@#/ /bstan bcos mngon par rtogs pa'i rgyan 'grel pa dang bcas
pa'i rnam bshad rnam pa gnyis kyi dka' ba'i gnad gsal bar byed
pa legs bshad skal bzang klu dbang gi rol mtsho zhes bya ba las
skabs drug pa'i spyi don bzhugs so//

@01a @##/ /gnyis pa brtan pa rgyu 'bras kyi yan lag rgyas par
bshad pa la/ brtan pa'i rgyu mthar gyis sbyor gyi yan lag
rgyas par bshad pa/ brtan pa'i 'bras bu skad cig sbyor gyi yan
lag rgyas par bshad pa dang gnyis

las; dang po la/ 'brel bkod pas mtshams sbyar ba/ mthar gyis
sbyor mtshon byed kyi chos rgyas par bshad pa/ skabs bsdu ba
dang gsum las/ dang po ni/ lus rnam gzhag tu/ rtse mor phyin
dang mthar gyis pa/ /zhes 'chad na/ rtse sbyor gyi

'og tu mthar gyis sbyor 'chad pa'i rgyu mtshan gang zhe na/
de'i rgyu mtshan yod de/ rtse sbyor thob pas mkhyen gsum gyi
rnam pa go rim nges can du bsgom dgos so/ /zhes shes par bya
ba'i ched yin pa'i phyir/ de ltar bsgoms pa chos can/

dgos pa yod de/ mkhyen gsum gyi rnam pa la brtan pa thob par
bya ba'i ched du yin pa'i phyir/ zhes mtshams sbyor ba la/ rtse
mo'i mngon par rtogs pa thob pa so so ba dang bsdus pa nyid du
rtogs pa'i don rnams go rim bzhin du

blags nas brtan par bya ba'i phyir rnam par sgom par byed pas
mthar gyis pa'i mngon par rtogs pa/ zhes gsungs/ gnyis pa la/
mdo las gsungs tshul dang/ bstan bcos kyis 'grel tshul gnyis
las/ dang po ni/ log zhugs

bcu drug pa'i mdor/ chos thams cad dngos po med pa'i ngo bo
nyid du rtogs nas 'tshang rgya bar gsungs pa las 'phros nas/ de
skad ces bka' stsal pa dang/ tshe dang ldan pa rab 'byor gyis
bcom ldan 'das la 'di skad ces gsol

@02a @#/ /to; /bcom ldan 'das gal te de ltar byang chen chos
thams cad dngos po ma mchis pa'i ngo bo nyid la bsam gtan bzhi
dang mngon par shes pa lngas bla med rdzogs byang du mngon par
'tshang rgya na/ bcom ldan 'das

de ji ltar dngos po ma mchis pa'i ngo bo nyid la byang chen
mthar gyis spyod pa dang/ mthar gyis slob pa dang/ mthar gyis
nan tan tu bgyi ba/ gang gis bla med rdzogs byang du mngon par
'tshang rgya bar 'gyur ba'i mthar gyis spyod pa dang/ mthar

gyis slob pa dang/ mthar gyis nan tan du bgyi ba mchis par
'gyur/ bcom ldan 'das kyis bka' stsal pa/ rab 'byor 'di ltar
byang chen thog mar sangs rgyas bcom ldan 'das rnams dang/
zhes pa nas/ sher phyin dang phar phyin drug la

spyod do/ /zhes pa'i bar gyis mthar gyis sbyor mdor bstan nas/
de rgyas par 'chad pa la/ rab 'byor gzhan yang byang chen/
zhes sogs gsungs/ gnyis pa la/ rtsa 'grel gnyis las/ dang po
ni/ mdo de'i don 'chad pa la/ sbyin pa

shes rab bar dag dang/ zhes sogs gsungs/ gnyis pa ni/ de nyid
tshig don gyi sgo nas 'chad pa la/ pha rol tu phyin pa bzhi ni/
zhes sogs gsungs/ mdo rtsa 'grel 'di rnams kyi don bsdu na/
lam gyi mthar gyis pa dang/ lam khyad par du

byed pa'i mthar gyis pa dang/ lam dag byed kyi mthar gyis pa
dang gsum las/ dang po la/ sbyin sogs phar phyin drug gi mthar
gyis sbyor drug yod pa rim bzhin ston pa la/ rab 'byor gzhan
yang byang chen sems dang po bskyed pa nas

