rnam pa dgu yin zhe
na/ zhes gsungs/ gnyis pa ni/ de'i don 'chad pa la/ srid dang
zhi bar ltung ba'i phyir/ zhes sogs gsungs/ gsum pa la spang bya
rtog pa dang/

@18b spong byed gnyen po gnyis las/ dang po ni/ 'khor ba dang/
zhes sogs kyis 'chad/ gnyis pa ni/ byang chub sems dpa' rnams
kyi mthong ba'i lam gyi sems dang sems las byung ba 'jug pa'i
gnas skabs kyi spang bar bya bar bzhed pa yin no/ /zhes 'chad/
dang po

la yang rtog pa'i ngo bo dang/ yul gnyis las/ dang po de ston pa
la/ rnam rtog dgu yi bdag nyid 'di/ /ldog pa'i phyogs kyi rten
can te/ /nyan thos la sogs yid las 'byung/ /zhes dang/ gzung bar
rnam par rtog pa gnyis pa ldog pa'i phyogs kyi rten can nyan

thos dang rang sangs rgyas kyi rgyud la blang bar bya ba nyid du
'byung ba rnam pa dgu po/ zhes gsungs/ gnyis pa de la yul dgur
yod de/ de la lam dman pa lnga dang/ 'bras bu dman pa bzhi yod
pa'i phyir/ dang po la yang rtogs pa dman pa/ yongs 'dzin dman
pa/

lam dman pa/ dbang po dman pa/ thabs mkhas dman pa dang lnga
las/ dang po la rnam par rtog pa de ston pa la/ bcom ldan 'das
kyis bka' stsal pa/ rab 'byor thabs mkhas de lta bu dang ldan
pa'i byang chen de ni bskal pa bye ba khrag khrig grangs med pa
nas

yang dag par zhugs pa yin no/ /zhes sogs gsungs/ de'i don 'chad
pa la/ srid dang zhi bar ltung ba'i phyir/ /rtogs pa dman pa
nyid dang ni/ /zhes dang/ 'khor ba dang mya ngan las 'das pa
gang yang rung ba zhig tu ltung ba nyid kyis rtogs pa dman pa
nyid dang/

zhes gsungs/ gnyis pa la rnam par rtog pa de ston pa la/ rab
'byor 'di lta ste/ dper na khyim thabs med pa'i bud med rnams ni
'phyon ma pa rnams kyis tshugs par sla ba yin no/ /rab 'byor de
bzhin du phar phyin lnga yang sher phyin dang bral na bdud kyi
ris kyi

lha rnams kyis tshugs par sla ba yin no/ /zhes gsungs/ de'i don
'chad pa la/ yongs su 'dzin pa med pa dang/ /zhes dang/ dge ba'i
bshes gnyen thabs la mkhas pa dang bral ba nyid kyis yongs su
'dzin pa med pa dang/ zhes gsungs/ gsum pa la rnam par rtog pa
de

@19a @#/ /ston pa la/ rab 'byor 'di lta ste/ dper na g.yul ngor
'gro ba'i skyes bu go cha tshang bar gyon pa mtshon cha tshang ba
thams cad g.yul ngo na 'dug pa'i tshe rgyal po'i zla'am phyir
rgol pa dang dgra rnams kyis thub par dka' 'o/ /rab 'byor de

bzhin du phar phyin lnga yang sher phyin dang ma bral na bdud
dam bdud kyi ris kyi lha rnams dang gang zag lhag pa'i nga rgyal
can nam byang chub sems dpa' gdol pa rnams kyis thub par dka'
'o/ /zhes gsungs/ de'i don 'chad pa la/ lam gyi rnam pa ma tshang

dang ! zhes dang/ shes bya'i sgrib pa mtha' dag gi gnyen po ma
yin pa nyid kyis sgrub pa'i lam ma tshang ba dang/ zhes gsungs/
bzhi pa la rnam par rtog pa de ston pa la/ rab 'byor 'di lta
ste/ dper na mkhar gyi rgyal po rnams ni 'khor los sgyur ba'i
rgyal po'i

rjes su mthun par sgrub cing/ nang nub bsnyen bkur bya ba'i
phyir 'ong bar byed do/ /rab 'byor de bzhin du phar phyin lnga
yang sher phyin gyis yongs su zin na rnam mkhyen nyid gang na ba
der 'dong ngo/ /zhes gsungs/ de'i don 'chad pa la/ gzhan gyi
rkyen gyis 'gro ba

dang ! /zhes dang/ de bzhin gshegs pa la sogs pa'i gdams ngag la
ltos pa dang bcas pa nyid kyis gzhan gyi rkyen kyis 'gro ba nyid
dang/ zhes gsungs/ lnga pa de ston pa la/ rab 'byor 'di lta ste/
dper na chu klung phra mo ji snyed gcig yod pa de dag thams cad

ni chu klung chen po gang gA gang na ba der 'dong ste/ de dag
chu klung gang gA dang 'grogs te rgya mtsho chen po'i nang du
'dong ngo/ /rab 'byor de bzhin du phar phyin lnga yang/ zhes
sogs gsungs/ de'i don 'chad pa la/ ched du bya ba log pa dang/
/zhes dang/ sems can

thams cad kyi mchog nyid kyi sems chen po nyid la sogs pa la mi
'jug pa nyid kyis ched du bya pa log pa dang/ zhes gsungs/ gnyis
pa la yang/ spangs pa dman pa/ rtogs pa dman pa/ gzhan don gyi
bya ba dman pa/ myang 'das dman pa dang bzhi las/ dang

@19b po la rnam par rtog pa de ston pa la/ rab 'byor 'di lta
ste/ dper na skyes bu'i lag pa g.yas pa ni dgos pa thams cad
byed do/ /rab 'byor de bzhin du sher phyin yang de ltar blta ste
phar phyin lnga ni lag pa g.yon pa ji lta ba bzhin du lta'o/
/zhes gsungs/

de'i don 'chad pa la/ nye tshe ba dang/ zhes dang/ nyon mongs
pa'i sgrib pa'i gnyen po nyid kyis nye tshe ba'i lam gyi byed pa
dang/ zhes gsungs/ gnyis pa la rnam par rtog pa de ston pa la/
rab 'byor 'di lta ste/ dper na chu klung phra mo rnams kyi chu
dang chu klung chen po rnams

kyi chu ji snyed cig yod pa de thams cad kyang rgya mtsho chen
por phyin nas 'di lta ste lan tsha'i ngor ro gcig par 'gyur ro/
/rab 'byor de bzhin du phar phyin lnga yang sher phyin gyis
yongs su zin na rnam mkhyen nyid kyi ngor ro gcig par 'gyur ro/
/zhes gsungs/

de'i don 'chad pa la/ sna tshogs nyid/ /ces dang/ dmigs pa dang
bcas pa nyid kyis 'bras bu dang po la sogs pa rtogs pa tha dad
pa nyid dang/ zhes gsungs/ gsum pa de ston pa la/ rab 'byor 'di
lta ste/ dper na 'khor los sgyur ba'i rgyal po'i dpung gi

tshogs yan lag bzhi dang ldan pa'i mdun du ni 'khor lo rin po che
'gro zhing 'dug ste gang du 'khor los sgyur pa'i rgyal po zas
kyi don du 'dug par 'gyur pa na 'khor los sgyur pa'i rgyal po'i
dpung gi tshogs thams cad yongs su tshim par byed cing 'khor

lo rin po che gnas nas g.yo ba med do/ /rab 'byor de bzhin du
phar phyin lnga po 'di sher phyin gyis yongs su dkri ba yin te
rnam mkhyen nyid gang na ba der 'dong zhing der gnas so/ /der
gnas par gyur nas kyang de las kyang mi 'da' 'o/ /zhes gsungs/
de'i

don 'chad pa la/ gnas dang 'jug la rmongs ba dang/ /zhes dang/
ma rig pa'i bag la nyal ba thams cad ma spangs pa nyid kyis gnas
pa dang 'gro ba mi shes pa dang/ zhes gsungs/ bzhi pa la rnam
par rtog pa ston pa la/ rab 'byor 'di lta ste/ dper na

@20a @#/ /'khor los sgyur ba'i rgyal bo'i 'khor lo rin po che de
dang/ blon po rin po che de dang/ khyim bdag rin po che de dang/
bud med rin po che de dang/ nor bu rin po che de dang/ glang po
rin po che de dang/ rta rin po che de dag ni dpung gi tshogs yan
lag bzhi'i

mdun du 'dod do/ /rab 'byor de bzhin du sher phyin 'di yang phar
phyin lnga po 'di dag gi mdun du 'gro ste/ zhes pa nas/ rab
'byor de nas 'di ltar sher phyin 'di ni dge ba'i chos thams cad
yongs su bzung zhing mi gnas pa'i tshul gyis rnam mkhyen nyid
gang na

ba der gnas par 'gyur ba'i phyir ro/ /zhes gsungs/ de'i don
'chad pa la/ rjes la 'gro zhes bya ba la/ /zhes dang/ theg pa
chen po thams cad sdud par byed pa nyid kyis rnam pa thams cad
mkhyen pa nyid mya ngan las 'das pa thams cad kyi mjug tu 'gro
ba la nyes

pa dang bcas pa nyid kyis gzung bar bya ba ma yin pa nyid du
ldog par bya'o/ /zhes gsungs/ gzhung don ni/ 'dir bstan shes
sgrib ldog pa gzung rtog chos can/ khyod la dgur yod de/ khyod
kyi yul de la rnam pa dgur yod pa'i phyir/ de'i yul de la rnam
pa dgur yod de/

nyan rang gi lam 'bras rtogs pa dman pa/ bdag rkyen yongs 'dzin
dman pa/ don gnyis sgrub pa'i thabs dman pa/ spangs rtogs khyad
par can las nyams pa/ lam 'bras khyad par can thob pa las nyams
pa dang lnga yod pa'i phyir/ gsum pa la yang/ gzhan don

sgrub pa'i thabs dman pa byang chub sgrub pa'i lam gyi rnam pa'i
cha ma tshang ba dang/ rang don sgrub pa'i thabs dman pa srid pa
tha ma'i tshe yang gzhan gyi rkyen gyis 'gro ba dang/ gnyis ka'i
don sgrub pa'i thabs dman pa ched du bya ba log pa dang gsum du
yod la/ bzhi

pa la yang/ spangs pa dman pa lam gyi spang bya spong pa'i byed
pa ste nyi tshe ba dang/ rtogs pa de man pa rgyun zhugs nas dgra
bcom pa'i bar rtogs pa sna tshogs pa'am tha dad pa nyid yod la/
lnga pa la yang lam khyad par can thob pa las nyams pa rnam
mkhyen du

@20b zhugs nas rgyun du gnas pa dang dang por 'jug pa'am 'gro ba
la rmongs pas mi shes pa dang/ 'bras bu khyad par can 'thob pa
las nyams pa rjes la 'gro ba dang gnyis su yod pa'i phyir/ phyi
ma 'di la yang/ gang gi mjug tu 'gro ba dang/ /gang mjug tu 'gro
ba

dang; gang du 'gro ba dang/ de'i rgyu mtshan dang bzhi las/ dang
po yod de/ theg chen gyi myang 'das thams cad thob pa'i mjug tu
'gro ba yin pa'i phyir/ gnyis pa yod de/ theg chen gyi gang zag
rnams 'gro ba yin pa'i phyir/ gsum pa yod de/ rnam mkhyen du
'gro ba

yin pa'i phyir/ bzhi pa yod de/ theg pa gsum gyi nang nas theg
pa chen po kho na theg pa gsum gyi spangs rtogs kyi yon tan gyi
rigs thams cad yar ldan du sdud par byed pa'i phyir/ des na
'di'i mdor rtog pa gnyis pa dang drug pa'i skabs ma gtogs par
gnyen po

'ba' zhig sgras zin la bstan pa'i shugs la 'phangs pa'i rtog
pa'i yul dgu bstan bcos su gsungs so/ /rtog pa de dag gis yul la
rtog tshul yang yod de/ drang po'i lam med par yon pos 'gro ba'am
gzhan don mi sgrub cing mtshan mar dmigs pa'i nyes

pa dang bcas pa nyid kyis te/ der mthong nas 'di ni bdag gis
gzung bar bya ba yin pa'i phyir ldog par bya ba nyid du 'jug par
bya'o zhes rtog par byed pa'i phyir/ rtog pa de rnams chos can/
mthong spang yin te/ byang sems rnams kyi mthong lam gyi sems
dang

sems las byung ba 'jug pa ste rtog pa rgyas pa'i dngos po'i gnas
skabs kyi spang bar bya bar sangs rgyas bzhed pa'i phyir// !
//gnyis pa la yang/ rdzas 'dzin rtog pa rgyas par bshad pa dang/
btags 'dzin rtog pa rgyas par bshad pa dang gnyis las/ dang

po la/ mdo dang bstan bcos gnyis las/ dang po ni/ gsol pa bcom
ldan 'das sher phyin ni chos gang yang yongs su 'dzin pa'am
gtong ba ma mchis sam/ zhes sogs gsungs/ gnyis pa la gsum las/
dang po ni/ mthong spang shes sgrib rdzas 'dzin rtog pa de la