@02b nye bar bzung ste sbyin pa'i phar phyin la spyod pa'i tshe
bdag kyang sbyin pa gtong/ zhes sogs dang/ rab 'byor gzhan
yang byang chen sems dang po bskyed pa nas nye bar bzung ste
bdag kyang tshul khrims kyi phar phyin la spyod do/ /zhes sogs

dang; rab 'byor gzhan yang byang chen sems dang po bskyed pa
nas nye bar bzung ste bdag kyang bzod pa'i phar phyin la spyod
do/ /zhes sogs dang/ rab 'byor gzhan yang byang chen sems dang
po bskyed pa nas nye bar bzung ste bdag kyang

dge ba'i chos rnams la brtson 'grus rtsom mo/ /zhes sogs dang/
rab 'byor gzhan yang byang chen sems dang po bskyed pa nas nye
bar bzung ste bdag kyang tshad med pa dang bsam gtan dang gzugs
med pa'i snyoms par 'jug

pa la mnyam par 'jog go/ zhes sogs dang/ rab 'byor gzhan yang
byang chen sems dang po bskyed pa nas nye bar bzung ste bdag
nyid kyang sher phyin la spyod cing sbyin pa yongs su gtong
ngo/ /zhes sogs gsungs/ de'i don 'chad pa

la; sbyin pa shes rab bar dag dang/ /zhes dang/ pha rol tu
phyin pa bzhin ni shes rab kyi pha rol tu phyin pa'i nang du
'du ba'i phyir/ sbyin pa'i pha rol tu phyin pa la sogs pa
'khor gsum rnam par dag pas rab tu phye ba drug rnam pa thams

cad du yongs su rdzogs pas sa bcu yang dag par sgrub par byed
pa dang/ zhes gsungs/ gnyis pa la yang sangs rgyas rjes su
dran pa/ chos rjes su dran pa/ dge 'dun rjes su dran pa/ tshul
khrims rjes su dran pa/ gtong ba rjes su

dran pa/ lha rjes su dran pa'i mthar gyis sbyor drug tu yod pa
rim pa bzhin du ston pa la/ rab 'byor gzhan yang byang chen
mthar gyis pa'i bya ba dang/ mthar gyis pa'i slob pa dang/
mthar gyis pa'i sgrub pa la bslabs te sems dang po bskyed

@03a @#/ /pa nas nye bar bzung ste rnam mkhyen dang ldan pa'i
bya bas chos thams cad dngos po med pa'i ngo bo nyid du lhag
par mos pas sangs rgyas rjes su dran pa sgom mo/ /zhes sogs
dang/ rab 'byor ji ltar byang chen

chos rjes su dran pa sgom pa yin zhe na/ rab 'byor 'di la
byang chen sher phyin la spyod pa'i tshe chos rjes su dran pa
sgom pa na/ dge ba'i chos yid la mi byed mi dge ba'i chos yid
la mi byed lung du ma bstan pa'i chos yid la mi

byed; ces sogs dang/ rab 'byor ji ltar byang chen dge 'dun
rjes su dran pa sgom pa yin zhe na/ rab 'byor 'di la byang
chen sher phyin la spyod pa'i tshe dge 'dun rjes su dran pa
bsgoms te/ bcom ldan 'das kyi nyan thos kyi dge

'dun tshul khrims dang ting nge 'dzin dang shes rab dang rnam
par grol ba dang rnam par grol ba'i ye shes mthong ba'i phun
sum tshogs pa'i skyes bu zung bzhi gang zag ya brgyad po de dag
dngos po med pa'i ngo bo nyid du yid la byed do/ /

zhes sogs dang/ rab 'byor ji ltar byang chen tshul khrims rjes
su dran pa sgom pa yin zhe na/ rab 'byor 'di la byang chen
sher phyin la spyod pa'i tshe tshul khrims rjes su dran pa sgom
pa na tshul khrims ma nyams pa skyon med pa/ zhes sogs

dang; rab 'byor ji ltar byang chen sher phyin la spyod pa'i
tshe gtong pa rjes su dran pa 'gyur te/ rab 'byor 'di la byang
chen sher phyin la spyod pa'i tshe gtong pa rjes su dran pa
sgom pa ni dngos po med pa'i ngo bo nyid kyi tshul gyis gtong

ba rjes su dran par bya ste/ zhes sogs dang/ rab 'byor ji ltar
byang chen lha rjes su dran pa sgom pa yin zhe na/ rab 'byor
'di la byang chen sher phyin la spyod pa'i tshe lha rjes su
dran pa sgom pa na rgyal chen bzhi'i ris kyi lhar skyes pa
dang/