@21a @#/ /dgur yod na de dag gang yin zhes dri ba'i sgo nas
mtshams sbyor ba la/ so so skye bo'i 'dzin pa'i rnam par rtog pa
dang po skyes bu rdzas su yod pa'i rten can ji ltar rnam pa dgu
yin zhe na/ zhes gsungs/ gnyis pa ni/ mdo de'i don 'chad pa la/

'dzin pa dang ni 'dor ba dang/ /zhes sogs gsungs/ gsum pa la
spang bya rtog pa dang/ spong byed gnyen po gnyis las/ dang po
ni/ kun rdzob tu sgyu ma bzhin du/ zhes sogs kyis 'chad/ gnyis
pa ni/ mthong ba'i lam gyi sbyor ba'i gnas skabs kyi spang bar
bya

bar bzhed pa yin no/ /zhes 'chad/ dang po la yang/ rtog pa'i ngo
bo dang/ yul gyi dbye ba gnyis las/ dang po ni/ 'dzin pa dang
por shes par bya/ /zhes dang/ 'dzin par rnam par rtog pa dang po
rnam pa dgu/ zhes gsungs/ gnyis pa la yang/ rgyu zhen med kyi
lam

las nyams pa dang/ 'bras bu rnam mkhyen mi 'thob pa gnyis las/
dang po la spyod pa la zhen pa dang/ shes bya la zhen pa dang/
spang gnyen la zhen pa dang gsum las/ dang po la yang/ kun slong
dang/ ngo bo dang/ nyes dmigs dang gsum las/ dang po 'dzin pa
dang gtong

ba'i rnam par rtog pa de ston pa la/ gsol pa bcom ldan 'das sher
phyin chos gang yongs su 'dzin pa'am gtong ba ma mchis sam/ bcom
ldan 'das kyis bka' stsal pa/ rab 'byor de ni ma yin te/ sher
phyin chos gang yang yongs su 'dzin pa'am gtong pa yod do/ /

zhes sogs gsungs/ de'i don 'chad pa la/ 'dzin pa dang ni 'dor ba
dang/ zhes dang/ kun rdzob tu sgyu ma bzhin du 'dzin pa dang
gtong ba dang/ zhes gsungs/ gnyis pa yid la byed pa la de ston
pa la/ bcom ldan 'das ji ltar gzugs yongs su ma bzung ma btang
ba

lags; ji ltar na tshor ba dang 'du shes dang 'du byed rnams dang/
/rnam par shes pa yongs su ma bzung ma btang ba lags/ ji ltar
rnam mkhyen gyi bar du yongs su ma bzung ma btang ma btang ba
lags/ bcom ldan 'das kyis bka' stsal pa/ rab 'byor gzugs yid la
mi byed pas

@21b gzugs yongs su ma bzung ma btang ba yin no/ /zhes gsungs/
de'i don 'chad pa la/ yid la byed dang/ zhes dang/ yang dag pa
nyid du yid la mi byed par yid la byed pa dang/ zhes gsungs/
gsum pa khams gsum la chags pa dang 'brel ba la de ston pa la/

bcom ldan 'das ci'i slad du de ltar gzugs yid la ma bgyis/ de
ltar tshor ba dang 'du shes dang 'du byed rnams dang rnam par
shes pa yid la ma bgyis/ zhes pa nas/ bcom ldan 'das kyis bka'
stsal pa/ yid la byed pas ni gal te 'dod pa'i khams/ gal te

gzugs kyi khams/ gal te gzugs med pa'i khams su 'dre bar 'gyur
te/ yid la byed pa med pas ni gang du yang 'drel bar mi 'gyur
ro/ /de bas na rab 'byor byang chen chos gang dang yang 'drel
bar mi bya'o/ /zhes gsungs/ de'i don 'chad pa la/ khams rnams
ni/ gsum po

dag dang nyer 'brel dang/ /zhes dang/ chos nyid kyi khams gsum
char dang nye bar 'brel pa dang/ zhes gsungs/ gnyis pa la yang
dngos por zhen pa dang/ rgyun du zhen pa dang/ tha snyad du zhen
pa gsum las/ dang po gnas pa la zhen pa de ston pa la/ gsol ba
bcom ldan

'das byang chen sher phyin la de ltar spyod pa de gang la gnas
par 'gyur/ bcom ldan 'das kyis bka' stsal pa/ rab 'byor de ltar
spyod pa'i byang chen ni gzugs la gnas par mi 'gyur ro/ /zhes
sogs gsungs/ de'i don 'chad pa la/ gnas dang/ zhes dang/ stong
pa

nyid du mi gnas pas gnas pa dang/ zhes dang/ gnyis pa dngos po
la ma nor bar zhen pa de ston pa la/ gsol pa bcom ldan 'das ci'i
slad du rnam mkhyen nyid la yang gnas par mi 'gyur ba lags/ bcom
ldan 'das kyis bka' stsal pa/ mngon par chags pa

med pa'i phyir gang la yang gnas par mi 'gyur ro/ /zhes sogs
gsungs/ de'i don 'chad pa la/ mngon par zhen pa dang/ zhes dang/
dngos po la mngon par ma zhen pas thams cad la mngon par zhen pa
dang/ zhes gsungs/ gsum pa dngos por btags pa la rnam

@22a @#/ /par rtog pa de ston pa la/ gal te byang chen 'di snyam
du sems shing gang de ltar spyod pa dang/ de ltar sgom pa de ni
sher phyin la spyod do/ /de ni sher phyin la sgom te/ bdag ni
sher phyin la spyod do/ /zhes sogs gsungs/ de'i don 'chad pa la/
chos

kyi dngos po btags pa dang/ /zhes dang/ rdzas su yod pa med pas
chos thams cad btags pa dang/ zhes gsungs/ gsum pa la spang bya
dang/ gnyen po la zhen pa gnyis las/ dang po chags pa la rnam
par rtog pa de ston pa la/ de nas tshe dang ldan rab 'byor gyis
bcom

ldan na 'das la 'di skad ces gsol to/ /bcom ldan 'das ji ltar
byang chen sher phyin la spyod pa'i tshe skyon 'di dag ma mchis
par 'gyur ba lags/ bcom ldan 'das kyis bka' stsal pa/ rab 'byor
nam byang chen 'di snyam du chos thams cad ni med pa

ste yongs su ma bzung ba'o/ /de ltar chos thams cad med cing
yongs su ma bzung ba ni mngon par 'tshang rgya bar mi nus so/
/zhes bya bar yang dag par shes te/ zhes sogs gsungs/ de'i don
'chad pa la/ chags pa dang ni/ zhes dang/ de kho na nyid shes
pa'i ma chags

pas mngon par ma zhen pa sngon du 'gro ba'i chags pa dang/ zhes
gsungs/ gnyis pa gnyen po la rnam par rtog pa de ston pa la/
gsol pa bcom ldan 'das sher phyin sher phyin dang ma bral ba
lags sam/ zhes pa nas/ rnam mkhyen gyi bar yang rnam mkhyen nyid
dang ma

bral pa zhig lags na ni/ /zhes gsungs/ de'i don bshad pa la/
gnyen po dang/ zhes dang/ mnyam pa nyid sgom pa'i gnyen po nyid
kyis gnyen po dang/ zhes gsungs/ gnyis pa ji ltar 'dod pa bzhin
du 'gro ba las thogs pa'i rnam par rtog pa ston pa la/ 'o na ni
sher phyin yang

ji ltar mngon par bsgrub par bgyi/ bsam gtan gyi phar phyin
dang/ brtson 'grus kyi phar phyin dang/ bzod pa'i phar phyin
dang/ tshul khrims kyi phar phyin dang/ sbyin pa'i phar phyin
dang/ rnam mkhyen nyid kyi bar yang ji ltar mngon par bsgrub par
bgyi/ bcom ldan 'das

@22b kyis bka' stsal ba/ rab 'byor 'di la byang chen gzugs shes
pa'am 'di ni gzugs so/ /'di'i gzugs so/ /zhes bya bar mngon par
chags pa med pa nas/ rnam mkhyen nyid gang na ba der gnas par
'gyur ro/ /zhes gsungs/ de'i don 'chad pa la/ ji ltar

'dod bzhin 'gro nyams la/ /zhes dang/ shes rab kyi pha rol tu
phyin pa yang dag par ma shes pa nyid kyis ji ltar 'dod pa bzhin
du 'gro ba thogs pa la don dam pa'i dngos por mngon par zhen
pas/ zhes gsungs/ gzhung don ni/ skabs 'dir bstan gyi shes sgrib

rdzas 'dzin rtog pa chos can/ khyod la dbye na dgur yod de/
khyod kyi yul de la dgur yod pa'i phyir/ de la dgur yod pa yin
te/ rnam mkhyen gyi rgyu las nyams pa brgyad dang/ 'bras bu rnam
mkhyen las nyams pa gcig ste dgur yod pa'i phyir/ dang po grub
ste/ de la spyod pa la

zhen pa gsum/ shes bya la zhen pa gsum/ spang gnyen la zhen pa'i
dbang du byas pa gnyis rnams su yod pa'i phyir/ dang po grub
ste/ kun rdzob tu sgyu ma yul la 'dor len byed pa ltar yon tan
'dzin pa po skyon 'dor ba'i kun slong dang/ chos thams cad la
yang dag par

sgyu ma ltar yid la mi byed par bden par yid la byed pa po ngo
bo dang/ mtshan mar yid la byas pa'i chos nyid kyi khams gsum po
dang nye bar 'brel ba ste/ de dag tu dmigs pa po nyes dmigs gsum
du yod pa'i phyir/ gnyis pa grub ste/ stong pa nyid zhen med du
mi

gnas pas gzugs sogs la zhen nas gnas pa po dang/ dngos po bden
par ma zhen pa'i tshul gyis chos thams cad la mngon par zhen pa
ste yul du byed pa po dang/ don dam par rdzas su yod pa'i chos
med pas gzugs sogs kyi chos thams cad tha snyad du btags pa

tsam du rtogs pa po dang gsum du yod pa'i phyir/ gsum pa grub
ste/ de kho na nyid shes pa'i 'khor gsum du ma chags pas mngon
par ma zhen pa sngon du 'gro ba'i sgo nas phyin drug la chags
shing nan tan du byed pa po dang/ srid zhi mnyam nyid du bsgoms
pa'i gnyen po nyid

@23a @#/ /kyis de la blang dor du 'dzin pa'i gnyen po byed pa po
dang gnyis su yod pa'i phyir/ gnyis pa grub ste/ sher phyin yang
dag par phyin ci ma log par ma shes pa nyis kyis sbyin sogs
lngas ji ltar 'dod pa bzhin du 'gros thogs pa po de de yin pa'i
phyir/

rtog pa de dag gis yul de dag la rtog tshul yod de/ yul dgu po de
dag dang ldan pa'i gang zag gam shes rgyud la 'di ni rdzas su
yod pa'i bdag go /snyam du don dam pa'i dngos por mngon par zhen
pas 'dzin pa'i phyir/ rtog pa de dgu chos can/ mthong spang yin
te/ mthong

lam rtse mo'i sbyor ba nyer bsdogs kyi gnas skabs kyi spang bya
yin pa'i phyir/ 'di mdo las gnyen po dgu dngos su bstan nas
gsungs la/ de yang gsum pa drug pa bdun pa la spang gnyen gnyis
ka gsungs/ de'i shugs la/ 'phangs pa'i chos dgu rdzas 'dzin rtog
pa'i yul

du bstan bcos su gsungs so// ! //gnyis pa la yang/ mdo dang
bstan bcos gnyis las/ dang po ni/ rab 'byor 'di lta ste/ dper na
kha lo sgyur ba ni/ zhes sogs gsungs/ gnyis pa la gsum las/ dang
po ni/ mthong spang shes sgrib btags 'dzin rtog pa de la dgur

yod na/ de dag gang yin zhes dri ba'i sgo nas mtshams sbyor ba
la/ 'dzin par rnam par rtog pa gnyis pa skyes bu btags par yod
pa'i rten can ji ltar rnam pa dgu yin zhe na/ zhes gsungs/ gnyis
pa ni/ mdo de'i don 'chad pa la/ ched bzhin nges par mi 'byung
dang/ zhes sogs

gsungs; gsum pa ni/ de nyid tshig don gyi sgo nas 'chad pa la/
nyan thos la sogs pa'i nges par 'byung ba/ zhes sogs gsungs/ 'di
la yang/ spang bya rnam rtog dang/ spong byed gnyen po gnyis
las/ dang po ni/ nyan thos zhes sogs kyis 'chad/ gnyis pa ni/
mthong ba'i lam

gyi sems dang sems las byung ba 'jug pa'i gnas skabs kyi spang
bar bya bar bzhed pa yin no/ /zhes 'chad/ dang po la yang/ yul
gyi dbye ba gnyis las/ dang po ni/ 'dzin pa'i rnam rtog gzhan
yin no/ /zhes dang/ 'dzin par rnam par rtog pa gnyis pa rnam par
dgu

@23b zhes gsungs/ gnyis pa la/ btags 'dzin rtog pa'i yul dgur
yod pa de yang gsum du 'du ste/ don du gnyen bya mi 'thob pa
dang/ phyin ci log tu rtog pas zin pa dang/ yang dag pa'i lam
dang 'gal ba gsum du 'dus pa'i phyir/ de'i dang po ched du bya
ba ji lta ba bzhin du

nges par mi 'byung ba la rnam par rtog pa ni/ rab 'byor 'di lta
ste/ dper na kha lo sgyur ba ni/ rta zung bzhi pa'i shing rta la
zhon zhing lam mnyam pa nas 'gro'o/ /de bzhin du phar phyin
lngas kha lo sgyur ba sher phyin yang rnam mkhyen nyid gang na
bder lam mnyam pa nas 'gro'o/ /

zhes 'chad/ de'i don 'chad pa la/ ched bzhin nges par mi 'byung
dang/ /zhes dang/ nyan thos la sogs pa'i nges par 'byung ba nyid
kyis ched du bya ba ji lta ba bzhin du nges par mi 'byung ba
dang/ zhes gsungs/ gnyis pa la lam la phyin ci log dang/ shes
bya la phyin ci log gnyis

las; dang po lam la lam ma yin par nges par 'dzin pa la rnam par
rtog pa ni/ gsol ba bcom ldan 'das byang chen rnams kyi lam ni
gang lags/ lam ma lags pa ni gang lags/ bcom 'das kyis bka'
stsal pa/ rnam mkhyen nyid thob par bya ba la nyan thos kyi lam

ni byang chen rnams kyi lam yin no/ /rang sangs rgyas kyi lam ni
byang chen rnams kyi lam yin no/ /rnam mkhyen nyid thob par bya
ba la sher phyin sngon du 'gro ba'i phar phyin drug ni byang
chen rnams kyi lam dang lam ma yin pa'i/ /zhes 'chad/ de'i don
'chad pa la/ lam la lam min

nges 'dzin dang/ /zhes dang/ rang gi mngon par 'dod pa'i lam med
pas lam gzhan la lam ma yin par nges par 'dzin pa dang/ zhes
gsungs/ gnyis pa la dgag sgrub tu bden par 'dzin pa dang/ chos
dang ldan mi ldan bden par 'dzin pa dang/ gnas kyi don bden par

'dzin ba dang gsum las dang po skye ba dang 'gag pa la rnam par
rtog pa de ston pa la/ gsol pa bcom ldan 'das de lta na sher
phyin 'di la lam dang lam ma lags pa ston pa ni byang chen rnam
don chen po'i slad du nye bar gnas so/ /bcom ldan 'das kyis bka'
stsal

@24a @#/ /pa; rab 'byor de de bzhin no de de bzhin te/ zhes sogs
gsungs/ de'i don 'chad pa la/ 'gag dang bcas pa sa skye ba dang/
/zhes dang/ rgyu dang 'bras bu kun rdzob kyi ngo bos skye ba
dang 'gag pa dang/ zhes gsungs/ gnyis pa ldan pa dang mi ldan pa
la

rnam par rtog pa de ston pa la/ gsol ba bcom ldan 'das byang
chen gyis ji ltar phar phyin drug la brtson par bgyi/ bcom ldan
'das kyis bka' stsal ba/ rab 'byor 'di la byang chen gyis gzugs
dang ldan pa'ang ma yin mi ldan pa'ang ma yin zhes bya bar brtag
par bya ste/ rab 'byor

de ltar byang chen phar phyin drug la brtson par bya'o/ /zhes
sogs gsungs/ de'i don 'chad pa la/ dngos po ldan dang mi ldan
dang /zhes dang/ bar chad med pa dang cig shes su snang ba nyid
kyis dngos po mtha' dag ldan pa dang mi ldan pa dang/ zhes
gsungs/ gsum pa gzugs la

sogs pa la gnas pa'i rnam par rtog pa ston pa la/ rab 'byor gang
byang chen gyis gzugs la gnas par bya'o/ /zhes brtson par mi
bya'o/ /zhes sogs gsungs/ de'i don 'chad pa la/ gnas dang/ zhes
dang/ nam mkha' la gnas pa'i bya dang 'dra ba nyid kyis gzugs la
sogs

pa la gnas pa dang/ zhes gsungs/ gsum pa la yang/ dman pa'i rigs
nyams pa/ mthun rkyen ma tshang ba/ 'gal rkyen gyis zin po'o/
/dang po rigs rnam par 'jig pa la rnam par rtog pa ston pa la/
rab 'byor 'di lta ste/ dper na skyes bu zhig shing thog a
mra'am pa

nas bza' bar 'dod na/ des shing thog a mra'am pa nas bskyed par
bya'o/ /bskyed nas kyang dus dus su chus bcu'o/ /gnod pa bsal
lo/ /zhes sogs gsungs/ de'i don 'chad pa la/ rigs ni 'jig pa
dang/ zhes dang/ byang chub kyi sems bskyed pa la sogs pa'i sgo
nas

nyan thos la sogs pa'i rigs 'jig pa dang/ zhes gsungs/ gnyis pa
la 'bras bu khyad par can la don gnyer med pa dang/ de'i rgyu
sher phyin med pa'o/ /dang po don du gnyer ba med pa la rnam par
rtog pa de ston pa la/ rab 'byor de lta bas na byang chen gzhan
gyi dring mi 'jog par

@24b 'dod pa dang/ sangs rgyas kyi zhing yongs su sbyangs bar
'dod pa dang/ snying po byang chub la 'dug par 'dod pa dang/
chos kyi 'khor lo bskor bar 'dod pas sher phyin la bslab par
bya'o/ /gsol pa/ bcom ldan 'das sher phyin gyis sher phyin la
bslab par bya'o/ /zhes gsungs

ngam; bcom ldan 'das kyi bka' stsal pa/ rab 'byor sher phyin
gyis sher phyin la bslab par bya'o/ /zhes smra'o/ /chos thams
cad la dbang du 'gyur bar 'dod pas sher phyin la bslab par
bya'o/ /zhes smra'o/ /zhes gsungs/ de'i don 'chad pa la/ don du
gnyer dang/ zhes dang/ de

bzhin nyid las khyad par du 'phags pa'i chos med pas 'dod pa med
pa dang/ zhes gsungs/ gnyis pa rgyu med pa la rnam par rtog pa
ni/ de ci'i phyir zhe na/ gang gi chos thams cad la dbang du
'gyur ba'i sa thob par 'gyur ba de ni sher phyin no/ /zhes sogs
gsungs/

de'i don 'chad pa la/ rgyu med dang/ zhes dang/ don dam pa'i
bden pa la brten nas rgyu med pa dang/ zhes gsungs/ gsum pa
phyir rgol ba'i chos la dmigs pa'i rnam par rtog pa de ston pa
la/ rab 'byor 'di lta ste/ dper na 'phong gi slob dpon lag tshod
dang 'byor

ba'i gzhu thogs pa ni dgra dang phyir rgol pa rnams kyis ni thub
par dka'o/ /rab 'byor de bzhin du byang chen sher phyin la spyod
pa yang bdud dam bdud kyi ris kyi lha rnams kyis thub par dka'o/
/zhes pa nas/ rnam mkhyen nyid kyi bar du dgongs pa mi mdzad do/
/zhes gsungs/ de'i

don 'chad pa la/ phyir rgol ba ni dmigs pa la/ /zhes dang/ ser
sna shin tu goms par byas ba'i chos nyid kyis bdud la sogs pa
phyir rgol ba'i dngos po dmigs pa la btags pa'i dngos por mngon
par zhen pa nyid kyis/ zhes gsungs/ gzhung don ni/ skabs 'dir

bstan gyi shes sgrib btags 'dzin rtog pa chos can/ khyod la dgur
yod de/ khyod kyi yul de la dgur yod pa'i phyir/ de'i yul de la
dgur yod de/ nyan rang gi byang chub nges par 'byung ba nyid
kyis ched du bya ba chen po gsum ji lta ba bzhin du nges par mi
'byung ba'i skyes bu dang/

@25a @#/ /theg chen gyi lam la nyan rang gi mngon par 'dod pa'i
nyer zhi'i thabs tsam gyi lam med par mthong nas lam gzhan theg
chen la lam yang dag ma yin par nges par 'dzin pa po dang/ rgyu
skye ba dang 'bras bu 'gag pa kun rdzob btags pa tsam gyi nges

'byed byed par rtog pa po dang/ bar chad med par snang ba ste
don dam du dbye ba med par rtog pas gzugs kyi dngos po mtha' dag
la ldan pa ste/ dbye ba med par shes pa dang bar chad med ba don
dam de'i cig shos su snang ba ste kun rdzob tu dbye ba yod par
rtog pas

gzugs sogs kyi dngos po mtha' dag la mi ldan pa ste dbye ba med
par shes pa sngon du 'gro bas dbye ba yod par shes pa po dang/
nam mkha' la gnas pa'i bya rten med par gnas ba dang 'dra ba
nyid kyis gzugs sogs kyi chos rnams la ma zhen par gnas pa po
dang/

bla med byang chub kyi sems bskyed cing gdams ngag bzung ba'i
sgo nas nyan thos la sogs pa'i rigs te zhi ba tsam don gnyer gyi
blo 'jig cing ldog pa po dang/ de kho nar de bzhin nyid dang de
las khyad par du 'phags pa ste gzhan pa'i chos gang yang 'tshang
rgya ba med pas/

sangs rgyas 'dod cing don du gnyer ba med par rtog pa po dang/
don dam pa'i bden pa la brten nas te/ de'i ngo bor chos ston pa
sogs kyi rgyu med par rtog pa po dang/ ser sna sogs phyin drug
gi mi mthun phyogs shin tu goms par byas pa'i chos nyid dam
stobs kyis bdud

bzhi dang sa gnyis kyis phyir rgol ba'i dngos po dmigs pa ste
yod pa rnams su yod pa'i phyir/ rtog pa de dag gis yul dgu po de
la rtog tshul yod de/ mi mthun pa dang gnyen po'i chos de rnams
dang ldan pa'i shes rgyud la 'di ni btags par 'dod pa'i sa dag
tu bden no snyam

du btags pa'i dngos por mngon par zhen nas 'dzin pa'i phyir/ 'di
dag kyang mdo las/ gnyen po dngos su bstan pa'i shugs la 'phangs
pa bstan bcos su bkod pa'o/ /rtog pa de rnams chos can/ mthong
spang yin te/ mthong lam rtse sbyor gyi sems dang sems las byung
ba