@03b zhes sogs gsungs/ de'i don 'chad pa la/ sangs rgyas la
sogs dran dang chos/ /zhes dang/ dran pa nye bar bzhag pa la
sogs pa dang/ byang chub kyi yan lag gi rnam pa dang/ 'phags
pa'i lam yan lag brgyad pa ste/ don dam par dran pa med pa'i
mtshan nyid kyi

sangs rgyas rjes su dran pa rnam pa gsum po go rim bzhin du
nges par 'byed pa'i cha dang mthung pa dang mthong ba dang
sgom pa'i lam rjod par byed pa dang de bzhin du dge ba dang mi
dge ba dang lung du ma bstan pa'i chos rjes su dran pa dang/
snga ma bzhin du byang chub sems

dpa' 'phags pa phyir mi ldog pa'i dge 'dun rjes su dran pa
dang/ de bzhin du tshul khrims dang gtong ba dang lha rjes su
dran pa dang/ zhes gsungs/ gsum pa ston pa la/ rab 'byor gzhan
yang byang chen sher phyin la spyod pa mthar gyis pa'i bya ba
yongs su rdzogs par

'dod pa dang mthar gyis pa'i slob pa dang mthar gyis pa'i
sgrub pa yongs su rdzogs par bya bar 'dod pas sems dang po
bskyed pa nas nye bar bzung ste rnam mkhyen dang ldan pa'i yid
la bya bas dngos po med pa'i ngo bo nyid kyi tshul gyis nang
stong pa nyid la bslab par

bya'o; /zhes pa nas/ bdud kyi ris kyi lha rnams kyis tshugs par
dka' ba yin no/ /zhes gsungs/ de'i don 'chad par/ dngos med
ngo bo nyid kyis ni/ /mthar gyis pa yi bya bar bzhed/ /ces
dang/ gzugs la sogs pa'i chos thams cad dngos po med pa'i ngo
bo nyid du

khong du chud pas rtogs pa gang yin pa de ni 'dir mthar gyis
pa'i bya bar bzhed pa yin no/ /zhes gsungs/ mthar gyis sbyor
sgom tshul yod de/ bya rdzogs kyi skad cig ma'i thung mtha'
gcig la mkhyen gsum gyi rnam pa brgya bdun cu rtsa gsum go rim
nges can du

sgom pa la brten pa thob don du de rnams dkyus gcig la sgom pa
de de'i don yin pa'i phyir/ de ltar sgom pa yang chos bcu gsum
gyis zin pa'i sgo nas tshogs lam gyi skabs su sgom pa mthar
gyis spyod pa dang/ sbyor lam gyi skabs su sgom pa mthar gyis
slob pa

@04a @#/ /mthong sgom gyi skabs su sgom pa mthar gyis nan tan
du bgyi ba yin te/ nyi snang las/ de la sems bskyed par shes
par bya ba'i don du ni spyod pa smos so/ /nges par 'byed pa'i
cha dang mthun pa shes par bya ba'i don du ni slob pa smos so/

mthong ba'i lam dang sgom pa'i lam shes par bya ba'i don du ni
nan tan tu bya ba smos te/ mngon par rtogs pa'i go rim shes
par bya ba'i don du ni gsum char smos pa yin no/ /zhes gsungs
pa'i phyir/ so so ba dang bsdus pa nyi/ /ces pa'i don la/ slob

dpon chen pos shes bya ji snyed pa la so so ba dang ji lta ba
la bsdus pa zhes bshad/ rtog gi snang bar dang po lugs 'byung
dang gnyis pa lugs ldog la bshad/ rnam bshad gnyis dang/ 'bum
phrag gsum pa rnams skabs dang po gsum gyi gnas skabs su
mkhyen

gsum gyi rnam pa bstan pa la so so ba dang/ skabs bzhi par de
bstan pa la bsdus pa zhes pa'i don du bshad do/ /de na mkhyen
gsum gyi rnam pa sgom pa la brten pa thob don du mkhyen gsum
gyi rnam pa sgom par byed pa'i shes rab kyis zin pa'i sems
dpa'i