@25b 'jug pa ste/ dngos po'i gnas skabs kyi spang bar bya ba yin
pa'i phyir ro/ /gsum pa gnyen po mtshon tshul ston pa la/ de ltar
na bar skabs kyi tshigs su bcad pa dgus rnam pa bzhi nyid las so
sor mthong ba'i lam gyi mi mthun pa'i phyogs rnam pa dgu yin la/
de dag spang ba

nyid du gnyen po rnam pa bzhi yang de bzhin du dbye bas tha dad
do zhes bya bar khong du chud par bya'o/ /zhes gsungs/ gzhung
don ni/ mthong spang rtog pa la bzhir dbye yod par ma zad/ de'i
gnyen po mthong lam rtse sbyor de la yang rnam pa bzhir yod de/
mthong spang rtog pa'i dbye bas gnyen

po'i dbye ba 'thad pa'i phyir// ! //gnyis pa mthong spang rtog
pa'i gnyen po bshad pa la/ zhar byung dang/ dkyus ma gnyis las/
dang po la/ mthong lam rtse sbyor gyi grogs dang/ de'i 'bras bu
gnyis las/ dang po la gsum las/ dang po ni/ 'dir bar skabs kyi
tshigs

su bcad pa gcig gsungs pa chos can/ dgos pa yod de/ sngar bshad
pa de ltar mthong lam rtse sbyor gyi mi mthun phyogs dang gnyen
po dang bcas pa bzhi yod pa de dag dngos shugs ci rigs par bstan
zin nas/ de'i 'og tu mthong lam rtse sbyor de rgyu gang dang
bcas pa nas byang

chub chen po 'grub par byed pa'am skyed par bzhed pa'i rgyu gang
yin bde bstan par bya ba'i ched yin pa'i phyir/ zhes mtshams
sbyor ba la/ de ltar mthong ba'i lam la mi mthun pa'i phyogs
gnyen po dang bcas pa bstan nas/ byang chub chen po 'grub par
byed pa'i mthong ba'i lam

rgyu gang dang bcas bar bzhed pa'i rgyu gang yin pa de bar skabs
kyi tshigs su bcad ba/ zhes gsungs/ gnyis pa la/ mdo las gsungs
tshul/ bstan bcos kyis 'grel tshul gnyis las/ dang po ni/ de nas
lha rnams kyi dbang po brgya byin gyis bcom ldan 'das la 'di
skad ces

gsol to/ /bcom ldan 'das sher phyin 'di ni zab pa ste/ bcom ldan
'das byang chen bla med rdzogs byang cu mngon par 'tshang rgya
bar 'tshal ba de dag ni dka' ba bgyid pa'o/ /de ci'i phyi zhe na/
bcom ldan 'das de bzhin nyid la gnas pa zhes bgyi ba ni 'ga'
yang ma mchis te bla

@26a @#/ /med rdzogs byang du mngon par 'tshang rgya ba yang ma
mchis/ chos ston par yang 'ga' yang ma mchis mod kyi/ de lta na
yang zhum par mi 'gyur zhing nem nur du 'gyur ba'am rmongs par
'gyur ba ma mchis pa'i slad du'o/ /zhes pa nas/ rnam mkhyen nyid
kyi

ye shes rjes su thob nas bag chags kyi mtshams sbyor ba'i nyon
mongs pa thams cad spangs te/ de bzhin gshegs pa dgra bcom pa
yang dag par rdzogs pa'i sangs rgyas su 'gyur ro/ /zhes pa'i bar
gyis mthong lam rtse sbyor gyi phan yon de bstan nas/ mthong lam
rtse sbyor gyi grogs

sam rgyu ston pa la/ de nas 'khor de'i nang na/ zhes sogs
gsungs/ gnyis pa ni/ mdo de'i don 'chad pa la/ byang chub la
gzhan ston pa dang/ /zhes sogs gsungs/ gsum pa ni/ de nyid tshig
don gyi sgo nas 'chad pa la/ 'chad par 'gyur ba'i mtshan nyid/
ces sogs gsungs/

'di la yang gzhan rgyud spyod pa dang/ rang gi rgyud sbyong ba
gnyis las/ dang po la 'bras bu rtogs pa'i chos la 'god pa dang/
rgyu lung gi chos la 'god pa gnyis las/ dang po ni/ de nas 'khor
de'i nang nas sum cu rtsa gsum pa'i lha rnams me tog man d+ha ra
ba mang po thogs te bcom ldan

'das la gtor to/ /mngon par gtor to rab tu gtor to/ /dge slong
brgya phrag drug cu rtsa gsum yang stan las la ngas nas bla gos
phrag pa gcig tu gzar/ pus mo g.yas pa'i lha nga sa la btsugs
te/ bcom ldan 'das ga la bder logs su thal mo sbyar bas btud nas
bcom ldan

'das la mig mi 'dzum par lta zhing phyag 'tshal lo/ /dge slong de
dag gis thal mo sbyar te btud phag pa'i tshe sangs rgyas kyi
mthus snyim par me tog man d+ha ra bas gang bar gyur nas/ 'dzum
pa mdzad pa'i rgyu mtshan ci lags zhes gsol to/ /de skad ces gsol
pa dang bcom ldan

'das kyis tshe ldan kun dga' bo la 'di skad ces bka' stsal to/
/kun dga' bo dge slong brgya drug cu po 'di dag bskal pa dpe de
skar ma lta bu la bla med rdzogs byang du mngon par 'tshang rgya
ste/ me tog sil ma zhes bya ba'i de bzhin gshegs pa dgra bcom pa
yang dag par rdzogs

@26b pa'i sangs rgyas sha stag 'jig rten du 'byung bar 'gyur ro/
/zhes pa nas/ byang chen rnam par spyod pa'i dam bas rnam par
spyad par 'dod pas sher phyin la spyod par bya'o/ /byang chen de
bzhin gshegs pa'i rnam par spyod pas rnam par spyod par 'dod
pa'i sher phyin la bslab par

bya'o; /zhes gsungs/ de'i don 'chad ba la/ byang chub la gzhan
ston pa dang/ /zhes dang/ 'chad par 'gyur ba'i mtshan nyid can
gyi byang chub la gzhan dag mthong ba'i lam la sogs ba ston pa
sa rab tu 'god ba ni gcig yin no/ /zhes gsungs/ gnyis pa de ston
pa la/ kun dga' bo

rigs kyi bu'am rigs kyi bu mo sher phyin zab mo 'di la spyod
pa'i rigs kyi bu'am rigs kyi bu mo de 'di ltar bdag ni mi'i nang
nas shi 'phos nas 'dir skye ba'am/ zhes pa nas/ kun dga' bo de
bas na sher phyin zab mo 'di khyod la gtad de/ kun dga' bo gal
te khyod kyi ngas

chos ji snyed cig bshad pa las sher phyin ma gtogs par ngas chos
ston pa de dag thams cad bzung ste kun chub par byas nas/ de'i
'og tu chud gzan te bor yang/ de tsam gyis kun dga' bo khyod la
skyon du nga mi brtsi'i kun dga' bo gal te khyod kyis sher phyin
zab mo 'di

bzung ste kun chub par byas nas/ de'i 'og tu tshig gcig tsam chud
gzan nam por bar gyur na/ de tsam gyis ni kun dga' bo khyod la
ngas skyon du bzung ngo/ /zhes sogs gsungs/ de'i don 'chad pa
la/ de yi rgyu ni yongs gtod dang/ /zhes dang/ byang chub gyi
rgyu mtshan kho nar de dag

la yang dag pa'i tshig dang don la sogs pa'i sgo nas sher phyin
yang dag par so sor gtod pa ni gnyis pa yin no/ /zhes gsungs/
gnyis pa la byang chub chen po thob par byed pa'i bar chad med
pa'i rgyu de ston pa la/ kun dga' bo gal te khyod kyis gang zag
nyan thos kyis theg pa

pa rnams la nyan thos kyis sa las brtsams te/ chos bstan pa de'i
stong gsum gyi stong chen po'i 'jig rten gyi khams kyi sems can
gang ji snyed pa de dag thams cad dgra bcom pa nyid mngon du
byed bar gyur kyang da dung yang khyod kyis ngas nyan thos kyi
bya ba byas par mi 'gyur gyi/

@27a @#/ /kun dga' bo gal te khyod kyis byang chen la sher phyin
dang ldan pa'i tshig 'ga' zhig brjod pa de bstan kyang nyan thos
khyod kyis nga dgyes par byas pa yin te/ nyan thos khyod kyis
nyan thos kyi bya ba byas par 'gyur ro nas/ kun dga' bo de bas
na gang zag

nyan thos kyi theg pa pa gang byang chen la chung du na nyi ma
gcig sher phyin dang ldan pa'i chos ston na/ de'i bsod nams ches
mang du 'phel bar 'gyur ro/ /zhes sogs gsungs/ de'i don 'chad ba
la/ de thob bar chad med pa'i rgyu/ /bsod nams mang po'i mtshan
nyid do/ /zhes

dang; byang chub thob par byed pa'i bar chad med pa'i rgyu shes
rab kyi pha rol tu phyin pa rang gis bsgoms pa la sogs pa'i bsod
nams ches mang ba'i mtshan nyid ni gsum pa yin no/ /zhes gsungs/
gzhung don ni/ byang sems sbyor lam pas skal ldan gyi gdul bya

gzhan dag la mthong lam dang/ sgom lam gyi rtogs pa skyed byed
du lung bstan pa chos can/ 'chad par 'gyur ba'i dri ma zad skye
bden med du shes ba'i mtshan nyid can gyi byang chub skyed pa'am
'thob pa'i rgyu yin te/ de'i skyed byed yin pa'i phyir/ byang
sems sbyor lam bas

skal ldan gyi gdul bya la gzhung sher phyin bstan pa chos can/
mthong lam rtse sbyor 'thob pa'i rgyu yin te/ de skyed par byed
pa'i bsod nams kyi tshogs yin pa'i phyir/ theg chen gyi sbyor lam
chos mchog chen po/ mthong lam rtse sbyor gyi rgyu yin te/ de'i
skyed byed kyi ye shes kyi

tshogs yin pa'i phyir/ byang sems sbyor lam pa'i byang chub thob
par byed pa'i bar chad med pa ste nges pa'i rgyu mthong lam gyi
sher phyin mnyam gzhag tu rang gis sgom pa dang rjes thob tu
gzhan la bstan pa chos can/ theg chen dgra bcom pa'i bsod nams
ches

khyad par du 'phags pa yin te/ stong gsum gyi sems can rgyun
zhugs nas dgra bcom pa'i bar la bkod pa las kyang bsod nams ches
mang ba'i mtshan nyid can yin pa'i phyir/ rgyu gsum pa ston pa'i
skabs kyi mdo las de bzhin gshegs pa mi bskyod pa'i zhing

@27b bstan nas slad yang mi snang bar byas pa la dgos pa yod de/
mthong lam gyi tshe phyin ci log gi rtog pa mtha' dag nub par
bstan pa'i ched yin pa'i phyir/ gnyis pa mthong lam rtse sbyor
gyi 'bras bu bstan pa la/ mdo las gsungs tshul dang/ bstan bcos
kyis 'grel

tshul gnyis las/ dang po ni/ zad pa dang skye ba med pa shes pa'i
byang chub chen po de ston pa la/ gsol pa bcom ldan 'das ci'i
slad du sher phyin la tshad ma dang 'brel ba ma mchis pa lags/
bcom ldan 'das kyis bka' stsal pa/ kun dga' bo mi zad pa'i phyir
sher phyin la

tshad ma dang 'brel ba med do/ /kun dga' bo dben pa'i phyir/ zhes
pa nas/ kun dga' bo sher phyin zad par bya bar sems pa de ni nam
mkha' zad par bya bar sems su zad de/ sher phyin ni ma zad mi
zad zad par mi 'gyur ro/ /zhes sogs gsungs/ byang chub chen po
la yid ches

par byed pa'i rgyu ston pa la/ de nas bcom ldan 'das kyis ljags
kyi dbang po bkram ste zhal gyi dkyil 'khor thams cad ljags kyi
dbang pos bkab nas kun dga' bo la bka' stsal pa/ kun dga' bo de
ji snyam du sems/ lce'i dbang po 'di lta bu dang ldan pa la log
par

smra ba'am/ gzhan du smra bar 'gyur ro/ /gsol ba bcom ldan 'das
ma lags so/ /bde bar gshegs pa ma lags so/ /bcom ldan 'das kyis
bka' stsal pa/ kun dga' bo de bas na sher phyin 'di 'khor bzhi
la legs par ston/ zhes sogs gsungs/ zad pa shes ba dang/

mi skyed shes ba'i byang chen ston pa la/ de nas tshe ldan rab
'byor 'di ji snyam du sems par gyur te/ sher phyin yang zab/ de
bzhin gshegs pa dgra bcom pa yang dag bar rdzogs pa'i sangs
rgyas rnams kyi byang chub kyang zab na/ bdag gis de bzhin
gshegs pa dgra bcom pa

yang dag par rdzogs pa'i sangs rgyas la de 'dri'o snyam te/ de
nas tshe ldan rab 'byor gyis bcom ldan 'das la 'di skad ces gsol
to/ /bcom ldan 'das sher phyin ni mi bas so/ /bcom ldan 'das
kyis bka' stsal pa/ rab 'byor nam mkha' mi zad pa'i phyir sher
phyin mi zad pa'o/ /

@28a @#/ /gsol pa bcom ldan 'das ji ltar sher phyin mngon par
bsgrub bar bgyi/ bcom ldan 'das kyis bka' stsal pa/ rab 'byor
gzugs mi zad pa'i phyir sher phyin mngon par bsgrub par bya'o/
/zhes sogs gsungs/ gnyis pa la/

don la gnas pa'i byang chen bstan/ rtog pas btags pa'i byang
chen dgag pa'o/ /dang po la gsum las/ dang po ni/ 'dir bar skabs
kyi tshigs su bcad pa gcig gsungs pa chos can/ dgos pa yod de/
'bras bu gang gi don du mthong lam sngar bshad pa'i rgyu

de lta bu gsum dang bcas par bzhed pa'i 'bras bu byang chub chen
po de gang yin zhe na/ de'i lan bstan par bya ba'i ched yin pa'i
phyir/ zhes mtshams sbyor ba la/ gang gi don du mthong ba'i lam
rgyu de lta bu dang bcas par bzhed pa'i byang chub chen po de
gang yin zhe na

bar skabs kyi tshigs su bcad bas byang chub chen po/ zhes gsungs/
gnyis pa ni/ mdo de'i don 'chad pa la/ dri ma zad dang mi skye
ba'i/ /zhes sogs gsungs/ gsum pa ni/ de nyid tshig don gyi sgo
nas 'chad pa la/ nyon mongs pa dang/ zhes sogs gsungs/ 'di la

yang; rtags 'god pa dang/ phyogs ba sgrub pa gnyis las/ dang po
de ston ba la/ dri ma rnams zad pa dang mi skye ba'i shes ba
chos thams cad phyin ci ma log par rtogs pa'i mtshan nyid chos
kyi sku la sogs pa ji lta ba bzhin gyi bdag nyid ni byang chub
chen po yin bar brjod do/ /

zhes gsungs/ gnyis pa la lung gis bsgrub pa dang/ rigs pas
bsgrub pa gnyis las/ dang po de ston pa la/ nyon mongs pa dang
shes bya'i sgrib pa'i dri ma skyes pa dang ma skyes pa nyid du
brtags pa rnams ni/ chos kyi dbyings las ma gtogs par/ /'di ltar
chos yid ma

yin te/ /zhes 'byung bas chos kyi dbyings kyi ngo bo nyid rnams
nam mkha' bzhin du 'gag pa dang skye ba med pa'i phyir ram/ zhes
gsungs/ gnyis pa ston pa la/ gcig dang du ma'i ngo bo nyid dang
rgyu dang 'bras bu'i tshad ma la sogs pas 'thad pa'i dngos po med
pas nam

@28b mkha'i padmo bzhin du 'gag pa dang skye ba med pa'i phyir
go rims bzhin du/ zhes gsungs/ rnam mkhyen chos can/ byang chub
chen po yin te/ zad pa dang mi skye pa shes pa'i mthar thug pa'i
ye shes yin pa'i phyir/ de chos can/ zad pa shes pa'i ye shes
yin te/

sgrib gnyis don dam par zad pa med par mngon sum du rtogs pa
mthar phyin pa'i ye shes yin pa'i phyir/ de chos can/ mi skye ba
shes ba'i ye shes yin te/ sgrib gnyis don dam par skye ba med
par mngon sum du rtogs pa mthar phyin pa'i ye shes yin pa'i
phyir/

sgrib pa gnyis chos can/ don dam par skye 'gag med pa yin te/
don dam par ma grub pa chos dbyings spros bral gyi ngo bo nyid
yin pa'i phyir/ dper na nam mkhar la skye 'gag med pa bzhin no/
/rtags grub ste/ dbus mtha' las/ chos kyi dbyings las ma gtogs
par/

'di ltar chos yod ma yin te/ /zhes gsungs pa'i phyir/ de gnyis
chos can/ bden par med de/ bden par grub pa'i gcig dang bden par
grub pa'i du ma gang rung du ma grub pa'i phyir/ dper na nam
mkha'i padmo bzhin no/ /de gnyis chos can/ don dam par mi skye
ste/ don

dam bar bdag dang gzhan dang gnyis ka dang rgyu med gang rung
las mi skye ba'i phyir/ dper na nam mkha'i padmo bzhin no/ /de
gnyis chos can/ don dam par mi skye te/ don dam par yod par yang
mi skye/ don dam par med par yang mi ste/ yod med gnyis kar yang
mi skye/ don dam

par yod med gnyis ka ma yin par yang mi skye ba'i phyir/ dper na
nam mkha'i padmo bzhin/ de ltar yang stong nyid bdun cu par/
/yod pa sogs phyir skye ma yin/ /med pa med phyir skyes ma yin/
/chos mi mthun phyir yod med min/ /skye ba med phyir gzhan 'gag
med/ /ces gsungs/ de gnyis

chos can/ don dam par med de/ rten 'brel yin pa'i phyir/ dper na
sgyu ma bzhin no/ /des na dri ma zad skye bden med du mngon sum
du rtogs pa mthar phyin pa'i ye shes dang ldan pa'i skyabs gnas
mthar thug byang chub chen po'i mtshan nyid/ de lta bu'i ye shes/
skabs 'dir

@29a @#/ /dngos su bstan pa'i byang chub chen po'i mtshan nyid
yin/ kho na re/ ngo bo nyid sku chos can/ mtshan nyid dang po der
thal/ mtshon bya de'i phyir/ 'dod na/ de chos can/ ye shes dang
ldan par thal/ 'dod pa'i phyir/ 'dod na/ de chos can/ sems dang

ldan par thal/ 'dod pa'i phyir/ 'dod na/ de chos can/ sems ldan
du thal/ 'dod pa'i phyir na ma khyab ste/ sangs rgyas 'phags pa
chos can/ sems can yin par thal/ sems dang bcas pa'i phyir/
khyab pa 'grig /kha cig /dri ma zad skye bden med du mngon sum
du

rtogs pa'i ye shes/ byang chub chen po'i mtshan nyid zer ba mi
'thad de/ theg chen gyi mthong lam sdug bsngal chos bzod kyis ma
nges pa'i phyir/ kha cig /de 'dra ba'i ye shes mthar thug /de'i
mtshan nyid zer ba mi 'thad de/ 'bras bu chos sku yin na/ byang
chub chen po yin dgos

ba'i phyir/ kha cig /nyan thos dgra bcom pa nyan thos kyi byang
chub chen po yin par thal/ longs sku theg chen gyi byang chub
chen po yin pa'i phyir zer na/ longs sku byang chub chen po yin
par thal/ ngo bo nyid sku de yin pa'i phyir te/ 'gog pa la stong
pa nyid skye ba dang 'gag pa dang/

zhes pa'i thad kyi rnam pa sangs rgyas kyi spangs pa mthar thug
byang chub tu bshad pa'i phyir dang/ rgyud bla mar/ bzo dang
skye ba byang chub che/ /zhes byang chub chen po'i sprul sku
bshad pa'i phyir/ kho na re/ byang chub chen po yin na/ rnam
mkhyen yin dgos par thal/ chos kyi sku la sogs

pa; zhes sogs dang/ mdzod las/ zad dang mi skye shes pa ni/
/byang chub de dang mthun pa'i phyir/ /sum cu rtsa bdun de
phyogs mthun/ /zhes dang/ rgyan snang las/ dri ma zad pa dang
skye ba med pas zad pa dang shes pa'i bdag nyid can gyi chos
thams cad phyin ci ma log par

rtogs pa'i mtshan nyid/ chos sku shes rab kyi pha rol tu phyin pa
ji lta ba'i bdag nyid ni byang chub chen po yin par brjod par
bya'o/ /zhes bstan pa yin no/ /zhes dang/ rnam bshad las/ chos
thams cad kyi gnas lugs phyin ci ma log par rtogs pa'i mtshan
nyid chos kyi sku

@29b la sogs pa sku gsum ji lta ba bzhin gyi bdag nyid rnam
mkhyen ni chos can/ byang chub chen po yin par brjod de/ zhes
gsungs pa'i phyir zer na ma khyab ste/ de ni gtso che ba la
dgongs pa'i phyir/ de lta ma yin na chos kyi sku la sogs pa zhes
sogs kyis sogs sgra smros

pa mi 'thad par thal/ de'i sogs khong nas sku lhag ma rnams 'don
pa ma yin pa'i phyir te/ sku gsum byang chub chen po ma yin pa'i
phyir/ de ltar yang/ gser phreng las/ kha cig /'bum pa'i rgya
dbe la sogs sgra med pas de ma dag par 'dod pa ni mi 'thad de/
tshig gsal

las sku lhag ma sogs khong nas bton zhing rtogs dkar yang sogs
sgra yod pas so/ /zhes gsungs pa'i phyir/ kha cig /gnas skabs
kyi byang chub chen po med zer ba mi 'thad de/ byang chub kyi
rgyu mtshan kho nar/ zhes sogs dang/ byang chub thob par byed
pa'i rgyu shes rab kyi

pha rol tu phyin la sogs pa rang gis sgom pa/ zhes sogs dang/
rnam bshad las/ byang sems sbyor lam pa'i gnas skabs dang mtha'i
byang chub kyi rgyu mtshan kho nar gdul bya de dag la gnas lugs
ston pa'i yang dag pa'i tshig dang/ zhes gsungs pa mi 'thad par
thal/

theg chen gyi sbyor lam chos mchog skad cig tha ma de gnas skabs
kyi byang chub chen po thob par byed pa'i bar chad med pa'i rgyu
yang ma yin/ de mthar thug gi de yang ma yin pa'i phyir/ kho na
re/ byang sems mthong lam pa'i rgyud kyi 'gog bden de gnas skabs
kyi myang 'das su thal/

theg chen gyi mthong lam de gnas skabs kyi byang chub chen po
yin pa'i phyir/ 'dod na/ byang sems mthong lam pa gnas skabs kyi
dgra bcom pa yin par thal/ 'dod pa'i phyir na ma khyab ste/
byang chub la gzhan ston pa dang/ zhes pa'i skabs kyi byang chub
de mthar thug gi byang chen kho na la

byed rigs par thal/ gnas skabs kyi byang chen med pa'i phyir/
'dod mi nus te/ rnam bshad las/ mtha'i byang chub kyi rgyu yang
ston pa yin mod kyi gnas skabs kyi byang chub chen po mthong lam
rtse sbyor gyi rgyu stan pa la nges par sbyar bar bya ba kho na
yin no/ /zhes gsungs pa'i phyir/

@30a @#/ /gnyis pa la dngos smra ba'i lugs dgag pa dang/ ngo bo
nyid med par smra ba'i lugs gzhag pa gnyis las/ dang po la rigs
pa dang 'gal bas dgag pa dang/ khas blangs dang 'gal bas dgag pa
gnyis las/ dang po la gsum las/ dang po ni/ sgrib

gnyis don dam par skye 'gag byed par rtogs pa'i ye shes de byang
chub chen por mi rung bar thal/ sgrib gnyis la don dam par zad
skye med pa'i phyir/ sgrib gnyis bden stong du bsgrubs zin pa
de'i phyir/ zhes mtshams sbyor ba la/ gang gi phyir de lta yin pa
de'i phyir/ gang

dag dngos po 'jig pa'i bsam pas zad pa la zad do snyam pas shes
pa dang/ dngos po mi skyes pa'i bsam pas mi skye ba la mi skye'o
snyam pa'i shes pa ni zad pa dang mi skye ba'i shes pa yin par
brjod cing byang chub kyang zad pa dang mi skye ba shes pa yin
par brjod pa de

dag la zad pa dang mi skye ba med pa kho nas shes pa de rung ba
ma yin no zhes bar skabs kyi tshigs su bcad pas gsungs pa/ zhes
gsungs/ gnyis pa ni/ 'gog ba med pa'i rang bzhin la/ /zhes sogs
kyis 'chad/ gsum pa ni/ de nyid tshig don gyi sgo nas 'chad pa
la/ skyes pa

dang ma skyes pa dag go rims bzhin du zad ba dang skye ba'i gegs
byed pa'i mtshan nyid kyi 'gog pa dang bral ba don dam par de
bzhin nyid kyi ngo bo'i rang bzhin yin na/ dngos po la log par
mngon par zhen pa khyod kyis mthong ba'i lam gyi stobs kyis rnam
par rtog pa la sogs pa'i

ngo bo skye ba ni ci zhig zad/ mi skye ba'i chos can ma skyes pa
ni ci zhig skyes te/ cung zad kyang med pa kho na yin pas de'i
phyir kho bo cag gi gzhung lugs kho na khas blang bar bya'o
snyam du dgongs pa yin no/ /zhes gsungs/ gzhung don ni/ shes bya
chos can/ gnyen po mthong zhes bya

ba'i lam gyis dngos smra ba 'dod pa ltar gyi mthong spang rnam
par rtog pa'i rigs sngar yod ci zhig zad par byas shing skye
'gyur mi skye bar byas nas skye med kyi rnam pa ci zhig 'thob
ste/ de lta bu'i zad thob byed pa med par thal/ skyes zin dang
skye 'gyur gyi dri ma ma grub ste 'gog