rnal 'byor gang zhig /rgyun mtha' nga logs tshul chad kyis
bsdus pa/ mthar gyis sbyor gyi mtshan nyid/ dbye na phar phyin
drug gi mthar gyis sbyor ba drug/ rjes dran drug gi mthar gyis
sbyor ba drug/ dngos med ngo bo nyid kyi mthar gyis sbyor ba
dang bcu gsum du yod/ sbyin pa

nyams len gyi bya bas zin pa'i mkhyen gsum gyi rnam pa la
brtan pa thob don du mkhyen gsum gyi rnam pa rim gyis sgom
pa'i shes rab kyis zin pa'i sems dpa'i rnal 'byor gang zhig
/rgyun mtha'i snga logs tshun chad kyis bsdus pa/ sbyin pa'i
mthar gyis sbyor

gyi mtshan nyid/ des phar phyin lhag ma lnga la rigs 'gre'o/
/sangs rgyas rjes dran gyi nyams gyi len bya bas zin pa'i/
zhes sogs/ sangs rgyas rjes dran gyi mthar gyis sbyor gyi
mtshan nyid/ des chos/ dge 'dun/ tshul khrims/ gtong ba/ lha
rjes dran rnams la

@04b rigs 'gre'o/ /sa mtshams theg chen gyi tshogs lam nas rgyun
mtha'i snga logs kyi bar du yod/ kha cig /mkhyen gsum gyi rnam
pa go rim nges can du sgom pa'i sems dpa'i rnal 'byor/ mthar
gyis sbyor ba'i mtshan nyid zer ba/ mi 'thad de/ de go rim
'chol

bar sgom pa'i de yod pa'i phyir/ kha cig /de ltar sgom pa'i
shes rab kyis zin pa'i zhes sogs zer ba mi 'thad de/ theg chen
gyi tshogs lam de mthar gyis sbyor yin pa'i phyir/ kha cig
/mkhyen gsum gyi rnam pa sgom pa'i sems dpa'i rnal 'byor/ de'i

mtshan nyid zer ba mi 'thad de/ theg chen gyi mthong lam bar
chad med lam dang/ mkhyen gsum gyi rnam pa sgom pa'i rgyun
mtha'i ye shes kyis ma nges pa'i phyir/ kha cig /mthar gyis
sbyor ba'i chos bcu gsum rim can du sgom pa de mthar gyis
sbyor

sgom pa'i don yin zer ba mi 'thad de/ 'grel pa dang 'gal ba'i
phyir te/ rgyan gyi don drug tu bsdus pa'i skabs su mthar gyi
sbyor bas mkhyen gsum gyi rnam pa rim can du sgom pa de de'i
sgom tshul du bshad pa'i phyir te/ des na rtogs pa'i dngos po

nges par bya ba'i phyir so so ba dang mtha' dag tu rnam par
sgom pa'i don gzhung srong bar byed pa'i mthar gyis pa'i mngon
par rtogs pa ni rnam pa thams cad mkhyen pa nyid gsum gyi go
rim gyi gnas skabs yin no/ /zhes gsungs pa'i phyir/ gzhung don

ni; mthar gyis sbyor chos can/ du mar yod de/ bcu gsum du yod
pa'i phyir/ gsum pa skabs bsu pa ni/ shes rab kyi pha rol tu
phyin pa'i man ngag gi bstan bcos mngon par rtogs pa'i rgyan
'grel pa dang bcas pa'i rnam bshad rnam pa gnyis kyi dka'

ba'i gnad gsal bar byed pa legs bshad skal bzang klu dbang gi
rol mtsho zhes bya ba las skabs drug pa'i dka' ba'i gnad legs
par bshad ba'o// //smras pa/ bslab pa la ni rim gyis 'jug pa
yi/ /le'u'i mdo li sbas don mthar gyis

@05a @#/ /pa; mtshon byed chos rnams gsal byed mthar gyis pa'i/
/skabs kyi rtsa 'grel don rnams ji bzhin du/ /legs par bshad
pa rjes btsun mkhyen pa'i gter/ /gsung gi gnad rnams yongs
'dzin dam pa yi/ /gsung las byung ba ji bzhin

yi ger bkod/ /dge bas bdag gzhan sangs rgyas myur thob shog
/sher phyin spas don rin chen gsal ba'i gter/ /mdo rgyan 'grel
gsum sbyar ba'i legs bshad che/ /klu dbang rol mtsho rgyas byed
sbyor brtson dges/ /rmad byung bshad sgrub dga' ston rgyas

gyur cig/ //dge legs 'phel// /