@30b pa med pa'i spros bral gyi rang bzhin yin pa'i phyir/ des
na zad pa dang mi skye ba shes pa'i ye shes thob par 'dod na/
kho bo cag dbu ma pa'i gzhung lugs la chos thams cad bden pa'i
rang bzhin med par ston pa 'di kho na khas blang bar bya dgos
te/ dngos po rnams bden

pa'i rang bzhin med pa la log par te bden pa'i rang bzhin dang
bcas par zhen pa dngos smra ba khyed kyis btags pa ltar gyi dri
ma zad pa dang mi skye ba'i tshul cung zad kyang med pa kho na
yin pa de'i phyir/ rtags grub ste/ khyod kyis btags pa ltar
gnyen po mthong ba'i lam

gyi stobs kyis spang bya rnam par rtog pa shes sgrib dang nyon
sgrib kyi ngo bo sngar skyes zin bden par grub pa ci zhig zad pa
dang/ sngar ma skyes pa skye 'gyur gyi dri ma bden par grub ba
ni phyis mi skye ba'i chos can der byas pa ci zhig/ skye ba'am
'thob ste/ zad thob ma zad mi skye bar byas

pa nyid thob pa med pa'i phyir te/ skyes zin gyi dri ma rnams
zad pa'i mtshan nyid kyi 'gog pa dang/ ma skyes pa skye 'gyur gyi
dri ma rnams skye ba'i gegs byed ba'i mtshan nyid kyi 'gog pa
dang bral ba don dam par de bzhin nyid spros bral gyi ngo bo'i
rang bzhin yin pa'i phyir// ! //gnyis pa la/

rtsa ba'i don blangs te bshad bya 'god/ rtsa ba'i don mdo tsam
du bstan/ de nyid phyi 'grel gyis rgyas par 'chad pa'o/ /dang po
ni/ dbu ma'i gzhung la chos thams cad bden med du ston pa khas
len pa de lta ma yin te/ gzugs sogs kyi chos thams cad yang dag
par bden par

yod par khas len na/ bcom ldan 'das kyis nyon mongs pa dang shes
bya'i sgrib pa'i rnam bar rtog pa rnam pa thams cad du ste ma
lus par spangs par ngo mtshar che ba'i gnas te mi srid par thal/
sgrib pa gnyis yang dag par grub pa'i phyir/ zhes bar skabs

kyi tshigs su bcad pas gsungs pa yin no/ /zhes mtshams sbyor ba
la/ de lta ma yin te/ chos yang dag par yod par khas len na/
bcom ldan 'das kyis nyon mongs pa dang shes bya'i sgrib pa rnam
par rtog pa rnam pa thams cad du spangs pa ngo mtshar che ba'i
gnas yin no/ /zhes

@31a @#/ /bar skabs kyi tshigs su bcad pas gsungs pa/ zhes gsungs/
gnyis pa ni/ dbu ma pa las gzhan dngos smra ba rnams kyis gzung
'dzin dang rang rig gi chos rnams kyang don dam par yod pa la re
rer khas len cing/ ston pa sangs rgyas la yang shes bya'i

sgrib pa zad par brjod pa gang yin pa de la kho bo byams mgon
gyis mtshar du'am bzhad gad du brtsis te/ 'gal ba khas blangs
pa'i phyir/ zhes 'chad pa la/ gzhan gyi chos rnams kyang yod la/
zhes sogs gsungs/ des na sems tsam pas sgrib pa gnyis bden grub
tu khas

blangs nas ston pa sangs rgyas kyis sgrib pa spangs par dam bcas
pa la rje btsun byams mgon gyis mtshar du brtsis pa'i rgyu mtshan
yod de/ sgrib pa gnyis bden par grub na ston pa sangs rgyas kyis
sgrib pa ma spangs dgos pa'i phyir/ kha cig /dngos smra bas chos
thams cad

bden grub tu khas blangs nas ston pas sgrib pa spangs par khas
blangs pa la/ rje btsun byams mgon gyis mtshar du brtsis pa'i
rgyu mtshan yod de/ chos thams cad bden par grub na ston pas
sgrib pa ma spangs dgos pa'i phyir/ zhes zer ba na/ sems tsam
pas chos thams cad

bden grub tu khas blangs par thal/ dam bca' 'thad pa'i phyir/
'dod mi nus te/ des kun brtags bden med du khas blangs pa'i
phyir ro/ /gsum pa la/ khas blangs 'gal ba'i rgyu mtshan dang/
khas blangs 'gal ba dngos so/ /dang po la/ dbu ma'i lta bas
sgrib pa rdzogs par spong nus pa dang/

dngos smra ba'i lta bas sgrib brdzogs par spangs mi nus par
bstan pa'o// ! //dang po la/ nyon sgrib spong tshul dang/ shes
sgrib spong tshul gnyis las/ dang po la/ chos rnams bden med du
gtan la phab pa dang/ de sgom tshul dang/ bsgoms pas bdag lta
spong tshul lo/ /

dang po ni/ bsam byung gi rigs pas gang zag gi bdag med gtan la
'phebs tshul yod de/ nyer len gyi phung po chos can/ tshogs rgyun
gang la yang ba tags tsam ma yin pa'i gang zag gi bdag gis stong
te/ skye 'jig can yin pa'i phyir/ khyab ste/ gang zag gi nga dag
yin na/ skye

@31b 'jig mi byed pas khyab pa'i phyir/ zhes pa'i rigs pa la
brten nas gtan la 'bebs pa'i phyir/ zhes 'chad pa la/ de la skye
ba dang 'jig pas stong pa'i phyir/ zhes gsungs/ gnyis pa ni/
sgom byung gi rnal 'byor la brten nas gang zag gi bdag med sgom
tshul yod de/ dang

por bsam byung gi rigs pas gang zag gi bdag med gtan la phabs
nas/ de'i rjes su mnyam gzhag tu zhi gnas la brten nas gang zag
gi bdag med do snyam du sgom par byed pa'i phyir/ zhes 'chad pa
la/ bdag med do snyam du bsgoms pas bdag tu mngon par zhen pa

yongs su bor nas des dben pa'i phung po la sogs pa rten cing
'brel par 'byung ba skye ba dang 'jig pa'i chos can la yang dag
par dmigs te/ zhes gsungs/ gsum pa ni/ de ltar bsgoms pa chos
can/ dgos pa yod de/ gang zag gi bdag tu mngon par zhen pa ldog
par

'gyur pa'i phyir dang/ nyan thos kyi rigs can rjes su bzung ba
dang/ nyan thos kyi lam la shes mthong gis bltas nas 'da' bar
byed pa'i ched yin pa'i phyir/ dang po grub ste/ de ltar bsgoms
pas bdag lta dang dmigs yul phung po gcig la dmigs shing 'dzin
stangs

dngos su 'gal ba'i sgo nas phung po'i gnas lugs la zhugs pa'i
phyir/ zhes 'chad pa la/ bdag tu mngon par zhen pa yongs su bor
nas/ zhes gsungs/ gnyis pa la gzung ba dang/ 'dzin pa la zhen pa
dang/ gnyis med la zhen pa'i shes sgrib spong tshul lo/ /dang po
la

mnyam gzhag tu sgom pa'i rim pa dang/ rjes thob tu yid la byed
pa'i rim pa dang gnyis las/ dang po la/ gnyis stong gtan la
'bebs tshul/ de ji ltar nyams su len tshul/ de ltar nyams su
blangs pas rtog pa spong tshul lo/ /dang po ni/ bsam byung gi
rigs pa la brten nas

gnyis stong gtan la 'bebs tshul yod de/ sngon po dang sngon 'dzin
tshad ma chos can/ rdzas gzhan ma yin te/ lhan cig dmigs nges yin
pa'i phyir/ zhes pa'i rtags la brten nas gtan la 'bebs pa'i
phyir/ zhes 'chad pa la/ sngon po dang de'i blo dag lhan cig
dmigs pa

@32a @#/ /nges pa'i phyir/ zhes gsungs/ gnyis pa ni/ sgom byung
gi rnal 'byor la brten nas gnyis stong sgom tshul yod de/ dang
por bsam byung gi rigs pas gnyis stong gtan la phabs nas/ de'i
rjes su mnyam gzhag tu zhi gnas la brten nas khams gsum

po 'di ni sems tsam yin gyi phyi rol gyi don ni med do snyam du
sgom pa'i phyir/ zhes 'chad pa la/ 'di ni sems tsam kho na yin
gyi phyi rol gyi don ni med do zhes bya ba yid la byed cing/
zhes gsungs/ gsum pa ni/ de ltar bsgoms pa chos can/ dgos pa yod
de/ de ltar bsgoms

pa la brten nas 'dzin pa la bden zhen zlog mi nus kyang/ gzugs
sogs phyi rol don du snang ba'i nyi snang 'khrul par khong du
chad par bya ba'i don yin pa'i phyir/ zhes 'chad pa la/ 'dzin
pa'i rnam pa can gyi sems la mngon par zhen pa yongs su ma bor
bas/ phyi rol gyi don

du mngon par zhen pa spangs te/ zhes gsungs/ gnyis pa ni/ rjes
thob tu yid la byed pa'i rim pa yod de/ gzung ba rdzas gzhan med
na de snang ba'i 'dzin pa ma 'khrul ba med do snyam du nges par
sems bas 'dzin pa'i rnam pa'i mtshan nyid rnam par rig pa ma
'khrul pa 'dzin

pa bsal te/ gnyis stong mngon sum du rtogs pa'i gnyis med kyi ye
shes 'ba' zhig pa 'di yang dag pa ste ma 'khrul ba yin par khong
du chud par bya ba'i ched yin pa'i phyir/ zhes 'chad pa la/
gzung ba med na 'dzin pa med do snyam du nges par sems pas 'dzin
pa'i rnam

pa'i mtshan nyid rnam par rig pa tsam de yang bsal te/ gnyis su
med pa'i ye shes 'ba' zhig 'di yang dag par yod pa'i ngo bo yin
no snyam du nges par byas nas/ zhes gsungs/ rnal 'byor gyis
gnyis pa 'di la mnyam rjes gnyis su 'jog pa'i rgyu mtshan yod de/
stong nyid phra mo

rtogs pa'i dbang du byas nas mnyam gzhag tu bden stong mngon sum
du rtogs pa na rjes thob tu rten 'byung sgyu mar myongs stobs
kyis rtogs pa ltar/ mnyam gzhag tu gzung 'dzin rdzas gzhan gyis
stong par mngon sum du rtogs pa na/ rjes thob tu sngor snang
dbang po'i

@32b shes pa la sogs pa gzhan dbang ma 'khrul par 'dzin pa zlog
cing 'khrul bar myong stobs kyis rtogs nus pa'i rgyu mtshan gyis
de ltar gzhag pa'i phyir/ legs par bshad pa gser gyi phreng ba
las snga ma gzung ba bden med du gtan la 'bebs pa dang/ phyi ma
'dzin

pa bden med du gtan la 'bebs pa la bshad nas rnal 'byor gyis
bzhir bshad do/ /phyi ma la yang bden med gtan la 'bebs tshul
dang/ de rtogs nas sgom tshul/ sgom pas zhen pa spong tshul lo/
/dang po ni/ bsam byung gi rigs pa la brten nas bden med gtan la

'bebs tshul yod de/ gnyis med kyi ye shes chos can/ bden par med
de/ rten 'brel yin pa'i phyir/ dper na sgyu ma bzhin zhes pa'i
rtags la brten nas bden med gtan la 'bebs pa'i phyir/ zhes 'chad
pa la/ de yang rten cing 'brel par 'byung ba yin pa'i phyir/
sgyu ma

bzhin du ngo bo nyid med pa ste/ zhes gsungs/ gnyis pa ni/ sgom
byung gi rnal 'byor la brten nas gnyis med kyi ye shes bden med
du sgom tshul yo de/ dang por bsam byung gi rigs pas de bden med
du gtan la phabs nas/ de'i rjes su mnyam gzhag tu zhi gnas la
brten nas

dngos po dang dngos po med pa dang/ gnyis ka dang gnyis ka ma
yin par rnam par brtag par bya ba'i ngo bo dang bral ba yin no
snyam du sgom par byed pa yin pa'i phyir/ zhes 'chad pa la/ yang
dag par ni gcig tu dngos po dang dngos po med pa la sogs par
brtag pa'i ngo bo dang

bral ba yin no/ /snyam du bsgoms pas/ zhes gsungs/ gsum pa ni/
de ltar bsgoms pa chos can/ dgos pa yod de/ nyon mongs pa dang
shes bya'i sgrib pa spang bar bya ba'i ched yin pa'i phyir/ zhes
'chad pa la/ bsgoms pa'i stobs grub pa na kha cig la nor bu dang

dngul la sogs pa'i shes pa bzhin du 'khrul pa'i mtshan ma mtha'
dag spangs pa sgyu ma lta bu'i bdag nyid du snang ba'i blo rnam
par mi rtog pa so so rang gis rig par bya ba ci zhig ltar yang
dag par skyes na/ rnal 'byor pas shes bya'i sgrib pa yang dag
par spong ngo/ /zhes

@33a @#/ /gsungs/ gnyis pa dngos smra ba'i lta bas sgrib pa
rdzogs pa spong mi nus par bstan pa la/ khas blangs brjod pa
dang/ de dgag pa gnyis las/ dang po ni/ gal te gzung 'dzin dang/
gnyis med kyi ye shes bden pa'i ngo bo nyid kyis stong pa de

lta ma yin te/ de dag don dam par grub pa'i phyir/ zhes 'chad pa
la/ de lta ma yin te/ zhes sogs gsungs/ gnyis pa ni/ bag chags
sogs kyi dri ma de dag la rang rang gi gnyen po bsgoms pas gnod
pa cung zad kyang mi byed par thal/ de rnams don dam par yod

pa'i phyir/ dper na nam mkha' la gnod pa byar med pa bzhin no/
/zhes 'chad pa la/ shes bya'i mtshan nyid rnams gal te don dam
par yod pa nyid du gyur na/ de'i tshe gnyen po bsgoms pas nam
mkha' bzhin du de dag la cung zad kyang mi byed do/ /zhes
gsungs/ sgrib gnyis

spong byed kyi gnyen po gsar du skye ba med pa dang/ sgrib gnyis
spang du med pa'i ngo bo 'dzin par thal/ sgrib gnyis bden par
grub pa'i phyir/ dper na 'dus ma byas kyi nam mkha' dus thams
cad du thogs bcas kyi reg bya bkag tsam gyi ngo bo 'dzin pa
bzhin no/ /zhes

'chad pa la/ dus thams cad du nam mkha' rdzas med pa tsam gyi
ngo bo 'dzin pa bzhin du bskyed du med pa dang/ spang du med
pa'i rang gi ngo bo 'dzin pa'i phyir/ skad cig ma'i chos shes pa
tsam gyi ngo bo dang/ zhes gsungs/ gnyis pa khas blangs dang
'gal ba dngos de ston

pa la/ bcom ldan 'das kyis shes sgrib spangs pa dang/ gzung
'dzin dang gnyis med ye shes don dam par yod par khas len pa de
la ni kho bo rje btsun byams mgon gyis mtshar du brtsis pa'i rgyu
mtshan yod de/ des phan tshun 'gal ba'i don khas lan cing dam bcas
pa'i

phyir te/ dngos smra pa gzhan dag gis btags pa ltar na dngos por
mngon par zhen pa'i phyin ci log gi rtog pa de dag mi log pas
spang du mi rung pa'i phyir/ dri ma bden par grub na spang du mi
rung ba'i phyir/ zhes 'chad pa la/ de'i phyir/ gzhan dag gis
dngos por mngon par zhen

@33b pa'i phyin ci log mi ldog pas/ bcom ldan 'das kyis shes
bya'i sgrib pa rnam pa thams cad du spangs pa gang yin pa dang/
chos rnams kyang yod par khas len pa gang yin pa de ni phan tshun
'gal ba'i don khas len pas kho bos ngo mtshar du brtsis so/ /zhes
bya ba yin no/ /zhes gsungs/

gzhung 'di dag gi skabs su/ kha cig /rnal 'byor gyi sa de la
gang zag gi bdag med rtogs pa'i rnal 'byor gyis/ gzung med rtogs
pa'i de/ 'dzin med rtogs pa'i de/ spros bral rtogs pa'i de bzhi
yod pa'i/ dang po nyan thos sde pa/ gnyis pa sems tsam rnam bden
pa/

gsum pa sems tsam rnam rdzun pa/ bzhi pa dbu ma pa la sbyor zer
na/ gzung ba rdzas gzhan med par tshad mas nges pa'i gang zag yin
na/ 'dzin pa rdzas gzhan med par tshad mas nges pa'i gang zag yin
pas ma khyab par thal/ dam bca' 'thad pa'i phyir/ 'dod mi nus
te/ sngon

po sngor snang dbang shes las rdzas gzhan ma yin par tshad mas
nges pa'i gang zag yin na/ sngor snang dbang shes sngon po las
rdzas gzhan ma yin par tshad mas nges pa'i gang zag yin dgos pa'i
phyir te/ de yin na sngon po dang sngor snang dbang shes rdzas
gzhan ma yin par tshad

mas nges pa'i gang zag yin dgos pa'i phyir/ kha cig /de la bzhir
phye nas gzung med rtogs pa zhes pa gzung ba rang bzhin med par
rtogs pa dang/ 'dzin med rtogs pa zhes pa 'dzin pa rang bzhin
med par rtogs pa la byed/ rnal 'byor gyi sa dang po nyan thos
sde pa/

gnyis pa rang sangs rgyas/ gsum pa sems tsam pa'i lta ba/ bzhi
pa dbu ma pa'i lta ba le sbyor zer ba mi 'thad de/ sems tsam pa
dang rang sangs rgyas kyi bsgom bya'i lta ba'i gtso bo la mthod
man gyi khyad par med pa'i phyir/ gzhan yang/ rnal 'byor gyi sa
la bzhir 'byed

pa de mi 'thad de/ gzhi grub pa gcig gi steng du bden med tshad
mas grub na/ de gzhi gzhan gyi steng du bden par yod med blo kha
phyogs pa tsam gyis bden med du rtogs nus pa'i phyir te/ bzhi
brgya par/ gang gi dngos gcig de bzhin nyid mthong ba/ /zhes
sogs gsungs pa'i

@34a @#/ /phyir; ! gzhan yang sems tsam pas yang dag ma yin pa'i
kun rtog bden med du tshad mas grub par thal/ des 'dzin pa tshad
mas grub pa'i phyir/ rtags khas/ 'dod mi nus te/ des de bden
grub tu 'dod pa'i phyir/ yang dag ma yin kun rtog yod/

ces gsungs pa 'di sems tsam pa'i rang gzhung yin pa'i phyir/
gzhan yang sems tsam pas chos kyi bdag 'dzin bden med du rtogs
par thal/ des 'dzin pa bden med du rtogs pa'i phyir/ 'dod na/
des sgrib pa bden med du rtogs par thal lo/ /'dod mi nus te/
gzhan gyi chos rnams kyang

yod la/ /zhes gsungs pa'i phyir/ bden med rtogs pa'i rnal 'byor
gyi sa la gsum du yod de/ de la gang zag gi bdag med rtogs pa'i
de dang/ gnyis stong rtogs pa'i de dang/ bden med rtogs pa'i de
dang gsum du grangs nges pa'i phyir/ bsgom bya bdag med la gsum
du grangs

nges te/ spang bya bdag 'dzin la gsum du grangs nges pa'i phyir
zer na/ bden med rtogs pa'i rnal 'byor gyi sa yin na/ bdag med
rtogs pa'i rnal 'byor gyi sa yin dgos par thal/ dam bca' 'thad
pa'i phyir/ 'dod na/ theg chen gyi mthong lam bar chad med lam
chos can/

der thal/ de'i phyir/ gzhan yang bden 'dzin yin na/ bdag 'dzin
yin dgos par thal/ bdag 'dzin la gsum du grangs nges pa'i phyir/
rtags khas/ 'dod na/ nyan thos dgra bcom pas bdag 'dzin ma
spangs par thal lo/ /kha cig /rnal 'byor gyi sa de la gang zag
gi bdag med

la dmigs pa'i rnal 'byor gyi sa dang/ sems tsam la dmigs pa'i de
dang/ de bzhin nyid la dmigs pa'i de dang/ snang med la dmigs
pa'i de dang bzhir yod/ de rnams lam gang du sgom pa'ang yod de/
tshogs lam gyi gnas skabs su dang po de gtso bor sgom/ drod rtse
gnyis

kyi gnas skabs su khams gsum po 'di sems tsam gyi bdag nyid yin
gyi phyi rol gyi don med do snyam du mnyam gzhag tu sems tsam la
dmigs pa'i rnal 'byor gyi sa sgom/ bzod mchog gnyis kyi gnas
skabs su de bzhin nyid la dmigs pa'i rnal 'byor gyi sa sgom

@34b pa'i phyir te/ bzod pa'i dgag bya phyi rol gyi snang ba med
kyang/ shes pa'i bdag nyid can gyi snang ba rdzogs par ma thob
la/ de kho na nyid kyi phyogs gcig la zhugs pa zhes bya la/ chos
mchog gi gnas skabs su shes pa'i bdag nyid can gyi snang ba phra
zhing phra ba yod

kyang ! mthong lam bar chad med lam gyi gnas skabs su dgag bya
phyi rol don gyi snang ba med kyang shes pa'i bdag nyid gyi
snang ba phra zhing phra ba nub nas gzung 'dzin rdzas gzhan gyis
stod par mngon sum du rtogs shing/ de nyid la snang med kyi rnal
'byor gyi sa zhes bya la/

rnal 'byor spyod pa'i rang rgyud pas de bzhin nyid la dmigs pa'i
rnal 'byor gyi sa dang/ gnyis stong rtogs pa'i rnam 'byor gyi sa
gnyis snang med kyi rnal 'byor gyi sa'i nang du 'du bar byed/ ce
zer na byang sems tshogs lam pas gang zag gi bdag med bsgom bya'i
gtso

bar byed par thal/ dam bca' dang po 'thad pa'i phyir/ gzhan
yang/ gnyis stong rtogs pa'i theg chen gyi sbyor lam mnyam gzhag
ye shes kyi 'dzin stangs kyi yul du gyur pa'i 'dus byas yod par
thal/ dam bca' nyis pa de'i phyir/ mthong lam bar chad med lam
gyi gnas

skabs su dgag bya phyi rol don gyi snang ba med cing chos can
shes pa'i bdag nyid can gyi snang ba nub nas/ gnyis stong mngon
sum du rtogs pa'i ye shes chos can/ de yang rten cing 'brel par
'byung ba yin pa'i phyir/ zhes sogs kyi skabs nas dngos su bstan
pa'i rnal

'byor gyi sa yin par thal/ skabs 'dir dngos su bstan pa'i rnal
'byor gyi sa bzhi pa yin pa'i phyir/ 'dod na/ de chos can/ spros
bral rtogs pa'i de yin par thal lo/ /gzhan yang/ de'i skabs nas
dngos su bstan pa'i rnal 'byor gyis rgyud ldan gyi so skye med
par thal/ snang

med rtogs pa'i de rgyud ldan gyi de med pa gang zhig /de'i skabs
nas dngos su bstan pa'i rnal 'byor gyi sa de la byed rigs pa'i
phyir/ gnyis pa song/ dang po der thal/ de'i sa mtshams mthong
lam nas 'jog pa'i phyir/ rtags khas/ 'dod na/ stong nyid rtogs
pa'i so skye med

@35a @#/ /par thal lo/ /gzhan yang/ gang zag gi bdag med rtogs
pa'i rnal 'byor gyi sa de gang zag gi bdag med mngon sum du
rtogs pa'i de la byed rig spa thal/ snang med la de'i phyir te/
de'i ma mtha' sa mtshams 'thad pa'i phyir/ kha cig /gang zag gi

bdag med rtogs pa'i sems dpa'i rnal 'byor/ gyi sa dang po'i
mtshan nyid zer na/ gang zag gi bdag med rtogs pa'i nyan thos kyi
tshogs lam chos can/ mtshan nyid der thal/ mtshon bya de'i phyir
te/ chos can de dang cig yin pa'i phyir/ kha cig /de rtogs pa'i
lam

zhugs kyi mkhyen pa zer na/ stong nyid rtogs pa'i rnam mkhyen
chos can/ mtshon bya der thal/ mtshan nyid de'i phyir/ 'dod na/ de
chos can/ nyan thos kyi rtogs rigs su gnas par thal lo/ /kha cig
/nyan thos kyi rtogs rigs su gnas pa'i lam zhugs kyi mkhyen pa
de/ gang zag gi bdag

med rtogs pa'i rnal 'byor gyi sa'i mtshan nyid zer na/ nyan thos
tshogs lam pa'i rgyud kyi thar pa don gnyer gyi blo chos can/
mtshon bya der thal/ mtshan nyid de'i phyir te/ chos can de'i
phyir/ kha cig /nyan thos kyi shes rab kyi rtogs rigs su gnas
pa'i lam zhugs kyi mkhyen pa 'dir bstan

rnal 'byor gyi sa dang po'i mtshan nyid zer na/ 'dus byas mi rtag
par rtogs pa'i theg chen gyi mthong lam chos can/ mtshon bya der
thal/ mtshan nyid de'i phyir/ 'dod na/ de chos can/ gang zag gi
bdag med rtogs pa'i rnal 'byor gyi sa yin par thal lo/ /rang
lugs ni rang gi 'bras

bur gyur pa'i yon tan du ma'i rten byed pa'i lam zhus kyi mkhyen
pa rnal 'byor gyi sa'i mtshan nyid/ dbye na/ rten gyi sgo nas/
nyan thos/ rang rgyal/ theg chen gyi de dang gsum du yod de/ yul
gyi sgo nas gang zag gi bdag med rtogs pa'i rnal 'byor gyi sa
dang/ gnyis stong rtogs pa'i

rnal 'byor gyi sa dang/ bden stong rtogs pa'i rnal 'byor gyi sa
dang sum du yod/ sa mtshams tshogs lam nas sangs rgyas kyi sa'i
bar du yod do// ! //gnyis pa ngo bo nyid med par smra ba'i lugs
gzhag pa la gsum las/ dang po ni/ de ltar gzung 'dzin sogs

@35b don dam par yod par 'dod pa'i phyogs bsal nas/ de'i 'og tu
thar pa rtogs byang 'dod pa rnams kyis dngos po thams cad bden
med du ston pa'i lugs 'di kho na khas blang bar bya'o/ /zhes par
skabs kyi tshigs su bcad pas gnas pa'i phyogs te lung rigs kyis

nges pa'i grub mtha' gsungs ba ches can/ dgos pa yod de/ chos
thams cad bden par med par 'dod pa'i phyogs brtan por mdzad par
bya ba'i ched yin pa'i phyir/ zhes mtshams sbyor ba la/ de ltar
yod pa'i phyogs bsal nas ngo bo nyid med pa'i phyogs brtan por

mdzad bas thar pa 'dod pa rnams kyis 'di kho na khas blang par
bya'o/ /zhes par skabs kyi tshigs su bcad pas gnas pa'i phyogs/
zhes gsungs/ gnyis pa ni/ 'di la bsal bya ci yang med/ /ces sogs
kyis 'chad/ gsum pa ni/ gang gi phyir/ zhes sogs kyis

tshad ! 'di la yang/ sgro skur dang bral ba'i gzhi dbu ma/ sgro
skur du mi 'dzin pa'i lam dbu ma/ lam des thob pa'i 'bras bu dbu
ma dang gsum las/ dang po ni/ khams rang bzhin gyis rnam par dag
pa 'di la bdag gnyis sngar yod gsar du bsal bar bya ba dang bdag

med gnyis sngar med gsar du gzhag par bya ba cung zad kyang med
de/ bdag nyid po de dang po nas yod ma myong zhing bdag med
gnyis kyi rang bzhin yin pa'i phyir/ zhes 'chad pa la 'di la
bsal ba ci yang med/ /gzhag par bya bar chung zad med/ /ces pa
dang/ gang gi

phyir dngos por mngon par zhen pa las grol bar mi 'thad pa de'i
phyir chos gang la yang skur ba 'debs pa dang sgro 'dogs pa'i
ngo bos gsal pa dang/ bzhag pa ma byas pa/ zhes gsungs/ gnyis
ni/ de kho na nyid mngon sum du rtogs pa'i ye shes cho can/ yang
dag

pa'i lta ba yin te/ gnas lugs mngon sum du rtogs pa'i lta ba yin
pa'i phyir/ zhes 'chad pa la/ yang dag nyid la yang dag lta/
/zhes dang/ gzugs la sogs pa rten cing 'brel par 'byung pa kun
rdzob tu yang dag par yod pa'i ngo bo 'di nyid la rang bzhin med
pa la sogs

@36a @#/ /pa'i ngo bor brtag par bya ste/ zhes gsungs/ gsum pa
ni/ thabs shes khyad par can gnyis kyis zin pa'i sgo nas gnas
lugs bsgoms pa chos can/ dgos pa yod de/ sangs rgyas kyi go
'phang thob par 'gyur ba'i dgos pa yod pa'i phyir/

zhes 'chad pa la/ yang dag mthong nas rnam par grol/ /zhes dang/
de ltar sgyu ma'i glang pos sgyu ma'i glang po gzhan zhig pham
par byas pa bzhin du phyin ci log ldog pas de kho na nyid mthong
na rnam par grol bar 'gyur ro/ /zhes gsungs/ des na/ 'di la bsal
bya ci yang

med; /ces sogs kyi gzhung 'di mngon rtogs rgyan gyi rang gzhung
yin byas pa la kho na re/ de 'dra'i gzhung yin na de yin dgos
par thal/ dam bca' 'thad pa'i phyir/ 'dod na/ rgyud bla ma'i
nang tshan du gyur pa'i de 'dra'i gzhung chos can/ der thal/ de'i
phyir/ rtags grub ste/

de yod pa'i phyir zer na ma khyab/ de bzhin du/ theg bsdus kyi
nang tshan du gyur ba'i de 'dra'i gzhung chos can/ der thal/ de'i
phyir/ rtags grub ste/ de yod pa'i phyir na ma khyab bo// !
//gnyis pa dkyus ma bshad pa la gnyis/ dngos dang ji lta bur
sgom pa'i tshul/ spang bya la dbang

byed tshul lo/ /dang po la/ mdo dang bstan bcos gnyis las/ dang
po ni/ de nas tshe ldan rab 'byor gyis bcom ldan 'das la 'di skad
ces gsol to/ /bcom ldan 'das ji ltar byang chen sher phyin la
spyod ba'i sbyin pa'i phar phyin sgom pa yongs su rdzogs par
'gyur ba lags/ tshul

khrims kyi phar phyin dang/ bzod pa'i phar phyin dang/ brtson
'grus kyi phar phyin dang/ bsam gtan gyi phar phyin dang/ sher
phyin sgom pa yongs su rdzogs par 'gyur ba lags/ bcom ldan 'das
kyis bka' stsal pa/ rab 'byor 'di la byang chen sbyin pa yongs
su gtang ba'i cho rnam

mkhyen nyid du yongs su bsngo zhing sbyin pa de dag yongs su
gtong ste/ rab 'byor de ltar byang chen sbyin pa'i phar phyin
yongs su rdzogs par 'gyur ro/ /rab 'byor 'di la byang chen sbyin
pa yongs su gtod zhing rnam mkhyen nyid du yongs su bsngo ba'i
tshe/ sems can rnams la

@36b byams pa'i lus kyi las dang/ byams pa'i ngag gi las dang/
byams pa'i yid kyi las nye bar gnas par 'gyur te/ dge ba'i rtsa
ba de dag kyang nyan thos dang rang sangs rgyas su mi bsngo yi/
sems can thams cad dang thun mong du byas nas bla med rdzogs
byang du yongs

su bsngo te/ de ji ltar gang gis yongs su bsngo ba dang/ gang
yongs su bsngo ba dang/ gang du yongs su bsngo ba'i 'du shes
gsum mi 'jug pa de ltar yongs su bsngo'o/ /rab 'byor de ltar
byang chen sbyin pa'i phar phyin la gnas pas tshul khrims kyi
phar phyin yongs su 'dzin

pa yin no/ /zhes sogs gsungs/ /gnyis pa la gsum las/ dang po ni/
de ltar lus rnam gzhag gi sdom gyis ma bsdus pas zhar la 'ongs
ba'i tshigs bcad de dag brjod nas rnal ma'am dkyus ma mthong lam
rtse sbyor rang gi ngo bo de nyid 'chad do/ /zhes mtshams sbyor
ba

la; de ltar zhar la 'ongs pa brjod nas rnal ma mthong ba'i lam
nyid/ ces gsungs/ gnyis pa ni/ mdo de'i don 'chad pa la/ sbyin
pa la sogs re rer ni/ /zhes sogs gsungs/ gsum pa la/ mthong lam
rtse sbyor dngos dang/ de'i byed pa gnyis las/ dang po de ston

pa la/ sbyin pa la sogs pa pha rol tu phyin pa drug po dag so
sor sbyin pa la sogs pa'i ngo bo re rer snga ma bzhin du phan
tshun bsdus pa gang yin pa skad cig ma gcig pa sdug bsngal la
chos shes ba'i bzod pas bsdus pa 'khor gsum rnam par dag pas rab
tu phye ba

rnam pa sum cu rtsa drug can skyes pa gang yin pa de ni rtse
mo'i mngon par rtogs pa 'dir mthong ba'i lam yin no/ /zhes
gsungs/ gnyis pa de ston pa la/ de skyes na 'dod pa dang gzugs
dang gzugs med pa'i khams kyi dbye bas rnam par rtog pa bzhi po
so sor rnam pa dgu nyid kyis

gzung ba dang/ 'dzin pa'i rnam par rtog ba brgya rtsa brgyad
spangs bas/ de dag gis bsdus ba'i rnam par rtog bskyed bar byed
pa'i bag chags kyi nyon mongs pa brgya rtsa brgyad spangs pa
rten cing 'brel bar 'byung ba'i chos nyid kyis 'thob bo/ /zhes
gsungs/ gzhung don ni/ sbyin pa la sogs pa drug po re rer ni

@37a @#/ /sbyin sogs drug po de dag phan tshun du bsdus nas nyams
su len pa'i shes rab kyis zin pa'i mthong lam skad cig ma gcig
pa sdug bsngal chos bzod kyis bsdus pa de chos can/ rtse mo'i
mngon par rtogs pa'i skabs 'dir mthong lam yin te/ mthong spang
rtog

pa'i sa bon gyi dngos gnyen byed pa'i rigs su gnas pa'i theg
chen gyi bden pa mngon rtogs yin pa'i phyir/ 'dir bstan mthong
lam rtse sbyor chos can/ byed las khyad par can dang ldan te/
khyod bsgoms stobs kyis mthong spang gzung 'dzin gyi rnam rtog
brgya rtsa brgyad sa bon

dang bcas pa spong nus pa de rten 'brel gyi stobs kyis 'thob
pa'i phyir/ mthong spang gzung 'dzin gyi rnam rtog chos can/
khyod la brgya rtsa brgyad du dbyer rung ste/ khyod la khams
gsum gyi dbye bas brgya rtsa brgyad du yod pa'i phyir ro/
/mthong spong rtog pa'i sa bon gyi dngos gnyen byed pa'i rigs

su gnas pa'i theg chen gyi bden pa mngon rtogs de/ mthong lam
rtse sbyor gyi mtshan nyid/ dbye na mthong lam shes bzod skad cig
ma bcu drug tu yod cing/ rjes thob tu nyams su len pa'i sgo nas
mthong lam rtse sbyor gyi ngo bor gyur pa'i sbyin sogs drug po
re re la yang sbyin sogs drug drug ste so

drug tu yod do/ /kha cig /mthong spang rtog pa'i sa bon dngos su
'joms byed kyi theg chen gyi bden pa mngon rtogs/ mthong lam
rtse sbyor gyi mtshan nyid zer na/ theg chen gyi mthong lam rnam
grol lam chos can/ mtshan nyid der thal/ mtshon bya de'i phyir/
'dod na/ de chos can/ bar chad med lam du thal lo/ /kha

cig ;de skabs 'dir dngos su bstan pa'i mthong lam rtse sbyor gyi
mtshan nyid zer na/ mthong lam rtse sbyor chos can/ mtshan nyid
der thal/ mtshon bya de'i phyir/ rtags grub ste/ skabs 'dir
mthong lam rtse sbyor dngos su bstan pa'i phyir// //sher phyin
sbas don rin chen gsal ba'i

gter; mdo rgyan 'grel gsum sbyar ba'i legs bshad che/ /klu dbang
rol mtsho rgyas byed sbyor brtson dges/ /rmad byung bshad sgrub
dga' ston rgyas gyur cig/ //dge legs 'phel// //